Blog

Nyuma y’uko Rwamagana City imenyeshejwe FERWAFA ko itagikinnye umukino wa ½ wa kamarampaka muri shampiyona y’icyiciro cya kabiri aho ishinjwa gukinisha umukinnyi ufite amakarita 3 y’umuhondo, iyi kipe yabiteye utwatsi maze itanga ikirego bituma AS Muhanga yari yahawe amahirwe yo gukomeza, umukino wayo uhita usbikwa.

Rwamagana City yatomboye gukina na AS Muhanga muri ¼ cy’igikombe cy’icyiciro cya kabiri, umukino ubanza wabaye tariki ya 4 Kamena 2022 ubera i Rwamagana maze AS Muhanga itsinda 1-0.

Umukino wo kwishyura wabaye tariki ya 8 Kamena 2022 ubera i Muhanga maze Rwamagana itsinda 2-1 biba 2-2 mu mikino yombi, ariko Rwamagana ikomeza kubera ko yatsinze ibitego byinshi hanze.

Tariki ya 9 Kamena 2022 AS Muhanga yahise irega Rwamagana City muri FERWAFA kubera ko mu mukino ubanza ngo hari umukinnyi wa Rwamagana City witwa Mbanze Josua wakinnye afite amakarita 3 y’imihondo.

FERWAFA ikaba yarahise imenyesha amakipe yagomba gukina imikino ibanza ya ½ yagombaga kuba tariki ya 11 Kamena ko isubitswe igomba kuba uyu munsi tariki ya 14 Kamena 2022 kubera ko hari amakipe yatanze ikirego.

Ku munsi w’ejo hashize nibwo bamenyesheje Rwamagana City ko yatewe mpaga kubera umukinnyi wabo wakinnye afite amakarita 3 y’imihondo, iyi kipe nayo yari yabyumvise mbere mu itangazamakuru yahise yihutira kwandikira FERWAFA iyimenyesha ko ibyo bavuga ari ibinyoma.

Perezida wa Rwamagana City yabwiye ISIMBI ko uretse kuba AS Muhanga yaratanze ikirego itinze batigeze babamenyeshwa iki kirego ahubwo babwiwe umwanzuro wafashwe.

Uwimana Nehemie warimo wihuta ajya kuri FERRWAFA gukurikirana iki kibazo, yavuze ko bagerageje kubaza muri FERWAFA iby’iki kirego mbere ariko umunyamabanga wa FERWAFA inshuro zose bamwandikiye yanze kubasubiza.

Ejo tariki ya 13 Kamena 2022 kandi nibwo Rwamagana City yahise yandika ibaruwa isaba FERWAFA ko babemerera bakaha email na raporo y’umwimerere by’umusifuzi na komiseri igaragaza ko Mbanze Josua yahawe ikarita y’umuhondo yuzuza ikarita ya 3 ku mukino wa Nyagatare tariki ya 22 Gicurasi 2022 kuko abakinnyi bayihawe ari batatu, Uwayezu Jean de Dieu, Muganuza Jean Pierre na Habineza Samuel.

Iyi baruwa kandi ivuga ko umunyamabanga wa FERWAFA yavuze ko uyu mukinnyi yambara nimero 15 atari byo ahubwo yayambaye ku mukino umwe tariki ya 7 Ugushyingo 2022 bakina na Sunrise FC ari nabwo yahawe ikarita y’umuhondo ya 2, ubusanzwe yambara nimero 9.

Rwamagana City ikaba yabimenyesheje Minisitiri wa Siporo, Guverineri w’Intara y’Iburasirazuba, umuyobozi mukuru wa Polisi y’u Rwanda, Umunyamabanga mukuru wa RIB, umuyobozi mukuru w’Akarere ka Rwamagana, perezida wa FERWAFA, Ishyirahamwe ry’abanyamakuru b’imikino mu Rwanda (AJSPOR).

Amakuru avuga ko umukino wagombaga guhuza Interforce na AS Muhanga wahise usubikwa kugeza iki kibazo cya Rwamagana City gikemutse.

Umuhanzi w’Umunyarwandakazi, Clarisse Karasira usigaye utuye muri Amerika n’umugabo we Ifashabayo Dejoie, bibarutse umwana w’umuhungu, maze bandika ko bahaye (…)

Umutoza wa APR FC, Adil Erradi Mohammed avuga ko gutakaza umukino w’umunsi wa 29 baraye batsinzwemo na AS Kigali byose ari we kubera ko wakinishije abakinnyi bananiwe kandi nta n’imyitozo bakoze.

Ku munsi w’ejo hashize ku wa Mbere tariki ya 13 Kamena, APR FC yatsinzwe na AS Kigali 2-0 mu mukino w’umunsi wa 29 wa shampiyona.

Adil avuga ko byatewe n’umunaniro w’abakinnyi be hafi 8 bari mu ikipe y’igihugu hakiyongeraho kuba yari amaze iminsi 15 atari kumwe nabo.

Ahamya ko amakosa ari ye wahisemo gukinisha aba bakinnyi bageze mu Rwanda mu rukerera rwo ku wa Gatandatu, ku wa Mbere bagahita bajya mu kibuga.

Ati “uyu munsi 50% ni amakosa y’umutoza ku byemezo yafashe, 50% ni uruhare rw’ikipe y’igihugu. Abakinnyi 8 mu ikipe y’igihugu bamaze iminsi 15 mu ngendo bari ku kibuga cy’indege, bari mu ndege, nta myitozo, bigaragarira mu kibuga.”

“Uyu munsi ntacyo nshinja abakinnyi banjye ni njye biri ku mutwe, 50% ni njye, ni njye washyize mu kibuga abakinnyi badafite imyitozo.”

APR FC yari ifite abakinnyi benshi mu ikipe y’igihugu kuva mu mpera z’ukwezi gushize bitegura imikino yo gushaka itike y’igikombe cy’Afurika, ni imikino bakinnye na Mozambique na Senegal.

Muri rusange ntabwo urugendo rwahiriye ikipe y’igihugu kubera kugenda igira ibibazo byo kubura indege, byatumye nubwo bakinnye na Senegal tariki ya 7 Kamena, bageze mu Rwanda tariki ya 11 Kamena 2022.

Abakinnyi ba APR FC bari kumwe n’ikipe y’igihugu ni Nsabimana Aimable, Omborenga Fitina, Niyomugabo Claude, Ruboneka Bosco, Mugisha Bonheur, Manishimwe Djabel na Mugunga Yves. Aba bakinnyi bose babanje mu kibuga ku mukino w’ejo uretse Mugunga Yves wagiyemo asimbuye.

Uyu mugore yatawe muri yombi kuri uyu wa Mbere tariki ya 14 Kamena 2022 mu Mudugudu wa Kacyiru mu Kagari ka Cyarubare mu Murenge wa Kabare, azira gushinyagurira umurambo.

Tariki ya 11 Kamena nibwo uyu mugore yafashwe n’inda ajya kubyarira ku bitaro bya Rwinkwavu, agezeyo ngo yabyaye umwana udashyitse hashize iminota mike ahita yitaba Imana.

Ibitaro ngo byahise bimuha umurambo maze uyu mugore aho kujya gushyingura umwana aragenda amujugunya mu ishyamba.

Umunyamabanga Nshingwabikorwa w’Umurenge wa Kabare, Karuranga Léon, yavuze ko impamvu yatumye uyu mugore ajugunya umwana yari yibyariye mu ishyamba ari uko yari yatewe inda n’undi muntu utari umugabo we, atinya kujya kumushyingura ngo abaturanyi batabona ko yari atwite.

Yagize ati ' Twagerageje kuganira na we imbonankubone tumubaza icyamuteye ibyo byose, atubwira ko afite umugabo we ufunze wakatiwe imyaka irindwi, rero ngo yagize ubwoba bwo gushyingura umwana mu Mudugudu kuko yangaga ko abo mu muryango we n’abaturanyi bazamenya ko yari yabyaye mu gasozi, ahitamo kujya kujugunya umurambo mu ishyamba.'

Karuranga yavuze ko kuri ubu umurambo w’umwana wamaze gushyingurwa mu gihe uyu mugore wari usanganywe abana batatu yagiye gufungirwa kuri sitasiyo ya RIB ya Ndego kugira ngo akurikiranwe n’amategeko ku cyaha cyo gushinyagurira umurambo.

Ingingo ya 130 mu gitabo cy’amategeko ahana ibyaha mu Rwanda ivuga ko umuntu wese uhisha cyangwa utaburura ku bugome umurambo w’umuntu cyangwa uwucaho umwanya w’umubiri cyangwa uwushinyagurira ku buryo ubwo ari bwo bwose, aba akoze icyaha.

Iyo abihamijwe n’urukiko, ahanishwa igifungo kitari munsi y’imyaka itanu ariko kitarenze imyaka irindwi.

Ivomo:Igihe

Myugariro mpuzamahanga w’umunyarwanda, Nirisarike Salomon yavuze ko impano y’ifoto aheruka guhabwa na Pastor Théogene ari impano idasanzwe yahawe n’umukozi w’Imana.

Uyu mukinnyi wari umaze iminsi ari mu Rwanda aho yari yitabiriye ubutumire bw’ikipe y’igihugu Amavubi, mbere yo gusubira mu Bubiligi, yasuye Pastor Théogene ndetse undi na we amuha impano.

Mu kiganiro n’ikinyamakuru ISIMBI, Nirisarike Salomon yavuze ko yari asanzwe aziranye na Pastor Théogene, ariko akaba yaratunguwe no kumva amubwira ko amufitiye impano.

Ati “Pastor Théogene twari dusanzwe tuziranye guhera hafi 2019, nagiye kubona mbona arampamagaye ngo ngufitiye impano, njyayo kumusura ngezeyo nsanga ni iriya mpano yankoreye y’ifoto ariko twari tumaze igihe tuziranye.”

Yakomeje avuga ko yamushimishije cyane kubera ko uretse kuba yarayihawe n’umukozi w’Imana, na none ari ikimenyetso cy’uko umupira w’amaguru ukurikirwa n’abantu benshi.

Ati “Yaranshimishije cyane kandi ni ibyerekena ko abantu benshi bakurikirana umupira nubwo baba bari mu rugo batavuga cyane cyane iyo bigeze ku ikipe y’igihugu Amavubi, baradukunda bakadushyigikira nubwo rimwe na rimwe umusaruro wagiye ubura ariko abanyarwanda bakunda Amavubi. Navuga ko iriya ari impano idasanzwe nahawe n’umukozi w’Imana, ku bwanjye byaranshimishije cyane. “

Nirisarike Salomon ubu akaba abarizwa mu Bubiligi ari kumwe n’umuryango we, ni mu gihe ari mu biganiro n’amakipe atandukanye ngo abe yayerekezamo.

Minisiteri y’Ubuzima (MINISANTE) yatangaje ko ku wa Mbere tariki 13 Kamena 2022 mu Rwanda habonetse abanduye Covid-19 bashya 30, bakaba babonetse mu bipimo (…)