Blog

Umuhanzi urimo kuzamuka ariko umaze kubaka izina muri Nigeria, Michael Adebayo Olayinka uzwi nka Ruger agiye gutaramira abanyarwanda mu kwezi gutaha.

Inama y’abaminisitiri yateranye tariki ya 26 Mutarama 2022, yakomoreye ibitaramo byari byarahagaritswe kubera ubwiyongere bw’icyorezo cya Coronavirus mu Rwanda.

Uyu muhanzi yateguje abanyarwanda ko tariki ya 19 Gashyantare 2022 azabataramira.

Ati 'Muraho neza Kigali, Ni Ruger ubaramutsa. Tariki 19 Gashyantare 2022 nzabataramira kuri Canal Olympia.'

Ruger ukunze kwiyita Mr Dior aho muri iyi minsi arimo no gukura ibitaramo yise Dior Party, afashwa na D’Prince binyuze muri sosiyete ye ifasha abahanzi yitwa 'Jonzing World Record’

Uyu musore w’imyaka 22, yakunzwe cyane mu ndirimbo 'Bounce’ iri kuri EP ye yasohoye muri Werurwe 2021 hari kandi 'Dior’ yaniyitiriye aho yakunzwe cyane.

Ruger yateguje abanyarwanda ko agiye kuza gutaramira abanyarwanda

Ibaze nawe biramutse bibaye muri iyi isi maze amakuru yose abitse mu ibanga muri za mudasobwa akinjirwamo mu kanya gato cyane hakoreshejwe za mudasobwa z'ibihangange . iki nicyo bamwe bita 'umunsi w'imperuka ushingiye kuri izo mudasobwa zikoresha ikoranabuhanga rizwi nka 'Quantum'.

Kugirango ubyumwe neza, mudasobwa z'ibihangange zikoresha ikoranabuhanga rya Quantum zikora ku buryo butandukanye na za mudasobwa tuzi zatangiye gukorwa mu kinyejana gishize. Ku rupapuro, izi mudasobwa zisiga inshuro nyinshi mu kwihuta za mudasobwa dukoresha muri kino gihe.

Ibi rero bisobanuye ko mudasobwa zisanzwe byazitwara igihe kirekire cyane kubonera igisubizo ibibazo by'insobe kandi bitwara igihe kinini nko kumena urukuta rurinze amakuru y'ibanga abitse muri mudasobwa aho usanga kugira ngo ubigereho ugomba kugerageza kunyura mu nzira zibarirwa muri miliyari nyinshi. Mudasobwa isanzwe byayitwara imyaka myinshi cyane kugirango ibashe kumena urwo rukuta; kubishobora nabyo ni ikindi kibazo.

Ariko za mudasobwa zifite ubushobozi budasanzwe zo mu gihe kizaza, ku rupapuro, ibi zabikora mu masegonda makeya cyane.

Mudasobwa nk'izo zagombye kugira ububasha bwo gusubiza ubwoko bwinshi bw'ibibazo abatuye isi bibaza. Leta y'Ubwongereza irimo gushora imali mu kigo cy'igihugu cy'ikoranabuhanga rya Quantum ahitwa Harwell mu ntara ya Oxfordshire muri gahunda yo guteza imbere ubushakashatsi muri urwo rwego.

Ariko byose nti byera ngo de.

Abajura bo kuri interineti

Hari ibihugu bimwe birimo Amerika, Ubushinwa, Uburusiya n'Ubwongereza birimo gushyira ingufu nyinshi no gushora amafaranga menshi cyane mu gukora za mudasobwa nk'izi zifite ubushobozi buhambaye bwo kunyaruka. Icyo bigamije ni ukurusha ibindi ubushobozi muri uru rwego rw'ikoranabuhanga rya interineti.

Buri munsi, amakuru menshi yo kuri interineti abitswe mu ibanga  harimo akureba n'andeba  hari abayakusanya nta ruhushya tubitangiye maze agashyirwa mu bubiko hategerejwe umunsi mudasobwa z'abajura biba amakuru kuri interineti zizaba zifite ubushobozi buhambaye bw'ikoranabuhanga rya quantum kugirango zibashe kuyinjiramo.

Uwo mushinga bawumurikiye Minisitiri w'Ubutegetsi bw'Igihugu, Gatabazi Jean Marie Vianney, ubwo yasuraga akarere kabo kuri uyu wa Gatanu tariki ya 28 Mutarama 2022.

Kuri ubu ahari Gare ya Ruhango igice kinini ni ibisambu, ahandi ni imbuga isanzwe ku buryo aho wavuga hakoze neza ari agace gato gahagararamo imodoka.

Abaturage batuye n'abagenda mu Mujyi wa Ruhango bavuga ko ibi bituma uyu mujyi udasa neza bikanadindiza iterambere ryawo.

Mukamana Immaculée ati 'Kwinjira muri Gare ahantu harangaye gutya ntaho kugama izuba cyangwa imvura, ntaho gufata icyo kunywa cyangwa icyo kurya, twebwe ubona biduteye ipfunwe kuba nta Gare nziza tugira.'

Umuyobozi wa Ruhango Investment Company, Dr Usengumuremyi Jean Marie Vianney, yavuze ko bamaze gukusanya asaga miliyoni 300 Frw yo kubaka Gare nziza igezweho kandi mu gihe cy'ukwezi kumwe imirimo izaba itangiye.

Ati 'Turateganya gutanga akazi ku rubyiruko n'abandi ndetse tuzubaka inzu zigezweho abikorera ba hano mu Ruhango bazabasha gucururizamo kandi binahindure n'isura y'uyu Mujyi wa Ruhango. Twaganiriye n'ubuyobozi kandi nyakubahwa Minisitiri yatwemereye ko mu kwezi kumwe baza kudushyiriraho ibuye ry'ifatizo hanyuma ibikorwa bigatangira, turateganya ko hagati y'imyaka ibiri n'itatu izaba yuzuye.'

Ni Gare izaba igizwe n'igice cy'aho abagenzi bategera imodoka, inzu y'ubucuruzi y'igorofa ndetse n'igice cyagenewe aho gufatira amafunguro.

Minisitiri Gatabazi yashimiye igitekerezo abikorera bagize, abasaba gukomeza gushyira imbaraga mu guteza imbere Akarere ka Ruhango.

Ati 'Ubukungu buzazamuka imirimo igende yiyongera ndetse no gukora neza butaka bwabo bakahatunganya ibibanza byiza abantu bagatangira kuhubaka. Hari n'abandi bashaka kubaka inzu hano mu mujyi bagize ibibazo kugira ngo haboneke ubutaka bwa Leta na byo tuzabikorera ubuvuguzi.'

Umushinga wo kubaka gare ya Ruhango uhuriweho na Ruhango Investment Company ifitemo imigabane ya 65% n'Akarere ka Ruhango gafiteho 35%.

Igice kizaba kigenewe Restaurant muri Gare nshya ya Ruhango

Igishushanyo mbonera cy’inzu y’ubucuruzi igiye kubakwa muri Gare ya Ruhango

Inyubako y’ubucuruzi izubakwa muri Gare ya Ruhango

Minisitiri Gatabazi yasabye abikorera gukomeza kugira uruhare mu iterambere ry’Akarere ka Ruhango

Minisitiri w'Ubutegetsi bw'Igihugu, Gatabazi Jean Marie Vianney, yasuye Akarere ka Ruhango

Abatuye n’abagenda mu mujyi wa Ruhango bavuga ko kutagira Gare igezweho bibatera ipfunwe

[email protected]

Ishyamba si ryeru mu ikipe ya Police FC hagati y’abakinnyi, abatoza bungirije ndetse n’umutoza mukuru Frank Nuttall utumva inama zabo agakora ibye ku giti cye.

Ikipe ya Police FC yasoje imikino ibanza ya shampiyona iri ku mwanya wa 6 n’amanota 23, mu mukino 15 yatsinzemo 6, itsindwa 4 inganya 5.

Uko iminsi igenda ishira ni ko umwuka mubi ukomeza kugenda ututumba muri iyi kipe kubera umutoza mukuru w’iyi kipe usa n’aho ngo yabaye nyamwigendaho udashaka kumva inama z’abamwungirije barimo Kirasa Alain na Corneille ushinzwe kongerera ingufu abakinnyi ba Police FC.

Iyo urebye mu mikino itambutse ikipe ya Police FC yagiye itsindwa ya hato na hato mu buryo budasobanutse nk’aho banganyije na Rutsiro FC bakishyuye ku munota wa nyuma, gutsindwa na Bugesera ndetse na APR FC.

Iyo uteye icyumvirizo wumva umwuka atari mwiza muri iyi kipe aho abatoza bungirije batishimiye ibyemezo by’umutoza mukuru kuko bumvikana ibintu yagera imbere akabihindura byose, ngo ni umuntu utumva inama zabo.

Duhereye ku mukino w’ejo abantu benshi batunguwe no kubona umukinnyi Hakizimana Muhadjiri yamubanje hanze y’ikibuga, ni mu gihe mu myitozo ya nyuma bari bumvikanye ko agomba kubanza mu kibuga ariko abihindurira muri 'Reunion Technique’.

Umwe mu bantu ba hafi b’iyi kipe yabwiye ISIMBI ati 'uriya mutoza ntabwo yumva, abamwungirije ntabumva, ntagirwa inama, ibintu byose abikora ku giti cye, nabo hari ibiba bikabatungura, nk’ubu mu bakinnyi babanje mu kibuga sibo bari bumvikanye, batunguwe no kubona urutonde rubanzamo rwahindutse.'

Uyu mutoza uretse kutumvikana n’abatoza bamwungirije, n’ubuyobozi bwa Police FC ntabwo abwumva cyane ko inshuro zirenze imwe yabujije umuperezida w’iyi kipe kuvugana n’abakinnyi amubwira ko mu gihe atabanje kumubwira ibyo ashaka kubabwira.

Uretse ibi kandi n’abakinnyi ubwabo ntabwo bamwumva bitewe n’uburyo agenda ahinduranya abakinnyi, ndetse n’ubuyobozi bukaba butumva ukuntu kugeza uyu munsi umukinnyi Martin Fabrice atabona umwanya ubanzamo.

Amakuru avuga ko ubuyobozi bwa Police FC uyu mutoza adahinduye imikorere ngo akorane neza n’abamwungirije, bushobora gufata umwanzuro wo kumusezerera.

Frank Nuttall bivugwa ko umwuka atari mwiza hagati ye n’abamwungiriza

N’abakinnyi ntabwo bumvikana n’umutoza mukuru

Uburyo atoranyamo abakinnyi babanza mu kibuga nabyo ntibivugwaho rumwe

Umuyobozi w’ikipe ya Gasogi United, Kakooza Nkuriza Charles [KNC] yavuze ko yisubiyeho ku cyemezo cyo gukura ikipe ye muri shampiyona ariko ahamya ko atazigera agaruka ku kibuga.

Ku munsi wo ku wa Kane tariki ya 27 Mutarama 2022, Rayon Sports yakiriye Gasogi United inayitsinda 1-0, gusa ntabwo iyi kipe yakiriye neza ibyavuye mu mukino kuko ngo umusifuzi yanze igitego cyabo cyatsinzwe na Nkubana Marc.

Ibi n’ibyo byateye umujinya KNC avuga ko asezeye muri shampiyona ndetse ko ikipe ye ayikuyemo itazakina imikino yo kwishyura kuko arambiwe gushora amafaranga mu mupira wuzuye umwanda.

Abakunzi b’iyi kipe bakaba bahise bandika bamusaba ko yakwisubiraho ku cyemezo yafashe akaba yagaruka muri shampiyona.

Mu kiganiro One Sports cyatambutse ejo hashize ku wa Gatanu cyo kuri Radio1 abereye umuyobozi, KNC yavuze ko gukura ikipe muri shampiyona hari ababa babirenganiyemo nk’abakinnyi, ngo ikipe izakomeza ikine ariko ntazongera kugaruka ku kibuga.

Ati 'Icyo ntekereza nyuma yo kureba ingaruka bishobora kugira wenda no ku bantu batabigizemo uruhare, nk’abakinnyi ntabwo wavuga ngo wahagaritse Shampiyona muri phase aller, isoko ryo kugura no kugurisha rirangira uyu munsi, icya kabiri nta muntu waba uhimye. Icyemezo cyafashwe ni uko ubu ni njyewe utazongera gusubira mu kibuga, ikipe tuzajya tuyifasha nk’uko bisanzwe ariko kuvuga ngo ngiye kuri stade kureba umupira reka reka.'

KNC uri mu bihano yahawe na FERWAFA kubera amagambo yavuze kuri mugenzi we wa Kiyovu Sports, Juvenal Mvukiyehe ko agurisha imikino, gutesha agaciro umusifuzi wasifuye umukino ikipe abereye umuyobozi yahuymoe na Police FC aho yahanishijwe imikino 8 atagera ku kibuga harimo ibiri isubitse ndetse n’ihazabu y’ibihumbi 150, avuga ko nta bwoba afite bw’uko ashobora kongera guhanwa kuko ibyo yavuze ari ukuri.

KNC yasezeye ku kibuga burundu, yemera kugarura ikipe muri shampiyona

Raporo iherutse kujya hanze y'Ikigo gishinzwe guteza imbere ibyoherezwa mu mahanga bikomoka ku buhinzi n'ubworozi (NAEB) igaragaza ko mu 2020/2021, u Rwanda rwinjije miliyoni 444.8$ (arenga miliyari 447 Frw) aturutse mu buhinzi.

Uretse icyayi na kawa, imboga, imbuto n'indabo biri mu byinjiriza Igihugu amafaranga menshi. Muri ibi bihingwa mu 2020, imboga zari zihariye 62,5% by'ibihingwa byo mu cyiciro cya 'horticulture' Igihugu cyohereje ku isoko ryo mu karere, imbuto zari zihariye 37,25%. Ku isoko mpuzamahanga imboga zari zihariye 37,49%, mu gihe imbuto zari zihariye 62,75%.

Ibi bigaragaza uburyo ubuhinzi burimo inyungu ifatika, kandi ko intego Leta yihaye yo guteza imbere ubuhinzi biciye mu ishoramari rigamije kuhereza umusaruro mu mahanga iri kugerwaho.

Leta y'u Rwanda ikomeje korohereza abakora ubucuruzi bwambukiranya imipaka, hifashishijwe ingamba zitandukanye n'amasezerano u Rwanda rufitanye n'ibindi bihugu.

U Rwanda rwagiranye amasezerano y'ubucuruzi n'ibihugu byo mu Muryango w'Isoko Rusange ry'Ibihugu bya Afurika y'Iburasirazuba n'Amajyepfo. U Rwanda kandi rufitanye amasezerano nk'aya n'ibihugu byo mu Muryango w'Ubumwe bw'u Burayi, ibyo muri Afurika y'Iburasirazuba n'ibindi.

Ibi bikorwa byose bizafasha abahinzi n'abashaka gucuruza hanze kugira isoko no guteza imbere imibereho yabo bakanagira uruhare mu guteza imbere ubukungu bw'igihugu.

Muri iyi nkuru turarebera hamwe ibihingwa bikomeje kwinjiriza u Rwanda amafaranga menshi ku buryo n'abahinzi bashobora kubyibandaho mu bikorwa byabo, ndetse n'abifuza gushora imari mu buhinzi bakaba batangira kubyitegereza.

Imiteja

Imiteja iri mu bihingwa byunguka kandi bihora bikenewe buri mwaka. U Rwanda rufite isoko ryayo mu Bubiligi, u Bufaransa, u Bwongereza na Dubai.

Kuri hegitare imwe hashobora kwera toni 10, ikilo kimwe kikagurishwa 500 Frw.
Raporo yakozwe mu 2020 n'ikigo cyitwa TRAIDE cyo mu Buholandi yarekanye ko muri 2018 Isi yari ikeneye nibura toni ibumbi 451 z'imiteja iturutse mu Rwanda kandi ko buri mwaka zigenda zaguka.

Mu Rwanda imiteja ihingwa mu Turere twa Gasabo, Rwamagana, Kayonza, Bugesera, Kirehe na Nyagatare. Ikunze kwera mu duce turimo ubushyuhe buri hagati ya 20°â€”25°C n'ubutaka bushyushye ku kigero kiri hagati ya 18°â€”24°C.

Mu 2019 u Rwanda rwagurishije mu mahanga kilogarama 5.858.876 rwinjiza 3.708.855 Frw.

Uretse kuyihinga, NAEB igaragaza ko abantu bashobora no gushora imari mu bikorwa byo kubika imiteja kugira ngo imare igihe kinini itarangirika.

Ubuhinzi bw’imiteja ni bumwe mu bwo Abanyarwanda bashobora kwibandaho mu 2022

Amatunda

Kubera ubutaka bwiza n'ikirere gihehereye, u Rwanda ruri mu bihugu byiza byo guhingamo amatunda.

Ubwoko bw'amatunda ahingwa mu Rwanda harimo Passiflora (purple passion fruit na Flavicarpa (yellow passion fruit), sweet passion fruit hamwe, Giant Passion fruit na Banana Passion fruit.

Amatunda yera mu gihe kingana n'amezi atandatu cyangwa umunani. Ayitwa Passiflora (purple passion fruit) ni yo akunze guhingwa mu Rwanda no kugurishwa mu mahanga cyane cyane ku masoko y'i Burayi.

Isoko ry'amatunda ku Isi hose rifite agaciro ka miliyoni 861$, aya mafaranga aturuka muri toni 375,300 zikenerwa buri mwaka.

'Manufacturing Africa report' igaragaza ko ushobora kunguka 48% mu gihe igiciro waranguriyeho ari 4,840$ kuri toni imwe.

Iyi raporo igaragaza ko kohereza amatunda mu mahanga bishobora gutwara 1800$ kuri toni imwe, ugendeye ku biciro byashyizweho na RwandAir mu korohereza abacuruzi.

Umuyobozi Mukuru wa Jacks Business Group, ikorana n'abashoramari mu byo guhinga amatunda yavuze ko izi mbuto ari kimwe mu bihingwa biri gushakishwa cyane ku isoko kandi ko iyo ahinzwe mu buryo burimo ubuhanga avamo inyungu nyinshi.

Mu 2019, u Rwanda rwohereje mu mahanga ibilo 529.156 by'amatunda rukuramo 357.909$.

Ubuyobozi bwa NAEB buvuga ko igihingwa cy'amatunda ari kimwe mu bihingwa bishobora guteza imbere abagihinga ku buryo bwihuse.

Amatunda akunzwe guhingwa muri Gakenke, Rulindo, Gicumbi, Musanze na Burera.

Chia seeds (imbwiso)

Chia seeds ni igihingwa kidakenera ifumbire, gihingwa mu Rwanda kandi gikunzwe koherezwa i Burayi no muri Amerika y'Epfo.

Ni igihingwa umuntu ahinga yizeye ko azunguka kuko abanza agakorana amasezerano n'umuguzi mbere yo guhinga buri mezi atatu.

Chia seeds yamenyekanye mu Rwanda nyuma y'uko Bertrand Nkurikiyimana wo muri Akenes and Kernels amaze gutangiza uyu mushinga muri Ngoma.

Akenes and Kernels Ltd na Api Organic Rwanda Ltd ni sosiyete zashinzwe n'Abanyarwanda baba muri diaspora yo mu Bubiligi na Zambia, nyuma y'uko Perezida Paul Kagame abakanguriye gushora imari mu Rwanda no kuhakorera ibikorwa bizamura ubukungu ubwo bari muri Rwanda Day yari yabereye mu Bubiligi mu 2017.

Chia Seeds zakomeje guhingwa n'abahinzi bifatanyije na Akenes and Kernels na Api organic Rwanda mu gukora ubucuruzi bwazo hanze.

Umwe mu bahinzi ukorana nabo, Mukwiye Fabrice yavuze ati 'Guhinga Chia seeds birunguka mu gihe gito cyane kuko zikenerwa mu bintu byinshi bitandukanye.'

Mu byo zifasha harimo kugabanya umuvuduko w'amaraso no kurinda indwara z'umutima.

Kuri hegitare imwe hasarurwa hagati y'ibiro 800 zabaye nke, zaba nyinshi kuri hegitare hakera ibiro 1200. Chia seeds zigurwa 3000 Frw ku kilo zikaba zikunze guhingwa muri Kirehe, Bugesera, Kayonza, Nyagatare na Rwamagana.

Urusenda

Urusenda narwo ruri mu bihingwa biri kunguka cyane ku isoko, cyane cyane iryo mu bihugu nk'u Bushinwa, Leta Zunze Ubumwe za Amerika, Dubai, u Bubiligi n'u Budage.

Zimwe mu nsenda zikunze guhingwa mu Rwanda harimo Rwandan bird eye chili, Red chili, Orange chili, Yellow chili and Habanero.

Ku mwaka u Burayi bukenera toni miliyoni 1,3 z'urusenda. Izi zihwanye na miliyari 2.7$. U Bushinwa bukenera toni 78.500 zifite agaciro ka miliyoni 56$.

'Manufacturing Africa report' ivuga ko urusenda rushobora kuvamo inyungu (Gross profit) ya 49% mu gihe toni imwe yagurishijwe 4.360$.

Abahinzi b'urusenda mu Rwanda bavuga ko ku cyumweru bashobora kunguka ibihumbi 500 Frw kuri hegitari 21.

Abahinzi bamwe mu Rwanda bakorana na sosiyete zifite amasezerano y'amasoko hanze nka Gashora farms, yagiranye amasezerano n'Abashinwa yo kubohereza toni 50.000 kuri miliyoni 100$.

Macadamia

Imbuto za Macadamia ziri mu bihingwa bicuruzwa cyane kandi bifite isoko rigenda ryaguka umunsi ku munsi.

NAEB igaragaza ko mu Rwanda hari ibigo byamaze kwinjira mu bucuruzi bwa Macadamia birimo Norlega Macadamia Rwanda na Rwanda nut.

Abakiliya benshi ba Norlega Macadamia Rwanda harimo hoteli, amaguriro ya kijyambere n'abandi.

Macadamia zikunze koherezwa no mu bindi bihugu nka Kenya, u Buyapani na Turukiya.

Igiti cya Macadamia gitangira kwera nyuma y'imyaka 4-5, umusaruro ugenda wiyongera uko kigenda gikura, igiti kimwe gitanga ibilo biri hagati ya 50 na 75.

Ibi bivuze ko umuhinzi yejeje ibiro 75 ku giti kimwe yaba afite amafaranga ibihumbi 26 Frw kuko ikilo kigurishwa 350 Frw.

Ku mwaka u Rwanda rwohereza mu mahanga toni 16.000 za Macadamia, rukinjiza miliyoni 30$. Iki gihingwa gikunze kwera muri Bugesera, Nyanza na Ngoma.

Avoka

Avoka ni kimwe mu bihingwa bimaze kugaragaza ko bikunzwe kandi bifite isoko ryagutse hirya no hino ku Isi.

Mu Rwanda iki gihingwa cyera cyane mu Ntara y'Amajyepfo, mu turere twa Gisagara, Huye, Nyanza; mu Burengerazuba muri Rusizi, mu Majyaruguru ndetse n'igice gito cy'Umujyi wa Kigali.

Mu gihugu hahingwa ubwoko butandukanye bwa avoka burimo Hass, fuerte, Ettinger, Booth, Choquette, collisson, Nabal, Puebla, Reed, Simmonds, Pinkerton na Bacon.

Avoka zera ahantu hari ubushyuhe buri hagati ya 15ºC na 30 ºC ndetse ubutaka bwaho bukaba bufite ubuhehere bugereranyije.

Igihe cyiza cyo gutera avoka ni umuhindo, ni ukuvuga mu mezi ya Nzeri, Ukwakira n'Ugushyingo. Ibi bituma ingemwe zibona amazi ahagije igihe kirekire.

Umusaruro wa mbere utangira kuboneka nyuma y'imyaka ibiri igiti gitewe, usarura kandi nyuma y'amezi atandatu kugera kuri arindwi nyuma y'ururabyo. Umusaruro ku giti uba utandukanye bitewe n'ubwoko wateye.

Imibare itangwa n'Ikigo cy'Igihugu Gishinzwe guteza imbere iyoherezwa mu mahanga ry'ibikomoka ku buhinzi n'ubworozi (NAEB), igaragaza ko mu myaka ibiri ishize u Rwanda rwohereje toni zisaga 700 z'avoka ku isoko mpuzamahanga, zinjiza asaga miliyoni 1,5 y'amadolari ya Amerika.

Mu ijoro ryo ku wa 27 Mutarama 2022, nibwo u Rwanda rwatangaje ko kuva ku wa Mbere tariki 31 Mutarama, Umupaka wa Gatuna uruhuza na Uganda, uzongera kuba nyabagendwa.

Itangazo ryasohowe na Minisiteri y'Ububanyi n'Amahanga n'Ubutwererane y'u Rwanda, rivuga ko icyemezo cyo gufungura umupaka cyafashwe nyuma y'uko Uganda igaragaje ubushake bwo gukemura ibibazo byagaragajwe n'u Rwanda, ari nabyo byari byatumye uwo mupaka ufungwa.

Guverinoma ya Uganda nayo yahise itangaza ko yashimiye icyemezo cyafashwe n'u Rwanda cyo gufungura umupaka wa Gatuna nk'imwe mu ntambwe ziganisha ku kongera kugera ku mibanire myiza hagati y'impande zombi.

Itangazo ryasohowe na Minisiteri y'Ububanyi n'Amahanga ya Uganda kuri uyu wa 28 Mutarama 2022, rivuga ko icyo gihugu gishimishijwe n'uko u Rwanda rwafunguye umupaka, intambwe itewe nyuma y'uruzinduko Umugaba w'Ingabo zirwanira ku Butaka za Uganda, Lt Gen Muhoozi Kainerugaba yagiriye i Kigali.

Gen Muhoozi waje mu Rwanda ku wa 22 Mutarama yaganiriye na Perezida Kagame bemeranya gukemura ibibazo by'umwuka mubi umaze igihe hagati y'ibihugu byombi.

Uganda kandi yashimiye imbaraga abakuru b'ibihugu byombi, Paul Kagame na Yoweri Museveni bakomeje gushyiramo kugira ngo umubano ubashe kuzahurwa no kongera kubaka amateka y'ubufatanye.

Itangazo rigira riti 'Ni ingenzi ku mibereho myiza y'abaturage b'ibihugu byombi. Twizeye gukomeza ubufatanye mu gukemura imbogamizi izo arizo zose ku mubano wacu.'

Uganda kandi yashimiye u Rwanda kuba rwarohereje Intumwa yagiye gutabara Uganda nyuma yo kwitaba Imana kwa Guverineri wa Banki Nkuru ya Uganda, Prof. Emmanuel Tumusiime Mutebile.

Uganda ivuga ko izakomeza gushyira imbaraga no gutanga ibishoboka byose kugira ngo umubano w'ibihugu byombi usubire ku murongo.

Itangazo ryasohowe na Minisiteri y’Ububanyi n’Amahanga ya Uganda rishimira icyemezo cy’u Rwanda cyo gufungura Umupaka wa Gatuna

Umupaka wa Gatuna uzafungurwa ku itariki ya 31 Mutarama