Blog

Mu ijoro ry'uyu wa Gatanu tariki 18 Gashyantare 2022, Sherrie Silver yasohoye amashusho n'amafoto amugaragaza ari kuri iki kubambano yubakiwe. Avuga ko 'London isanzwe ifite ibibumbano byinshi by'inyamaswa kurusha iby'abagore, ariko aka kanya ubu hari ikibumbano cyane i London.'

Uyu mukobwa uheruka mu Rwanda, yakomeje avuga ko atewe ishema no kuba Umunyafurika kandi 'nifuza gukomeza guhagararira uyu mugabane igihe cyose nzabishobozwa.'

Iki kibumbano cyanditseho amazina ya Sherrie Silver nk'umubyinnyi mwiza. Amafoto yasohotse amugaragaza yacyifotorejeho ateze amaboko bihura neza n'uburyo abahanga mu kugishushanya babikoze.

Sherrie Silver asanzwe ari Ambasaderi w'ikigega Mpuzamahanga cy'iterambere ry'ubuhinzi, IFAD.

IFAD, ni ikigega cy'umuryango w'abibumbye (United Nations) cyigamije kurwanya ubukene, inzara mu byaro by'ibihugu bikiri mu nzira y'amajyambere.

Sherrie ni umunyarwandakazi akaba n'umubyinnyi wabigize umwuga. Yarushijeho guhangwa ijisho n'isi yose biturutse ku kuba ari we watunganyije akanayobora imbyino zo mu ndirimbo ya Childish Gambino yitwa 'This Is America' yatwaye ibihembo 4 muri Grammy Awards.

Uyu mukobwa umaze imyaka 21 atuye mu Bwongereza ariko yavukiye mu Rwanda mu Karere ka Huye ku babyeyi b'abanyarwanda ndetse ntahwema kugaragaza ko atewe ishema no kuba akomoka mu rwa Gasabo.

 

Sherrie Silver yashimye ubuyobozi bw'Umujyi wa London bwamuzirikanye 

Sherrie Silver yubakiwe ikumbano i London

Sherrie Silver yishimiye ikibumbano yubakiwe avuga ko azaharanira gukomeza guhagararira Afurika uko azabishobozwa

Kuri uyu wa Gatandatu tariki 19 Gashyantare 2022, Isibo Tv yasohoye itangazo rigenewe abanyamakuru rimenyesha ko mu bihembo The Choice Awards amatora yatangiye.

Muri iri tangazo, bavuga ko amatora ari kubera ku rubuga rwa www.thechoicelive.com/awards cyangwa se ugatora ukoresheje telefoni aho ukanda *544*444* ugashyiramo 'Code' y'uwo ushyigikiyeho ugashyiraho # ubundi ugakanda 'Yes' [*544*444*Code#].

Amatora yatangiye kuri uyu wa 19 Gashyantare 2022 azarangira tariki 12 Werurwe 2022. Gutora inshuro imwe [Ijwi rimwe] bingana n'amafaranga 50 Frw.

Isibo Tv ivuga ko 'kimwe cya kabiri cy'amafaranga azinjizwa n'umuhanzi cyangwa se undi wese uhatanye muri ibi bihembo binyuze mu matora azayasubizwa hanyuma andi akoreshwe mu itegurwa ry'iki gikorwa'.

Buri wese uhatanye muri ibi bihembo yasabwe gushishikariza abafana be kumutora kugira ngo yegukane igikombe n'amafaranga azasubizwa binyuze mu matora yiyongere.

Muri iri tangazo ryashyizweho umukono n'Umuyobozi Mukuru Isibo Tv, Kabanda Jean de Dieu rivuga ko ibihembo bizatangwa hashingiwe ku Kanama Nkemurampaka gafite amajwi 40% n'abafana bafite amajwi 60% byose bikaba 100%.

Ibi bihembo bigiye gutangwa ku nshuro ya kabiri aho bigizwe n'ibyiciro 13 harimo n'igihembo cyiswe 'Icon Award', kizahabwa uwitangiye umuziki akazatangazwa ku munsi w'ibihembo.

Muri ibi bihembo harimo ibyiciro byakuwemo ibindi byongerwamo mu rwego rwo kubinoza neza.

Ibihembo bya 'The Choice Awards' ni ngarukamwaka, bitegurwa n'ikipe ngari y'abanyamakuru bakora ikiganiro 'The Choice Live', kimwe mu biganiro bikunzwe kuri Televiziyo Isibo.

Bifite intego yo gushyigikira urugendo rw'umuziki w'u Rwanda, gutera imbaraga abahanzi no kubashimira ibyo bamaze gukora mu ruganda rw'imyidagaduro.

Kanda hano ubashe gutora uwo ushyigikiye muri 'The Choice Awards'

Urutonde rw'abahataniye ibihembo The Choice Awards

The Most Valuable Player

1.Byiringio Lague

2.Sugira Enernest

3.Mutabazi Yves

4.Kenny Gasana

5.Alphonsine Agahozo 

The Choice Female Artist of the year

1.Butera Knowless

2.Alyn Sano

3.Ariel Wayz

4.Clarisse Karasira

5.Marina 

The Choice Male Artist of the year

1.Ish Kevin

2.Meddy

3.Bruce Melodie

4.Niyo Bosco

5.Juno Kizigenza 

The Choice Video Director of The Year

1.Bagenzi Bernard

2.Eazy Cuts

3.Oskados Oskar

4.Chris Eazy

5.Fayzo Pro

The Choice Video of the year

1.My Vow ya Meddy

2.Say my name ya Kenny Sol

3.Ye Ayee by Yvan Buravan

4.Shumuleta by Platini

5.Eva by Davis D 

The Choice Actress of the Year

1.Rufonsina

2.Bahavu Jeannette

3.Bijoux

4.Nana

5.Kecapu 

The Choice Actor of the year

1.Clapton Kibonke

2.Rusine Patrick

3.Digidigi

4.Papa Sava

5.Bamenya 

The Choice Dance of the Year

1.Jordan Kallas

2.Titi Brown

3.Jojo Breez

4.Sharon Higa

5.Ringa 

The Choice Influencer of The Year

1.Miss Mutesi Jolly

2.Super Manager

3.KNC

4.Rocky Kirabiranya

5.Aissa Cyiza 

The Choice Dj of the year

1.Dj Klean

2.Dj Diallon

3.Dj Brianne

4.Dj Marnaud

5.Dj Ry 

The Choice New Artist of the year

1.Confy

2.Chris Eazy

3.Ariel Wayz

4.Okkama

5.Symphony Band 

The Choice Fashion Designer

1.Tanga Design

2.Mika Fashion House

3.Moshions

4.Joyce Fashion Design

5.Isha Collection

The Choice Gospel Artist of the year

1.James na Daniella

2.Prosper Nkomezi

3.Vestine na Dorcas

4.Aline Gahongayire

5.Serge Iyamuremye 

Umunyamakuru akaba n'Umuyobozi washinze Radio/Tv1 ahatanye mu cyiciro cy'abavuga rikumvikana [Best Influencer] mu bihembo 'The Choice Awards 

Meddy ahatanye mu cyiciro cy'indirimbo ifite amashusho meza y'umwaka [Best Video of the year] abicyesha indirimbo ye yise 'My Vow', anahatanye mu cyiciro cy'umuhanzi w'umwaka [The Choice Male Artist of The Year]

Butera Knowless ahatanye mu cyiciro cy'umuhanzikazi w'umwaka [Best Female Artist]

Byiringiro Lague umukinnyi wa APR F uherutse kurushinga ahatanye mu cyiciro 'Most Valuable Player'

Uyu munsi kuwa Gatandatu tariki 19 Gashyantare 2022 ni bwo hamenyekanye mu itangazamakuru ko hari abapasiteri batangaje ko bavanye Apotre Dr Paul Gitwaza ku buyobozi bwa Zion Temple abereye Umuyobozi Mukuru ku Isi. Abateye umukono kuri iyi baruwa yo kuwa 14/02/2022 yandikiwe Apotre Gitwaza, kopi zayo zikagenerwa abayobozi bakuru b’igihugu barimo na Nyakubahwa Perezida Paul Kagame, ni aba Bishops bahoze mu buyobozi bukuru bwa Zion Temple bakaza guhagarikwa burundu ari bo Bishop Claude DJessa, Bishop Dieudonné Vuningoma, Bishop Pierre Kaberuka, Bishop Richard Muya, Bishop Charles Mudakikwa na Bishop Paul Daniel Kakimunu.

INKURU WASOMA: Apotre Gitwaza yashyizeho ubuyobozi bushya yereka umuryango  Bishop Vuningoma n’abandi bendaga kumuhirika

Abanditse iyi baruwa bavuga ko ari abagize “Inama y'Abashinze Umuryango Authentic World Ministries / Zion Temple Celebration Center”. Bose bari mu bahagaritswe na Apotre Dr Gitwaza mu mwaka wa 2017 nyuma y’uko atahuye umugambi bari bafite wo guhirika Zion Temple. Muri iyi baruwa bashinja Apotre Gitwaza kunyereza imitungo y’itorero, imwe akayikoresha mu nyungu ze bwite, indi akayimurira mu mahanga mu buryo budakurikije amategeko shingiro y'umuryango ndetse ngo akabikora nta rwego na rumwe agishije inama cyane cyane “twebwe twawushinganye namwe.' 

Banamushinja kandi kubiba amacakubiri n’urwango mu nzu y’Imana, itonesha n’ubwibone. Banavuga ko iyi mikorere ye n’imiyoborere ye yatumye abakristo batari bacye ba Zion Temple batatana ni ukuvuga bajya mu yandi matorero n’amadini, abandi baragwa (bava mu gakiza). Bagaragaje ko bafashe umwanzuro wo kuvana Apotre Gitwaza ku buyobozi bw’Itorero Zion Temple kuko yarigize nk’akarima ke, rikaba rigeze aharindimuka. Ni umwanzuro bavuga ko bafashe mu rwego rwo gusubiza ibintu m buryo. Bati 'Kubera izo mpamvu twerekanye,..mu rwego rwo gusubiza ibintu mu buryo no kuramira umuryango ugeze aharindimuka, ukuwe ku buyobozi bw'umuryango twagushinze.'

Apotre Dr Gitwaza ni Umuyobozi Mukuru wa Zion Temple ku Isi kuva yashingwa kugeza uyu munsi

RGB yatesheje agaciro icyemezo cy’aba batangaje ko bavanye Apotre Gitwaza ku buyobozi bwa Zion Temple

INYARWANDA yabonye ibaruwa yanditswe na RGB isubiza abapasiteri twavuze haruguru bari bayimenyesheje ko Apotre Gitwaza akuwe ku buyobozi bwa Zion Temple. RGB yanditse iyi baruwa tariki 18 Gashyantare 2022 iterwaho umukono na Dr. Usta Kayitesi Umuyobozi Mukuru w’uru rwego. Muri iyi baruwa harimo ingingo ivuga ngo “Icyemezo mwafashe nta shingiro gifite kuko mutari inteko rusange ari rwo rwego rw’umuryango rufite ububasha bwo gufata icyo cyemezo”.

Dr Usta Kayitesi yatangiye agira ati “Nshingiye ku ibaruwa yo kuwa 14/02/2022 mwandikiye Apotre Gitwaza Paul Umuyobozi wa Authentic Word Ministries-Zion Temple Celebration Centre mumumenyesha ko mumukuye kuri uwo mwanya mukagenera RGB kopi, nshingiye ku ibaruwa ya Authentic Wod Ministries-Zion Temple Celebration Centre yo kuwa 15/02/2022 yandikiye Polisi y’igihugu ishami rya Kicukiro igaragaza ko ikibazo cy’uko mushaka guteza umutekano mucye mu itorero;

Nshingiye ku ngingo ya 5, igika 10 y’itegeko No-56/2016 ryo kuwa 16/12/2016 rishyiraho Urwego rw’Igihugu rw’Imiyoborere rikanagena inshingano, imitunganyirize n’imikorere byarwo, nshingiye kandi ku ngingo ya 19 y’Itegeko No-72/2018 ryo kuwa 31/08/2018 rigena imitunganyirize n’imikorere by’imiryango ishingiye ku myemerere;

Nshingiye na none ku kuba amategeko shingiro ya Authentic Word Ministries-Zion Temple Celebration Centre yahujwe n’Itegeko No-72/2018 rigena imitunganyirize n’imikorere by’imiryango ishingiye ku myemerere bagahabwa Compliance certificate kuwa 23/06/2019; ayo mategeko shingiro akaba ateganya inzego z’imiyoborere z’umuryango n’ububasha bwazo, mu rwego rwo kubungabunga iyubahirizwa ry’amahame y’imiyoborere myiza nk’uko RGB ibiherwa ububasha n’amategeko, ndabamenyesha ko Icyemezo mwafashe nta shingiro gifite kuko mutari inteko rusange ari rwo rwego rw’umuryango rufite ububasha bwo gufata icyo cyemezo”.

RGB yasabye aba ba Bishops guhagarika ibikorwa barimo byo kwihesha ububasha badafite n’ibindi bishobora guteza umutekano mucye. Iti “Mugomba guhagarika ibikorwa byo kwihesha ububasha mudafite n’ibindi byose bishobora guteza umutekano mucye mu banyamuryango n’abakristo ba Authentic Word Ministries-Zion Temple Celebration Centre”. Umuyobozi Mukuru wa RGB yasoje abifuriza kugira amahoro, ati “Mugire amahoro”. 

Iyi baruwa ya RGB yihaniza abatangaje ko beguje Apotre Gitwaza, yamenyeshejwe Nyakubahwa Perezida wa Repubulika, Minisitiri w’Intebe, Minisitiri w’Ububanyi n’Amahanga n’Intumwa Nkuru ya Leta, Minisitiri w’Ubutegetsi bw’Igihugu, Umuyobozi Mukuru wa Polisi y’Igihugu, Umunyamabanga Mukuru w’Urwego rw’Igihugu rw’Ubugenzacyah (RIB), Ihuriro Mpuzamiryango ry’Amadini, Amatorero na Kiliziya Gatolika (Rwanda Inter Religious Council/RIC), Alliance Evangelique au Rwanda, Umuyobozi Nshingwabikorwa w’Akarere ka Kicukiro n’Uhagarariye Authentic Word Ministries-Zion Temple Celebration Center.

Ibaruwa ba RGB yo kuwa 18 Gashyantare 2022

Mbappe w'imyaka 23 y'amavuko kugeza magingo aya yanze kongera amasezerano muri PSG imaze umwaka imwinginga ariko yarayitsembeye, aho bivugwa ko Real Madrid yamaze kumwegera bagirana ibiganiro by'ibanze ku buryo mu mpenshyi azayerekezamo.

Kugeza ubu Mbappe asigaje amasezerano y'amezi ane muri PSG, bikaba bivugwa ko Real Madrid izamusinyisha ku buntu mu mpeshyi y'uyu mwaka aho azagenda yigurishije.

Ikinyamakuru Diario AS cyatangaje ko PSG yizeye ko ubufasha bwa perezida Macron buzagira icyo buhindura ku cyemezo cy'uyu mukinnyi udashaka kuguma Parc des Princes.

Amakuru avuga ko Emmanuel Macron yifuza cyane ko Mbappe aguma mu Bufaransa, kandi akaba yarabigaragaje neza.

Mu mpeshyi ishize, Perezida Macron w'imyaka 44, yagize ati: “PSG ni ikipe ikomeye yashoboye kumuzamura kandi ndatekereza ko ari ngombwa ko aguma muri iyo kipe no muri shampiyona y'u Bufaransa”.

Umwe mu babanjirije Macron ku butegetsi, Nicolas Sarkozy, wari ku buyobozi hagati ya 2007 na 2012, na we ngo yaba agerageza guhindura icyemezo cya Mbappe akaba yaguma muri PSG.

Uyu mugabo w'imyaka 67 yari kuri Parc des Princes ubwo PSG yatsindaga Real Madrid igitego 1-0 mu ijoro ryo ku wa kabiri muri UEFA Champions League.

Igitego cya Mbappe cyatumye PSG itera intambwe ikomeye yo kwerekeza muri ¼ cya Champions League, aho itegereje umukino wo kwishyura uzabera i Mdrid.

Perezida w’u Bufaransa Emmanuel Macron yatangaje ko yifuza ko Mbappe aguma muri PSG 

Mbappe yagaragaje ko adashaka kuguma muri PSG ahubwo ashaka kwerekeza muri Real Madrid

Mauricio dos Anjosw'imyaka 35 y'amavuko, yabaye igitaramo ku mbuga nkoranyambaga nyuma yo kwishushanyaho jezi y'ikipe ya Flamengo ku mubiri we wose nk'ikimenyetso cyo kugaragaza urwo akunda iyi kipe yo muri Brazil.

Amafoto agaragaza Mauricio yishushanyijeho jezi ya Flamengo akomeje gukwirakwira ku mbuga nkoranyambaga ndetse abantu benshi bakomeje kuyakunda no kuyatangaho ibitekerezo bitandukanye.

Bimwe mu bitekerezo bikomeje gutangwa kuri aya mafoto, bigaruka ku kuba buri mufana wese wihebeye ikipe aba akwiye gukora ikintu kimutandukanya n'umufana usanzwe cyangwa uwiyitirira ko afana iyo kipe.

Flamengo ni ikipe ikomeye y'ibigwi n'amateka muri Brazil ndetse no muri Amerika y'Epfo muri rusange, ikaba ikina mu cyiciro cya mbere muri shampiyona ya Brazil.

Mauricio yishushanyijeho jezi y’ikipe akunda ya Flamengo

Kuva mu mwaka wa 2017, Kiyovu Sports na Police FC, amakipe yombi agiye guhura ku nshuro ya karindwi (7), aho muri esheshatu aheruka guhura Polive FC yatsinzemo imikino itatu (3) yinjijemo ibitego umunani (8) ikinjizwa bitandatu (6). Kiyovu Sports yatsinzemo imikino ibiri (2) yinjijemo ibitego bitandatu (8) ikinjizwa umunani (8), amakipe yombi akanganya inshuro imwe (1) ariwo mukino uheruka kuyahuza, wari umukino ubanza wa shampiyona yanganyije 1-1.

Ikipe ya Police FC mu mikino itanu (5) iheruka gukina yatsinzemo umwe (1), itsindwa ibiri (2) inganyamo umwe (1), bivuga ko mu manota 15 yakiniye muri iyo mikino yabonyemo ane (4), iyi kipe muri iyi mikino yinjijwe ibitego birindwi (7) yinjiza umunani (8).

Ikipe ya Kiyovu Sports mu mikino itanu (5) iheruka yatsinzemo itatu (3), inganya umwe (1) itsindwa umwe (1), aho mu manota 15 yakiniye yabonyemo icumi (10), Kiyovu ariko kandi mu mikino ine (4) iheruka ntabwo yigeze inganya umukino n’umwe ahubwo yaratsindaga cyangwa igatsindwa, aho yatsinzemo imikino itatu (3) itsindwa umwe(1).

Uyu n’umukino wa 10 Police FC igiye gukina yakiriye, aho mu mikino icyenda iheruka gukina yakiriye yatsinzemo ine (4) itsindwamo ibiri (2,) inganya itatu(3), mu gihe Kiyovu Sports ikina umukino wa cyenda (9) yasuye, aho mu mikino umunani (8) imaze gukina yasuye muri iyi shampiyona yatsinzwemo ine (4), itsindwa ibiri (2) inganya ibiri (2).

Police FC yatsinze imikino irindwi (7) muri 17 imaze gukina, itsindwa itanu (5) inganyamo itanu (5), aho yinjijemo ibitego 25 itsindwa 16, ikaba izigamye ibitego icyenda (9). Kiyovu Sports imaze gutsinda imikino 10 muri 17 imaze gukina, aho yatsinzwemo ibiri (2) ikanganya itanu (5), yinjizamo ibitego 18, yinjizwa 11 ikaba izigamye birindwi (7).

Kiyovu Sports iri ku mwanya wa kabiri n’amanota 35, mu gihe Police FC iri ku mwanya wa karindwi n’amanota 26.

Ayo mahugurwa kandi yanahawe abapolisi 36 bakora mu kigo gishinzwe gusuzuma ubuziranenge bw’ibinyabizi, giherereye mu Karere ka Musanze.

Inkuru dukesha urubuga rwa Internet rwa Polisi y’u Rwanda, ivuga ko muri abahugurwa basobanurirwa ibigize umuriro, ibiteza inkongi n’uko bayirinda, n’uko bakwitabara haramutse habaye inkongi.

Muri ayo mahugurwa, aho Polisi igiye guhugura hose iba yitwaje ibikoresho by’imfashanyigisho, bifasha abahugurwa gusobanukirwa uko bikoreshwa, iyo habaye inkongi.

Umuyobozi w’ishami rya Polisi rishinzwe ubutabazi no kurwanya inkongi, ACP Paul Gatambira, yavuze ko mu bigo byinshi usanga harimo ibikoresho byifashishwa mu kuzimya inkongi, ariko ugasanga batazi uko bikoreshwa.

Yagize ati 'Mu bigo byinshi usanga bafite ibikoresho bizimya umuriro, ariko abakozi batazi uko bikoreshwa, hakaba n’abandi batekesha gaze mu ngo zabo, ariko ugasanga batazi neza uko ziriya gaze zateza inkongi, batanazi uko bakwitabara iramutse ibaye.'

Akomeza agira ati 'Abantu tugenda duhugura tubanza kubereka uko bakoresha za kizimyamuriro, umucanga n’ikiringiti gitose igihe bagiye kuzimya umuriro utewe n’amashyiga ya gaze.'

ACP Gatambira yakomeje avuga ko aho bahuguye babanza kubasonurira ibiteza inkongi n’uko bazirinda bakanabereka uko bakwitabara basohoka ahabaye inkongi.

Avuga ko habaho n’igikorwa cyo kugenzura mu kigo, bakareba ahari ibyuho bishobora kuba intandaro y’umuriro, bagasiga batanze inama mu buyobozi.

Abaturage banagirwa inama yo kujya bihutira gutanga amakuru kugira ngo Polisi itabare hakiri kare, bakaba bakwifashisha imirongo ya telefoni ikurikira: 111,112 (imirongo itishyura) na 0788311224.

Mwiza Joannah wabyaranye n’umunyamakuru akaba n’umuhanzi Uncle Austin, yakoze ubukwe na Hirwa uherutse ku mwambika impeta y’urukundo.

Kuri uyu wa Gatandatu abinyujije ku rukuta rwe rwa Instagram, Joannah yashyizeho amafoto y’ubukwe bwe na Hirwa aherekezwa n’amagambo agira ati “impamvu nyinshi zo gushima Imana.”

Mu Gushyingo 2021 nibwo Hirwa yashinze ivi hasi maze asaba Joannah ko yazamubera umugore undi na we arabyemera maze amuha ikiganza amwambika impeta ya fiançailles.

Akoze ubukwe nyuma y’uko yakanyujijeho mu rukundo na Uncle Austin bakundanye guhera 2015, babyaranye umwana witwa London Ava Luwano, baje gutandukana muri 2018.

Abinyujije ku mbuga nkoranyambaga ze, Uncle Austin mu Kuboza 2021 yaciye amarenga ko ashobora kuba yarimwe uburenganzira kuri uyu mwana yabyaranye na Joannah.

Aho yanditse ubutumwa asa nuvuga ku mubyeyi uba yarimye uwo wabyaranye uburenganzira ku mwana kandi ataramwihakanye, akora ibyo asabwa harimo no kumurihirira amashuri ariko akiturwa kubwira umwana amagambo mabi yangisha uwo mwana undi mubyeyi, benshi bahise bakeka ko ari Austin wivugaga.

Umubyeyi wima umwana we amahirwe yokubona se kandi ahari ataramwihakanye,ntacyo atamuha,amurihira amashyuri,akanarenzaho kubwira umwana amagambo amwangisha undi mubyeyi amwica mumutwe at a young age ..mba numva akwiye n’igihano.

— Uncle Austin (@UncleAustinT) December 29, 2021