Blog

Ubushize Pedezida wa IBUKA Nkuranga Egide yvuze ko bagiye gukurikirana ikibazo cy’itoteza n’imvugo ikomeretsa bishinjwa Umuyobozi Nshingwabikorwa mu Itorero ADEPR, Past Budigiri Herman ko yabwiye mugenzi we Past Kalisa Jean Marie Vianney wayirokotse.

Uwo munsi Nkuranga Egide yavuze ko nta kopi bigeze babona Past Kalisa yabageneye.

Nkuranga avuga ko agiye gusaba Umunyamabanga Nshingwabikorwa wa IBUKA, Ahishakiye Naftali gukurikirana ibya Past Budigiri ushinjwa iki cyaha.

Mu kiganiro Umunyamabanga Nshingwabikorwa wa IBUKA Ahishakiye Naftali yagiranye n’UMUSEKE avuga ko Past Kalisa Jean Marie Vianney wabwiwe amagambo akomeretsa ko agomba gutanga ikirego mu Bugenzacyaha kugira ngo arenganurwe.

Ati :'Biriya biri mu byaha nshinjabyaha bihanwa n’amategeko, kuva aho abwiriwe ayo magambo, Past Kalisa ntabwo yigeze atanga ikirego mu Bugenzacyaha, niba afite ibimenyetso namugira inama yo kuregera RIB.'

Ahishakiye yavuze ko Past Kalisa ari umuntu mukuru udakeneye ko urwego rumusimbura.

Ati : 'Inzego z’Ubutabera mu Rwanda zirakora kandi twizera ko zizamurenganura.'

Uyu muyobozi avuga ko ubutabera aribwo buzagaragaza ukuri ko Past Kalisa yarenganijwe cyangwa ari ibinyoma.

Yavuze ko agomba kwitabaza IBUKA cyangwa izindi nzego baramutse bamwimye serivisi yifuza.

Ati : 'Kugeza ubu ntabwo yatubwira ngo tumwibukirize RIB, kubera ko atigeze abaregera atere intambwe atange ikirego.'

Past Kalisa Jean Marie Vianney warokotse Jenoside yakorewe Abatutsi mu Rwanda, ashinja Past Budigiri Herman ko yabwiye abakozi barenga 100 bari mu mahugurwa i Muhanga ko atigeze arokoka ndetse ko nta muntu wo mu Muryango we wazize Jenoside.

Amagambo bamwe mu bitabiriye ayo mahugurwa bemeza ko uyu mushumba yayavuze koko kandi byari saa saba z’amanywa, bongeraho ko bamwe mu bari aho bahungabanye bakayabwira na Past Kalisa.

Past Budigiri Herman ushinjwa itoteza n’imvugo ikomeretsa yahakanye ko atigeze avuga ayo magambo ko na we ayumvana abantu batandukanye.

Past Kalisa avuga ko yahisemo kwandikira Past Budigiri Herman agenera kopi inzego zitandukanye ashaka ko bikemuka mu nzira z’Ubumwe n’ubwiyunge.

Kalisa akavuga ko Past Budirigi ashinja itoteza n’imvugo ikomeretsa, atasubije iyi baruwa mu nyandiko cyangwa akoresheje ubundi buryo, akavuga ko ari agasuzuguro akomeje kugaragaza kiyongera ku gahinda yamuteje.

Hari amakuru avuga ko uyu Past Kalisa Jean Marie Vianney yiciwe abo mu muryango we batari bake, ndetse ko Umubyeyi we (Maman) umubiri we utaraboneka kugeza ubu kugira ngo ushyingurwe mu cyubahiro.

Past Kalisa Jean Marie Vianney avuga ko ababajwe n’amagambo amukomeretsa yavuzwe n’Umuyobozi Nshingwabikorwa w’Itorero ADEPR Past Budigiri Herman

Ni nyuma yaho kuri uyu wa 12 kanama 2022 Chrispin Bandela umudepite wUhagarariye umujyi wa Butembo mu nteko ishingamategeko ya Kivu y’Amajyaruguru atangaje ko M23 iri gukorana n’umutwe wa ADF ugizwe n'Abagande bagendera ku mahame akaze y’idini ya Islam .

Uyu mudepite akomeza avuga ko ashingira ku kuba hari abarwanyi ba ADF bagaragaye bambaye impuzankano ya M23 mu mashusho amaze minsi acicikana ku mbuga nkoranyamba muri Butembo ndetse ko hari intwaro ADF ikoresha zisa nk’iza M23.

Mu kiganiro Rwandatribune yagiranye na Maj Willy Ngoma kuri uyu mugoroba yavuze ko M23 ntaho ihuriye na ADF kuko yihagije ubwayo ndetse ko itakorana nayo ngo kuko ADF ikora amabi menshi harimo no kubaga abantu isuba riva.

Akomeza , abwira abashinja M23 gukorana na ADF ko ibyo byaba ari nko kugeraranya inka n’ingurube kuko M23 ari umutwe w’Abakongomani barwanira uburenganzira bwabo mu gihe ADF ari umutwe w’iterabwoba uzwi n’Isi yose. Ikindi ngo n’uko M23 ubwayo yigeze gusaba Guverinoma gushyiraho Burigade ihuriweho kugirango bahashye ADF kubera ibikorwa byayo by’urugomo ariko Leta ya DRCongo ikabyanga.

Yagize ati :' Ibyo ni ibinyoma byambaye ubusa. Ntago M23 ishobora kugirana imikoranire na ADF. Ibyo ni nko kugeraranya Inka n’Ingurube. Twebwe Ubwacu twigeze gusaba Guverinoma gukora Brigade ihuriweho kugirango duhashye ADF kuko ari abantu bakora ibibi byinshi muri DRC ongo birimo kubaga abantu ariko irabyanga. Twe turi Abakongomi bawanira uburenganzira bwacu mu gihe ADF ari umutwe w’iterabwoba'

Maj Willy Ngoma yarangije avuga ko abari gushinja M23 gukorana na ADF ari abahezanguni biganjemo Sosiyete Sivile na Bamwe mu badepite bakoreshwa na Guverinoma ya DR Congo bagamije gusebya no gusiga icyasha M23 kandi nyamara aribo bakorana n’imitwe yiterabwoba nka FDLR.

Amakuru dukesha urubuga rwa Twitter rwa Minisiteri y’Ingabo, avuga ko Ian Kagame yasoje aya masomo yo ku rwego rwa Ofisiye muto, hamwe n’abandi Banyarwanda babiri ari bo Park Udahemuka ndetse na David Nsengiyumva.

Ian Kagame ubusanzwe ni umwana wa gatatu mu muryango wa Perezida Kagame. Iri shuri asorejemo amasomo mu bya gisirikare, rifite ibigwi bikomeye mu gutoza abasirikare bakuru, bo mu gihugu cy’u Bwongereza, by’umwihariko ingabo z’i Bwami, aho bongererwa ubumenyi mu kuyobora ingabo.

Asoje aya masomo amushyira kuri uru rwego, yiyongera ku yo yaherukaga gusoza mu mwaka wa 2019 y’icyiciro cya gatatu cya Kaminuza(Master’s), mu bijyanye n’icungamutungo muri Kaminuza yitiriwe Williams (Williams College) muri Leta Zunze Ubumwe za Amarika.

Kuri uyu wa Gatanu, tariki ya 12 Kanama 2022, ni bwo uyu muryango wahurije hamwe urubyiruko n'abakuze barenga 100, mu gikorwa cyo kwizihiza Umunsi Mpuzamahanga w'Urubyiruko.

Umuyobozi wungirije wa Never Again Rwanda, Christiane Rulinda, yavuze ko guhuza urubyiruko n'abasheshe akanguhe ari bumwe mu buryo bashyizeho, mu kunoza umubano w'urubyiruko n'abafata ibyemezo hagamijwe ubwumvikane n'ubufatanye hagati yabo.

Imibare igaragaza ko Afurika ari yo ifite icyuho kinini hagati y'ibisekuru mu myaka 40 ishize. Ni mu gihe 40% by'abatuye Afurika bari munsi y'imyaka 15, ndetse mu Rwanda, 71% bari munsi y'imyaka 30.

Rulinda yavuze ko ibiganiro n'uru rubyiruko n'abakuze, birufasha kumvwa n'abafata ibyemezo ku rwego rw'igihugu.

Yakomeje ati “Ndizera ko koroshya ibiganiro hagati y'ibyiciro byombi bizazamura imyifatire, aho ibibazo bigaragara nk'amahirwe, aho kwibanda ku ngaruka mbi zishobora kuvuka.”

Ni mu gihe ngo muri iyi minsi hagaragara cyane ivangura n'imyumvire idahwitse mu bisekuru bitandukanye.

Ibyo ngo biba inzitizi ku ruhare bagira muri sosiyete, kandi ahanini bigaterwa no kutamenya ukuri ku bijyanye n'imibereho y'ibindi byiciro.

Yakomeje ati “Guteza imbere imikoranire isanzwe hagati y'abantu batanganya imyaka bishobora gufasha mu kugabanya imyumvire idahwitse, kuzamura imyumvire itandukanya abantu mu byiciro hagendewe ku myaka n'ibibazo bahuriyeho.”

Rulinda avuga ko kwimakaza ubu bufatanye birimo inyungu kuri sosiyete.

Yakomeje ati “Guteza imbere ubufatanye bw'ibisekuruza byaba igisubizo ku bibazo bimwe duhura na byo muri sosiyete, mu gukoresha neza ibyo twese dushobora gutanga hatagendewe ku myaka yacu, kandi bikagira inyungu mu bukungu n'imibereho myiza kuri bose.”

Ibi biganiro ngo bituma habaho ubwumvane hagati y'ibyiciro byombi, abakuru bagakura amasomo ku bibazo urubyiruko ruhura nabyo, abato nabo bakigira ku ntambwe z'abababanjirije.

Rulinda yakomeje ati “Ni muri urwo rwego, amajwi y'urubyiruko, cyane cyane abakobwa bakiri bato, agomba kumvwa n'ibitekerezo byabo bikinjizwa mu bikorwa bya politiki.”

Elie Mugabowishema washize Umuryango Nsindagiza Organization mu 2014, yavuze ko mu guhangana kw'ibisekuru, yasanze Isi yita cyane ku bakiri bato, ntihe umwanya abakuze kandi bose ariho bagana.

Yavuze ko buri cyiciro gikwiye kuba gitekereza ku kindi.

Ati “Abakiri bato bakeneye kwita ku bageze mu zabukuru, kugira ngo bafashe abageze mu za bukuru batanze imbaraga zabo, batanze ubushobozi bwabo, kugira ngo tube tugeze aho turi uyu munsi.”

Yavuze ko binyuze mu mbaraga bashyize hamwe, bishimira ko hamaze gushyirwaho politiki y'igihugu y'abageze mu zabukuru, yemejwe muri Gicurasi 2021.

Mu ngingo enye ziyigize, ngo hateganyijwemo ubusabane bw'abakiri bato n'abageze mu za bukuru, kandi ngo ni ikintu gikomeye.

Yavuze ko bakomeje n'ubukangurambaga kugira ngo hasinywe amasezerano Nyafurika y'inyongera y'abageze mu zabukuru, ari na ko basaba Umuryango w'Abibumbye gushyiraho amasezerano mpuzamahanga y'abageze mu zabukuru.

Marthe Mukantwari wabaye umwarimu igihe kirekire, yavuze ko hakenewe ko ababyeyi bongera imishyikirano n'abana babo, ari nacyo gutuma bashobora kubabwira ibyo batekereza.

Ni ibintu muri iki gihe ngo bitacyoroha, kubera ko ubuzima busigaye bugoye, ari ukuzinduka abantu bajya gushakisha, ugasanga “umwana ahita aba umukozi wo mu rugo, nyina akajya gushaka imibereho.”

Ibyo ngo bituma abana batagihuza umuco, ababyeyi bamwe ntibabatoze indangagaciro.

Icyakora ngo hari urubyiruko usanga rurangaye, rushukwa cyane n'ibyo rubona mu ikoranabuhanga, rimwe na rimwe rukabikoresha nabi.

Yashimye iki gitekerezo cyo gushyira hamwe abakuru n'abato ngo barusheho kuganira, “kugira ngo turebe ko hari icyo twakosora amazi atararenga inkombe.”

Mu gihe hatabayeho ibiganiro bihagije, ngo usanga habaho kwigagaza haba ku ruhande rw'ababyeyi cyangwa rw'abana.

Umukozi muri Minisiteri y'Uburinganire n'Iterambere ry'Umuryango (MIGEPROF), Alfred Karekezi, yasabye ko imiryango irushaho gufatanya mu kunga ubumwe, kandi abana ntibahezwe mu biganiro bijyanye nayo.

Yakanguriye ababyeyi guha abana umwanya uhagije ngo baganire kandi bakita ku kumenya ibyo abana bareba ku ikoranabuhanga, kuko ari bimwe mu bishobora kubayobya.

Umuyobozi wungirije wa Never Again Rwanda, Christiane Rulinda, yavuze ko guhuza urubyiruko n'abasheshe akanguhe ari uburyo bwo kunoza umubano w'urubyiruko n'abafata ibyemezo

Marthe Mukantwari yasabye ababyeyi kwita ku kuganiriza abana babo

Elie Mugabowishema washinze Umuryango Nsindagiza Organization, yasabye ko urubyiruko rurushaho gufasha abakuze

Urubyiruko n’abakuze bunguranye ibitekerezo mu matsinda

Iki kiganiro cyabaye umwanya wo gushyikirana ku rubyiruko n’abakuru

Ibi biganiro byitabiriwe n’urubyiruko rwaturutse hirya no hino mu gihugu

Umukozi muri Minisiteri y'Uburinganire n'Iterambere ry'Umuryango (MIGEPROF), Alfred Karekezi, yasabye ko imiryango irushaho gufatanya mu kunga ubumwe, kandi abana ntibahezwe mu biganiro bijyanye na yo

Abitabiriye ibi biganiro beretswe umukino wiswe “Urunana rw'Abato n'Abakuru turukomereho”

Urubyiruko rwagaragaje ko kujya inama n’abakuze ari ingenzi, aho kuba hakora amabwiriza ahabwa abana gusa

Uru rubyiruko n’abakuze bagize umwanya wo kuganirira mu matsinda ku ngingo zireba impande zombi

Iki kiganiro cyahurije hamwe abarenga 100