Blog

Abaturage bibumbiye mu rugaga rw’abavuzi gakondo mu Karere ka Musanze, barahiriye kwinjira Muryango FPR-Inkotanyi, nyuma yo gusaba amahugurwa ajyanye no (…)

Uyu muhango wabereye aho iyi koperative ikorera mu karere ka Gicumbi umurenge wa Muko akagari ka Cyamuhinda Umudugudu wa Rwamitembe.

Aya mahugurwa yari agamije kwagura ubumenyi bw'aba bagore mu bijyanye no guhinga, gutunganya kawa ndetse no kongera umusaruro wayo byose bigakorwa mu buryo bwa kinyamwuga babifashijwemo n'abafashamyumvire batoranijwe kandi bagahugurwa n'amakoperative afatanyije na Sustainable Growers Rwanda.

Aya mahugurwa yateguwe kandi ashyirwa mu bikorwa n'Umuryango udaharanira inyungu Uteza Imbere Abahinzi b'Abagore ba kawa ukanateza imbere umusaruro wayo mu Rwanda (Sustainable Growers Rwanda) uterwa inkunga na Bloomberg Philanthropies ku bufatanye n'Ikigo cy'Igihugu Gishinzwe Guteza Imbere Ibyoherezwa mu Mahanga (NAEB).

Umuhango wo gutanga ibi byemezo by'amahugurwa wari witabiriwe n'ubuyobozi bw'akarere ka Gicumbi, ubuyobozi bwa Women for Women Rwanda, Ubuyobozi bwa Sustainable Growers ndetse n'aba bagore basoje aya mahugurwa.

Muri uyu muhango kandi ababaye indashikirwa mu gushyira mu bikorwa ibyo bigishishijwe bahawe ibihembo bitandukanye binyuze muri gahunda yiswe 'Wakoze neza Muhinzi' harimo ibikoresho byo mu nzu, ibikoresho byo gufasha mu gutunganya ikawa, ndetse n'amatungo magufi n'inka imwe.

Ibi bihembo byatanzwe hakurikijwe uko aba bahinzi bitabiriye zimwe muri gahunda za Leta zirimo kugira ubwisungane mu kwivuza, kujyana abana ku ishuri, kugira umurima w'igikoni no kugira ubwiherero bwujuje ibisabwa mu gihe bahabwaga aya mahugurwa.

Mu gutanga ibihembo hakurikijwe amanota ya buri tsinda ndetse na buri muhinzi ku giti cye hanyuma abahinzi bahitamo ibikoresho bifuza hagendewe ku rutonde rw'ibikoresho byari biteganijwe.

Umuyobozi Mukuru wa Sustainable Growers, Christine Condo, yashimiye Perezida wa Repubulika y'u Rwanda, Kagame Paul, avuga ko kuba yarashakiye umuterankunga abahinzi b'ikawa byatumye ubuzima bwa benshi buhindukira.

Yagize ati “Muri iyi gahunda abahinzi ba kawa bahawe amahugurwa atandukanye harimo guhinga, kubagara, gusasira, gukata, gukoresha ifumbire y'imborera, gukoresha inyongeramusaruro no gusarura kawa yeze neza no kuyigeza ku nganda ku gihe ndetse no kuyitunganyiriza ku ruganda.'

Yaboneyeho no gusaba ko ibyagezweho byakomeza gusigasirwa bashyira mu bikorwa ibyo bahuguwe, anasaba ko bakomeza gukurikiranwa n'inzego zibifite mu nshingano.

Umunyamabanga Nshingwabikorwa w'Akarere ka Gicumbi wari umushyitsi Mukuru muri uyu muhango, Kirenga Moses, Yashimiye Sustainable Growers ku mahugurwa imaze umwaka iha aba bagore bo mu Mudugudu wa Rwamitembe ndetse n'ibihembo batanze.

Yagize ati “Ndashimira Women for Women ndetse na Sustainable Growers ku bufatanye bwa hafi bagirana n'ibigo bitandukanye no kwimakaza umuco wo guteza imbere umugore w'Umunyarwanda. Ndashimira na none ubuyobozi bwiza bw'u Rwanda butuma ibi bikorwa byose bibaho kubw'inyungu z'abaturage.”

Yibukije abari aho ko ikawa ari igihingwa ngengabukungu mu Rwanda bityo aboneraho gusaba ko aba bahuguwe bashyira mu bikorwa ibyo bahawe kuko byababyariramo iterambere ryabo n'imiryango yabo.

Umubyeyi w'imyaka 65 wahoze aca inshuro kugira ngo abeho, Ancilla Kantarama, yavuze ko uyu muryango waje kumushyira muri koperative unamufasha mu kwihugura mu bijyanye no gutunganya kawa ubu akaba abikora nk'umwuga umutunze.

Uyu mubyeyi yahawe igihembo cya matola nk'umwe m ubakurikije ibyo bahuguwemo ndetse bakanubahiriza gahunda za Leta.

Undi mubyeyi ubarizwa muri koperative ya Mayogi ihinga ikanatunganya ikawa, Bapfakurera Immaculée, yavuze ko yari asanzwe ahinga kawa mbere ariko nyuma y'aho Sustainable Growers itangiye kubahugura imikorere ye yahindutse.

Yavuze ko mbere umusaruro wari muke ndetse ko hari n'ubwo yahombaga ariko ubu akaba yeza kawa nziza y'umwimerere ndetse itubutse nyuma yo gutangira kuyitaho mu buryo bwa kinyamwuga abifashijwemo n'amahugurwa bamaze amezi 12 bahabwa.

Ibihembo byatanzwe byari bigizwe n'inka 1, ihene 167, ipompo 5, matola 77, ibitenge 192, amasuka 30, majagu 108, ibikoresho byifashishwa mu kovomerera ibihingwa 46, amaradiyo 53, inkweto za bote 136, telefoni zigendanwa 131. Ibi byose bifite agaciro kangana na miliyoni 18frw.

Iki gikorwa cyo gushyikiriza ibyemezo by'amahugurwa n'ibihembo ku bahinzi ba kawa kizakomereza mu turere twa Gakenye, Kayonza, Nyaruguru, Rusizi na Nyamasheke uyu muryango ukoreramo.

Kuva mu mwaka wa 2014, Umuryango Sustainable Growers Rwanda ukorera mu turere 13 tw'igihugu bagashyigikira amakoperative 77, inganda zoza zigatunganya kawa 25, ugatera inkunga abahinzi b'ikawa ibihumbi 38.

---

Aya marushanwa azaba ari mu byiciro bibiri, icya mbere cyo gukora igishushanyo kigaruka ku nsanganyamatsiko za CHOGM kigenewe abanyeshuri bo mu mashuri abanza yo mu Rwanda.

Icya kabiri kijyanye n'ibiganiro mpaka kigenewe abanyeshuri bo mu mashuri yisumbuye. Aha hazatoranywe amashuri azagenda ahagararira buri ntara.

Umunyamabaganga wa Leta muri Minisiteri y'Uburezi ushinzwe amashuri abanza, Twagirayezu Gaspard yavuze ko bateguye aya marushanwa mu rwego rwo gukangurira abanyeshuri kumenya byinshi kuri Commonwealth ndetse n'inama ya CHOGM u Rwanda ruzakira.

Ati 'Iri rushanwa ryo gushushanya riri mu rwego rwo gukangurira abanyeshuri kumenya uyu muryango w'ibihugu bihuriye ku rurimi rw'Icyongereza no kuri iyi nama ya CHOGM tuzakira. Twasanze ari byiza ko n'abanyeshuri nabo bagira uruhare mu kwitegura iyo nama.'

Yakomeje avuga ko muri uku gushushanya, umwana azakora igishushanyo kigaragaza uko yumva Commonwealth n'indangagaciro zayo.

Ati 'Bagomba gushushanya igishushanyo kimwe kijyanye n'indangagaciro za Commonwealth zirimo imibereho myiza, ikoranabuhanga no guhanga udushya ndetse no kurengera ibidukikije. Ni ugukora igishushanyo kijyanye n'uko babyumva, iyo umwana atekereje uyu muryango n'indangagaciro zawo we abona iki?'

Ibishushanyo bya mbere 30 bizatsinda (bizaba bihagarariye buri karere) bizamurikwa mu nama ya CHOGM izabera i Kigali. Aya marushanwa azahera ku rwego rw'ikigo, abatsinze bakomeze ku murenge, hatoranywemo abajya ku rwego rw'akarere n'urw'Igihugu.

Uretse aya marushanwa agenewe abanyeshuri bo mu mashuri abanza, hari n'ikindi cyiciro cy'amarushanwa y'ibiganiro mpaka azaba agenewe abo mu mashuri yisumbuye.

Twagirayezu Gaspard avuga kuri aya marushanwa yagize ati 'Ni amarushanwa yo mu mashuri yisumbuye ariko ntabwo azabera mu mashuri yose, tuzakorana na iDebate, aho tuzahitamo abanyeshuri 54 bavuye mu mashuri yo mu ntara zose kandi bazaba bahagarariye buri gihugu kiri muri commonwealth.'

Ibiganiro mpaka bazakora bizaba bifite imiterere imeze nk'iy'inama ya CHOGM, uko abayobozi baganira ku bibazo n'ibisubizo biri muri uyu muryango niko n'abana nabo bazaba baganira.

Kugeza ubu amashuri abanza n'ayisumbuye yamaze kohererezwa imfashanyigisho zizakoresha mu guha abanyeshuri ubumenyi kuri Commonwealth ndetse n'inyungu u Rwanda ruzagira mu kwakira CHOGM.

---

Mu mikino ya shampiyona isoza umunsi wa 27 wa shampiyona yabaye kuri iki Cyumweru, yarangiye amakipe yose anganyije

Perezida Ndayishimiye yavuze ko u Burundi bumaze kugirana ibiganiro byinshi n’ubuyobozi bw’u Rwanda, kugira ngo umubano w’ibihugu byombi wasubiye inyuma mu myaka irindwi ishize wongere usugire usagambe, nk’uko byatangajwe na The East African.

Ati 'Twagize ibiganiro byinshi n’u Rwanda. Ni abaturanyi bacu kandi bazahora iteka ari abaturanyi bacu.'

Ati 'Icyo tuzi ni uko Abarundi n’Abanyarwanda nta rwango bagirana… Mbona Abanyarwanda benshi mu mpera z’icyumweru i Bujumbura ndetse bamwe bagashakana n’Abarundi'.

Umubano hagati y’Ibihugu byombi umaze imyaka irindwi utifashe neza, aho u Burundi bwafunze imipaka ibuhuza n’u Rwanda ndetse buhagarika kohereza bimwe mu bicuruzwa birimo imboga n’imbuto guhera mu 2016.

Umubano w’u Rwanda n’u Burundi wakomwe mu nkokora n’ibirego iki gihugu cyashinjaga u Rwanda kuba rwarahaye icumbi abashatse guhirika ubutegetsi bwa Perezida Pierre Nkurunziza muri 2015. Ndetse Perezida Ndayishimiye na we yakunze kuvuga ko bifuza ko abo bantu Leta y’u Rwanda yabohereza bakabazwa ibyo bakoze.

U Rwanda narwo rwagiye rushinja u Burundi ko bucumbikiye imitwe y’abahungabanya umutekano warwo, by’umwihariko mu Karere ka Nyaruguru cyane cyane mu nkengero z’ishyamba rya Nyungwe, mu myaka yashize hakunze kugabwa ibitero n’abantu bitwaje intwaro, Ingabo z’u Rwanda zabasubiza inyuma bagahita bahungira mu Burundi.

Urugero ni urw’igitero cyagabwe muri Kamena 2018 mu Mudugudu wa Rwegere mu Murenge wa Nyabimata kigahitana abaturage b’u Rwanda batatu, ndetse n’Umunyamabanga Nshingwabikorwa w’uwo Murenge, Nsengiyumva Vincent, akomeretswa n’amasasu arashwe ku ijosi. Ntibagarukiye aho kuko banatwitse imodoka ye, ndetse n’icumbi yabagamo hamwe na moto y’umuturage.

Icyakora, kuva Perezida Ndayishimiye yagera ku butegetsi mu 2020, umubano w’ibihugu byombi wakomeje kugenda utera imbere ku buryo bugaragara.

Intumwa zo ku rwego rwo hejuru ziturutse mu bihugu byombi, zirimo abayobozi bashinzwe iperereza, ba Guverineri n’abandi bayobozi bakuru ba Guverinoma, bahuye inshuro nyinshi mu rwego rwo kuzahura umubano.

Perezida Ndayishimiye Ati 'Iyo habaye amakimbirane kandi ibihugu byombi byohereza intumwa tukaganira, ni ibintu byiza cyane kandi nizera ko tuzakomeza kubikora.'

Muri Nyakanga umwaka ushize, Minisitiri w’Intebe w’u Rwanda Edouard, yitabiriye ibirori byo kwizihiza isabukuru y’imyaka 59 ishize u Burundi bubonye ubwigenge. Byari ubwa mbere umuyobozi ukomeye w’u Rwanda agirira uruzinduko mu Burundi kuva mu 2015.

Mu ntangiriro z’uyu mwaka kandi, Perezida Kagame yakiriye intumwa z’u Burundi zari ziyobowe na Minisitiri w’u Burundi ushinzwe ibikorwa by’Umuryango wa Afurika y’Iburasirazuba, Urubyiruko, Umuco na Siporo, wari uzanye ubutumwa bwa Perezida w’u Burundi, Evariste Ndayishimiye, ndetse bagirana biganiro byibanze ku guteza imbere umubano w’ibihugu byombi.

Perezida wa Repubulika y’u Rwanda, Paul Kagame, ubwo muri Gashyantare 2022 yakiraga indahiro z’abayobozi bari baherutse gushyirwa mu myanya y’ubuyobozi, yaboneyeho no kugaragaza uko umubano w’u Rwanda n’abaturanyi uhagaze.

By’umwihariko ku bijyanye n’umubano w’u Rwanda n’u Burundi, umukuru w’Igihugu yavuze ko abayobozi b’ibihugu byombi bamaze iminsi bahura bakagirana ibiganiro, ndetse hakaba harabayeho n’ingendo z’abagiye mu Burundi baturutse mu Rwanda, kimwe n’uko hari intumwa zitandukanye zaturutse mu Burundi zikaza mu Rwanda.

Umwaka ushize, u Burundi bwavuze ko hari intambwe imaze guterwa hagati y’Ibihugu byombi mu rwego rwo kwimakaza amahoro n’umutekano mu karere. Icyo gihe Leta y’u Burundi yashyikirije u Rwanda abarwanyi 11 b’umutwe w’iterabwoba wa FLN, nyuma y’uko Ingabo z’u Rwanda zatangaje ko zashyikirije u Burundi abarwanyi 19, bari bagabye igitero mu Burundi bahungira mu Rwanda.

Mu kiganiro cyagarutse ku buzima bw’igihugu ndetse no ku mubano w’u Burundi n’amahanga harimo n’u Rwanda, Perezida Evariste Ndayishimiye yavuze ko hari gukorwa (…)

Ikipe ya APR FC yashyize hanze ibiciro by’umukino wa 1/2 wo kwishyura mu Gikombe cy’Amahoro, uzabera kuri stade ya Kigali tariki 19 Gicurasi 2022, aho itike (…)

Inama y'Abaminisitiri yateranye ku wa Gatanu tariki ya 13 Gicurasi 2022 ikabera muri Village Urugwiro iyobowe na Perezida wa Repubulika y'u Rwanda Paul Kagame, yafatiwemo ibyemezo bitandukanye birimo ibirebana n'ingamba zo guhangana na Covid-19.

Mu myanzuro yafatiwe muri iyo nama harimo no gushyira abayobozi batandukanye mu myanya bigendanye n'ahari icyuho cyari gikenewe kuzibwa.

Mu ishuri rikuru ry'u Rwanda ry'imyuga n'ubumenyingiro, Umuyobozi Mukuru yagizwe Dr Sylvie Mucyo wari usanzwe ayobora iri shuri by'agateganyo.

Dr Slyvie Mucyo asanzwe ari Umuyobozi Mukuru wa Rwanda Polytechnic ndetse n'Umuyobozi wungirije ushinzwe amahugurwa, iterambere n'ubushakashatsi.

Dr Mucyo afite uburambe n'inararibonye mu burezi bw'u Rwanda bishingiye ku bushakashatsi kuko yakoze muri Kaminuza y'u Rwanda nk'Umuyobozi wungirije ushinzwe abanyeshuri muri gahunda yari ihuriweho na Suède.

Yakoze nk'umushakashatsi akaba n'umwarimu mu birebana n'ibidukikije muri iyi Kaminuza Koleje y'ubuhinzi, ubworozi n'ubuvuzi bw'amatungo.

Afite impamyabumenyi y'ikirenga mu birebana na siyansi y'ibidukikije/no gucunga neza imyanda yakuye muri Kaminuza ya Abertay iherereye i Dundee muri Ecosse.

Afite kandi impamyabumenyi y'icyiciro cya gatatu 'Masters' muri Environmental Biotechnology yabonye muri 2009 mu gihe amashuri y'icyiciro cya kabiri cya Kaminuza yayize mu yahoze ari Kaminuza Nkuru y'u Rwanda mu Binyamabuzima 'Biology'.

Abinyujije ku rukuta rwe rwa Twitter, Dr Slyvie Mucyo, yagaragaje ibyishimo yagize nyuma yo kugirirwa icyizere n'umukuru w'igihugu akamuhereza kuyobora iri shuri, yizeza ko azakorana umurava.

Yagize ati 'Mfashe uyu mwanya ngo mbashimire byimazeyo Nyakubahwa Paul Kagame ku bw'icyizere mwangiriye cyo kuba Umuyobozi Mukuru wa Rwanda polytechnic. Mbijeje gukorana umurava no guharanira ko ubumenyingiro bukomeza gutera imbere bukagera ku ntego igihugu cyacu kibutezeho.'

Dr Richard Musabe yagizwe umuyobozi Mukuru wungirije ushinzwe amahugurwa, iterambere n'ubushakashatsi muri RP umwanya wari ufitwe na Dr Sylvie Mucyo wagizwe umuyobozi mukuru.

Mu bandi bahawe imyanya y'ubuyobozi muri iki kigo harimo, Dr Odette Umugiraneza wagizwe Registrar wa RP, Eric Daton Ngirinshuti wagizwe Umuyobozi w'agashami ushinzwe ikoranabuhanga Digital content and Connectivity.

Hari kandi Dr Parfait Yongabo wagizwe umuyobozi w'agashami gashinzwe iterambere ry'ikigo, ubushakashatsi n'ubujyanama. Umujyanama mu birebana na Tekiniki n'ireme ry'uburezi ritangwa ndetse no guteza imbere porogaramu ni Joseph Silvano Mfinanga.

Kugeza ubu mu Rwanda ishuri rikuru ry'imyuga n'ubumenyingiro rigizwe n'amashuri makuru umunani aherereye mu bice bitandukanye by'igihugu harimo IPRC Kitabi, IPRC Gishari, IPRC Ngoma, IPRC Kigali, IPRC Tumba, IPRC Huye, IPRC Karongi na IPRC Musanze.

---

Abakozi b’ibitaro bikuru bya Ruhengeri, bavuga ko bagifitiye Igihugu umwenda, wo kurangwa n’imikorere ihindura isura mbi yaranze bagenzi babo, bijanditse mu (…)