Blog

Mu gihe habura iminsi itatu gusa ngo shampiyona y’icyiciro cya kabiri itangire, ingengabihe y’uko amakipe azahura guhera kuri uyu wa Gatandatu yashyizwe (…)

Tariki ya 8 Ugushyingo 2022 mu masaha y’ikigoroba, FARDC iri kumwe n’abarwanyi benshi baturutse mu mutwe wa FDLR n’indi mitwe yitwaje intwaro ya Mai Mai Nyatura, Mai Mai MPA na Mai Mai Busholi, Bagabye igitero ku birindiro bya M23 mu gace ka Kalengera muri Teritwari ya Rutshuru.

Iki gitero cyaje gikurikira ikindi iyi mitwe ifatanyije na FARDC, bari bagabye ku birindiro bya M23 mu gace ka Biruma/Rugali mu rukerera rw’ejo kuwa 8 Ugushyingo 2022, bagamije kwisubiza ibi bice bambuwe n’umutwe wa M23.

Ni ibitero byari byabanjirijwe n’ibindi bitero byo mu kirere hifashishijwe indege z’intambara zo mu bwoko bwa Sukhoi 25 FARDC iheruka kugura mu Burusiya.

Tariki ya 9 Ugushyingo 2022, umutwe wa M23 watangaje ko ibi bitero byombi bitabashije kugera ku ntego yabyo, kuko abarwanyi ba M23 babisubije inyuma byose uko byakabaye, bituma FARDC itabasha kwambura M23 utwo duce twombi.

Mu kiganiro Maj Willy Ngoma Umuvugizi wa M23 mu bya gisirikare yemeje iby’iyi nkuru , avuga ko abarwanyi ba M23 babashije guhagarika ibyo bitero muri utwo duce twombi.

Yagize ati :” kugeza ubu nta gace turatakaza. Ibitero FARDC ifatanyije na FDLR n’imitwe ya Mai Mai bagabye ku birindiro byacu mu duce twa Kalengera na Biruma/Rugali ntacyo byabashije kugeraho kuko twabashije kubasubiza inyuma. Utwo duce twose turacyari mu mabo yacu kibazo.'

Yakomeje avuga ko M23, ari umutwe ufite ubushobozi mu ntambara bahanganyemo na Leta ya FARDC kandi ko badateze gusubira inyuma kuko barwanira uburenganzira bwabo cyereka mu igihe ubutegetsi bwa Kinshasa buzemera ibiganiro.

Ivomo:Rwandatribune

Uyu mudepite usanzwe ari impanga ya Joseph Kabila yabitangarije muri Afurika y’Epfo, ubwo yari mu nteko y’abadepite b’Umuryango wa Afurika yunze Ubumwe.

FDLR yasabye Leta y’u Rwanda ko bagirana ibiganiro, igizwe ahanini n’abarwanyi bahungiye mu mashyamba ya Congo Kinshasa nyuma yo gusiga bagize uruhare muri Jenoside yakorewe Abatutsi mu 1994.

Leta y’u Rwanda imaze igihe igaragaza impungenge z’uko uyu mutwe ugambiriye kuyihungabanyiriza umutekano ; impungenge zarushijeho kwiyongera nyuma y’uko hamenyekanye amakuru y’uko Ingabo za Congo Kinshasa zisigaye zifitanye imikiranire na FDLR.

Ku bwa Jaynet Kabila, “Leta y’u Rwanda ikwiye kugirana ibiganiro na FDLR kubera ko ni abaturage bayo.”

Uyu mudepite yunze mu ry’abategetsi bo muri Repubulika Iharanira Demokarasi ya Congo bakunze kugaragaza ko FDLR ari ikibazo ku gihugu cyabo kuruta uko ari ikibazo ku Rwanda, agaragaza ko uriya mutwe “umaze kwica abanye-Congo benshi kuruta Abanyarwanda.”

Jaynet Kabila kandi yagaragaje ko mu myaka ibarirwa muri 28 FDLR imaze mu mashyamba ya Congo Kinshasa “nta na rimwe yigeze igaba igitero ku Rwanda”, ibigaragaza ko impunge rufite z’uko uriya mutwe ugamije kuruhungabanyiriza umutekano ari iz’ubwende.

U Rwanda cyakora cyo rumaze igihe rwakira abahoze ari abarwanyi ba FDLR, mbere yo kubafasha gusubira mu buzima busanzwe.

Uyu mutwe wa FDLR kuri ubu ni umwe mu irenga 120 imaze igihe ikorera mu mashyamba ya Repubulika Iharanira Demokarasi ya Congo.

Imwe muri iyi mitwe irimo ADF, CODECO na Mai Mai imaze igihe yica ibihumbi by’abanye-Congo, ndetse n’uwa M23 Leta y’i Kinshasa ishinja u Rwanda gutera inkunga. Ni ibirego cyakora cyo rumaze igihe kirekire ruhakana.

Ku bwa Jaynet Kabila, ngo iriya mitwe yindi nta kibazo iteye Congo Kinshasa kuko ikibazo nyamukuru kugeza ubu kiyihangayikishije ari “M23 ishyigikiwe n’u Rwanda.”

Kabila yashinje u Rwanda gufasha uyu mutwe kongera kubura imirwano, mu gihe muri 2013 ngo wari warasinye amasezerano y’uko nta mirwano izongera kubaho ; ko ahubwo ugiye kugira uruhare mu mahoro n’iterambere rya Politiki ya Congo.

M23 cyakora cyo imaze igihe igaragaza ko Leta y’i Kinshasa itigeze yubahiriza ibikubiye mu masezerano y’amahoro basinyanye, ari na yo mpamvu nyamukuru abarwanyi bayo bongeye kubura intwaro.

Umuvugizi wungirije wa M23 mu bya Politike, Munyarugero Canisius, mu kiganiro na UKWEZI yahamije ko indege y’intambara ya Congo yaraguye ku butaka bw’u Rwanda ari ubushobotanyi kuko ku mbibi z’ibihugu hatabaho kwibeshya .

Akomeza avuga ko atumva uburyo habaho kwibeshya indege ifite amasasu ikagwa mu mujyi wa Rubavu utuwe n’abaturage bangana kuriya bityo akaba yibaza uko byari kugenda iyo biba ari ndege y’u Rwanda yaguye ku butaka bwa Congo dore ko inasanzwe yita M23 abanyarwanda.

Ku gicamunsi cyo ku wa Mbere tariki 7 Ugushyingo 2022, nibwo Guverinoma y’u Rwanda yashyize hanze itangazo ivuga ko indege y’ingabo za Congo (FARDC), yo mu bwoko bwa Sukhoi-25 yavogereye ikirere cyayo, ndetse igwa umwanya muto ku kibuga cy’indege cya Rubavu, mu Ntara y’Iburengerazuba.

Iyo ndege yahageze ahagana 11h20, mu gitondo cyo kuri uyu wa Mbere tariki 7 Ugushyingo 2022.

Ku mugoroba wo ku wa Mbere, Minisiteri ishinzwe itumanaho muri Congo yashyize hanze itangazo ivuga ko indege ishinzwe ubutasi y’ingabo z’icyo gihugu “idafite intwaro yibeshye ikaguruka mu kirere cy’u Rwanda”.

Iryo tangazo rikomeza rivuga ko bitakozwe ku bushake cyangwa hagamijwe kuvogera ubusugire bw’ikindi gihugu, nk’uko nabo batishimira abavogera icyabo.

Ntabwo Guverinoma y’u Rwanda yatangaje niba hari indi migambi mibisha baba bamenye yagenzaga iyo ndege.

INTAMBARA YAFASHE INDI NTERA MURI CONGO|INDEGE Z’INTAMBARA ZIRIMO KURASA AMASASU URUFAYA KU BATURAGE

Kapiteni wa Kiyovu Sports, Kimenyi Yves yasabye abakunzi b’iyi kipe kuza kubashyigikira ari benshi ku mukino wa Rayon Sports ko na bo biteguye kubashimisha.

Umukino wa Kiyovu Sports na Rayon Sports ni umwe mu mukino urebwa n’abantu benshi cyane mu Rwanda bitewe n’ubukeba bw’aya makipe.

Ku munsi w’ejo rukaba ruzambikana hagati y’aya makipe ku isaha ya saa 18h kuri Stade Regional i Nyamirambo.

Kapiteni wa Kiyovu Sports, Kimenyi Yves akaba avuga ko biteguye neza igisigaye ari abafana kuza kubashyigikira.

Ati “ikipe imeze neza, yaba mu buryo bwo mutwe (mental) ndetse n’imbaraga z’umubiri (physical). Icyo twasaba abafana ndetse n’abakunzi ba Kiyovu Sports ni ukuza ari benshi bakadushyigikira turabizeza intsinzi ku munsi wo ku wa Gatanu.”

Mu mikino 9 iheruka guhuza aya makipe yombi, Kiyovu Sports yatsinzemo 4, Rayon Sports itsindamo 3 banganya 2.

Kwinjira kuri uyu mukino ni ibihumbi 50, ibihumbi 25, ibihumbi 10 ndetse n’ibihumbi 5 ahasigaye hose.

Icyamamare muri ruhago, umunya Côte d’Ivoire, Didier Drogba, yabeshyuje amakuru yavugaga ko yayobotse idini ya Islam nyuma yo kugaragara ku mafoto, arimo (…)

Teta uri kuvugwa mu rukundo na Don Jazzy wo muri Nigeria, nta makuru ye menshi azwi, gusa ni umunyarwandakazi w'uburanga bigaragara ko akunda gutigisa imbuga nkoranyambaga mu bihe bitandukanye. Atuye ku mugabane w’Uburayi mu gihugu cy’u Bufaransa.

Kuva Don Jazzy yashyira uyu mukobwa ku mbuga nkoranyambaga ze, akerekana ko ari umukobwa mwiza kandi akunda na cyane ko yabigaragarishije ikimenyetso cy'umutima, imbuga nkoranyambaga z’uyu mukobwa zazamutse cyane.

Amarangamutima y’uyu mugabo yarazamutse cyane, bihuzwa n'ibyo aherutse gutangaza avuga ko mu busanzwe we atabasha gukundana n'umugore umwe. Yavugaga ko uko we yiyumva bitewe n'amarangamutima ye, agirira irari abagore b'ikimero. 

Michael Collins Ajereh wamamaye nka Don Jazzy mu miziki, yavutse ku itariki ya 26 Ugushyingo 1982. Yegukanye ibihembo byinshi ku bwo kuba Producer mwiza, umwanditsi w'indirimbo akaba n'umuhanzi ukomeye muri Nigeria. 

Ni we washinze Label yitwa Mo' Hits Records mu 2004, ubu ayobora iyitwa Mavin Records yashinze mu 2012. Ari mu banyamuziki 10 bakize cyane muri Nigeria. Ikinyamakuru Legit.ng giherutse kwandika ko Don Jazzy atunze Miliyoni 10 z’amadorali y’Amerika, gusa hari ibindi binyamakuru bivuga ko umutungo we ubarirwa muri Miliyoni $100.

Teta biravugwa ko yatwaye umutima wa Don Jazzy

Teta ni umwe mu bakobwa b’ikimero

Teta atuye mu Bufaransa

Teta yakunzwe n’abatari bake nyuma yo kumubonana na Don Jazzy

Teta akunda gusohokera ahantu hakomeye

Don Jazzy yabwiye Teta ko ari mwiza

Teta ni we mukobwa wigaruriye umutima wa Don Jazzy