Webrwanda Backend

Blog

  • Kenya yanditse amateka muri Kigali Peace Marathon mu bihugu 48 byitabiriye (…) – Umuryango.rw #rwanda #RwOT

    Kuri iki Cyumweru habaye Isiganwa Mpuzamahanga rya Kigali ryitiriwe Amahoro 2023 George Onyancha aryegukana muri Marathon yuzuye y'ibirometero 42,195 KM, mu gihe Kennedy Kipyeko yegukanye umwanya wa mbere muri 1/2 cya Marathon.

    George Onyancha wari wegukanye umwanya wa gatatu muri Kigali International Peace Marathon ya 2022, uyu mwaka ni we wegukanye umwanya wa mbere muri iri siganwa ryabaga ku nshuro ya 18 aho ibirometero 42,195 yabyirukanse akoresheje amasaha 2 iminota 17 n'amasegnonda 41, ahita anahabwa igihembo cy'ibihumbi 20 by'amadolari. Uyu mugabo yakurikiwe na bagenzi be 7 bakomoka mu gihugu kimwe.

    Mu bagore, Moseti Winfridah Mora niwe wabaye uwa mbere akoresheje isaha imwe, iminota 12 n'amasegonda 35. Ku mwanya wa kabiri, haje Lelei Lilian Jepkemboi akoresheje isaha 1 iminota 13 n'amasegonda 31. Ku mwanya wa gatatu haje Aramisi Susan Chambai wakoresheje isaha 1 iminota 14, n'amasegonda 30. Yankurije Marthe niwe munyarwanda waje hafi, akaba yaje ku mwanya wa 7 akoresheje isaha 1 iminota 15 n'amasegonda 40.

    Iyi Kigali international Peace Marathon niyo yabaye iya mbere yitabiriwe n'abantu benshi bagera ku bihumbi 8526. Muri aba bakinnyi bose bitabiriye, bavuye mu bihugu 48 bitandukanye. U Rwanda nirwo rwari rufite abakinnyi benshi nk'igihugu cyakiriye.

    Ibihugu byari bifite abakinnyi muri Kigali international Peace Marathon 2023: U Rwanda, Jamaica, Argentina, Australia, Bangladesh, Tunisia, Tchad, Botswana, Bulgaria, Sudan, Chile, Ivory coast, Osterreich, Napal, Spain, Mexico, Egypt, Yemen, Ghana, Haiti, Ile De Reunion, Magyarorszag, Slovenia, Slovensko, Zambia, St Barthelemy, Liberia, Lietuva, South Sudan, Malaysia, Switzerland, Mozambique, Polska, South Africa, Cameroon, Portugal, Denmark, Italy, Zimbabwe, Nigeria, Nigeria, Senegal, Canada, Netherlands, Gabon, UK, Burundi DRC na Ethiopia.

    Iri siganwa ryitabiriwe kandi n'abantu batandukanye basiganwe byo kwishimisha mu ntera y'ibirometero 10. Aba barimo Minisitiri wa Siporo Munyangaju Aurore Mimosa, Minisitiri w'Ubuzima Dr Nsanzimana Sabin, Minisitiri w'Ibikorwa by'Ubutabazi, Kayisire Marie Solange; Meya w'Umujyi wa Kigali, Pudence Rubingisa; Umuyobozi Mukuru wungirije w'Urwego rw'Igihugu rw'Iterambere, Mukazayire Nelly na Michaella Rugwizangoga uyobora Ishami ry'Ubukerarugendo muri RDB.

    Source : https://umuryango.rw/imyidagaduro/imikino/article/kenya-yanditse-amateka-muri-kigali-peace-marathon-mu-bihugu-48-byitabiriye-uyu

  • Miss Muheto umaranye ikamba imyaka 2 agiye guhagararira u Rwanda muri Miss (…) – Umuryango.rw #rwanda #RwOT

    Miss Muheto Nshuti Divine wegukanye ikamba rya Miss Rwanda 2022 yasohotse ku
    rutonde rw'abakobwa bazitabira irushanwa rya miss Miss Miss World rigiye kuba ku nshuro yaryo 71 ,rikaba riteganyijwe kuzabera Mubuhinde.

    Iri rushanwa byari biteganyijwe ko rizabera muri Leta Zunze Ubumwe z'Abarabu (UAE), ubuyobozi bwaryo bwahise bwanzura ko rigomba kubera mu Buhinde mu mpera z'uyu mwaka.

    Ni rimwe mu marushanwa y'ubwiza atanu akomeye ku isi arimo na Miss Earth, Miss Universe, Miss Supranational na Miss International.

    U Buhinde bugiye kwakira iri rushanwa ku nshuro ya kabiri nyuma y'imyaka 27 yari ishize bataryakira kuko ryaherukaga kuhabera mu 1996.

    Umuyobozi wa Miss World, Julia Morley yavuze bishimiye ko rigiye kubera mu Buhinde, igihugu yasuye mu myaka 30 ishize.

    Aba bakobwa bazamara ukwezi mu Buhinde. Biteganyijwe ko iri rushanwa rizaba hagati ya Ugushyingo na Ukuboza 2023.

    Nshuti Muheto Divine mu ijoro ryo ku wa Gatandatu rishyira ku Cyumweru tariki 20 Werurwe 2022 ni bwo yambitswe ikamba rihabwa umukobwa uhiga abandi mu buranga, ubwenge n'umuco.

    Uyu mwari w'imyaka 19 y'amavuko dore ko yabonye izuba ku itariki 21 Ukuboza 2002, yavukiye mu mujyi wa Kigali ari naho yakuriye n'abana bane bavukana akaba uwa kabiri muri bo.

    Yize mu Ishuri ry'Incuke rya Kigali City School, akomereza amashuri abanza mu Ishuri ribanza rya Kingdom Education Centre. Mu Cyiciro Rusange [Tronc Commun] yize mu Ishuri rya Mutagatifu Marie Adelaide mu Karere ka Kamonyi.
    Amashuri yisumbuye yayize muri Fawe Girls School, ishami rya Gahini, aho yize ibijyanye n'imibare, ubukungu n'ubumenyi bw'Isi.

    Source : https://umuryango.rw/imyidagaduro/article/miss-muheto-umaranye-ikamba-imyaka-2-agiye-guhagararira-u-rwanda-muri-miss-miss

  • Madedeli yahishuye inkomoko yigisigo Intash… – #rwanda #RwOT

    Mu kiganiro yagiranye na InyaRwanda agaruka ku gisigo cye yasobanuye uko yafashe umwanzuro wo gutangira ku gikora.

    Ati:' Uko byaje nuko hari bamwe mu basizi twaganiriye ku nganzo mbabwira ko mbikunda kandi nifuza kuba nabikora bambwira ko nabikora  nkabishobora numva banteye imbaraga mbitangira gutyo.'

    Yongeraho ati:'Nahise mpera ku gisigo nise 'Intashyo ' nagikoze mu rwego rwo kwifatanya n'abanyarwanda kwibuka ku nshuro ya 29 Jenoside yakorewe Abatutsi muri Mata 1994 no kubahumuriza kuko ari umusanzu ngomba igihugu.'

    Madedeli yanagenye ubutumwa urubyiruko rugenzi rwe ati:' Twese nk'urubyiruko dukwiye kwirinda ingengabitekerezo ya Jenoside dusenyera umugozi umwe, twirinda amacakubiri kuko ariyo yagejeje igihugu cyacu habi dutange urugero Rwiza ku bakiri bato n'icyizere ku babyeyi bacu.'

    Uyu mukobwa ari mu banyempano bakomeye u Rwanda rufite by'umwihariko muri filimi akaba yaninjiranye imbaraga mu busizi zigaragaza ko naho azagera kure.

    Madedeli ari mu bakinnyi ba filimi batanga icyizere Yashyize hanze igisigo yise ‘Intashyo’

    KANDA HANO WUMVE IGISIGO ‘INTASHYO’

    “>

    Source : https://inyarwanda.com/inkuru/130430/madedeli-yahishuye-inkomoko-yigisigo-intashyo-yashyize-hanze-130430.html

  • Operasiyo Gapapu: Umupango wa Junior Giti wo… – #rwanda #RwOT

    Bugingo Bonny wamamaye nka Junior Giti mu mwuga wo gusobanura filime mu Kinyarwanda no mu kazi ko kureberera inyungu z'abahanzi biravugwa ko ageze kure ibiganiro biganisha umuhanzi mushya Manick muri Giti Business Group.

    Junior Giti umaze kugeza ku rwego rushimishije umuhanzi Chriss Eazy ngo yabengutse impano y'uyu muhanzi mushya asanga kumwongera muri iyi kipe ngari byakomeza gushimangira izina amaze kubaka mu kazi ko kureberera inyungu z'abahanzi.

    InyaRwanda yahawe amakuru yemeza ko ibi biganiro bimaze igihe hagati y'impande zombi, ndetse ko hari imishinga imwe n'imwe uyu mugabo w'abana babiri ari yafashijemo uyu musore muto. Uwaduhaye amakuru utifuje gutangazwa yakomeje avuga ko Manick yari afitwe na Rocky Entertainment ya Rocky Kimomo.

    Uko Junior Giti yabengutse impano y'umuhanzi witwa Manick, akagambirira kumwambura bucece inshuti ye Rocky Kimomo

    Junior Giti usanzwe ari umuyobozi wa Giti Business Group ngo yabengutse impano ya Manick nyuma yo kumva zimwe mu ndirimbo uyu musore yakoze mu myaka yabanje agifashwa na Njuga uzwi muri sinema nyarwanda.

    Nyuma yo kumva no gushima impano ye, uyu mugabo uzwiho kudahisha amarangamutima [Kutaba Indyarya] yiyemeje kumugerageza niko kumukorera indirimbo yise 'Torera' yashyize hanze tariki 24 Ugushyingo 2022.

    Uyu mugabo ngo yajyanye uyu  muhanzi kwa Producer Element Eleeh nawe waje guha umugisha iyi mpano ari nawe wakoze iyi ndirimbo navuze haruguru. Nyuma yo kumva amajwi y'indirimbo Giti ngo yahisemo gukora ku nshuti ze za hafi zirimo Samy n'abandi bamufasha gukora amashusho yayo.

    Iyi ndirimbo nubwo itamenyekanye cyane, uwaduhaye amakuru avuga ko Juniro yayikunze cyane kugeza aho yayitambutsa kuri filime hafi ya zose yakoze mu mpera za 2022, akajya abwira abantu ko bakwiye kwitega uwo mwana w'umuhungu.

    Yagize ati' Oya uze kongera kureba filime nyinshi yasohoye mu mpera z'umwaka ushize iriya ndirimbo yariho. Uze no kunyura ku mbuga nkoranyambaga za Manick urebe naho yaramushimiye bya danger [Cyane].'

    Uretse kuririmba ngo Manick yamurikiye Junior Impano idasanzwe yo kwandika indirimbo bituma uyu mugabo amukundira icyo, ndetse yiyemeza gushaka uburyo bwose agomba kumwinjiza muri Giti Business Group imaze kwambutsa imipaka umuhanzi wa mbere yasinyishije Chriss Eazy.


    Aya makuru akomeza avuga ko uyu muhanzi yabanje guhura na Junior Giti ari nako kumukorera indirimbo akanashima impano ariko akazi kakamuzitira ntabone uburyo bwo kubyirukamo, bigaha icyuho Rocky Kimomo cyo kwirobera ifi atavunitse.

    Ati' Urumva umwaka ushize nibwo Junior yamukoreye iriya ndirimbo aranayikunda cyane ariko ahita agira akazi kenshi. Nibwo rero Rocky baganiriye aba atangiye kumufasha kugeza ubu niwe wavuga ko wari umufite.'

    Rocky Kimomo niwe wari ufite uyu munyempano

    Tariki 25 Werurwe 2023 Rwiyemezamirimo  Marc Uwizeye wubatse izina nka Rocky Kimomo ubwo yari mu birori byo kumurika filime ye ya mbere yise 'Umujinya w'Umusirikare' yamuritse Umuhanzi Manick twagarutseho haruguru avuga ko ari murumuna we ufite impano idasanzwe yo kuririmba.

    Icyo gihe uyu musore ukiri muto yataramiye ibyamamare bitandukanye byari byitabiriye ibi birori birimo Umunyemari Coach Gael, Umuyobozi mukuru wa EastFlix Kenny, Abahanzi barimo Chriss Eazy, Juno Kizigenza n'abandi benshi banyurwa n'impano ya Manick.

    Aya makuru twakiriye akomeza yemeza ko Rocky Kimomo atavukana mu nda na Manick ahubwo ko ari umuhanzi mushya yari agiye kwinjiza muri Rocky Entertainment yari imaze igihe idakorana n'abahanzi nyuma yo gutandukana n'Umuraperi Papa Cyangwe.

    Yagize ati' Iriya yari Renge [Kwijijisha], ntabwo bavukana ahubwo ni uburyo yashakaga kumwamamaza kugira ngo mumumenya. Nizera ko yavuze biriya baramaza kumvikana nubwo amasezerano yanditse ntayo nabonye.'

    Nyuma yo kuvuga ko bavukana kandi ari murumuna we muto, Rocky yarengejeho ko 'Ibye biraza gusobanuka mu minsi iri imbere' byumvikanisha ko aba bombi bari baragiranye ibiganiro bishobora kuba byaravuyemo imikoranire.

    Kuva yatangaza ibi Rocky Kimomo ntaramurika umuhanzi runaka ashobora kongera gukorana nawe mu buryo bwo kureberera inyungu ze uretse umuramyi Emeline Penzi n'Umuhanzi Ganza batangaje ko abafasha bya hafi mu muziki bakora.

    Abajijwe ku kuba Rocky hari icyo yaba azi ku biganiro by'imikoranire biri hagati y'inshuti ye Junior Giti n'uyu muhanzi mushya, yavuze ko bishoboka ko ntabyo azi kuko amaze iminsi ahugiye mu kazi ariko ko adaheruka kugira icyo atangaza ku hazaza h'uyu musore Manick.

    Iyi nkuru irakomeza.

    Ibiganiro byinjiza Manick muri Giti Business Group yashinzwe na Rwiyemezamirimo Junior Giti bigeze kure

    Umwaka ushize wa 2022 Manick yashimiye Junior Giti kubwo kumukorera indirimbo 'Totera'

    Rocky Kimomo yashimye Impano ya Manick agisohora ‘Torera’ yafashwijwemo na Junior Giti 

    Muri Werurwe 2023, Rocky yatangaje ko uyu musore bavukana amumurikira abantu yongeraho ko ibye bizasobanuka vuba

    Chriss Eazy umuhanzi wa mbere wasinye muri Giti Business Group ageze kure imyiteguro yo gushyira hanze indirimbo nshya yise 'La la' yakoranye na Kirikou Akili uri mu bagezweho mu Burundi

    Mu birori Rocky yamurikiyemo umuhanzi mushya Manick, Junior Giti yari mu bishimiye impano uyu musore yagaragaje

    Kanda hano urebe indirimbo ‘Torera’ Manick yakorewe na Junior Giti
    “>

    Source : https://inyarwanda.com/inkuru/130432/operasiyo-gapapu-umupango-wa-junior-giti-wo-gucapura-umunyempano-rocky-kimomo-130432.html

  • Rayon Sports yamubereye umuranga mwiza! Leandre Essombe Onana we n’umureberera inyungu bafashe rutemikirere bagiye gusinyira ya kipe ihangamura ibigugu muri Africa – YEGOB #rwanda #RwOT

    Rutahizamu ukomoka muri Cameroon wakiniraga ikipe ya Rayon Sports, Willy Leandre Onana we n'umureberera inyungu 'Agent' witwa Alex Karenzi kuri iki cyumweru tariki 11 Kamena 2023, berekeje muri Tanzania mu ndege ya RwandAir aho agiye gushyira umukono ku masezerano yo gukinira Simba SC, bamaze iminsi mu biganiro.

    Iyi kipe ya Simba SC, yabaye ubukombe mu makipe ya Africa, doreko ko iherutse no ku gera muri 1/4 cya CAF Champions, yasezererwa na Wydad AC kuri penariti 4-3.

    Uyu rutahizamu, Onana, nawe yigaragaje neza muri shampiyona y'umupira w'amaguru mu Rwanda 2022-2023, kuko niwe watsinze ibitego byinshi '16'.

    Source : https://yegob.rw/rayon-sports-yamubereye-umuranga-mwiza-leandre-essombe-onana-we-numureberera-inyungu-bafashe-rutemikirere-bagiye-gusinyira-ya-kipe-ihangamura-ibigugu-muri-africa/

  • Kwambara yikwije ntabwo ari utuntu twe! Miss Ivana Knoll wabaye ikimenyabose mu gikombe cy’Isi cyo muri Qatar yitabiriye umukino wa nyuma wa Uefa Champions yambaye impenure – AMAFOTO – YEGOB #rwanda #RwOT

    Umukobwa wabaye ikimenyabose mu gikombe cy'Isi cya 2022 cyabereye muri Qatar, Miss Ivana Knoll ukomoka muri Croatia, yongeye kugaragara ku mukino wa nyuma wa Uefa Champions yambaye atikwije.

    Uyu mukobwa warangaje abatari bake bitabiriye igikombe cy'Isi cyo muri Qatar kubera imyambarire ye, yari yabukereye ku mukino ikipe ya Manchester City yatwaye igikombe Inter Milan iyitsinze igitego 1-0.

    Source : https://yegob.rw/kwambara-yikwije-ntabwo-ari-utuntu-twe-miss-ivana-knoll-wabaye-ikimenyabose-mu-gikombe-cyisi-cyo-muri-qatar-yitabiriye-umukino-wa-nyuma-wa-uefa-champions-yambaye-impenure-amafoto/

  • Canada yoherereje kraine indege y'u Burusiya yarifite – Umuryango.rw #rwanda #RwOT

    Indege yo mu Burusiya Guverinoma ya Canada yafatiriye igiye guhabwa Ukraine mu rwego rwo gushyira igitutu ku Burusiya ngo buhagarike intambara bumazemo igihe.

    Byatangajwe kuri uyu wa Gatandatu mu gihe Minisitiri w'Intebe wa Canada, Justin Trudeau ari mu ruzinduko muri Ukraine.

    Iyo ndege y'imizigo yo mu bwoko bwa Antonov-124 ni iyo sosiyete y'indege Volga-Dnepr yo mu Burusiya. Icyo gihugu cyari cyayitije Canada ngo itware inkingo za Covid-19 zavuye mu Bushinwa mu 2022.

    Iyo ndege yageze muri Canada tariki 27 Gashyantare 2022, umunsi umwe mbere y'uko Canada ibuza izindi ndege zose zivuye mu Burusiya kugwa ku butaka bwayo.

    Iyo ndege yabujijwe guhaguruka muri Canada, kugeza ubwo icyo gihugu cyatangarije ko igiye guhabwa Ukraine.

    Minisitiri w'Intebe wa Canada, Trudeau yemereye Ukraine inkunga ya gisirikare ingana na miliyoni 375 z'amadolari yiyongera kuri miliyari 8 z'amadolari icyo gihugu kimaze gutanga guhera mu 2022.

    Source : https://umuryango.rw/amakuru/mu-mahanga/article/canada-yoherereje-kraine-indege-y-u-burusiya-yarifite

  • Abanya-Kenya na Ethiopia bihariye ibihembo by'irushanwa rya Kigali International Peace Marathon 2023 #rwanda #RwOT

    Kuri iki cyumweru nibwo hakinwe irushanwa rya Marato Mpuzamahanga ryitiriwe Amahoro, Kigali International Peace Marathon, abanya Kenya nabo muri Ethiopia nibo imidari y'iri rushanwa.

    Guhera ku isaha ya Saa mbili za mugitondo nibwo abasiganwa Marato ndetse n'igice cyayo bahagurutse imbere y'inyubako ya BK Arena bazenguruka ibice bitandukanye by'akarere ka Gasabo.

    Abasiganwa marato, ni ukuvuga abakoze intera ingana n'ibirometero 42 bahagurukiye rimwe n'abakoze 21 bihwanye n'igice cya Marato.

    Nyuma yaho abasiganwa bakora ibirometero icumi mu cyiswe Run for Peace bo bahagurutse nyuma y'abambere ho iminota 50 yose.

    Mu basiganwaga bose bakaba bari mu byiciro bibiri by'abagabo ndetse n'abagore, aha kandi hiyongereyeho n'abafite ubumuga nano basiganwe.

    Muri Full Marathon yatangiye gukinwa saa Mbiri, mu bagabo hatsinze Umunya-Kenya George Onyancha wari wabaye uwa gatatu mu mwaka ushize aho kuri iyi nshuro yakoresheje amasaha abiri, iminota 17 n'amasegonda 41.

    Mu bagore, uwa mbere yabaye Umunya-Ethiopia Muluhebt Tsega wakoresheje amasaha abiri, iminota 35 n'amasegonda 17, akurikirwa n'Umunya-Kenya Charop Sharon Jemutai wakoresheje amasaha abiri, iminota 36 n'amasegonda atanu naho Jemal Amid Foyza wo muri Ethiopia yabaye uwa gatatu.

    Muri Half-Marathon yareshyaga n'ibilometero 21,09; mu bagabo hatsinze Kennedy Kipyeko wakoresheje isaha imwe, iminota itatu n'amasegonda 52, akurikirwa na Mburu John wakoresheje isaha imwe, iminota itatu n'amasegonda 54 mu gihe Kipkorir Evans yakoresheje isaha imwe, iminota ine n'amasegonda 12.

    Mu bagore, naho imyanya ya mbare yihariwe n'Abanya-Kenya aho uwa mbere yabaye Moseti Winfridah Moraa wakoresheje isaha imwe, iminota 12 n'amasegonda 40, akurikirwa na Lilian Lelei Jepkemboi wakoresheje isaha, iminota 13 n'amasegonda 36 naho Susan Chambai Aramisi akoresha isaha, iminota 14 n'amasegonda 33.

    Mu basiganwe uyu munsi, uwegukanye Marathon mu bagabo n'abagore yatsindiye ibihumbi 20$ [asaga miliyoni 22 Frw], uwa kabiri yahawe ibihumbi 15$ naho uwa gatatu atwara 7500$.

    Kigali International Peace Marathon 2023 yitabiriwe kandi n'abayobozi batandukanye barimo Minisitiri w'Ubuzima, Dr Nsanzimana Sabin; Minisitiri wa Siporo, Munyangaju Aurore Mimosa; Minisitiri w'Ibikorwa by'Ubutabazi, Kayisire Marie Solange; Minisitiri w'Ikoranabuhanga no Guhanga Ibishya, Ingabire Paula.

    Hari kandi na Meya w'Umujyi wa Kigali, Pudence Rubingisa; Umuyobozi Mukuru wungirije w'Urwego rw'Igihugu rw'Iterambere, Mukazayire Nelly na Michaella Rugwizangoga uyobora Ishami ry'Ubukerarugendo muri RDB,

    Muri rusange ni irushanwa ryitabiriwe bagera ku 8,526 bo mu bihugu 48 byo ku migabane yose y'Isi.

    The post Abanya-Kenya na Ethiopia bihariye ibihembo by'irushanwa rya Kigali International Peace Marathon 2023 appeared first on RUSHYASHYA.

    Source : https://rushyashya.net/abanya-kenya-na-ethiopia-bihariye-ibihembo-byirushanwa-rya-kigali-international-peace-marathon-2023/?utm_source=rss&utm_medium=rss&utm_campaign=abanya-kenya-na-ethiopia-bihariye-ibihembo-byirushanwa-rya-kigali-international-peace-marathon-2023

  • Kenya yihariye irushanwa rya Kigali Peace Ma… – #rwanda #RwOT

    Kuri iki cyumweru tariki 11 Kamena, nibwo irushanwa rya Kigali International Peace ryari ryitezwe na benshi, ryakinwe.Ni isiganwa ryari ribaye kunshuro ya 18, gusa ikaba inshuro ya mbere rikinwe ririmo ibihembo bikomeye byanatumye bamwe mu bakinnyi bakomeye ku Isi bitabira ku bwinshi.

    Mu basiganwa Marathon ingana na Kirometero 42, George Onyancha yabaye uwa mbere akoresheje amasaha 2 n’iminota 18. Mu gihe mu bagore Muluhebt Stega ariwe wabaye uwa mbere. 

    Muri Half Marathon abanya-Kenya bagera ku 10 nibo babaye aba mbere mu bagabo.  Kipyeko Kennedy niwe waje imbere y’abandi, akoresheje isaha 1 iminota 3 n’amasegonda 48. Mburu John Muiruri nawe ukomoka muri Kenya, yakoresheje isaha 1 iminota 3 n’amasegonda 51. Kipkorir Evans yabaye uwa gatatu akoresheje isaha 1 iminota 4 n’amasegonda 10.

    Mu bagore, Moseti Winfridah Mora niwe wabaye uwa mbere akoresheje isaha imwe, iminota 12 n’amasegonda 35. Ku mwanya wa kabiri, haje Lelei Lilian Jepkemboi akoresheje isaha 1 iminota 13 n’amasegonda 31. Ku mwanya wa gatatu haje Aramisi Susan Chambai wakoresheje isaha 1 iminota 14, n’amasegonda 30.  Yankurije Marthe niwe munyarwanda waje hafi, akaba yaje ku mwanya wa 7 akoresheje isaha 1 iminota 15 n’amasegonda 40.

    Iyi Kigali international Peace Marathon niyo yabaye iya mbere yitabiriwe n’abantu benshi bagera ku bihumbi 8526. Muri aba bakinnyi bose bitabiriye, bavuye mu bihugu 48 bitandukanye. U Rwanda nirwo rwari rufite abakinnyi benshi nk’igihugu cyakiriye.

    Ibihugu byari bifite abakinnyi muri Kigali international Peace Marathon 2023: U Rwanda, Jamaica, Argentina, Australia, Bangladesh, Tunisia, Tchad, Botswana, Bulgaria, Sudan, Chile, Ivory coast, Osterreich, Napal, Spain, Mexico, Egypt, Yemen, Ghana, Haiti, Ile De Reunion, Magyarorszag, Slovenia, Slovensko, Zambia, St Barthelemy, Liberia, Lietuva, South Sudan, Malaysia, Switzerland, Mozambique, Polska, South Africa, Cameroon, Portugal, Denmark, Italy, Zimbabwe, Nigeria, Nigeria, Senegal, Canada, Netherlands, Gabon, UK, Burundi DRC na Ethiopia.

    Misitiri wa Siporo Munyangaju yasiganwe muri Run For Peace 

    Source : https://inyarwanda.com/inkuru/130425/kenya-yihariye-irushanwa-rya-kigali-peace-marathon-2023-amafoto-130425.html

  • Kamonyi: College APPEC yunamiye, Abanyeshuri, Abarimu n'Ababyeyi bishwe muri Jenoside yakorewe Abatutsi #rwanda #RwOT

    Kuri uyu wa 10 Kamena 2023, ubuyobozi bw'ishuri College APPEC Remera-Rukoma TSS, Abanyeshuri, Abarezi, Abakozi n'inshuti bibutse ku nshuro ya 29 Jenoside yakorewe Abatutsi, by'umwihariko abari Abanyeshuri, Abarezi n'Ababyeyi bashinze iri shuri bishwe muri Jenoside yakorewe Abatutsi mu 1994. Amazina y'abamaze kumenyekana bose hamwe ni 45. Hasabwe ko hakomeza gushakishwa amakuru kuko hari abataramenyekana.

    Muri uyu muhango wo kwibuka no kunamira Abatutsi bishwe, Umubare w'abamaze kumenyekana w'Abanyeshuri bishwe bazizwa uko bavutse, ko ari Abatutsi ni 33, Abarimu ni 9, mu gihe Ababyeyi bashinze iki kigo abamaze kumenyekana ari 3.

    Mu butumwa bwa Harelimana Prosper, umuyobozi w'ikigo ari nawe wahaye ikaze abitabiriye kwibuka, yibukije ko College APPEC Remera Rukoma TSS ifite amateka akomeye kuko ishingwa ryayo mu 1984 ryakozwe n'Ababyeyi bifuzaga guca akarengane gakabije kari mu burezi.

    Ati' Muri iki kigo cya APPEC dufite amateka akomeye cyane kuko cyavutse mu gihe mu Rwanda hari mo akarengane gakabije, itotezwa rikabije, Politike y'iringaniza n'ibindi byinshi byabangamiraga imibereho myiza y'Abanyarwanda'.

    Harelimana Prosper/APPEC Remera Rukoma TSS.

    Akomeza avuga ko APPEC, yashinzwe mu rwego rwo kugira ngo Abanyarwanda bahezwaga babashe kubona amahirwe yo kwiga. Yibukije ko muri icyo gihe ku butegetsi bwariho, kubona ishuri bitagenderaga ku bumenyi umuntu afite, ko ahubwo byazagamo amarangamutima, guheza hashingiwe ku bwoko, uturere n'ibindi.

    Ashimira Leta y'Ubumwe bw'Abanyarwanda, ko nyuma yo kubohora Igihugu no guhagarika Jenoside, ubu ishuri ribonwa n'urikwiye hagendewe ku bumenyi n'ubushobozi. Yasabye ko uwo ariwe wese wagira amakuru, yaba ku bashinze ikigo, Abahigaga n'Abahakoraga bishwe muri Jenoside yakorewe Abatutsi mu ko yafasha mu kuyatanga hakanozwa urutonde rw'Abibukwa n'Ikigo.

    Umugwaneza François

    Umugwaneza François, wavuze mu izina ry'ubuyobozi bw'Ikigo cya APPEC nk'umwe mu bayishinze, avuga ko imvano yo gushinga APPEC yaje nyuma yo kubona akarengane n'ihezwa ryari mu burezi, aho Politiki y'uburezi yari ishingiye ku ivangura moko, uturere, iringaniza n'ibindi.

    Yibukije ko kubona umwanya mu mashuri ya Leta byari bigoranye cyane, bityo Ababyeyi bo mu yahoze ari Komine Taba, Runda, Kayenzi na Musambira biyemeza gushinga APPEC, umuryango ugamije guteza imbere Uburezi n'Umuco.

    Yihanganishije imiryango yabuze ababo, yibutsa ko uyu munsi Igihugu gifite Ubuyobozi bwiza buha buri wese agaciro hatagendewe ku ndorerwamo y'amoko, Inkomoko ndetse n'Uturere. Yahamirije buri wese ko ikiraje ishinga College APPEC ari ugutanga uburezi bufite ireme no gufasha kubaka ahazaza heza h'u Rwanda n'Abanyarwanda.

    Jean Baptiste Mugabowumwami, wavuze mu izina ry'abibuka ababo muri College APPEC Remera Rukoma TSS, yashimiye abaje kubafasha kwibuka ababo bari Abanyeshuri, Abakozi n'Ababyeyi bashinze ikigo ku bw'ineza, guca ivangura n'ihezwa ryakorerwaba abana b'u Rwanda. Avuga ko kwibuka bigaragaza icyizere cy'Igihugu cyiza buri wese yishimira, Igihugu giha buri wese agaciro, kitagize aho gihurira n'Amateka mabi y'ahahise.

    Mugabowumwami J.Baptiste.

    Yasabye buri wese kuba umusemburo w'ibyiza no kurinda ko ikibi cyakongera kubaho mu bana b'u Rwanda. Yibukije ko Igihugu kimaze kwiyubaka, ko intambwe ihari ari ugushimangira ibimaze kugerwaho no guharanira kubisigasira kugira ngo bikomere hatazagira uwongera kubihungabanya. Asaba buri wese kumva ko kubirinda ari inshingano.

    Nsengiyumva Pierre Celestin, Umunyamabanga Nshingwabikorwa w'Umurenge wa Rukoma ari nawe wari umushyitsi mukuru, yashimiye abatarijanditse muri Politiki mbi ya Leta yagejeje u Rwanda n'Abanyarwanda ku gukora amahano ya Jenoside yakorewe Abatutsi, agaya uwo ariwe wese wabigizemo uruhare, ariko kandi asaba ko nyuma y'ayo mateka mabi, ukuri gukwiye kuvugwa, ababyeyi bakabwira abana amateka nyakuri y'ibyabaye kugira ngo barinde uwashaka kuyagoreka.

    Gitifu Nsengiyumva Pierre Celestin/Rukoma

    Gitifu Celestin, yibukije ko Abakoze Jenoside bashenye Igihugu, basenya inzu, ibikorwa remezo n'ibindi, ariko nyuma yo guhagarika Jenoside, Ubuyobozi bwiza bwafashije buri wese guhagarara neza, Igihugu kiriyubaka n'udafite inzu arubakirwa bidakorewe gusa uwacitse ku icumu, ahubwo Umunyarwanda wese udafite ubushobozi. Yibukije ko ibyo byose biva mu miyoborere myiza, asaba buri wese kumva ko afite inshingano mu gufasha Igihugu kwiyubaka no gusigasira ibyagezweho,

    Yashimiye ubuyobozi bwa College APPEC bwateguye iki gikorwa cyo kwibuka, yibutsa ko bifasha by'umwihariko Abana kuza hamwe bakumva amateka y'Igihugu rimwe na rimwe batagira amahirwe yo kubwirwa neza iwabo mu ngo bitewe na bamwe mu babyeyi n'abandi bataragera ku rwego rwo kuvuga neza ukuri kw'Amateka bazi, ahanini bitewe n'ibikomere bamwe bagifite cyangwa se abandi babitewe n'ipfunwe ryo kuvuga ukuri k'ubugwari bagize mu mateka ya Jenoside yakorewe Abatutsi.

    Benedata Zacharie/Ibuka Kamonyi.

    Benedata Zacharie, Perezida w'Umuryango uharanira inyungu z'Abarokotse Jenoside yakorewe Abatutsi-Ibuka mu karere ka Kamonyi, yibukije buri wese ko nyuma y'amateka mabi ya Jenoside yakorewe Abatutsi Igihugu cyanyuzemo, uyu munsi hari icyizere cyo kubaho kandi neza mu Gihugu kizira amacakubiri.

    Yasabye buri wese kuzirikana urugendo, ububabare n'ibindi byose byaranze inzira y'umusaraba Abatutsi banyujijwemo muri Jenoside. Yasabye kandi buri wese kwibuka azirikana ubugwaneza, Ineza ababyeyi bashinze ikigo bakoranye bashaka guca akarengane, kuzirikana ineza n'urugwiro byarangaga Abatutsi bose bibukwa muri iki kigo, baba abamaze kumenyekana n'abandi bataraboneka ngo bashyirwe ku rutonde.

    Yagize kandi ati ' Mu gihe twibuka Jenoside yakorewe Abatutsi yaba ari muri iki kigo ndetse n'ahandi muri ino minsi ijana, ni umwanya wo kuzirikana amwe mu magambo cyane cyane ya nyuma twavuganye n'abacu, ariko no kugira ngo tuyahagararemo gitwari kugira ngo tuganire n'urubyiruko nk'uku ng'uku turi aha, kugira ngo Jenoside itazasubira ukundi. Ibyo ni ihame nk'uko twabyemerewe na Nyakubahwa Perezida wa Repubulika wafashe n'iya mbere akaza kurokora Igihugu n'Abanyarwanda, akadusubiza Igihugu n'izina dukwiye mu Gihugu cyacu'.

    Yakomeje kandi asaba ko buri wese akwiye kuzirikana abashinze College APPEC, ko ibyo bakoze byagiriye Igihugu akamaro, aho uyu munsi abakiriho bishimira ineza n'ibyiza batekerezaga y'uko byagezweho nubwo bo bavukijwe ubuzima no kugira ngo bakomeze bishimire ibyiza bateganyaga mu gihe bashingaga ikigo. Yasabye buri wese guhagarara neza mu kivi n'inshingano yahawe ndetse n'izo batahawe zagombye kuba zikorwa n'abigendeye batabihisemo.

    Abanyeshuri bo mu ishuri ribanza ryashinzwe muri 2003. EP-APPEC.

    College APPEC Remera Rukoma TSS, kuri iyi nshuro ya 29 hibukwa Jonoside yakorewe Abatutsi, Amazina yaba; Abari abanyeshuri, Abakozi( Abarimu) ndetse n'Ababyeyi bashinze iri shuri, abamaze kumenyekana bose ni 45, ariko urugendo rwo gushaka abandi rurakomeje. Aha ni naho basaba buri wese waba ari hafi na kure afite amakuru gufasha mu kuyasangiza ubuyobozi bw'Ikigo. Harateganywa kandi kubakwa ikimenyetso ndangamateka mu kigo cy'iri shuri, aho bazashyiraho amazina yose y'abishwe bibukwa.

    Mukasarasi Godeliva( Mama Mukuru) watanze ikiganiro ku mateka.
    Umubyeyi watanze ubuhamya bw'inzira y'Umusaraba yanyuzemo mu gihe cya Jenoside yakorewe Abatutsi.
    Basomaga amazina 45 y'abari; Abanyeshuri, Abarimu n'Ababyeyi bashinze ikigo bishwe muri Jenoside yakorewe Abatutsi.
    Urutonde rw'abamaze kumenyekana.

    Bavaga mu kigo berekeza aho bashyize indabo.

    Mu kigo ahabereye gahunda yo kwibuka.

    Munyaneza Theogene

    Source : https://www.intyoza.com/2023/06/11/kamonyi-college-appec-yunamiye-abanyeshuri-abarimu-nababyeyi-bishwe-muri-jenoside-yakorewe-abatutsi/