Blog

Ibyumweru bibiri birashize abahatanira kuba Miss Rwanda 2022 binjiye mu mwiherero. Kimwe mu bikorwa bakora harimo siporo ya mu gitondo, ndetse mu minsi ya nyuma y'umwiherero bagakora ihiganwa muri iki cyiciro.

Ihiganwa rya Siporo ryabaye mu gitondo cyo kuri iki Cyumweru, tariki ya 13 Werurwe 2022. Ni igikorwa cyayobowe na Girumugisha Gael usanzwe afasha mu myitozo aba bakobwa.

Aba bakobwa bahiganwe mu byiciro by'imyitozo ngororamubiri bitandukanye birimo 'aerobics', imyitozo yo kugabanya ibinure ku nda ndetse no gusiganwa mu kwirukanka.

Muri buri cyiciro bari bari mu matsinda basanzwe barimo atanu, kugeza hasigayemo abakobwa batatu ari bo Bahali Ruth, Uwimana Marlene ndetse na Uwikuzo Marie Magnificat.

Aba uko ari batatu basoreje ku cyiciro cyo gusiganwa birangira Uwimana Marlene ari we ubaye uwa mbere bityo atsindira kuba Brand Ambassador wa Smart Design nk'umuterankunga w'iki cyiciro ndetse akazahabwa miliyoni 2.4 nk'igihembo nyamukuru cy'iki cyiciro.

N'ubwo byari ihiganwa ndetse aba bakobwa babizi neza ko uwa mbere yegukana ibi bihembo, icyakomeje kwiganza ni uburyo bose bashyigikiranaga.

Uwimana nyuma yo gutsinda yavuze ko kimwe mu byakomeje kumutera imbaraga aho yabaga yumva ananiwe, ari uburyo bagenzi be bamushyigikiraga.

Abajijwe uko azakoresha ibihembo yatsindiye, yagize ati 'Ndumva nzakoresha aya mafaranga mu kwakira abandi bana babiri mu muryango wanjye. Ikindi, bagenzi banjye bakomeje kunsaba ni ugusangira tukishimira iyi ntsinzi, ubwo nabyo bigomba kuba tugasabana.'

Uwimana Marlene afite umushinga witwa Tabita Foundation usanzwe ukora amaze kwakiramo abana 12 afasha mu byo bakeneye bitandukanye. Baturuka mu miryango itandukanye itifashije, ariko akabafasha bakiyirimo. Uyu mushinga ni nawo yatanze muri Miss Rwanda 2022.

Fondasiyo ya Tabita yayitangije mu mwaka wa 2021, itangira igamije gukangurira imiryango ibyerekeye uburere bwiza no kurera abana neza, kurema Isi itekanye ku bana bose muri rusange kugira ngo hizerwe ikiragano gishya cy'abana bazakura bakavamo abantu bakomeye babasha gufata ibyemezo bizana impinduka nziza ku Isi.

Mu yandi mahiganwa abari mu mwiherero bakora, harimo Culture Challenge, Talent Challenge, ibizamini birimo icyanditse ndetse n'icyo ku munwa n'ibindi bitandukanye bigenda bigaragaza abazajya mu 10 ba mbere.

Mu bikorwa by'ibanze bakora harimo kuba baganirizwa n'abantu batandukanye, bagasura ibikorwa hirya no hino mu gihugu ndetse bakanakora amahiganwa atandukanye agenda agaragaza abazajya mu myanya 10 ya mbere n'abazahabwa imikoranire n'abafatanyabikorwa batandukanye b'irushanwa.    

Ibyishimo kuri Uwimana Marlène wahize bagenzi be mu irushanwa ryo gukora siporo ryabaye kuri iki Cyumweru

 

Uwimana yahembwe miliyoni 2.4 Frw, avuga ko azayifashisha mu gushyira mu bikorwa umushinga we

 

Uwimana yinjiranye muri Miss Rwanda umushinga witwa Tabita Foundation usanzwe ukora amaze kwakiramo abana 12

 

Uwimana yavuze ko yatsinze iri rushanwa kubera ko bagenzi be bari bamushyigikiye mu buryo bukomeye 

Abakobwa bahiganwe mu byiciro by'imyitozo ngororamubiri bitandukanye birimo 'aerobics' n'ibindi 

Saro Amanda

Bahali Ruth

APR FC yananiwe kwihorera imbere ya Mukura victory sports, banganya igitego 1-1 mu mukino w’umunsi wa 21 wa shampiyona. APR FC yamanutse mu kibuga ibizi ko Kiyovu Sports basangiye amanota yatsinze umukino wayo igitego 1-0. 

Nta guca ku ruhande APR nayo yagombaga gutsinda uyu mukino, kugira ngo itica imibare n’intego zayo dore ko umukino ugitangira yahise igaragaza ko ifite inyota y’amanota atatu.

Umukino wabanjirijwe n’imvururu zo kwinjira muri sitade, aho abantu bashakaga kwinjira huti huti byatumye hari ababikomerekeramo.

Ku isaha ya saa 15:00 pm umukino wari utangiye, mu bakinnyi babanza mu kibuga ku ruhande rwa APR FC Ruboneka Jean Bosco ntiyagaragaye, mu gihe Aboubakar Djibrine kizigenza wa Mukura nawe atatangiye umukino.

Ku munota wa 23, APR FC yabonye igitego cya mbere gitsinzwe na Alain Kwitonda Bacca, ndetse igice cya mbere kirangira ntazindi mpinduka zibayeho.

Mu gice cya kabiri, Mukura yaje yahinduye isura ndetse ishaka kwishyura. Nyuma yo gukomeza kwataka cyane ikipe ya APR FC, umuzamu Ishimwe Pierre yaje gutega Mugisha Patrick wa Mukura victory sports bituma ibona penariti yatsinzwe na William Opoku ku munota wa 65, umukino urangira amakipe yombi aguye miswi.

Uyu mukino ukirangira, abafana ba Mukura birukanyiye mu kibuga bishimira intsinzi. Indi mikino Kiyovu Sports yatsinze Etincelles FC 1-0, Gasogi United inganya na Etoile de L’Est 1-1.

Kiyovu Sport yahise ifata umwanya wa mbere n’amanota 47, APR FC ku mwanya wa 2 n’amanota 45, mu gihe Mukura yagumye ku mwanya wa 3 n’amanota 37 irusha 2 Rayon Sports.

Mu ijoro ryo ku wa Gatanu tariki 11 Werurwe 2022, nibwo aba bakobwa bakoze ibirori by'umusangiro byabereye muri La Palisse Hotel Nyamata, aho bari gukorera umwiherero w'ibyumweru bitatu uzasozwa tariki 20 Werurwe 2022.

Ni ibirori bakoze mu gihe ku wa Gatandatu tariki 19 Werurwe 2022, ari bwo hazamenyekana umukobwa wegukanye ikamba rya Miss Rwanda 2022. 

Amatike yo kwinjira muri ibirori yashyizwe ahagaragara, aho kwinjira ari 30,000 Frw muri VVIP, 20, 000 Frw muri VIP na 10,000 Frw mu myanya isanzwe. Kanda hano ubashe kugura itike.

Ibi birori 'Gala Dinner' byaranzwe n'imyambarire yihariye kuri buri mukobwa. Byaranzwe kandi no kubyina imbyino zitandukanye, kuganira no gusangira amafunguro yihariye. 

INYARWANDA YAKUSANYIJE AMAFOTO YARANZE IBI BIRORI  

Umuhoza Emma Pascaline atambuka ku itapi itukura [Red Carpet] 

Ruzindana Kelia uri imbere mu matora yo kuri internet no kuri SMS, aha yatambukaga kuri Red Carpet 

Saro Amanda, ufite ubuhanga bwihariye mu gucuranga gitari na Piano anyura ku itapi itukura 

Amafoto yihariye yafashwe muri ibi birori

Uwimana Marlene yagaragaje kwizihirwa ubwo yanyuraga ku itapi itukura

 

Mugabekazi Ndahiro Queen yaserutse yambara umwenda w’ibara ry’umukara n’inkweto ndende

Kazeneza Marie Merci ni uko yaserutse mu musangiro wahuje ba Nyampinga 

Buri mukobwa yakoze ku mwambaro wihariye yateguriye uyu musangiro mu gihe bitegura kujya kuri ‘final’ 

Buri mukobwa yanyuraga ku itapi yizihiwe mu buryo bukomeye, bagenzi be bamukomera amashyi 

Uwimana Jeannette ufite ubumuga bwo kutumva no kutavuga, mu ikanzu nziza ni uko yaserutse 

Nshuti Muheto Divine uhagarariye Uburengerazuba, ni uko yaserutse muri ibi birori byaranzwe no kubyina 

Wari umwanya wo kubwirana inkuru nshya- Umuhoza Emma Pascaline ari kumwe na Ruzindana Kelia 

Buri wese yakoraga uko ashoboye akifotoza mu buryo bwihariye, ifoto isiga urwibutso

 

Umwiherero (Boot Camp) ni kimwe mu bintu byihariye muri Miss Rwanda bisiga urwibutso rudasaza ku bakobwa bahatanye    

Byari byemewe gukuramo inkweto ugacikanya akadiho… Cyangwa wakumva unaniwe ukaba uzikuyemo ariko ukirekura 

Uwimanzi Vanessa uhagarariye Umujyi wa Kigali ni uko yaserutse muri ibi birori

Yanyuze ku itapi itukura anabyina imbyino zigezweho 

Nyuma yo gucinya akadiho no kuganira bafashe amafunguro yihariye

Aba bakobwa bagiye kumara ibyumweru bitatu mu mwiherero biga ibintu bitandukanye

Nta muntu witabye Imana mu Rwanda kuri uwo munsi azize icyo cyorezo, abamaze kwitaba Imana mu Rwanda bazize Covid-19, ni 1,459 nk’uko imibare yatangajwe ibigaragaza.

Abanyarwanda n’inshuti zabo bitabiriye kwizihiza Umunsi Mpuzamahanga w’Abagore ari benshi

Ku rwego mpuzamahanga insanganyamatsiko y’Umunsi Mpuzamahanga w’Abagore uyu mwaka ikaba igira iti: 'Gender equality today for a sustainable tomorrow'. Naho ku rw’u Rwanda, insanganyamatsiko y’uyu mwaka ikaba ari : 'Uburinganire n’Ubwuzuzanye mu guhangana n’imihindagurikire y’ibihe/Gender equality to address climate change'.

Ni muri urwo rwego Abanyarwanda batuye muri Sénégal n’inshuti zabo bizihije uwo munsi wabanjirijwe n’umuganda hagamijwe gukangurira abantu kubungabunga ibidukikije mu rwego rwo gukumira ihindagurika ry’ibihe.

Kwizihiza Umunsi Mpuzamahanga w’Abagore byabereye kuri 'Monument de la Renaissance Africaine' i Dakar mu murwa mukuru wa Sénégal ahari ikimenyetso kigaragaza ubwigenge bwa Afurika, uko Afurika yavuye mu bukoroni no mu mwijima ikagana mu mucyo.

Uwari uhagarariye Umuyobozi wa 'Monument de la Renaissance Africaine' Bwana Lamine BA, mu kwizihiza Umunsi Mpuzamahanga w’Abagore yashimye byimazeyo imiyoborere ya Perezida w’u Rwanda, Paul Kagame n’ibyo u Rwanda rumaze kugeraho ibindi bihugu byakwigiraho, harimo n’isuku ndetse no muri Sénégal bakaba baratangiye igikorwa cy’umuganda babyigiye ku Rwanda.

Perezida w’Umuryango w’Abanyarwanda baba muri Sénégal, Dr. Jovith NDAHINYUKA yashimye ubwitange Abanyarwanda bari muri Sénégal bagaragaza mu kwitabira gahunda zose zitegurwa na Ambasade n’Umuryango w’Abanyarwanda baba muri Sénégal by’umwihariko uko bitabiriye Umunsi Mpuzamahanga w’Abagore ari benshi kimwe n’inkunga batanga igamije iterambere n’imibereho myiza by’Abanyarwanda mu rwego rwo kwishakamo ibisubizo.

Visi-Perezida w’Umuryango w’Abanyarwanda baba muri Sénégal, Madamu Antoinette HABINSHUTI, mu kiganiro yatanze kijyanye no kwizihiza Umunsi Mpuzamahanga w’Abagore, yagaragaje ko umugore n’umukobwa bashoboye, barangwa n’ubwitange n’umurava mu byo bakora byose bityo ko uburinganire n’ubwuzuzanye bukwiye kuba intego kuri bose kugira ngo habeho iterambere n’imibereho myiza kuri bose kandi ku buryo bwihuse. Yashimye ubuyobozi bwiza bw’Igihugu cy’u Rwanda ku isonga Perezida Paul KAGAME wateje imbere umugore agahabwa uburenganzira yari yaravukijwe n’uburere bw’umwana w'umukobwa. Yanagarutse ku bushobozi n’uruhare rw’umugore n’umukobwa bityo asaba ko ubwo burenganzira bahawe bakomeza kubukoresha mu guteza imbere Igihugu cyabo.

Mu ijambo rye, Ambasaderi w’u Rwanda muri Sénégal, Jean Pierre KARABARANGA yashimye umubano mwiza n’ubufatanye hagati y’u Rwanda na Sénégal bishingiye ku mubano mwiza wa kivandimwe hagati ya Perezida Paul KAGAME na Perezida Macky SALL n’imikoranire myiza n’ubufatanye hagati ya Ambasade y’u Rwanda muri Sénégal n’ubuyobozi bwa 'Monument de la Renaissance Africaine'.

Ambasaderi kandi yibukije ko ibyiza u Rwanda rwagezeho mu rwego rw’uburinganire no mu rwego rwo kubungabunga ibidukikije mu Rwanda bituruka ku buyobozi bw’indashyikirwa bwa Perezida Kagame. Yanashimiye ubuyobozi bwa 'Monument de la Renaissance Africaine' kuba baragennye ubusitani bwagenewe u Rwanda, mu gice kimwe mu hakikije icyo kimenyetso. Ambasade izahashyira ubusitani buzarushaho kugaragaza isura nziza y’u Rwanda no kumenyekanisha Igihugu kuko hasurwa n’abantu benshi bavuye imihanda yose, ibyo na byo bikazarushaho gushimangira umubano hagati y’ibihugu byombi n’imikoranire hagati ya Ambasade na 'Monument de la Renaissance Africaine'.

Ni inkuru dukesha Ambasade y’u Rwanda muri Sénégal

Umuvugizi wa Polisi mu Ntara y’Iburengerazuba Superintendent of Police (SP) Bonaventure Twizere Karekezi, yavuze ko uyu Ndaribitse yafashwe ubwo Abapolisi bari mu bikorwa bisanzwe byo kugenzura ko amategeko y’umuhanda yubahirizwa.

Yagize ati 'Abapolisi bashyize bariyeri mu muhanda uva Musanze ujya Rubavu, bahagarika imodoka yo mu bwoko bwa FUSO ifite nomero RAD 134 Z yari itwaye inka 20 izivanye mu Karere ka Burera izijyanye mu Karere ka Rubavu. Izi nka zari iza Ndaribitse abajijwe icyangombwa cyo gutwara inka mu modoka arakibura, ahita ava mu modoka ajya ku ruhande akura amafaranga ibihumbi 5000 mu mufuka, ayahereje Umupolisi ahita amufatira mu cyuho.'

SP Karekezi yagiriye inama abantu bakora ubucuruzi kujya bashaka ibyangombwa byuzuye bibemerera gukora ako kazi kugira ngo birinde ibyaha birimo no gutanga ruswa.

Ati 'Turasaba Abacuruzi kujya bashaka ibyangombwa byose bibemerera gukora ubucuruzi bwabo, kuko mu gihugu cyacu inzego zikora neza, iyo uzigannye usaba icyangombwa bakabona ugikwiye barakiguha hakurikijwe amategeko. Ikindi abantu bakwiye kureka imyumvire yo kubona baguye mu makosa bakumva ko gutanga ruswa ari byo bibakura mu makosa kuko uba wishyize mu kaga ko gukora icyaha cyo gutanga ruswa.”

Ndaribitse yashyikirijwe Urwego rw’Igihugu rushinzwe Ubugenzacyaha (RIB) rukorera kuri sitasiyo ya Gisenyi kugira ngo rukore iperereza ku cyaha cya ruswa akurikiranyweho.

Itegeko no 54/2018 ryo ku wa 13/08/2018 rirwanya ruswa ingingo yaryo ya 4 ivuga ko umuntu wese usaba, utanga cyangwa wakira mu buryo ubwo ari bwo bwose, indonke iyo ari yo yose, iyo abihamijwe n’urukiko, ahanishwa igifungo kuva ku myaka itanu (5) ariko kitarenze imyaka irindwi (7) n’ihazabu y’amafaranga y’u Rwanda yikubye inshuro kuva kuri eshatu (3) kugeza kuri eshanu (5) z’agaciro k’indonke yatse cyangwa yakiriye.

Ni inkuru dukesha Polisi y’u Rwanda

Umuhuzabikorwa w’ibikorwa bya Polisi n’Abaturage mu Ntara y’Amajyaruguru, SP Alex Ndayisenga, yemeje aya makuru agira ati: “Ni abana babiri b’abahungu bari mu kigero cy’imyaka 16. Bari kumwe bari mu mbuga y’urwo rugo, ari na ho iyo modoka yabasanze irabagonga bahita bapfa. Bikimara kuba Polisi yahise ihagera, irasuzuma; igira ngo ishakishe icyateye iyo mpanuka, biba ngombwa ko dupima n’umushoferi, ibipimo bigaragaza ko yasomye ku bisindisha. Bikekwa ko n’ibisindisha yanyweye byaba biri no mu mpamvu zaba zateye impanuka”.

Iyi mpanuka yanakomerekeyemo abandi bantu babiri, bahise bajyanwa mu bitaro kugira ngo bitabweho n’abaganga.

Polisi iburira abatwara ibinyabiziga bafite uburangare, cyangwa banyoye ibisindisha, kuko bateza ingaruka zitandukanye, harimo n’impanuka zihitana ubuzima bwa benshi, bikanangiza byinshi.

SP Ndayisenga agira ati: “Polisi iburira abantu kudatwara ibinyabiziga banyoye ibisindisha, kuko bigira uruhare rukomeye mu guteza impanuka zigoye kwirindwa. Turongera kwihanangiriza kandi twibutsa abashoferi ko bagomba kubahiriza amategeko y’umuhanda, bakirinda uburangare mu gihe batwaye. Turabamenyesha ko mu gihe babirenzeho, hari ibihano biteganywa n’amategeko, harimo no kuba umushoferi ashobora kwamburwa uruhushya rwe rwo gutwara ibinyabiziga, mu gihe bigaragaye ko yagiriwe inama kenshi akabirengaho. Ibi abantu bakwiye kubimenya, bakabyirinda”.

Akomeza kwibutsa abantu ko impanuka ziteza ibihombo, yaba kuri ba nyiri ibinyabiziga n’ibyo biba byangije iyo bikoze impanuka.

Imirambo ya ba nyakwigendera, yahise ijyanwa mu bitaro bikuru bya Ruhengeri, kugira ngo ikorerwe isuzumwa, mu gihe umushoferi we yashyikirijwe Polisi sitasiyo ya Muhoza kugira ngo iperereza rikomeze.

Ubwongereza bwafatiye ibihano abantu ku giti cyabo, amabanki n'ibigo by'ubucuruzi, byose bifitanye isano n'Uburusiya kubera intambara bwashoje kuri Ukraine.

Leta y'Ubwongereza ikomeje kwotswa igitutu ngo irusheho kugira icyo ikora mu guhagarika amafaranga y'Uburusiya yinjira mu Bwongereza.

Minisitiri w'ubutegetsi bw'igihugu, Priti Patel yavuze ko adahisha ko hashize igihe kirekire London yarabaye ahantu abantu baza kogereza amafaranga babonye mu buryo bubi.

Amafaranga y'abarusiya ari mu Bwongereza angana gute?

Abaherwe benshi n'ibigo by'ubucuruzi byo mu Burusiya no hirya no hino ku isi bashora imali mu buryo bwemewe n'amategeko mu masoko y'imali n'ubucuruzi bw'amazu mu Bwongereza.

Ariko umuryango urwanya ruswa ku isi, Transparency International, uvuga ko amazu yo mu Bwongereza afite agaciro k'amafaranga y'amapawundi miliyari imwe n'igice afitwe n'abarusiya bashinjwa ibyaha byo mu rwego rw'imali cyangwa bafite aho bahuriye n'ubutegetsi bw'Uburusiya.

Icyegeranyo cya minisiteri y'ubutegetsi bw'igihugu kivuga ko Ubwongereza burimo umubare uri hejuru w'imali yabonetse mu buryo butemewe n'amategeko y'abarusiya cyangwa ifite aho ihuriye nabo. Iyi mali ngo ikoreshwa mu bintu birimo kugura amazu meza ahenze cyane, imodoka, kwishyura amafaranga y'ishuri, rimwe na rimwe ikanatangwa nk'imfashanyo mu bigo by'umuco muri gahunda yo 'kugirango banyirayo babonwe neza'.