Blog

Aba bana bari batuye hafi y’umusigiti uri munsi y’ahitwa ku Gasoko bakaba babyarwa barapfuye kuri uyu wa Kabiri tariki ya 19 Nyakanga 2022.

Amakuru avuga ko umwana w’umukobwa wari ufite ubuhanga mu gusoma korowani yagize ikibazo ari kumwe na nyina maze amusaba amazi yo kunywa ariko amaze kuyamuha araremba.

Uyu mubyeyi ngo yahise ajyana umwana we kwa muganga ku Bitaro by’akarere ka Nyarugenge ariko ahageze ahita ashiramo umwuka.

Musaza we akimara kumenya ko mushiki we yitabye Imana na we yahise agwa igihumure, mu kanya gato yitaba Imana.

Urupfu rw’aba bana rukimara kumenyekana bajyanywe ku bitaro kugira ngo imirambo yabo isuzumwe hamenyekane icyabishe.

Ntabwo amakuru y’icyabahitanye aramenyekana gusa bahise bashyingurwa ahagana saa moya z’ijoro kuri uyu wa Kabiri.

Amakuru avuga ko hari na mukuru w’aba bana ubu uri mu Bitaro nyuma yo kumenya ko abavandimwe bitabye Imana.

Nyuma y’urupfu rw’amayobera rw’aba bana ndetse runatunguranye hari bamwe mu baturage baba bavuga ko barozwe abandi bakavuga ko bagize ikibazo cy’umutima.

Ivomo:Igihe

Kuri uyu wa Gatatu tariki 20 Nyakanga 2022 nibwo Ranil Wickremesinghe, ubu wari uyoboye Sri Lanka by’agateganyo (intérim) nyuma y’uko Perezida w’icyo gihugu (…)

Umurambo w’umugabo witwa Tumusabire Alphonse w’imyaka 26 y’amavuko wasanzwe mu iteme rifite nka metero 5 mu bugari na metero 10 mu bujyakuzimu ryubakishije ibiti bisanzwe.

Bivugwa ko nyakwigendera yanyuze kuri iryo teme afite igare aricunga akanyerera noneho akikubita muri iryo teme kuko ryari rirerire yahise yitaba Imana.

Umunyamabanga nshingwabikorwa w’Umurenge wa Nyagisozi, Habineza Jean Baptiste yavuze ko bahise bihutira kujyana umurambo wa nyakwigendera kwa muganga.

Ati'Dukeka ko yagize impanuka yikubita muri iryo teme gusa biranashoboka ko yagirana ibibazo n’umuntu akamuhirika haracyakorwa iperereza.'

Hari amakuru avuga ko iryo teme nta mazi asanzwe arimo kereka mu gihe cy’imvura.

Nyakwigendera yavukaga mu Mudugudu wa Rugarama mu kagari ka Rurangazi mu murenge wa Nyagisozi mu karere ka Nyanza.

Tumusabire Alphonse asize umugore n’umwana, hari amakuru avuga ko iryo teme risanzwe rigwamo abantu ariko ntibapfe uriya ariwe uguyemo wa mbere agahita yitaba Imana, yarafite ibikomere ku mubiri.

Ivomo:Umuseke

Umubu wuzuye amaraso wiciwe ku rukuta rw’inzu, wafashije abagenzacyaha gufata umujura wari winjiye muri iyo nzu iherereye mu Ntara ya Fujian mu (…)

Isoko ry’abakinnyi mu Rwanda rigeze aharyoshye, amakipe arimo kwiyubaka yitegura umwaka w’imikino wa 2022-23, Rayon Sports ifite abakunzi benshi ikaba imaze gusinyisha abakinnyi 11.

Iyi kipe yarekuye abakinnyi benshi barenga 10, ni imwe na none mu makipe amaze kwinjizamo abakinnyi benshi aho yasinyishije 11 ni mu gihe hari n’abandi bakiri mu biganiro na yo.

Nubwo iyi kipe yasinyishije abakinnyi benshi ariko abakunzi ba yo baracyafite impungenge bitewe n’urwego rw’abakinnyi yasinyishije kuko iyi kipe yari imenyerewe mu mazina akomeye ubu irimo kwigurira abakinnyi bo mu cyiciro cya kabiri, abandi ugasanga bari abasimbura aho bakinaga.

Iyo urebye muri aba bakinnyi 11 Rayon Sports yasinyishije usanga buri mwanya mu kibua uhagarariwe uretse kuri nimero 9 gusa.

Uretse aba bakinnyi kandi muri Rayon Sports bivugwa ko yanamaze gusinyisha rutahizamu w’umurundi Mbirizi Eric, gusa andi makuru yo avuga ko buvumvikanye ariko atarasinya.

Muri iyi nkuru tugiye kureba uburyo aba bakinnyi 11 baguzwe baba bahagaze mu kibuga buri umwe ku mwanya akinamo, ni mu gihe n’ubundi umutoza ari Haringingo Francis, umutoza wa Rayon Sports na we akaba ari mushya muri iyi kipe.

11 Rayon Sports imze usinyisha

Twagiramukiza Amani (Bugesera FC)

Mucyo Junior Didier (Bugesera FC)

Ishimwe Ganijuru Elie (Bugesera FC)

Hirwa Jean de Dieu (Marines FC)

Ngendahimana Eric (Kiyovu Sports)

Rafael Osalue (Bugesera FC)

Kanamugire Roger (Heroes FC)

Iraguha Hadji (Rutsiro FC)

Tuyisenge Arsene (Bugesera FC)

Ishimwe Patrick (Heroes FC)

Ndekwe Felix (AS Kigali)

Kuri iyi nshuro amahirwe yasekeye rwiyemezamirimo ukiri muto ukora umushinga w'ubucuruzi bw'ibitunguru muri Nyabugogo mu isoko rizwi nk'Inkundamahoro.

Ishimwe Marius, wari umaze amezi atanu gusa atangiye umushinga we yatsindiye ibihumbi 500 Frw mu mukino wa Jackpot Lotto.

Ishimwe yavuze ko yari mu rugo abona kuri televiziyo y'igihugu bari gutangaza umunyamahirwe wegukanye igihembo cyari cyagenwe icyo gihe na we afata icyemezo cyo kugerageza amahirwe.

Yagize ati 'Inzozi sinari nyizi ariko nayimenye ubwo narebaga televiziyo y'u Rwanda mbona bari guhemba abatsinze nanjye ndavuga nti ngomba kugerageza. Nakinnye uyu mukino inshuro zigera kuri enye none ndatsinze.'

Yakomeje avuga ko yashimishijwe cyane n'ikigihembo cye yemeza ko aya mafaranga agiye kumufasha kwagura ubucuruzi bwe.

Ati 'Ndishimye cyane kuko aya mafaranga nari nyakeneye cyane mu bucuruzi bwanjye kuko nashakaga kubwagura kugira ngo nanjye nkomeze niteze imbere mbe nakabya inzozi zanjye zo gutegura ejo hazaza heza.'

Yavuze ko abavuga ko iyi mikino ari ubumamyi bakwiye gusobanukirwa neza kuko iyo aza kuba ubumamyi atari kuba atsindiye igihembo yashatse inshuro nyinshi.

Yavuze ko kandi adahagaze nubwo atsinze ahubwo azakomeza gukina kugeza yegukanye igihembo nyamukuru ubu kigeze kuri miliyoni 10 Frw.

Umuyobozi ushinzwe Ubucuruzi muri Inzozi Lotto mu Karere ka Nyarugenge, Eric Mutowintore, wari uyoboye igikorwa cyo gushyikiriza Ishimwe igihembo cye, yasobanuye impamvu yatsindiye ibihumbi 500 Frw aho gutsindira miliyoni 10 Frw.

Ati 'Kugira ngo utware igihembo nyamukuru ni ukuba mu mibare itanu harimo n'umwe wa 'bonus' wahisemo ihuye n'iyatangajwe hanyuma ugatsinda. Mu gihe bitakunze ntibiba birangiye ahubwo iyo mu mibare yatowe hatsinzemo ine nibwo uwatsinze ahita ahabwa ibihumbi 500 Frw nk'ayo Marius yahawe.'

Yakanguriye Abanyarwanda gukomeza gukina bakagerageza amahirwe yabo.

Yavuze ko n'iyo ukinnye ntutsinde ari ibisanzwe kuko ari iy'amahirwe kandi ko uba utanze umusanzu wo kubaka siporo kuko 20% y'amafaranga yakiniwe ajyanwa mu bikorwa bya siporo.

Kugeza ubu asaga miliyoni 109Frw amaze guhabwa abakinnyi bayatsindiye mu mikino yayo itandukanye, abasaga ibihumbi 500 na bo bamaze kwiyandikisha muri iyi mikino.

Buri wese wujuje imyaka 18 no hejuru yayo ashobora gukina yifashishije 'aba-agents' bari hirya no hino ku mihanda cyangwa agakoresha telefoni akanda *240#. Ushobora no gusura urubuga rwa www.inzozilotto.rw

---

Ni indirimbo y’iminota 7 n’amasegonda 39. Yageze hanze mu buryo bw’amashusho tariki 15 Nyakanga 2022, inyuzwa kuri shene ya Youtube yitwa “Shalom Worship Team”. Yanditswe na Ben Igiraneza, ikaba yubakiye ku Byanditswe Byera bitatu cyo muri Bibiliya ari byo: Abaheburayo 13:8 havuga ngo “Yesu Kristo uko yari ejo, n’uyu munsi ni ko ari kandi ni ko azahora iteka ryose”;

Abefeso 1:19-21 havuga ngo “Mumenye n’ubwinshi bw’imbaraga zayo zitagira akagero, izo iha twebwe abizeye nk’uko imbaraga z’ububasha bwayo bukomeye ziri, izo yakoreye muri Kristo ubwo yamuzuraga mu bapfuye ikamwicaza iburyo bwayo ahantu ho mu ijuru, imushyize hejuru y’ubutware bwose, n’izina ryose rivugwa uretse muri iki gihe gusa, ahubwo no mu bihe bizaza”;

Ndetse n’Ibyakozwe n’Intumwa 4:12 havuga ngo “Kandi nta wundi agakiza kabonerwamo, kuko ari nta rindi zina munsi y’ijuru ryahawe abantu, dukwiriye gukirizwamo”.

Irengetse! Amashusho y’iyi ndirimbo yafashwe mu buryo bwa Live Recording bugezweho muri iyi minsi mu miziki isingiza Imana, ayoborwa na BJC. Amajwi yayo yacuzwe na Baraka, atunganywa na Nicolas Mucyo. Uwayoboye gahunda yo kuramya (Worship Leader) ni Ben & Marlene, mu gihe abashyize ibirungu biryoshya umuziki muri iyi ndirimbo ari: Mugisha wacuranze ‘Drum’ (ingoma), Cyiza wacuranze ‘Lead Guitar’, Jacques kuri ‘Bass Guitar’, Frank na Danny kuri Piano.

Shalom Worship Team igizwe n’abaramyi bagera kuri 65

Perezida wa Shalom Worship Team, Bwana Raia Muzarendo, yabwiye inyaRwanda.com ko iyi ndirimbo yabo “Aracyabohora” ikubiyemo ubutumwa buvuga kuri Yesu Umwami w’amahoro n’ineza, izina riruta ayandi yose yo mu isi. Ati “Uko yari kera n’ubu ni ko ari aracyabohora, aracyakiza, aracyababarira ni ko ari”.

Muzarendo umaze imyaka 6 ayobora aba baririmbyi b’i Remera muri EAR, yavuze ko bafite byinshi bahishiye abakunzi babo, ati “Mwitege izindi [ndirimbo] nyinshi tugiye gukomeza gusohora, na nyuma y’iyi, vuba cyane haraza n’izindi. Gusinzira byo ntibirimo kuko birateguye neza kandi biri ku murongo nta na rimwe mutazumva Shalom mu bikorwa bitandukanye hanze aha”.

Iyi ndirimbo “Aracyabohora” yishimiwe cyane nk’uko bigaragara mu barenga 190 bamaze kuyitangahp ibitekerezo kuri Youtube. Shyakaryiza Anastase ati “Itorero Anglican rirashoboye, mukomereze aho, imigisha myinshi Shalom WT”. Uwimana ati “Ndabakunda cyane Imana ibagurire imbago, yongere impano nyinshi izo igabira abantu izibahe ibibahane umugisha”. Kubwimana Josue we yagize ati “Yesu aracyari mu kazi kose”. Catherine Kamaliza ati “Oooooohhhhh mbega indirimbo!! Aracyabohora ni ukuri! Imigisha myinshi kuri mwe Shalom WT”.

Shalom Worship Team ni itsinda ryo kuramya no guhimbaza Imana ryo muri EAR Remera ryashinzwe mu mwaka wa 2012, rishingwa binyuze mu gitekerezo cya Pastor Zirimwabagabo Peter bakunze kwita Pastor Zedi. Bafite intego nyamukuru yo kwamamaza ubutumwa bwiza bwa Yesu Kristo binyuze mu ndirimbo ziramya kandi zigahimbaza Imana. Ni itsinda rigizwe n’abaririmbyi 65 barimo abasore n’inkumi ndetse n’abagabo n’abagore.

Mu myaka 10 bamaze mu muziki, bamaze gukora indirimbo zitandukanye nk’uko babyitangariza bati “Indirimbo zacu bwite tumaze guhimba ni nyinshi ariko izo turimo gutegurira Album ziragera ku 8 harimo “Aracyabohora”, “Witwa ndiho”, “Jehova Shalom”, “Ni muri Yesu” na “Yesu Umwungeri”.

Bivuze iki kuri aba baririmbyi kuba Rev. Dr Antoine Rutayisire abashyigikiye bikomeye?

Nk’umushumba Mukuru w’urusengero rwa EAR Remera aba baririmbyi babarizwamo, birumvikana ko Rev. Dr Rutayisire akwiye kubashyigikira. Rutayisire uri mu bapasiteri bakunzwe cyane mu gihugu arabashyigikiye rwose ndetse cyane. Ntibyarangiriye gusa mu kubakunda ahubwo yanahamagariye abandi gushyigikira iyi korali abakundisha cyane indirimbo yabo nshya. Ibi bigaragara mu mashusho yasakajwe ku mbuga nkoranyambaga ubwo aba baririmbyi biteguraga gusohora iyi ndirimbo bise ‘Aracyabohora’.

Uyu mupasiteri abanza kuririmba agace gato k’iyi ndirimbo, yasoza akagira icyo yisabira abakunzi b’umuziki wo kuramya Imana. Ati “Iyo ni Aracyabohora, Aracyakiza, indirimbo mugiye kumva mu minsi iri imbere ya Shalom Worship Team y’Itorero Angilikani mu Rwanda, Paruwase ya Remera. Ndabararikira mwese kumva iyo ndirimbo mukayikunda kuko ni indirimbo ibibutsa y’uko Yesu uko yari kera ni ko n’uyu munsi ari, ni ko azahora iteka ryose, ni ko ari”.

Bateguje indirimbo nyinshi mu minsi iri imbere

Shalom Woship Team ivuga ko ibyo bakorewe n’uyu mushumba “Bisobanuye ikintu gikomeye kandi kidasanzwe mu bandi bashumba b’amatorero, kwita ku ntama baragijwe cyane cyan Worship Teams”. Perezida w’aba baririmbyi aragira ati “Pastor wacu [Rev. Dr. Antoin Rutayisire] rero aratandukanye, yifitemo muri we gushyigikira ivugabutumwa n’iterambere ryaryo”.

Kuki Worship Teams n’amakorali ya Angilikani adakunze gukorana n’itangazamakuru, hari uwakeka ko iri Torero ritabaha ubwisunzure?. Ingamba mu kubihindura mwihereyeho ni izihe?.

Ubwo yasubizaga iki kibazo yari abajijwe n’umunyamakuru, Perezida wa Shalom Worship Team yagize ati “Anglican ikunda cyane gukora ibintu byayo ibinyujije mu buryo bwayo bwihariye bimenyekanisha ibikorwa irimo;

Ariko ubu amarembo yaragutse bigendanye n’iterambere mu buryo bwose nabyo birimo gukorwaho. Iwacu i Remera ubwisanzure burahari kuko Senior Pastor wacu akorana n’ibitangazamakuru bitandukanye ari naho natwe dukomereje muri izo ngamba ze ku bw’ishyaka ry’umurimo w’Imana”.

Umunyamakuru yakomeje ati “Mufite urusengero rwiza cyane, Shalom W.T yarugizemo uruhe ruhare ku ijanisha?. Ese mujya muteganya kuba mwahakorera igitaramo gikomeye mugatumira andi makorali n’abahanzi bakomeye ko mufite umushumba Rev Dr. Antoine Rutayisire ukunda cyane abaririmbyi?

Raja Muzarendo yasubije inyaRwanda.com ko urusengero rushya rwa EAR Remera abaririmbyi ba Shalom Worship Team barugizemo uruhare runini. Yanavuze ko batangiye gahunda yo kurutaramiramo rimwe mu kwezi mu gitaramo gikomeye batumiramo andi makorali.

Ati [Shalom W.T] irufitemo [uruhare] hafi 40%. Yego ibitaramo ahubwo byaratangiye aho buri cyumweru cya nyuma cya buri kwezi mui 3rd Service (amateraniro ya gatatu) tuba tuhafite igitaramo kidasanzwe, turi kumwe n’amaminisiteri, amakorali n’abavugabutumwa batandukanye”.

Urusengero rwa EAR Remera rwubatswe n’intoki z’abakristo barwo barimo Shalom WT yashyizeho uruhare rwa 40%

Raja Muzarendo Umuyobozi Mukuru wa Shalom Worship Team

Shalom Worship Team ni itsinda ryo kwitega muri Gospel muri iyi minsi

Indirimbo nshya basohoye irerekana ko bahagurukanye imbaraga nyinshi

Shalom WT igizwe n’abasore n’inkumi ndetse n’abagabo n’abagore

Indirimbo yabo “Aracyabohora” bayikoze mu buyo bugezweho bwa Live Recording aho amashusho afatwa mu buryo bw’ako kanya hatiriwe habaho guyaterateranya

REBA HANO INDIRIMBO NSHYA “ARACYABOHORA” YA SHALOM WORSHIP TEAM