Blog

Davis D umwe mu bahanzi barimo bazamuka neza mu muziki nyarwanda, arimo akora ibitaramo bitandukanye aho arimo azenguruka i burayi ataramira abanyaburayi abaha ku byishimo.

Nyuma yo gukorera igitaramo mu bufaransa kikaza kwishimirwa na benshi, yerekeje mu gihugu cy'ubudage aho agiye gukomerezayo urugendo rwe rwo guha abanyaburayi ibyishimo.

Davis D yerekeje i burayi akorerayo ibitaramo ariko yongera kugaruka hano mu Rwanda igihe gito kugira ngo yongereshe igihe Visa ye izamara kuko yari igihe kurangiza igihe cyayo.

Indirimbo zakunzwe cyane za Davis D arimo aranifashisha cyane muri ibi bitaramo bye harimo nka Eva, Ifarasi ndetse nizindi zitandukanye.

 

 

Source : https://yegob.rw/davis-d-yerekeje-mu-budage-yifunze-bwuma-gukorerayo-ibindi-bitaramo-amafoto/

Iri serukiramuco rihuriza hamwe abahanzi bakomeye baturuka mu mico itandukanye ku Isi. Ryibanda cyane ku njyana ya Reggae n'izindi njyana zo mu mico inyuranye.

Rizaba ku wa 5-7 Kanama 2022, riririmbemo abahanzi barimo Lutan Fyah, Iba Mahr, Medisun, Earth Kry, Bkkamoore, Asadenaki Wailer, Dub Apocalypse, Naya Rockers, Coyote Island, Chiney Kiki na Nate Winter.

Clarisse Karasira yabwiye INYARWANDA ko abategura iri serukiramuco ari bo bamutumiye nyuma yo kumenya ko atuye mu Mujyi wa Portland muri Leta ya Maine ho muri Leta Zunze Ubumwe za Amerika.

Ati 'Babonye indirimbo zacu barazikunda bamenya ko tuba inaha baratwegereye rero badusaba kuba uyu mwaka twazajya kuririmbamo tukagaragaza umuco wa Kinyarwanda.'

Iri serukiramuco riga mu gihe cy'iminsi itatu. Clarisse avuga ko yanezerewe cyane kuko yaratoranyijwe mu bahanzi bazaririmba muri iri serukiramuco rikomeye muri iyo Leta.

Avuga ko ari umwanya mwiza wo kwereka amahanga ubukungu buhishe mu muco Nyarwanda. 

Uyu muhanzikazi uherutse kwibaruka imfura yagize ati 'Nezezwa cyane no kubona abantu bo hirya no hino bakunda iyi nganzo abenshi batanumva neza Ikinyarwanda ariko bakabikunda. Ni umwanya mwiza wo kwereka amahanga ubwiza bw’indirimbo nyarwanda n’umuco wacu.'

Iri serukiramuco 'Greenwoods Cultural Revival Festival' rigamije guteza imbere ubuhanzi bw’urukomatane rw’imico (Multicultural Arts) n’injyana.

Ryitabirwa kandi rigahuriza hamwe imiryango bamwe bakamara iminsi baba aho ku kirwa cya Brunswick, bitabiriye iri serukiramuco. Iri serukiramuco ni ngarukamwaka, ubu rigiye kuba ku nshuro ya karindwi.   

Clarisse Karasira ati 'Muzaze dutarame tuzamure ibendera ry'iwacu mu ruhando mpuzamahanga'

 

Clarisse ari mu bahanzi bazaririmba muri iri serukiramuco ryita cyane ku njyana ya Reggae 

KANDA HANO UREBE AMASHUSHO Y’INDIRIMBO ‘KAZE NEZA’ YA CLARISSE KARASIRA

Source : https://inyarwanda.com/inkuru/119151/usa-clarisse-karasira-mu-bazaririmba-mu-iserukiramuco-ryibanda-kuri-reggae-119151.html

Umunsi wo gusohora ururimi wizihizwa buri mwaka kuwa 19 Nyakanga. Ibi bikaba ari ibintu bikunze gukorwa cyane n'abantu bajinyora cyangwa mu mikino. Nubwo mu mico myinshi babifata nk'ibintu bitaboneye n'umuco mubi, gusohora ururimi mu gace k'u Burengerazuba bwa Asia kazwi nka Tibet bifatwa nk'ubupfura.

Ururimi mu busanzwe ni rumwe mu ngingo za muntu, rukaba rugizwe n'imitsi kandi rubasha gukora neza rukagendagenda nta magufwa. Rwifashishwa mu kumva uburyohe rimwe na rimwe kandi rukaba rushobora kuba kimwe mu bipimo bya muntu by'uburwayi afite kandi rukabasha no gutuma umuntu avuga neza.

Uyu munsi wo gusohora ururimi wizihizwa buri mwaka mu bice bitandukanye by'isi ariko by'umwihariko muri Leta Zunze Ubumwe za Amerika, gusa kugeza ubu imvano yo kwizihiza uyu munsi iracyari inshoberamahanga kuko bamwe bavuga ko ari uburyo bwo gushishikariza abantu kugana muganga, abandi bakabibona nk’uburyo bwo gusohora indimi zabo bazereka abo bakundana.

Abana ni bo bakunda gusohora ururimi cyane mu buryo bw'imikino ariko na none abantu bakora akazi bagashyizeho umutima nabo bakunze gusohora ururimi.

Meg Thee Stallion

Doja Cat

Olivier Obrien 

Tana Mongeau

Rihanna 

Gerard Butier

Katy Perry

Genne Simmons

Maria Menounos

Iggy Pop

Heidi Klum 

Kim Kardashian

Gee Lo Green

Jessica Simpson

Jon Bon Jovi

Shenae Grimes

Rain Wilson

Eva Mendes

Elton Jon

Mickey Rourkle

Juliette Lewis

Ellen DenGeneres

Andy Samberg

Ke$ha

Chris Brown

Avril Lavigne

Ed Westwick

Eva Longolia

Nick Minaj

Joan Rivers

Helen Bonham Carter

Heather Morris

Celine Dion

Zoe Kravitz

Rosie Huntington Whiteley

Chris Martin

Christina Aguilera

Source : https://inyarwanda.com/inkuru/119131/mu-mafoto-35-uko-bamwe-mu-byamamare-ku-isi-bizihije-umunsi-ngarukamwaka-wo-gusohora-ururim-119131.html

Ku mbugankoranyambaga hasakaye amashusho y'abakobwa bakoze agashya maze bambarira umugeni mu makanzu asatuye ku buryo berekanaga utwenda tw'imbere.

Aba bakobwa bari bambaye amakanzu y'imituku ndetse bashyuhije ubukwe ubwo babyinaga imbyino zidasanzwe gusa abakoresha imbuga za interneti bakaba batunguwe nuburyo bari bambaye amakanzu agaragaza imyenda y'imbere nta soni bafite.

View this post on Instagram

A post shared by Atinkanews.net (@atinkanews)

Source : https://yegob.rw/abantu-batunguwe-nabakobwa-bambariye-umugeni-bambaye-amakanzu-agaragaza-amakarisovideo/

Amazina ye yitwa Imaniranyumva Assuman, akaba atuye mu murenge wa Kabaya, akarere ka Ngororero. Uyu afite imiterere, imyambarire ndetse n'imivugire ni umukobwa, ari nabyo byateye amatsiko, ubwo yabazwaga uburyo bishoboka we ubwe akiyemerera ko afite igitsina cyabagabo.

Assuman yavuze ko koko iyo umurebye inyuma ubona ari umukobwa, uko agenda, uko avuga, ibyo akora byose mbese icyo bita imiterere, gusa bitewe n'uko yavutse yaje gusanga afite igitsina cy'abagabo bimugira igitsina gabo. Ubwo yavugaga ibyo yabwiwe ko atumvikana, gusa asobanura ko ibintu yasanze byaramubayeho ari urujijo rukomeye cyane, kubera ko nawe yasanze ariko bimeze avuga ko ari ibitangaza Imana yashakaga kumwereka ndetse n'ubuhangange bwayo.

Mu kiganiro numunyamakuru Gerald Mbabazi uyu mukobwa w'imyaka 22 yavuze ko yifuza kuba umuhungu nubwo byanze, gusa ngo uko iminsi igenda yicuma noneho ibirangabyiyumviro bye bisigaye bimuganza ari umukobwa ndetse akaba afite imyanya y'ibanga y'abahungu.

Source : https://yegob.rw/mu-rwanda-mu-mubiri-mwiza-wa-gikobwa-afite-igitsina-cyabagabo/

bImwe mu bihugu by'U Burayi n'Amerika bikomeje umugambi wabyo wo gufatira ibihano bikaze igihugu cy'u Burusiya nyuma y'uko icyo gihugu giteye icya Ukraine, magingo zahabu yo mu burisiya yahawe akato.

Kuri ubu, Zahabu y'iki gihugu byitezwe ko igomba gukurwa ku isoko mu rwego rwo gukomeza guhana Uburusiya bwanze gushyira intwaro hasi kugeza uyu munsi.

Ibihugu bikize ku isi birimo Leta Zunze Ubumwe za Amerika ndetse na bimwe mu bihugu bigize umuryango w'Ubumwe bw'Uburayi n'itsinda rya G7, barimo kwigira hamwe uburyo bwo gukumira Zahabu y'Uburusiya ku masoko mpuzamahanga akomeye.

Al Jazeera dukesha iyi nkuru yatangaje ko biteganyijwe ko umwanzuro kuri iki kibazo umenyekana muri iki cyumweru.

Igitekerezo cyo gukura Zahabu y'Uburusiya ku isoko bwa mbere cyatanzwe mu nama y'ibihugu 7 bikize ku isi iheruka kubera i Bavaria mu Budage mu kwezi gushize. Iyo nama yari yitabiriwe n'ibihugu birimo Leta Zunze Ubumwe z'Amerika, Ubwongereza, Canada, n'Ubuyapani.

Zahabu y'Uburusiya igiye gukumirwa ku isoko, ni Zahabu yacukuwe nyuma y'itariki 24 Gashyantare 2022 ikaba itaragera ku isoko.

Ibihugu byiganjemo iby'i Burayi bikumiriye Zahabu y'Uburusiya mu rwego rwo guca intege amakompanyi y'ubucukuzi yo mu Burusiya, abaherwe ndetse n'amabanki yo muri iki gihugu.

U Burusiya ni igihugu kiri ku mwanya wa 2 ku isi mu gucukura Zahabu nyinshi ku isi no kuyohereza hanze.

Muri 2021 bwacukuye Zahabu ibarirwa muri toni 314, ifite agaciro ka Miliyari 15 z'amadolari y'Amerika.

Ibindi bihugu biza hafi mu gucukura Zahabu nyinshi ku isi, hazamo Ubushinwa na Australia. Nubwo ibihugu byiganjemo iby'i Burayi bishaka gukumira Zahabu y'Uburusiya, umuryango  uteza imbere ubucuruzi bwa Zahabu ku isi  'The World Gold Council', wamaganiye kuri iki cyemezo, uvuga ko ibi bisa nko kwikirigita ugaseka kuko Zahabu y'Uburusiya icyenewe cyane ku isoko mpuzamahanga kuko kugeza ubu iki gihugu cyari kitarahaza isoko kiza mu bicukura nyinshi.

Inzobere mu bukungu zivuga ko mu gihe Zahabu y'Uburusiya yaba ihagaritswe ku isoko, ibiciro by'ibikomoka kuri Zahabu byigajemo imitako mu isi, byahenda cyane kandi n'ubundi byari bisanzwe byihagazeho.

Yanditswe na Uwizeye C.

 

 

 

 

The post Zahabu yo mu Burusiya yahawe akato appeared first on IRIBA NEWS.

Source : https://iribanews.rw/2022/07/19/zahabu-yo-mu-burusiya-yahawe-akato/

Clarisse, Umufasha wa Mico The Best yatanze ibisubizo bitangaje ku bafana be bamubajije imyaka ye. Ninyuma yuko Clarisse yari amaze gupostinga kuri story ya instagram ye asaba abafana be ko bamubaza ibibazo byose bifuza maze nawe akabasubiza.

Bimwe mu bibazo byabajijwe n'abafana ba Clarisse byagarukaga ku myaka ye gusa Clarisse ntabwo yigeze abasubiza ngo ababwira imyaka ye.

Source : https://yegob.rw/umufasha-wa-mico-the-best-yasubije-mu-buryo-budasanzwe-abafana-be-bamubajije-imyaka-ye/

Hari bamwe mu Banyeshuri  bo mu Karere ka Rutsiro bavuga ko baje mu biruhuko, ababyeyi cyangwa imiryango yabo ikabakiriza imirimo bavuga ko ivunanye irimo guhinga, kwikorera imizigo, kujyana ibisheke ku isoko n'iyindi itajyanye n'ikigero cyabo cy'ubukure.

Ku zuba ry'igikatu, icyuya cyamurenze, arahumekera hejuru ari nako asubika igare ryikoreye ibisheke. Uwo ni umwana w'umuhungu uri mu kigero cy'imyaka 15, watubwiye ko aramutse yanze gukora uyu murimo avuga ko umutera imvune ikabije, nyina yamukubita.

Aganira na IRIBA NEWS yagize ati 'Mfite imyaka 15 niga mu mwaka wa gatanu w'amashuri abanza ni mama wanjye wazindutse abica mbijyanye ku Kivumu. Nakoze urugendo rurerure mvuye mu murenge wa Musasa ndataha n'imugoroba ntahanye amafaranga nacuruje. Ndamutse nanze kujya gucuruza ibi bisheke mama yankubita.'

Umwe mu babyeyi bo mu Murenge wa Musasa twaganiriye utifuje dutangaza amazina ye atangazwa yavuze ko abana bari mu biruhuko bagomba gukora kuko aribwo baba babonetse.

Hari abana usanga basunika ibisheke ku igare bakavuga ko baba babitegetswe n'ababyeyi babo

Yavuze ati 'Kwikorera imizigo ntibigoye baba bari gukomera.  Ahubwo nukongera kubibutsa guhinga mbese ni ukubafatiranya n'ibiruhuko kuko bamara igihe gito bakongera kujya kwiyicarira ku ishuri.'

Manzi Valentin utuye mu Murenge wa Ruhango, ni umubyeyi w'abana batatu nawe yunze mu rya mugenzi we avuga ko abana baje mu biruhuko bagomba gukoresha imbaraga cyane.

Ati 'Ku ishuri bakoresha ubwonko gusa ariko iyo baje mu kiruhuko twe nk'ababyeyi tugomba kubakoresha bakamenyera n'indi mirimo.'

Umuyobozi w'akarere ka Rutsiro wungirije ushinzwe imibereho myiza y'abaturage Musabyemariya Marie Chantal, yavuze ko imyumvire nkiyo idakwiye kuranga ababyeyi baharanira iterambere ryabo n'iry'abana babo.

Yagize ati 'Imirimo ivunanye ikoreshwa abana igihe baje mu kiruhuko ntikwiye. Si ku banyeshuri gusa ahubwo buri wese akwiye gukora imirimo iri ku kigero cye kandi by'umwihariko ku banyeshuri ibiruhuko ni n'umwanya mwiza wo kugirango bagasubire  mu byo bize.'

Yongeyeho ko ubukangurambaga bwo gushishikariza ababyeyi kwita ku bana babo neza bukomeje ndetse ababyeyi bakwiye kwikuramo imyumvire mibi yo kumva ko iyo umwana ari ku ishuri aba yicaye, bityo ko igihe aje mu kiruhuko agomba gukora imirimo yose yari amaze igihe adakora.

Akarere ka Rutsiro ahanini abagatuye bakora imirimo y'ubuhinzi n'ubworozi ndetse no kujya gushaka imibereho mu buryo bw'ubucuruzi hagemurwa ku isoko ibisheke, inanasi n'ibindi.

Mu mu masoko amwe n'amwe usanga abana bato bari munsi y'imyaka 18 aribo bayaremye batumwe n'ababyeyi babo ndetse mu myaka y'ashize wasangaga abana benshi barataye ishuri.

Ubushakashatsi bwa Komisiyo y'igihugu y' uburenganzira bwa muntu, bwasohotse muri Gicurasi, 2020 bwagaragaje ko impamvu za mbere abana bakoreshwa imirimo ivunanye ahanini biterwa n'ubukene..

Ubu bushakashatsi bwakorewe ku bana  421  mu turere 11 aho wasangaga abenshi bari mu cyiciro cya mbere n'icyakabiri cy'ubudehe.

Bamwe mu bana bavuga ko batajyanye ibisheke ku isoko ababyeyi babakubita

Muri 421 bakozweho ubushakashatsi abarenga 90% bakora imirimo yo mu rugo bahembwa, umubare munini wabo akaba ari abakobwa.

Ubu bushakashatsi bwagaragaje ko mu bana bakoreshwa imirimo yo mu rugo batagejeje igihe, 98% ni abakobwa muri bo abahembwa bakaba 72% abandi baba bakora mu miryango aho byitwa gufasha ababyeyi.

Yanditswe na Mukundente Y.

The post Rutsiro: Bamwe mu Banyeshuri baje mu kiruhuko bakirizwa imirimo ivunanye appeared first on IRIBA NEWS.

Source : https://iribanews.rw/2022/07/19/rutsiro-bamwe-mu-banyeshuri-baje-mu-kiruhuko-bakirizwa-imirimo-ivunanye/

Source : https://www.kigalitoday.com/amakuru/amakuru-mu-rwanda/article/abahuguwe-ku-bijyanye-no-gukumira-inkangu-bizeye-ko-zigiye-kugabanuka

Rayon Sports yamaze gusinyisha abakinnyi 3 barimo umunyezamu wa wakiniraga Bugesera FC ndetse n’abandi bakiniraga Heroes FC.

Aba bakinnyi bakaba bujuje umubare w’abakinnyi 11 iyi kipe imaze gusinyisha mu rwego rwo kwitegura umwaka w’imikino wa 2022-23.

Nk’uko umwe mu bantu ba hafi muri Rayon Sports yabyemereye ISIMBI ni uko Rayon Sports yamaze gusinyisha Ishimwe Patrick na Kanamugire Roger bakinaga mu cyiciro cya kabiri mu ikipe ya Heroes FC bamaze gusinyira Rayon Sports amasezerano y’imyaka 3, ni abakinnyi bakina mu kibuga hagati.

Uretse aba bakinnyi kandi Rayon Sports yasinyishije amasezerano y’imyaka 2 umunyezamu wakiniraga Bugesera FC, Hakizimana Amani.

Aba bakinnyi basinye nyuma ya Ndekwe Felix wavuye muri AS Kigali, Tuyisenge Arsene wavuye muri Espoir FC, Iraguha Hadji wavuye muri Rutsiro FC, Raphael Osalue, Mucyo Didier Junior na Ishimwe Ganijuru Elie bakiniraga Bugesera, Hirwa Jean de Dieu wakiniraga Marine Fc na Ngendahimana Eric wakiniraga Kiyovu Sports.

Ishimwe Patrick yasinyiye Rayon Sports

Kanamugire Roger na we yerekeje muri Rayon Sports

Source : http://isimbi.rw/siporo/article/rayon-sports-yasinyishije-3