Blog

Ibiti bateye ni ibya avoka, byiswe 'Igiti cy’amahoro' ku ngo zari zibanye nabi, kandi byitwa 'Igiti cy’ubwiyunge' ku barokotse Jenoside n’ababiciye ababo. Babiteye mu rugendo rw’isanamitima banyuzemo hagati y’umwaka wa 2017 n’uwa 2022, rwasojwe ku itariki ya 10 Werurwe 2022.

Jean Baptiste Bizimana, umuhuzabikorwa w’umuryango AMI, avuga ko abafashijwe kwiyunga bahawe ibiti bya avoka kuko biramba, bikaba byera n’imbuto abantu bazajya barya bakibuka igihango bagiranye. Ngo ni umuco bakomora muri Bibiliya.

Ati 'Kera mu muco w’Abisiraheri iyo habaga ikintu gikomeye, bashingaga amabuye y’urwibutso. Twebwe twatekereje ku Giti cy’Amahoro, cyera imbuto ziribwa, bashobora kuzasangira. Kugira ngo na nyuma, bibaye ngombwa ko bagira icyo bapfa, habe hari urwibutso rw’igihango bafitanye. Ni Urwibutso ko hari isano biyemeje kugirana nyuma yo gusohoka mu mateka yari yarabatanyije.'

Anavuga ko bataratekereza ku giti cy’amahoro n’icy’ubwiyunge bifashishaga intango y’amahoro, hanyuma baza kwiyemeza gushaka ikimenyetso gifatika.

Ati 'Muri iki gihe twaravuze ngo reka bafatanye batere igiti cyera imbuto ziribwa, kugira ngo nibazajya baba bariho bazirya bajye bibuka ko ari imbuto z’ubwiyunge. N’abana babakomokaho n’abaturanyi na bo nibarya kuri za mbuto, bajye bamenya ko ari imbuto z’ubwiyunge, bityo intambwe bateye ntizibagirane.'

Tharcisse Renzaho na Béatrice Mukansoro bo mu Mudugudu wa Munanira, mu Kagari ka Gikunzi mu Murenge wa Rusenge, ni bamwe mu bateye Igiti cy’Ubwiyunge. Bahawe ibiti bibiri, bafatanya kubitera, buri wese ku muharuro we.

Renzaho yamaze imyaka 12 muri gereza kubera kwica umugabo wabo na Mukansoro, aho afunguriwe abasaba imbabazi, ubu bariyunze kandi babanye neza.

Ibiti bateye bimeze neza, byatangiye no kuzana imbuto, kandi bavuga ko izi mbuto zizabafasha kutibagirwa igihango cy’ubumwe bagiranye.

Igiti Tharcisse Renzaho na Béatrice Mukansoro bateye kwa Mukansoro bacyitayeho none cyatangiye kwera

Mukansoro ati 'Urabona AMI iri kudusezera. Mu bihe biri imbere tuzajya tujya kuri cya giti tuganire.'

Renzaho na we ati 'Iki giti tuzakirya igihe kirekire ndetse n’abana bacu bakiryeho.'

Umuyobozi w’Akarere ka Nyaruguru, Emmanuel Murwanashyaka, na we yashimye iki gitekerezo cyo gutera igiti cy’urwibutso rw’ubwiyunge.

Ngo yizeye ko n’abuzukuru n’abuzukuruza bazajya bavuga bati hari amahano yagwiririye u Rwanda, ariko hari n’intambwe yatewe kugira ngo abantu babashe kubana mu mahoro.

Muri rusange i Nyaruguru n’i Huye hatewe ibiti 1000. Ababihawe bajya kubitera babwiwe ko uko bizamererwa neza cyangwa nabi, bizagaragaza uko n’ubwiyunge bwabo buhagaze.

Umuhuzabikorwa wa AMI ashimangira iki gitekerezo afatiye ku rugero rw’abahinzi ba Cacao muri Côte d’Ivoire.

Ati 'Abahinzi ba Cacao bagira igihe cyo kuganiriza ibiti nk’uganiriza umuntu. Akavuga ati wa giti we ndumva nshaka ko uzera gutya, akakiganiriza, akagihoraho. Byagaragaye ko ibiti biganirizwa byera cyane kurenza ibitaganirizwa.'

Uwitwa Mugisha Paul avuga ko umuntu wari wabijeje kubigisha ari uwo mu Murenge wa Tabagwe ahitwa Nyagasigati ariko ngo bamubonye ukwezi kumwe muri abiri bari bumvikanye ko azabigisha.

Ati “Amazina ye sinyibuka hashize igihe ariko ngo ni Daniel, twumvikanye kutwigisha amezi abiri. Yatwigishije kumwe nabwo mu cyumweru yazaga nka gatatu cyangwa kabiri.”

Avuga ko buri wese yishyuraga amafaranga 10,000 yo kwiga na 5,000 byo kwiyandikisha.
Yifuza ko bishoboka akaboneka yabasubiza amafaranga yabo cyangwa akongera akabigisha ku batarabonye ubushobozi bwo kujya kwigira ahandi.

Agira ati “Tumuheruka tumuha amafaranga, ubu ntitwamenya aho aherereye. Bishoboka akaboneka nibura agakomeza akatwigisha cyangwa akadusubiza amafaranga yacu.”

Mugisha kimwe na bagenzi be bavuga ko batigeze bamenyesha ubuyobozi ikibazo cyabo kuko ari umuntu ku giti cye atari ishuri rizwi yakoreragamo bityo no kumubona ngo bikaba bitoroshye.

Umuyobozi ushinzwe ubutegetsi mu Murenge wa Tabagwe wasigaye mu nshingano z’Umunyamabanga Nshingwabikorwa w’Umurenge, Mutamba Jane, avuga ko iki kibazo batari bakizi.

Avuga ko ariko baza kuvugana n’abafite icyo kibazo cyo kwamburwa, bashakishe uwabambuye abasubize amafaranga yabo.

Ati “Turaza gukorana n’abafite ikibazo dushake amakuru y’aho uwabambuye aherereye tumusabe kubasubiza amafaranga yabo.”

Avuga ko amakosa yakozwe ari uko bakoranye n’umuntu ku giti cye udafite aho abarizwa nyamara ubundi bagakoranye n’amashuri asanzwe yigisha amategeko y’umuhanda no gutwara ibinyabiziga.

Ikipe ya Kiyovu Sports yafunguye amazamu ku munota w 15 w’umukino, ku gitego cyatsinzwe na Mugenzi Bienvenu, akaba ari n’umwe mu bakinnyi bamaze iminsi bahagaze neza muri Shampiyona y’u Rwanda.

Abakinnyi babanje mu kibuga:

Kiyovu Sports: Kimenyi Yves, Serumogo Ali, Dusingizimana Gilbert, Ngendahimana Eric, Ndayishimiye Thierry, Nshirimana Ismail, Benedata Janvier, Bigirimana Abedi, Mugenzi Bienvenue, Emmanuel Okwi, Bizimana Amissi.

Etincelles FC: Lulu Thierry, Akayezu Jean Bosco, Uwiringiyimana Christophe, Bizimungu Omar, Kanamugire Moses, Gakwavu Jean Berchmas, Ciiza Hussein, Usabimana Olivier, Kakule Mukata Justin, Songa Isaïe, Fosso Fabrice.

I Huye, Mukura yongeye kwerekana ko ari ikipe nkuru

Mu mukino wari utegerejwe na benshi i Huye, APR FC yafunguye amazamu ku munota wa 23 ku gitego cyatsinzwe na Kwitonda Alain Bacca.

Igice cya mbere cyaje kurangira ari igitego 1-0 cya APR FC, Mukura iza kwishyura ku munota wa 65 kuri penaliti, umukino urangira ari igitego 1-1.

Kiyovu yasubiye ku mwanya wa mbere

Ikipe ya Kiyovu Sports nyuma yo gutsinda Etincelles, bigakurikirwa no gutakaza amanota kwa APR FC, Kiyovu Sports ubu iyoboye urutonde rwa shampiyona rw’agateganyo n’amanota 47, naho APR FC Ikayikurikira n’amanota 45.

Muri ibi bikorwa byatashwe harimo imashini ziringaniza ikigero cy'amashanyarazi (transformers) n'imiyoboro mishya ireshya n'ibirometero 14 by'imiyoboro iringaniye (MV) n'ibirometero 34.7 by'imiyoboro mito (LV).

Muri uyu mushinga warangiye harimo amatara yo ku mihanda yashyizwe ku birometero bigera kuri birindwi mu Murenge wa Gisenyi.

Ambasaderi w'u Bubiligi mu Rwanda, Beet Versmessen yavuze ko iyi miyoboro miremire izafasha abaturage ibihumbi 250 kubona amashanyazi.

Ati 'Uyu ni umusaruro ufatika werekana ishusho ngari y'ibigenda bigerwaho mu myaka mike ishize. U Rwanda rukomeje gutera intambwe ishimishije mu gukwirakwiza amashanyarazi. Leta y'u Bubiligi yishimiye kuba yaragize uruhare muri uru rugendo rushimishije'.

Minisitiri w'Ibikorwaremezo, Dr. Ernest Nsabimana yavuze ko iyi miyoboro ije gusimbura iyari ishaje kugira ngo Rubavu nk'umujyi wunganira Kigali ujyane n'icyerecyezo cy'igihugu.

Ati:Muri aka karere ibikorwa remezo by'amashanyarazi byari Bihari ni ibya kera kuburyo habaga kubura amashanyarazi rimwe na rimwe, ibintu bitajyanye n'umujyi wunganira Kigali. Ubu haje ibishya bijyanye n'icyerecyezo cy'igihugu kuburyo ibyo kubura umuriro n'insinga zishaje ntibizongera kubaho.'

Uyu mushinga w'inkunga ingana na Miliyoni 39 z'amayero yakoreshejwe muri gahunda yo gukwirakwiza amashanyarazi yibanze cyane ku kongera umubare w'abagerwaho n'amashanyarazi.

Ni umushinga wunganira icyerecyezo cya leta y'u Rwanda cy'uko mu mwaka wa 2024, amashanyarazi azaba yageze ku baturage bose ku kigero cya 100%. Kuri ubu akarere ka Rubavu kageze ku kigero cya 91%.

Imwe muri transformateurs zashyizwe mu bice bitandukanye mu kongera umuriro

Basobanuriwe uburyo amashanyarazi agiye guhindura imibereho y’abaturage ba Rubavu

Minisitiri w'Ibikorwaremezo Dr. Ernest Nsabimana na Ambasaderi Beet Versmessen bafungura ku mugaragaro ibi bikorwa remezo

Umuyobozi w’akarere ka Rubavu wungirije ushinzwe iterambere ry’ubukungu, Nzabonimpa Deogratias yavuze ko iyi miyoboro izafasha mu iterambere

Ambasaderi Beet Versmessen avuga ko kubaka imiyoboro miremire ifasha abaturage ibihumbi 250 kubona amashanyazi akaba ari ishema ku gihugu cye

Ntwali Patrick ni umuganga ukora akazi ko kwakira abarwayi mu bitaro bya Gisenyi. Avuga ko mbere yo kwiga ururimi rw’amarenga yajyaga ahura n’ikibazo cyo kuvugana n’umurwayi ufite ubumuga bwo kutumva no kutavuga.

Agira ati 'Byari ikibazo kigoye kuko tutamenyaga icyo twafasha umurwayi kubera ko tudahuje ururimi. Ni ikibazo ku muganga ugomba gutanga serivisi y’ubuvuzi umurwayi amutegerejeho. Iyo twagiraga amahirwe akaba azi kwandika twarandikaga agasubiza, gusa hari igihe twasangaga atabizi bikatugora kumuha serivisi.'

Ntwali avuga batangiye kwiga ururimi rw’amarenga kandi bishimiye kurwiga kugira ngo batange serivisi ku babagana.

Ati 'Batuzaniye abatwigisha ururimi rw’amarenga, twiga twishimye kugira ngo tumenye uru rurimi dushobore gufasha abatugana.'

Nziza Claudine, umukozi ushinzwe kwakira amafaranga mu bitaro bya Gisenyi, avuga ko bishimiye guhabwa ubumenyi bw’ururimi kuko ahura n’abantu batazi kuvuga kandi agomba kuvugana na bo.

Ati 'Byajyaga bitugora, rimwe tukandika akadusubiza, ubundi yaba atazi kwandika, akaba afite umuntu umuherekeje cyangwa akaduha nimero ya telefoni y’umuntu uzi ibibazo bye akaba ari we uduha amakuru, gusa urumva na byo si ibintu wakwizera. Ubu rero turimo kwigishwa turizera ko izi mbogamizi twahuraga na zo zitazasubira.'

Mukamana Laurence ni umukozi ushinzwe gutanga amakuru mu Karere ka Rubavu, akaba yarabaye umukozi ushinzwe kwakira abagana ibitaro bya Gisenyi. Avuga ko basabye kwigishwa amarenga kuko yari akenewe.

Ati 'Nayasabye nyuma yo kubona mu bitaro nta muntu uzi ururimi rw’amarenga, abarwayi badusanga tukananirwa kubafasha. Ibi kandi nabihereye ku kuba hano mu mujyi wa Gisenyi hari ibigo by’amashuri byigaho abanyeshuri bakoresha ururimi rw’amarenga, bagana ibitaro bituma nsaba ko aya masomo yatangwa, kandi abaganga n’abandi bakozi bayakurikira bishimye.'

Mukamana avuga ko n’ubwo bishimira ko amasomo y’ururimi atangwa mu bitaro bya Gisneyi ngo yagombye guhabwa abakozi bose batanga serivisi kuko bashobora kugerwaho n’umuntu ukoresha amarenga bakaba bananirwa kuvugana.

Mukamana avuga ko kwiga ururimi rw’amarenga bisaba amezi atatu buri munsi yiga amasaha abiri, umuntu akaba afite ubumenyi bw’ibanze.

Kuva mu mwaka wa 2017 Mukura VS na APR FC zimaze guhura mu mikino umunani (8) aho muri iyo mikino ikipe ya Mukura VS yakira uyu mukino yatsinzemo imikino ibiri (2) mu gihe APR FC yatsinzemo imikino itanu (5) amakipe yombi anganya umukino umwe (1). Muri iyo mikino yose Mukura VS yinjijemo ibitego bitanu (5) mu gihe APR FC yinjijemo ibitego 11.

Muri iyo mikino umunani APR FC imaze gutsindira Mukura VS ku kibuga cyayo banakiniraho kuri iki Cyumweru imikino itatu(3) mu gihe kuva muri 2017 Mukura VS itari yatsindira APR FC i Huye muri shampiyona.

Mukura VS ni yo kipe yahagaritse ikipe ya APR FC yari imaze imyaka ibiri n’igice idatsindwa. Ibi Mukura VS yabikoreye mu mukino w’ikirarane wabereye kuri Sitade ya Kigali i Nyamirambo ku wa 31 Mutarama 2022 iyitsinda igitego 1-0 cya Nyarugabo Moise ku mupira yahawe na Djibrine Akuki mu mukino wabaye iminsi ibiri kubera imvura yaguye igice cya mbere kirangiye bikaba ngombwa ko igice cya kabiri gikinwa tariki ya 1 Gashyantare 2022.

Kuva tariki 17 Mutarama 2022 ubwo Mukura VS yatsindwaga na Police FC i Huye ibitego 2-1 iyi kipe ntiyari yongera gutsindwa umukino n’umwe kuko mu mikino icyenda(9) imaze gukina kuva icyo gihe yatsinzemo imikino irindwi(7) inganyamo imikino ibiri (2).

APR FC kuva yatsindwa na Mukura VS tariki 31 Mutarama 2022 imaze kongera gukina imikino itandatu(6) aho yatsinzemo imikino ine(4) itsindwa umwe(1) inganya undi mukino umwe(1).

Kugeza ubu muri shampiyona Mukura VS iri ku mwanya wa gatanu mu makipe amaze kubona amanota menshi yakiniye mu rugo kuko yahakiniye imikino icumi (10) ihatsindira itanu(5) ihanganyiriza itatu(3) ariko ihatsindirwa imikino ibiri(2). Ni mu gihe APR FC kugeza ubu iri ku mwanya wa gatatu mu makipe amaze kubona amanota menshi yasohotse dore ko imaze gusohoka imikino icumi(10) itsindira hanze imikino ine(4) inganya imikino itanu(5) ihatsindirwa umukino umwe(1).

Ikipe ya APR FC irakina uyu mukino idafite myugariro wayo Nsabimana Aimable ufite amakarita atamwerera gukina umunsi wa 21 wa shampiyona.

APR FC ifite amanota 44 ikaba iri ku mwanya wa mbere ku rutonde rw’agateganyo rwa shampiyona mu gihe Mukura VS iri ku mwanya wa gatatu n’amanota 35.

Nta muntu witabye Imana mu Rwanda kuri uwo munsi azize icyo cyorezo, abamaze kwitaba Imana mu Rwanda bazize Covid-19, ni 1,459 nk’uko imibare yatangajwe ibigaragaza.