Blog

Iminsi ishize itari micye abantu batangiye kumva umuziki wa Yago, umwuga mushya yinjiyemo ashyira hanze indirimbo 'Suwejo' ayikurikiza 'Rata'. Izi zose zikaba zarakunzwe nk'uko binigaragaza ku mbuga zicururizwaho umuziki by'umwihariko urwa Youtube, rukoreshwa na benshi mu Rwanda.

Aho yise 'Suwejo' mu gihe kirengaho gato amezi abiri imaze kurebwa inshuro zigera kuri miliyoni 1.7, naho iyitwa 'Rata' imaze ukwezi kurenga, imaze kurebwa inshuro ibihumbi 519.

Indirimbo nshya yashyize hanze yumvikanamo abwira uwo akunda ko azahora amukunda atari ikindi icyo ari cyo cyose gituma amukunda, mbega nkuko indirimbo yayise atari ibiswingi 'Si Swing'.

Iyi ndirimbo ifite umwihariko wayo kuko igaragaramo umukobwa ukomeje kuvugisha benshi kubera imiterere ye yihariye, ituma abamukurikira biyongera umunsi kuwundi ariko by'umwihariko wamamaye mu mpera za 2022, ubwo yatangiraga kuvugwa mu rukundo na Harmonize.

Ibintu byafashe intera kugera n'uyu munsi bikamwongerera igikundiro n'ubwamamare muri iyi ndirimbo nshya Yago aba akina mu nguni zitandukanye udukino tw'urukundo na we, ari nako ikizungerezi gikomeza kugenda kinyeganyeza umubyimba.

Amajwi y'indirimbo 'Si Swing' yafashwe na Iyzo Pro ayungururwa na Bob Pro mu gihe amashusho y'iyi ndirimbo yafatiwe i Goma na Eazy Cuts, umwe mu batunganya amashusho bihagazeho muri iyi minsi afatanije na Tall Boy.

Yago yashyize hanze indirimbo nshya yise ‘Si Swing’Dabijou ni we Yago yifashishije mu mashusho y’indirimbo ye nshyaImiterere ya Dabijou ivugisha abatagira ingano ku mbuga nkoranyambaga

KANDA HANO WUMVE UNAREBE INDIRIMBO NSHYA ‘SI SWING’ YA YAGO

“>

Imyaka 4 ya Yannick Mukunzi muri Sweden mu ikipe ya Sandvikens IF, ni imyaka yahuriyemo n’ibihe bitandukanye bimwe bigoye ariko na none ahamya ko byatumye aba umugabo, kuri uyu munsi yishimira kuba yarabinyuzemo.

Muri Mutarama 2019 ni bwo Yannick Mukunzi yerekeje muri Sweden mu ikipe ya Sandvikens IF mu cyiciro cya 3 aho yari atijwemo na Rayon Sports. Intizanyo yarangiye mu Gushingo 2019 ari na bwo yahise asinya amasezerano y’imyaka 3, akaba aheruka kongera andi masezerano y’imyaka 2 muri Nzeri 2022.

Mu kiganiro cyihariye uyu mukinnyi ukina mu kibuga hagati yahaye ikinyamakuru ISIMBI, yagarutse ku buzima bwe mu gihe cy’imyaka 4 amaze muri Sweden akinira Sandvikens IF.

Umunsi wa mbere akigera muri Sweden, yavuze ko yari amaze kubona ko Imana imusubije ku masengesho yahoze asenga, yahise atekereza ikintu yazakora kugira ngo agume ku rwego rwiza.

Ati 'Kuva na kera nifuzaga gukina ku rwego rw’umukinnyi wabigize umwuga, ikintu natekereje bwa mbere nkigera muri Sweden ni nk’aho nari nsubijwe ku masengesho yanjye ku Mana, natekereje ikintu cyatuma nguma ku rwego rwiza kandi ndusheho kuzamuka.'

Ku kijyanye n’ikintu cyamutonze akigera muri Sweden, ngo ni ikirere kuko gitandukanye n’icyo mu Rwanda, ho harakonja cyane ari na cyo ahamya ko Sweden itandukaniyeho n’u Rwanda.

Ati 'ikintu cyantoze nkihagera, ni ikirere cyaho, ni cyo kintu cyantonze navuga. U Rwanda na Sweden icyo bitandukaniyeho cyane ni ikirere, n’aho ibindi biba ari iby’ubuzima nyine bisanzwe ariko iyo ugeze muri Sweden wumva ko hari ikintu gihindutse muri wowe bitewe n’ikirere gitandukanye n’icyo uvuyemo cyo mu Rwanda.'

Ubukonje ni cyo kintu cyamutonze akurikije no mu Rwanda yari avuye

Ikintu cyamugoye kumenyera cyane ni uguteka kuko yari avuye mu Rwanda afite umukozi umutekera, umukorera buri kimwe, agezeyo asanga ni we ugomba kwikorera byose, ahora yibuka uburyo yamaze amezi 2 arya muri restaurant kubera kunanirwa kwitekera kuko ntabyo yari azi, yabyigiye kuri YouTube.

Ati 'Ikintu cyangoye cyane ni uguteka, ni cyo kintu cyangoye, navuga ko guhita menya guteka byamfashe igihe, byansabye kwiga kandi nkajya nigira kuri YouTube.'

'Ikintu ntazibagirwa cyambayeho aha ngaha ni uko nkihagera namaze hafi amezi 2 ndya muri restaurant kubera kutamenya guteka, urumva ko i Kigali umuntu aba afite abakozi ariko nkigera hano byabaye ngombwa ko nzajya nitekera kandi ni ibintu ntari nzi, ni ibintu byangoye.'

Ikindi uyu mukinnyi yagarutseho ni ukumenyera agace yari atuyemo kubera ko nk’umuntu wari umenyereye gutembera byanze bikunze yagombaga kuyoba.

'Kuyoba ni ibisanzwe cyane kuko iyo umuntu ageze ahantu atari amenyereye, ari umuntu ugenda ni ngombwa ko ayoba, mbyambayeho kenshi.' Yannick aganira na ISIMBI

Yannick Mukunzi akaba atuye mu mujyi wa Sandviken, muri Leta ya Gävleborg aho ibarura ryakozwe muri 2019 ryagaragaje ko utuwe n’abaturage 39,234. Ni
umujyi avuga ko ari mwiza urimo umutekano nta kibazo na kimwe arahuriramo nacyo.

Gusa na none ngo ni umujyi urimo ibishuko cyane cyane ku rubyiruko biba bisaba ababyeyi kuba maso ku bana babo kugira ngo hatagira ikibahutaza.

Ati 'Ahantu hose ntabwo habura ibishuko cyane cyane hano i Burayi noneho ku rubyiruko, abana bakiri bato bafite imyaka 14, 15, usanga bajya mu bintu bitari byiza, bibasaba ko niba uri umubyeyi ubera amaso umwana wawe ukamucunga ku kantu kose kuko hari igihe usanga akora ibintu birenze utanatekereza, wenda ashobora kuba yanagurisha ibiyobyabwenge kandi ari umwana afite imyaka 14, ni ibintu bibaho cyane.'

Ntiyagowe n’imirire kuko ibiryo biboneka mu Rwanda no muri Sweden bibonekayo, gusa ngo hari ibyo bakunda bitandukanye n’ibyo mu Rwanda ariko ukeneye ibiryo bya Kinyafurika hari amahahiro bigurirwamo.

Kuba umuntu yasohoka akajya aho byabereye aka ya mvugo y’ubu (mu tubari no mu tubyiniro) n’aho bibayo gusa ngo aho bitandukaniye ni uko ho hari amasaha ntarengwa baba bagomba kuba bafunze.

Ati 'gusohoka navuga ko ari ibisanzwe kimwe no mu Rwanda ariko hano hari bimwe na bimwe bitandukanye nko mu tubyiniro nyine ahantu babyinira bagira amasaha bafungira, amasaha aba ari saa munani z’ijoro ari yo saha ya nyuma, ugasanga bafunga iyo saha ariko mu Rwanda urabizi ko ari ukugeza mu gitondo.'

Umwaka we wa mbere muri Sandvikens IF yatowe nk’umukinnyi w’umwaka muri iyi kipe, yabifashijwemo no gukora cyane atitaye ku zindi mbogamizi zose zirimo n’ikirere cyamubereye ihurizo ariko aza kubigeraho.

Mu gihe amaze muri iyi kipe, bahora barwanira kuzamuka mu cyiciro cya kabiri ariko ntabwo barabigeraho, umwaka ushize wo bagarukiye ku mukino wa kamarampaka, ngo ni amahirwe babura nta kindi ariko intego ni ukuzamuka ntacyahindutse.

Ati 'Navuga ko intego yo kuzamuka ntabwo byakunze, navuga ko kuva nagera hano umwaka wa mbere ntibyabaye byiza twabaye aba 5 ariko ni ikipe yabaga ari nk’iya 8, imyaka ikurikiraho tugenda dusatira tukaba aba 3, nk’umwaka ushize twabaye aba 2, navuga ko ni amahirwe, mu mupira habamo amahirwe buriya igihe cyacu kizagera bitari kera n’uyu mwaka birashoboka ni yo ntego yacu.'

Imvune yo mu ivi yagize igatuma adakina umwaka w’imikino ushize ni kimwe mu bintu byamugoye cyane ariko yirinze kubitekerezaho cyane ahubwo akurikiza inama z’abaganga ngo azagaruke ameze neza.

Ati 'Umwaka wose ushize ntabwo nigeze ngaragara kubera ikibazo cy’imvune, ikintu natekerezaga ni ukugaruka, gukurikiza amabwiriza y’abaganga kugira ngo ngaruke meze neza ni cyo natekerezaga.'

Imvune yagize ni byo bihe bigoye yahuye nabyo kuva yagera muri Sandvikens IF

Nubwo yari ku mpera z’amasezerano ye nta mpugenge yagize kubera ko yari azi neza ko ubwo yari muzima yakinnye neza afite n’andi makipe amwifuza bityo ko ikipe ye yagombaga kumwongera amasezerano, ni nako byaje kugenda baza kuyamwongera muri Nzeri 2022, yari ataranakira neza ibintu avuga ko byamweretse ko imyaka yari ahamaze atakoraga ubusa ahubwo hari icyo yakoreye ikipe ye.

Agaruka kubibaza impamvu agikina mu cyiciro cya gatatu muri Sweden, yagize ati 'Abibaza impamvu nkikina mu cyiciro cya 3, iyo utazi ibintu by’umupira w’amaguru nk’umufana ni ko umuntu yabivuga, ntabwo bazi imibereho y’aha, ikintu abantu batazi hano hari ikipe yo mu cyiciro cya kane iba iruta iyo mu cyiciro cya kabiri, mu buryo bw’ubushobozi no gukina bitewe wenda nubwo iyo kipe iri mu cyiciro cya kabiri irushwa izina kuko n’izina ni ikintu gikomeye, umuntu ubivuga ntabwo muha agaciro, muri ruhago tuba tureba 'career’ yacu ariko tuba tureba n’imibereho.'

'Ntekereza ko iyo ikipe igufashe neza, iguha ibyo ushaka hanyuma ikipe iri hejuru ikaguha ibiri munsi y’ibyo ubona, ntabwo wajya muri iyo yo hejuru, ruhago ubu isigaye ari ubucuruzi ariko ntabwo bivuze ko nta makipe yanshatse, ntaravunika amakipe yaranshatse cyane ariko nari mfite amasezerano ya Sanvikens IF, ntitwumvikanye neza n’ayo makipe yanyufuzaga, ni igihe kitaragera kuko ndi umukinnyi wakiwfuzwa n’amakipe menshi kandi meza, ibyo nkubwira ndabizi kuko narabibonye.'

Mu mikino amaze gukinira iyi kipe, umukino wamushimishije ni umukino wa Sollentuna kuko yanawutsinzemo igitego n’aho umukino wamubaje ni umukino yavunikiyemo mu Kwakira 2021 ubwo batsindwaga na Täby FC 3-1 muri shampiyona.

Ni ikipe yagiriyemo ibihe byiza

Kwisanga muri Sweden ari wenyine nubwo byamugoye ariko na none yabifashe nk’ibihe byiza kuko byatumye akura amenya byinshi, umuryango we umusanzeyo yishimye kurushaho.

Ati 'ibihe byiza navuga, ni ibihe nagize aha nubwo ntari kumwe n’umuryango hari ibyo nize, undi muntu ashobora kubibona nk’ibihe bibi kuko yahise akura akora ibyo atari asanzwe akora ariko njye mbifata nk’ibihe byiza kuko byatumye menya byinshi, menya guteka n’ibindi. Ibindi bihe byiza nagize ni igihe umuryango wanjye waje unsanga hano tukaba turi kumwe.'

Avuga ko kumara imyaka 2 atari kumwe n’umruyango we (Iribagiza Joy n’umuhungu we Mukunzi Ethan) byamugoye cyane ariko avuga ko mbere yo kugenda umugore we yamubwiye ko agomba kumva ko atari wenyine, yahura n’ikibazo akamenya uburyo agikemura nk’umugabo kandi bavuganaga umunsi ku munsi.

Ati 'Naje hano narakoze Umurenge (gusezerana imbere y’amategeko), kumara imyaka 2 ndi njyenyine ntabwo byari byoroshye, inama yangiriye mbere y’uko mpaguruka ni ukumva ko ntari njyenyine kandi twahoraga tuvugana anyifuriza ibyiza, ambwira ko icyo nzahura nacyo cyose nzamenye uko nkitwaramo kuko ndi umugabo kandi ndashoboye, menye intego dufitanye y’ubuzima.'

Mu mpera za 2021 nibwo umuryango we waje kumusangayo, yavuze ko byamufashije cyane kuko byatumye yumva atari wenyine bituma kumwe yatahaga yisanga noneho yari afite uwo asanga bakaganira, ndetse ngo no mu mirimo hari ibyo yagiye amufasha cyane.

Umuryango we waje kumusangayo, avuga ko byamushimishije cyane

Umugore we Iribagiza Joy yamugiriye inama kandi amwereka ko bari kumwe igihe cyose

Yannick Mukunzi w’imyaka 27 usanzwe ukina mu kibuga hagati no mu ikipe y’igihugu Amavubi avuga ko intego afite ari ugukina ku rwego rushimishije kandi akurikije inzira arimo abona bizashoboka.

Kuba agikina mu cyiciro cya 3 ngo si uko yabuze indi kipe yakinira kuko arahari menshi icyabuze ni uguhuza

Igihe cyose ayimazemo avuga ko yamubereye nk’umuryango

Ikibura ni amahirwe n’aho ubushobozi barabufite, isaha n’isaha yizeye ko bazazamuka mu cyiciro cya kabiri

Shampiyona y’icyiciro cya mbere mu mupira w’amaguru mu Rwanda umwaka w’imikino 2022-23 irakomeza hakinwa imikino y’umunsi wa 18, abakinnyi 5 ni bo batemerewe gukina uyu munsi.

Uyu munsi hateganyijwe umukino umwe rukumbi uri bubere mu Bugesera aho ikipe ya Gorilla FC iribwakire Gasogi United saa 15h00′.

Indi mikino izakomeza ejo no ku Cyumweru. Ejo hazaba imikino 3 irimo uwo Sunrise FC izakiramo APR FC kuri Golgotha Stadium, AS Kigali yakire Police FC kuri Bugesera Stadium.

Ku Cyumweru tariki ya 5 Gashyantare 2023 hazaba imikino 4 aho uwitezwe na benshi ari na wo wafashwe nk’umukino w’umunsi ni uwo Rayon Sports izakiramo Kiyovu Sports kuri Stade ya Muhanda.

Kugeza uyu munsi APR FC ni yo iyoboye urutonde n’amanota 34, AS Kigali ifite amanota 33, Gasogi United ya Rayon Sports zifite 32, Kiyovu Sports ifite 31, Marines FC ni yo ya nyuma n’amanota 7 mu gihe Espoir FC iyibanziriza ni Espoir FC ifte amanota 10.

Gahunda y’umunsi wa 18

Ku wa Gatanu tariki ya 3 Gashyantare 2023

Gorilla VS Gasogi United

Ku wa Gatandatu tariki ya 4 Gashyantare 2023

Sunrise FC vs APR FC
Rutsiro FC vs Mukura VS
AS Kigali vs Police FC

Ku Cyumweru tariki ya 5 Gashyantare 2023

Espoir FC vs Bugesera FC
Marines FC vs Rwamagana City
Musanze FC vs Etincelles
Rayon Sports vs Kiyovu Sports

Abakinnyi batemerewe gukina umunsi wa 18

1. MUHINDA BRIAN (BUGESERA FC)
2. NSABIMANA AIMABLE (KIYOVU SC)
3. JEAN CLAUDE MUGIRANEZA ( MARINE
4. MUTIJIMA JANVIER (RWAMAGANA FC)
5.IZABAYO DANIEL (ETINCELLES FC)

Nsabimana Aimable wa Kiyovu Sports ntiyemerewe gukina umunsi wa 18

Yannick Mukunzi avuga ko mu buryo butaziguye yagize uruhare kugira ngo Byiringiro Lague abe yasinyira Sandvikens IF asanzwe akinira kuko yabwiye ubuyobozi bw’iyi kipe ko ari umukinnyi mwiza.

Tariki ya 26 Mutarama 2022, Byiringiro Lague yerekanywe n’ikipe ya Sandvikens IF yo mu cyiciro cya gatatu muri Sweden isanzwe ikinamo umunyarwanda, Yannick Mukunzi.

Mu kiganiro yagiranye n’ikinyamakuru ISIMBI, Yannick Mukunzi yavuze ko atari we watumye ikipe ye ibona Lague ariko na none mbere yo kumugura bamubajije niba amuzi ndetse niba anafite ubushobozi ku buryo bamugura.

Ati “Ntabwo ari njye watumye ikipe ibona Lague, ni umu-agent ntazi wenda ukorana na Lague ariko nabigizemo uruhare kuko umuyobozi mukuru w’ikipe ninjye muntu wa mbere yabajije niba nzi Lague, ambaza uko ameze, uko akina kandi nanjye urumva umuntu ubonaho ubushobozi kandi umuziho ibyiza, ubona ari umukinnyi mwiza urumva ko nagombaga kumuvugaho ibyiza, ni byo ntabwo nabeshye.”

Yakomeje avuga ko yababwiye ko ari umukinnyi mwiza uzabagirira akamaro yaba mu kibuga no mu bucuruzi.

Ati “Barambaza niba uko mubona ashobora kuza, nanjye nabahaga ishuho yose nti ni umukinnyi ushobora kuza akaba mu bakinnyi beza mufite aha ngaha, ni uko byagenze, bangishije inama niba bashyiramo imbaraga zishoboka zose, mbabwira ko ari umukinnyi mwiza 100%, kereka ari bya bindi Imana iba yateguriye ariko uko muzi ni umukinnyi mwiza azabagirira akamaro mu bijyanye n’akazi no mu bijyanye n’ubucuruzi.”

Mukunzi Yannick amaze imyaka 4 akinira iyi kipe muri Sweden, agiye gukinana na Byiringiro Lague wakiniraga APR FC ariko akaba yaramugurishije muri Sandvikens IF, bombi bakaba bari basanzwe bahurira mu ikipe y’igihugu.

Byiringiro Lague yamaze kugurwa ha Sandvikens IF

Yannick Mukunzi yavuze ko yabajijwe kuri uyu mukinnyi akamuvuga uko amuzi

Ni inama izaba ku wa 7-10 Werurwe 2023, ikazahuza ibihugu bigera kuri 40 hagamijwe kurebera hamwe uburyo serivisi z'ibimenyetso bya gihanga bikoreshwa mu butabera zashyirwamo imbaraga, mu gutuma Afurika iba umugabane utekanye.

Biteganyijwe ko bwa mbere mu mateka yayo iyi nama izahemberwamo inzobere, ibigo ndetse n'ibihugu byagize uruhare mu guteza imbere uru rwego, bikazakorwa mu buryo bwo gukangurira ibindi gushyiramo imbaraga.

Umuyobozi Mukuru wa RFL, Dr. Charles Karangwa, avuga ko u Rwanda rwabaye amahitamo meza y'aho iyi nama ya cumi yabera, kuko rufite umutekano n'ibikorwaremezo bihagije.

Mu bindi byarebweho ni imbaraga rushyira mu kurwanya ruswa, no kuba rwaragaragaje ubudasa mu gutegura inama mpuzamahanga zitandukanye.

Ibi kandi ngo byiyongera ku kuba rufite ikigo gikomeye mu bijyanye na serivisi z'ibimenyetso bishingiye ku bumenyi n'ubuhanga bikoreshwa mu butabera, gifite ubushobozi bwo gutanga serivisi zikenewe mu gihe gito.

Kuri iyi nshuro, iyi nama iteganijwe kuzitabirwa n'abantu barenga 400 baturutse hirya no hino ku Isi.

Dr. Karangwa yemeza ko u Rwanda ruzayungukiramo byinshi birimo kuba ruzakomeza kumenyekana ku Isi, nk'igihugu cyateje imbere serivisi z'ibimenyetso bishingiye ku buhanga bikoreshwa mu butabera.

Yavuze ko iyi nama izafasha mu kwinjiza amadevize kuko abashyitsi bazakenera ibintu byinshi mu gihugu, birimo gusura ibikorwa by'ubukerarugendo.

Ati 'Birumvikana ko bazakenera serivisi z'ingendo, barare mu mahoteli yo mu Rwanda, ariko kandi u Rwanda ruzakomeza kugaragaza ko ari igihugu cyimirije imbere kuba igicumbi cya serivisi z'ibimenyetso bishingiye ku buhanga ku rwego rwa Afurika n'urw'isi.'

Iyi nama izitabirwa n'inzobere n'abahanga muri uru rwego baturutse muri Leta Zunze Ubumwe za Amerika, Aziya, u Burayi, Oceania na Afurika. Izaba inarimo abazaba baje kumurika ibyo bakora, baturutse mu bihugu bigize iyo migabane.

Byose ni mu buryo bwo guhuza imbaraga ndetse no gufatanya, kugira ngo hubakwe urwego rutanga serivisi z'ibimenyetso bishingiye ku bumenyi n'ubuhanga rukomeye, mu gihe haba habonetse ibibazo bibisaba bikaboneka ku buryo bwihuse.

U Rwanda ubu rumaze gutera intambwe igaragara mu bijyanye n'uru rwego kuko kuva hatangizwa Laboratwari y'ibimenyetso bya gihanga mu 2005, yahawe imbaraga mu buryo butandukanye, ariko iguma mu maboko ya Polisi y'Igihugu.

Mu gukomeza gushaka uko yakora kinyamwuga, iyi laboratwari yagiranye amasezerano n'ikigo cy'Abongereza, Key Forensic Services, yo kubaka no gutanga ibikoresho bibereye iyi laboratwari.

Nyuma y'uko mu 2016 hatowe itegeko rishyiraho RFL, mu 2018 yatangiye guha serivisi inzego z'ubutabera, abikorera, abaturage n'abandi mu buryo bwihuse kandi bugezweho.

Muri uyu mwaka ni nabwo iyi Laboratwari yakuwe mu nshingano za Polisi ihabwa ubuzima gatozi, yitwa “Rwanda Forensic Laboratory: RFL” aho ubu irebererwa na Minisiteri y'Ubutabera.

Ubu ifite ibikoresho bigezweho bifite agaciro k'arenga miliyari n'igice ndetse n'abakozi b'inzobere, bikayiha ubushobozi bwo gusuzuma ibimenyetso bya gihanga bikoreshwa mu butabera, aho ishobora gupima ikintu umuntu yariye cyangwa yanyoye gihumanye.

Kugeza ubu RFL itanga serivisi zirimo gupima uturemangingo ndangasano (DNA), gupima ibinyabutabire mu maraso y'abantu, gupima umurambo, gupima ibikomere byatewe n'ihohoterwa no gupima imbunda n'amasasu.

Iyi laboratwari kandi ipima amajwi n'amashusho, inyandiko zigirwaho impaka, gupima aho umuntu yakoze cyangwa yakandagiye, gusuzuma ibimenyetso by'ibyaha byakozwe hifashishijwe ikoranabuhanga, no gusuzuma ibihumanya.

Kugeza mu Ugushyingo umwaka ushize, RFL yagaragazaga ko ibihugu bisaga 20 byo muri Afurika biyigana.

Ku nshuro ya mbere i Kigali hagiye kubera inama ya ASFM izahuza inzobere mu bimenyetso bya gihanga bikoreshwa mu butabera