Blog

Kuri iki Cyumweru tariki 17 Mata 2022, itsinda ry’abapolisi 80 riyobowe na SSP Prudence Ngendahimana, ryahagurutse ku kibuga cy’indege mpuzamahanga cya (…)

Minisiteri y’Ubuzima (MINISANTE) iragaragaza ko ku Cyumweru tariki 17 Mata 2022 mu Rwanda habonetse abantu babiri banduye Covid-19, bakaba babonetse mu (…)

Amakuru yo muri raporo avuga ko uru rugomo rwabereye mu Mudugudu wa Nyarucyamu, Akagari ka Ruli mu Murenge wa Shyogwe.

Ababonye uko urwo rugomo rwakozwe, bavuga ko hari bamwe mu baturage batuye mu Mudugudu wa Nyarutovu uherereye mu Murenge wa Nyamabuye bateye abo banyerondo guhera saa tatu kugeza saa sita n’igice za nijoro.

Abahageze bemeza ko abo bari bafite imihini bahise bakomeretsa abantu 6.

Bavuze ko abashinzwe umutekano batabaye, bafata abantu batatu muri abo bateye irondo, abandi baracika bakaba barimo gushakishwa.

Abakomeretse bajyanywe mu bitaro.

Umuyobozi w’Akarere ka Muhanga ndetse n’Umunyamabanga Nshingwabikorwa w’Umurenge wa Shyogwe , ikinyamakuru Umuseke dukesha iyi nkuru kivuga ko cyageregeje kubahamagara ntibitaba telefone.

Ushinzwe irondo yakomerekejwe n’abantu bitwaje imihini

Ikinyamakuru The Standard dukesha iyi nkuru kivuga ko Aggrey Odhiambo Achieng yakatiwe ku wa Gatatu w’iki cyumweru n’umucamanza witwa Francis Andayi, waburanishije uru rubanza.

Achieng ashinjwa kwiba imodoka y’Umupolisi (Chief Inspector), David Machui tariki 26 Kanama, 2014 akaba yarafatanyije n’abandi bantu bane.

Imodoka bibye ni BMW 735 bayisanze ahitwa Utawala, mu mujyi wa Nairobi.

Inyandiko ikubiyemo ikirego ivuga ko Achieng n’abo bari kumwe biba imodoka bari bafite imbunda ya AK 47 na pistolet.

Naho imodoka bibye ifite agaciro k’amashilingi ya Kenya miliyoni 1.2.

Abandi bibanye imodoka bamwe barapfuye

Abandi bari muri uru rubanza ni Nelson Topicho Mulati, Robert Mande Ochan, Andrew Young Otieno na Godfrey Ouma Simon. Babiri barapfuye abanda bagizwe abere mu isomwa ry’urubanza ryabaye ku wa Gatatu.

Topicho Mulati yapfuye hashize amezi atanu arekuwe muri 2017, akaba yarapfiriye ku muhanda witwa Kangundo mu buryo budasobanutse ariko Polisi yavuze ko yaguye mu kurasana nk’uko The Satndard kibivuga.

Mande Ochan, we ukomoka muri Uganda akaba yaragurishaga imodoka, yapfuye muri 2020 aguye i Kampala, Umucamanza Andayi avuga ko yazize uburwayi bityo abo bapfuye ngo nta rundi rubanza baregwa.

Otieno na Simon bo bagizwe abere kuko Urukiko nta bimenyetso rwabonye ku cyaha baregwa.

UMUSEKE.RW

Nk’uko abatuye bo mu kibaya cya Rusizi babitangaza ngo mu gitondo cyo kuri uyu wa gatanu, Abasirikari benshi b’Abarundi bambutse uruzi rwa Rusizi bajya mu gace ka Kigoma, muri Teritori ya Uvira mu ntara ya Kivu y’Amajyepfo.

Bamwe mu baturage baganiriye na Source Media Burundi batashatse kuvuga amazina yabo ku mpamvu z’umutekano wabo baragira bati'Twabonye banyura mu gace ka Nyakabere na Kyanyunda, Ntibari munsi ya 90.

Aba baturage bakomeza bavuga ko babonye abasirikari b’Abarundi bambuka uturere twa Kahanda na Rukobero. Uturere twombi tugenzurwa na Mai Mai Kijangala na Buhirwa ndetse ko mu ijoro ryo ku wa gatatu w’icyumweru gishize , abarwanyi bo mu mitwe yombi ya Mai Mai hamwe n’abagize ingabo z’Uburundi banasahuye byibuze inka zigera kuri 400 i Mutarule, muri teritori ya Uvira bakica n'umusirikare w’ingabo za Congo FARDC.

Bakomeza bagira bati 'Bishe umusirikare wa FARDC (Ingabo za Repubulika Iharanira Demokarasi ya Congo) kandi basahura inka zigera kuri 400'.

Umukozi w’ingabo za congo-kinshasa FARDC wifatanije n’umutwe wa 3304 wahawe ako karere yemeje ko 'umwe mu ba sirikare ba FARDC bari bari i Mutarule yahiciwe nizo ngabo z’uburundi zifatanyije na Mai Mai

Mu ntangiriro z’icyumweru gishize , i Magunda na Kakuku muri kivu y’Amajyepho havuzwe imirwano hagati y’abasirikare b’Abarundi bashyigikiwe na Gumino, itsinda rya Colonel Nyamusaraba wavanywe muri FARDC hamwe n’inyeshyamba z’umutwe witwaje intwaro witwa Red Tabara.

Abashumba bo muri ako gace ko muri kivu y’amajyepfo bavuga ko barengewe no gusahura inka mu byumweru bibiri bishize kuko mu cyumweru gishize, byibuze inka 500 zasahuwe mu gace ka Kiziba mu itsinda rya Bijombo zasahuwe na Red Tabara ikindi izindi zigera kuri 400 zisahurwa n’ingabo z’igihugu cy’uburundi.

Umutwe witwaje intwaro witwa Red Tabara ufatwa n’ubutegetsi bw’Uburundi ko ari umutwe w’iterabwoba

Ku wa Gatandatu tariki 16 Mata 2022 Rayon Sports yatsinze Gorilla FC igitego 1-0 cyatsinzwe na Moussa Essenu ku munota 33.

N’ubwo iyi kipe ikunzwe na benshi mu Rwanda yatsinze, ariko mu rwambariro rwa yo harimo umwuka mubi ushobora kuyigiraho ingaruka mbi mu mikino iri imbere.

Ibi bishimangirwa n’imyitwarire umutoza mukuru wa Rayon yagaragaje, ubwo iyi kipe yakinaga na Gorilla FC ndetse na nyuma y’uyu mukino.

Jorge Manuel da Silva Paixão Santos, yabanje kubaza abakinnyi b’ikipe abereye umutoza, niba bamurambiwe bakaba bashaka gutsindisha ikipe ngo abibazwe nk’umutoza mukuru.

Ibi byabaye ubwo igice cya Mbere cy’umukino cyari kirangiye, ikipe iri mu rwambariro. Ibi akabihera ku buryo we abona ko ikipe yakinaga nabi ugereranyije n’abakinnyi ifite ndetse n’imyitozo we yabakoresheje.

Uwahaye amakuru UMUSEKE dukesha iyi nkuru , yavuze ko ndetse byanashobokaga ko atari kugaruka gutoza mu gice cya Kabiri ariko yisubiraho.

Nyuma y’umukino n’ubwo ikipe yatsinze, uyu mutoza yohereje umwungiriza we, Dusenge Sacha, mu kiganiro n’abanyamakuru kubera uburakari yari afite.

Andi makuru avuga ko, Da Silva ashobora kuba yahise akuraho imyitozo yari iteganyijwe kuzakorwa ejo ku Cyumweru mu Nzove aho Rayon isanzwe yitoreza.

Hari andi makuru avuga ko, uyu mutoza yababajwe na bimwe mu bitarubahirijwe biri mu masezerano ye, aho bivugwa we yagombaga guhembwa amezi atatu ya mbere n’umushakira akazi [Manager we] ariko bikaba bitarakozwe.

Gusa kugeza ubu ntacyo ubuyobozi bwa Rayon buratangaza kuri aya makuru yose ari kuvugwa ku mutoza mukuru w’iyi kipe.

Muri Gashyantare uyu mwaka, ni bwo Jorge Manuel da Silva Paixão Santos yasinyiye amasezerano y’umwaka umwe Rayon Sports. Bivuze ko agiye kuyimaramo amezi ane.

APR FC iraye ku mwanya wa mbere nta nkuru, nyuma yo gutsinda Bugesera FC mu mukino w’umunsi wa 23  wa shampiyona. APR FC yinjiye muri uyu mukino iziko Kiyovu Sports bari gukubana yari yaratakaje itsinzwe na Gasogi United.

Umukino watangiye utinzeho iminota 5 kuko saa 15:05 PM Muniru Abdul Rahman yari atangije umupira. Bugesera FC yari yambaye imyenda yayo ya Orange n’umukara nk’ikipe yari mu rugo, mu gihe APR FC nayo yari yambaye imyenda yayo irimo amabara y’umweru n’umukara.

Byiringiro Lague ni umwe mu bakinnyi bakomeye ba APR FC batari mu mukino, mu gihe ku ruhande rwa Bugesera FC David nawe atari mu kibuga kubera ikibazo cy’imvune.

*Abakinnyi Bugesera FC yabanje mu kibuga*

Nsabimana Jean de Dieu
Seth Nkurunziza
Obedi Kagabo
Brian Muhinda
Junior Didier Mucyo
Samuel Kato Nemeyimana
Olise Raphael Osalue
Kennedy Hoziyana
Sulley Sadick
Abdul Rahman Muniru
Odili Chukwuma

*Abasimbura*

Twagirayesu Aman
Kevin Pascal
Rucogoza Eliasa
Muvunyi Danny
Danny Niyonkuru
Ishimwe Ganijuru
Mparanyisenga
Nyandwi Theophile
Mugisha Didier

Bugesera FC umukino ugeze nko ku minota 8 yabonye Koroneri yatewe na Odili Chukwuma, ariko umupira urengera ku rundi ruhande. Igice cya mbere wabonaga ko amakipe yombi adafite ubwoba, by'umwihariko kuri Bugesera FC yari ku kibuga cyayo yashakaga cyera kabaye gutsinda APR FC.
Igice cya mbere cyarangiye amakipe yombi anganya ubusa ku busa, ariko Bugesera FC ariyo ifite umubare wo hejuru wo kwiharira umupira.

*Abakinnyi APR FC yabanje mu kibuga*

1 Ishimwe  Pierre
2 Omborenga  fitina fi

3 Nsabimama  Aimable
4 Buregeya  Prince
5 Niyomugabo  Claude
6  Mugisha   Bonheur
7 Nsanzimfura  Keddy
8 Manishimwe  Djabel
9 Nizeyimana  Djuma
10 Kwitonda  Alain
11 Bizimana  Yannick

*Abasimbura*

1  Ahishakiye Herither
2 Ndayishimiye Dieudonne
3 Nshimiyimana Yunusu
4 Ruboneka Bosco
5 Ishimwe Anicet
6 Nshuti Innocent
7 Itangishaka Blaise
8 Nsengiyumva Ilshade Parfait
9 Mugunga Yves

Igice cya mbere cyarangiye Bugesera FC iteye koroneri imwe kuri 2 za APR FC, nta karita y’umuhondo yatanzwe ku mpande zombi, APR FC yari yakoze amakosa 2 mu gihe Bugesera yakoze amakosa 4; Bugesera FC yarariye inshuro 2 mu gihe APR nta n'imwe. Mu mashoti agana hanze y’izamu Bugesera FC yateye atatu APR itera 4, amashoti agana mu izamu Bugesera yateye 2 APR FC itera atatu.

Igice cya kabiri cyatangiye nta kipe n’imwe ikoze impinduka kuko abakinnyi babanje mu kibuga aribo bagarutse.
APR FC yari yagowe n’abakinnyi babiri ba Bugesera FC, yaba Raphael Osaluwe na Kato wari wagoye ba rutahizamu ba APR FC kuko ari bagufi. Ku munota wa 60, Adil yakoze impinduka Anicet yinjira mu kibuga Djuma asohokamo.

Bugesera FC nayo ikibona ibyo yahise isimbuza, aho Raphael Osaluwe na Muniru bavuye mu kibuga icyarimwe hinjiramo Danny na Mugisha Didier.
Bugesera FC yahise igabanya imbaraga ndetse itangira kwatakwa no gucurikirwaho ikibuga, kuko Raphael yari amaze kuvamo.

Adil wari wagowe na ba myugariro barebare ba Bugesera, yafashe umwanzuro wo gushyira mu kibuga Mugunga Yves Yannick Bizimana ava mu kibuga, naho Nshuti Innocent asimbura Alain Kwitonda Bacca. APR FC yahise irushaho kwisirisimba imbere y’izamu rya Bugesera, ariko igitego gikomeza kuba inzozi.

Ku munota wa 90 mbere yo kongeraho iminota 4, Ndayiragije utoza Bugesera FC yakuye mu kibuga Hoziyana Kennedy ashyiramo Rucogoza Eliasa.

Umukino wenda kurangira ku munota wa 90+4 APR yabonye amahirwe imbere y’izamu, umupira wari ufitwe na Mugunga Yves awuhereza Mugisha Bonheur wahise utera ishoti rirerire ariko rikomeye ryaruhukuye mu shundura za Bugesera FC, amarira n’agahinda bitangira kumanuka mu maso y’abakinnyi ba Bugesera.

*Imibare yaranze uyu mukino*

APR FC yatsinze igitego kimwe ku busa.
Bugesera FC yahawe amakarita 2 y’umuhondo, APR FC nayo ihabwa amakarita 2 y’umuhondo.
Nta karita y’umutuku yatanzwe. Bugesera FC yakoze amakosa 11 APR FC ikora 6, Bugesera FC yarariye inshuro 2 APR FC nta n'imwe. APR yateye imipira 6 igana hanze y’izamu, Bugesera itera 3. Bugesera yateye imipira 4 igana mu izamu, APR itera 6.

Umukinnyi w’umukino yabaye Kato Samuel Nemeyimana, myugariro wa Bugesera FC.

*Indi mikino uko yagenze*

As Kigali 2-2 Etincelles FC

APR FC yafashe umwanya wa mbere n’amanota 51, irusha inota rimwe Kiyovu Sports. Ikipe ya nyuma ni Gicumbi FC n’amanota 16.

Tariki 2 Nyakanga 2022, hazaba imikino ya Basketball izahuza amakipe akina umukino wa Basketball akinamo Abanyarwanda, Abarundi n'abandi batuye ku mugabane w'u Burayi.

Bivuze ko iyi mikino izahuza ababarizwa muri ibyo bihugu byo mu Burayi hanyuma bahurire mu gihugu cy'u Bufaransa mu Mujyi wa Toulouse, aho bazakina kugeza habonetse uwegukana igikombe.

Iyi mikino izajya iba ku manywa. Ku munsi wo kumenya ikipe yegukana igikombe, hazaba n'igitaramo gikomeye kizaririmbamo Kitoko, MK Isacco n'abandi.

Batumiwe gususurutsa abazitabira kureba iyi mikino ihuje amakipe yo mu Burayi n'abatuye mu Mujyi wa Toulouse.

MK Isacco yabwiye INYARWANDA ko yatumiwe muri iki gitaramo, kubera ko ari umuhanzi uhagaze neza mu bakorera umuziki mu Mujyi wa Toulouse.

Igitaramo kizasoza iyi mikino cyateguwe n'umurundi witwa Jean Claude, ufite kompanyi yitwa JC Enterprise Hoops Contest isanzwe itegura ibitaramo mu Mujyi wa Toulouse no mu yindi mijyi yo mu gihugu cy'u Bufaransa.

Isacco yavuze ko ari ubwa mbere azaba ahuriye na Kitoko mu gitaramo, akizera ko bazatanga ibyishimo 'kuko akora akazi keza cyane kandi aranakunzwe'.

Yavuze ko kuri we ari amahirwe akomeye yo kwigaragaza, kuko hari hashize igihe kinini adataramira Abanyarwanda babarizwa muri icyo gihugu.

Isacco avuga ko yaherukaga kubataramira mu 2016. Anavuga ko anafite ikindi gitaramo azaririmbamo ku wa 23 Nyakanga 2022 mu Mujyi wa Paris, aho azataramira abanyamideli bazaba bari kumurika imideli igezweho y'impeshyi.

Uyu muhanzi anafite ikindi gitaramo 'gishobora kwandika amateka' mu rugendo rwe rw'umuziki, kizaba tariki 30 Mata 2022 cyateguwe na Trace Africa mu bikorwa bizwi nka 'Foire de Paris' biba buri mwaka.

Ati 'Urumva nawe kugirirwa icyizere na Televiziyo Mpuzamahanga ni indi ntera. Birasaba ko nzitwara neza kuko hari indi miryango ishobora guhita ifunguka.'

Anafite igitaramo azakorera mu Mujyi wa Rennes muri Kamena 2022, ataramira aba-Martinique. 

Kitoko azasusurutsa abakunzi b'ibihangano bye binyuze mu ndirimbo nka ‘Rurabo’, ‘Pole Pole’ n’izindi 

MK Isacco watumiwe mu gitaramo cyo mu Bufaransa aho asanzwe abarizwa, azwi mu ndirimbo zirimo ‘Malaika’, ‘Urampagije’ n’izindi 

KITOKO AHERUTSE GUSOHORA INDIRIMBO YISE 'WENEMA'

 “>

MK ISACCO AHERUTSE GUSOHORA INDIRIMBO YISE 'ZUNGUZA'

“>

Kwagurira imbago za OTAN muri Ukraine na Finland, u Burusiya bubifata nko guha karibu mucyeba wabwo (USA) uhereye mu mbavu no mu misaya yabwo, ku buryo umutekano wabwo udashobora kwizerwa na gato mu gihe America n’ibindi bihugu bigize NATO byaba byidegembya ku mipaka y’u Burusiya uko byiboneye.

Mu rwego rwo guha gasopo Ukraine, kuwa 24 Gashyantare ingabo z’u Burusiya zahingukanye ibisasu mu mijyi itandukanye ya Ukraine, ndetse bunateguza ko buri gihugu kibwegereye nikigambirira kujya mu muryango wa NATO kizagabwaho ibitero bikomeye.

Mu cyumweru gishize, Dmitry Medvedev, Visi perezida w’akanama gashinzwe umutekano w’ u Burusiya yaburiye ibihugu bya Finland na Ukraine ko nibyinjira mu muryango wa NATO, U Burusiya buzongera ingabo ku mipaka ibuhuza nabyo kuko umutekano wabwo uzaba utacyizewe nk’ibisanzwe.

Yagize ati ”Ibi bihugu bibiri nibyiyongera mu muryango uyobowe na USA, bisobanuye ko abahanganye n’u Burusiya bazaba biyongereye. Hashobora kuzabaho iyongerwa ry’abasirikare barwanira ku butaka n’abarwanira mu mazi.”

Dimitry Peskov, umuvugizi w’ibiro by’umukuru w’igihugu mu Burusiya we yavuze ko kwinjira muri NATO kwa Finland na Sweden bifatwa nk’ikimenyetso cyo gushaka guhungabanya umutekano w’u Burusiya, bityo bigomba kwirindirwa kure.

Perezida Vladmir Putin w’ u Burusiya

Minisitiri w’ububanyi n’amahanga wa Ukraine, Peeka Haavisto we aherutse gutangariza ikinyamakuru YLE ko umuburo w’u Burusiya utazagira na kimwe uhindura ku cyemezo ndetse n’ibitekerezo byabo ku kujya mu muryango wa NATO.

Amagambo ya Haavisto yateye ubwoba benshi mu mpuguke za Politiki, kuko yasaga n’usobanura ko byanze bikunze, inama y’inteko y’igihugu itazigera itekereza umuburo w’ u Burusiya ku munsi izaba igiye gufata umwanzuro ku kwinjira muri NATO.

Ibi kandi birushijeho gutera ubwoba kuko abayobozi batandukanye mu Burusiya bagaragaza ko batazigera bemerera umuturanyi wabo n’umwe kwinjira mu muryango wa NATO ku mahoro, bivuze ko intambara ishobora kurenga Ukraine ikagera muri Finland.

Mu gihe intambara yaba yagutse ikagera muri Ukraine cyangwa Sweden, byaba ari akaga gakomeye kurushaho ku mibereho y’abatuye isi by’umwihariko abatuye i Burayi, kuko u Burusiya bwarushaho gukomera ku mitungo yabwo kamere busakaza i Burayi nka Gaze, igihingwa cy’ingano, ibikomoka kuri Peteroli n’ibindi.

Claudine avuga ko Celestin Ntawuyirushamaboko yari yataye urugo ndetse ko atigeze amubwira ko yarwaye ndetse ko n’ibintu by’ikiriyo atabizi uretse kuba yarahamagawe n’abantu bo kuri BTN TV aho umugabo we yakoraga bamubwira ko bazaza kumuganiriza.

Ati”Ariko njye na n’uyu munsi sindamenya koko niba yarapfuye”

Uyu mugore uvuga ko yaruhanye abana wenyine ndetse ko yigeze no kwitabaza ubuyobozi bwa BTN TV yababwira ikibazo afite kuko inzara ngo yari imumereye nabi n’abana ngo umuyobozi yamusubije ko ari mu nama gusa ngo kuva icyo gihe ntabwo yongeye gufata telephone.

Aganira na Ukwezi TV avuga ko kugeza ubu atazi niba koko uwitabye Imana ari umugabo we kuko ngo ntacyangombwa na kimwe yabonye ndetse akaba atarabna umurambo bityo ko itangazo ryatanzwe na BTN TV atari umuryango we waritanze dore ko ngo bamubwiye ko ibijyanye no gushyungura bazabyikorera aho biteganyijwe ko azashyingurwa kuri uyu wa Mbere tariki 18 Mata 2022.

Claudine ashimangira ko we n’abana nta ruhare na rumwe bafite mu guherekeza umugabo we kuko ngo byose biri mu biganza bya BTN TV bityo we ngo akaba akurikiza ibyo bamubwiye nubwo ikiriyo kibera iwe mu rugo ndetse ko yagerageje kuba yabaza ibyangombwa ndetse n’imodokay’umugabo we asubizwa ko umugore ubifite ari umunyamahane.

Yabwiye Ukwezi TV ko asaba ko yahabwa uburenganzira nk’umugore akabona umurambo w’umugabo we ndetse akamenya icyo yazize.

Ashimangira ko kugeza ubu umwe mu bana be atabashije gukora ikizamini kubera kubura amafaranga yo kwishyura ngo ku bijyanye no kuba bitarigeze bimenyekana ko Celestin Ntawuyirushamaboko atakibana n’umugore ngo ni uko batigeze batandukanywa n’amategeko.

Ngo ku bijyanye n’ibyangombwa ndetse n’icyemezo kigaragaza ko umuntu yitabye Imana, abo kuri BTN TV bamubwiye ko byose azabibona ku munsi wo gushyingura.

Ati’‘Urumva nk’umuntu wataye urugo we yasahuraga ajyana ku nshoreke , ntakintu n’iki na kimwe yinjizaga mu rugo ,ari ukubatunga , mbese buri kimwe cyose niryaga nkimara, hari aho yagiye agura ibibanza ibyo sinzi aho byagiye biherera, hari naho ngo yubatse amazu ibyo ntabwo mbizi.Ntabwo nzi ahantu biri”

Akomeza avuga ko azi ko umugabo yari yarubatse inzu I Gasanze aho ngo yayibanagamo n’inshoreke ari nayo ifite ibyangombwa byose ndetse n’imodoka ya Nyakwigendera.

Nyinawabari uvuga ko atorohewe n’ubuzima bityo ko ubwo yaba amaze kumenya aho imitungo y’umugabo we iherereye asaba ubuyobozi kuba bwamufasha cyane cyane ko iki kibazo cy’ubuzima abanyemo n’abana abaturanyi n’ubuyobozi na RIB bakizi ndetse ngo no kwishuri bakaba baragarageje guhamagara nyakwigendera.

Avuga ko iki kibazo yitabaje RIB y’I Runda bakamubwira ko yagakwiye kuregera gutandukana nyuma yakwitabaza iy’i Nyamirambo bakamusaba kwegera Mutwarasibo bikaza kurangira kigiye mu maboko ya Mudugudu wemezaga ko azabikemura.

Ashimangira ko nubwo Celestin Ntawuyirushamaboko azashyingurwa ariko atizeye ko abana bazabasha gusubira ku ishuri kubera ikibazo cy’ubushbozi sibyo gusa ngo n’inzu igiye kubagwaho bityo akaba asaba ko imitungo y’umugabo we yashyirwa mu biganza bye ikamufasha kwika ku bana babiri byabyaranye.

Abanyamakuru bakoranye na Celestin Ntawuyirushamaboko kuri BTN TV baherutse gutangariza Ukwezi TV ko nabo batunguwe n’urupfu rwe cyane cyane ko yari amazi iminsi aza mu kazi.

Urupfu rwa Celetstin Ntawuyirushamaboko rwamenyekanye mu ijoro rishyira ku wa Gatanu tariki 15 Mata 2022 nk’uko byagarutsweho na bamwe mu Banyamakuru bagenzi be.

Ntawuyirushamaboko yitabye Imana azize uburwayi aho yari arwariye mu Bitaro bya Kibagabaga mu Mujyi wa Kigali.

Celestin Ntawuyirushamaboko, ni umwe mu banyamakuru bari barambye muri uyu mwuga akaba yarakoreye ibitangazamakuru binyuranye birimo City Radio, Radio 1 na BTN TV yakoreraga ubu.

Yitabye Imana nyuma y’icyumweru kimwe undi Munyamakuru wari umaze igihe muri uyu mwuga yitabye Imana ari we Herman Ndayisaba wakoreraga Ikigo cy’Igihugu cy’Itangazamakuru RBA, aho yitabye Imana tariki 07 Mata 2022 na we azize uburwayi.

Nifuza no kubona umurambo w’umugabo wanjye bikanga||Umugore wa Celestin Ntawuyirushamaboko|| AMARIRA