Blog

Uyu mugabo afite imyaka 55,yavutse taliki 22 Ukwakira 1967. Yavukiye mu gace ka Titograd mu gihugu cya Montenegro gihereye mu magepfo ashyira uburasirazuba ku mugabane w'I Burayi. Umupira yatangiye kuwukina mu 1980 akina mu kibuga hagati  mu ikipe yitwa Buducnost Totograd ikina ikiciro cya mbere iwabo,nyuma y'imyaka 8 yaje  kwerekeza mu ikipe ya Sutjeska Niksic ikina ikiciro cya kabiri. Yakinnyeyo igice cy'umwaka w'imikino maze arongera asubira muri Buducnost Totograd yongera kuhava  mu 1991. Yerekeje mu makipe atandukanye maze mu 1998 afata umwanzuro wo kureka ruhago

Miodrag Radulovic yatangiye gutoza muri 2001 ari umwungiriza mu ikipe yo mu gihugu kiwabo yitwa Zeta,muri 2006 yaje kujya kuba umutoza w'ungirije mu ikipe ya  Boavista ikina muri shampiyona y'ikiciro cya mbere muri Portugal.

Muri 2010 nibwo yatangiye gutoza nk'umutoza mukuru ahereye ku ikipe yitwa FC Pakhtakor Tashkent yo mu gihugu cya Uzbekistan , nyuma yaje guhita asubira mu gihugu yavukiyemo ajya gutoza ikipe yitwa Buducnost Podgorica ikina ikiciro cya mbere ndetse ahita yegukana n'igikombe cya shampiyona.

Nyuma yo gukora akazi gakomeye muri 2015 yahise ahabwa ikipe y'igihugu ya Lebanon nyuma yuko  itandukanye n'umutaliyani Guiseppe Giannini. Miodrag Radulovic nubwo atabashije guhesha Lebanon itike y'Igikombe cy'Isi ariko bwambere yabaheshe itike y'igikombe gihuza amakipe y'ibihugu yo ku mugabane wa Asia.

Yakomeje kuba umutoza mukuru mu makipe agiye atandukanye maze muri 2020 agirwa umutoza w'ikipe y'igihugu cye cya Montenegro ndetse ahita anatoza imikino yo gushaka itike y'igikombe y'isi cya 2022 cyabereye muri Qatar. Uyu niwe mutoza uri kuvugwa kukuba yatoza ikipe y'Ingabo z'Igihugu ndetse yewe uyu munsi ari busesekare mu Rwanda.

Miodrag Radulovic uri kuvugwa mu kuza gutoza ikipe ya APR FC

Mu gitondo cyo kuri uyu wa 28 Kanama 2023 mu Karere Rulindo mu Murenge wa Ntarabana, akagari ka Kajevuba ,Umudugu wa Bikamba mu Isibo yo Gukunda Umurimo turi gusezera mu cyubahiro bwa nyuma Pasiteri Théogène Niyonshuti watabarutse azize impanuka. Yagonzwe avuye muri Uganda ageze I Kabale ahagana saa tanu z'ijoro abona ubutabazi atinze. Nibura abaje kumutabara bamugezeho saa sita z'amanywa. Mu rugo rwe haruzuye ku buryo abafite imitima yoroshye bari kunanirwa kwihangana amarira ni yose. Urugo ruruzuye kandi ari guherekezwa mu masengesho kuko n’ubundi ubuzima bwe bwaranzwe no gukorera Imana yamuhamagaye.

Saa kumi n'ebyiri za mu gitondo nibwo umuryango, inshuti, itorero rya ADEPR bagiye  gufata umubiri wa Pasiteri Théogène Niyonshuti. 

Ku isaha ya saa tatu n'igice nibwo umubiri we  wari ugejejwe mu rugo rwa nyakwigendera. Kuva umubiri we uhageze amarira yabaye menshi mu gikari abandi kwifata birabananira. Uyoboye umuhango yabanje kuvuga ko nta mpamvu yo kumuherekeza mu gahinda kuko yasabye ko yazaherekezwa mu byishimo no mu ndirimbo. Niko byagenze yahise asaba korali kwanzika bashyiraho indirimbo zirimo ubuhamya bugira buti:'Wabaye intwari mu buzima uyobora benshi ku Mana. Aratashye umukozi w'Imana, aratashye intwari ya benshi'.

 

Ni indirimbo ivuga ko hahirwa abapfa bapfira mu mwami. Baruhukira mu Mwami. Bati:'Wakoreye Imana, Wakoreye Imana mukunzi igendere ruhuka mugeni wa Kristo'.

 

 

Pasiteri Théo, wari ufite imyaka 40, yari azwi cyane mu Banyarwanda n’Abarundi n’abandi bumva Ikinyarwanda bakurikira ibiganiro ku rubuga rwa YouTube.

Yabwirizaga akenshi yifashishije ingero zo mu buzima yanyuzemo nk’umwana wo mu muhanda.Ni ibiganiro yatangaga abivangamo no gutebya (gutera urwenya). Rimwe na rimwe yanatumirwaga ari kumwe n’umugore we.

Yari umushumba wa Paruwasi ya Muhima mu itorero rya ADEPR-Kamuhoza, mu mujyi wa Kigali.

Pasiteri Ndayizeye ati: “Ndamuzi ataraba na pasiteri. Yari afite impano yihariye mu ivugabutumwa, ijyanye n’ubuzima yabanje kubamo muri Jenoside.Yabaye imfubyi, aba ku muhanda ariko arakizwa. Yari umuntu wahindutse, wifitemo umutima wo gukunda”.

Pasiteri Ndayizeye avuga kandi ko Pasiteri Théo hari abana yari yarakuye mu buzima bwo mu muhanda akabarihira ishuri.Ati: “Yari umuntu ufite ubwo bwitange”.

Asize abana bane n’umugore.

Pasiteri Niyonshuti, yari umugabo wahindutse ahindura n'abandi

Mu buhamya bwe, yivugiraga ko ari umwe mu bakozi b'Imana batarya iminwa iyo bigeze ku ngingo ijyanye no kuvuga ubuzima bw'ibyo banyuzemo.

Ubusanzwe yavukaga mu muryango ukomeye ariko nyuma ya Jenoside yakorewe Abatutsi muri Mata 1994  yabayeho mu buzima bugoye bwatumye ayoboka inzira yo kwicira incuro nyumayo kwisanga ari wenyi , umuryango we wose wishwe.

Muri ubwo buzima yari atunzwe no gukora mu kinamba ndetse uwarangaraga amuri hafi yasangaga amutwaye umuzigo we.

Nyuma yo kurambirwa nubwo buzima bwo gushakira amahoro mu rumogi n'ibindi, mu 2003 ni bwo yafashe umwanzuro wo kwakira agakiza, ndetse yari akigahagazemo yemye kugeza atabarutse.

Nyuma yo kwimarira mu gakiza, yasubiye ku muhanda akurayo bamwe mu bo yahasize, abahindurira ubuzima, bamwe abafasha kwiga imyuga, abandi abafata nk'abana be.

AMAFOTO: Nathanael Ndayishimiye

Abanyabirori bamwe bamaze kwibikaho itike abandi nabo bakomeje kuzigura ari nako babarira amasaha ku ntoki ngo bahurire muri Camp Kigali mu gitaramo cya Kigali Protocal yishimira ibyo yagezeho ni imyaka imaze ibonye izuba.

Iki gitaramo kubashaka ku kinjiramo bikaba biri mu byiciro bijyanye n'ubushobozi bwa buri wese , birimo icya 5000Frw, 10000Frw, 15000Frw na 20000Frw ushaka kwinjira muri iki gitaramo anyura kuri noneho.com.

Ashobora no kwifashisha site zitandukanye zashyiriweho kugurishirizamo aya matike harimo kwa Uncle's Restaurant Kicukiro, Kigali Phones KT Makuza Plaza, KP Shop CHIC Building, Plazo Bar Remera na MIO Beaty Gishushu n'ahandi.

Mu kiganiro cyabereye Park Inn by Radisson abagiye bahagarariye buri cyiciro kizagira uruhare muri iki gitaramo haribyo bagiye bizeza abakunzi b'imyidagaduro by'umwihariko ishingiye ku bukerarugendo, ubwiza n'umuziki.

Umutesi Lea wamamaye muri Miss Rwanda wari uhagarariye abagize Kigali Protocal yumvikanishije ko nubwo babamenyereye mu kwakira abantu ariko biteguye gukora ibirenze ibyo ariko yirinda kubitangaza.

Lea ati'Twiteguye neza kugira ngo ibintu bizabashe kugenda neza kandi nubwo dusanzwe dukora protocol hari n’ibindi twabateguriye kugira ngo tuzabahereze ikintu kigaragara.'

Grevis uri mu babyinnyi bazarekana ubuhanga bwabo muri iki gitaramo yabanje gushima anagira icyo asezeranya abakunda ibyo bakora ati'Turashimira ku batekereje ku ruhande rw'ababyinnyi icyo twababwira nuko twiteguye tutazatenguha abadukunda n'abatwizeye.'

Chriss Eazy na we uri mu bahanzi bazagaragara muri iki gitaramo yasabye abantu kuzaza kureba aho umuziki nyarwanda ugeze anashimira uruhare rwa Kigali Protocal mu iterambere ry'imyidagaduro nyarwanda.

Uyu muhanzi mu magambo ye yagize ati'Nkanjye nk'umuhanzi ndahamya ntashidikanya ko hari itafari rikomeye yashyizeho. Abakunzi bacu bazaze barebe aho umuziki wacu ugeze nibyo dukora.'

Yunganiwe na Boy Chopper uri mu bahanzi bakomeje gutanga icyizere wabaye nk’ukomoza ku kuvuga ko ntawukwiye kubura kandi ko gushyigikira Kigali Protocal ari ugushyigikira umuziki, imyidagaduro n'urubyiruko muri rusange.

Umunyamakuru, umunyarwenya, Patrick Rusine uzaba afatanya na Lucman Nzeyimana kuyobora iki gitaramo yavuze ko yishimiye inshingano yahawe cyane ko na we arimo yizihiza imyaka 5 amaze atangiye by'umwuga gutera urwenya.

Patrick Rusine yabanje gusa nutebya ubundi asobanura uko yiteguye ati' Gusinda niba koko nzakomeza gusinda mu gihe zikiriho ntabwo umuntu yabura gusinda uko yizihiza imyaka 5 amaze nanjye niyo maze bityo rero ni ibyishimo.'

Aboneraho kandi kuvuga ko azatanga ibyishimo cyane ko asanga iki gitaramo kirenze kuba igitaramo ati' Bizaba ari umuhuro ntabwo njye mbifata nko kuzaba nshyushya urugamba gusa nzakora ibizaza uwo munsi.'

Mu kiganiro kitabiwe n'abanyamakuru benshi, bose bagiye bashimira Kigali Protocal by'umwihariko Umuyobozi Mukuru wayo na nyirayo, Umukundwa Josue ku itafari akomeje gushyira mu iterambere ry'urubyiruko byumwihariko umwari n'umutegarugori.

Mu bandi bitabiriye iki kiganiro barimo Umuyobozi Ushinzwe ibikorwa byo kwamamaza muri Samsung 250 yanateye inkunga iki gitaramo wavuze ko uretse kwamamaza baniteguye gushyikira uwari wese ufite igitekerezo cyubaka kandi ko imiryango ifunguye kuri buri umwe.

Hari kandi Umuyobozi wa Limax ikomeje kubaka izina mu bikorwa bitandukanye birimo n'iby'imyidagaduro kimwe n'ababyinnyi barimo Jojo Breezy, Saddie Vybez, Jordan, Shakira, Grevis na General Benda bose bishimira intambwe kubyina bigezeho kandi basezeranije imyiyereko yihariye.

Chriss Eazy yashimiye Kigali Protocal asaba  abantu ko badakwiye kubura mu gitaramoPatrick Rusine yavuze ko bizaba ari umuhuro uzaza wese azataha yishimye Umutesi Lea yavuze ko yishimira intambwe bamaze kugeraho avuga ko bafitiye abakunzi babo uruhisho badakwiye kuzacikanwa General Benda n’abagenzi be batangaje ko biteguye banashimira Kigali Protocal yabagiriye icyizereJojo Breezy yatangaje ko bishimira intambwe bamaze gutera n’agaciro umubyinnyi asigaye ahabwa Grevis uri mu babyinnyi bamaze kugira izina mu Rwanda ari mu bitabiye iki kiganiro anatangaza ko bazakora iyo bwabaga kuko bateguye bihagije ngo abantu banyurweSamsung 250 iri mu baterankunga b’iki gikorwa kiri mu bihanzwe amaso na benshiAbabyinnyi batandukanye barimo Saddie Vybez na Shakira bari mu bategerejwe mu gitaramo cy’isabukuru y’imyaka 5 ya Kigali ProtocalUmuyobozi wa Limax yateye inkunga igitaramo cya Kigali Protocal kizabera muri Camp Kigali kuri uyu wa 29 Kamena 2023Umuyobozi Mukuru wa Kigali Protocal, Umukundwa Josue yashimiye ababashyigikiye kugera aho bageze none ,abasezeranye igitaramo cyiza

AMAFOTO:SERGE NGABO-INYARWANDA.COM