Webrwanda Backend

Blog

  • Iyo ukihagera itumanaho rirabura! Ibyo wameny… – #rwanda #RwOT

    Muri Mexico muri America y'amajyepfo hagati mu butayu bwa mapimi hari agace kitwa zone of silence, muri ubu butayu nk'uko byitwa ni nako hameze, haratuje nta jwi na rimwe wakunva rihaturuka.

    Zone of silence ifite umwihariko wo kuba agace gafite imbaraga zidasanzwe, muri aka gace ntihakoreshwamo ibikoresho by'ikorabuhanga birimo nka telephone, mudasobwa ndetse n'ibindi birimo satelite n'isaha ni nayo mvano y'irizina rya zone of silence.

    Indege zigerageza guca hejuru y'ubu butayu zibura itumanaho zigakora impanuka, kuva byatangira kuba hamaze kugwa indege zisaga 36 harimo 5 zabashakashatsi.

    Mu mwaka w' 1930 umupilote w'indege w'umunya Mexico witwa Francisco Sarabia yanyuze hejuru y'ubutayu bwa mapimi mu gace ka zone of silence n'indege ye bwite, maze ahageze ikururwa n'imbaraga zidasanzwe zirayimanura umupilote yagerageza kuyizamura biranga  afate umwanzuro wo kuyimanura akayitura rwagati mu butayu. Niwe muntu wa mbere wahageze, ni nawe wamenye ibyaho mbere y'abandi.

    Muri aka gace hoherejwe impuguke na companyi yitwa Pamex mu gukora ubushakashatsi, ziyobowe na Eng. Henley Derapinia ndetse na bagenzi be bari kumwe, bahageze ibikoresho by'ibushakashatsi bari bitwaje byahise bizima byongera gukora bahavuye.

    Kugeza ubu n'ubwo nta kimenyetso gifatika cy'imbaraga zidasanzwe za rukuruzi zikurura zikanazimya ibikoresho by'ikoranabunga zikorera muri ubwo butayu, aba mbere mu bashakashatsi b'abahanga muri America baracyashaka kumenya icyihishe inyuma y'izo mbaraga n'impamvu yazo. Kuva mu mwaka 1930 kugeza ubu 2022, hashize imyaka 92 ibibera muri aka gace bikiri amayobera kubatuye isi.

    Ivomo: science.howstuffworks.com, atlasobscura.com…

    Umwanditsi: Freddy Rwigema-InyaRwanda.com

        

    Source : https://inyarwanda.com/inkuru/120739/iyo-ukihagera-itumanaho-rirabura-ibyo-wamenya-ku-gace-kari-mu-butayu-bwa-mapimi-kiswe-akit-120739.html

  • Kiyovu Sports itsinze Espoir FC mu mukino wahagaze iminota 10 #Rwanda #RwOT via @kigalitoday #rwanda #RwOT

    Mu mukino w’umunsi wa kabiri wa shampiyona y’icyiciro cya mbere mu Rwanda, wabereye kuri stade ya Kigali, ikipe ya Kiyovu Sports yabonye amanota atatu (…)

    Source : https://www.kigalitoday.com/imikino-11/football/article/kiyovu-sports-itsinze-espoir-fc-mu-mukino-wahagaze-iminota-10

  • Ihere ijisho uburanga bwa Raven wiyahuye, wari umukunzi wa 600 Breezy(AMAFOTO) #rwanda #RwOT

    Mbere y'uko uyu mukobwa yitaba Imana mu butumwa yanditse yavuze ko nta muntu numwe ashinja ibyo agiye gukora ahubwo ariwe unaniwe ubwe.

    Mu butumwa yandikiye 600 Brezzy yagize atiAti”Ndananiwe mukundwa nahoze muri iyi ntambara mbere y'uko duhura nari ntegereje igihe cya nyacyo ubu ni ubwa gatatu nkwandikira ubutumwa nkubu”.

    Akomeza agira ati”Ntabwo ari ikosa ry'uwo ariwe wese, narananiwe, nataye icyizere mu gihe kirekire gishize.Ariko ngerageza kubihisha ubwo ndimo nkwandikira. Ndimo no kwibuka ibihe byacu by'ibyishimo n'amashusho, ntekereza n'umugeni mwiza nari kuzavamo aha ndi ni 05 z'umugoroba iki kiraro kirasa neza”.

    Raven mu gusoza avuga ko ikimuteye gukora ibyo agiye gukora arambiwe kubaho mu buzima bw'ikinyoma akaba ariyo mahitamo ya nyuma afite.

    Umuraperi 600 Breezy uri mu bihe bitamworoheye byo kubura umukunzi we bari bamaranye imyaka ibiri yasabye Imana imbaraga zo kumukomeza cyane ko uwo yabuze yari akimukunda.

    Ati” Yari imyaka ibiri y'agatangaza buzima bwange Raven. Mana ndagukeneye ndagusabye mfasha koko n'iki nakoze kuburyo nkwiye ibi? untwaye inshuti magara n'umukunzi wange”.

    Source : https://umuryango.rw/imyidagaduro/article/ihere-ijisho-uburanga-bwa-raven-wiyahuye-wari-umukunzi-wa-600-breezy-amafoto

  • Bigoranye Kiyovu Sports yakuye amanota kuri Espoir FC mu mukino wahagaze iminota 16 #rwanda #RwOT

    Mu mukino wahagaze iminota 16 kubera kubura Ambulance ku kibuga, Kiyovu Sports bigoranye yatsinze Espoir FC igitego 1-0.

    Wari umukino w’umunsi wa kabiri Kiyovu Sports yari yakiriye Espoir FC kuri Stade Regional i Nyamirambo.

    Ni umukino yagiye gukina nyuma yo gutsinda na Bugesera FC mu mukino w’umunsi wa mbere.

    Kiyovu Sports wabonaga itari mu mukino neza ariko yagiye igerageza amahirwe atandukanye harimo amashoti ya Nkusi Denis, Coutinho ariko ntibyabahira amakipe ajya kuruhuka ari ubusa ku busa.

    Igice cya kabiri cy’umukino Kiyovu Sports yatangiye isatira cyane ubona yisirisimbya imbere y’izamu rya Espoir FC ariko ubusatirizi bwa yo bugorwa no kubyaza umusaruro imipira yahindurwaga na Serumogo Ali.

    Eric Niyonsaba wa Espoir FC yagerageje ishoti ku munota wa 53 ariko umupira ukubita igiti cy’izamu.

    Bigirimana Abedi yahushije igitego cyabazwe ku munota wa 60 ni nyuma y’umupira mwiza wahinduwe na Serumogo ariko yashyiraho umutwe ugaca hanze gato yaryo.

    Issah Herry wa Espoir FC yahawe ikarita itukura ni nyuma yo guhabwa ikarita y’umuhondo kubera gutinza umukino yanga kujya ku ngombyi ageze hanze y’ikibuga yongera kukigikandagiramo batamuhaye uburenganzira, umusifuzi Patrick amuha indi ikarita y’umuhondo bihita biba umutuku.

    Kuva ku munota wa 82 umukino wahagaze kubera Ambulance itari ku kibuga, ni nyuma y’uko yari yatwaye umukinnyi wa Espoir FC, Ahishakiye Jacques kwa muganga mu gice cya mbere.

    Komiseri w’umukino yafashe umwanzuro wo guhagarika umukino ni nyuma yo kubona yatinze cyane itagaragara ku kibuga.

    Umukino wahagaze iminota igera kuri 16 yose hategerejwe Ambulance, umukino waje gukomeza nyuma y’uko igeze ku kibuga.

    Kiyovu Sports yaje gukambika ku izamu rya Espoir FC ishaka igitego, byaje kuyihira ubwo mu minota y’inyongera Nshimiyimana Ismail yayitsindiraga igitego cya mbere.

    Kiyovu Sports yaje kubona penaliti ku ikosa ryakorewe Abedi, Abedi yaje kuyitera ariko umupira ukubita igiti cy’izamu. Umukino warangiye ari 1-0.

    Umunsi wa 2

    Ku wa Kabiri tariki ya 6 Nzeri 2022

    Musanze FC 3-1 Marines
    Gasogi United 1-1 Etincelles
    Sunrise FC 1-1 Gorilla FC
    Rwamagana City 0-1 Rutsiro FC

    Ku wa Gatatu tariki ya 7 Nzeri 2022

    Kiyovu Sports 1-0 Espoir FC

    Ku wa Kane tariki ya 8 Nzeri 2022

    Bugesera FC vs APR FC (wasubitswe)
    Mukura VS vs AS Kigali (wasubitswe)
    Police FC vs Rayon Sports

    Wari umukino utoroshye

    Byasabye iminota y’inyongera

    Umunyezamu wa Espoir FC yatsinzwe igitego kimwe

    Source : http://isimbi.rw/siporo/article/bigoranye-kiyovu-sports-yakuye-amanota-kuri-espoir-fc-mu-mukino-wahagaze-iminota-16

  • Sudani y’Epfo: Ingabo z’u Rwanda zakanguriye abana isuku zibaha n’ibikoresho by’ishuri #Rwanda #RwOT via @kigalitoday #rwanda #RwOT

    Ingabo z’u Rwanda zo muri 'Rwanbatt-3′ ziri mu butumwa bw’Umuryango w’Abibumbye bwo kubungabunga amahoro muri Sudani y’Epfo (UNMISS), zakoze ibikorwa bihuza (…)

    Source : https://www.kigalitoday.com/amakuru/mu-mahanga/article/sudani-y-epfo-ingabo-z-u-rwanda-zakanguriye-abana-isuku-zibaha-n-ibikoresho-by-ishuri

  • Perezida w’Urukiko rw’Ikirenga muri Mozambique yasuye Ingabo z’u Rwanda #Rwanda #RwOT via @kigalitoday #rwanda #RwOT

    Perezida w’Urukiko rw’Ikirenga rwa Mozambique, n’Umuyobozi Mukuru wa Polisi muri Mozambique (IGP) Bernardino Rafael basuye ingabo z’u Rwanda ziri kubungabunga (…)

    Source : https://www.kigalitoday.com/umutekano/hanze-y-igihugu/Perezida-w-Urukiko-rw-Ikirenga-muri-Mozambique-yasuye-Ingabo-z-u-Rwanda

  • Bitunguranye, Perezida w'u Burundi Evariste Ndayishimiye yirukanye Minisitiri w'Inteba Bunyoni yashinjaga gutegura Coup d'Etat #rwanda #RwOT

    Nyuma y'iminsi baterana amagambo mu ruhame hagati ya Perezida w'u Burundi Evariste Ndayishimiye na Minisitiri w'Intebe we Alain Guillaume Bunyoni washinjwaga gutegura Coup d'Etat, byafashe indi ntera kuko Bunyoni yeretswe umuryango nkuko yari yarategujwe na Ndayishimiye. Bunyoni yasimbujwe na Gervais Ndirakobuca watowe n'inteko ishinga amategeko 113/113

    Mu ruhame Ndayishimiye yavuzeko ntawe ukorera Coup d'Etat General ahubwo ko abo bishyira hejuru bazajya hasi. Byabaye uyu munsi kuko nyuma yuko Perezida Ndayishimiye ashyizeho umukandida witwa Gervais Ndirakobuca ngo asimbure Bunyoni, yemejwe n'amajwi 113/113 by'abagize inteko y'u Burundi (abadepite n'abasenateri)

    Mu Burundi, Bunyoni yari yarigize indakorwaho kugeza naho agaye mu ruhame Perezida Evariste Ndayishimiye. Mu bijyanye na ruswa amasosiyeti hafi ya yose acukura amabuye y'agaciro, Bunyoni afitemo imigabane. Igihe mu Burundi hasyirwagaho Urwandiko rw'Inzira (passport) Bunyoni yashyizeho company y'abahinde aho hafi kimwe cyakabiri cy'amafaranga yagurwaga passport yajyaga mu mufuka wa Bunyoni.

    Yihenura kuri Perezida Ndayishimiye wamugaye imbere y'abaturage ko yigize intakoreka, Bunyoni yamusubijeko umuntu ukuvuga imbere y'abantu ujye ushimira Imana kuko uba umusumba.

    Aya magambo yafashwe nkaho atinyutse umukuru w'igihugu. Ibi kandi byaje bikurikira amagambo yavuzwe n'umugore wa Bunyoni ko Imana yamubwiye ko umugabo we azaba Perezida.

    Agaruka ku myitwarire ya Bunyoni, Perezida Ndayishimiye ntabwo yariye iminwa yagize ati

    'Uri umuntu usoma Bibiliya ntiwakwigira igihangange ndababwiza ukuri kuko Imana ishobora kugukubita umunsi umwe ikagushyira hasi n'umuryango wawe, abantu bagasigara bibaza icyaha wakoze bakakibura.'
    Yakomeje avuga ko uyu munsi hari abantu usanga bishyira hejuru mu bayobozi b'u Burundi nyamara bakirengagiza ko ubuhangange bafite babuhawe n'igihugu.

    Ati 'Hari umuntu usanga aho kwemera kwicisha bugufi, yigira igihangage, ati njyewe ndakomeye, nta n'umwe ukivuga mu gihugu, nta mategeko akivuga ni njye utanga amategeko.'

    Perezida Ndayishimiye yavuze ko ubutabera bukwiriye guhangana n'abantu bafite iyi myitwarire, kuko 'Ntawe ukina n'igihugu' ko 'ugitera akageri cyo kikagutera umugeri'.

    Muri iri jambo Perezida Ndayishimiye yatanze urugero kuri Maconco wabaye umutware n'Umukwe w'Umwami Mwezi Gisabo, ariko bikaza kurangira ashatse guhirika sebukwe.

    Ati 'Muribuka mwezi? Maconco yigometse kuri Mwezi. Maconco aravuga ati ndashaka ya ntebe wicaraho. Mwezi ati 'Naguhaye intara urayitwara, ntacyo ntaguhaye, none ushaka n'igihugu?'

    'Mwezi yohereza ingabo zijya kurwanya Maconco. None Maconco iyo atagira iyi myitwarire hari icyo yari kuba? Yapfuye atabaye Umwami. Yibazaga ngo kuko ari umukwe w'umwami azaba umwami. Kandi umwami ntacyo atari yaramuhaye, yamuhaye umukobwa, amuha intara aratwara, ariko we akomeza avuga ko ashaka intebe y'ubutware.'

    Perezida Ndayishimiye yakomeje avuga ko nta muntu ushobora kumuhirika ku butegetsi.
    Ati 'Ba Maconco nibasubize inkota mu rwubati kuko bazapfa batageze muri uyu mwanya. Umu-Général hari umuntu wamukangisha coup d'Etat? Uwo muntu ni nde ? Azaze ntacyo duhangane. Ku izina ry'Imana nzamunesha.'

    Ndayishimiye yavuze ko uyu muntu ushaka kumuhirika ku butegetsi afite imyitwarire nk'iy'isake yabanaga n'intama mu rugo rumwe ariko ikaza gushaka kuyigambanira ngo bayibage, gusa biza kurangira ba nyiri urugo bafashe umwanzuro wo kubaga isake.

    Ibibazo byo muri CNDD FDD byatangiye muri 2010 aho barwanira imyanya bivuye aho umuntu akomoka kandi buri wese akagira akazu ke. Ni ukubitega amaso!!

    The post Bitunguranye, Perezida w'u Burundi Evariste Ndayishimiye yirukanye Minisitiri w'Inteba Bunyoni yashinjaga gutegura Coup d'Etat appeared first on RUSHYASHYA.

    Source : https://rushyashya.net/bitunguranye-perezida-wu-burundi-evariste-ndayishimiye-yirukanye-minisitiri-winteba-bunyoni-yashinjaga-gutegura-coup-detat/?utm_source=rss&utm_medium=rss&utm_campaign=bitunguranye-perezida-wu-burundi-evariste-ndayishimiye-yirukanye-minisitiri-winteba-bunyoni-yashinjaga-gutegura-coup-detat

  • AMAHANO i Gicumbi : Umugabo aravugwaho gusambanya abakobwa be babiri, umwe yarega bigatanga ubusa #rwanda #RwOT

    Byabereye mu karere ka Gicumbi mu murenge wa Kageyo, Akagari ka Muhondo muri uyu mwaka.

    Uyu mukobwa waganiriye BTN, yavuze ko hashize igihe ababyeyi be batandukanye agasigarana na se umubyara mu mu rugo ari nabyo byamuhaye urwaho rwo kumusambanya.

    Ati 'Mama na papa baje gutandukana twebwe abana bato dusigarana na Papa hanyuma aza kugira ingeso mbi amfata ku ngufu mfite imyaka 13.'

    Ngo si ubwa mbere uwo mugabo akoze ayo mahano kuko yabikoze no ku mwana we mukuru nk’uko uyu mwana abivuga.

    Ati 'Ntabwo ari njye papa yabikoreye gusa kuko na mukuru wacu yarabimukoreye'.

    Uyu mukobwa yakomeje avuga ko nyuma y’aho bibereye yahise agira ipfunwe ryo gukomeza kuba mu rugo akahava. Avuga ko icyatumye atabimenyekanisha harimo ubwoba no kuba mukuru we yarabibwiye ubuyobozi ntibugire icyo bukora.

    Uwo mugabo yabajijwe icyo avuga kubyo umukobwa we amushinja, undi abihakana yivuye inyuma avuga ko bamubeshyera ahubwo ari akagambane yakorewe n’umugore we kuko batandukanye.

    Ati 'Ibyo n’ibintu ni uruvangitirane kuko hari n’ubundi nashwanye na mama we turanatandukana anshinja kuryamana na mukuru w’uwo mwana, rero ibyo bitekerezo byose abikuru kuri nyina.”

    Umuyobozi w’akarere ka Gicumbi Nzabonimpa Emmanuel, yavuze ko bagiye guhura n’umwana bagacukumbura icyo kibazo maze agahabwa ubutabera.

    Ati 'Tugiye guhura na we ducukumbure icyo kibazo nk’ubuyobozi kuko nta mpamvu yo kutarenganurwa.'

    Meya Nzabonimpa yaburiye abantu bishora muri ibyo byaha ko inzego z’ubuyobozi zitazabihanganira kandi ko guhohotera abana ari icyaha kidasaza.

    Source : http://www.ukwezi.rw/1-1/Amakuru-anyuranye/article/AMAHANO-i-Gicumbi-Umugabo-aravugwaho-gusambanya-abakobwa-be-babiri-umwe-yarega-bigatanga-ubusa

  • Musanze: Bakora urugendo rw'isaha bagiye gushaka amazi meza #rwanda #RwOT

    Bamwe mu batuye mu Murenge wa Musanze, baravuga ko babangamiwe no kutagira bimwe mu bikorwaremezo, birimo imihanda n'amazi meza kuko bibazitira mu rugamba rwo kwiteza imbere.

    Mu murenge wa Musanze mu tugali twa Garuka na Kabuzungu, abahatuye bakomeje kubangamirwa no kutagira ibikorwaremezo birimo amazi n'imihanda ari bimwe mu bibazitira mu rugamba rwo kwiteza imbere.

    Abaganiriye n'itangazamakuru rya Flash basabye ubuyobozi ko byakemura iki kibazo kuko kibagiraho ingaruka nyinshi zitandukanye

    Umwe yagize ati 'Iterambere ryo mu kagali ka Nyamaruye mu murenge wa Musanze ni ikibazo kuko nta terambere tugira, bitugiraho ingaruka nyinshi, abana bajya ku ishuri bakererewe ntibanasubire mu masomo neza,  bakava ku ishuri bajya gushaka amazi.'

    Mugenzi baturanye ati'Amazi aha ni ikibazo kuko no kumesa imyenda biratugora, ugasanga ufashe urugendo rw'isaha ujya kuyashaka. Ugiye nko gushora inka ni ikibazo, ntiwazivomerera ukora urugendo rurerure ngo bikunde.'

    Usibye iki kibazo cy'amazi bagaragaza ko no kugeza ibicuruzwa byabo ku masoko bitoroshye bitewe n'imihanda mibi.

    Yagize ati 'Nawe urabibona, gutega na moto biranga ngo essanse yarazamutse n'amapine yabo arangirika, ugasanga ni ikibazo gikomeye.'

    Umuyobozi w'Akarere ka Musanze Ramli Janvier, avuga ko ikibazo cy'ikorwa ry'imihanda cyane cyane ku mirenge ikora kuri parike y'igihugu y'ibirunga kizwi, kandi ko mugihe bitarakemuka abaturage baba bifashisha imiganda rusange kugira ngo imihanda ibe nyabagendwa.

    Icyakora agaragaza ko  uko ubushobozi bugenda buboneka, imihanda igenda ikorwa.

     Ku Kibazo cy'amazi agaragaza ko amazi agenda yegerezwa abaturage ku bufatanye n'abafatanyabikorwa b'akarere, mu kwegereza amazi meza abaturage.

    Umuhoza Honore

    The post Musanze: Bakora urugendo rw'isaha bagiye gushaka amazi meza appeared first on FLASH RADIO&TV.

    Source : https://flash.rw/2022/09/07/musanze-bakora-urugendo-rwisaka-bagiye-gushaka-amazi-meza/?utm_source=rss&utm_medium=rss&utm_campaign=musanze-bakora-urugendo-rwisaka-bagiye-gushaka-amazi-meza

  • Gasabo: Ikibazo cy'amakimbirane mu mirynago itarasezeranye kigiye guhagurukirwa #rwanda #RwOT

    Ubuyobozi bw'Akarere ka Gasabo buravuga ko bugiye guhagurukira ikibazo cy'ababana batarashyingiranwe imbere y'amategeko, bigakurura amakimbirane mu ngo.

    Ikibazo cy'amakimbirane mu miryango ndetse n'ubuharike giherutse kugarukwaho, mu bibazo abaturage bagejeje ku buyobozi bw'Akarere ka Gasabo.

    Aba bagore bo muri aka karere bavuga ko bashakanye n'abagabo babo ariko bakaza kubihinduka bakabata, ndetse bakabashakira abandi bagore.

    Barasaba ubuyobozi bw'aka karere kubarenganura, kuko imitungo baruhanye n'abagabo babo, yaguye mu binganza by'abandi bagore baharitswe, none bo barimo bangarana n'abana babo.

    Umwe yagize ati'Nashakanye n'umugabo 2002 twubaka amazu tubyarana abana babiri, nyuma umugabo avuga ko abana atari abe. Nakorewe ihohoterwa pe ryo mu nzu no hanze, no mu gitanda, umugabo wanjye na bashiki be bafatanya kuntoteza bansohora mu nzu, umugabo tumaze gutana njyana n'abana banjye. Icyo twasaba Leta ni ukuturenganura.'

    Mugenzi we ati 'Ikibazo nkifitanye n'umugabo wanjye, twabyaye abana batatu b'abakobwa aranta ngo nabyaye abakobwa. Inzu twari dufite ebyiri yazizanyemo undi mugore, namusaba ubufasha akabunyima.'

    Ubuyobozi bw'Akarere ka Gasabo, buravuga ko iki kibazo aho kigaragaye begera iyo miryango bakayiganiriza, icyakora umuyobozi Nshingwabikorwa w'aka karere Madamu Umwari Pauline, avuga ko aho binaniranye biyambaza inzira z'amategeko.

    Yagize ati 'Buriya imiryango ibana idasezeranye akenshi irangira ifite amakimbirane, ni yo mpamvu dufite gahunda yo kubashishikariza gusezerana, iyo dusanze imiryango ifitanye amakimbirane turabaganiriza tukabagira inama kugira ngo bagire umuryango muzima.'

    Kugeza ubu ubuyobozi bw'Akarere ka Gasabo, bwemereye abaturage batarasezerana kubera ubushobozi kubakoreshereza ibirori, mu gihe bazaba bamaze kugira ubushake bwo gusezerana imbere y'amategeko.

    Ikibazo cy'imiryango ibana idasezeranye, kigarukwaho nka kimwe mu bikomeje gutera amakimbirane mu miryango, ashobora no kugeza ku bwicanyi.

    Ntambara Garleon

    The post Gasabo: Ikibazo cy'amakimbirane mu mirynago itarasezeranye kigiye guhagurukirwa appeared first on FLASH RADIO&TV.

    Source : https://flash.rw/2022/09/07/gasabo-ikibazo-cyamakimbirane-mu-mirynago-itarasezeranye-kigiye-guhagurukirwa/?utm_source=rss&utm_medium=rss&utm_campaign=gasabo-ikibazo-cyamakimbirane-mu-mirynago-itarasezeranye-kigiye-guhagurukirwa