Blog

Bamwe mu bamotari bo mu mujyi wa Kigali batangaje ko batazongera gukoresha mubazi kubera ko ibatera ibihombo bikomeye cyane ko n'ibicirio bya lisansi bikomeje kuzamuka.

Ku cyumweru tariki ya 7 Kanama 2022, nibwo RURA yatangaje ko mu mezi abiri ari imbere igiciro cya mazutu kigomba kugura 1607Frw.Naho lisansi ikagura 1609frw.

Aba bamotari babwiye UMUSEKE dukesha iyi nkuru ko kubera ibiciro by'ibikomoka kuri peterori byazamutse, nabo badashobora gukoresha mubazi kuko byaba bibashyira mu gihombo.

mwe yavuze ko badashobora kuyanga mu buryo bweruye ko ahubwo bazakomeza gucungana ku ijisho na Polisi.

Yagize ati ' Uwazanye mubazi azahomba ariko Polisi yabonye amafaranga.Twiyemeje guha polisi amafaranga.(Avuga ko batazakoresha mubazi.)

Uyu yavuze ko iyo ufashwe udakoreshwa mubazi ucibwa 10.000Frw ariko ko badashobora kuyikoresha kuko ibahombya.

Yakomeje ati 'Abagikoresha mubazi ni bacye kuko bahomba. Ubonye udahomba wowe ntiwayikoresha? Cyakora ubu aho lisansi yazamukiye abagenzi bazajya bayishaka kuko ibara macye rwose ku mafaranga tubaca.'

Undi nawe yavuze ko mu by'ukuri izamuka ry'ibiciro bya Lisansi na Mazutu byaje bibasonga ndetse ko na mbere bari bagaragaraje ko iyi mubazi ibabangamiye ariko ko batumvwa, bityo nabo bazajya bakoresha amayeri mu gucengana na polisi.

Muri Gicurasi uyu mwaka mu nama yari yahuje abamotari muri Kigali n'Urwego Ngenzura Mikorere, RURA, Umuvugizi wa Polisi y'uRwanda, CP Kabera John Bosco, yaburiye abomotari banga gukoresha mubazi.

Yagize ati 'Twatanze ubutumwa butandukanye bwo gukomeza gukoresha mubazi ku bazifite ,abatazifite , bakazategereza .'

Umuyobozi w'Ishami rishinzwe abamotari mu Rwego rw'Igihugu Ngenzura Mikorere,RURA, icyo gihe yemeje ko umubare w'abakoreresha mubazi ari mucye bityo hakwiye gushyirwamo imbaraga.

Yagize ati 'Koko habayeho igabanuka ry'imikoreshereze ya mubazi gusa bishobora kuva ku mpamvu zitandukanye ariko nibyo dutekereza kuko abatazikoresha nibo babizi neza nubwo bavuga ko biterwa n'ibiciro.'

Abamotari mu bihe bitandukanye bo batangaje ko badakoresha mubazi ahanini bitewe n'uko ibahendesha cyane. Batangaza ko bakatwa 10% ku mugenzi, ibintu bavuga ko bituma batabona umusaruro bifuza.

Ubusanzwe ibirometero bibiri bya mbere umugenzi yishyura 400Frw aho kuba 280Frw ibindi birometero bikiyongeraho 130Frw.

Source : https://umuryango.rw/amakuru/mu-rwanda/umutekano/article/kigali-abamotari-banze-gukoresha-mubazi-kubera-ibihombo

Igisirikare cya Burkina Faso gitangaza ko abasirikare bacyo 15 bishwe mu gitero cyagabwe n'umutwe w'ibyihebe wa Kiyisilamu.

Mu bitero abo barwanyi bamaze imisi bagaba, ejo ku wa 2 nibwo bagabye ikindi basuka ibibombe byahitanye abasirikare

Mw'itangazo ry'igisirikare cya Burkina Faso, izo bombe ebyiri zatewe ku nzira iva ahitwa Bourzanga ijya i Djibo mu ntara yo mu burasirazuba. Ibyo byabaye mu gihe abasiriakare bari mu rugendo rujyanye n'ibikorwa bya gisirikare.

Bombe ya mbere yaturikijwe n'imodoka yayinyuze hejuru hafi y'akarere ka Namsiguia mu ntara ya Bam. Abasirikare bahise bazenguruka ako karere batangira gutabara imbabare

Ubugizi bwa nabi muri Burkina Faso bushinjwa imitwe y'intagondwa za Kiilamu n'umutwe wa al-Qaida hamwe nabo mu ishyaka ry'abaharanira leta ya Kiyisilamu.

Ubwicanyi bugigwa niyo mitwe bumaze guhitana abantu ibihumbi n'ibihumbi butesha ingo abantu bangana na Miliyoni isaga.

Source : https://umuryango.rw/amakuru/mu-mahanga/umutekano/article/abasirikare-15-baguye-mu-gitero-cy-intangondwa-muri-burkina-faso

Madamu Jeannette Kagame wagize isabukuru y'imyaka 60 uyu munsi,yashimiye Perezida Kagame wamwifurije isabukuru nziza ndetse wamubereye inkoramutima mu myaka 33 bamaze babana.

ku gicamunsi cyo kuri uyu wa Gatatu nibwo Perezida wa Repubulika y'u Rwanda Paul Kagame yifurije isabukuru nziza y'amavuko Madamu we Jeannette Kagame wujuje imyaka 60 kuri uyu munsi.

Mu magambo yihariye,Perezida Kagame yagaragaje ko yanyuzwe n'imyaka irenga 30 bamaze babana aho umuryango n'Igihugu bifuzaga mbere y'aho babigezemo.

Yagize ati “Isabukuru nziza Jeannette!.Imyaka irasa naho ari mike.Tekereza imyaka irenga 30 tumaranye.Nibwo umuryango n'igihugu twashakaga byabonetse.Birangora buri munsi gusaba ibiruse ibi.Umugisha kuri twese.”

Mu kumusubiza,Madamu Jeannette Kagame yakoresheje amagambo y'Icyongereza nawe amushimira uko yamubereye inkoramutima mu gihe cyose bamaranye.

Tugenekereje yagize ati”Warakoze ku bw'iyi myaka 33 tumaranye,iganisha ku isabukuru yanjye y'imyaka 60 mbayeho neza.Mu kuri sinabona umuryango mwiza urenze uyu,igihugu n'abuzukuru 2 beza cyane.Nzahora ngushimira.”

Madamu Jeannette Kagame yavukiye mu buhungiro mu Burundi ku italiki ya 10 Kanama 1962, akaba yarashakanye na Perezida Kagame mu mwaka wa 1989.

Source : https://umuryango.rw/amakuru/mu-rwanda/ubuzima/article/madamu-jeannette-kagame-yashimiye-perezida-kagame-wamwifurije-isabukuru-nziza

Abanyamabanga Nshingwabikorwa b'imirenge ibiri barimo uwa Rugerero aho umutetsi yahagarariye akarere mu Kwibuka birukanwe mu kazi burundu kubera amakosa atandukanye.

Bwana Murenzi Augustin wari gitifu wa Rugerero,hamwe basiganiye kujya mu gikorwa cyo Kwibuka abazize Jenoside yakorewe Abatutsi ku nshuro ya 28 bikarangira boherejeyo Umutetsi,yirukanwe.

Undi wirukanwe ni Habimana Aoron wari umunyamabanga nshingwabikorwa w'agateganyo mu murenge wa Nyundo na Biryabanzi Onesphore wari umukozi w'akarere ushinzwe Ubwisungane mu kwivuza,birukanwe mu kazi kubera amakosa akarere kavuze ko akomeye bakoze.

Ubuyobozi bw'akarere ka Rubavu bwemeje aya makuru ariko bwirinda kuvuga amakosa bakoze yatumye birukanwa.

Nubwo ubuyobozi bw'akarere bwirinze gutangaza icyo bazize, nka Murenzi Augustin wayoboraga Umurenge wa Rugerero bivugwa ko yazize kugira uburangare mu kazi bigatuma ubuyobozi buhagararirwa n'umutetsi mu gikorwa cyo kwibuka Jenoside yakorewe abatutsi mu rwunge rw'amashuri rwa Nkama.

Umuyobozi w'akarere ka Rubavu Kambogo Ildephonse yemeje ko birukanwe ariko yirinda kuvuga icyo bazize.

Ati 'Nibyo koko birukanwe ariko ntabwo byemewe kuvuga amakosa umukozi aba yakoze,kuko biba byaganiweho hagati y'umukozi n'ubuyobozi''.

Yakomeje avuga ko batazasabirwa gukurikiranwa n'inzego z'ubutabera. Meya Kambogo yasabye abakozi basigaye mu kazi kubahiriza amategeko agenga umurimo ko nta kidasanzwe kuba bagenzi babo birukanwe.

IVOMO:IGIHE

Source : https://umuryango.rw/amakuru/mu-rwanda/politiki/article/rubavu-ba-gitifu-2-barimo-uwarangaye-akarere-kagahagararirwa-n-umutetsi-mu

Source : https://www.kigalitoday.com/amakuru/amakuru-mu-rwanda/article/rubavu-ba-gitifu-babiri-b-imirenge-n-ushinzwe-mituweli-mu-karere-birukanywe-mu-kazi

Kenny Sol na Juno Kizigenza nibo bavuze kubyo akarengane bagirirwa ubwo bategura ibitaramo ndetse uko barenganywa ntibishyurwe.

David Bayingana ushyirwa mu majwi mu gusuzugura abahanzi nyarwanda ndetse no kutabishyura, nawe yaje acyurira aba bahanzi ko umuryango barimo bakinga bagakwiye kubitekerezaho neza dore ko bashobora kuzongera gukenera kwinjira bakabibura.

Source : https://yegob.rw/abategura-ibitaramo-bacyuriye-kenny-sol-na-juno-kizigenza-bamennye-umuceri/

Umunyamabanga wa Leta muri Minisiteri y'ubuzima Dr Mpunga Tharcisse yavuze ko imisanzu y'ubwisungane mu kwivuza mituelle de santé abaturage batanga idahagije, ariyo mpamvu hari serivise z'ubuvuzi itishyurira abarwayi. 

The post Minisante yagaragaje ko umusanzu wa 'mituelle de santé' ukwiye kongerwa appeared first on IRIBA NEWS.

Source : https://iribanews.rw/2022/08/09/minisante-yagaragaje-ko-umusanzu-wa-mituelle-de-sante-ukwiye-kongerwa/

Nta gihindutse muri iri joro, Rayon Sports irakira ba rutahizamu babiri bakomeye umwe ukomoka muri Mali n’undi ukomoka muri Kenya.

Mu kiganiro n’itangazamakuru umutoza wa Rayon Sports aheruka gutanga, yavuze ko ikipe ye asigaje kuyubaka mu izamu ndetse no mu gice cy’ubusatirizi.

Ku mugoroba w’ejo hashize iyi kipe yasinyishije myugariro Rwatubyaye Abdul uheruka gutandukana n’ikipe ya FC Shkupi muri Macedonia.

Boubacar Traore ni rutahuzamu ukomoka muri Mali, akaba ategerejwe i Kigali muri iri joro aho aje gusinyira Rayon Sports kuyikinira mu mwaka w’imikino wa 2022-23.

Uyu rutahizamu yakiniye amakipe atandukanye arimo Adana Demirspor yo muri Turikiya, FC Zimbru Chișinău yo muri Moldova, Salitas yo muri Burkina Faso n’izindi.

Urutse uyu mukinnyi, Rayon Sports itegereje rutahizamu w’umunyakenya, Paul Were ushobora no usatira anyuze ku mpande na we ategerejwe mu ijoro ryo kuri uyu wa Gatatu.

Uyu rutahizamu w’imyaka 28 yakiniye amakipe arimo Tusker FC na AFC Leopards z’iwabo muri Kenya n’andi atandukanye, yaherukaga muri Egaleo yo mu Bugereki.

Ku kijyanye n’umunyezamu we, bivugwa ko azaba yabonetse mu cyumweru gitaha, na we akaba agomba kuba ari umunyamahanga.

Boubacar Traore umunya-Mali ugomba kuza gusinyira Rayon Sports

Paul Were ukomoka muri Kenya na we ategerejwe muri Rayon Sports

Source : http://isimbi.rw/siporo/article/rayon-sports-itegereje-ba-rutahizamu-babiri-bakomeye-muri-iri-joro

Source : http://www.ukwezi.rw/1-1/Amakuru-anyuranye/article/Perezida-Kagame-yabwiye-Amagambo-y-urukundo-Jeannette-Kagame-wujuje-imyaka-60-y-amavuko

Uyu mugabo witwa Jian Feng yajyanye mu nkiko uyu mugore we nyuma yuko abyaye umwana udasa n'umwe mu babyeyi be yaba nyina cyangwa Se.

Yashinjaga umugore we kumuca inyuma akabyarana n'undi mugabo ariko byaje kugaragara ko ikibazo atari ukumuca inyuma ahubwo ko ari umugore wamubeshye. Muti byagenze gute?

Byaje gutahurwa ko uyu mugore yari yaribagishije isura mbere yuko ahura n'uyu mugabo ku buryo ari byo byatumye uriya mwana babyaranye aza afite isura idasa n'iy'umwe mu babyeyi be bombi mu gihe ashobora kuba asa na nyina mbere yuko yibagisha.

Uyu mugore wakoresheje ibihumbi 100 $ mu kwibagisha, yahamijwe icyaha cy'ububeshyi kuko yahishe umugabo we ububi bwe.

Jian Feng wajyanye mu nkiko umugore we amushinja kuba yaramuciye inyuma, yahise ahindura ikirego, amurega kumubeshya no kumuhisha ko yari mubi bityo ko yashyingiranywe na we ku kinyoma gihanitse.

Uyu mugabo yatsinze urubanza, ndetse Umucamanza yemeza ko uyu mugore agomba gutanga indishyi ya 120000$.

Source : https://umuryango.rw/ubuzima-115/udushya/article/umugore-wabyaye-umwana-udafite-uburanga-yajyanywe-mu-nkiko-n-umugabo-we-amusaba