Blog

Kuri uyu wa mbere, Cristiano Ronaldo yatangaje amakuru ababaje avuga ko umwe mu mpanga ze yapfuye igihe cyo kubyara.

 

Ati: 'Ni mu kababaro gakomeye tugomba gutangaza ko umwana w'umuhungu yapfuye. Ni umubabaro mwinshi ababyeyi bose bashobora kumva '. Ibi bikaba byavuzwe n'umukinnyi w'umupira w'amaguru na mugenzi we, Georgina Rodríguez, mu itangazo banyujije ku mbuga nkoranyambaga.

 

Bakomeje, bemeza ko umukobwa wabo yarokotse bati: 'Gusa kuvuka k'umukobwa wacu biduha imbaraga zo kubaho muri iki gihe dufite ibyiringiro n'ibyishimo.'

 

Aba bombi barangije ubutumwa bwabo bashimira abaganga n'abaforomo babafashije igihe bari mu bitaro kandi basaba inshuti n'abavandimwe kubaba hafi muri iyi minsi y'ubwirabure.

 

Bashoje bati: 'Mwana wacu, uri umumarayika wacu'. Tuzahora tugukunda. '

 

Mu Kwakira 2021, umustar wa Manchester United, 37, na Rodríguez w'imyaka 28, batangaje ko atwite impanga.

 

'Nshimishijwe no gutangaza ko dutegereje impanga. Imitima yacu yuzuye urukundo. Dutegerezanyije amatsiko kubabona.'

 

 

Ronaldo n'umutambukanyi we Georgina Rodrígiez bakundana kuva muri 2016 ubwo bahuriraga mu iduka rya Gucci aho Rodríguez yakoraga.

Source : https://yegob.rw/umwana-wa-cristiano-ronaldo-yitabye-imana/

Rutahizamu wa Manchester United Cristiano Ronaldo abinyujije ku rubuga rwe rwa Instagram yatangaje ko umwana we w'umuhungu yitabye Imana ubwo yari ari kuvuka.

Iyi nkuru y'akababaro ayitangaje mu minota micye ishize yifashishije urubuga rwe rwa Instagram aho yanasabye abantu ndetse n'itangazamakuru kuba bahaye akanya k'umwihariko uyu muryango, bakabanza bakunamira uyu mwana w'umuhungu.

Mu magambo ye, yagize ati: 'Tubabajwe no kubamenyesha ko umwana wacu w'umuhungu yitabye Imana. Aka niko gahinda gakabije umubyeyi yagira.'

Yakomeje agira ati:'Kuvuka k'umwana wacu w'umukobwa byaduhaye imbaraga n'icyizere byo kurwana kugeza ku munsi wa none. Turashaka gushimira abaganga batwitayeho bakanatuba hafi muri ibi bihe.'

Yashoje agira ati:'Twacitse umugongo kubw'ibi byatubayeho, turifuza gusaba kutwemerera tukaba turi mu mwihezo muri ibi bihe bidukomereye turimo. Mwana wacu muto, ubu uri marayika wacu. Tuzagukumbura iteka.'

 

View this post on Instagram

 

A post shared by Cristiano Ronaldo (@cristiano)

Source : https://yegob.rw/breaking-news-umuhungu-wa-cristiano-ronaldo-yitabye-imana/

Polisi yo mu gace ka Floyd muri Leta ya Georgie, muri Leta Zunze Ubumwe za Amerika yatangaje ko yafashe umusore witwa Robert Keith Tincher III ukekwaho kwica nyirakuru w'imyaka 82 witwa Doris Cumming, amushyize muri firigo ari muzima.

Umuryango wa Cumming watangaje ko wari uzi neza ko uwo mukecuru yavuye mu rugo ariko batari bazi niba yaragiye ku mwuzukuru we.

 

Ubusanzwe uwo mukecuru yari yarakomeretse mu Ukuboza umwaka ushize ariko aho kujya kumuvuza, Tincher yaramushutse ngo amusange aho aba.

 

Uwo musore yanze kuvuza umukecuru kugeza ubwo ibice by'umubiri we nk'amagufwa byagendaga bibora abireba.

 

Amaze kubona ko umukecuru yangiritse cyane, ngo uwo musore yamushyize mu mashashi amutereka muri firigo.

 

Uyu mukecuru ubwo yashyirwaga muri firigo yari akiri muzima, ahubwo Polisi ivuga ko yapfuye nyuma.

 

Tincher ngo yakomeje kuba muri iyo nzu nyirakuru ari muri firigo, nyuma umubiri wa nyirakuru awujyana mu bubiko bw'ibikoresho ngo hatazagira abamuvumbura.

 

Uyu mugabo ngo yabwiye Polisi ko yatinye kuyihamagara atabariza nyirakuru kuko yangaga ko yafatwa, dore ko hari ibindi byaha akurikiranyweho byo gutera ubwoba uwahoze ari umugore we mu 2018.

 

Associated Press yatangaje ko hagikorwa isuzuma ngo hamenyekane icyahitanye Cumming.

 

Source: miamihelard.com

Source : https://yegob.rw/yatawe-muri-yombi-akurikiranyweho-kwica-nyirakuru-amushyize-muri-firigo-ari-muzima/

Iyi nkunga yatanzwe izifashishwa mu kwita ku mpunzi zituruka muri Repubulika Iharanira Demokarasi ya Congo n'u Burundi, zikazafashwa kubonerwa amafunguro n'ibindi nkenerwa.

Umuyobozi wa PAM mu Rwanda, Edith Heines, yashimye abatanze iyi nkunga avuga ko igiye guhindura ubuzima bwa zimwe mu mpunzi z'Abanye-Congo n'Abarundi bari mu nkambi zitandukanye.

Bitewe n'ibibazo by'intambara byagiye birangwa mu Karere byatumye hari impunzi nyinshi zituruka mu bihugu nka Repubulika Iharanira Demokarasi ya Congo n'u Burundi zihungira mu Rwanda.

Nubwo hari inkunga PAM yakiriye ariko iracyakeneye miliyoni 9.8$ kugira ngo buri mpunzi ibashe kubona ibyo ikenera by'ibanze bya buri munsi mu mwaka wa 2022.

PAM ifasha abantu bari hirya no hino bugarijwe n'amapfa n'abandi bashonje bakabasha kubona amafunguro.

U Rwanda rwahawe miliyari eshanu z’amafaranga y’u Rwanda zo kwita ku mpunzi

---

Source : http://igihe.com/amakuru/u-rwanda/article/u-rwanda-rwahawe-miliyari-5-zo-kwita-ku-mpunzi

Source : https://www.kigalitoday.com/imikino-11/football/article/edwin-van-der-sar-abona-sadio-mane-akwiriye-ballon-d-or-ya-2022

Ni ubutumwa yatanze ubwo yari yitabiriye umuhango wo kwibuka abazize Jenoside bashyinguwe mu Rwibutso rwa Kibumbwe ku wa 16 Mata 2022.

Kanamugire yashimye ko abazize n'abarokotse Jenoside yakorewe Abatutsi babonye ubutabera, abayikoze bagahanwa n'inkiko zirimo Gacaca.

Gusa yavuze ko ubu hakiri ikibazo cy'abakatiwe ibihano n'inkiko ariko batarahanirwa ibyo bakoze.

Yagize ati 'N'ubu turacyafite ikindi kibazo kijyanye n'ubutabera, kijyanye n'uko hari abantu bakoze ibyaha bya Jenoside badashobora gukora ibihano byabo.'

Mu kubishyigikira yafatiye urugero mu Murenge wa Kibumbwe, avuga ko hari dosiye zigera kuri '32'' zitararangira.

Yagize ati 'Turasaba RIB, igihugu cyacu kigomba guca umuco wo kudahana. RIB idufashe ibyo bibazo birangire. Abantu niba barakoze ibyaha bagahanwa n'Inkiko Gacaca, bakore ibihano byabo kuko no kudakora igihano, uwo muntu hano muri sosiyete rwose arabangamye. Ntabwo yaza ngo atange ituze, ni wa wundi ushobora gusanga igihe cyose yateza n'ibibazo by'umutekano muke.'

Kanamugire yasabye ko abakoze Jenoside bari mu nzego z'ubuyobozi bakurwamo ahubwo hakarebwa abantu b'inyangamugayo badafite ubusembwa.

Umuyobozi w'Inama Njyanama y'Akarere ka Nyamagabe, Uwamahoro Clotilde, yagaragaje ko mu gihe cya none imbuga nkoranyambaga ziri kwifashishwa cyane n'abatambutsa ubutumwa burimo guhakana no gupfobya Jenoside yakorewe Abatutsi ndetse no guharabika Igihugu n'Umukuru wacyo.

Yasabye urubyiruko by'umwihariko rukoresha imbuga nkoranyambaga kwamagana aba bantu.

Yagize ati 'Ibyo byose dufatanye tubyamagane kandi tubirwanye. Twese dufatanyije, turasaba cyane cyane urubyiruko, rubyiruko bana bacu, ibyo mwirinde ko byabayobya, ahubwo mugire uruhare rugaragara mu kubyamagana kuko ni namwe benshi mukoresha izo mbuga nkoranyambaga. Ni mwe Rwanda rw'ejo, ni mwe mizero y'igihugu cyacu.'

Ku kibazo cy'abahamijwe uruhare muri Jenoside yakorewe Abatutsi batarangije ibihano, Uwamahoro yavuze ko akarere kiyemeje kubishakira igisubizo.

Yakomeje ati 'Mbonereho gusaba ko aho umuntu afite amakuru twajya tuyatanga, tukayashyikiriza inzego z'ubuyobozi; zaba inzego z'ubuyobozi bwite bwa Leta ariko n'inzego z'ubutabera, cyane cyane kuri ibi bijyanye n'abantu bidegembya, bakatiwe, batarangije ibihano. Nidufatanya ni bwo tuzubaka ejo heza h'abazadukomokaho kandi tugafatanya kubaka u Rwanda twifuza.'

Abitabiriye uyu muhango basangijwe ubuhamya bwa Dusabe Christine wari uhagarariye imiryango y'abashyinguwe mu Rwibutso rwa Kibumbwe. Yagarutse ku itegurwa, ishyirwa mu bikorwa n'ihagarikwa rya Jenoside yakorewe Abatutsi mu gihugu no muri aka gace by'umwihariko.

Dusabe yashimiye ubutwari bwaranze abarokotse Jenoside, anaboneraho gusaba abafite amakuru y'aho abayizize baherereye kuyatanga kugira ngo bashyingurwe mu cyubahiro.

Yagize ati 'Hari ikintu nisabira abantu bo muri Kibumbwe. Njya mbona kuri televiziyo ahandi hantu, abakoze Jenoside basaba imbabazi abo bayikoreye. Banyakibumbwe, mwatwegereye ko imbabazi tuzifite. Mukaduha amateka nyayo, tukamenya aho abacu baguye, tukamenya uko twiyunga ariko byibuze ntitwiyungire ku kinyoma.'

Urwibutso rwa Kibumbwe rushyinguwemo imibiri irenga 380 y'Abatutsi bishwe muri Jenoside yabakorewe mu 1994.

Karangwa Joseph yatanze ubuhamya bw’uburyo yarokotse Jenoside yakorewe Abatutsi

Umuyobozi w'Inama Njyanama y'Akarere ka Nyamagabe, Uwamahoro Clotilde, yasabye urubyiruko rukoresha imbuga nkoranyambaga kwamagana abahakana bakanapfobya Jenoside yakorewe Abatutsi

Dusabe Christine yatanze ubutumwa nk’uwari uhagarariye imiryango y’abafite ababo bashyinguye i Kibumbwe

Umuyobozi w’Akarere ka Nyamagabe, Niyomwungeri Hildebrand, atanga ubutumwa ku bitabiriye uyu muhango

Abayobozi bitabiriye iki gikorwa ubwo bajyaga gushyira ingabo ku mva ziruhukiyemo inzirakarengane za Jenoside

Abayobozi mu ngabo na Polisi bitabiriye umuhango wo Kwibuka ku nshuro ya 28 Jenoside yakorewe Abatutsi muri Kibumbwe ho mu Karere ka Nyamagabe

Imiryango ifite ababo baruhukiye mu Rwibutso rwa Kibumbwe yashyize indabo ku mva bashyinguyemo

Abakecuru barokokeye i Kibumbwe bunamiye abashyinguye mu rwibutso rwashyizwe muri aka gace

Abanyamadini bunamiye abashyinguye i Kibumbwe

Urwibutso rwa Kibumbwe rushyinguwemo imibiri irenga 380 y'Abatutsi bishwe muri Jenoside

Amafoto: Nkundineza Jean Paul

---

Source : http://igihe.com/amakuru/u-rwanda/article/nyamagabe-ibuka-yasabye-ko-abakoze-jenoside-bakidegembya-bakurikiranwa

Cristiano yatsinze ibitego bitatu byari bikenewe cyane na Man.United imbere ya Norwich City yari yigize ibamba ibasha kwegukana amanota atatu yayihesheje kuba mu makipe agihataniye gusoza shampiyona ari muri ane ya mbere mu Bwongereza.

Ibitego bitatu Cristiano yinjije mu izamu rya Norwich ku munota wa 7', 32' na 76', byamuhesheje agahimbazamusyi ka miliyoni 850 Frw binaherekeza ingingo zihariye ziri mu masezerano afitanye n'iyi kipe y'ubukombe ku Isi.

Mu masezeramo Cristiano afitanye na Manchester United harimo ko azajya ahabwa ibihumbi ijana by'amayero kuri buri gitego atsinze muri buri mukino.

Uyu mukinnyi ufatwa nka nimero ya mbere ku Isi muri ruhago yemerewe ibihumbi 850 by'amapawundi mu gihe agejeje ibitego 20 mu marushanwa yose Manchester United yitabiriye uyu mwaka w'imikino.

Kugeza magingo aya, Ronaldo w'imyaka 37 amaze gutsinda ibitego 21 birimo 15 bya shampiyona na bitanu byo muri UEFA Champions League.

Cristiano kandi mu gihe azaba agejeje ibitego 30 muri uyu mwaka w'imikino, azahabwa miliyoni ebyiri n'ibihumbi 750 by'amapawundi.

Muri rusange, Manchester United yashyizeho agahimbazamusyi ka miliyoni y'amapawundi ku mukinnyi uzarusha abandi ibitego imbere mu ikipe. Ronaldo akurikiwe na Bruno Fernandez ufite ibitego 12.

Gutsinda ibitego bitatu mu mukino umwe (Hat-trick) byabaye agashya kuri Ronaldo kuko yujuje Hat-trick ya 60 mu mwuga wo gukina umupira w'amaguru mu makipe yose yanyuzemo n'ikipe y'igihugu ya Portugal abereye kapiteni.

Gutsinda Norwich City byongereye amahirwe Manchester United yo gukomeza guhatanira kuzasoza mu makipe ane ya mbere muri Premier League kugeza ku munsi wa nyuma wa shampiyona.

Cristiano yegukanye ibihumbi 850 by’ama-pound nyuma yo gutsinda Norwich City ibitego 3

Cristiano ahabwa akayabo k’ibihumbi 100 by’ama-pound kuri buri gitego atsindiye Manchester United

Cristiano yavanye Manchester United mu menyo ya Norwich City

Source : https://inyarwanda.com/inkuru/116428/ibyihariye-mu-masezerano-ya-cristiano-muri-manchester-united-uhabwa-akayabo-kuri-buri-gite-116428.html

Minisiteri y'Ubumwe bw'Abanyarwanda n'Inshingano Mboneragihugu, iratangaza ko politiki y'amacakubiri n'ingengabitekerezo ya Jenoside ntaho yamenera, kuko hari inzego zishinzwe kuyikumira n'amategeko ahana uwayijanditsemo.

Imyaka 28 irashize Jenoside yakorewe Abatutsi ibaye, ni jenoside yashobotse kubera ubuyobozi bwariho bwimakaje politiki y'amacakubiri n'ingengabitekerezo ya jenoside mu bana b'u Rwanda, kugeza umugambi wa jenoside nyir'izina ushyizwe mu bikorwa.

Gusa minisitiri w'ubumwe bw'Abanyarwanda n'inshingano mboneragihugu, Dr Bizimana Jean Damascène avuga ko gukorera politiki nk'iyo mu Rwanda bitagishoka dore ko ngo hari n'ababigerageje mu myaka yashize leta igatesha.

Agira ati 'Politiki yose yaba ishaka gusenya igihugu ntabwo ishobora gukorwa kuko icya mbere ni uko amategeko ubwayo abibuza uhereye ku itegeko nshinga. Kandi icya kabiri ni uko n'imitwe ya politiki na none yagenderaga ku ngengabitekerezo ya jenoside muri iyi myaka 28 ishize jenoside ihagaritswe, byagiye bigaragara ko hari abanyapolitiki bagiye bashaka kugarura ibyo bitekerezo leta yagiye ibigiramo uruhare n'inteko ishinga amategeko iyo mitwe igaseswa. Mwibuke muri 2003 amashyaka nka MDR Parmehutu yarasheshwe kuko byagaragara ko ishaka kugarura ya ngengabitekerezo ya kera.'

'Bivuze ko abakora politiki ubu barabizi ko hari imirongo ngenderwaho itagomba kongera kugarurwa ni ukuvuga politiki y'urwango, ivangura amacakubiri, itoteza n'ingengabitekerezo ya jenoside. Ni nayo mpamvu uza avuga ko aje gukora politiki ariko bikagaragara ko itubakiye ku bumwe bw'abanyarwanda ntabwo uwo mutwe wa politiki wemerwa na SENA y'u Rwanda, ifite inshingano zo kugenzura ko imitwe ya politiki yemewe idakorera mu murongo wo gutanya abanyarwanda noneho iyo mitwe igaseswa.'

Ku rundi ruhande ariko hari abagaragaza impungenge kubera abiyita abanyapolitiki bakoresha imbuga nkoranyamabaga nka Youtube, bagakwirakwiza imvugo z'urwango n'amacakubiri.

Umushakashatsi kuri jenoside, Tom Ndahiro ni umwe mu bifuza ko inzego bireba zakongera umurego mu guta muri yombi uwo ari we wese ukoresha imvugo ihembera amacakubiri n'ingengabitekerezo ya jenoside nta kujenjeka.

Hari imwe mu miryango ivuga ko iharanira uburenganzira bwa muntu ikunze kunenga u Rwanda iyo inzego z'ubutabera zigize uwo zita muri yombi zimukurikiranyeho ibyaha bifitanye isano n'ingengabitekerezo ya jenoside.

Inararibonye muri politiki y'u Rwanda akaba n'umuyobozi w'urubuga ngishwanama rw'inararibonye, Tito Rutaremara we asanga Leta y'u Rwanda ishyira ku mu nzani mu nyungu z'ubutabera ariko na none n'ubwiyunge budasigaye inyuma.

'Buriya iyi leta y'ubumwe igira kwihangana, irareba iti uyu muntu twamwumvise wenda aribwiriza reka tumubwire, ejobundi ikongera ikamubwira iti nyamuneka, ejobundi buriya ikongera ikamubwira iti nyamuneka, yakomeza bakamufata, nicyo gituma uba ubona ba Karasira n'abandi bageze aho.. irambiwe iti twarakubwiye twakugiriye inama ko wica amategeko none ngwino ujye mu bucamanza. Niko ikora igenda buhoro kuko burya kubaka ubumwe ntabwo wirukanka ngo uhere ko ukubita ngo uyu akoze iki! Ugenda buhoro, ubanza kwigisha nyuma rero igihe cyazagera ukabwira ab'amategeko uti mukurikize amategeko ahanwe hakurikijwe amategeko.'

Urwego rw'Igihugu rw'Ubugenzacyaha, ruherutse gutangaza ko rwakiriye dosiye 53 z'ibyaha bifitanye isano n'ingengabitekerezo ya jenoside mu gihe cy'iminsi 7 y'icyumweru cy'icyunamo ku nshuro ya 28 hibukwa abazize jenoside yakorewe abatutsi.

@RBA

The post 'Politiki y'amacakubiri n'ingengabitekerezo ya Jenoside ntaho yamenera mu Rwanda' appeared first on IRIBA NEWS.

Source : https://iribanews.rw/2022/04/18/politiki-yamacakubiri-ningengabitekerezo-ya-jenoside-ntaho-yamenera-mu-rwanda/

The post DR Congo -Butembo: Inyeshyamba zinjiye mu misa ya Pasika bitera impagarara appeared first on IRIBA NEWS.

Source : https://iribanews.rw/2022/04/18/dr-congo-butembo-inyeshyamba-zinjiye-mu-misa-ya-pasika-bitera-impagarara/

Hashize igihe twarababwiye inkuru y'uko umusore witwa Izere Laurien wamamaye ku izina rya The Trainee yatandukanye na Terisky bari bamaze igihe bakundana ndetse n'urukundo rwabo rwari rwarafashe indi ntera aho buri wese yerekaga mugenzi we ko amwishimiye ndetse buri wese akanasangiza abafana be ibihe byiza yagiranye na mugenzi we.

Siko byaje gukomeza kuko nyuma haje kuvugwa itandukanye ry'aba bombi ndetse buri wese asiba amafoto n'ibihe byiza yagiranye n'undi ku mbuga nkoranyambaga ze.

Ku mugoroba wo ku munsi w'ejo haje kuba itungurana ry'umwaka (surprise y'umwaka) aho The Trainer yambitse impeta ya fiançaille Keza Terisky nyuma y'igihe abantu baziko aba bombi batandukanye. Mu by'ukuri ntawe utatunguwe n'ibyabaye.

Dore uko byari bimeze mu mafoto:

Source : https://yegob.rw/inkuru-ishyushye-mu-ibanga-rikomeye-cyane-the-trainer-wavuzweho-gutandukana-na-terisky-yamwambitse-impeta-ya-fiancaille-amafoto/