Blog

Abakekwa bafatiwe mu bice bitandukanye byo mu mujyi wa Kigali, hagati ya 23 na 25 Nzeri 2025, biturutse ku makuru yatanzwe n'abaturage.

Umusore w'imyaka 20, yafatanywe udupfunyika 402, mu gihe uw'imyaka 28 wari ushinzwe gushakira abakiliya b'urumogi undi mukobwa w'imyaka 25 ufite ububiko bw'urumogi, polisi ikaba yamusanganye udupfunyika 851.

Uyu mukobwa akimara gufatwa yatangaje ko urumogi acuruza aruhabwa n'umuvandimwe we ukorera mu Karere ka Gicumbi na we akaruha ujya kurucuruza i Nyamirambo.

Umuvugizi wa Polisi mu Mujyi wa Kigali CIP, Wellars Gahonzire yabwiye IGIHE ko abafashwe uko ari batatu n'urumogi bafatanwe byashyikirijwe Urwego rw'Ubugenzacyaha RIB ngo bakurikiranweho icyaha cyo gucuruza ibiyobyabwenge.

Yashimiye abaturage batangira amakuru ku gihe abacuruza ibiyobyabwenge bagafatwa urumogi rutarakwirakwira mu baturage.

Ati 'Abantu bose bishora mu bikorwa byo gucuruza ibiyobyabwenge basabwa kubireka kuko inzego z'umutekano zifatanyije n'abaturage zarabahagurukiye, amayeri yose bakoresha yaramenyekanye. Nibabireke bashake ibindi byo gukora kuko ibiyobyabwenge uretse kugukenya ntibyagukiza.'

Yashimangiye ko Polisi y'u Rwanda itazihanganira umuntu wese 'uroga abaturage akabaha ibiyobyabwenge.'

Mu Rwanda urumogi rushyirwa mu cyiciro cy'ibiyobyabwenge bihambaye, aho uhamijwe n'urukiko ibikorwa byo kubikora, kubihinga, kubihindura, kubitunda, kubibika, kubiha undi cyangwa kubigurisha mu gihugu, ahanishwa igifungo cya burundu n'ihazabu ya 20.000.000 Frw, ariko itarenze 30.000.000 Frw.

Urumogi bafatanywe rwashyikirijwe RIB

Umukobwa ucuruza urumogi yafatanywe udupfunyika turenga 800

Umujyi wa Huye usanzwe urimo ibindi bikorwaremezo bya siporo birimo Stade Mpuzamahanga ya Huye na Stade Kamena, gusa mu gihe cya vuba hariyongeraho ibindi bishya bizafasha abawutuye gukora siporo.

Aha harimo kuvugurura ikibuga cy'umupira w'amaguru cya Stade Byiza, kizaba kirimo n'ubwatsi buhangano [Tapis synthétique] bwakuwe muri Stade ya Huye iri gushyirwamo ubushya n'inzu irimo ibibuga bya Basketball na Volleyball.

Ibi bikorwaremezo biri mu Murenge wa Mbazi, bizaba bifite inzu n'amacumbi azajya afasha mu mwiherero w'amakipe igihe ari gutegura imikino.

Umuyobozi w'Ishuri Ryisumbuye rya Mutunda rifite ikipe y'abakobwa y'umupira w'amaguru yakirira kuri iki kibuga kigiye gutunganywa, Nkundineza Valens, avuga ko bizafasha abanyeshuri kuzamura impano, ariko mbere byari bigoye kuko hakundaga kurekamo amazi mu bihe by'imvura, mu zuba hakaba nk'ubutayu.

Ati 'Ni amahirwe tugize, abakinnyi bacu bajyaga bakinira mu byondo cyangwa ivumbi, ariko ubu bagiye gushyiramo 'tapis'. Imikinire igiye kugenda neza, dore ko no kugira ngo batwemerere kuhakinira byabaga bisaba gutakamba.'

Umushinga wo kubaka ibi bikorwaremezo uzanasiga iki kigo cyubakiwe icumbi ry'abanyeshuri 300, ibyo abona nk'indi ntambwe yo kwakira abakobwa benshi b'abanyempano.

Shumbusho Canisius utuye mu Murenge wa Mbazi, yabwiye IGIHE ko ibi bibuga bizatuma ababituriye bazamura urwego rw'imikinire, kandi n'ikipe y'Umurenge wabo ikarushaho kwitwara neza.

Umuyobozi w'Akarere ka Huye, Sebutege Ange, avuga ko ibi bibuga biri kubakwa mu rwego rwo kurushaho korohereza abatuye mu bice by'umujyi kwidagadurira ahantu heza habahesha agaciro.

Ati 'Hariya havukiye ikipe y'abakobwa ya ES Mutunda, biduha igitekerezo cyo kuhavugurura ngo bakomeze gukuza impano zabo. Bo n'abandi bazabikorsha muri siporo zisanzwe tubitezeho byinshi mu gihe kiri imbere.'

Sebutege akomeza avuga ko uyu mushinga ugeze kuri 50% ubumbatiye ibikorwa bitatu, ari byo kubaka amacumbi y'abanyeshuri yamaze no kuzura, kuvugurura ikibuga cy'umupira no kubaka 'Gymnase' izajya ikinirwamo imikino y'amaboko.

Uyu uterwa inkunga na Association des Maires Francophones (AMF), uje usanga ibindi bikorwa by'amajyambere birimo umuhanda wa kaburimbo w'ibilometero bine, byose mu ntego yo kurimbisha umujyi wa Huye.

Abazakinira kuri iki kibuga ntibazajya bakangwa n’ijoro kuko hateganyijwe urumuri ruhagije

Abubatsi barakataje mu mirimo yo kubaka ‘Gymnase’ ya Mutunda

Abatuye i Mbazi banyuzwe n’umuhanda wa kaburimbo bubakiwe

Mu Murenge wa Tumba na ho huzuye ibibuga bifasha urubyiruko gukora siporo

Icumbi ry’abanyeshuri ryamaze kuzura

Igishushanyo mbonera cya ‘Gymnase’ ya Mutunda ndetse na Stade Byiza

Nyuma yo kubaka ikibuga cya Stade Byiza, hazahita hashyirwamo tapis yakuwe muri Stade Mpuzamahanga ya Huye

Umunyarwandakazi ugezweho mu kuvangavanga imiziki, Gateka Esther Brianne wamamaye nka Dj Brianne, ategerejwe mu Mujyi wa Kampala muri Uganda aho agomba gususurutsa abantu mu gitaramo yatumiwemo.

DJ Brianne wanagaragaje ko atazi kuvanga imiziki gusa ahubwo no kuririmba abizi aho yumvikanye mu ndirimbo ‘Pressure’ yahuriyemo n’ibindi byamamare, azataramira muri Uganda ejo.

Ni ku wa Gatanu tariki ya 26 Nzeri 2025 iki gitaramo kikazabera Paradigm Kampala. Azaba ari we mushyitsi mukuru

Si we wenyine kuko hazaba hari n’abandi bahanga mu kuvanga imiziki nka DJ Alisha, DJ Big Allan na DJ Jose mu gihe kizaba kiyobowe na Sheilah Gashumba.

Ku mugoroba w’ejo hashize habaye inama yahuje ubuyobozi bwa APR FC ndetse n’abahagarariye abafana hakiyongeraho na bamwe mu bakunzi b’iyi kipe bari barafunzwe.

Ni inama yabereye kuri Tennis Club Nyarutarama, aho abakunzi b’iyi kipe bagejeje ku buyobozi ibyifuzo bya bo ndetse banaganira ku mirongo migari yo gutegura umukino wa Pyramids FC bakazawitabira ari benshi.

Gusa benshi bari bafite amatsiko yo kumva ijambo Chairman wa APR FC, Brig Gen Deo Rusanganwa wari uyoboye iyi nama ari bubwire abakunzi b’iyi kipe barimo n’umuvugizi w’abafana, Mugisha Frank uzwi nka Jangwani baheruka gufungurwa.

Amakuru ISIMBI yamenye ni uko ari cyo kintu Chairman yahereyeho abihanganisha kandi ababwira ko nta ruhare na ruto APR FC yigeze ibigiramo, ababwira ko ikipe itanabatereranye yabazirikanaga ariko byari birenze ubushobozi bwa yo.

Bamwe muri aba bafana bari bafunzwe bashimiye Minisiteri y’Ingabo kuko nubwo bari bafunzwe ariko ntacyo bashatse ngo bakibure, bari babayeho neza kandi bakanashimira Ubutabera bwakoze akazi kabwo neza cyane.

Nyuma y’ibyari bimaze iminsi bivugwa mu itangazamakuru ko Jangwani yaba atakiri umuvugizi w’abafana, Chairman yamubwiye ko agomba gukomeza izi shingano ni mu gihe no mu minsi yashize yabyemereye ISIMBI ko batigeze bamusimbuza akiri we muvugizi.

Mu ijambo rye, Jangwani yavuze ko atigeze ava kuri izi nshingano icyo yari ategereje ari uko ubuyobozi bumusubiza mu kazi, na we akaba yiteguye guhita agatangira. Akaba uyu munsi yahereye no kuri B&B Kigali FM.

Yabigarutseho kuri uyu wa Kane, tariki ya 25 Nzeri 2025, ubwo yari yitabiriye Inama ya 194 y'Impuzamashyirahamwe y'Umukino w'Amagare ku Isi (UCI), yabereye muri Kigali Convention Centre.

Iyi nama iberamo amatora ya Perezida mushya wa UCI, yabereye i Kigali mu gihe uyu Mujyi uri kuberamo Shampiyona y'Isi y'Amagare ya 2025. Ibereye bwa mbere ku Mugabane wa Afurika mu gihe cy'imyaka 104.

Mu ijambo ry'ikaze, Perezida wa UCI, David Lappartient, yashimiye Perezida Kagame ku ruhare rukomeye yagize ngo Shampiyona y'Isi y'Amagare ya 2025 n'Inama yayo ya 194 bibere muri Afurika.

Yongeyeho ati 'Ibihugu 132 biri imbere yanjye hano, byansabye kugushimira Perezida, hamwe n'u Rwanda, gutuma aya mateka agerwaho. Kubera iyi Shampiyona y'Isi y'Amagare y'akataraboneka, ntituzibagirwa ibihe twagiriye mu gihugu cyanyu cyiza. Kuba muri iki cyumba uyu munsi, biradutera imbaraga ndetse birongerera agaciro inama yacu.'

Perezida Paul Kagame na we yashimiye UCI na Perezida wayo, David Lappartient, bahisemo ko u Rwanda rwakira ibi bikorwa byombi bikomeye, aho biri mu byitabiriwe cyane mu mateka y'iyi Mpuzamashyirahamwe y'Umukino w'Amagare ku Isi.

Ati 'Isabukuru y'imyaka 125 kuva UCI ishinzwe ni ubudashyikirwa. Ikirenzeho ni uko ari ubwa mbere ibi bikorwa bibereye muri Afurika. Twishimiye ko ibihugu 108 biri kurushanwa, ari umubare munini ku rwego rw'Isi. Muri Afurika gusa, dufite ibihugu 36, akaba ari byo byinshi byitabiriye iri rushanwa byo kuri uyu Mugabane kuva ritangiye kuba.'

Yashimiye kandi abakinnyi n'abafana baturutse mu bice bitandukanye by'Isi, bitabiriye Shampiyona y'Isi y'Amagare iri kubera i Kigali, avuga ko ubwitabire bwabo ari bwo butuma irushanwa rigira agaciro.

Ati 'Turashimira abakinnyi n'abafana bavuye kure kugira ngo baze hano. Kuva ku bihugu bikomeye mu mukino w'amagare kugeza ku bito, kuba hano kwanyu ni byo bituma ibi bikorwa bigira igisobanuro gikomeye.'

'Ku bakinnyi, turabizi ko imisozi yacu isa n'igoye, ariko muyitwaramo neza kandi mufite imbaraga. Uko kwihangana kwanyu kugaragaza urugendo rw'u Rwanda rwatugejeje kuri ibi bihe by'amateka. Ni mwe twafatiyeho urugero kandi tuzaba duhari kuri buri ntambwe kugira ngo tubashyigikire.'

Umukuru w'Igihugu yavuze ko igare risanzwe ari igikoresho cyifashishwa mu buzima bwa buri munsi bw'Abanyafurika, ndetse u Rwanda rwashoye imari mu mukino w'amagare bigatanga umusaruro, aho kuri ubu isiganwa ribera mu gihugu rya 'Tour du Rwanda' riri mu ayoboye muri Afurika.

Ati 'Mu bice bitandukanye bya Afurika, amagare amaze igihe ari uburyo bwo gutwara ibintu no kwifashishwa mu buzima busanzwe. Mu Rwanda, natwe twashoye imari kugira ngo duteze imbere umukino w'amagare. Ndashaka gushimira abafatanyabikorwa twakoranye ngo bigerwego. Izo mbaraga zatumye Tour du Rwanda iba rimwe mu masiganwa akomeye muri Afurika ndetse ishyira ibuye ry'ifatizo ku iterambere, mu rugendo ruganisha muri iki cyumweru.'

Yagarutse kandi kuri 'Centre Satellite' ya UCI yafunguwe mu Rwanda muri Gashyantare, aho u Rwanda rwabaye igihugu cya kabiri cya Afurika cyiyigize nyuma ya Afurika y'Epfo, ashimangira ko yatangiye gutanga umusaruro aho abakinnyi benshi bo kuri uyu Mugabane bayitorezamo bakagera ku rwego rwisumbuye.

Yonyeho ati 'Tubona siporo nk'umusemburo wo gutera imbere n'amahirwe, ndetse kwakira amarushanwa yo ku rwego rw'isi byongera iterambere mu buryo bwihuse ndetse bigakuba ikibivamo.'

Perezida Kagame yakomoje ku bumva ko ibihugu nk'u Rwanda bidashobora kwakira amarushanwa akomeye yo ku rwego rw'Isi, avuga ko bafite imyumvire yasizwe n'amateka.

Ati 'Iyo Afurika cyangwa ikindi gihugu kitamenyerewe gitoranyijwe ngo cyakire igikorwa, byakiranwa gushidikanya ndetse akenshi bamwe bakifuza ko cyacyamburwa. Ku bumva ko kwakira ibikorwa byo kuri uru rwego bigomba kwiharirwa na bake, iyo myumvire ntikigezweho ndetse ntikwiye.'

Yongeye gushimira Perezida wa UCI, David Lappartient, washyize mu bikorwa amahame yo gukorera mu mucyo, avuga ko 'yegukanye umudali wa Zahabu muri iki cyiciro.'

Yakomeje agira ati 'Ndashaka kugushimira, mu izina ry'u Rwanda, ku bunyangamugayo n'ubushake bwo guhagurukira gushyigikira ibiri mu murongo mwiza ndetse bikwiye. Inzego ziyobora siporo zifite inshingano zo gukingura amarembo, zigaha rugari abandi kandi ni byo tubona UCI iri gukora. Turabibashimira mwese.'

Umukuru w'Igihugu yibukije kandi gushora imari muri Afurika bisobanuye gushora muri kamwe mu duce dutera imbere byihuse ndetse dufite akamaro mu Isi haba mu gukora abakinnyi, kubaka inganda zikora ibintu bitandukanye, imyitozo, ubukerarugendo no kwakira ibikorwa.

Perezida Kagame yashimangiye ko abumva ko u Rwanda rutakwakira ibikorwa bikomeye basizwe n'amateka

Yabitangarije mu Igororero rya Nyamasheke ku wa 24 Nzeli 2025, ubwo yari yitabiriye umuhango wo gusoza icyiciro cya gatatu cy'inyigisho z'ubumwe n'ubudaheranwa zihabwa abahamijwe ibyaha bya Jenoside basigaje igihe gito ngo bafungurwe.

Minisitiri Dr. Bizimana yavuze ko mu mpamvu zatumye abagororwa bahamijwe ibyaha bya Jenoside bitegura gutaha bashyirirwaho umwanya wihariye wo kuganirizwa harimo no kubafasha gusobanukirwa gahunda za Leta, kubafasha kwakira uruhare bagize muri Jenoside yakorewe Abatutsi kugira ngo bazabane neza n'imiryango yabo n'iy'abo biciye, ndetse no kurwanya ikibazo cyakunze kugaragara kuri bamwe cy'isubiracyaha.

Ati “Umuntu wakoze Jenoside icya mbere akwiye kwitandukanya nacyo ni amateka mabi. Kwitandukanya n'amateka mabi y'ingengabitekerezo ya Jenoside, ni ukwemera ukuri kw'ibyaha bakoze. Benshi barabihunga, akakubwira ngo nagiye mu bitero, cyangwa sinatabaye ariko ukabona bake cyane bemera ko bafashe Umututsi bakamutema, bakamwica nabi. Ni ngombwa rero ko uko kuri kuvugwa”.

Dr. Bizimana yavuze ko imiryango y'abahamijwe ibyaha bya Jenoside cyane cyane abana babo bakeneye uko kuri kw'amateka y'ababyeyi babo.

Ati “Bifasha abana gukira ibikomere bakumva ko ababyeyi babo batarenganye. Uko kuri iyo kutabayeho uwakoze icyaha ntabwo agororoka byuzuye, icya kabiri kwinjira mu muryango nyarwanda n'umurongo w'ubumwe n'ubudaheranwa biramugora”.

Imiryango y'abafite ababo bahamijwe ibyaha bya Jenoside bitegura gutaha nayo yatumiwe mu gikorwa cyo gusoza izi nyigisho z'ubumwe n'ubudaheranwa.

Ntihemuka Susane wo mu Karere ka Bugesera, uri mu bafite abagabo bahamijwe ibyaha bya Jenoside, yashimye iyi gahunda y'inyigisho z'ubumwe n'ubudaheranwa zihabwa abahamijwe ibyaha bya Jenoside bitegura gutaha.

Ati “Mwarakoze kwigisha aba bantu bakumva ingengabitekerezo ya Jenoside icyo ari cyo bakaba bavuye hano basobanukiwe, natwe tukaba twaje hano tukumva ubuhamya bwabo”.

Rwabana Yohani wo mu Karere ka Nyamasheke urangije igifungo cy'imyaka 19 yakatiwe kubera kujya mu biteto byiciwemo Abatutsi, yavuze ko yabanje kujya yumva nta cyaha yakoze kubera ko nta Mututsi yishe.

Ati “Ariko kubera izi nyigisho twumvise dutsinzwe n'urubanza. No kujya mu gitero ni icyaha cyaradufashe twari abicanyi kuko ntawe twatabaye. Turashimira Leta y'ubumwe ibi biganiro yaduhaye, rwose twarakosotse. Uwasubira muri ibi bintu (Jenoside) mu mutwe yaba ari umusazi”.

Icyiciro cya gatatu cy'inyigisho z'ubumwe n'ubudaheranwa ku bagororwa bahamijwe ibyaha bya Jenoside basigaje igihe gito ngo bafungurwe cyitabiriwe n'abagororwa 608, muri bo abarenga 200 nibo bahise bataha kuko igihe bakatiwe cyarangiye.

Abahamwe n'ibyaha bya Jenoside yakorewe Abatutsi mu 19994, bavuga ko inyigisho z’ubumwe n’ubudaheranwa bamaze ukwezi bahabwa zabafashije guhinduka

Minisitiri Dr. Bizimana yasabye abagize uruhare muri Jenoside kubwiza abana babo ukuri

Igitekerezo cyo kohereza abimukira mu Rwanda cyatangiye ku butegetsi bwa Boris Johnson aho Guverinoma ye yagiranye ibiganiro n'u Rwanda, biza no kurangira impande zombi zigiranye amasezerano.

Gusa Guverinoma ya Sir Keir Starmer yahise isesa ayo masezerano, itangaza ko izashaka ikindi gisubizo ku kibazo cy'abimukira kiri mu bihangayikishije Abongereza magingo aya.

Sir Keir Starmer nta gisubizo gifatika yatanze kuko abimukira bakomeje kwinjira mu gihugu ku bwinshi, ibibagendaho nabyo bikomeza kwiyongera.

Nk'ubu mu mezi icyenda ya mbere y'uyu mwaka, mu Bwongereza hinjiye abimukira barenga ibihumbi 30 mu buryo bunyuranyije n'amategeko.

Boris Johnson yavuze ko “Guverinoma ikwiriye kwemera ko yananiwe, igasubizaho gahunda yo kohereza abimukira mu Rwanda. Icyo dufite ubu ni uko nta gisubizo gihari cyo kugabanya abimukira binjira mu Bwongereza mu buryo bunyuranyije n'amategeko.”

Yakomeje avuga ko bibabaje kuba ibindi bihugu biri kwigana iki gitekerezo cyazanywe n'u Bwongereza, ati “Dufite igisubizo, icyo ni icyo gufatanya n'u Rwanda, kandi birababaje kubona abandi bantu bari kwigana igitekerezo cyacu. Abanyamerika, Abataliyani.”

Uyu mugabo ashimangira ko mu gihe Guverinoma ya Sir Starmer yakomeza kugenda biguru ntege, 'iki kibazo kitazigera kibonerwa igisubizo.”

Boris Johnson yasabye gusubizaho gahunda yo kohereza abimukira mu Rwanda

Boris Johnson yabaye Minisitiri w’Intebe w’u Bwongereza

Kalisa Adolphe Camarade yahakanye ibyaha byose ashinjwa, ko ibyakozwe ari ‘FIFA Match Agent’ bahaye akazi, ahubwo akaba abona bashaka kumuherekaho urusyo

Uyu munsi nibwo Kalisa Adolphe Camarade yatangiye kuburana ku ifungwa n’ifungurwa ry’agatenganyo ku byaha bibiri akurikiranyweho birimo; kunyereza umutungo no gukoresha impapuro mpimbano yakoze hagati ya 2024 na 2025.

Aba yaraburanye tariki ya 19 Nzeri 2025 ariko byimurirwa uyu munsi tariki ya 25 Nzeri 2025 kuko we n’umwunganira Me Bizimana Emmanuel bavuze ko batiteguye kuburana kuko batabonye umwanya wo gusoma dosiye ikubiyemo ibyaha byose Camarade aregwa.

Gusa yari yavuze ko ibyo aregwa byose atabyemera, yagize ati “ntabwo mbyemera”.

Mbere yo gutangira kuburana, Me Bizimana Emmanuel wunganira Camarade, yahawe umwanya wo kugaragaza inzitizi, aho yavuze ko Urukiko rwaregewe nta bubasha rufite bwo kuruburanisha, aho yagize ati “birumvikana ko harimo iburabubasha”.

Yakomeje avuga ko impamvu avuga ko Umucamanza n’Urukiko rwaregewe nta bubasha rufite kuko aho yakoreye icyaha muri FERWAFA iherereye mu Murenge wa Remera nubwo iri mu Karere ka Gasabo ariko uwo murenge ubarazwa mu Ifasi y’Urukiko rw’Ibanze rwa Kicukiro ari narwo bumva rufite ububasha bwo kuruburanisha.

Ubushinjacyaha bwafashe umwanya buvuga ko ibyo bitahabwa ishingiro kuko Kalisa Adolphe Camarade mu mwirondoro yasomewe yemera ko ari uwe akaba atuye Gasabo muri Kibagabaga ari mu Ifasi y’Urukiko rwa Gasabo.

Ikindi yavuze ni uko nubwo yakoreraga muri FERWAFA ariko iperereza aho rigeze ritagaragaza ko ibyo byaha akurikiranyweho yaba kunyereza umutungo n’impapuro mpimbano yabikoreye muri FERWAFA.

Me Bizimana Emmanuel yavuze ko iyo umuntu afashwe akisanga aho akorera, aho yakoreye icyahs n’aho atuye bitari mu Ifasi imwe y’Urukiko , iyo habayeho impaka ku Rukiko rufite ububasha, itegeko rigena ko icyo gihe Urukiko ruhabwa urubanza ni Urukiko ruri mu Ifasi akoreramo.

Yakomeje avuga ko ibyo Ubushinjacyaha buvuga ko nta kimenyetso kigaragaza ko yakoreye icyaha muri FERWAFA, yavuze ko ku mpapuro mpimbano akurikiranyweho ari facture (Proforma) yatanze muri FERWAFA kugira ngo ahabwe amafaranga akayahabwa bivuze ko icyaha yagikoreye muri FERWAFA.

Umushinjacyaha yavuze ko iyo ngingo irebwaho mu gihe Urubanza rw’Inshinjabyaha ruri mu Rukiko rurenze rumwe kandi akaba yemeza ko uru ruri mu Rukiko rumwe.

Me Bizimana Emmanuel yavuze ko iyo ngingo urebwaho mu gihe havutse impaka ku Rukiko rufite ububasha mu kuburanisha urubanza kandi ariko kuri.

Perezida w’Urukiko yasabye umwanditsi impungenge z’ababurana.

Ubushinjacyaha bwahawe umwanya

Ubushinjacyaha bwavuze ko akurikiranyweho icyaha cyo kunyereza umutungo ungana n’amadorali 21387 ndetse n’impapuro mpimbano akaba ari facture Ibom Hotel muri Nigeria na Radisson muri Afurika y’Epfo.

Yavuze ko amafaranga yose yahawe yaba ari ukwishyura Hotel, kurya kw’abakinnyi, itike n’ibindi angana n’ibihumbi 43 by’amadorali.

Yavuze ko yagaragaje ko ayo mafaranga yose yakoreshejwe ariko nyamara iyi Hotel yo muri Nigeria ivuga ko yishyuwe ibihumbi 21304.

Impapuro mpimbano z’izo nyemezabwishyu zo muri Nigeria na Afurika y’Epfo mu Gushyingo 2024 ariko hakiyongeraho na proforma yari yakoze ikipe y’Igihugu Amavubi ejobundi yenda gusubira muri Nigeria na Afurika y’Epfo, izo hoteli zavuze ko ibyo biciro atari ibyazo.

Ubushinjacyaha yakomeje buvuga ko Ibom hakoreshejwe 21304 mu gihe Camarade yavuze ko hakoreshejwe amadorali 40130.

Agaruka ku mpapuro mpimbano yavuze ko hari proforma Camarade yavuze ko Ibom Hotel yasabye ibihumbi 35 by’amadorali ariko yarayihakanye ivuga ko yasabye ibihumbi 26 by’amadorali.

Ejobundi muri Kanama 2025 ubwo Amavubi yari agiye gusubira muri Nigeria na Afurika y’Epfo, Camarade yongeye kugaragaza Proforma y’amadorali 56320 ya Ibom Hotel, iyi hotel yarayihakanye ivuga ko yari yohereje iy’ibihumbi 26 by’amadorali.

Yari yanagaragaje ko Radisson yasabye ibihumbi 35 ariko na yo yarabihakanye, ubushinjacyaha buvuga ko atagera.

Camarade yireguye avuga ko ayo mafaranga atagaragara yishyuwe mu ntoki anishyurwa na ‘FIFA Agent’ witwa Kenan ukomoka muri Tunisia kubafasha.

Aha bagaragaza ko nubwo Ubushinjacyaha budashaka kubyumva ariko mu mupira w’amaguru cyane mu mikino Mpuzamahanga habamo ‘FIFA Match Agent’ kandi uwo Kenan yaranasabiwe Visa binyuze muri Ambasade.

Ubushinjacyaha bwavuze ko uyu Camarade yivugiye ko ari we wamuhaye akazi kandi ko n’ibaruwa imusabira Visa ari we wayanditse.

Ikindi Ubushinjacyaha butumva ni ukuntu ari we wajyaga kwishyura kandi na we yageze muri Nigeria.

Ku kunyereza umutungo kandi yavuze ko iwe bahafatiye imipira yo gukina, laptop ya FERWAFA, impapuro za FERWAFA.

Akaba yasabye ko yafungwa by’agateganyo kuko hari impamvu zikomeye mu gihe yaba afunguwe zabangamira iperereza.

Camarade yireguye

Yavuze ko habayeho kutumva ibintu neza kuko ‘FIFA Match Agent’ afite ibyangombwa bya FIFA ufasha amakipe yaba kuyashakira amahoteli rimwe na rimwe akaba ari we wishyura bitewe n’ibyo bumvikanye, we ngo inshingano ze ni ukumenya neza ko umukino wanyu wageze neza.

Yavuze ko hari ikintu birengagiza ubwo bari kuri Hotel yamutwaraga muri ‘finance’ ngo yishyure ariko hari aho byanze, birangira hari igice kimwe cy’amafaranga cyemewe kikishyurwa ubundi aramubwira ngo ibindi arabikora bazayamwishyura bageze aho amafaranga agomba kuvaho.

Urugendo rugenze neza, ibintu birangiye agarutse mu Rwanda nibwo yamusabye facture kugira ngo yishyurwe na we arazohereza.

Yavuze ko Ubushinjacyaha burimo kumushinja impapuro mpimbano kandi izo facture bavuga yahimbye hari uwazimwoherereje badashaka kuvuga kandi barabibonye ko ari ‘FIFA Match Agent’ wazimwoherereje kugira ngo yishyurwe kandi ngo ntabwo yari kumenya ko ari impapuro mpimbano cyangwa se niba hari ubufatanye yaba afitanye n’iyo hoteli.

Yakomeje avuga ko ‘FIFA Match Agent’ atanasabiwe Visa muri Ambasade y’u Rwanda ahubwo bayimusabiye muri Ambasade ya Nigeria bagaragaza icyo agiye gukora n’inshingano afite kuko ni umuntu uhabwa ikiraka ku mukino warangira bakamuha ikindi bitewe n’umukino.

Yavuze ko atari kujya muri Nigeria muri Leta Uyo yumvise bwa mbere bamubwira ko haba Hotel imwe indi ikaba ibamo ikipe ya Nigeria, rero ngo yagombaga gushaka umufasha kandi ngo biri mu nshingano ze nka SG, ngo hari igihe aba agomba gutanga akazi nta muntu n’umwe abajije kuko abifitiye uburenganzira.

Yavuze ku mipira yo gukina yasanzwe iwe, Impuzamashyirahamwe y’umupira w’amaguru ku Isi, FIFA, ijya itanga imipira yo guha amarerero, rero iyo bamaze gusinyira umuntu ko abyemerewe bayimuha, ni muri urwo rwego bayihasanze.

Kuri Laptop yavuze ko yari yamaze no kuyitanga ayiha uwamusimbuye by’agateganyo ndetse anavuga ko document ze zari ho yababwiye ko azaza kuzifata.

Ni muri urwo rwego yavuze ko yaburana ari hanze kandi ko yazerekana ibintu byinshi batazi kuko abona buri wese abyuka akivigira ibye bimeze nko kumuherekaho urusyo.

Me Bizimana Emmanuel wunganira Camarade, yavuze ko umukiriya we yarekurwa akaburana ari hanze kuko asanzwe ari inyangamugayo kandi akaba ari no mu za bukuru ikintu avuga ko n’itegeko riteganya ko iyo haburanwa ku ifungwa n’ifungurwa ry’agateganyo umucamanza abirebaho.

Ikindi yavuze ko baniteguye kuba batanga ingwate ariko akaburana ari hanze.

Yanagaragaje ko afite umwishingizi wemera kumwishingira ari we umuvandimwe we Jules Kalisa, urukiko rwamubajije niba koko abyemera avuga ko abyemera.

Ikindi Me Bizimana Emmanuel yavuze ni uko ubwo yabazwaga asoje bamubujije icyo yongeraho avuga ko bigaragara ko Kenan ari we ‘FIFA Match Agent’ ari we wakoze ibyo byaha bamurekuye yakwishyura ayo mafaranga we akamwiyishyuriza kuko atanamwishyuye yakwandikira FIFA ikaba yanahagarika ibyangombwa bye.

Urukiko rwavuze ko umwanzu ku isomwa n’ifungurwa ry’agateganyo uzasomwa ku wa Mbere tariki ya 29 Nzeri 2025.