Blog

Byatangajwe mu kiganiro n'abanyamakuru cyabaye kuri uyu wa Kabiri tariki 14 Ugushyingo 2023, aho Umuyobozi Mukuru wa CANAL+ Rwanda, Sophie Tchatchoua , yasobanuraga byinshi iyi sosiyete iri gukora kugira ngo abafite ifatabuguzi ryayo bagubwe neza cyane cyane muri izi mpera z'umwaka wa 2023. 

Yagize Ati 'Turi hano dushaka kwizihiza iminsi mikuru mbere y'uko iba. Twifuza gufata abakiliya neza muri izi mpera z'umwaka mu buryo budasanzwe.'' 

Yavuze ko kuri ubu CANAL+ ifite shene zisaga 400 ziyibarizwaho. Agaragaza ko uretse RTV yagaragaraga mu buryo bwa High Definition[HD] hari izindi televiziyo zigiye kujya zigaragara muri ubu buryo nyinshi.  

Muri izi harimo shene 40 zabaye HD ; yavuze ko harimo Zacu TV icaho filime nyarwanda, National Geographic, TV5 Monde, Nollywood Entertainment, Trace Africa n'izindi. 

Kuri ubu kandi iyi televiziyo yongeweho izindi televiziyo nshya zo mu Burundi zirimo iyitwa Best Entertainment Television[BETV] izajya igaragara ku murongo wa 396 ndetse na Heritage TV[He TV] igaragara kuri 397. Mu Rwanda kandi bongeyeho televiziyo ISIBO TV izajya igaragara ku murongo wa 391. 

Uretse ibi CANAL+ kandi iteganya kwerekana filime zitandukanye zigezweho zirimo 'Spinners', 'Avatar', 'Jungle Cruise', seri ya yakunzwe cyane ya 'The Bishop Family' ica kuri Zacu TV n'izindi. 

Abakunzi b’umupira w’amaguru w’i Burayi, hazajya hacaho imikino ya Champions League, English Premier League na NBA Christman Day. 

Guhera ku wa 14 Ukuboza 2023 kugeza ku wa 13 Mutarama 2024 kuri CANAL+ yatangaje ko hari shene nshya yiswe CANAL+CAN izajya inyuzwaho ibintu bitandukanye byerekeye ni urushanwa rya CAN 2024 izabera muri Côte d'Ivoire kuva muri Mutarama tariki 13 kugera Gashyantare tariki 11.

Muri ibyo bazajya berekana amateka y'amakipe azitabira iki gikombe, berekane ibihe by'ingenzi byaranze iri rushanwa mu myaka yatandukanye n'ibindi biryerekeye.

Ubwo irushanwa nyirizina rizatangira, CANAL + izajya yerekana imikino yose izaranga iki gikombe kiri mu bikomeye muri Afurika kandi ikazajya iboneka ku ifatabuguzi ry'ibihumbi 5000 ryitwa IKAZE. 

Kugeza ubu umuntu ashobora kugura ifatabuguzi rya 5 000 Frw akabasha gukurikira byinshi bitandukanye kuri CANAL+. 

Ushaka kugura decoderi ya CANAL+ nabwo biramworohera cyane kuko ku 20000 Frw  ashobora gufashwa akabasha gutangira kuryoherwa na serivisi z'iyi sosiyete. Ikindi kuri ubu umuntu azajya agura ifatabuguzi abashe kureba amashene ya CANAL+ yose ku buntu mu minsi 15.

Ku munsi w’ejo ku wa Kabiri nibwo iyi kipe ibinyujije ku mbuga nkoranyambaga zayo yatangaje ko yatandukanye n’uwari umutoza wayo Eric Nshimiyimana ,ku bwumvikane bw’impande zombi.

Nyuma y’ibyo kuri uyu wa Gatatu yahise itangaza umutoza ukomoka mu Burundi, Francis Haringingo nk’umutoza mushya aho yamusinyishije amasezerano y’umwaka 1 n’igice akazungirizwa na Nduwimana Pablo.

Uyu mutoza yaherukaga muri shampiyona y’icyiciro cya mbere mu Rwanda mu mwaka ushize w’imikino atoza ikipe ya Rayon Sports yafashije gutwara igikombe cy’Amahoro atsinze APR FC ku mukino wa nyuma.

Akiva muri Rayon Sports yahise ajya gutoza ikipe ya Sofapaka yo muri Kenya ariko ho ibintu ntabwo byagenze neza ahita atandukana nayo hadashize igihe.

Usibye ayo makipe kandi mu Rwanda yatoje Mukura VS nayo ayiha igikombe cy’Amahoro muri 2018, Police FC ndetse na Kiyovu Sports.

Kuri ubu Bugesera FC ku rutonde rwa shampiyona iri kumwanya wa 13 n’amanota 9 inganya na Sunrise FC iri kumwanya wa nyuma.

Haringingo Francis niwe mutoza mushya wa Bugesera FC 

Kuri uyu wa Gatatu tariki 15 Ugushyingo 2023, nibwo ikipe y’igihugu Amavubi iribukine umukino ufungura amajonjora yo gushaka itike y’igikombe cy’Isi cya 2026. Ni umukino uzabera kuri sitade Mpuzamahanga y’Akarere ka Huye, utangire ku isaha ya 15:00 PM.

Iyi sitade, ni nayo ikipe y’igihugu yakoreyeho imyitozo ya nyuma kuri uyu wa Kabiri, aho iyi myitozo InyaRwanda yabashije kuyikurikirana rwihishwa. Ubwo imyitozo yari igeze rwagati, umutoza Torsten Spittler Frank yaje guhindura imyitozo ashyira abakinnyi 11 bazabanza mu kibuga ku ruhande rumwe, ndetse atangira kuberekera uko bazakina kina kuri uyu wa Gatatu.

Abakinnyi 11 umutoza yahisemo ko bazabanza mu kibuga

Ntwari Fiacre

Omborenga Fitina

Imanishimwe Emmanuel Mangwende

Mutsinzi Ange

Manzi Thierry

Mugisha Bonheur

Mugisha Gilbert

Bizimana Djihad

Nshuti Innocent

Hakim Sahabo

Byiringiro Lague

Muri aba abakinnyi, batatu gusa nibo bakina mu Rwanda, akaba ari Omborenga Fitina, Mugisha Gilbert na Nshuti Innocent kandi bose bakaba bakinira ikipe ya APR FC. Aba bakinnyi bashobora guhinduka  isaha ni isaha bitewe n’impamvu zitandukanye zirimo n’uburwayi.

Amavubi yerekanye imyenda mishya azambara kuri uyu wa Gatatu 

Mu kwezi kwa Gicurasi uyu mwaka nibwo Samusure yemeje ko asigaye atuye mu gihugu cya Mozambique mu mujyi wa Maputo aho yari amaze amezi atandatu atuye ariko byaragizwe ubwiru nta muntu uzi akanunu ke dore ko na film nshya yasohokaga yitwa “Makuta” yari imaze igihe idasohoka.

Mu kwezi kwa Gicurasi nibwo abinyujije ku rukuta rwe rwa Instagram, Kalisa Ernest wamenyekanye muri Sinema nyarwanda yatangaje ko umuntu wese uherereye mu gihugu cya Mozambique wamukenera mu bukwe haba kubuyobora, kuvuga amazina y’inka yamubona igihe cyose ndetse anashyiraho nimero yo kumuhamagariraho muri icyo gihugu. 

Abantu benshi batari bazi amakuru ye n’ikimugenza muri iki gihugu cya Mozambique, batangiye kuvuga ko yaba ari amayeri arimo akoresha kugira ngo abone uko azahita yerekeza mu bihugu byo ku Mugabane  w’u Burayi cyangwa  Amerika mu buryo bumworoheye nk’uko benshi bakunze kubigenza.

Byaje gutungurana aho mu minsi ishize Samusure yakoze Group kuri WhatsApp asaba abantu kumufasha avuga ko abayeho ubuzima butari bwiza mu gihugu cya Mozambique ndetse akaba afite ipfunwe n’icyaha mu Rwanda bituma nawe atagaruka mu gihugu cyamubyaye.

Mu kiganiro Samusure yagiranye na Max TV, yatangaje ko yavuye mu Rwanda ahunze amadeni y’abantu yari afite ndetse n’abakinnyi ba Filime bagaragaye muri Makuta atigze yishyura. Bamwe mubo yari afitiye amadeni avuga ko bari baramugejeje mu nkiko ajya mu gihugu cya Mozambique asa nk’utorotse.

Ubwo yafataga umwanzuro wo kugenda bikaba ngombwa ko agurisha imitungo ye yari afite mu Rwanda ndetse na Filime  igahagarara, Samusure yari yamenye amakuru ko uwo afitiye ideni yafashe ajya gukina Filime Makuta ikamuhombera yari agiye kumurega hanyuma afata icyemezo cyo guhunga atari yatabwa muri yombi. 

Samusure yahakanye ibyo kuzajya mu mahanga ya kure yitwaje ko ari impunzi iturutse muri Mozambique atari ukuri ahabaye nk’umunyarwanda kandi ibibazo nibikemuka azagaruka mu Rwanda agahigira ubuzima mu gihugu cyamubyaye cyane ko muri Mozambique atunzwe no gusenga kenshi agakora gake.

Kugeza magingo aya, Samusure arasabwa kwishyura arenga Miliyoni esheshatu n’igice (6,500,000 Frw) kugira ngo agaruke mu Rwanda nta cyasha afite ndetse ntawe abereyemo ideni ngo amugeze mu nkiko afungwe kandi aribyo yagiye muri Mozambique ahunze.

Ayo madeni yose yayafashe mu gihe cya COVID-19 ubwo yasohoraga Filime ya Makuta ikaza kumuhombera akabura ubwishyu bw’ayo madeni yari yafashe. 

Kalisa Ernest wamenyakanye nka Samusure ndetse n’andi mazina muri Filime zitandukanye, ni umwe mu bafite ibigwi muri Sinema nyarwanda  ndetse akaba n’umuhanga mu bijyanye no kuyobora amakwe  ndetse no kuvuga amazina y’inka.

Samusure yatangaje ko yagiye Mozambique ahunze abo afitiye amadeni.

Samusure Makuta yatangaje ko ubuzima butoroshye asaba abagiraneza ko bamufasha kwishyura amadeni akagaruka mu gihugu.