Blog

Agaciro ku mubyinnyi nyarwanda karagenda kazamuka mu myidagaduro nyarwanda ni mu gihe iyo bageze ku rubyiniro rurushaho kugira igisobanuro yaba mu gukaraga umubyimba mu buryo bugamije gususurutsa abantu gusa cyangwa bunagendana n'ubutumwa akenshi bushingira ku magambo agize indirimbo.

Impamvu nyamukuru ikaba ikomeje kuba ibitaramo mpuzamahanga byaba ibijyanye  n'imikino, inama n'ibindi bikorwa bikomeye mu Rwanda kimwe n'ibiba byateguwe hagamijwe gutarama kakahava.

Ibi usanga bizana n'umukoro ukomeye yaba ku itangazamakuru no ku bahanzi, bigorana cyane kuba bahura n'ibyo byamamare  biba biri mu Rwanda.

Ibi ariko bikaba ari ibintu 'toto' ku babyinnyi kuko bo baba bakorana bya hafi na mbere y’uko basesekara mu Rwagasabo bategura uko urubyiniro ruzaba rumeze, ikaba ari intambwe ikomeye iki gice cy'imyidagaduro gikomeje gutera.

Bikaba kandi atari uguhura gusa ngo bunguke ubumenyi banahabwa amafaranga.

 InyaRwanda   yaganiriye  na bamwe muribo barimo abamaze gukorana n'abahanzi bakomeye guhera kuri Kendrick Lamar uherutse gutaramira abarenga ibihumbi 8 baturutse mu bihugu bitandukanye muri BK Arena.

Hakaza Davido uri mu bahanzi bamaze kwigarurira isoko rinini ry'umuziki ku Isi, Diamond Platnumz uri mu bayoboye muri Afurika kimwe na Zuchu umukobwa ku myaka ye umaze kugera ku bigwi bitangira ingano.

Mu kiganiro inyaRwanda yagiranye na bamwe mu bamaze iminsi bakorana n'ababahanzi batandukanye , bemeje ko batangira gupanga gahunda z'imikoranire bataranagera mu gihugu bakazaza bazinoza neza bavuze ko bishimira intambwe bamaze gutera.

Kananura Grevis [Iamgrevis] umaze gukorana n'abahanzi bafite amazina azwi nka Davido, Diamond Platnumz, Zuchu, Jux na Bruce Melodie yagize ati'Ni ikintu gikomeye gukorana ku rubyiniro n'abahanzi bafite amazina akomeye.'

Asobanura ko ari ikintu gikomeye ku myidagaduro nyarwanda ati'Ni byiza cyane ku ruganda rw'imyidagaduro nyarwanda binazamura izina ry'igihugu cyacu mu buryo mpuzamahanga. Ibi kandi bizana no kunguka ubumenyi bushya, amafaranga no kubaka izina.'

Avuga kugeza ubu,umubyinnyi amaze kugira aho agera mu Rwanda ugereranije n’uko mu myaka yatambutse byabaga bimeze,gusa imbogamizi ikiri iyo kuba babona uko biyungura ubumenyi buhambaye binyuze mu babyinnyi bandi bakomeye ku Isi ariko nabyo bizera ko uko iminsi izagenda yicuma, bizagerwaho.

Uwitwa Divine Uwa bigoranye muri iki gihe kuba haba igitaramo cyane  cyane cyitabiwe n'abahanzi mpuzamahanga ngo abure ku rubyiniro barimo Zuchu bamaze gukorana inshuro nyinshi, Diamond Platnumz n'abandi,yagize ati'Gukorana n'abahanzi nk’aba wunguka ubumenyi bikanakuremera inzira mu minsi itari iya kure uratangira kumbona nagiye hanze mu kazi.'

Ibyo kandi avuga ko bijyanirana no kuba muri iki gihe amafaranga arimo kugenda aboneka aho bishyurwa neza kandi amafaranga afatika, bituma barushaho gukunda ibyo bakora.Divine Uwa kandi nyinshi mu ndirimbo ziri gusohoka ni we uri kuyobora ibijyanye n'imbyino zigaragaramo.

Mu bandi babyinnyi bakomeje kwigaragaraza harimo na Saddie Vybz wari mu bayoboye itsinda ry'ababyinnyi baheruka gukorana na Kendrick Lamar byumwihariko aba bakobwa.

Uyu mukobwa wasoreje amasomo ye mu Bushinwa mu ishami rya Mechanical Engineering, ubu uri kubarizwa muri Dubai aho yagiye by'igihe gito mu kazi, yavuze ko hakiri byinshi byo gukorwa ariko na none ibimaze kugerwaho aribyo kwishimirwa.

Umwe muri aba babyinnyi yadutangarije ko mu gitaramo kimwe muri 2023 yagiye yishyurwa amafaranga aha make ibihumbi 500 Frw mu gihe hari naho yageza muri Miliyoni 1Frw.Grevis umubyinnyi w’umunyarwanda aha yari ku rubyiniro rumwe mu Rwanda na Davido mu gitaramo cya Giant AfricaJordan Kallas na we ari mu bakomeje kwigaragaza cyane mu ruganda rw’imyidagaduroSaddie Vybz wasoreje Kaminuza mu Bushinwa ari naho yatangiriye umwuga wo kubyina aheruka guhurira ku rubyiniro rumwe na Kendrick Lamar Divine Uwa aha wari kumwe na Jojo Breezy umubyinnyi akaba n’umuyobozi w’abandi babyinnyi,yavuze ko ibitaramo by’abahanzi bo hanze  bakomeza kugenda bakoramo, bikomeza kubazamurira ubushobozi yaba mu buryo bw’ubumenyi n’amafaranga.

APR FC yasoje imikino ibanza ya shampiyona ya 2023-24 ari yo iyoboye urutonde rwa shampiyona, ni nyuma yo gutsinda Amagaju FC 3-1.

Imikino y’umunsi wa 15 wa shampiyona y’icyiciro cya mbere mu Rwanda umwaka w’imikino wa 2023-24, yatangiye uyu munsi, habaye umukino umwe wonyine wo APR FC yasuyemo Amagaju FC i Huye.

Gutsinda uyu mukino nubwo indi mikino y’umunsi wa 15 izaba ejo, byari bivuze ko APR FC ari yo isoza igice kibanza cya shampiyona iyoboye urutonde rwa shampiyona.

Hakiri kare yaje kubona igitego ku munota wa 16 ku mupira Ishimwe Christian yahinduye imbere y’izamu maze Dushimimana Janvier akitsinda.

APR yakomeje gusatira ishaka ikindi gitego maze ku munota wa 25, Victor Mboama ayitsindira igitego cya kabiri ku mupira wari uhinduwe na Apam Assongue Bemol.

Ku munota wa 44, Apam yagerageje ishoti rikomeye maze umunyezamu awukuramo ariko Mbaoma wari wakurikiye aragenda atsinda igitego cya 3. Bagiye kuruhuka ari 3-0.

Ku munota wa 52, Niyonkuru Claude yatsindiye Amagaju FC igitego cya mbere ari nacyo rukumbi yabonye. Umukino warangiye ari 3-1.

APR FC ubu niyo iyoboye urutonde rwa shampiyona n’amanota 33, Musanze FC 29, Police 28 na Rayon Sports 26 ariko zikaba zitarakina umunsi wa 15.

Gahunda y’umunsi wa 15

Ku wa Kabiri tariki ya 12 Ukuboza 2023

Police FC vs Musanze FC
Rayon Sports vs Kiyovu Sports
Mukura VS vs Gorilla FC
Marines FC vs Sunrise FC
Bugesera FC vs Etoile del’Est

Ku wa Gatatu tariki ya 13 Ukuboza 2023

Etincelles FC vs Gasogi United

Belcalis Almanzar umuraperikazi kabuhariwe wamamaye nka Cardi B mu muziki, ari mu byamamarekazi bikunze kugarukwaho cyane muri Leta Zunze Ubumwe za Amerika. 

Muri iyi minsi byumwihariko amaze iminsi agarukwaho nyuma yaho aciriye amarenga yo gutandukana n’umugabo we Kiari Cephus uzwi cyane nka Offset mu muziki dore ko nawe ari umuraperi wahoze mu itsinda rya Migos.

Amakuru y’itandukana ry’aba baraperi babiri yatangiye gucicikana mu minsi ishije ubwo bombi barekeraga aho gukurikirana ku mbuga nkoranyambaga, bigaherekezwa n’amagambo yuje agahinda Cardi B yashyiraha ku rubuga rwa X agaragaza ko atishimye mu rukundo.

Hari hamaze iminsi havugwa ko Cardi B n’umugabo we batandukanye

Icyo gihe ibinyamakuru bitandukanye birimo nka TMZ, Hollywood Life byatangaje ko urugo rwa Cardi B na Offset rwasenyutse kubera ubuhehesi bw’umugabo we uvugwaho kuryamana n’abandi bagore. Ibi kandi byakomeje kwandikwa ku mbuga nkoranyambaga bivugwa ko Offset yaba yaraciye inyuma Cardi B ndetse ko atari n’inshuro ya mbere abikoze.

Mu masaha macye ashize, Cardi B yakoze ikiganiro binyuze kuri ‘Instagram Live’ aganiriza abafana bagera ku bihumbi 14.7 bari bamukurikiye maze agaruka ku itandukana rye na Offset.

Cardi B yavuze ko ari ingaragu, yemeza ko yatandukanye na Offset

Mu magambo ye Cardi B yagize ati: ”Ndi ingaragu, ntabwo nkirikumwe na Offset kandi hashize iminsi. Nari naratinye kubitangaza kuko sinashakaga ko umubano wacu uhinduka ikiganiro kuri bose. Nari naragerageje kubitangaza nkoresheje amagambo nandikaga ku mbuga nkoranyambaga ngo mbabwire ko ntakirikumwe nawe”.

Uyu muraperikazi yakomeje agira ati: ”Ubu ntabwo bikiri ibanga, ntabwo tukiri kumwe. Iyo wagerageje n’imbaraga zawe gukemura ibibazo bikanga bigeraho ukarekera kugerageza. Ubu ndashaka gutangira 2024 ndi mushya, intengo nshya n’icyerekezo gishya n’abana banjye”.

Aba baraperi bombi batandukanye nyuma y’imyaka 5 barushinze banafitanye abana babiri

Cardi B yemeje ko yatandukanye n’umugabo we Offset nyuma y’iminsi amakuru akwirakwira avuga ko batandukanye bapfa ko yamuciye inyuma. Cardi B w’imyaka 30 na Offset w’imyaka 32 barushinze mu 2017, batandukanye bari bamaze kubyarana abana 2.

Ni umukino wo ku munsi wa 15 wa shampiyona y’icyiciro cya mbere mu Rwanda ukaba uri gukinwa guhera Saa Cyenda.

uko umukino uri kugenda umunota ku munota:

85′ Apam aryamye hasi ari kwitabwaho n’abaganga 

70′ Niyonkuru Claude w’Amagaju abonye uburyo buremereye imbere y’izamu ku mupira waruhinduwe na Malaanda Destin ariko ashyizeho unyura hejuru y’izamu gato cyane

67′ Umutoza wa APR FC akoze impinduka mu kibuga akuramo Bacca yinjizamo Shaiboub warumaze igihe adakina 

66′ Victor Mbaoma yongeye kubona ubundi buryo nanone ku mupira yarahawe na Fitina Ombolenga ariko uramurengana

61′ APR FC yaribonye igitego cya 3 aho Victor Mbaoma yarahawe umupira mwiza na Fitina Ombolenga ariko umunyezamu w’Amagaju FC Ndikuriyo Patient arasohoka awumukura ku kirenge

60′ Ikipe ya APR FC ikoze impinduka mu kibuga havamo Buregeya Prince ugize ikibazo hajyamo Nshuti innocent  ndetse n’Amagaju FC nayo  ahita akora impinduka havamo Nkurunziza Seth hajyamo Sebagenzi Cylillle

57’Ruboneka Jean Bosco aryame hasi ari kwitabwaho n’abaganga nyuma yo kugonga na Rukundo Abdoul Rahman 

55′ Ikipe y’Amagaju FC nyuma yo kubona igitego cya 1 akomeje gusatira cyane,Rukundo abdoul Rahman arekuye ishoti ryaganaga mu izamu ariko Buregeya Prince aritambika 

51′ Amagaju FC abonye bigitego cya 1 gitsinzwe na Niyonkuru Claude ku mupira we wa mbere yaragikoraho nyuma yo kwinjira mu kibuga asimbuye

50′ Amagaju FC akoze impinduka mu kibuga havamo Ndizeye Innocent hajyamo Niyonkuru Claude

49′ Apama ahereje umupira neza Ishimwe Christian nawe arekura ishoti ariko myugariro w’amagaju FC aritambika

Amakipe yombi agiye kuruhuka APR FC iyoboye n’ibitego 3-0

Igice cya mbere cyongeweho iminota 2

44′ APR FC ibonye igitego cya 3,Apam arekuye ishoti maze umuyezamu wa Amagaju FC arikuramo yihera  umupira Victor Mbaoma maze nawe ahita awufata aramucenga awutereka mu nshundura 

37′ Dusabimana Christian w’Amagaju FC yaratunguye umunyezamu wa APR FC ariko aba maso umupira ahita awushyira muri koroneri itagize ikivamo

31′ Amagaju FC yarabonye uburyo aho Ndayishimiye Eduard arekuye ishoti ari mu rubuga rw’amahina ariko ba myugarira ba APR FC barishyira muri koroneri

28′ Nyuma yo kubona igitego cya 2 ikipe ya APR FC ikomeje kwatsa umuriro mu izamu ry’Amagaju FC,uwitwa Apam yongeye guhindura umupira imbere y’izamu usanga Pitchou maze arekura ishoti ry’umwakira riragenda rikubita igiti cy’izamu 

24’Ikipe ya APR FC ibonye igitego cya 2 gitsinzwe na Victor Mbaoma ku mupira waruhinduwe na Apam 

18′ APR FC ibonye igitego cya mbere ku mupira Christian yarahinduye imbere y’izamu ariko myugariro w’Amagaju ,Dushimimana Janvier agiye kuwukuraho ahita yitsinda

12′ Ikipe y’Amagaju FC yaribonye igitego kuri kufura nziza yarizamuwe na Masudi Narcisse ariko Ndayishimiye Eduard ashyizeho ikirenge umupira unyura impande y’izamu gato cyane

8′ Amagaju FC nayo atangiye gusatira,Rukundo Abdoul Rahman yaratsinze igitego aho Buregeya Prince yaramwihereye umupira ari mu rubuga rw’amahina ariko umunyezamu ahita atabara 

4′ APR FC ikomeje gusatira, Ndizeye Innocent akoreye ikosa Fitina Ombolenga ahabwa ikarita y’umuhondo ndetse umusifuzi atanga kufura gusa itewe na Bacca ntihagira ikivamo

1’APR FC itangiye umukino isatira ndetse yewe Bacca akorereweho kufura nubwo nta kivuyemo

14:59′ Mbere yuko umukino utangira abakinnyi ba APR FC bifotozanyije umwenda wa Thadeo Luanga wapfushije se umubyara kuri uyu wa mbere mu rwego rwo gukomeza kumwihanganisha 

14:52′ Umukino urabura iminota micye ugatangira,abafana ni bacye cyane muri sitade impande zose zambaye ubusa

Abakinnyi 11 b’Amagaju FC babanje mu kibuga:

Ndikuriyo Patient 

Masudi Narcise 

Dusabimana Christian 

Dusabe Jean Claude 

Tuyishime Emmanuel 

Dusabimana Janvier 

Nkurunziza Seth 

Rukundo Abdoul Rahman 

Destin Malanda Excause 

Ndayishimiye Eduard 

Ndizeye Innocent 

Abakinnyi 11 ba APR FC babanje mu kibuga:

Pavelh Nzira

Christian 

Fitina Ombolenga 

Nshimiyimana Ynussu 

Niyigena Clement

Buregeya Prince

Ruboneka Jean Bosco

Nshimirimama Ismael Pitchou

Kwitonda Allain Bacca

Apam Bemol

Victor Mbaoma 

Mu mukino Ikipe Amagaju FC iheruka gukina muri shampiyona yatsinzwe na Sunrise FC ibitego 2-1 naho APR FC yo yatsinze Gorilla FC ibitego 4-1.

Uko amakipe yombi ahagaze kugeza ubu, ikipe y’Amagaju FC iri ku mwanya wa 9 n’amanota 17, mu gihe APR FC iri kumwanya wa 1 n’amanota 30. 

Uyu ni umukino wa mbere ikipe y’Amagaju FC igiye gukina na APR FC kuva yakongera gukina icyiciro cya mbere muri uyu mwaka w’imikino nyuma y’uko yari yaramunutse mu Cyiciro cya Kabiri  mu 2019.

Abakinnyi b’Amagaju FC bari kwishushya

Abakinnyi ba APR FC bari kwishushya