Blog

Ku mugoroba wo kuri uyu wa Gatanu tariki 9 Nzeri 2022, nibwo Bralirwa na BK Arena bashyize umukono kuri aya masezerano mu muhango wabereye muri bimwe mu bice bigize iyi nyubako y'imyidagaduro ya BK Arena.

Ni nyuma y'uko abayobozi ba Bralirwa babanje gusura bimwe mu bice bigize BK Arena, bakerekwa ahari 'stand' yabo bazajya bacururiza ibinyobwa byabo n'ibindi.

Ni amasezerano y'imyaka itatu ariko ashobora kwiyongera, kandi Heineken izajya igaragara ku byapa byo muri BK Arena n'igihe hari ibikorwa biri kuberamo nk'imikino, ibitaramo by'abahanzi n'ibindi Heineken igaragare ku nyakira-mashusho nini za BK Arena.

Umuyobozi wa Bralirwa, Étienne Saada yashimye buri wese wari muri uyu muhango, ahereye ku batumirwa, abacuruzi, by'umwihariko abakiriya bagira uruhare mu iterambere ry'umunsi ku munsi ry'uru ruganda. Ati 'Muri ab'agaciro.'

Étienne yavuze ko bishimiye amasezerano y'iterambere bagiranye na BK Arena yubakiye ku gufasha abantu kwishima binyuze mu muco, siporo, imyidagaduro n'ahandi. Ati 'Ibi biri mu ndangagaciro za Heineken na Bralirwa muri rusange. Bivuze ikintu kinini muri iyi mikoranire. Turishimye.'

Uyu muyobozi yavuze ko ibinyobwa bya Bralirwa nka 'Cheetah Energy', ibidasembuye n'ibindi bizajya bigaragara muri BK Arena.

Avuga ko hari ibikorwa byinshi bazatangaza mu minsi iri imbere, kandi nta gihe kinini gishize basinye amasezerano n'Ishyirahamwe Nyarwanda rya Basketball, FERWABA, afite agaciro ka miliyoni 240 Frw. Ati 'Tuzakoresha aha hantu [BK Arena] mu gutangaza amakuru meza. Ni iby'ingenzi kuri twe gukorera hano.'

Étienne yavuze ko BK Arena 'habaye mu rugo' kandi 'namwe ni iwanyu (mu rugo)'.

Umuyobozi wa QA Venue Solutions [Ikigo cyatsindiye gucunga BK Arena mu gihe cy'imyaka irindwi], Kyle Schofield yavuze ko BK Arena ari inyubako ya buri wese, kandi bafite intego ihamye yo kuba igicumbi cya siporo n'imyidagaduro muri Afurika yose.

Kyle yavuze ko kugera iyi ntego bisaba ubufatanye n'abandi, ari nayo mpamvu uyu munsi basinye amasezerano na Bralirwa.

Uyu muyobozi yavuze ko gukorana na Bralirwa ari ibintu byiza kandi byereka buri wese ko buri kimwe gishoboka.

Kyle yavuze ko mu gihe cy'imyaka ibiri ishize bahawe gucunga BK Arena bishimira intambwe bari gutera, 'harimo n'amasezerano bagiranye na Bralirwa'.

Umuyobozi ushinzwe Iyamamazabikorwa muri Bralirwa, Gatabazi Martine yabwiye InyaRwanda ko aya masezerano bagiranye na BK Arena akubiyemo gucururiza ibinyobwa byabo muri iyi nyubako y'imyidagaduro.

Ati 'Twasinyanye amasezerano hamwe na BK Arena yo kuba turi abatanga ibinyobwa hano muri Arena igihe habaye ibikorwa runaka byaba ari ibitaramo, imikino […] Abakiriya baje hano kureba imikino, ibitaramo cyangwa ibikorwa bijyanye n'umuco nibyo bazajya banywa igihe cyose bazaba bari hano.'

Martine yashimangiye ko ibinyobwa by'uruganda rwa Bralirwa bizacururizwa muri BK Arena, yaba Bralirwa yagize uruhare mu itegurwa ry'ibyo bikorwa biri kuhabera cyangwa se nta ruhare yabigizemo.

Ati 'Niba hari umuntu wateguye igitaramo ariko twebwe tutayiteye inkunga ntabwo twebwe tuzajya tugaragara ariko tuzaba dufite ibinyobwa abantu bazabasha kunywa.'

Uyu muyobozi yavuze ko aya masezerano ashobora kuzongerwa mu gihe cy'umwaka umwe.

Yavuze ko aya masezerano anagamije gufasha abakunzi ba Bralirwa kwisanga muri BK Arena, basanganirwa n'ibinyobywa by'uruganda. 

Ati 'Mu ndangagaciro za Heineken harimo gushimisha abakunzi b'ibinyobwa byacu. Twahuje rero kugira ngo tubashe kuzuzanya. Twongere iyi nzu tuyigire inzu y'abakunzi b'ibinyobwa byacu, kugira ngo bazajye baza bisange, bumva ko n'icyo banywaga mu rugo n'aho mu kabari na hano baza kubihasanga.' 

Source : https://inyarwanda.com/inkuru/120818/bralirwa-yasinyanye-amasezerano-na-bk-arena-yo-kuhacururiza-ibinyobwa-byayo-amafoto-120818.html

Nk’uko bigaragara mu itangazo rya Minisitiri w’Intebe, Edouard Ngirente ryashyizwe ahagaragara ku gicamunsi cyo kuri uyu wa Kane, Perezida Kagame yategetse ko Ibendera ry’u Rwanda n’iry’Umuryango wa Africa y’i Burasirazuba ari mu Rwanda, yururutswa kugeza igihe Umwamikazi Elizabeth II azatabarizwa.

Umwamikazi Elizabeth Windsor w’u Bwongereza yatanze ku mugoroba wo kuwa Kane tariki 8 Nzeri 2022, azize uburwayi nk’uko byemejwe n’Ingoro ya Buckingham.

Ku mugoroba w’ejo hashize, Perezida Kagame yanditse kuri Twitter ashima umusanzu Umwamikazi Elizabeth yatanze mu gihe cy’imyaka 70, anihanganisha umuryango we, Abongereza muri rusange ndetse n’ibihugu byo mu muryango w’abavuga icyongereza wa Commonwealth.

Elizabeth II Alexandra Mary Windsor wari umaze imyaka 70 ayobora Ubwami bw’u Bwongereza, yavukiye i London mu 1926, yima ingoma muri Gashyantare 1952 asimbuye Se, George VI. Biteganijwe ko azatabarizwa nyuma yo kwimikwa k’umwami Charles III wamusimbuye ku ngoma.

Itangazo rya Minisitiri w’Intebe

Source : https://inyarwanda.com/inkuru/120814/perezida-kagame-yategetse-kururutsa-ibendera-ry-u-rwanda-hunamirwa-umwamikazi-elizabeth-ii-120814.html

Umuhanzi Bruce Melodie yagarutse i Kigali nyuma yo gukorera ibitaramo bibiri mu Burundi bibanjirijwe no kubanza kuhafungirwa.

Bruce Melodie yatawe muri yombi akigera mu Burundi ku wa Gatatu tariki ya 31 Kanama 2022, akurikiranyweho icyaha cy'ubwambuzi bushukana.

Kuri uyu wa Gatanu,uyu muhanzi yakiriwe n'itangazamakuru ryo mu Rwanda,avuga ko yanyuzwe n'uburyo Abarundi bakunda umuziki we ndetse anabashimira uburyo batahwemye kwitabira ibitaramo bye.

Ati 'Abarundi ndabashimira ukuntu bitabiriye ibitaramo byanjye.”

Yakomeje agira ati “Ntabwo ari ikibazo cya hatari.ntimubizi se mwebwe uko nirirwa nsimbuka hamwe na hamwe.Hari Abarundi batekereje ko narakariye u Burundi ariko siko bimeze.

Ikindi ndashimira Leta y'u Rwanda n'iy'u Burundi.Umutekano w'Umunyarwanda ku butaka bw'u Burundi ntaho uhuriye n'ikibazo cyanjye kuko icyanjye nakigiranye n'Umurundi umwe.Ugerayo uziko ufite ikibazo ugakubitana n'ufite icya nyacyo.”

Bruce Melodie yahishuye amagambo yakunze kubwirwa na OPJ w'aho yari afungiwe.Ati “OPJ witwa Firmini [wari umufunze],yari umuntu mwiza.Hari akajambo yakundaga kumbwira ngo “hewe,tekana nta na kimwe” nko kuvuga ngo “nta kibazo na kimwe.”

Bruce Melodie abajijwe niba avuye i Burundi ikibazo gikemutse, yavuze ko hari ibyarangiye n'ibindi bigikomeje, icyakora yirinze kubigarukaho ku buryo bwimbitse avuga ko ibintu bikiri mu butabera n'amategeko bigoye kubivugaho.

Ati 'Simbizi neza niba ndamutse mvuze uko bihagaze kandi bikiri mu mategeko ntaba nkozemo amakosa, gusa mbijeje ko bizagenda neza.'

Bruce Melodie yafungishijwe n'umukire witwa Toussaint Bankuwiha usanzwe ari umushabitsi mu Burundi,anategura ibitaramo bakomeye.

Uyu ngo hari amafaranga yari yamwishyuye mu myaka yashize ubwo Bruce Melodie yari afiteyo igitaramo ariko kikaza gusubikwa.

Yavuze ko Bruce Melodie amufitiye amadorali 2000$ [Miliyoni 2 Frw] yamuhaye ubwo yari yamutumiye mu gitaramo.

Aranamwishyuza miliyoni 30 FBU [Arangana na 15, 161, 384.94 Frw] yahombye muri icyo gitaramo, ngo yayakoresheje mu mwiteguro y'igitaramo.

Source : https://umuryango.rw/imyidagaduro/umuziki/article/bruce-melodie-yahishuye-ijambo-yakunze-kubwirwa-na-opj-w-aho-yari-afungiwe

Leta y'u Rwanda yatangaje ko abaturage bazakomeza kwinangira banga kwimuka ku bw'ibikorwa by'inyungu rusange, izitabaza ingufu.

Muri abo harimo abasanzwe batuye i Nyarutarama mu mujyi wa Kigali. Byavuzwe n'uwungirije umuvugizi wa leta y'u Rwanda, Bwana Alain Mukurarinda.

Ibiganiro akarere ka Gasabo kongeye kugirana n'abatuye ako gace byaranzwe n'ubwumvikane buke, nk'uko byagiye bigenda mu bihe byabanje ku bagiye basimburana kuri iki kibazo.

Umuyobozi Nshingwabikorwa w'akarere ka Gasabo Madamu Pauline Umwali kuri iyi nshuro yabahamirije ko babishaka batabishaka bagomba kwimuka.

Ati ” Ni ihame ko mugomba kwimuka hano aho umushinga w'inyungu rusange uzagarukira.Mubimenye rero,mugomba kwimuka…Hano hantu mugomba kuhimuka,n'itegeko murabizi….”

Hari imiryango yamaze kurega Umujyi wa Kigali wabimuye ariko akarere ka Gasabo kagaragaje ko icyemezo cy'urukiko kitabuza ko aba baturage bakwimuka.

Madamu Umwali yagize ati “Urukiko niruza hari abazavuga ngo mumpe amafaranga,njyewe nzaguma aha.Nturi munsi y'ubuyobozi,ntiwubaha amategeko y'igihugu?.Iyo ubuyobozi bwarebye mu nyungu rusange nta muntu ugomba kuva muri gahunda ,ntabwo bibaho.”

Abaturage bakomeje gutsimbarara bavuga ko abayobozi bakurikiza amategeko bakabaha ingurane mu mafaranga n'abashaka kujya mu mazu bubakiwe bakajyayo.

Umwe yagize ati “Bayobozi mureke kwica amategeko arimwe muyashyiraho.Itegeko rivuga ko ku bw'ibikorwa by'inyungu rusange hagomba gutangwa ingurane ikwiye kandi yumvikanweho.Ntabwo turi kumvikana ku ngurane.”

Aba baturage baravuga ko hari umushoramari ugiye kubaka aho batuye amazu ko atari inyungu rusange nkuko bivugwa cyane ko ngo ayo mazu azubaka ntacyo azabamarira.

Leta ikomeza gushimangira ko aho aba baturage batuye bagomba kuhimuka kuko atari heza.Umuvugizi wungirije wa Leta y'u Rwanda Alain Mukuralinda ati “Rimwe na rimwe abantu batinya kuvuga ibintu cyangwa bakabica ku ruhande.Niba abantu batuye ahantu n'abandi bahatuye ku ruhande bakahita muri Bannyahe,nuko ari heza se?.

Mukuralinda yavuze ko ibiganiro by'ubwumvikane bizakomeza ariko abazatsimbarara hazakoreshwa ingufu.

Ati “Kwigomeka bihanwa n'amategeko mu gitabo cy'amategeko mu Rwanda birahanwa.Kwigomeka ku buyobozi,ku mupolisi uri mu kazi ke birahanwa.Nibiba ngombwa hazakoreshwa itegeko.

Ibiganiro birahari,n'uyu munsi n'ejo bundi,kugeza igihe ibintu bigomba gushyirirwa mu bikorwa.”

Ikibazo cy'Umujyi wa Kigali n'abatuye muri Bannyahe banze kwimuka kimaze imyaka 5 ndetse bamwe bimukiye mu mazu bubakiwe abandi bajya mu nkiko basaba amafaranga.

Source : https://umuryango.rw/amakuru/mu-rwanda/umutekano/article/nibiba-ngombwa-hazakoreshwa-itegeko-leta-ibwira-abanze-kwimuka-muri-bannyahe

In our previous post, we covered the most visited sites […]

The post Most Visited Websites in India 2022 List Today appeared first on UGWIRE.

Source : https://ugwire.com/most-visited-websites-india/

In our previous article, we covered the most visited websites […]

The post Top 10 Most Visited Websites In Rwanda 2022 Popular appeared first on UGWIRE.

Source : https://ugwire.com/top-10-most-visited-websites-rwanda/

Minisiteri y’Uburezi mu ngengabihe y’umwaka w’amashuri,  igaragaza ko igihembwe cya mbere kizatangira tariki 26 Nzeri 2022 gisozwe tariki ya 23 Ukuboza 2022. Abanyeshuri bazatangira ibiruhuko by’igihembwe cya mbere tariki 24 Ukuboza 2022, babisoze tariki 7 Mutarama 2023. Igihembwe cya kabiri kizatangira tariki ya 8 Mutarama 2023 kugeza tariki 31 Mata 2023. Ikiruhuko cy'igihembwe cya kabiri kizatangira tariki 1 Mata 2023 kirangire tariki 16 Mata 2023. Igihembwe cya gatatu kizatangira tariki 17 Mata 2023 kugeza tariki 14 Nyakanga 2023. Ibizamini bisoza amashuri abanza bizaba guhera tariki 17 Nyakanga 2023 kugera tariki 19 Nyakanga 2023, naho ibisoza ayisumbuye bikorwe kuva tariki 25 Nyakanga 2023 kugera tariki 4 Kanama 2023.

Abanyeshuri bazajya mu mwaka wa Mbere mu mashuri yisumbuye, uwa Kane ndetse na L3 Tvt igihe cyo gutangira bazakimenyeshwa vuba.

Source : https://inyarwanda.com/inkuru/120815/hamenyekanye-itariki-umwaka-wamashuri-20222023-uzatangirira-mu-mashuri-abanza-nayisumbuye-120815.html

Source : https://www.kigalitoday.com/amakuru/amakuru-mu-rwanda/article/karidinali-kambanda-yizihije-isabukuru-y-imyaka-32-amaze-ahawe-ubusaserodoti

Mu rwego rwo kurushaho guteza imbere umuco wo gusoma. Umuyobozi mukuru wa REB (Rwanda Education Board) yakanguriye abana b'inshuke gukunda gusoma ibitabo, kugira ngo bazigirire akamaro ndetse bakagirire n'igihugu muri rusange.

Byavugiwe mu munsi mpuzamahanga wahaiwe gusoma no kwandika wabaye none tariki ya 8 Nzeri 2022 byahuriranye no gutangiza ukwezi ko gusoma.Umuhango wabereye mu karere ka Nyaruguru mu murenge wa Munini, wari witabiriwe n'abayobozi batandukanye barangajwe imbere n'umuyobozi mukuru wa'Urwego rw'Igihugu rushinzwe uburezi bw'ibanze muri ( REB). Muri uyu muhango abayobozi basuye amashuri y'inshuke ategura abana ndetse akanabakundisha gusoma.

Umuyobozi w'Ubunyamabanga bukuru bwa SOMA RWANDA Musafiri Patrick yashishikarije abantu kurushaho kubyaza umusaruro amasomero ahari,kuko no mu rugo iwawe hashobora kuba isomero bitewe nuko ababyeyi bashishikariza abana babo gutira ibitabo bakabisomera mu rugo. Ati 'nka SOMA RWANDA Turashishikariza abarimu gusomera no gukundisha abanyeshuri gusoma, kandi umwana yanataha bakamushishikariza gucyura igitabo agakomeza gusomera mu rugo afatanije n'ababyeyi'.

Umuyobozi wungirije ushinzwe imibereho y'abaturage mu Karere ka Nyaruguru Byukusenge Assumpta , avuga ko kuba umunsi mpuzamahanga wizihirijwe mu karere kabo ari byiza cyane kuko nabo bari basanzwe bigisha abantu bakuru gusoma kuko bashaka ko abantu bakuru babimenya bityo abato nabo bakabikundishwa.

Ubusanzwe SOMA RWANDA ni urubuga abafatanyabikorwa mu burezi bahuriraho kugira ngo bungurane ibitekerezo ku buryo bateza imbere umuco wo gusoma, ubuyobozi bukaba bugizwe na minisiteri y'uburezi, USAID, hamwe na Save children international. Naho abanyamuryango bakaba bagizwe n'ibigo by'amashuri,imishinga myinshi itandukanye bireba ibijyanye n'uburezi hamwe no kumenya kwandika no gusoma.

Umuyobozi mukuru w'Urwego rw'Igihugu rushinzwe uburezi bw'ibanze ( REB) Bwana Ndagijimana Nelson, arashishikariza abanditsi b'ibitabo gukora mu nganzo bityo begere urwego rwa REB bagerageze guhana umurongo kugira ngo bandike ibitabo byinshi bifasha abanyeshuri gusoma.

Agira ati 'udasomye ntumenya ibirimo kuba,iyo udasomye ntabwo wunguka ubwenge cyangwa hari amakuru uba utari kubona, ni umwanya mwiza wo gushishikariza buri muntu wese dore ko ari umunsi mpuzamahanga wo gusoma bityo aho turi mu miryango yacu, habeho ahantu ho gusomera ibitabo'.

The post Nyaruguru: Ababyeyi basabwe kurushaho gushishikariza abana kugira umuco wo gusoma barushaho kubyaza umusaruro amasomero ahari appeared first on RUSHYASHYA.

Source : https://rushyashya.net/nyaruguru-ababyeyi-basabwe-kurushaho-gushishikariza-abana-kugira-umuco-wo-gusoma-barushaho-kubyaza-umusaruro-amasomero-ahari/?utm_source=rss&utm_medium=rss&utm_campaign=nyaruguru-ababyeyi-basabwe-kurushaho-gushishikariza-abana-kugira-umuco-wo-gusoma-barushaho-kubyaza-umusaruro-amasomero-ahari

Source : https://www.kigalitoday.com/uburezi/amashuri/article/ingengabihe-y-umwaka-w-amashuri-wa-2022-2023-yatangajwe