Blog

Perezida Kagame yakiriwe n’abayobozi batandukanye

Ibiro by’Umukuru w’Igihugu, Village Urugwiro, byatangaje ko Perezida Kagame akigera mu Budage kandi yagiranye ibiganiro n’Umuyobozi wungirije w’Umuryango Open Society, Alexander Soros, Minisitiri w’Ububanyi n’Amahanga wa Qatar, Sheikh Mohammed bin Abdulrahman Al-Thani, Jendayi Frazer n’abayobozi ba Ecolog International, sosiyete ikorera ibya 'logistique’ mu bihugu binyuranye muri Afurika.

Iyo nama yitabiriwe na Perezida Kagame, ihurije hamwe abayobozi mu ngeri zitandukanye, Abakuru b’ibihugu na za Guverinoma barenga 30, Leta Zunze Ubumwe za Amerika n’abayobozi b’imiryango ikomeye nka Loni, NATO na EU.

Iyo nama ikaba ifungurwa ku mugaragaro n’Umunyamabanga mukuru wa Loni, António Guterres. Intumwa za Guverinoma y’u Budage ziyobowe na Chancellor Olaf Scholz.

Iyo nama ya Munich y’Amahoro ibaye ku nshuro ya 58, yatangiye ku itariki 18 Gashyantare 2022, ikazasozwa kuri iki Cyumweru tariki 20.

Gatanya ni umwe mu mitwaro ikomeye umuryango nyarwanda ufite ubu, aho ari na wo muzi w'ibibazo byinshi bihari. Imibare y'Inkiko yerekana ko mu 2019 hinjiyemo ibirego 2.796 mu gihe mu 2020 zakiriye ibirego 3.213 .

Izi manza zishobora kuba zirenga kuko hari izitangwa n'inkiko z'ibanze ndetse zimwe zikajuririrwa kugera mu nkiko zisumbuye n'inkuru.

Nubwo itegeko rigena ko imanza za gatanya zigomba kuburanishwa bitarenze imyaka ibiri, haracyari izitinda kurangizwa zageze mu nkiko bitewe n'impamvu zitandukanye.

Iyo abashakanye batabanye neza kandi bitera ibindi bibazo bitandukanye birimo kuba abana babo batwara inda imburagihe, guta ishuri n'ibindi byinshi biyandukanye bituma umuryango urushaho kwangirika.

Izi ziyongeraho izikorwa mu ibanga nk'aho usanga ababana badasangira uburiri, badahurira ku meza ariko bagera mu bandi bakiyumanganya. Usanga binabaviramo amakimbirane aganisha ku kwicana n'izindi ngaruka zikomeye ku muryango.

Mu gukemura iki kibazo hashize igihe Ministeri y'Uburinganire ivuga ko iri gutegura imfashanyigisho izifashishwa n'abafite aho bahurira n'abagiye kurushinga kugira ngo bajye babaganiriza kugira ngo bibafasha kubaka ingo bakomeye.

Minisitiri w'Uburinganire Iterambere ry'Umuryango, Prof. Bayisenge Jeannette, yabwiye IGIHE kuri ubu igitabo kizifashishwa nk'imfashanyigisho cyamaze gukorwa ndetse kizatangira gukoreshwa mu minsi iri imbere.

Yagize ati “Nibyo koko gatanya zigenda zigaragara kandi ingaruka zikagaragara ku bana, mu gukomeza guhangana n'icyo cyago kimwe mu byo twakozwe twateguye imfashanyo yitwa 'Twubake urugo rwiza' ni imfashanyigisho nshya tuzafashwa mu ishyirwa mu bikorwa n'abanyamadini kubera ko izajya yifashishwa mu gutegura abagiye kurushinga mu gihe cy'amezi atandatu.”

Prof.Bayisenge yavuze ko mu gutegura iyi mfashanyigisho bafatanyije n'abanyamadini ngo babona amezi atandatu ahagije ku kuba bamaze kubategura. Yavuze ko igihe izatangira gushyirwa mu bikorwa izagira umumaro mu kugabanya gatanya zikunze kwiyongera muri iki gihe.

Ati “Ubu tumaze guhugura abashinzwe irangamimerere mu gihugu hose, turashaka no guhugura abanyamadini kugira ngo imenyekane kandi itangire ikoreshwe.”

Bizagenda bite ku badafite aho basengera?

Minisitiri Prof.Bayisenge yavuze ko abazakenera kubaka urugo badafite aho basengera na bo batekerejweho aho hari kurebwa uburyo hirya no hino mu midugudu hatoranywa abashakanye b'intangarugero bajya bafasha urubyiruko ruteganya kubaka ingo ariko badafite aho basengera.

Ati “Udafite aho asengera turi gukorana n'uturere n'imirenge kugira ngo bashake abashakanye b'intangarugero babasha guherekeza abo bifuza kurushinga bakabagira inama kandi bakabafasha mu bujyanama butandukanye.”

Prof.Bayisenge yavuze ko kandi iki gitabo kirimo inyigisho z'abagiye kurushinga kitagenewe gusa abagiye kurushinga ahubwo ngo n'abashakanye bashobora kukifashisha bakarushaho kugira urugo rwiza.

Bamwe mu rubyiruko rwaganiriye na IGIHE basabye ko hashyirwa imbaraga mu kwigisha imiryango y'abagiye gushakana ngo kuko nibo shingiro rya byose.

Minisitiri w'Uburinganire Iterambere ry'Umuryango, Prof. Bayisenge Jeannette, yavuze ko igitabo kizifashishwa nk'imfashanyigisho cyamaze gukorwa ndetse kizatangira gukoreshwa mu minsi iri imbere.

Inzu ya Iyakaremye yaramugwiriye ahasiga ubuzima

Ni mu mvura nyinshi yaguye ku mugoroba wo ku itariki 17, yangiza ibikorwa remezo binyuranye ifunga n’umuhanda Musanze-Rulindo-Kigali, aho yasenye inzu y’uwo muturage imugwiriye ahita apfa.

Iyo mvura yatumye umuhanda Musanze-Rulindo-Kigali ufunga mu gihe cy’amasaha asaga abiri, aho Police yari yatanze itangazo rivuga ko uwo muhanda utakiri nyabagendwa.

Mu gihe gito Police, ubuyobozi mu nzego zinyuranye n’abaturage, bakoze umuganda wo gutunganya uwo muhanda wongera kuba nyabagendwa, n’ubwo bikigaragara ko iyo mvura yangije byinshi kuri uwo muhanda.

Meya wa Rulindo n’Abadepite ubwo basuraga umuryango wagize ibyago uburira umuntu mu biza

Mu gufata mu mugongo uwo muryango wagize ibyago, ku wa Gatanu tariki 18 Gashyantare 2022, Umuyobozi w’Akarere ka Rulindo, Mukanyirigira Judith, ari kumwe na Depite Bitunguramye Diogène na Depite Mukayijore Suzanne, basuye uwo muryango wa Iyakaremye Léonard wari waraye ubuze umuhungu we, Iyakaremye Jean de Dieu wagwiriwe n’inzu.

Imiryango 20 niyo imaze kubarurwa yahuye n’ibiza mu Murenge wa Bushoki, aho kuri uyu wa Gatandatu tariki 19 Gashyantare 2022, Inama Njyanama y’Akarere ka Rulindo yagennye itsinda ryasuye iyo miryango mu rwego rwo kubakomeza, no gufata mu mugongo umuryango wa Iyakaremye Jean de Dieu witabye Imana, nyuma y’uko agwiriwe n’inzu ye.

Njyanama y’Akarere ka Rulindo ikomeje gusura imiryango 20 yahuye n’ibiza mu Murenge wa Bushoki

Ni imvura ikomeje kugwa ari nyinshi mu gice kinini kigize Intara y’Amajyaruguru, aho yibasiye cyane Akarere ka Gakenke na Rulindo, uduce dukunze kwibasirwa n’ibiza by’imvura bitewe n’uburyo tugoranye mu miturire, kubera ubuhaname bukabije bw’imisozi itugize.

Uyu muhanda na wo wari wafunzwe n’inkangu

Ibi Gen Kainerugaba yabitangaje yifashishije urukuta rwe rwa Twitter maze avuga ko n’ubwo atazi ikibazo Kayumba Nyamwasa na RNC ye bafitanye na RPF/RDF ariko ibyo kwitikira ibyo bagakoresha Uganda nk’inzira yo gutegura imigambi yabo itazabyihanganira.

Yagize ati'Gen Kayumba na RNC , nubwo ntazi ibibazo mufitanye na RPF/RDF gusa ndabihaniza ntimuzigere mwibeshya gukoresha igihugu cyanjye nk’ubutaka bwo guteguriraho ayo mabi'

Gen Kainerugaba yavuze ko nubwo adashihikajwe na Politiki cyane ariko azi neza ko ibikorwa RNC yakoreye muri Uganda byayinjiye mu ntambara itoroshye n’u Rwanda.

Yagize :'Ntabwo ibi bihuye na Politiki,ntabwo nshishikajwe na Politiki ! Ibikorwa bigayitse RNC yakoreye hano nibyo byatujyanye mu ntambara y’ubujiji n’u Rwanda. Abo bose babigaragayemo bagiye kujya hanze'

Ubu butumwa bwa Gen Muhoozi Kainerugaba bwongeye hushimangira ko koko RNC yahoze ikorera muri Uganda mu buryo buzwi, Gusa nanone abakurikiranira hafi umubano w’ibihugu byombi bavuze ko noneho kuba Uganda isa n’iri kwemera ibyo u Rwanda ruyishinja ari inzira nziza yo kubikosora mu rwego rwo kuzahura umubano w’ibihugu byombi.

Gen Kainerugaba kuwa 18 Mutarama 2022 aherutse kugirira uruzinduko mu Rwanda aho yabonanye na Perezida Kagame maze bakagirana ibiganiro bigamije kuzahura umubano w’ibihugu byombi. Nyuma y’ibi biganiro nibwo Guverinoma y’u Rwanda yahise itangaza ko ifunguye umupaka wayo wa Gatuna uhuza ibihugu byombi.

Twagirimana Jean Pierre w’imyaka 27 wari usanzwe uzwho kwinjiza ibiyobyabwenge mu gihugu, yari asanganywe amakimbirane na se, avuga ko azamwica agasigarana imitungo ye.

Ku wa 10 Gashyantare 2022, nibwo umugambi we yawushyize mu bikorwa, aho yatonganye na se maze amukubita inyundo mu mutwe, nyina umubyara na we ntiyatabaza abaturanyi, umurwayi bamurekera mu nzu.

Ku wa 14 Gashyantare 2022, babonye umusaza akomeje kuremba, uyu musore na nyina witwa Murekatete Olive w’imyaka 52, bamujyanye kwa muganga mu bitaro bya Nyagatare, babeshya abaganga ko yakoze impanuka.

Umuvugizi wa Polisi mu Ntara y’Iburasirazuba, SSP Hamdoun Twizeyimana, avuga ko uyu musore abonye ko ise arembye cyane yahise atoroka.

Avuga ko Nzeyimana yitabye Imana ku wa 16 Gashyantare 2022, aguye iwe mu rugo kuko ngo umugore yakomeje kubona arushaho kuremba, amukura kwa muganga amwibye kugira ngo apfire iwe.

Avuga ko inzego z’ibanze na Polisi zamenye icyo kibazo ari uko abaturage benda kwica Murekatete Olive, zirahamukura ubu akaba afungiye kuri sitsiyo ya RIB ya Matimba.

Umurambo wa nyakwigendera ukaba wajyanwe ku bitaro bya Nyagatare kugira ngo ukorerwe isuma ry’icyamwishe, mbere y’uko ashyingurwa.

SSP Twizeyimana asaba abaturage kwirinda amakimbirane, ibibazo bafitanye bakabigaragariza ubuyobozi bigakemurwa.

Ati “Niba umuntu yumva ko hari uburenganzira bwe butubahirizwa, cyane ku mitungo, ntakwiye gufata umwanzuro wo kwica ahubwo aba akwiye kubigaragariza ubuyobozi bukabafasha, cyangwa akagana inkiko akarenganurwa.”

Apôtre Paul Gitwaza

Abashinze Zion Temple barashinja Apôtre Gitwaza gufata ibyemezo bihonyora amategeko y’uwo muryango, agamije kuwugira uwe, kunyereza imitungo, kuyigurisha no kuyimurira mu mahanga kandi byose akabikora atabagishije inama.

Gitwaza kandi arashinjwa ubwibone, amacakubiri, urwango, n’itonesha mu bayoboke ba Zion Temple, ngo bikaba byaratumye uwo muryango ushingiye ku myemerere ucikamo ibice ndetse bituma bamwe bawuvamo.

Ibaruwa Inama y’abashinze Zion Temple bandikiye Apôtre Gitwaza, bamumenyesha ko akuwe ku buyobozi bwayo ku itariki 14/2/2022, kuko ngo yanze kugirwa inama kenshi no gushyira ibintu ku murongo nk’uko Imana ibiteganya, nyamara 'Itorero rikomeje kurimbuka’.

Iyo baruwa yandikiwe Apôtre Gitwaza igira iti 'Inama y’abashinze Authentic World Ministries, Zion Temple Celebration Center (Pionniers), mu rwego rwo gusubiza ibintu mu buryo ndetse no kuramira umuryango ugeze aharindimuka, ikwandikiye ikumenyesha ko uhereye none tariki 14/2/2022 ukuwe ku buyobozi bw’umuryango twagushinze n’inshingano zose zijyanye n’umwanya wari ufite mu muryango…'

Inama y’abashinze Zion Temple yanamenyesheje Apotre Gitwaza ko azirengera ibintu byose yakoze binyuranyije n’amategeko y’uwo muryango.

Iyi baruwa yashyizweho umukono n’abitwa 'les pionniers’ ba Zion Temple ari bo Bishop Claude Djessa, Bishop Dieudonné Vuningoma, Bishop Pierre Kaberuka, Bishop Richard Muya, Bishop Charles Mudakikwa ndetse na Bishop Paul-Daniel Kukimunu, yohererejwe Urwego RGB ndetse kopi yayo ikaba yarahawe abayobozi b’Igihugu barimo Perezida wa Repubulika Paul Kagame.

Abashinze Zion Temple ariko ntabwo bagize amahirwe yo gukuraho Gitwaza, kuko Umuyobozi wa RGB Dr Usta Kaitesi, mu ibaruwa No 368/RGB/CEO/2022 yanditswe ku itariki 18/2/2022, yabandikiye abamenyesha ko icyemezo bafashe nta shingiro gifite, kuko ngo batari mu nteko rusange kandi ari rwo rwego rw’umuryango rufite ububasha bwo gufata icyo cyemezo.

Iyi baruwa ikomeza ibabwira iti 'Mugomba guhagarika ibikorwa byo kwihesha ububasha mudafite n’ibindi byose bishobora guteza umutekano muke mu banyamuryango n’abakristo ba Authetic Word Ministries- Zion Temple Celebration Centre'.

'Turasaba inzego zishinzwe iyubahirizwa ry’amategeko zigenewe kopi y’iyi baruwa, gukurikirana no kugenzura ko nta bikorwa bihungabanya ituze mu muryango wa Authetic Word Ministries Zion Temple Celebration Centre'.

Mu byo RGB yashingiyeho harimo n’ibaruwa Authetic Word Ministries- Zion Temple Celebration Centre yandikiye Polisi y’Igihugu ishami rya Kicukiro tariki 15/02/2022, igaragaza ikibazo cy’uko abashinze Zion Temple bashaka guteza umutekano muke mu itorero.

Mu rwego rw’ubufatanye busanzwe hagati y’ikipe y’umukino w’amagare ya 'Israel Premier Tech'na Bugesera Women Cycling Team, iyi kipe yo muri Israel mu gihe yitegura gutangira Tour du Rwanda yasuye ikipe ya Bugesera.

Igikorwa cyabanjirijwe no gukorana imyitozo hagati y’amakipe yombi ku ntera ya Kilomtero 70 mu karere ka Bugesera, nyuma ikipe ya Israel Premier Tech iha ikipe ya Bugesera impano zirimo igare ryo mu bwoko bwa Factor n’ibikoresho byaryo (pièces de rechange), Computer z’abakinnyi b’amagare zipima umuvuduko, imyenda, Ingofero (casques) n’ibindi.

Iyi kipe ifite umushinga wo kubaka ibibuga bibiri i Bugesera.

Ikibuga cy’umukino w’amagare kizwi nka “Pump Track”

Abagize iyi kipe batangaje ko kandi bagiye kubaka ikibuga cyinyogerwamo igare kizwi nka Pump Track kizaba kiri ku ntera ya kilometero imwena ndetse n’inzira y’amagare izwi nka Bike track.

Uwamahoro Innocente uyobora ikipe ya Bugesera Cycling Team, yavuze ko bashimishijwe no kwakira iyi kipe ku nshuro ya kabiri, aho by’umwihariko

Yagize ati 'Umushinga uhari ni uko bifuza kutwubakira ikibuga 'Pump Track' kizajya gifasha abana gukorera imyitozo hafi batajya kure, bizagabanya ibyo twatangaga kuko kujya mu muhanda amagare arangirika, bizatuma tuzigama amafaranga twatakazaga mu gukoresha amagare'

'Iki kibuga kizaba gifasha abantu benshi kikaba n’ikibuga gishobora kwakira amarushanwa ku rwego rw’igihugu, kikaba ari n’umutungo ukomeye no ku gihugu muri rusange, ni umushinga mwiza twizeye ko tuzawugeraho'

Amb Valentine Rugwabiza

Kuva muri 2019, MINUSCA yari isanzwe iyobowe n’umunya Senegal Mankeur Ndiaye, ugomba kurangiza manda ye tariki ya 28 Gashyantare 2022, vuba aha Akanama ka UN gashinzwe amahoro, karemeza umusimbura we.

Valentine Rugwabiza uherutse gusimburwa ku mwanya wa Ambasaderi w’u Rwanda muri UN, umwanya wo guhagararira Umunyamabanga Mukuru wa UN mu butumwa bwa MINUSCA, abishyigikiwemo na Jean Pierre-Lacroix ukuriye ishami ry’ibikorwa by’amahoro mu Bunyamabanga Bukuru bw’uwo Muryango.

Kugeza ubu bivugwa ko u Bushinwa ari bwo butaremeza kandidatire ya Amb. Rugwabiza, mu bihugu bitanu bivuga rikijyana muri Loni, nk’uko ikinyamakuru cya Africa Intelligence kibitangaza.

Ambasaderi Rugwabiza naramuka yemejwe burundu, u Rwanda ruzarushaho kuyobora Ubutumwa bwa MINUSCA, cyane ko guhera muri kamena umwaka ushize, Polisi iri muri ubwo butumwa iyoborwa na CP Christophe Bizimungu, na we wahawe izo nshingano asimbuye Umufaransa Pascal Champion.

Ni mu gihe kandi guhuza ibikorwa by’ubutabazi biyoborwa n’Umunyarwanda Vedaste Kalima guhera muri Mutarama 2021.

Kuva mu 2014, u Rwanda rwohereza abasirikare, abapolisi n’abasivili muri MINUSCA, aho kuri ubu ari na cyo gihugu kigira uruhare runini muri ubwo butumwa, kigakurikirwa na Pakistan na Bangladesh.

Abasirikare n’Abapolisi baturuka mu Rwanda ni na bo barinda Umukuru w’igihugu, Abagize Guverinoma n’abandi banyacyubahiro muri Santarafurika.

Dr Valentine Rugwabiza, yagiye guhagararira u Rwanda muri UN kuva muri 2016 avuye ku mwanya wa Minisitiri ushinzwe Umuryango wa Africa y’Iburasirazuba (MINEAC), akaba yari asimbuye Ambasaderi Eugène-Richard Gasana.