Blog

Umukino watangiye ku isaha ya saa 15:03, utangizwa na As Kigali. Ku munota wa 3 As Kigali yahise yerekana ko ifite gahunda ku mukino ubwo bazamukanaga umupira Niyomugabi Claude atega Niyibizi Ramadhan Umusifuzi atanga kufura itagize icyo ibyara.

Ku munota wa 9 APR FC nayo yazamukanye umupira, Ruboneka Bosco awuhereza Mugisha Gilbert nawe awuhindurira Kwitonda Bacca, umusifuzi avuga ko yaraririye. Ku munota wa 15 APR FC yakomeje kwereka As Kigali ko ihagaze neza, Niyomugabo Claude yongera kuzamuka neza ahereza umupira Bizimana Yannick nawe awuha Bacca, ateye umupira Ntari Fiacre awukuramo  usanga Bizimana Yannick aho ahagaze nawe awuteyemo yamurura izamu.

Ishimwe Christian mu bakinnyi bitwaye neza muri As Kigali

As Kigali iminota 20 ya mbere yayikinnye iri mu buzima bugoye ndetse abakinnyi bayo bahagaze nabi haba mu kibuga hagati Mugeni Fabrice na Karisa Rachid batahuzaga. Rugirayabo Hassan nawe ku ruhande rw’iburyo yari yagowe na Claude ndetse na Mugisha. Iminota 20 ya mbere kandi umunyezamu wa As Kigali Ntwari Fiacre yari yamaze gukuramo imipira 3 yari yabazwe, naho APR FC imaze gutera koroneri 2

Abakinnyi 11 APR FC yabanje mu kibuga

Ishimwe Jean Pierre
Ombolenga fitina
Niyomugabo Claude
Buregeya Prince
Nsabimana Aimable
Ruboneka Bosco
Mugisha Bonheur
Kwitonda Alain
Mugisha Gilbert
Manishimwe Djabel
Bizimana Yanick

Abasimbura

Nsanzimfura keddy
Ndayishimiye Dieu Donne
Rwabuhihi Placide
Ahishakiye Hertier
Mugunga Yves
Nsengiyumva Elshad
Nshuti Innocent
Ishimwe Anicet
Byitingiro Lague

Kuva ku munota wa 20 kugera ku munota wa 30 As Kigali yatangiye kubona agahenge nyuma yo gusatirwa gukomeye. Ku munota wa 25 Cassa Mbungo Andre yafashe umwanzuro wo guhagurutsa Niyonzima Olivier ngo atangire kwishyushya kuko yabonaga mu kibuga hagati bitameze neza.

Ku munota wa 35 As Kigali yerekereye APR FC uko batsinda. 

Burya ngo aka bukuru ntikiburira, ndetse umuntu iyo yakoze amakosa cyane aba akwiye gukosorwa. Ishimwe Christian yazamukanye umupira awuhereza Haruna Niyonzima acenga ba myugariro ba APR FC areba uko umuzamu ahagaze umupira wisanga mu izamu rya APR FC. Bwari uburyo bwa kabiri As Kigali yari ibonye nyuma y’ubwo ku munota wa 3.

Haruna Niyonzima Nyuma yo gutsinda igitego

Nyuma y’uko APR Fc itsinzwe igitego, As Kigali yakomeje gusatira, Ishimwe Christian arongera azamukana umupira ariko Ombolenga amukorera ikosa ryamuviriyemo ikarita itukura.

Ku munota wa 43 APR FC yongeye kubona amahirwe y’igitego ku mupira wari uzamukanywe na Mugisha Bonheur awuhaye Mugisha Gilbert awutera nabi wambukiranya uruhande urarenga. Igice cya mbere cyarangiye ntazindi mpinduka zibaye amakipe asubira kuruhuka

Abakinnyi 11 AS Kigali yabanje mu kibuga

Ntwari Fiacre
Rugirayabo Hassan
Bishira Latif
Ishimwe Christian
Abubakar lawal
Mugheni Fabrice
Kwitonda Alain
Niyibizi Ramadhan
Kalisa Rashid
Niyonzima Haruna
Hussein Shaban

Abasimbura

Bate Shamiru
Sugira Ernest
Ndekwe Felix
Kayitaba Bosco
Rukundo Denis
Ahoyikuye Jean Paul
Niyonzima Seif

Igice cya kabiri kigitangira, APR FC yakoze impinduka 3, Byiringiro Lague, Nshuti Innocent na Mugunga Yves binjiye mu kibuga, havamo Yannick Bizimana, Kwitonda Bacca na Mugisha Gilbert. Ni uburyo umutoza Adil yari ahisemo kuko abakinnyi yari yabanjemo bari bahushije ibitego bisaga 4 mu gice cya mbere. Ku ruhande rwa As Kigali nta mpinduka umutoza Cassa yigeze akora.

Umukino warangiye igice cya kabiri utuje ndetse As Kigali nayo yagarutse yagabanyije amakosa yakoraga mu gice cya kabiri.

Ku munota wa 60 As Kigali nayo yakoze impinduka, Niyonzima Olivier wari wahereye mu gice cya mbere yishyushya, yinjiye mu kibuga asimbuye Niyibizi Ramadhan utari wigaragaje. Umukino wakomeje gukinirwa mu kibuga hagati, ariko APR FC ikanyuzamo igasatira izamu, gusa abakinnyi bari bagiyemo nabo ntibagira impinduka bakora.

TChabalala yari yagoye ba myugariro ba APR FC 

Ku munota wa 70 As Kigali yahushije igitego cyari cyabazwe ku mupira wamukanwe na Abubakar Lawal ahereza neza TChabalala ashyizeho umutwe umupira ufata igiti cy’izamu uragaruka. 

Ku munota wa 80 APR FC yabonye kufura iterwa na Ombolenga Fitina ariko umupira ujya muri koroneri.

Uko umukino wagendaga ugana ku musozo ni ko As Kigali yahitagamo kugarira igakoresha imipira itunguranye, ari na ho haje guturuka igitego ku munota wa 85 gitsinzwe na Mugeni Fabrice ku mupira wari utakajwe na Mugisha Bonheur.

Iminota 90 yarangiye As Kigali yari yasuye ifite ibitego 2 ku busa bwa APR FC, umusifuzi yongeraho iminota 4 nayo itagize impinduka itanga, umukino urangirira mu gahinda k’abafana ba APR FC. Ni bwo APR FC yatsindwaga, ntabwo byayibujije kuguma ku mwanya wa mbere kuko Kiyovu Sports yananiwe gutsinda Espoir FC umukino wari wabereye i Rusizi, aho amakipe yombi yanganyije 0-0.

Indi mikino uko yagenze
Bugesera FC 2-0 Police FC

Espoir FC 0-0 Kiyovu Sports
Gicumbi FC 1-2 Rutsiro FC
Musanze 1-0 Mukura
Etoile de L’Est 0-0 Gorilla FC
Marine FC 3-2 Rayon Sports

APR FC yakomeje kuyobora urutonde rwa shampiyona n’amanota 63 irusha inota rimwe ikipe ya Kiyovu Sports, mu gihe Gicumbi FC yamanutse ikiri ku mwanya wa nyuma n’amanota 18 ikurikiwe na Etoile de ifite amanota 28.

Ntwari Fiacre yabereye ibamba APR FC 

As Kigali wari umunsi wayo 

Abafana ba APR FC bari bumiwe

Iki gitaramo cyiswe “Amashimwe Concert” cyabaye kuri iki Cyumweru tariki 12 Kamena 2022 kibera mu mujyi wa Ottawa kuva saa kumi n’imwe z’umugoroba. Gentil Misigaro yari ari kumwe n’abaramyi batandukanye barimo James & Elsa, Soleil, Clark na Dairo. Kwinjira byari amadorali 30 (30,000 Frw) mu myanya isanzwe, amadorali 50 kuri ‘couple’ ndetse n’amadorali 10 ku bana bafite imyaka 10-15. Salle yabereyemo ki gitaramo yakubise iruzura, bamwe babura aho bicara.

Gentil Misigaro yanyarukiye ku mbuga nkoranyambaga ze ashimira Imana ku bwo kumushoboza gutaramana n’abakunzi b’umuziki we inakamuha abantu benshi cyane bitabiriye iki gitaramo, anisegura kuri buri umwe wese utabashije kuba muri iki gitaramo kandi yaraguze itike. Yatangaje ko buri wese wacikanwe n’iki gitaramo kandi yari yaraguze itike, ari busubizwe amafaranga ye.

Yagize ati “Mu izina rya “Amashimwe Concerts”, ndashaka ku bashimira mwese kandi tunasaba imbabazi abantu bose batashoboye kwemerera kwinjira mu gitaramo ku mpanvu z’uko Salle yari yuzuye, hariho lisite yakozwe y’abatarashoboye kwinjira bamaze kugura amatike kandi bahageze, muraza gusubizwa ‘amafaranga’ kuri ‘contact information’ (imyirondoro) mwatanze”.

Gentil Misigaro yahembuye abitabiriye igitaramo cye muri Canada

Mu kiganiro na InyaRwanda.com, Gentil Misigaro wamamaye bikomeye mu ndirimbo “Biratungana”, “Buri Munsi” Ft Adrien Misigaro, n’izindi, yavuze ko igitaramo yakoreye muri Ottawa “cyagenze neza cyane kuruta uko twanabitekerezaga”. Ati “Bimwe mu byo nishimiye cyane, bwari uburyo abantu wabonaga bishimye, turirimbana indirimbo zanjye zose, ndetse n’indirimbo nshya twaririmbye kuko twanakoraga live recording abantu bahitaga baziririmba nk’aho bari basanzwe bazizi”.

Uyu muramyi yasobanuye ko ku bijyanye n’abantu benshi batashoboye kwinjira, “Management team yambwiye ko bagerageje kubasobanurira ko byatewe n’uko Concert ya mbere yari iteganyijwe kuri 15/5, yagombaga kubera muri salle nini cyane. Hanyuma bibaye ngombwa ko igitaramo cyimurirwa ku yindi tariki no ku yindi salle, iyo salle ya nyuma dusanga ntabwo yari nini nk’iya mbere.”

Gentil Misigaro yashimiye bikomeye abitabiriye iki gitaramo cye dore ko harimo n’abakoze urugendo rw’amasaha ane mu ndege, bakajya kwifatanya nawe mu gitaramo cy’amashimwe. Ati “Nkaba rero nshimira abantu bose batwitabye, haba aba Ottawa, Montreal, Toronto ndetse n’abaje benshi baje bavuye Calgary kwitabira iki gitaramo ahantu huri ugendo rw’amasaha 4 mu ndege ni ukuvuga iminsi 4 uramutse utwaye imodoka. Imana ibahe umugisha mwinshi”.

Gentil Misigaro ategerejwe i Kigali mu gitaramo “Each One Reach One” azahuriramo na mubyara we Adrien Misigaro tariki 03/07/2022. Ni igitaramo cyateguwe na Melody of New Hope. Iki gitaramo kizabera mu Mujyi wa Kigali kuri Canal Olympia. Mu ntangiriro za 2020 ni bwo bari gukora iki gitaramo, ntibyakunda kuko bakomwe mu nkokora n’icyorezo cya Covid-19 cyari kimaze kugera mu Rwanda. Kuri ubu abakunzi b’umuziki wa Gospel bategerezanije amatsiko iki gitaramo.

Arashima Imana yabanye nawe mu ‘Amashimwe Concert’ yabereye muri Ottawa

Bataramye bashira inyota!

Salle yari yakubise yuzuye

Bahimbaje Imana mu buryo bukomeye

Gentil Misigaro yanditse amateka avuguruye muri Canada 

Igitaramo “Amashimwe Concert” kitabiriwe byo ku rwego rwo hejuru, bamwe babura aho bicara

Kugeza ubu amaso y’igikombe shampiyona ahanzwe APR FC na Kiyovu zikomeje zikubana kuva shampiyona yatangira, gusa Kiyovu Sports imbaraga zo kwigaranzura APR FC zikomeje kuba nkeya. Aya makipe yombi yagiye kujya mu kibuga buri wese azi ko bikomeye ndetse APR FC bayiha amahirwe yo gutsinda As Kigali kuko abantu bacyekaga ko As Kigali yo iri kubara igikombe cy’Amahoro.

As Kigali yari yoreheje akazi

Kiyovu Sports yari yerekeje hakurya y’ishyamba igiye guhangana na Espoir FC itari ifite icyo iharanira kuko yamaze kwizera kuguma mu cyiciro cya mbere ndetse no gutwara igikombe ntabyo irimo. Kiyovu Sports yagiye gukina na Espoir FC imaze iminsi 2 nta myitozo, ndetse Abakinnyi bari bigumuye bavuga ko batari bujye i Rusizi badahawe amafaranga yabo ariko birangira buriye imodoka. Abakinnyi hafi ya bose Kiyovu Sports yari yababanje mu kibuga ndetse n’abari bavuye mu nshingano z’ikipe z’igihugu bose bari mu kibuga.

Abakinnyi Kiyovu Sports yabanje mu kibuga

As Kigali yakoze ibyo yasabwaga Kiyovu Sports yirangaraho

Byari imibare myiza iruta iy’amafanga mu gihe Kiyovu Sports yari gukura amanota atatu i Rusizi kuko muri Kigali yari inkuru nziza ku ruhande rwabo. As Kigali itahabwaga amahirwe, yafashe APR FC iyitsinda ibitego 2 ndetse inakorera amateka kuri Adil utoza iyi kipe y’ingabo z’u Rwanda.

Usibye kwambura APR FC amanota 3, As Kigali kandi yanakuyemo umubare w’ibitego APR FC yarushaga Kiyovu Sports, bivuze ko As Kigali yari ihaye Kiyovu Sports butamwa na Ngenda.

Kiyovu Sports ntabwo ari iyo kuririrwa

Kiyovu Sports ubu ikoze insubira cyaha ya gatatu muri iyi shampiyona umuntu yavuga ko amakosa ikoze bikigoye ko yatwara shampiyona. Bwa mbere Mukura yatsinze APR FC igitego 1-0 iha rugari Kiyovu Sports ndetse iyobora shampiyona, ariko nyuma iza gutsindwa na Gasogi United ibitego 2-0 inayisuzuguye cyane icyaha cya mbere kiba kiriyanditse. 

Icyaha cya kabiri Kiyovu Sport yaje kongera kunanirwa gutsinda Bugesera FC yanayakiriye, ari na bimwe mu byatumye ibintu birushaho gukomera. Kiyovu Sports yaje gusa nk’aho igarutse mu murongo ubwo yitsindiraga APR FC twavuga ko cyari igihe gikenewe. Kuri ubu As Kigali ikoze ibyo yasabwaga, ariko Kiyovu Sports yongera gukora ikosa ritari rikenewe inganya na Espoir FC.

Kiyovu Sports inganyije imikino ibiri yikurikiranya kuko yari yabanje kunganya na Etoile

Ubu aho bigeze ibintu birasobanutse kuko APR FC irasabwa gutsinda Police FC ku munsi wa nyuma igakomeza kurusha inota rimwe Kiyovu Sports ndetse igahita itwara igikombe. Mu gihe Kiyovu Sports yatsinda Marine FC, APR FC ikanganya cyangwa igatsindwa, APR FC izahita ibura igikombe icyireba.

Umuvugizi w’umutwe w’abarwanyi wa M23, yavuze ko bashaka kugirana ibiganiro na Guverinoma ya Repubulika Iharanira Demokarasi ya Congo (RDC), nyuma y’uko (…)

Ishyaka ritavuga rumwe n'ubutegetsi ryo muri Zimbabwe rivuga ko ibisigazwa by'urishyigikiye wari waburiwe irengero byasanzwe mu kinogo cy'iriba.

Ibi bishyize iherezo ku gushakishwa kwe kwari kwagarutsweho cyane mu bitangazamakuru.

Moreblessing Ali yari yatangajwe ko yaburiwe irengero nyuma yo guterana amagambo n'uwahoze ari umusore bakundanaga witwa Pius Jambo.

Ishyaka ritavuga rumwe n'ubutegetsi rya Citizens' Coalition for Change rivuga ko Jambo ashyigikiye ishyaka riri ku butegetsi.

Bivugwa ko yamukuye aho yari ari mu kabari mu kwezi kwa gatanu.

Ishyaka ZANU—PF riri ku butegetsi muri Zimbabwe ryahakanye kugira uruhare mu iyicwa rya Moreblessing, risaba ko bareka polisi igakora amaperereza yayo.

Umurambo wa Moreblessing wari washangutse (wacitsemo ibice) wasanzwe watawe mu kinogo cy'iriba mu majyepfo y'umurwa mukuru Harare.

Mbere, polisi yari yavuze ko irimo gufata ibura rye nk'urugomo rwo mu rugo aho kuba irishingiye ku mpamvu za politiki.

Ariko Fadzayi Mahere, umuvugizi w'iryo shyaka ritavuga rumwe n'ubutegetsi, yavuze ko Jambo afitanye isano n'ibitero birimo urugomo byabaye mbere byibasiye abashyigikiye amashyaka atavuga rumwe n'ubutegetsi.

Yasabye ko hakorwa iperereza ryihuse kandi ritabogamye.

@BBC

Kuri uyu wa Mbere tariki 13 Kamena 2022, nibwo ikipe ya Rwamagana City yari yasezereye AS Muhanga muri 1/4 muri shampiyona y’icyiciro cya kabiri, yatewe (…)

President wa Komisiyo ya Afurika Yunze Ubumwe (AU), Moussa Faki Mahamat, ahangayikishijwe n’ibibazo by’umutekano bikomeje kurushaho kwiyongera hagati ya (…)