Blog

Mugisha Bonheur [Casemiro] yashimiye APR FC kuba yaramuhaye amahirwe yo kwerekana icyo ashoboye bikaba bimugejeje ahantu heza.

Ni nyuma yo gusinyira ikipe ya Al Ahly Tripoli yo muri Libya yanamaze kumwerekana nk’umukinnyi wayo mushya mu mwaka w’imikino wa 2023-24.

Mu butumwa yanyujije ku rukuta rwe rwa Instagram, Bonheur yagize ati “yari imyaka 2 myiza nishimyemo, APR FC mwarakoze cyane kumpa amahirwe yo kugaragaza icyo nshoboye. Amahirwe masa mwa Ntare mwe.”

Uyu mukinnyi wari usoje amasezerano ye muri APR FC y’imyaka 2, yamusabye kongera amasezerano ariko we arabyanga abasaba ko yajya hanze kugerageza amahirwe.

Al Ahly ikina mu cyiciro cya mbere muri Libya ikaba yarabengutse uyu mukinnyi w’umunyarwanda ukiri muto utanga icyizere mu minsi iri imbere, ni nyuma yo kwitwara neza muri ikipe y’Ingabo z’Igihugu.

Ntabwo ari yo yonyine yamushakaga kuko n’ikipe ya Stade Tunisien yo muri Tunisia yari yamwoherereje ubutumire ngo abe yajyayo gukora ikizami cy’ubuzima ariko we akaba yahisemo kwerekeza muri Libya.

Naramuka asinye azaba abaye umunyarwanda wa kabiri ugiye gukina muri iyi shampiyona ya Libya, ni nyuma ya Haruna Niyonzima ukinira Al Ta’awon.

Mugisha Bonheur yakuriye muri Heroes FC, aza kwerekeza muri Mukura VS yavuyemo muri 2021 yerekeza muri APR FC yasinyiye imyaka 2 akaba yari ayisoje ahitamo gutandukana n’iyi kipe yasubiye kuri gahunda yo gukinisha abanyamahanga nyuma y’imyaka 11 itabakoresha.

Casemiro yashimiye APR FC

Yamaze kwerekanwa muri Al Ahly Tripoli

Police FC yasubiye kuri gahunda yo gukinisha abanyamahanga, ntabwo irimo kubona abo yifuza kubera amafaranga y’intica ntikize irimo gutanga.

Tariki ya 7 Nyakanga 2023 nibwo ubuyobozi bwa Polisi y’u Rwanda bwemereye ikipe yabo ya Police FC kuba yasubira kuri gahunda yo gukinisha abanyamahanga yari imaze imyaka 9 ivuyemo.

Iyi kipe bivugwa ko yahise itangira ibiganiro n’Umurundi wakiniraga Kiyovu Sports, Bigirimana Abedi ariko ntibyakunda amafaranga yahabwaga yari ahanabanye n’ayo yifuza.

Bivugwa ko Abedi n’abamuhagarariye bifuzaga miliyoni 40 z’amafaranga y’u Rwanda mu gihe Police FC yababwiye ko ibishyura miliyoni 10.

Iyi kipe y’abashinzwe umutekano mu gihugu ikaba yarahise inyarukira kuri Joackiam Ojera wari usoje amasezerano y’intizanyo muri Rayon Sports ariko na we biranga kubera amafaranga.

Gusa bivugwa ko iyi kipe yamaze kumvikana n’umunyezamu w’Umurundi, wakiniraga Le Messager Ngozi, Rukundo Onésime.

Urutse uyu munyezamu kandi Police FC iri mu biganiro na rutahizamu w’umunya-Kenya ukinira Kenya Police, Elvis Rupia.

Elvis Rupia mu biganiro bya nyuma na Police FC

Rukundo Onésime bivugwa ko yamaze kurangizanya na Police FC

Mu musangiro n'itangazamakuru wabereye muri Onomo Hotel, Bwiza Emerance uri mu bagezweho mu Rwanda no mu Karere, yasubije abibazaga impamvu Timaya wo muri Nigeria na Miss Jojo wo mu Rwanda batari kuri alubumu nshya 'My Dream'. 

Uyu muhanzikazi yemeje ko yakoranye indirimbo na Timaya ariko uyu muhanzi wo muri Nigeria asaba Kikac Music ko bashora mu mashusho y'iyi ndirimbo, ubushobozi buba iyanga. 

Yagize ati 'Yego nakoranye indirimbo na Timaya ubwo aheruka mu Rwanda, ariko bariya bahanzi bakora kinyamwuga cyane. Yadusabye ko dufata amashusho y'iyi ndirimbo ariko ubushobozi ntiburaboneka.' 

Umuyobozi wa Kikac Music, Dr Kintu yashimangiye ko iyi ndirimbo Bwiza yakoranye na Timaya ihari ariko ko ubushobozi bwari buhari bwabanje gushorwa mu ikorwa rya Alubumu 'My Dream', ubundi bakazayigarukaho nyuma. 

Kuri Miss Jojo, Bwiza yavuze ko yakuze yifuza guhura n'uyu muhanzikazi kandi ko yasanze uyu munyabigwi nawe yarifuzaga guhura nawe, ariko ko ibyo gukorana indirimbo bizaza nyuma y'iyi alubumu 'My Dream'.

Mu kiganiro kihariye yahaye InyaRwanda, Bwiza yavuze ko Miss Jojo yakunze alubumu ye cyane akimara kuyimwumvisha ariko ko ibyo guhita bakorana indirimbo bizaganirwaho nyuma. 

Ku bijyanye no guha Madame Jeannette Kagame alubumu ye, yavuze ko byari mu rwego rwo kumushimira uruhare agira mu guteza imbere ubuhanzi mu Rwanda, binyuze mu mishinga itandukanye irimo Art Rwanda Ubuhanzi n’indi.

Bwiza yamurikiye alubumu nshya ‘My Dream’ abanyamakuru bakorera ibitangazamakuru bitandukanye 


Bwiza yari aherekejwe n’abahanga mu gutunganya amajwi y’indirimbo barimo Santana Sauce, Loader, Prince Kiiz, Tell Dem, Hashtag n’abandi 

Bwiza yavuze ko Timaya yasabye ko bakorera amashusho y’indirimbo bakoranye, ubushobozi buba iyanga 

Bwiza yatangaje ko atarakorana indirimbo na Miss Jojo, ariko ko bahura uyu munyabigwi yakunze alubumu ye nshya yise ‘My Dream’ 

Abanyamakuru bakorera ibitangazamakuru bitandukanye bari bitabiriye uyu musangiro wabereye muri Onomo Hotel 

Bwiza yumvishije itangazamakuru alubumu nshya yise ‘My Dream’ igizwe n’indirimbo 14 

Kanda hano urebe andi mafoto

AMAFOTO: Serge-Ngabo/INYARWANDA 

Kanda hano urebe ikiganiro twagiranye na Bwiza
“>

Ku gicamunsi cyo kuri uyu wa Kabiri tarki 18 Nyakanga 2023, byari ibyishimo bivanze n'amarira nyuma y'uko abana ba Adrien Misigaro bahuye ku nshuro ya mbere na ba Nyirakuru na ba Sekuru [Ku ruhande rwa Nyina na Se] n'abandi bo mu miryango y'abo nyuma y'imyaka 12 ishize babarizwa muri kiriya gihugu.

Mu myaka 12 ishize nibwo Adrien Misigaro n'umukunzi we bakoreye ubukwe mu Rwanda, kuva icyo gihe bahise bajya muri Amerika ari naho aba bana batatu bavukiye.

Kuva icyo gihe, Adrien Misigaro yagiye aza mu Rwanda mu bihe bitandukanye, mu ngendo yakoreyemo ibitaramo, indirimbo, asura umuryango n'ibindi. Ariko, umugore we n'abana be batatu bari bataragaruka mu Rwanda.

Mu byumweru bibiri bishize nibwo Adrien Misigaro yaje mu Rwanda mu rwego rwo kwitegura kwakira umuryango we.

Yabwiye InyaRwanda ko yazanye n'itsinda ry'abagabo babarizwa mu muryango MNH yashinze, aho banasuye Urwibutso rwa Jenoside rwa Kigali ruherereye ku Gisozi.

Adrien wamamaye mu ndirimbo zirimo nka 'Ntuhinduka' avuga ko abana be bishimiye kongera guhura n'abo mu muryango.

Ati 'Nazanye n'abashyitsi gusura ibikorwa bya MNH ariko kandi nazanye na Madame n'abana gusura imiryango. Abana banjye bavukiye hariya (Amerika) bose ntibari bazi ababyeyi bacu ndetse n'abavandimwe. Abana bafite ibyishimo bidasanzwe.'

Misigaro yabwiye InyaRwanda kandi ko yamaze no kugera mu misozi  ya  Minembwe muri Repubulika Iharanira Demokarasi ya Congo (RDC), gusura ibikorwa umuryango Melody of New Hope [MNH] yashinze ukorera muri aka gace n'ibindi.

Agace ka Minembwe kavugwamo cyane intambara za hato na hato zishingiye ku moko kuva mu myaka ya 1960. Adrien Misigaro avuga ko bifashishije indege y'Umuryango w'Abibumbye (UN) kugirango babashe kugera muri aka gace.

Umuryango wa Adrien Misigaro, umugore we n’abana be batatu ubwo bari bageze ku kibuga cy’indege Mpuzamahanga cya Kigali kuri uyu wa Kabiri

Umuryango wo kwa Adrien ndetse n’umuryango wo ku mugore wahuye bwa mbere n’abazukuru babo nyuma y’imyaka 12 yari ishize 

Adrien Misigaro avuga ko ibyishimo byatashye mu bana be nyuma y’uko bahuye n’abavandimwe n’imiryango

Imyaka 12 yari ishize umugore wa Adrien Misigaro uri hagati abarizwa muri Amerika  

Adrien yamaze kugera muri Congo gusura ibikorwa by’umuryango MNH yashinze ukorera muri iki gihugu 

Adrien Misigaro ari kumwe n’abo bazanye mu Rwanda basuye Urwibutso rwa Jenoside rwa Kigali

KANDA HANO UREBE AMASHUSHO Y’INDIRIMBO ‘ARANZI’ YA  ADRIEN MISIGARO

“>

Nubwo mu Rwanda  ihuzanzira rya telefone rigeze kuri 99%, ariko umubare w'abatunze smartphones uracyari hasi kuko uri kuri 23,5%, bikaba byitezwe ko ubu bufatanye buzazamura iyi mibare.

Binyuze muri aya masezerano yashyizweho umukono tariki ya 14 Nyakanga 22023, kompanyi zombi zizabasha gutuma abakiliya bazo babona smartphone bazajya babasha kwishyura mu buryo buboroheye, aho buri wese uzajya uyigura azajya ahabwa Gigabayiti imwe ya Interineti ku kwezi mu gihe cy'amezi atatu.

Aya masezerano  aje gushyigikira   ubukangurambanga  bwa Connect Rwanda aho  buri rugo mu Rwanda  rugomba gutunga Telephone igezweho (Smart Phone).

Agaruka  kuri aya masezerano ,Umuyobozi Mukuru wa Bboxx Rwanda icuruza serivisi z'ikwirakwiza ry'amashanyarazi akomoka ku mirasire, y'izuba, John,yagize ati 'Twishimiye gukorana na MTN kuko ibi bizatuma tuzamura uburyo bwo kuba abantu babona amakuru ndetse banagira uburenganzira kuri serivisi z'ikoranabuhanga no kuzamura ubukungu bushingiye ku ikoranabuhanga ndetse no gushyigikira iterambere ry'u Rwanda.'

 

Muri ubu buryo bwa Bboxx Connect, abakiliya bazajya bagira uburyo bwo kwishyura mu gihe cy'amezi atandatu cyangwa mu mezi 12, bakoresheje ikoranabuhanga rya MTN Mobile Money bakoresheje kode ya *182*2*4*2#.

Ku rundi ruhande ,Umuyobozi Mukuru wa MTN Rwanda, Mapula Bodibe  yagize ati  'Muri MTN twizera ko buri wese akwiye kugerwaho n'Isi nshya y'ikoranabuhanga, ku buryo gukorana na Bboxx, tuzakomeza gutuma iyi ntego yacu iba impamo.'

 

Iyi gahunda ya 'Bboxx Connect' ije isanga indi ya MTN yiswe 'MTN Macye Macye', zombi zigamije gufasha Abanyarwanda gutunga smartphone biboroheye kandi bitabahenze kuko bagenda bishyura mu byiciro.

Umubare w’Abtunze Smartphone ugiye kwiyongera

Amasezerano  hagati ya Bbox na MTN mu kongera  umubare wa Smartphone mu banyarwanda

Umuyobozi wa MTN yatanze icyizere ko itumanaho n’ikoranabuhanga bigiye kugera kuri buri wese

Umuyobozi wa Bbox yatangaje ko iterambere ariryo baharanira bose

Ibyishimo by’abitabiriye umuhango wo gusinya amasezerano hagati ya Bboxx hamwe na MTN