Blog

Umuhanzi w’umunya-Tanzania, Zuhura Othman Soud uzwi nka Zuchu yahakanye amakuru avuga ko yaba ari mu rukundo na n’umuhanzi Diamond Platnumz.

Umwaka ushize mu mpera zawo nibwo haje inkuru y’uko umuhanzi Diamond ari mu rukundo n’umuhanzi ubarizwa mu nzu ye itunganya umuziki ya WCB, Zuchu.

Zuchu aganira na Wasafi Media, yavuze ko ari ibinyoma kuko umwaka wa 2021 wose yamuze nta mukunzi afite.

Ati 'nta mukunzi mfite, mu by’ukuri maze igihe kinini nta mukunzi mfite. Ni nk’umwaka.'

Uyu muhanzikazi w’imyaka 28 yavuze ko kandi nta kimwirukansa mu rukundo aho ategereje umuntu wa nyawe, ngo inkundo zirukankiwemo ntiziramba.

Ibihuha by’uko bakundana byakuze cyane mu minsi ya Noheli ubwo Zuchu na Diamond bari basohokanye maze Diamond agasangiza abantu amashusho bari kumwe.

Ubwo nyina wa Zuchu yabazwaga uby’umubano wa Diamond n’umukobwa we yavuze ko nta makuru abifiteho.

Nyuma y’uko atandukanye na Tanasha Donna muri Werurwe nyuma yo kubyarana umwana w’umuhungu, uyu muhanzi yagiye avugwa mu rukundo n’abakobwa batandukanye ariko bose bikaza kugaragara ko atari byo.

Zuchu yahakanye urukundo rwavuzwe hagati ye na Diamond

Dr. Antoine Rutayisire yabivuze mu materaniro yabaye mu mpera z’icyumweru gishize ubwo yariho asezeranya abageni bari baje gusezeranira mu rusengero rwe.

Yatangiye agira 'Abakristo murambabarira kuko ngiye gukoresha amagambo ubundi ntakoresha hano ! Turambiwe kureba Pornographie mu rusengero.'

Yakomeje agira ati 'Umukobwa araza, akaza yambaye bwa buntu wamubwira ngo azamure ukuboko, ibere ryose rigasohokamo ukaribona uko ryakabaye, uko ryakuze.'

Rev Past Rutayisire yagaye iyi myitwarire, avuga ko ikwiye guhinduka, abagana urusengero bakaza bambaye bikwije, by’umwihariko abakobwa bagiye kurushinga, bakambara amakanzu abakwiriye.

Ati 'Umukobwa wese ajye akora ibishoboka byose amenye ko ikanzu ye y’ubukwe ifunze hejuru, murabyumvise ? Ikanzu y’ubukwe ibe ifunze hejuru.'

Rutayisire yakomeje avuga ko imyambarire itikwije ishobora kubangamira umukozi w’Imana uri kuganira n’abakirisitu, ati 'Bitera ishyano iyo umuntu umubwiye ngo azamure ukuboko, ikanzu ikamanuka, ukareba hirya kugira ngo abanze azamure ikanzu.'

Uyu Mukozi w’Imana yavuze ko ibintu bikwiye guhinduka 'guhera uyu munsi’, aho umukobwa uzajya wemererwa gusezerana, ari uwambaye ikanzu isatuye kugera hejuru y’amavi, mu gihe yaba yahisemo kwambara ikanzu imeze gutyo.

Ati 'Ntabwo nanze ko muzisatura, ariko nimuzisature mugarukirize hejuru y’amavi. Muri iyi minsi twabisabwe n’ababyeyi bamwe na bamwe.'

Uyu mubyeyi yabivuze mu kiganiro kihariye yagiranye na UKWEZI TV aho yavuze ko yaje aturutse mu Ntara y’Amajyaruguru aje gukurikirana urubanza rw’umuhungu we uri kuburana ubujurire ku gihano yakatiwe.

Ubwo yari asohotse mu cyumba cy’urukiko ubwo Urubanza rwari rumaze gusubikwa, uyu mubyeyi wa Cyuma yagize ati '[abanje kwimyoza] ntakindi nabonye uretse agahinda nagize mbonye umuhungu wanjye yarananutse cyane kandi ataka cyane ati 'ntabwo mfunzwe nk’abandi’ ati 'Mfunzwe gusumbya abishe abantu muri Jenoside’.'

Uyu musaza avuga kandi ko yigeze kuzanira umuhungu we Bibiliya ubwo yari afunzwe na we agahita afungwa, akavuga ko uko yamubonye byamusubije muri ibyo bihe.

Ati 'Byaneteye agahinda nk’ako nari mfite ndi muri gereza ubwo namuzaniraga bibiliya ngafungwa, icyo kikaba ari cyo mfungirwa.'

Muri iki kiganiro, uyu musaza yanyuzagamo akagaragaza agahinda kenshi, nk’aho yageze akagira ati 'N’ubu mfite agahinda ku buryo kumbaza no kumva ijambo rimvuye mu kanwa, agahinda ni ko kenshi namubonye amarira aragwa.'

Uyu mubyeyi yunga mu cyifuzo cy’umuhungu we, akavuga ko Ubutabera bwamurekura akaburana ari hanze cyangwa se agafungwa nk’abandi.

IKIGANIRO CYOSE

UKWEZI.RW

Minisitiri Biruta yakiriye Amb Peter Vrooman

Urubuga rwa Twitter rwa Minisiteri y’Ububanyi n’amahanga, rwatangaje ko abo bayobozi bombi baganiriye ku mibanire, ubufatanye mu by’ubuzima, imihindagurikire y’ikirere n’umutekano.

Minisitiri Biruta akaba yaboneyeho kumwifuriza ishya n’ihirwe mu nshingano zindi agiye gukomeza.

Peter Hendrick Vrooman, yari amaze imyaka isaga ine ari Ambasaderi wa Leta Zunze Ubumwe za Amerika mu Rwanda, umwaka ushize muri Nyakanga nibwo Perezida wa Leta Zunze Ubumwe z’Amerika, Joe Biden, yamuhinduriye inshingano, bikavugwa ko yimuriwe muri Mozambique.

Peter H. Vrooman wari umaze kuba inshuti ikomeye y’u Rwanda n’Abanyarwanda, ku wa 6 Mata 2018 ni bwo Perezida Paul Kagame yakiriye impapuro zimwemerera guhagararira Leta Zunze Ubumwe za Amerika mu Rwanda, aho yari asimbuye Erica Barks-Ruggles, wari kuri uyu mwanya kuva mu 2014.

Kalimpinya Queen

Ni Nyuma y’uko uwiyitiriye Kalimpinya ku mbuga nkoranyambaga, akomeje gukoresha amashusho n’amagambo y’urukozasoni.

Kalimpinya Queen wari mu bakobwa bahataniye ikamba rya Miss Rwanda mu 2017, abinyujije ku mbuga nkoranyambaga ze, yagaragaje ko ahangayikishijwe n’umuntu wamwiyitiriye ku rubuga rwa Twitter, ukomeje gukoresha amagambo n’amashusho y’urukozasoni, ibyo avuga ko bihabanye n’indangagaciro ze.

Kalimpinya kandi yahise anatangaza ko yamaze gutanga ikirego cye muri RIB kugira ngo abashe kurenganurwa.

Yanditse agira ati 'Mwiriwe neza! Iyi account (@6_pazzo) ntabwo ari iyanjye, maze igihe ntakoresha Twitter sinari narabonye ko hari uwanyiyitiriye akaba asakaza imvugo n’amashusho ahabanye n’Indangagaciro zanjye. Natanze ikirego muri RIB kandi nizeye ubufasha. Mbaye niseguye ku waba yarababajwe nabyo'.

Umuvugizi wa RIB, Dr Murangira B. Thierry, yahise na we amusubiza ndetse amushimira kuba yitabaje inzego zibishinzwe, agira ati 'Wagize neza kwitabaza Ubugenzacyaha, ikirego cyawe kirakurikiranwa'.

RIB isaba abantu gusobanukirwa no kwirinda kwiyitirira umwirondoro w’undi kuko ari icyaha gihanwa n’igifungo kuva ku myaka itatu kugera kuri itanu, n’ihazabu kuva kuri miliyoni imwe y’Amafaranga y’u Rwanda kugera kuri miliyoni eshatu (3).

Bashunga Abouba, umunyezamu wa Rayon Sports yatumiwe n’ikipe ya FC Setubal yo mu cyiciro cya 3 muri Portugal kujya kuyikoramo igeragezwa ry’iminsi 30.

Nk’uko bigaragara mu ibaruwa ya tariki ya 29 Ukuboza 2022, iyi kipe yandikiye Ambassade ya Portugal muri Kenya, bayimenyesheje ko hari umukinnyi w’umunyarwanda bifuza ko ajya muri iki gihugu gukora igeragezwa.

Muri iyi baruwa, perezida w’iyi kipe Mario Jorge Leandro da Silva yamenyesheje Amabasaderi wa Portugal muri Kenya ko bifuza ko Bashunga yajya gukora igeragezwa muri Portugal.

Yagize ati 'njyewe, Mario Jorge Leandro da Silva, perezida w’ikipe ya FC Setubal yanditse mu ishyirahamwe ry’umupira w’amaguru muri Portugal, turashaka kubasangiza ubutumire bwacu kuri Mr. Abouba Bashunga, umunyarwanda ufite passport nimero (twanze kuzandika), umukinnyi w’umupira w’amaguru ko tumukeneye vuba bishoboka ngo akore igeragezwa ry’iminsi 30 harimo kuba yasinya amasezerano y’akazi n’ikipe yacu mu rwego rwo kongera ingufu mu gihe cy’igura ry’abakinnyi.'
Iyi kipe kandi niyo izatunga mu gihe uyu mukinnyi mu gihe azaba ari muri iki gihugu mu igeragezwa.

Basabye Ambassade ya Portugal muri Kenya kubafasha ku bijyanye n’uyu mukinnyi, ni mu gihe mu Rwanda nta Ambassade ya Portugal ihari, ukeneye kujya muri iki gihugu ajya gushaka ibyangombwa muri Kenya.

ISIMBI yagerageje kuvugana n’ubuyobozi bwa Rayon Sports ngo imenye igihe uyu musore ashobora kugendera ariko ntibyakunda kuko umuvugizi w’iyi kipe telefoni ye itari ku murongo.

Amakuru ISIMBI yamenye yakuye hafi mu nshuti z’uyu mukinnyi ni uko nta gihindutse ku munsi w’ejo ku wa Kane ari bwo Bashunga Abouba azafata rutimikirere yerekeza muri Portugal muri FC Setubal ikina mu cyiciro cya 3, ndetse amakuru avuga ko nta geragezwa azakora azahita asinyira iyi kipe.

Bashunga Abouba agiyeyo yaba abaye umunyarwanda wa 3 ugiye gukina muri Portugal, ni nyuma Mutsinzi Ange Jimmy ukinira CD Trofense yo mu cyiciro cya kabiri ndetse na Dylan Maes wakiniye Amavubi U20 ubu akaba akinira Sintrense SAD yo mu cyiciro cya 3.

Bashunga Abouba mu nzira zerekeza muri Portugal

David Sassoli

Umuvugizi we, Roberto Cuillo, abinyujije kuri Twitter ye yavuze ko yashizemo umwuka mu gitondo cyo kuri uyu wa Kabiri tariki 11 Mutarama 2022 saa saba na cumi n’itanu.

David Sassoli wavukiye i Florence mu Butaliyani taliki 30 Gicurasi 1956, yabarizwaga mu ishyaka ry’aba Democrate. Yize ibijyanye na Politiki muri Kaminuza y’i Roma, ariko aza gukora itangazamakuru mu binyamakuru by’iwabo.

Taliki 1 Nyakanga 2014, nibwo Sassoli yatorewe kuba Umuyobozi wungirije w’Umuryango w’ibihugu by’i Burayi ku majwi 393, nyuma yaho taliki 2 Nyakanga 2019, nibwo yasabwe n’ihuriro riharanira iterambere ry’abasosiyaliste n’abademokarate, nka Perezida mushya w’Inteko Ishinga Amategeko ya EU, umunsi ukurikiyeho ahita atorwa ku majwi 345.

David Sassoli wabaye Perezida wa karindwi wa EU kuva muri 2019, Manda ye yagombaga kurangirana n’uku kwezi gusa, kuko ngo atateganyaga kwiyamamariza indi.

Ikipe ya Gasogi United yasubukuye imyitozo kuri uyu wa Kabiri aho yitegura umukino uzayihuza na Gicumbi Fc ku wa Mbere tariki 17/01/2022, ubwo shampiyona izaba yongeye gusubukurwa.

Mbogo Ally (uri ibumoso) yahawe imbabazi agaruka mu myitozo ya Gasogi United

Mbere y’uko shampiyona isubikwa, mu mukino ikipe ya APR FC yatsinzemo Gasogi United igitego 1-0, umukinnyi Mbogo Ally yakoze ikosa ryavuyemo igitego, bituma umutoza Guy Bukasa avuga ko amujugunye muri Poubelle (aho bamena imyanda) uwashaka yaza akamujyana.

Nyuma y’imyitozo yo kuri uyu wa Kabiri, umutoza Guy Bukasa yatangaje ko umukinnyi yasabye imbabazi akaba yaranazihawe, akaba ari no mu bakinnyi uyu mutoza ashobora kuzifashisha mu mikino bafite uhereye ku wo bazasubukuriraho.

Yagize ati 'Arahari, ni umwaka mushya, ntekereza ko buri wese afite uburenganzira bwo guhabwa amahirwe ya kabiri, iyo uyobora ikipe uba uri nk’umubyeyi, buri mwana wese ashobora gukora ikosa ariko iyo asabye imbabazi akavuga ko atazasubira muri ayo makosa, ni inshingano zacu zo kwemera imbabazi yasabye, ukamuha umwanya wo kwisubiraho, ni byo byakozwe ubu ari mu bakinnyi tuzifashisha'

Gasogi United yasubukuye imyitozo

Ikipe ya Gasogi United kugeza ku munsi wa 11 wa shampiyona, iri ku mwanya wa cyenda n’amanota 13, aho imaze gutsinda imikini itatu gusa, inganya inshuro enye inatsindwa inshuro enye.

Nk’uko byatangajwe n’umuyobozi mukuru wa Canal+ Rwanda, Sophie Tchatchoua, ubu umufatabuguzi mushya wa Canal+ ashobora kugura dekoderi n’ibikoresho byayo ku mafaranga y’u Rwanda 5000 gusa hanyuma no kubitunganya (installation) bigakorwa ku mafaranga 5000 gusa.

Si ibyo gusa kandi kuko Canal+ yifuje kudabagiza n’abasanzwe ari abakiliya bayo ibaha iminsi 15 y’ubuntu bareba amashene yose uko bongereye ifatabuguzi ryabo muri uku kwezi kwa Mutarama. N’uguze abonoma ya 5000, azamara iminsi 15 areba amashene yose ya Canal+.

By’umwihariko muri iyi mikino nyafurika ya CAN, Canal+ niyo ifite umwihariko wo kuba izerekana imikino yose ikongeraho n’amakuru, ibiganiro n’ubusesenguzi hamwe n’ibyegeranyo bizatuma abazakurikira aya marushanwa bazaryoherwa bihebuje.

Nta munyarwanda ukwiye gucikwa no gukoresha Canal+ ngo yirebere amashusho meza ya HD kuko uretse ibikoresho bihendutse, n’ifatabuguzi rya macye riha abakiliya amahirwe yo kureba amashene menshi abafasha gususuruka.

Iri fatabuguzi ryitwa IKAZE ni ifatabuguzi ririho amasheni arenga 150 arimo shene icyenda zo mu Rwanda, abakunzi ba siporo bakareba shene ya Canal+Sport 1, hakabaho kandi Novelas TV, Trace Africa, BBC World News, Cartoon Network ndetse n’izindi.

Sophie Tchatchoua, Umuyobozi mukuru wa Canal+ Rwanda

Umuyobozi wa Canal+ Rwanda, avuga ko amashene menshi bafite n’amashusho meza baha Abanyarwanda, hari abataramenya ko bihendutse cyane kuburyo hari abakibeshya ko ubwiza bwa Canal+ butuma iba iy’abakire gusa, nyamara byaramanutse cyane.

Abakunda umupira w’amaguru bazaryoherwa kurutaho na CAN hamwe na Canal+

Ubu umufatabuguzi mushya wifuza kureba amashusho meza ya Canal+, ku mafaranga y’u Rwanda 5.000 gusa ahabwa dekoderi hamwe n’anteye (Dish) n’ibindi byose bijyana, ubundi akabasha kwibonera amashusho meza ya HD.