Blog

Aya mafaranga azafasha abaturage 6,700 batishoboye kubona mituweli

Ni igikorwa cyabanjirijwe n’umuganda wo guca imirwanyasuri mu Mudugudu wa Muganza mu Kagari ka Kimisagara, aho abakozi ba BK bifatanyije n’abaturage hagamijwe kugira ngo hafatwe amazi y’imvura aturuka ku ishuri rya Ecole Primaire Muganza agasenyera abaturage bahaturiye.

Ni muri gahunda y’ibikorwa bisanzwe bikorwa na BK byo gufasha abaturage batishoboye bikubiye mu nkingi eshatu zirimo kubungabunga ibidukikije, uburezi hamwe no guhanga udushya ariko bikaba bishobora kwiyongeraho n’ibindi birimo ubuzima, mu rwego rwo gufasha abaturage kurushaho kugira ubuzima bwiza ndetse no kwiteza imbere, bikaba bitegurirwa ingengo y’imari ingana na 1% by’urwunguko Banki ya Kigali iba yagize mu gihe cy’umwaka, aho kuri ubu abaturage bishyuriwe mituweli ari 6,700.

Aba baturage bavuga ko bajyaga bagorwa no kubona uko bivuza bitewe n’uko harimo abafite abana ku buryo byababeraga imbogamizi mu gihe barwaye cyangwa barwaje abana, ari na ho bahera bashimira byimazeyo BK ku gikorwa cy’ubugiraneza yabakoreye kuko bagiye kujya babona ubuvuzi batavunitse.

Abakozi ba BK bifatanyije n’abaturage bo mu Kagari ka Kimisagara gukora umuganda wo guca imirwanyasuri

Helena Murekatete utuye mu Kagari ka Kimisagara, avuga ko afite abana bane hamwe n’umugabo bose bakaba nta mituweli bari bafite, ku buryo bagorwaga no kwivuza mu gihe habaga hari urwaye.

Ati 'Mfite umugabo n’abana bane ariko nta bushobozi twari dufite bwo kwishyura mituweli, ntabwo nabashaga kujya kwivuza n’abana bakarwara bagahera mu nzu, none ndashimira kuko tubona abaterankunga badutekerezaho bakaduha mituweli, bakatwibuka ko natwe tuyikeneye kuko byari bingoye kubona mituweli pe!'.

Mugenzi we witwa Jean Claude Mujyarugamba, ati 'Ibibazo twahuraga na byo ku baturage batuye muri uyu mudugudu, barembaga kubera ko nta bwisungane bafite bakarembera mu rugo, ariko ubu ngubu kuba twabonye ubwo bufasha bwaturutse kuri BK, ubu noneho tugiye kujya twivuza, kubera ko twabashije kubona ubwisungane mu kwivuza.

Umuyobozi wungirije mu ishami ry’amategeko muri Banki ya Kigali, Gideon Rukundo, avuga ko ubuyobozi bw’Umujyi wa Kigali nk’abafatanyabikorwa bawo by’umwihariko Akarere ka Nyarugenge kabegereye kakabasaba ubufasha muri gahunda yo kwishyurira ubwisungane mu kwivuza abaturage batishoboye.

Ati 'Tuje kubashyikiriza iyo nkunga ku mugaragaro, y’ubufasha bugenerwa abantu batabashije kwibonera ubushobozi bwo kwiyishyurira mituweli. Twaje twitwaje sheki (check) ya miliyoni 20 n’ibihumbi 100 azabafasha mu kubasha gukemura ikibazo cy’abo baturage'.

Amazi y’imvura aturuka ku ishuri ribanza rya Muganza yasenyeraga abaturage

Umunyamabanga Nshingwabikorwa w’Umurenge wa Kimisagara, Jean Sauver Kalisa, avuga ko igikorwa BK yakoze kizafasha cyane abaturage batari bafite ubwisungane mu kwivuza.

Ati 'Ugereranyije n’agaciro k’amafaranga batanze, biragaragara ko dushobora kwishyurira abaturage bagera hafi ku bihumbi birindwi bagiye guhabwa ubwisungane, rero bizagira akamaro cyane cyane ku buzima bw’abaturage kuko bazashobora kujya bivuza nta kibazo bafite kubera ko bafite ubwo bwishingizi.

Umurenge wa Kimisagara utuwe n’abaturage 36,710 ukaba ugeze ku kigereranyo cya 78% cy’abantu bamaze kubona mituweli, inkunga batewe ikaba ishobora gutuma umubare uzamuka ukagera kuri 80%.

Ni umuganda wari uhuriweho n’abakozi ba BK n’inzego zitandukanye z’abaturage zirimo n’abakora irondo

Umukunzi wa rutahizamu wa Portugal ukinira Manchester United, Cristiano Ronaldo yavuze ko byamutwaye amezi 6 kugira ngo amenyere inzu uyu mukinnyi yabagamo muri Espagne, inshuro nyinshi yagiye ayiyoberamo.

Cristiano yatangiye gukundana na Georgina Rodriguez ubwo yakiniraga Real Madrid yo muri Espgane muri 2016.

Uyu mukobwa wari umenyereye kubaho mu buzima buciriritse, yatangiye kuryoherwa n’ubuzima buhenze Cristiano yabagamo nubwo byabanje kumutonda.

Mu cyegeranyo cyamukozweho kuri Netflix, yavuze ko ku nshuro ya mbere asura Cristiano yaburiye mu nzu ye yabagamo muri Espagne ifite agaciro k’amapawundi miliyoni 5.

Ati 'bwa mbere njya mu nzu ya Cristiano narabuze. Nashakaga kujya mu gikoni gufata amazi ariko sinari nzi aho kujya, rimwe na rimwe byamfataga igice cy’isaha gusubira mu ruganiriro kuko nabaga ntazi inzira insubizayo.

'Yari nini cyane. Kuva nk’iri umwana niberaga mu nzu nto. Nagezeyo, nta gitekerezo na gito nari mfite, nako simbizi. Nyuma y’igice cy’umwaka nibwo namenye aho buri kimwe kiri, ariko byari byiza.'

Cristiano Ronaldo na Rodriguez urukundo rwabo rwarakuze kugeza babyaranye. Gerogina usanzwe ari umunyamideli, ku wa Kane tariki ya 27 ubwo yizihizaga isabukuru y’amavuko, Cristiano yaramutunguye maze amujyana muri Dubai isabukuru ye yizihirizwa ku munara muremure ku Isi wa Burj Khalifa.

Ngo byamutwara nk’iminota 30 kugira ngo abone inzira imugarura mu ruganiriro

Iyo niyo Rodriguez yagiye aburiramo inshuro nyinshi

Urukundo rwabo Imana yaruhaye umugisha

Nyuma y’amezi 6 nibwo ngo nibwo yari amaze kumenya aho buri kimwe muri iyi nzu kiri

Ngo ni kenshi yagiye aburira muri iyi nzu

Aheruka kumukoreshereza isabukuru ku munara muremure ku Isi

Ku nshuro ya mbere mu Rwanda ikipe yegukanye igikombe cya shampiyona idatsinzwe umukino umukino n’imwe hari mu mwaka w’imikino 2019-2020, benshi baketse ko bibagwiririye ariko n’umwaka wakurikiyeho yabisuyemo nabwo icyegukana idatsinzwe, ndavuga ikipe APR FC ikomeje kwigarurira ibikombe bya shampiyona mu Rwanda.

Iyi kipe ifashwa n’ingabo z’igihugu, nyuma y’uko ku munsi w’ejo hashize tariki ya 28 Mutarama 2022 itsinze Police FC mu mukino w’umunsi wa 15, yahise yuzuza imikino 50 muri shampiyona idatsinzwe.

Kuba ikipe yakwegukana igikombe cya shampiyona idatsinzwe benshi babifata nk’agahigo gakomeye kuko bidakunze kubaho ariko ntibisobanura ko abo bahanganye bari ku rwego rwo hasi kuko ikipe ishobora gutegura ikabigeraho, ariko iyo ibikoze inshuro 2 zikurikiranya ushatse washakira ikibazo kubo bahanganye.

APR FC bisa n’aho nta mukeba ikigira muri shampiyona y’u Rwanda

Ikipe ya APR FC igiye kumara imyaka 10 ifashe gahunda yo gukoresha abakinnyi b’abanyarwanda gusa, uwavuga ko ntacyo byahungabanyije ku musaruro w’iyi kipe y’Ingabo z’Igihugu ntiyaba abeshye kuko n’ubundi yakomeje kwegukana ibikombe bya shampiyona, kuva icyo gihe kugeza uyu munsi mu bikombe 9 byahataniwe bya shampiyona yegukanyemo 6 ibindi 3 byegukanwa na Rayon Sports.

Mu mpeshyi ya 2019 APR FC yakoze impinduka isezerera abakinnyi bagera 16, ahanini byatewe n’uko iyi kipe yari yatakaje igikombe cya shampiyona cya 2018-19 aha yahise yongeramo amaraso mashya izana abakinnyi barimo Manishimwe Djabel, Niyonzima Olivier Seif, Mutsinzi Ange Jimmy, Manzi Thierry, Bukuru Christophe bose bari bavuye mu ikipe ya Rayon Sports yegukanye igikombe, biyongeraga ku bandi nk’umunyezamu Rwabugiri Umar na Nkomezi Alex bavuye muri Mukura, Mushimiyimana Mohammed wavuye muri Police FC.

Sizi mpinduka gusa ahubwo yazanye n’umutoza Adil Erradi Mohammed ukomoka muri Maroc aba ari we utoza iyi kipe yari yiganjemo amaraso mashya, uyu mugabo yafashije iyi kipe kwegukana igikombe cya shampiyona cya 2019-20 idatsinzwe ndetse n’iya 2020-21 adatsinzwe, ndetse na shampiyona ya 2021-22 imaze gukinwa imikino 15, ntaratsindwa n’umwe, muri rusange amaze imikino 50 muri shampiyona adatsindwa.

Aha niho bamwe bahera bibaza niba ari APR FC ikomeye cyangwa niba ari abo bahanganye boroshye kuko kuba ikinisha abakinnyi b’Abanyarwanda gusa igahigika amakipe akoresha abanyamahanga, umuntu yakwibaza ku rwego rw’abo banyamahanga bagura.

Umutoza wa Kiyovu Sports, Haringingo Francis avuga ko kuba iyi kipe imaze kwegukana ibikombe ibikombe 2 idatsinzwe, bitavuze ko abo bahanganye boroshye, ahubwo ari uko yitegura neza ikindi ntiyemera ko ari shampiyona 2 yegukanye idatsinzwe.

Ati 'Urebye shampiyona 2 duheruka gukina murabizi ko imwe yarangiye imikino itarangiye, indi twakinnye nk’irushanwa (mu matsinda), ufashe imikino yose ntiwavuga ko begukanye shampiyona 2 badatsinzwe. Shampiyona ni imikino muri 30.'

'Kuba bataratsindwa ntitwavuga ko amakipe yose bahanganye yoroshye, ntekereza ko n’abandi bazabikora, ikipe zose zihanganye nayo zirakomeye, nibaza ko utavuga ngo abo bahanganye baroroshye urebye n’umukino twakinnye nabo, ahubwo ni ikipe ya APR FC iri kuri gahunda, imeze neza, ikanategura imikino yayo neza, gusa urabona ko natwe ubu twiteguye guhatana.'

Haringingo Francis wa Kiyovu Sports ntiyemera ko APR FC yatwaye shampiyona 2 idatsinzwe, gusa ngo ni ikipe itegura neza ari nayo mpamvu imaze imikino 50 idatsindwa

Umutoza wa Rayon Sports, Lomami Marcel we abona ntacyo iyi kipe irusha andi makipe uretse amahirwe, kuba bamaze iyi mikino yose we abona ari amahirwe.

Ati 'Shampiyona ya hano irakomeye muvandimwe, ntabwo navuga ko amakipe yoroshye, ni amahirwe yayo kuba itsinda ni amahirwe, izahura n’indi kipe iyigweho itsindwe, twese turi mu irushanwa natwe badutsinze ibitego 3 ejobundi, ni ibintu byaje bitunguranye. Ni amahirwe bagize kuko umupira ni amahirwe.'

Lomami Marcel we abona APR FC ari amahirwe iyi kipe yigiriye

Imiyoborere ya APR FC

Ni ikipe ifite ubuyobozi bwumva ndetse busobanukiwe n’umupira w’amaguru icyo ari ndetse n’icyo bisaba kugira ngo ikipe ibone intsinzi.

Ni ubuyobozi bukora ibishoboka byose kugira ngo umukinnyi abone icyo yemerewe ku gihe. Ni ubuyobozi kandi bwitsa ku kinyabupfura nk’izingiro rya byose, bemera ko uko waba ufite ubushobozi kose ariko udafite ikinyabupfura nta kintu na kimwe wageraho.

Ibi byiyongera ku mutoza Adil Erradi na we wahinduye byinshi muri iyi kipe cyane nko kuzanamo umwuka w’intsinzi (Winning Spirit), ni umutoza kandi ushyira igitutu ku bakinnyi cyane mu gihe cy’umukino akabumvisha ko bagomba gutsinda.

Umutoza w’iyi kipe, Adil Erradi Mohammed avuga ko ibyo iyi kipe yagezeho atari we kuko ari akantu gato muri APR FC, umusaruro wose yawubonye kubera ubuyobozi bwiza bw’iyi kipe bukora buri kimwe kandi ku gihe.

Ati 'Dufite umuryango umeze neza cyane, imikino 50 ntabwo ari Adil watsinze, ni buri wese wakoze akazi kugira ngo dutsinde iyi mikino, ni umusaruro w’umuryango wa APR FC, iyo dutsinze ni umuryango uba watsinze, twatsindwa tugatsindwa nk’umuryango wose, mba numva impaka ari nyinshi ngo Adil agiye gutakaza, ninde uzamutsinda, Adil muri APR FC ni akantu gato cyane.'

'Tubaye tudafite ubuyobozi bwishyurira ku gihe, iyo nza kuba ntafite ubuyobozi bwiza, iyo nza kuba ntafite abakinnyi beza, iyo nza kuba ntafite ibikoresho byiza, iyo nza kuba nta baganga beza mfite, iyo nza kuba nta kibuga cy’imyitozo, ntabwo byari kuba bimeze gutya, bivuze ko Adil ari akantu gato cyane muri APR FC.'

Ibi kandi bikaba bitandukanye namwe mu makipe baba bahanganye, ni kenshi uzumva inkuru muri aya makipe bavuga ko batahembye, ibirarane by’uduhimbazamusyi n’ibindi.

Gusa na none ntabwo warenza ingohe urwego rw’abanyamahanga aya makipe agura, n’ubundi abenshi usanga bari ku rwego nk’urw’bakinnyi b’Abanyarwanda ndetse bamwe bari munsi yarwo.

Iyo urebye AS Kigali usanga ari yo ifite abanyamahanga bakomeye kuko n’umwaka ushize w’imikino bakoze iyo bwabaga ndetse batakaje igikombe ku munsi wa nyuma, ni nyuma yo kunganya na APR FC ibitego ariko iyirusha umubare w’ibitego bazigamye.

Adil ntiyemera ko hari ibitangaza yakoze muri iyi kipe

Ahamya ko ubuyobozi bw’iyi kipe ari ryo pfundo rw’umusaruro wose bamaze kugeraho

Umutoza wa APR FC avuga ko afite abakinnyi beza

Imikino 50 badatsindwa baraye bayujurije kuri Police FC

Shampiyona zibaye 2 begukanye badatsinzwe

Yagize ati 'Muraho neza Kigali. Ni Ruger ubaramutsa. Tariki 19 Gashyantare 2022 nzabataramira kuri Canal Olympia […]'

Ruger ni umwe mu bahanzi bagezweho mu gihugu cya Nigeria no muri Afurika muri rusange abikesha indirimbo yamutumbagije cyane yitwa Dior ndetse n’indi yitwa Bounce imaze amezi umunani gusa ariko ikaba imaze kurebwa n’abarenga miliyoni 23.

Ruger yazamutse cyane mu muziki nyuma yo gusinyana amasezerano y'imikoranire na D'Prince binyuze muri sosiyete ye ifasha abahanzi yitwa 'Jonzing World Record', cyane cyane izina rye ryatumbagiye ubwo isi yari ihanganye n’icyorezo cya Covid-19.

Ruger agiye gutaramira mu Rwanda

Muri Gashyantare 2021, Ruger yasohoye EP ye ya kabiri yise 'The second wave' iyi yariho indirimbo yise Dior iri mu zubatse izina rikomeye. Muri Werurwe 2021 ni bwo uyu musore yasohoye EP yise 'Pendemic' yariho indirimbo yise 'Bonuce' yakunzwe bikomeye iramutumbagiza arirahirwa karahava

Uyu musore w'imyaka 22 y'amavuko, uretse izi ndirimbo ze zatumye aba ikimenyabose hari n'indi yitwa 'One shirt' yahuriyemo na D'Price kimwe na Rema.

Biragoye kubona Ruger atambaye agakingiriza ijisho rimwe

Ruger atangaje ko agiye gutaramira mu Rwanda mu gihe hashize iminsi mike cyane Inama y'Abaminisitiri ikomoreye ibitaramo bihuza abantu benshi. Ibitaramo byemerewe kongera kuba nyuma y'igihe Abanyarwanda bahanganye n'ubwandu bushya bwa Covid-19 'Omicron'.

Ruger afite indirimbo igezweho yitwa Dior

KANDA HANO UREBE INDIRIMBO DIOR Y’UMUHANZI RUGER

Fred Muhozi

Uyu musore wari usigaje amasezerano y’amezi atandantu muri Espoir FC yaguzwe Miliyoni 10 z’Amafaranga y’u Rwanda aho ikipe yabonyemo miliyoni eshatu mu gihe we yahawe miliyoni zirindwi asinya muri Kiyovu Sports amasezerano y’imyaka itatu ishobora kongerwa.

Yahamagawe bwa mbere mu ikipe y’igihugu atsinda igitego

Fred Muhozi mu gice cya mbere cya shampiyona kirangiye yitwaye neza mu ikipe ya Espoir FC aho yayitsindiye ibitego 4 binamuhesha guhamagarwa bwa mbere mu ikipe y’Igihugu Amavubi. Yakinnye imikino ibiri ya gicuti muri Mutarama 2022 n’ikipe y’igihugu ya Guinea yiteguraga gukina igikombe cya Afurika aho muri iyi mikino yatsinzemo n’igitego cya mbere mu ikipe y’Igihugu mu mukino u Rwanda rwatsinzemo Guinea ibitego 3-0.