Blog

Kenshi usanga isi ya politike idahura cyane n'iy’imyidagaduro cyane ko ababibamo batabayeho ubuzima bumwe n'imikorere yabo isa nk’igenda ku mirongo ibiri iringaniye.

Akenshi abantu baba mu myidagaduro akabaye kose baba bashaka kugashyira hanze, nyamara byagera muri politike bigasaba kubanza gutekereza cyane.

Nubwo biba gacye, hari ubwo ababa muri ibi byiciro bibiri bagiye bisanga bakundana. Tugiye kugaruka ku bavuzwe cyane barimo Robert F Kennedy Jr uri mu biyamamariza kuyobora Amerika.

Cheryl Hines umugore wa Robert F Kennedy Jr

Cheryl Hines ni umukinnyi wa filime n'umunyarwenya ukomeye, akaba umugore wa Robert F Kennedy Jr wo mu miryango y'imbere muri politike ya Leta Zunze Ubumwe z'Amerika ndetse muri iyi minsi arimo kwiyamamariza kuyobora iki gihugu.

Andrew Cuomo na Sandra Lee

Mu myaka ya za 2000 ni bwo Andrew Cuomo yisanze mu rukundo n'icyamamare mu guteka no kwandika Sandra Lee, muri ibyo bihe byose bakaba barakomeje guhisha iby'urukundo rwabo.

Byaje kurangira Andrew abaye Guverineri wa Leta ya New York, gusa bakomeza gukundana batarigeze basezerana kuko Sandra Lee atari umuntu wizerera mu birebana n’ibyo.

Muri 2019 ni bwo baje gutandukana, biza no kurangira Cuomo ahatiwe kwegura ku mwanya wa Guverineri akurikiranweho ibyaha by'ihohotera rishingiye ku gitsina.

Sandra na we bidateye kabiri yambitswe impeta n'umukunzi mushya arusha imyaka myinshi.

Shery Lee Ralph na Senateri Vincent HughesUmugabo wa Kabiri w'umukinnyi wa filime n'umuhanzi Sheryl Lee Ralph ni Senateri wa Leta ya Pensylvania, akaba yitwa Vincent Hughes. Ubwo basezeranaga muri 2005, Ralph yakerewe kugera ahabereye isezerano ryabo ho isaha yose. Ni ubukwe bwaritabiwe n'abagera kuri 425, bususurutswa na Korali y’abagera kuri 82.

Perezida Nancy Reagan na Jane Wyman

Perezida Ronald Reagan yabaye Umukuru w'Igihugu cya Leta Zunze Ubumwe z'Amerika wa 40, mbere yaho ariko yari umukinnyi wa filime akanaba mu rukundo na Jane Wyman wari icyamamare kumurusha.

Aba bombi baje gusezerana kubana, babyarana abana 2, batandukana umugabo agikunda bikomeye uyu mugore.

Uyu mugabo yaje no kumwandikaho mu gitabo ariko Jane we akomeza guceceka kugera muri 2004 ubwo uyu mugabo yitabaga Imana.

Uyu mugore yashyize hanze ubutumwa bw’agahinda bugira buti: 'Amerika yahombye Perezida w’akataraboneka, igitangaza, umugwaneza kandi wiyoroshya.'

Rosario Dawson na Senateri Cory Booker

Ubwo Senateri Cory Booker yiyamarizaga kuba Perezida muri 2020, yari atangiye gukundana na Rosario Dawson icyamamare mu gukina filime.

Bari barahuye muri 2018, batangira gukundana muri 2019 ndetse byari ibyishimo kuri Rosario Dawson. Byaje kurangira Cory atabashije gutsinda, ariko bakomeza gukundana ndetse bari mu bitabiriye umuhango w’irahira rya Joe Biden mu 2021.

Aba bombi ariko baje gutandukana biyemeza gukomeza kuba inshuti.

Marilyn Monroe na Perezida John F Kennedy

Umukinnyi w'icyamamare wa filime Marilyn Monroe yakomeje kuvugwaho kuryamana na Perezida John F Kennedy ndetse byemezwa ko uyu mugore mbere yo kwitaba Imana yabanje guhamagara umugore wa JFK akamusaba imbabazi ko yamucaga inyuma.

Perezida Nicolas Sarkozy na Carla Bruni

Umuhanzikazi w'umunyamideli Carla Bruni yamamaye cyane muri 2002 ubwo yashyiraga hanze Album ye ya mbere. Yaje gusezerana kubana na Perezida Nicolas Sarkozy mu bukwe bwitabiriwe n'abantu bacye ba hafi yabo. Mu gihe umugabo we yari ku butegetsi, Bruni yakomeje gukora umuziki.

Daryl Hannah na John F Kennedy Jr

Umukinnyi wa filime Daryl Hannah yakundanyeho na JFK Jr wo mu miryango ya ba Kennedy abanyapolitike b'imbere bari bishimanye bagaragara babyinana ahirengeye ku nyubako.

JFK Jr yaje kwitaba Imana azize impanuka, ibintu byakomerekeje cyane Daryl Hannah.

Taylor Swift na Conor KennedyTaylor Swift ubwo yari afite imyaka 22 yakundanyeho na Conor Kennedy wari ufite imyaka 18 maze n’imiryango irabashyigikira dore ko Taylor Swift yari yarakoze indirimbo ivuga ku buhangange bw’uyu muryango.

Taliki 15 z'uku kwezi ni bwo MTN Rwanda na Minisiteri y'Ikoranabuhanga na Inovasiyo batangije gahunda ya Connect Rwanda ikiciro cya 2 mu karere ka Kirehe ndetse hahita hanamurikwa telephone nshya ya Ikosora+ ifata interinet ya 4G, ikaba igura ibihumbi 20 Frw gusa (20,000 Frw), abaturage batangira kuzigura ku bwinshi.

Nyuma yaho kuri uyu wa Kane taliki 28 Werurwe 2024 hari hatahiwe abo mu karere ka Nyaruguru. Kagabo George wari uhagarariye Umuyobozi Mukuru wa MTN Rwanda, yavuze ko iyi gahunda ari iyo kugira ngo bafashe Leta y'u Rwanda gushyira mu bikorwa gahunda yihaye yo gushishikariza Abanyarwanda gukoresha ikoranabuhanga.

Yagize ati: 'Connect Rwanda ni gahunda yo kugira ngo dukomeze gushyira mu bikorwa gahunda ya leta yo gukomeza gushishikariza abaturage b'igihugu cy'u Rwanda gukoresha ikoranabuhanga.

Ni gahunda yashyizweho n'Umukuru w'igihugu kandi twe nk'abakozi ba MTN dukorera u Rwanda binyuze muri yo. Twebwe turi hano nka MTN kugira ngo dufashe Leta y'u Rwanda gushyira mu bikorwa gahunda yo gukoresha ikoranabuhanga.

Niko kazi kacu nka MTN kandi turabyishimira ndetse turishimira ibyo tumaze kugeraho kandi dufite n'izindi gahunda ndende kubera ko akazi kacu ni ugutekerereza umuturage mu bijyanye n'ikoranabuhanga'.

Yakomeje avuga ko ubundi iyi telefone isanzwe igura amafaranga ari hejuru y'ibihumbi 70 Frw, ariko bo nka MTN bakaba baricaye hamwe na Minisiteri ibishinzwe bakayishyira ku bihumbi 20 kugira ngo bafashe ubuyobozi bukuru bw'igihugu gushyira mu bikorwa gahunda yo kwegereza Abanyarwanda ikoranabuhanga.

Abaturage bo mu karere ka Nyaraguru bahise bibikaho izi telefone mu ba mbere, babwiye InyaRwanda ko bacyumva ko MTN izajya kubegereza izi 'Smart phone' zidahenze, byabashimishije ndetse banavuga ko izo baguze zigiye kujya zibafasha kwirebera amakuru mu ba mbere.

Ndikumana Alivella utuye mu murenge wa Nyagisozi, yagize ati: 'Numvise ko MTN iri buze kutwegereza telefone zigezweho narishimye birandenga ndavuga nti ‘nanjye ngomba kuyigura’. Hari iyo nari mfite ariko iza gupfa birambabaza nkabura uko mvugana n'abana banjye. Iyi telefone naguze nzajya nyihamagaza abana banjye, ndebe aho amakuru ageze mu ba mbere ndetse izajya inamara irungu'.

Umuyobozi Mukuru ushinzwe ikoranabuhanga muri Minisiteri y'ikoranabuhanga na Inovasiyo, Kalena Gordon, aganira na InyaRwanda yavuze ko iyi gahunda yo gutanga telefone zigezweho kuri make zizafasha abaturage mu kwiteza imbere dore ko nko muri Nyaruguru ho umubare w'abaturage bazifite ukiri hasi.

Ati: 'Ni gahunda yo kugira ngo abaturage babashe kwigondera telefone zihendutse aho uyigura ibihumbi 20 Frw, hanyuma ugashyiramo igihumbi 1 cyonyine ukabasha kubona interineti mu gihe kingana n'ukwezi.

Ibyo rero tubona ari ibintu bizafasha abaturage kuko hari hari imbogamizi. Iyo umuturage atunze telefone imufasha ibintu byinshi haba mu guhamagara, kumenya amakuru, abafite abana bajya mu mashuri barayikoresha imikoro baba bahawe ku mashuri bagera mu rugo bakabasha gukora ubushakashatsi bakihugura bakiga.

Hari ababa ari urubyiruko cyangwa n'abandi bitewe n'akazi akora, yaba ari umuhinzi cyangwa umworozi telefoni igezweho iramufasha cyane mu kumenya uko azajya abyaza umusaruro ibikorwa akora”.

Yanavuze ko hari gahunda bashyizeho y'Intore mu ikoranabuhanga aho hari abantu bagenda bahugura abaturage ku gukoresha ikoranabuhanga, kuri ubu bakaba bafite abarenga 1,400 mu gihugu hose, gusa bakaba bashaka kubongera.

Kalena Gordon yanavuze ko mu rwego rwo kunganira iyi gahunda, ahakigaragara ibibazo bya interineti bari gushaka uko byakemuka, aho bagiye kubaka iminara mishya 700 mu gihugu hose mu myaka 2 igiye kuza, mu gihe by’umwihariko muri Nyaruguru hazubakwa iminara 7 mu minsi ya vuba.

Imibare yerekana ko mu Karere ka Nyaruguru hari abaturage barenga 318,126, mu gihe ingo zihatuye ari ibihumbi 73,805 ariko muri izo ngo abatunze telefone ni 7,195 gusa.

Ibyishimo byari byose ku bataruge bo mu karere ka Nyaruguru begerejwe telefone zigezweho zigura ibihumbi 20 Frw gusa

Bamwe muri bo bahise bazicyura bataha bashimira cyane MTN Rwanda

Iyi telefone yiswe Ikosora+ igura ibihumbi 20 Frw, ukongeraho 1000 Frw gusa atuma uyiguze abona internet ya 1GB buri munsi, iminota 100, bimara ukwezi kose ndetse n'ubutumwa bugufi 100 nabwo bumara ukwezi.

Ibi birori byabaye kuwa Gatatu taliki 27 Werurwe 2024 mu Karere ka Huye mu Ntara y’Amajyepfo. Byagombaga kuba taliki 21 ku munsi mpuzamahanga w’Ubusizi, ariko bihuzwa n’uw’Ikinamico usanzwe wizihizwi uyu munsi taliki 27 Werurwe.

Ibirori byatangiriye mu Murenge wa Karama ahazwi nko ku Ntebe y’Abasizi, ahahoze intebe y’Abasizi ku musozi wa Gacurabwenge aho abakurambere mu busizi bajyaga mu gihe bashaka gukora mu nganzo.

Aha ku Ntebe y’Abasizi, abaturage bishimiye ibyamamare bitandukanye byo mu buhanzi bw’ikinamico birimo abazwi ku mazina ya ‘Intare y’Ingore’, ‘Rangwida’ na Shyaka wo mu Runana, ‘Maribori’ wo muri Musekeweya, Tuyishime Jadon Fils wo mu Nkera Nyarwanda n’Indamutsa za RBA ndetse n’abandi basuhuje abaturage bo mu murenge wa Karama bari bahateraniye.

Nyuma yo kuva i Karama ibirori byakomereje mu Ngorondangamurage ya Huye ahagana saa moya z’umugoroba.  

Umuyobozi w’Inteko y’Umuco, Ambasaderi Robert Masozera yashimiye ndetse anifuriza abari bitabiriye umunsi mwiza mpuzamahanga w’Ubusizi n’Umuco agira ati: “Ndangira ngo mbashimire cyane ariko mbifurize umunsi mwiza mpuzamahanga w'ubusizu n’ikinamico. 

Ubwo rero inteko y'umuco twishimiye kubakira hano muri iyi Ngoro yamateka y'imibereho y'Abayanyarwanda. Ubusizi n'ikinamico ni ingeri z'ubuhanzi ni ingeri z'ubuvanganzo by'umwihariko twe dukunda cyane mu nteko y'umuco kubera ko usanga ari ingeri zijyanye n'ibyifuzo dufite byo kuvoma mu muco, kuvoma mu murage n'amateka”.

Yavuze ko hari ibibazo bahura nabyo by’ukuntu ubuhanzi butera imbere ariko bukagendana n’Isi igezweho bigatuma umuco usigara. Ati: “Bimwe mu bibazo duhura nabyo, hari ubuhanzi dufite bugenda butera imbere ariko wareba neza ugasanga ni bwabuhanzi burimo buragendana n'Isi igezweho. 

Wa muvuduko uriho ukabona n'ubundi kuvoma mu murage n'umuco Nyarwanda biragenda buhoro ahubwo ukabona gutira imico yo hanze aribyo byihuta. 

Niyo mpamvu mu nteko y'Umuco, mu bukangurambaga dukora, ntabwo duhwema kwibutsa cyane cyane abahanzi bakiri bato kujya bibuka kuvoma mu murage ariko kubera ko n'ubundi umurage n'umuco ari ikintu kigenda gikura nabyo ni byiza kugenda umuntu atira no hanze no kwihangira ibijyanye n'umwimerere wacu”.

Ambasaderi Robert Masozera yakomeje avuga ko ubuhanzi buvura ndetse mu mateka bukaba bwaratabaye mu rugamba rwo kwibohora aho urubyiruko rwabaga mu buhunzi rugatangira gufata imico y'ibindi bihugu ariko ababyeyi babibonye mu kintu bifashishije cyane hakab harimo ikinamico kugira ngo bongere babakundishe u Rwanda. 

Yanavuze ko kandi mu rwego rwo guha ubuhanzi agaciro hari minisiteri ibushinzwe icyo kikaba ari ikimenyetso ndetse anavuga ko mubuhanzi usanga ibibazo bahura nabyo ari bimwe cyane cyane ibyamikoro ariko bikaba bimaze kugaragara bityo Minisiteri ikaba ifite gahunda yo kuzagenda ibikemura. 

Nyuma hahise hatangira gutangwa ibihembo ku bahize abandi mu byiciro bitandukanye;

Abegukanye ibihembo mu bwoko bw’urwenya bwa Stand up comedy, mu bakobwa ni Kaduhire Ernestine naho mu bagabo ni Mpazimpaka Japhet.

Igihembo cy’Umunyarwenya ukizamuka cyahawe ni Ndihokubwayo Jean Bosco.

Abahize abandi mu rwenya rusanzwe, mu bagore ni Uwimpundu Sandrine uzwi nka Rufonsina. N’amarangamutima menshi yavuze ko yishimiye ko yegukanye igihembo cya 3,ashimira abamushyigikiye anavuga ko iyo umuntu akora nta shimirwe acika intege ariko akaba agiye gukora birushijeho.

Mu bagabo cyegukanwe na Nkumdabose Emmanuel 

Abegukanye ibihembo mu mbyino zigezweho, mu cyiciro cy’Itsinda cyegukanwe na Incredible Kids Academy,mu bakobwa cyegukanwa na Uwimana Shakira naho mu bagabo ni Joseph Murego uzwi nka Jojo Breezy mu gihe  Uwa Divine yegukanye icy’umubyinnyi ubikunda ndetse akaba anabimazemo igihe.

Mu cyiciro cy’abasizi, Umusizikazi wahize abandi ni Kibasumba Confiance naho Umusizi ni Tuyisenge Olivier mu gihe Igihembo cy’umusisikazi ubikunda ndetse akaba anabimazemo igihe cyahawe Maniraguha Carine.

Mu bakina ikinamico za Radiyo, mu bakobwa cyegukanwe na Ingabire Mimi Marthe wamamaye nka Maribori muri Musekeweya naho mu bagabo ni Twagirayezu Evaritse.

Muri rusange Uwimana Shakira wari wegukanye n’ubundi icy’umubyinnyi mwiza mu bakobwa niwe watwaye icyuwakunzwe n’abafana kurusha abandi.

Ibi Ibihembo byatanzwe hashingiwe ku manota 50% yatanzwe n'Akanama Nkemurampaka na 50% yavuye mu majwi y'abatoye haba kuri Internet ndetse n’akoresheje ubutumwa bugufi.

Abegukanye ibihembo

Maniraguha Carine wahawe igihembo cy’umusizikazi ubimazemo igihe kandi abikunda

Twagirayezu Evaritse yegukanye igihembo cy’umukinnyi mwiza w’ikinamico za Radiyo mu bagabo

Tuyisenge Olivier niwe wegukanye igihembo cy’umusizi mwiza kurusha abandi 

Uwimana Shakira yegukanye igihembo cy’umubyinnyi mwiza mu bakobwa ndetse akanegukana icy’uwakunzwe n’abafana 

Uwa Divine yegukanye igihembo cy’umubyinnyi ubikunda ndetse unabimazemo igihe

Joseph Murego uzwi nka Jojo Breezy niwe wegukanye igihembo cy’umubyinnyi mwiza mu bagabo kurusha abandi 

Ingabire Mimi Marthe wamamaye nka Maribori niwe wegukanye igihembo cy’umukinnyi mwiza mu bagore m ikinanico zo kuri Radiyo 

Ndihokubwayo Jean Bosco yahawe igihembo cy’umunyarwenya ukizamuka

Ni ibirori byari biryoheye ijisho ndetse nta rungu ryahabarizwaga

Umuraperi w’umuherwe Sean Combs uzwi cyane nka Diddy, akaba na rwiyemezamirimo, ibye bikomeje gufata indi ntera nyuma yaho abashinzwe umutekano baherutse gusaka imiturirwa ye ibiri i Los Angeles na Miami, mu gukusanya ibimenyetso by’ibyaha ashinjwa.

Kuri ubu indi nkuru yongeye guca ibintu kuri uyu muraperi uri kunyura mu bihe bikomeye, ni uko televiziyo ye yitwa ‘Revolt TV’ yamaze kuyigurisha ikaba itakiri iye. New York Times ivuga ko iyi televiziyo iri mu biganza by’undi mushoramari utaratangazwa amazina mu rwego rwo kwirinda ko izina rye rigira aho rihurira n’ibiri kuba kuri Diddy.

Diddy ushinjwa ibyaha byo gufata ku ngufu no gucuruza abakobwa, yamaze kugurisha televiziyo ye

Muri Nzeri ya 2023 ubwo Diddy yasubizwaga mu rukiko ku nshuro ya Kane ashinjwa gufata ku ngufu nibwo yahise yegura kubuyobozi bukuru bw’iyi televiziyo agasimburwa na Detavio Samuels wungirijwe na Deon Graham. Uyu Samuels ni we wahamirije New York Times ko iyi televiziyo Diddy yamaze kuyigurisha kuwundi muntu utifuza ko amazina ye ajya hanze.

Yaraherutse kwegura kubuyobozi bukuru bw’iyi televiziyo yaramazeho imyaka 10

Ni mu gihe TMZ yo ivuga ko Diddy yagurishije Revolt TV mu mpera z’umwaka wa 2023 nyuma y’uko yarasubijwe mu nkiko biturutse ku kuba abafitemo imigabane babyifuzaga ko Diddy atakomeza kuba umuyobozi wayo mu gihe ari gushinjwa ibyaha bikomeye.

Diddy yari yarashinze televiziyo ya ‘Revolt TV’ mu 2013

Ibi bimenyekanye mu gihe uyu muraperi ibye bikomeje kuvugwa ko ari iminsi y’igisambo imaze kugera kuri mirongo ine, nyuma yo kuba yaramaze igihe ashinjwa ibyaha bitandukanye. Ibi kandi bimenyekanye mu gihe abarimo abahoze ari abakunzi be barimo umuraperikazi Yung Miami bajyanywe mu nkiko bamuzira.

Umurungi Aimee Angel ni umunyarwandakazi ukiri muto utuye mu Mujyi wa Kigali, Kimihurura. Ni umukobwa wihebeye ikoranabuhanga, akaba umukristo usengera muri Grace Room Minister iyoborwa na Pastor Julienne Kabanda Kabirigi.

Ikoranabuhanga riri mu maraso ye kuko afite impamyabumenyi y’icyiciro cya kabiri cya kaminuza mu bijyanye na ‘Computer Science’ mu ishami rya ‘Business Information Technology’ yakuye muri Kaminuza ya Gitwe y’Abadivantiste b’Umunsi wa Karindwi.

Karungi afite kandi impamyabumenyi y’icyiciro cya gatatu cya kaminuza (Master’s degree) yakuye muri East Africa University. Yasoje amashuri yisumbuye mu mwaka wa 2015, naho kaminuza ayisoza mu mwaka 2019. Nyuma yaho yahise akurikizaho Master’s.

Mu Rwanda, yakoreraga IT kuri CHUB (Center Hospital University Butare), ubu ari gukorera muri OSHIL LDT aho bakora imishinga y’ikoranabuhanga, bagategura ibikorwa binyuranye (Events) ku mashusho n’amajwi (Sound), bakaba bakorera muri Kicukiro Building Innovation.

Kuri ubu Angel Karungi ari kubarizwa mu Bushinwa mu Nama Mpuzamahanga ku ikoranabuhanga “2024 Product Manager Training Program International Class” yateguwe na kompanyi ya ITC, ikaba igamije kurema ibishya bishingiye ku ikoranabuhanga (Trust Creation).

Ni inama ikomeye yitabiriwe n’abagera kuri 105 mu bihugu 34 byo ku migabane itandukanye. Yatangiye ku Cyumweru tariki 24 Werurwe 2024 kugeza kuwa Gatanu tariki 29 Werurwe 2024. Yabaye ikurikirana n’indi yahuje aba CEO barenga 500 bo mu bihugu bitandukanye.

Angel Karungi mu bitabiriye inama mpuzamhanga ya ITC

Angel Karungi, umunyarwanda wa mbere witabiriye iyi nama, yabwiye inyaRwanda ati “Byaranshimishishe nk’umukobwa kwibona ahantu hateraniye ibihugu 34 byo ku migabane itandukanye noneho kuba ndi umunyarwandakazi byabaye akarusho kuko byatumye nshyiramo imbaraga nyinshi nk’uhaje bwa mbere.”

Yavuze ko yishimiye cyane kumenyekanisha igihugu cye cy’u Rwanda dore ko hari benshi bamubwiye ko ari ubwa mbere bumvise u Rwanda hakaba n’abarwitiranyaga na Luanda – umurwa mukuru wa Angola. Yishimiye kandi guhabwa igihembo, ati “Bampaye n’igihembo cy’umushinga mwiza wo gufasha abafite ubumuga mu kwivuza (Customer care)”.

Umurungi Aimee Angel ari we Angel Karungi avuga ko muri iyi nama y’ingirakamaro yungukiyemo byinshi bizamufasha gushyira mu bikorwa imishinga ye. Ati “Nungukiyemo ibitekerezo ku mishinga yanjye, isoko ry’ibikorwa byo guhanga udushya (Innovation) kuri ICT, amasezerano y’ubufatanye na ITC n’ubumenyi bwimbitse ku ikoranabuhanga”.

Byanyuze mu yihe nzira kugira ngo Angel Karungi yitabire iyi nama mpuzamahanga?

Angel Karungi yavuze ko yaje kumenya amakuru ko hari inama igiye kubera mu Bushinwa, izaba yiga ku ikoranabuhanga yihebeye, niko gukora ikizamini, anatanga imishinga ye, biza kurangira imishinga ye isamiwe hejuru n’abategura iyi nama, bamwemerera kuzitabira.

Uyu mukobwa w’intiti mu bijyanye n’ikoranabuhanga, yahise ashaka itike n’ibindi bicye by’ibanze na cyane ko amafunguro n’amacumbi biri mu nshingano z’abateguye iyi nama. Ati “Nakoze ikizamini ndatsinda, bashima n’imishinga yanjye bantumaho (Invitation letter)”.

Angel Karungi yabwiye inyaRwanda ko imishinga ye yamuhesheje amahirwe yo kwitabira iyi nama yo ku rwego mpuzamahanga yanazamuriyemo ibendera ry’u Rwanda “ni uburyo twajya tugura umuriro ukabwirwa ko wishyuye, meter ikijyanamo mu buryo bwa Digital”.

Ni ikoranabuhanga ryakorohereza abanyarwanda basiragira bagura umuriro w’amashanyaraza kuko ubusanzwe iyo uguze umuriro, baguha imibare (Token) ushyira muri Kashi Pawa, ariko ubu buryo bwa Karungi bwo, umuriro uzajya uhita wijyanamo ukimara kuwugura.

Ati “Undi mushinga ni uburyo bwa Sofia zajya zifasha abantu bafite ubumuga bwo kutumva cyangwa kutabona, uburyo bwo kubayobora kwa muganga harimo machine zivuga byibura Icyongereza, Igifaransa n’Ikinyarwanda zinerekana amashusho”.

Asobanura ko byafasha abatabona kubona serivisi zihuse kwa muganga, kuko ubusanzwe hari abagorwa no kubona ubayobora n’uko bafashwa na muganga. Ni umushinga washimwe cyane na ITC iteguta iyi nama, bituma bamuha igihembo cy’umushinga mwiza.

Uyu mukobwa avuga ko imishinga ye iramutse ibonye abaterankunga byafasha u Rwanda nk’igihugu kiri gutera imbere mu ikoranabuhanga kuko byakwihutisha serivisi, hakabaho igabanuka ry’ibiciro, gukoresha igihe neza, kujyana n’igihe no gutanga serivisi nziza.

Nyuma yo kuva muri iyi nama, ikintu cy’ibanze agiye gukora akigera mu Rwanda ni ugukomeza imishinga ye akanegera bimwe mu bigo nk’iby’ingufu z’umuriro hakabaho kuzuzanya kuri ‘Data information’. Yasabye urubyiruko gukunda “iterambere rugiramo uruhare nka ba nyiri u Rwanda ruzaza, bakore nk’abato banubaha Imana mu mirimo bakora”.

ITC yashinzwe mu 1993, ikaba ifite icyicaro i Guangzhou mu Bushinwa. Ifite inyubako 4 z’ibiro, ibigo 6 bya R&D n’inganda 5. Impamvu ikomeye ya R&D ni ubushobozi bwo gukora, aho baha abakiriya ibicuruzwa byizewe bifite ireme ryiza kandi bitangwa ku gihe. Batanga kandi amahugurwa, ubucuruzi, na serivisi za OEM na ODM.

Umushinga we wahawe igihembo muri iyi nama ya ITC

Angel Karungi niwe munyarwanda wa mbere witabiriye inama ya ITC

Angel Karungi mu barenga 100 bitabiriye inama mpuzamahanga ku ikorarabuhanga

Angel yishimiye cyane kumenyekanisha u Rwanda ku ruhando mpuzamahanga

ITC imaze imyaka 30 kuva ishinzwe ikaba ifite icyicaro mu Bushinwa

Urubuga macrumors.com rwatangaje ibi, rugaragaza ko ibitero nk'ibi (Phishing attacks) bikomeje kugabwa ku bafite ibikoresho bya Apple by'umwihariko abakoresha telephone za iPhone, mudasobwa za Mac ndetse n'amasaha y'uru ruganda azwi nka Apple Watch, aho bohererezwa ubutumwa bwinshi kandi buzira rimwe (multi-factor authentication messages) bubasaba guhindura ijambo-banga rya konti zabo za iCloud.

Uku kuboherereza ubu butumwa bwinshi icyarimwe, abagaba ibi bitero ngo bibafasha kumvisha ufite cya gikoresho cya Apple ko akwiye gukora ibyo bamusabye atazuyaje maze agahindura rya jambo-banga ari nabyo bibafasha kubona uko binjira muri ya konti ya icloud bakabasha gukuramo amakuru yose bashaka ndetse no gukora gukora ibyo bashaka byose haba muri telephone, mudasobwa n'ibindi byose bikoresha ya konti ya icloud.

Uko wamenya niba wagabweho ibi bitero

Kugira ngo umenye neza ko ibi ari ibitero by'ikoranabuhanga, uzasanga bwa butumwa bwaje ari bwinshi cyane ku buryo nta kindi kintu wakora kugeza igihe ubashije guhakanira (dismiss) bwa butumwa uko bwaje kandi ku bikoresho byose bikoresha konti yawe ya iCloud.

Uwitwa Parth Patel, umwe mu bagabweho ibi bitero, yavuze ko byamusabye guhakanira (dismiss) ubutumwa burenga ijana yari yohererejwe akanda ku ijambo rigira riti 'Don't Allow'. Nyuma yo gukanda iryo jambo muri izo nshuro zose, ngo nibwo Patel yabashije kongera gukoresha igikoresho (device) cye nk’uko bisanzwe.

Nyuma yo kuguha ubu butumwa, uwagabye ibitero ahita aguhamagara akoresheje numero yiyitirira ko ari iyo mu ruganda rwa Apple, hanyuma wamwitaba akakubwira uburyo konti yawe iri mu kaga kubera ibitero yagabweho, maze akagusaba kumuha amakuru y'ibanze kugira ngo agufashe guhagarika ibyo bitero.

Ntabwo harasobanuka neza inzira abagaba ibi bitero bacamo kugira ngo babashe kohereza ubu butumwa bw'urudaca ku bafite ibikoresho bya Apple, gusa bigaragara nk'aho hari uruhurirane rw'amakosa aba yabayeho bikaba byatuma hari abashobora kwinjira mu mikorere (System) ya Apple kugera ku rwego rwo koherereza ubutumwa abafite ibikoreshoo by'urur ruganda.

Inama ku bafite ibikoresho bya Apple

Abafite ibikoresho bya Apple barasabwa gutuza no kwirinda kugira uwo baha amakuru yihariye ajyanye na konti zabo za iCloud n'ubwo byaba bigaragara ko ashobora kuba aturutse ku ruganda rwa Apple. 

Nta na rimwe biba byemewe ko usangiza umuntu awo ari we wese kode ikoreshwa rimwe (one-time code), ndetse n'uruganda rwa Apple ubwarwo ntirujya rusaba abakiliya bayo kode iyo ariyo yose.

Abakoresha ibikoresho bya Apple basabwe kuba maso kuko hadutse abatekamitwe

Umwanditsi: Justin Kayiranga

Inama Mpuzamahanga y'uyu mwaka ya 'Global Citizen NOW' igamije gushyira iherezo ku kibazo cy'ubukene cyugarije isi, izaba ku ya 1 n'iya 2 Gicurasi 2024 ibere i New York muri Leta Zunze Ubumwe za Amerika.

Iyi nama y'ibgirakamaro izamara iminsi ibiri, igiye guhuza abayobozi bo hirya no hino ku Isi mu birebana na politiki, imyidagaduro, itangazamakuru, abagiraneza, abashinzwe gukora ubuvugizi, ndetse n'abo mu rwego rw'abikorera, aho bazaba biga ku cyakorwa mu rwego rwo kurokora ejo hazaza h'abatuye isi.

Mu bayobozi bakomeye bazitabira iyi nama, harimo Perezida wa Repubulika y'u Rwanda Paul Kagame, Perezida wa Botswana Mokgweetsi Masisi, Minisitiri w'Intebe wa Antigua And Barbuda Gaston Browne;

Minisitiri w'Intebe wa Bahamas Philip Davis, umugore w'umukuru w'igihugu wa Brazil Janja Lula Da Silva, Hugh Jackman, umwanditsi w'ibitabo akaba n'umukinnyi wa filime Danai Gurira, Anitta, umukinnyikazi wa filime Dakota Johnson, Michelle Yeoh, Hans Vestberg, Nir Bar Dea, n'abandi.

Ahanini muri iyi nama hazibandwa cyane ku bitekerezo bitanga umuti wihuse ku cyakorwa ngo nibura buri wese utuye isi abashe kubona ibintu by'ibanze mu buzima birimo ibyo kurya, uburezi, uburyo bwo kwivuza, amashanyarazi n'ibindi, guhanga udushya, ihindagurika ry'ikirere, iterambere ry'ubukungu kuva ku muturage kugera ku gihugu, guhanga imirimo n'ibindi.

Abanyapolitiki bazayobora inama y'uyu mwaka harimo Perezida w'u Rwanda Paul Kagame, Perezida wa Botswana Mokgweetsi Masisi, Minisitiri w'Intebe wa Antigua And Barbuda Gaston Browne, Minisitiri w'Intebe wa Bahamas Philip Davis, uwahoze ari Minisitiri w'Intebe wa Suwede Stefan Löfven, na Erna Solberg, wahoze ari Minisitiri w'intebe wa Noruveje.

Si aba gusa bazayobora iyi nama, kuko no mu zindi nzego zirimo urw'abikorera, urw'abafata ibyemezo bitandukanye, urw'itangazamakuru ndetse n'urw'umuco barahagarariwe.

Umuyobozi wa Global Citizen, Hugh Evans yagiranye ibiganiro na Perezida Kagame ubwo aheruka mu Rwanda mu mwaka ushize

Icyo gihe baganire ku mukoranire hagati y’u Rwanda na Global Citizen ku gitaramo cya Move Africa cyasize amateka akomeye i Kigali

Umuyobozi akaba n'uwashinze ikigo cya Global Citizen gitegura iyi nama, Hugh Evans, yagize ati: 'Isi ihagaze mu mayira abiri ariko dufite amahitamo: dushobora kurebera abakene bashonje, bababazwa no kunyura mu biza karemano kandi bakicwa n'indwara zishobora kwirindwa;

Cyangwa se tugafata ingamba ihamye yo kurwanya ubukene, kurengera umubumbe no guharura inzira igana ahazaza heza. Dufite imbaraga zo kurema impinduka ikomeye muri uyu mwaka, ariko tuzabigeraho gusa ari uko twagize ubutwari bwo guhaguruka tukagira icyo dukora ubungubu.'

Umukinnyi wa filime Danai Gurira wamenyekanye cyane mu yitwa ‘Black Panther’

Danai Gurira, wegukanye igihembo cy'umukinnyi wa filime mwiza yagize ati: 'Nabigize inshingano zanjye gukora cyane ngo nzamure amajwi atabasha kumvikana. Nishimiye cyane kuba umwe mu bagize inama y'uyu mwaka ya Global Citizen NOW, kandi ntegerezanije amatsiko kuzaba mu biganiro bitanga ibisubizo byihuse kandi bifatika ku bibazo by'ingutu no gukemura ubusumbane bukabije bwugarije umugabane wa Afurika.'

Muri iyo nama harimo umuhango wo gutanga ibihembo bya Global Citizen Prize 2024, bihabwa abakoze ibikorwa by'intashyikirwa mu bihugu baturukamo bikagira ingaruka nziza ku baturage baho, haba mu bijyanye n'uburinganire, imihindagurikire y'ikirere, ibiryo nimirire, ubuzima n'inkingo, ndetse n'igihembo cya 'Cisco Youth LeadershipAward,' gihabwa umuntu umwe w'urubyiruko ukomeje kugira isi nziza yifashishije guhanga udushya mu birebana n'ikoranabuhanga. Abatsindiye ibi bihembo bose, bazamenyekanamuri Mata 2024.

Inama y'uyu mwaka ya Global Citizen NOW iteganijwe kuzabera ahitwa Spring Studios mu mujyi wa New York, yatewe n'ibigo bikomeye ku isi.

Perezida Paul Kagame ari mu bayobozi bazayobora inama mpuzamahanga irwanya ubukene ya Citizen Global NOW

Perezida wa Botswana, Mokgweetsi Masisi nawe ari mu bazayobora iyi nama

Umuhanzikazi Anitta ukomoka muri Brazil azitabira inama ya Global Citizen NOW 2024  

Iyi nama igiye kubera i New York ku nshuro ya gatatu

Nyuma y’amezi abiri arwaye, Yunia Mukangarambe nyirakuru wa The Ben, yitabye Imana mu gitondo cyo kuri uyu wa Kane tariki 28 Werurwe 2024 ubwo yari ajyanwe kwa muganga kugira ngo yitabweho n’abaganga.

Umwe mu bari hafi y’uyu mukecuru, yatangaje ko nyirakuru wa The Ben yitabye Imana mu gitondo cya kare ubwo yari arembye hanyuma bamujyana kwa Muganga agashiramo umwuka atari yahabwa ubuvuzi.

Kuva yakwitaba Imana muri iki gitondo, nta butumwa The Ben yari yatangaza bujyanye n’uyu mubyeyi witabye Imana kuko atari ko buri wese ahita abona imbaraga zo kugira icyo atangaza mu gihe ari mu gahinda k’ako kanya.

Uyu mukecuru we yitabye Imana mu gihe n’umwuzukuru we Green P yari ari mu Rwanda nyuma y’igihe kirekire yituriye i Dubari ari ho ashakira ubuzima nk’abandi bose.

Mukangarambe Junia witabye Imana mu gitondo cyo kuri uyu wa 28 werurwe 2024, abyara Mama wa The Ben na Green P.

Nyirakuru wa The Ben wari usanzwe atuye mu Karere ka Kayonza yitabye Imana mu gitondo cyo kuri uyu wa 28 Werurwe 2024