Blog

Ku wa Gatatu w’icyumweru gishize tariki 31 Kanama 2022, nibwo Mugisha Samuel w’imyaka 24, wigeze kwegukana isiganwa rizenguruka u Rwanda (Tour du Rwanda) yageze muri Leta zunze ubumwe za Amerika, aho byari biteganyijwe ko azitabira irushanwa rya 'Maryland Cycling Classic’ ku Cyumweru tariki 4 Nzeri 2022, ariko ikipe ye (ProTouch Cycling Team) ivuga ko ageze ku kibuga cy’indege cya Dallas ngo yahise abura.

Nk’uko byatangajwe n’ikipe ya ProTouch, amashusho yafashwe na camera zifotora ibibera aho ku kibuga cy’indege (CCTV) yerekana Mugisha Samuel anyura aho bagenzurira za pasiporo nyuma ahita agenda yinjira mu modoka yari irimo abantu bigaragara ko 'yari azi neza.’

Iyo kipe y’amagare yo muri Afurika y’Epfo Mugisha akinira, ishimangira ko kubura kwe, bigaragara ko bitajemo agahato.

Muri raporo yatanzwe na ProTouch, umuyobozi w’iyo kipe agira ati ' Twategereje amasaha ari hagati y’ane n’atanu, nyuma umwe mu bategura irushanwa arampamagara kuri telefoni, ambwira ko bamubuze. Nagerageje kumuhamagara kuri telefoni ye ariko ntiyitaba, arabura'.

'Ntiyigeze avugisha umuntu n’umwe mu bo bakinana mu ikipe, nta n’ubwo yavuganye n’ubuyobozi bw’Ikipe. Hahise hakorwa raporo ko hari umuntu wabuze, nyuma barebye mu mashusho ya CCTV, babona ko yanyuze aho bagenzurira za pasiporo, arimo avugira kuri telefoni, arasohoka ahita yinjira mu modoka yarimo abantu babiri, yari azi neza. Yarabiteguye. Twagerageje kumuvugisha ku mbuga nkoranyambaga, tuvugana n’abandi bakinnyi b’amagare b’Abanyarwanda baba muri Amerika, ariko bavuga ko nta makuru ye bazi'.

Ikipe y’amagare ya ProTouch yatangaje ko Mugisha yageze muri Amerika ku itariki 31 Kanama 2022, nyuma agategura uko aza gufatwa n’abandi bantu, aho kujyana n’Ikipe ye muri Hoteli nk’uko byari byateguwe. Mu minsi yakurikiyeho, ngo nta makuru y’uwo mukinnyi yigeze amenyekana, kuko atigeze agaragara ahaberaga amarushanwa yari yagiye yitabiriye cyangwa se ngo aboneke aho ikipe yari icumbitse.

UEFA Champions League 2022-2023 yanzitswe n’imikino ibiri yo kuwa Kabiri w’iki Cyumweru, aho Borussia Dortmund yatsindaga Copenhagen ibitego 3-0, naho Chelsea igatsindwa na Dynamo Zagreb, igitego kimwe ku busa, byanatumye umutoza Thomas Tuchel yirukanwa.

I Zagreb ubwo bishimiraga gutsinda Chelsea

Kuri uwo munsi kandi, Manchester City yatsinze Sevilla ibitego 4-0, Benfica itsinda Maccabi Haifa 2-0, Real Madrid itsinda Celtic 3-0, Liepzing itsindirwa mu rugo na Shaktar Donestk 1-4, Red Bull Salzburg na AC Milan banganya 1-1 naho Paris Saint Germain itsinda Juventus ibitego 2-1.

Ku mugoroba wo kuwa Gatatu, nabwo hakomeje imikino y’umunsi wa mbere, ahari hatahiwe amakipe yo kuva mu itsinda A kugeza mu itsinda D.

Liverpool niyo yabaye umutwe w’inkuru nyinshi, nyuma yo kunyagirirwa mu Butaliyani ibitego 4-1 na Napoli, bigakurikira kuba imaze iminsi idahagaze neza muri Shampiyona y’ u Bwongereza, aho iri ku mwanya wa 7.

Liverpool nayo byanze

Ibitego bya Napoli byatsinzwe na Piotr Zielensky winjije bibiri, Zambo Anguisa ndetse na Giovani Simeone wakinaga umukino wa mbere wa UEFA Champions League, mu gihe icy’impozamarira ku ruhande rwa Liverpool cyatsinzwe na Luis Diaz.

Mu wundi mukino w’itsinda A ririmo aya makipe yombi, Ajax yanyagiye Ranger ibitego 4-0, mu gihe mu itsinda B, Atletico Madrid yatsinze FC Porto 2-1, Club Brugge igatsinda Bayer Leverkusen 1-0.

Mu itsinda C, Barcelona yanyagiye Viktoria Plzen ibitego 5-1, birimo Hattrick ya Robert Lewandowski, igitego cya Franck Kessie n’icya Ferran Torres, naho impozamarira Plzen, ibonwa na Jan Sykora. Mu wundi mukino, Bayern Munchen yatsinze Inter Milan 2-0.

Lewandowski ahagaze bwuma

Mu itsinda D, Sporting CP yo muri Portugal yatsindiye Eintrantch Frankfurt mu Budage ibitego 3-0, naho Totenham itsinda Marseille ibitego 2-0 byose byinjijwe n’umunya-Brazil Richarlison.

Imikino y’umunsi wa kabiri w’amatsinda ya UEFA Champions League izakinwa mu Cyumweru gitaha, Kuwa 13 no Kuwa 14 Nzeri 2022.

Richarlison nyuma yo gutsinda Marseille

Amakuru y’uko umukinnyi w’amagare w’Umunyarwanda Mugisha Samuel, ukinira ikipe yo muri Afurika y’Epfo yaba yaraburiye muri Leta zunze Ubumwe za Amerika (…)

Ikigo cy’Igihugu Gishinzwe Igororamuco (NRS), cyatangije uburyo bushya buzakumira abagororerwa mu bigo byacyo kongera kubisubiramo, kubera gufatwa basubiye (…)

Ni umukino wabereye kuri sitade ya Kigali i Nyamirambo, utangira ku isaha ya saa 15:00. Amakipe yombi yakiniye mu kirere cyiza kuko hari amafu avanze n’akayaga katurukaga mu ishyamba ryo ku rya nyuma. Umukino watangiye amakipe yigana ndetse adashaka kwirekura. Kiyovu Sports yanyuzagamo igasatira izamu rya Espoir FC, ariko ntibone uburyo bw’igitego.

Ku munota wa 10 Kiyovu Sports yabonye Koroneri yatewe neza na Bigirimana Abedi, ariko umupira umuzamu awohereza hanze. Ku munota wa  22  Amissi Bigirimana yateye umupira muremure, umunyezamu wa Espoir FC awukuramo. Espoir FC nayo yanyuzagamo igasatira izamu rya  Kiyovu Sports, ariko uburyo bw’igitego bukabura.

Kiyovu Sports yarushije Espoir FC guhererekanya umupira mu kibuga hagati, ariko kugera imbere y’izamu bikanga. Byumvuhore Tresor yari yagoye abakinnyi ba Kiyovu ndetse n’abandi ba myugariro, byatumye umutoza wa Kiyovu Sports asaba abakinnyi gutera imipira ya kure. Kuva ubwo Bigirimana Abedi na Amissi Bigirimana batangiye gutera imipira yakure yatangiye kugora umunyezamu Patience, ndetse imipira myinshi akayishyira muri Koroneri.

Ku munota wa 40 Ahishakiye Jacques yaje kugira ikibazo cy’imvune byatumye ajyanwa mu bitaro igitaraganya, asimburwa na Mutijima Gilbert.

Nshimiyimana Ismael umwe mu bakinnyi bitwaye neza muri uyu mukino

Iminota 45 y’igice cya mbere yarangiye nta kipe irebye mu izamu, umusifuzi yongeraho iminota 4, nabwo amakipe arananiranwa ajya kuruhuka nta mpinduka zibaye. Igice cya kabiri kigitangira Kiyovu Sports yakoze impinduka, Muhozi Fred ajya mu kibuga asimbura Danny Nsabimana.

Ku munota wa 46 Espoir FC yahushije igitego ku mupira Samson yakase imbere y’izamu, ariko habura umuntu uterekamo.

Ku munota wa 50 Espoir FC yahererekanyije umupira Samson Ikechukwu awuhereza Eric Niyonsaba atera umupira muremure, ugana mu nguni Kimenyi atari arimo umupira uragenda ukubita igiti cy’izamu ujya yanze.

Nyuma y’iminota 5 gusa, Kiyovu Sports nayo yokeje igitutu Espoir FC ku mupira wazamukanwe na Bigirimana Abedi ahereza Ismael, nawe wahise atanga umupira kwa Serumogo Ali akase umupira abakinnyi ba Espoir FC bawushyira muri Koroneri. Ku munota wa 60 Espoir FC yakoze impinduka ishyiramo abakinnyi 3 barimo Ininihazwe Cornelle, Issa Bigirimana na Jerome. Basimbura Kwizera Tresor, Byumvuhore Tresor na Musasizi John.

Uko iminota yagendaga yigira imbere niko Kiyovu Sports yasatiraga izamu rya Espoir FC, ndetse bari kubona Koroneri nyinshi. Ku munota wa 70 Kiyovu Sports nayo yongeye ikora impinduka, Mugenzi Bienvenue yinjira mu kibuga Bizimana Amassi ava mu kibuga. Mugenzi Bienvenue yahise akina nka nimero 9, Erisa Ssekisambu anyura ku ruhande rw’ibumoso.

Ku munota wa 78 Myugariro wa Espoir FC Herry Issah yaje guhabwa ikarita itukura kubera gutinza umukino no kubwira nabi Umusifuzi. Kuva Mugenzi Bienvenue yajya mu kibuga yatangiye guhindura ibintu, ndetse agerageza no kwishakamo ibitego agendeye ku mipira yateraga mu izamu n’umutwe. Umukino ugeze ku munota wa 85 waje guhagarara, kubera ko ingobyi y’abarwayi yari yajyanye umukinnyi wa Espoir FC ku bitaro ntiyagaruka.

Umukino wagarutse bongeraho iminota y’inyongera igera kuri 11. Ku munota wa 94 Kiyovu Sports yabonye igitego cya mbere ku mupira wazamukanwe na Bigirimana Abedi awuhereza Mugenzi Bienvenue, nawe wahise awuha Nshimiyimana Ismael atera adahagaritse umupira uruhukira mu izamu.

Kiyovu Sports yakomeje kwataka ibinyujije kuri Muhozi Fred wagumye kugora abakinnyi ba Espoir FC, ndetse ku munota wa 98 yaje kuzamukana umupira awuhereza Bigirimana Abedi bahise bategera mu rubuga rw’amahina, iba penariti ayiteye ikubita ku giti cy’izamu umupira uragaruka.

Umukino warangiye Kiyovu Sports icyuye amanota atatu ndetse iba ikipe ya mbere itsinze imikino 2 yikurikiranya binayemerera kurara ku mwanya wa mbere.

Abakinnyi babanje mu kibuga

Kiyovu Sports:
Yves KIMENYI
Ali SERUMOGO
Olivier TWAHIRWA
Thierry NDAYISHIMIYE
Hakim BUGINGO
Ismail Nshimirimana
Frodouard MUGIRANEZA
Erisa Ssekisambu
Abedi Bigirimana
Amissi Bizimana
Denny NSABIMANA

Espoir FC

Patience NIYONGIRA
Tresor KWIZERA
Forgence TWAGIRIMANA
Henry Issa
Jacques AHWISHAKIYE
Tresor BYUMVUHORE
Tresor Ndikumana
John Musasizi
Philbert SHYAKA
Eric NIYONSABA
Samson Ikechukwu

Nyuma y’umukino abatoza bagize icyo batangaza

Alain Andre utoza Kiyovu Sports yavuze ko atumva uburyo bahushije ibitego. Yagize ati “Wagira ngo hari umuntu wari wadufungiye ahantu, ntabwo byumvikana uburyo twahushaga ibitego.”

Abajijwe kuburyo umukino wasubitswe, yavuze ko ari ubwa mbere abibonye. ” Ni ubwa mbere mbonye aho umukino uhagarikwa kubera imbangukiragutabara. Ntabwo nabishakaga ariko byamfashije kuko byakuye ikipe ya Rutsiro FC mu mukino.”

Bisengimana Justin yatangaje ko ibyo yari byapanze yakunze mu gice cya mbere gusa. Yagize ati”
Ni ibintu bisanzwe gutsindwa nari napanze ibintu mu gice cya mbere kandi byagenze neza, ariko ibintu byatangiye kwanga nyuma y'aho tubonye ikarita itukura. Ibisobanuro byose baduhaye ntacyo byari bivuze umukino wari gukomeza ugakinwa nk'uko byari byakozwe.  Haburaga iminota 5 gusa, bongeraho iminota 11 byatwiciye gahunda twari dufite ndetse ahubwo biha amahirwe Kiyovu Sports.”

Amissi Bigirimana nawe ari mu bakinnyi bigaragaje 

Patience Niyongira umunyezamu wa Espoir FC yagiye ayitabara mu bihe bitandukanye akuramo amashoti ya kure 

Ibi wabibaza itsinda ry'abaririmbyi rya Sauti Sol yatumiye muri siporo rusange [Car Free Day], bakoreye mu mihanda itandukanye yo mu Mujyi wa Kigali.

Umubano wa Sauti Sol na Perezida Kagame unumvikana cyane mu ndirimbo 'Nerea' bakoranye na Josh na Amos, aho bamugarukaho- Ibi bituma iri tsinda rikomeza kuba ku mitima y'abanyarwanda banyuzwe n'inganzo yabo, iri cyane mu rurimi rw'Igishwahili n'Icyongereza.

Iyi ndirimbo ifite iminota itatu n'amasegonda 33'. Mu muhango wo Kwita Izina wabaye ku wa Gatanu tariki 2 Nzeri 2022, Sauti Sol yongeye gushimangira ko bafite ku mutima Perezida Paul Kagame.

Bahawe indangururamajwi uko ari bane, bahisemo agace gato ko mu ndirimbo 'Nerea' baririmba kumvikanamo Perezida Kagame-Abarenga ibihumbi 50 bari mu Kinigi mu Karere ka Musanze bavugije akaruru k'ibyishimo, bafatanya n'iri tsinda kuririmba ako agace.

Sauti Sol yongeye kandi kuririmba iyi ndirimbo 'Nerea' mu gitaramo 'Kwita Izina Gala Night' cyaherekeje umuhango wo Kwita Izina abana 20 b'ingagi, wabereye mu Intare Conference Arena mu Karere ka Gasabo.

Iki gitaramo kitabiriwe na Perezida Paul Kagame ari kumwe na Madamu Jeannette Kagame, umunyabigwi mu mupira w'amaguru Didier Drogba wakiniye Chelsea, Umuyobozi wa RDB, Clare Akamazi, Umuyobozi w'Ubukerarugendo, Michaela Rugwizangoga n'abandi banyuranye.

Iri tsinda ntiryari ku rutonde rw'abagombaga kuririmba muri iki gitaramo barimo Youssou N'Dour, umunyapolitiki wavuyemo umunyamuziki wo muri Senegal, Mike Kayihura ndetse na Ruti Joel.

Muri iki gitaramo, Sauti Sol yaboneyeho no gutangaza ko tariki 24 Nzeri 2022 izagaruka i Kigali mu gitaramo.

Bifashishije konti yabo ya Instagram, bagaragaje ko banyuzwe no gukorana siporo n'Umukuru w'Igihugu, basaba ko siporo rusange yagera no muri Kenya.

Mu ijoro ryo kuri uyu wa Kabiri, Sauti Sol yashyize ifoto kuri konti yabo ya Instagram ibagaragaza bari kumwe na Perezida Kagame na Madamu Jeannette Kagame.

Bashimye Perezida Kagame na Madamu Jeannnette Kagame, bavuga ko mu Rwanda hazahora ari mu rugo.

Bati 'Niba iwabo w’umuntu ari aho umutima we ubarizwa, u Rwanda ni urugo rwacu rwa kabiri. Turashimira Perezida Kagame n'umufasha we (Madamu Jeannette Kagame).'

Bakomeza bati 'Turashimira na Visit Rwanda kubwo kudutumira mu muhango wo Kwita Izina abana b'ingagi, ku nshuro ya 18. Abanyarwanda mwese turabakunda, turabashimira urukundo no kudushyigikira, reka tuzasubire ubutaha.'

Ibi biruzuzanya n'ibyo batangaje ubwo bari mu muhango wo Kwita Izina, aho bashimangiye ko mu bihe bitandukanye batumiwe mu Rwanda kandi buri gihe biyumva nk'abari mu rugo.

Youssou N'Dour yongeye guhura na Perezida Kagame

Tariki ya 23 Gashyantare 2022, Perezida Paul Kagame ari kumwe na Perezida wa Senegal, Macky Sall, bahuye n'abahanzi barimo Fally Ipupa, Alpha Blondy na Youssou N’Dour.

Ni nyuma y'ibirori byo gutaha ku mugaragaro Stade Abdoulaye Wade byabaye ku wa 22 Gashyantare 2022.

Youssou ni umuhanzi wabaye icyatwa muri Senegal nzima, Afurika iramumenya n'ahandi.

Ni umwanditsi mwiza w'indirimbo, umunyamuziki udashidikanywaho mu buhanga, rimwe na rimwe agakina filime ariko agakora n'ubucuruzi na Politiki.

Mu 2004, ikinyamakuru Rolling Stone cyamwise umuhanzi wa mbere wagize igikundiro kidasanzwe mu bakiriho. Kuva mu 2012 kugera mu 2013 yari Minisitiri w'Ubukerarugendo muri Senegal.

Uyu muhanzi wakunzwe mu ndirimbo nka 'The Lion', 'Birima', '7 Seconds' n'izindi zamwaguriye izina, yataramiye abanyarwanda mu gitaramo 'Kwita Izina Gala Night'. Yagaragaje ko yari akumbuye n'ibihumbi by'abantu bamushyigikiye muri iki gitaramo.

Ni andi mateka yiyongereye ku bigwi bye- Kuko iki gitaramo yagikoreye imbere ya Perezida Paul Kagame na Madamu Jeannette Kagame.

Youssou N'Dour ni umwe mu bantu 20 bise izina abana 20 b'ingagi, mu muhango wabereye mu Kinigi, ndetse igitaramo cye kitabiriwe n'abantu benshi bari mu muhango wo Kwita Izina.

Nyuma y'igitaramo, Youssou N'Dour yasohoye ifoto ari kumwe na Perezida Paul Kagame na Madamu Jeannette Kagame. Yandika ashima uko bamwakiriye mu bushuti ati 'Ndashimira Paul Kagame uko twakiriwe.'

Mu mafoto yasohoye, harimo n'imugaragaza mu biganiro harimo Umuvugizi muri Perezidansi ya Repubulika, Stephanie Nyombayire. 

Ni gake cyane uzabona ba gafotozi berekana abakunzi babo n'ubwo baba bakundwa n'abakobwa batagira ingano, bitewe n'uko baba bafite ubuzima bwabo binyuze mu mafoto.

Gusa n'ubwo bimeze gutyo, kuri Franck Axel ho siko bimeze kuko ni gake cyane uzajya mu bitaramo ngo ntubone ari kumwe n'umukunzi we, n'ubwo yaba yitwaje na kamera cyangwa basohotse.

Usibye Franck kandi n'uyu mukobwa akunda kwerekana ko Franck ariwe mukunzi we w'ibihe byose, ndetse ibihe byose iyo baba bari kumwe cyane cyane n'amafoto afiteho niwe uyafotora.

Franck Axel ni gafotozi kabuhariwe ubimazemo igihe ndetse uyu musore amafoto ye akaba yirahirwa n'abatari bake, bitewe n'igikoresho yakoresheje ndetse n'uburyo yayafashemo.

Nta byinshi uyu mukobwa azwiho, gusa akenshi mu bitaramo bitandukanye ntajya ahatangwa ari kumwe n'inshuti ze zitandukanye cyangwa se batarikumwe, mu gihe ari kumwe n'umukunzi we.

Franck n’umukunzi we Murigande

Mu bihe bitandukanye Franck akunda gufotora perezida, ndetse iyo hari igikorwa cyabaye kijyanye no gutembera u Rwanda, ari muri ba kizigenza baba bayoboye mu mafoto.

Uyu mufotozi ubwo abakinnyi ba Paris Saint Germain baheruka mu Rwanda niwe wabafotoye, ndetse amafoto ye aba ariyo akoreshwa, ndetse na Didier Drogba mu kwita izina anasura u Rwanda niwe wamufotoye.

 

Umukunzi wa Franck Axel akunda kugaragara mu bitaramo bitandukanye

Franck niwe wafotoye Didier Drogba aza mu Rwanda

Franck Axcel niwe wafotoye Naomischiff

Franck niwe wafotoye abakinnyi ba Paris Saint Germain

Imbere ya Sergios Ramos, na Navas, Franck abatunga Camera

Franck Axel ni umwe mu bafotora Perezida Kagame