Blog

Ababyeyi bafata akanya bakigishwa gutegura indyo yuzuye bakanagaburira abana

Abo Kigali Today iheruka gusanga bategurira abana indyo yuzuye, muri gahunda y’Igikoni cy’Umudugudu mu Kagari ka Cyabagarura mu Murenge wa Musanze Akarere ka Musanze, bayibwiye ko ubu basobanukiwe uko bategura indyo yuzuye, bikura abana babo mu mirire mibi.

Ishimwe Divine yagize ati 'Mbere tutaritabira iyi gahunda y’igikoni cy’umudugudu, wasanga buri mubyeyi ari nyamwigendaho mu gutegura amafunguro agaburira umwana. Nkanjye nitanzeho urugero, natekaga ibijumba, naba nageretseho nk’ibishyimbo, nkumva nakoze agashya. Nashoboraga kumara nk’icyumweru ari ryo funguro ntekera abana gusa. Ibyerekeranye n’imboga cyangwa imbuto, ntabwo nari nzi igisobanuro cyabyo n’icyo bimariye umubiri'.

Ati 'Nyuma y’aho ntangiye kwitabira gahunda y’igikoni cy’umudugudu, namenye ko gutegura indyo yuzuye, igizwe n’ibyubaka umubiri, ibirinda indwara n’ibitera imbaraga; ari amafunguro agira uruhare mu mikurire y’umwana, kandi koko aho ntangiriye kubyitaho, ubu umwana wanjye afite imikurire myiza, yaba mu gihagararo n’ubwenge, muri macye ateye ubwuzu'.

Undi mubyeyi witwa Mutuyimana Angélique yagize ati 'Kutamenya uko bategura indyo yuzuye, byari byaragize ingaruka ku mwana wanjye, buri gihe nkabona umwana agenda abyimbagana nkagira ngo ni umubyibuha, nyamara yaramaze kuzahazwa na bwaki. Aho ngereye aha ku gikoni cy’umudugudu, nahahuriye n’abandi bagore bagenzi banjye, abajyanama b’ubuzima n’ubuyobozi; aho badusobanurira ibyibandwaho mu kurwanya imirire mibi'.

Ari 'Twamenye ubwenge, tujijukirwa uko indyo yuzuye itegurwa, ikagaburirwa umwana. Ubu umudendezo n’ituze mu miryango yacu ni byose, kubera ko tutakirwaje imirire mibi'.

Muri gahunda y’igikoni cy’Umudugudu abana baba bishimiye guhabwa amafunguro

Umuyobozi w’Akarere ka Musanze, Ramuli Janvier, avuga ko gahunda nk’iy’Igikoni cy’umudugudu, Akarima k’igikoni ndetse n’ubukangurambaga bugamije gufasha imiryango guhindura imyumvire, ziri mu ngamba aka Karere gashyizemo imbaraga mu kuvuguta umuti w’ikibazo cy’imirire mibi.

Yagize ati 'Nyuma yo kubona ko ikibazo cy’imirire mibi gihangayikishije, ndetse yewe n’Umukuru w’Igihugu Paul Kagame, aho aduhereye ubutumwa bwo kwita ku kibazo cy’imirire mibi mu buryo bw’umwihariko, twihutiye kujya mu ngamba. Ubu dushyize imbaraga gahunda z’Igikoni cy’Umudugudu ababyeyi bahuriramo, bakigishwa kurwanya imirire mibi, bagategurira abana indyo yuzuye kandi bakabagaburira'.

Akomeza agira ati 'Twanashyize imbaraga mu gukorana bya hafi n’abafatanyabikorwa b’Akarere, badufasha kubonera imiryango cyane cyane itishoboye ubufasha, ikorozwa amatungo magufi, abana bakabasha kubona byoroshye amata n’amagi, byunganira muri ya ndyo yuzuye baba bigishijwe gutegura'.

Uru rugamba ariko rujyana no guhindura imyumvire n’imitekerereza by’abaturage nk’uko Ramuli abigarukaho

Ati 'Akarere ka Musanze ntacyo kabuze cyatuma duhora mu bibazo by’imirire mibi n’igwingira mu bana. Ibyo turushaho kubisobanurira abaturage, ko kurandura imirire mibi, bigomba kujyana no guhindura imyumvire, kuko hari nk’abo usanga bafite ayo mafunguro ariko batazi kuyategura cyangwa bakayamarira ku isoko ntibazirikane ko n’abana bayakeneye. Ibi iyo byitaweho mu muryango, biza byunganira na bwa bushobozi Leta ishyiraho bikajyanirana, bityo tukizera ko igihe kizagera iki kibazo kikaba amateka'.

Kumenya uko abana babo bahagaze mu mikurire bibaha umurongo w’uko bakurikirana imirire yabo

Ni ingamba ahamya ko zigenda zitanga umusaruro kuko nko mu mwaka wa 2019-2020, abana bafite ikibazo cy’imirire mibi bari 347. Imibare yaragabanutse mu mwaka 2020-2021 bagera kuri 297, mu mwaka w’ingengo y’imari wa 2021-2022 Akarere ka Musanze, kakaba gafite umuhigo wo gukurikirana no kwita ku bana 150 bafite imirire mibi.

Umukinnyi wa Rayon Sports, Nishimwe Blaise yahakanye amakuru y’uko yaba yarashutswe na APR FC ngo asese amasezerano na Rayon kugira ngo ahite yerekeza muri iyi kipe y’ingabo z’igihugu.

Tariki ya 15 Nyakanga 2021, Nishimwe Blaise yanditse asaba Rayon Sports ko bakwicara bakavugurura amasezerano bagiranye bitewe n’uko hari igice kitubahirijwe muri yo nko mu ngingo ya 6 yayo aho yavugaga ko agomba kuba yabonye amafaranga yaguzwe bitarenze mu mezi 3 bikaba bitarakozwe.

Nyuma nibwo yumvikanye asaba Rayon Sports ko basesa amasezerano. Benshi batangiye kuvuga ko ari ikipe ya APR FC yamugiye mu matwi kugira ngo batandukane maze nayo ihitye imusinyisha.

Aganira n’ikinyamakuru ISIMBI, Blaise yavuze ko ibyo atari byo kuko yari afite amasezerano ya Rayon Sports, ibyo yakoraga byari mu nyungu ze.

Ati 'ukuri ni uko APR FC irengana, ntabwo navuga ngo APR FC yaranshutse kuko ntabwo yanshuka mfite amasezerano, hari ibyo navuganye na Rayon Sports yagombaga gukora ikabishyira mu bikorwa tukarangizanya nkaguma ndi umukinnyi wa Rayon Sports, ni nako byagenze.'

Yakomeje avuga ko nta kipe n’imwe bigeze bavugana muri iriya minsi, we yashakaga ko ikibazo cye gikemuka kandi kikaba cyaracyemutse.

Muri Nzeri 2020 nibwo Rayon Sports yasinyishije Nishimwe Blaise amasezerano y’imyaka 3 avuye mu ikipe ya Marines FC.

Ku gicamunsi cyo kuri iki Cyumweru tariki ya 30 Mutarama 2022 ni bwo Shyaka Olivier yambitse impeta umukunzi we Isaro Amanda, amusaba ko yazamubera umugore undi na we abyemera atazuyaje.

Nyuma yo kumwambika impeta umukunzi we, Olivier yatangaje ko yahisemo Isaro Amanda kuko ari umukobwa wihariye ku bintu byose.

Ati 'Ni uko yihariye mu mico no mu myifatire, agira urukundo, akunda gusenga ariko ikirenze ibindi ni uko umutima we n’urukundo agira nta handi nigeze mbibona.'

Olivier Shyaka yamwambitse impeta mu birori byabereye kuri Iliza Malibu Beach kuri Muhazi, ni nyuma y’imyaka 2 bakundana.

Kuri uyu wa Gatandatu muri Cercle Sportif de Kigali hatangijwe ishuri (academy) ryigisha abakiri bato mu mikino itatu irimo umupira w’amaguru (Football), Basketball ndetse na Karate, ishuri ryashinzwe na Rurangayire Guy.

Abana basaga 90 bamaze kwiyandikisha muri iyi Academy

Ni ishuri ryatangiranye n’abana basaga 90 bari bamaze kwiyandikisha kugera ku wa Gatanu, bakaba bari mu byiciro bitandukanye kuva ku myaka ine kugera ku myaka 17, aho bazajya bigishwa buri munsi nyuma y’amasomo mu minsi y’akazi, ndetse no ku wa Gatandatu ni ku Cyumweru bakazajya bitoza mbere ya Saa Sita.

Bamwe mu bana batozwa Karate muri SGI-Sports Academy

Umuyobozi w’iyi Academy Guy Rurangayire yatangaje ko intego nyamukuru ari ukuzamura impano z’abana, ariko hagakorwa n’ibindi bikorwa byo gutanga amahugurwa n’anadi masomo afite aho ahuriye na Siporo.

'SGI ni uburyo twatekereje, turitegura kuzamura impano z’abana, ntabwo tuzaba dukora ibyo kuzamura impano gusa, mu minsi iri imbere izajya ikora n’ibindi birimo amahugurwa y’abatoza, uburezi, kwiga gushaka amasoko muri Siporo, gutegura ibirori ndetse n’ibindi'

Guy Rurangayire watangije SGI-Sports Academy

Umwe mu babyeyi witwa Bizimana Athanase wazanye abana kwiga muri iyi academy, yatangaje ko yabonye itangazo akumva ni ngombwa ko abana be badacikanwa by’ukwihariko aho basanzwe abakunda umupira w’amaguru

Yagize ati 'Nabonye itangazo ko barimo bandika abana numva abana banjye batacikanwa n’ayo mahirwe cyane ko banakunda Football, bazahahurira n’abandi bitume bigira icyo bibazamuraho, ikindi nka Football cyangwa indi mikino hari abo bitunga, cyangwa se bigatuma agira ubuzima bwiza.'

Bazatozwa n’umupira w’amaguru

Iyi mikino yose izaba itorezwa muri Cercle Sportif de Kigali, aho buri mukino wahawe abatoza b’inzobere bihariye bazajya bakurikirana abana kuva batangiye, buri mwana akazaba afite ifishi igargaza uko yagiye yitwara kuva atangiye gutozwa.

Bamwe mu bari gutozwa Basketball

Kwiga muri iyi Academy bisaba kwishyura ibihumbi 20 Frws ku kwezi ku mukino umwe, undi wiyongereyo akarenzaho ibihumbi 15 Frws, mu gihe uwishyuye umwaka wose yishyura

Biyemeje kuzamura imihigo ikiri hasi

Yabitangaje ku wa Gatanu tariki ya 28 Mutarama 2022, mu nama y’inteko rusange y’ihuriro ry’abafatanyabikorwa mu iterambere ry’Akarere ka Nyagatare, aharebewe hamwe aho imihigo igeze n’icyo abafatanyabikorwa bafasha kugira ngo ikiri hasi izamurwe.

Akarere ka Nyagatare kahize imihigo yose hamwe 107 ikaba igeze ku kigero cya 63% ishyirwa mu bikorwa.

Umuyobozi w’Akarere ka Nyagatare Gasana Stephen, avuga ko afite ikizere ko izeswa 100% kubera ubushake yabonanye abafatanyabikorwa mu iterambere ry’ako karere.

Ati 'Ikizere ni cyinshi, ahubwo rwose urumva bifuza ko dukora byinshi, hari aho bavugaga ko hari ibyo twanoza nko guhuza komisiyo za JADF n’iza njyanama, abakozi bari mu mibereho myiza, ubukungu hajyeho amatsinda abahuza n’ay’abafatanyabikorwa. Bafite ubushake bwo gufatanya natwe buri gikorwa kikagerwaho mu buryo bwihuse.'

Avuga ko imihigo ikiri inyuma ari isaba ubukangurambaga mu baturage kubera bitashobokaga kubera icyorezo cya Covid-19, ariko uko igabanuka nayo izazamuka kuko bazarushaho kwegera abaturage.

Gasana Stephen, Umuyobozi w’Akarere ka Nyagatare

Iyaturemye avuga ko bagiye gushakisha inkunga zishoboka zose kugira babone amafaranga yatuma imihigo ikiri hasi imurwa ikagera 100%.

Yagize ati 'Covid-19 ije abafatanyabikorwa baragabanutse bagera kuri 32 none twabaye 54. Ubu tugiye kumenyana, tubone umwanya wo guhuza ibitekerezo n’ibikorwa no gushaka amafaranga, turebe uko twakongera cyangwa aho twakomanga kugira ngo yiyongere, bityo imihigo yasigaye inyuma tuyizamure.'

Akarere ka Nyagatare gafite abafatanyabikorwa mu iterambere 54, ibikorwa bazakora muri uyu mwaka w’ingengo y’imari bikaba bifite ingengo y’imari ya 5,000,000,000 Frw.

Kuri iki Cyumweru kuri Stade Amahoro habereye isiganwa ry’amagare ryitiriwe umunsi w’intwari, irushanwa ahanini ryari rigamije gushaka impano mur uyu mukino, rikaba ryitabiriwe n’abakobwa n’abanhungu bakiri bato, kuva ku myaka 12 kugera kuri 16.

Abakobwa ba Bugesera Cycling Team bari mu bitwaye neza muri iri rushanwa

Ni irushanwa ryitabiriwe n’amakipe asanzwe amenyerewe muri uyu mukino nka Benediction Club y’i Rubavu, Les Amis Sportifs y’I Rwamagana, Cine Elmay, Adrien Niyonshuti Cycling Academy, Bugesera Cycling Team ndetse n’abandi bana batagira amakipe biyandikishije ku giti cyabo.

Perezida w’ishyirahamwe ryo gusiganwa ku magare Murenzi Abdallah yatangaje ko bishimiye impano babonye kuri iki Cyumweru, bityo bakaba bagiye kubakurikirana ku buryo hazavamo n’abazahagararira u Rwanda muri shampiyona y’isi mu magare izabera mu Rwanda mu mwaka wa 2025.

Yagize ati ' Uyu mwaka haje agashya, tuva mu bakinnyi bakuru tujya mu bato, gutegura abakiri bato umuco w’ubutwari, kugira umuco wo guhangana. Ni umwanya wo gutegura abakinnyi b’ejo, bakina shampiyona y’isi ya 2025'

Murenzi Abdallah yavuze ko kandi aya marushanwa yajya aba buri kwezi, by’umwihariko bakaba bateganya kuzakurikizaho intara y’i Burasirazuba hasanzwe haba impano muri uyu mukino, ahazamukiye abakinnyi nka Adrien Niyonshuti, Ndaisenga Valens na Areruya Joseph

Uko bagiye bakurikirana mu byiciro bitandukanye

Abahungu bari hagati y’imyaka 15 na 16

Intera: 11,9 Km

1 NIZEYIMANA FIACRE (BENEDICTION): 25’14”
2 TUYIZERE HAKIMU (FLY): 25’51”
3 Byusa Pacifique (Adrien Niyonshuti Cycling Academy) 26’05”
4 SHUTIRAGUMA KEVIN (CINE ELMAY) 26’43”
5 UWAYISENGA GERMAIN (CINE ELMAY) 26’44”
6 NIYITURINDA Anatole (KABATWA) :27’21”
7 HANYURWIFURA THOMAS (FLY) : 27’21”
8 NIYOGISUBIZO Eric (Nta kipe) :27’21”
9 Nshimiyimana Eric (Adrien Niyonshuti Cycling Academy) : 27’21”
10 Nteziyaramye Desire (Nta kipe): 27’21”

Nizeyimana Fiacre wabaye u wa mbere mu bahungu bari hagati y’imyaka 15 na 16

Abahungu bari hagati y’imyaka 12 na 14

1 Gisubizo Issa (LES AMIS SPORTIFS): 19’24”
2 NIYOMUNGERI ERIE (Bugesera Cycling Team): 20’38”
3 MUGISHA Fiston (LES AMIS SPORTIFS): 20’38” 01’14”
4 KUBWIMANA Egide (Nta kipe): 21’26”
5 GIRANEZA Hosiya (Nta kipe): 23’03”
6 Yannis Dubuisson (Nta kipe): 23’03”
7 Kubwimana Fiston (Nta kipe): 23’03”
8 ISHIMWE KELLY QUETIN (CINE ELMAY): 23’03”
9 IWAN DENBLYDEN BIZIMANA (Nta kipe): 23’03”
10 MUGISHA Olivier (Nta kipe): 24’07”

Abakobwa bari hagati y’imyaka 15 na 16

1 Uwera Aline (Bugesera Cycling Team): 15’51”
2 Ingabire Domina (Bugesera Cycling Team): 16’14”
3 Byukusenge Mariata (Bugesera Cycling Team): 16’18”
4 Iragena Charlotte Bugesera Cycling Team: 16’53”
5 Niyokwizerwa Clementine (Bugesera Cycling Team) :17’30”
6 Tuzadukorerimana Honorence (Bugesera Cycling Team): 18’30”
7 INGABIRE FABIOLA (Bugesera Cycling Team): 18’30” 02’39”
8 Ishimwe Nelisa (Bugesera Cycling Team): 18’30”
9 Abagire Cyiza Claire (Bugesera Cycling Team): 19’09” 03’18”
10 NIKUZE SCOLASTIC (Bugesera Cycling Team): 19’09” 03’18”

Abakobwa bari hagati y’imyaka 12 na 14

1 Ishimwe Francoise (Bugesera Cycling Team) 18’30”
2 Amizero Amina (Nta kipe): 19’09”
3 Izerimana Benitha (Bugesera Cycling Team: 19’09”
4 MICOMYIZA SANDRA (Bugesera Cycling Team): 19’09”

Waswa amaze guparika imodoka, agiye kwerekana i byangombwa bisabwa abinjira n’abasohoka

Ni nyuma gato y’ibiganiro Umugaba mukuru w’Ingabo za Uganda zirwanira ku butaka akaba n’umuhungu wa Perezida w’icyo gihugu, Yoweri Kaguta Museveni, Lt Gen Muhoozi Kainerugaba aheruka kugirana na Perezida wa Repubulika y’u Rwanda, Paul Kagame, ku itariki 22 Mutarama 2022.

Nyuma y’ibiganiro Lt Gen Mohoozi yagiranye na Perezida Kagame, Guverinoma y’u Rwanda yahise isohora itangazo rimenyesha ko uyu mupaka uzongera gufungura tariki 31 Mutarama 2022.

Mbere gato y’uko saa sita z’ijoro ryo ku wa 31 Mutarama 2022 zigera, abakozi bo mu rwego rw’abinjira n’abasohoka bari bamaze kwitegura gutangira akazi kabo, ari na ko abo mu nzego z’ubuzima na bo bari bamaze kuhagera kugira ngo uwaza gukenera gufashwa bimworohere.

Aha Waswa yerekanaga ibisabwa abinjira n’abasohoka

Saa Sita zimaze kugera na nyuma yaho gato nta kidasanzwe cyabaye kuko n’ubwo umupaka wari ufunguye ariko ari imodoka cyangwa abantu nta watambukaga, kugeza nka saa cyenda ubwo hazaga ikamyo yari itwawe n’umugande witwa Fredison Waswa Ndugwa, wavuze ko yari aturutse ahitwa Kamanyora muri Repubulika iharanira Demokarasi ya Kongo.

Ahagana saa cyenda n’igice nibwo yemerewe kwinjira, ubundi yakirwa n’urwego rw’abinjira n’abasohoka ku ruhande rw’u Rwanda hamwe n’inzego z’ubuzima aho yabajijwe ibisabwa byose byemerera umuntu kwambuka, ahangana saa kumi n’imwe n’iminota nk’icumi nibwo yemererewe kwambuka yerekeza muri Uganda.

Aganira n’itangazamakuru mbere y’uko yambuka, Ndugwa yavuze ko amaze imyaka hafi itatu akoresha umupaka wa Kagitumba ariko ngo ubwo yavaga Kamanyora, yumvishe amakuru avuga ko bafunguye umupaka wa Gatuna ashobora kuhanyura nta kibazo, ibintu yishimiye cyane.

Umupaka urafunguye

Ati 'Ni iby’agaciro cyane kuko buri gihe byambabazaga iyo nageraga hariya mu Mujyi wa Kigali, nkareba inzira iza hano i Gatuna nkabona ari hafi cyane ugereranyije n’aho ngiye kujya Kayonza kugera Kagitumba mbona ari kure cyane. Ubu ndishimye cyane badufunguriye ukatira hariya gusa ukagerayo hakiri kare'.

Kubwe kandi, Ndugwe asaga gufungura umupaka wa Gatuna byerekana urukundo ibihugu byombi bisanzwe bifitanye.

Ati 'Birerekana urukundo n’ubushuti hagati yacu, kubera ko Abanyarwanda n’Abagande turi abantu bamwe, kandi n’abayobozi bacu nta kibazo bafite barafatanyiriza hamwe kandi nshimishijwe n’uko nsanze ku mupaka hameze kubera ko nari maze imyaka itatu ntahanyura'.

Bamwe mu baturage baturiye umupaka wa Gatuna ku ruhande rw’u Rwanda Kigali Today yashoboye kuganira nabo, bayitangarije ko ku bwabo bumva ifungura ry’umupaka wa Gatuna ari nk’inzozi kuri bo.

Yousuf Ntahoruja wo mu Murenge wa Cyumba mu Karere ka Gicumbi, ubusanzwe akora ibijyanye n’ubucuruzi bwa Mobile Money, avuga ko bishimiye cyane ifungura ry’umupaka wa Gatuna, kuko ifungwa ryawo ryahungabanyije ibikorwa byabo by’ubucuruzi.

Ati 'Igihombo nahuye nacyo ni uko serivisi natangaga yagabanutse kuko nko ku munsi nabonaga nk’ibihumbi 10, ariko umupaka bawufunze ntiyongera kuboneka. Ubu kuba bafunguye sinzi ukuntu nanabivuga, ni ibyishimo mfite na bagenzi banjye twese twishimye, kuko habaye impinduka, ni nk’izozi simfite n’uko nabivuga'.

Abanyamakuru bitabiriye icyo gikorwa

Usibye ubucuruzi bavuga ko bwakomwe mu nkokora n’ifunga ry’umupaka, ariko ngo nta kindi bigeze babura kuko ibyo bajyaga gushaka muri Uganda mbere, birimo kawunga na Jus batangiye kubibonera mu Rwanda.

Ubwo twandikaga iyi nkuru mu gitondo cyo kuri uyu wa mbere tariki 31 Mutarama 2022, kuva uyu mupaka ufungura ku mugaragaro hari hamaze kwambuka umuturage umwe, wari uturutse mu gihugu cya Uganda yinjira mu Rwanda, mu gihe ntawe ku ruhande rw’ u Rwanda wari wakambutse.

Kuba intyoza mu bucuruzi ukongera kuba indahemuka ni ingabire ku bagana ikigo cya IT ZONE cyane ko gifite uburambe n’ubushishozi binyuze mu bunyamwuga gifite. Iki kigo gifite ibikoresho byiza kandi bihendutse cyane kikaba gikorera mu mujyi wa Kigali ariko gifite serivise yo kugeza igicuruzwa ku muntu wakiguze aho yaba ari hose mu gihugu kandi nta kiguzi atanze cy'ubwikorezi.

IT zone kandi itanga ibikoresho ku mukiriya ushobora kuba afite amafaranga macye kandi akeneye gutunga igikoresho cy’ikoranabuhanga akajya yishyura mu byiciro macye macye (Installments).

Inkuru itangazwa n’ubuyobozi bw'iki kigo cya IT zone iravuga ko kuri ubu nyuma y’uko gikubise ibiciro hasi hiyongeyeho serivise idasanzwe ya poromosiyo igiye kumara igihe cy'ukwezi yo gukorera ibikoresho by’ikoranabuhanga abakiriya bayo ndetse n'abandi bazajya babagana nta kiguzi.

Bimwe mu bikoresho uyu muyobozi avuga ko bagiye kujya bafasha abantu gusana birimo; telephone, mudasobwa ndetse n’ibindi byose by'ikoranabuhanga nta kiguzi baciye abazajya babagana, iyi poromosiyo izamara igihe cy'ukwezi ikaba izatangira tariki 01 Gashyantare kugeza kuwa 1 Werurwe 2022.  

Ubuyobozi bwa IT zone buragira buti 'Koresha igikoresho cyawe cyose kirwaye, cyapfuye, ku buntu. Hamagara ugishe inama inzobere z’abatekinisiye bo muri IT zone. Poromosiyo izamara igihe kingana  n'ukwezi (1 month promotion)'.

Muri IT zone guhera ku bihumbi 160,000rwf watunga mudasobwa nziza cyane 

Itzone ni ikigo cy’ikoranabuhanga gikorera mu mujyi wa Kigali ahazwi nka Downtown mu nyubako ya CHIC muri Floor 1 shop EO47A. Uramutse ubakeneye wabahamagara kuri izi nimero: +250788247133/+25078357523

Bwana Shema umwe mu bayobozi b’iki kigo mu kiganiro yagiranye na Inyarwanda.com yagize ati: 'Dufite promotion kuri machine za macbook, free test for technical support, free delivey in Kigali, Free support on phone call, free delivery on all devices available, payment in installments (niho honyine wabona igikoresho ukeneye ukakishyura mu byiciro), trade in or swap deals (ushobora kuzana igikoresho usanzwe ukoresha ukongeraho amafaranga macye ugatwara ikigezweho (computers, phones,….)'

Bimwe mu bicuruzwa byo muri IT zone 

Ku rundi ruhande iki kigo gifite mudasobwa zashyizwe ku giciro cyo hasi cyane zo mu bwoko bwa Macbook.

Izi mudasobwa ziri ku giciro cyo hasi harimo;

1.      Macbook pro

                        Retina 2015

                       Core i7

                       512gb

                       16gb ram

                       Dual graphics

 

2.      Macbook air

                Rtina 2015

               Core i5

               256gb

4gb ram

3.      Macbook air

          Retina 2017

          Core i5

          256gb

         8gb ram

4.      Macbook pro

     Retina 2015

     15 inches

     Core i7

     512gb

    16gb ram

Muri It zone ni ku gicumbi cy’ikoranabuhanga mu Rwanda

Niba ushaka igikoresho cy’ikoranabuhanga, kugikoresha cyangwa kugirwa inama z’uko wakoresha ibikoresho byawe birimo mudasobwa, computer n’ibindi, gana IT Zone baragufasha. Ushobora kuvugana na IT zone binyuze ku mbuga nkoranyambaga zabo zitandukanya harimo Instagram aho bitwa itzone_Rwanda ndetse na twitter 'itzone_Rwanda' cyangwa ugahamage iyi nimero yabo +250788247133/+25078357523 wanabasura kuri website yabo: www.Itzone.rw