Blog

Ni umuhango wabaye kuri iki Cyumweru tariki 11 Kanama 2024, ubera muri Stade Amahoro yavuguruwe igashyirwa ku rwego rwo kwakira abantu ibihumbi 45 birenga byicaye neza.

Witabiriwe n'abakuru b'ibihugu 22, ba Visi Perezida bane, ba Minisitiri w'Intebe babiri, abayobozi b'Inteko zishinga Amategeko babiri, batanu bayobora imiryango mpuzamahanga, batatu bahoze ari abakuru b'ibihugu n'abandi banyacyubahiro batandukanye.

Abaperezida bitabiriye uyu muhango ni Perezida w'Inzibacyuho wa Gabon, Brice Oligui Nguema; Perezida wa Tanzania, Samia Suluhu Hassan; Perezida wa Kenya, William Ruto; Perezida wa Zimbabwe, Emmerson Dambudzo Mnangagwa; Perezida wa Seychelles, Wavel Ramkalawan; Perezida w’Inzibacyuho wa Guinee Conakry, Lt Gen Mamady Doumbouya; Perezida wa Somalia, Hassan Sheikh Mohamud;

Perezida wa Angola, João Lourenço; Perezida wa Guinea-Bissau, Umaro Sissoco Embaló; Perezida wa Djibouti, Ismail Omar Guelleh; Perezida wa Ghana, Nana Akufo-Addo; Perezida w'Inzibacyuho wa Sudani, Abdel Fattah al-Burhan Abdelrahman al-Burhan; Perezida wa Mozambique, Filipe Nyusi; Perezida wa Centrafrique, Faustin-Archange Touadéra, Umwami Mswati wa Eswatini.

Hari kandi Perezida wa Sudani y'Epfo akaba n'Umuyobozi w'Umuryango wa Afurika y'Iburasirazuba (EAC), Salva Kiir Mayardit; Perezida wa Togo, Faure Gnassingbé; Perezida wa Congo Brazaville, Denis Sassou Nguesso; Perezida wa Madagascar, Andry Nirina Rajoelina; Perezida wa Botswana, Mokgweetsi Masisi na Perezida wa Ethiopia, Sahle-Work Zewde.

Perezida Kagame yarahijwe na Perezida w'Urukiko rw'Ikirenga, Dr Ntezilyayo Faustin. Mu ndahiro ye, Perezida Kagame yagize ati: “Njyewe, Kagame Paul, ndahiriye u Rwanda ku mugaragaro: ko ntazahemukira Repubulika y'u Rwanda; ko nzakurikiza nkanarinda Itegeko Nshinga n'andi mategeko; ko nzakorana umurava imirimo nshinzwe;

Ko nzaharanira amahoro n'ubusugire bw'igihugu; ko nzashimangira ubumwe bw'Abanyarwanda;ko ntazigera nkoresha ububasha mpawe mu nyungu zanjye bwite; ko nzaharanira ibyagirira Abanyarwanda bose akamaro. Nintatira iyi ndahiro, nzabihanirwe n'amategeko, Imana ibimfashemo.'

Nyuma yo kurahira yashyize umukono ku ndahiro, Dr Ntezilyayo Faustin ahita amushyikiriza ibirango by'igihugu, naho Umugaba Mukuru w’Ingabo z’u Rwanda, Gen Mubarakh Muganga amushyikiriza ibirango bya gisirikare.

Perezida Kagame yanakiriye indirimbo y'igihugu nka kimwe mu birango by'igihugu, iraririmbwa, nyuma abona gutambagira mu Ngabo n’Abapolisi bari mu masibo 12, bari biteguye gukora akarasisi, abaha uburenganzira berekana akarasisi bari bamaze igihe bategura.

Perezida Kagame yatangiye kuyobora u Rwanda mu 2000 ubwo yari amaze kugirirwa icyizere n'Inteko Ishinga Amategeko nyuma y'ukwegura kwa Pasiteri Bizimungu wari Perezida. Muri 2003 yatorewe kuyobora u Rwanda, muri 2010 no muri 2017 nabwo biba uko.

Tariki 15 Nyakanga 2024 Perezida Kagame yongeye gutorerwa kuyobora u Rwanda muri Manda y’imyaka 5 akaba yaratsinze ku majwi angana na 99.18%.

Nyuma y’umuhango w’agatangaza wo kurahira kongera kuyobora u Rwanda, Perezida Kagame yakiriye ku meza abashyitsi bagendereye u Rwanda bakifatanya narwo muri ibi birori ndetse anagirana ibiganiro na bamwe mu bakuru b’Igihugu.

Perezida Kagame hamwe n’Umufasha we Madamu Jeannette Kagame

Perezida Kagame ubwo yageraga muri Stade Amahoro asuhuza abitabiriye uyu muhango

Madamu Jeanette Kagame yari yakenyeye umushanana mwiza cyane

Perezida Kagame asuhuza Perezida wa Tanzania, Samia Suluhu Hassan

Perezida Kagame asuhuza Perezida wa Mozambique, Filipe Nyusi

Perezida Kagame asuhuza Visi Perezida wa Uganda, Jessica Rose Epel Alupo

Perezida Kagame asuhuza Perezida wa Ethiopia, Sahle-Work Zewde

Perezida w’Urukiko rw’Ikirenga, Dr Ntezilyayo Faustin niwe warahije Perezida Kagame

Perezida Kagame araharira kuyobora u Rwanda muri manda y’imyaka 5

Perezida Kagame ashyikiriza ibirango by’igihugu

Perezida Kagame ashyira umukono ku Ndahiro

Perezida Kagame atambagira mu Ngabo n’Abapolisi mbere yuko bakora akarasisi

Perezida Kagame ageza ijambo ku bari muri Stade Amahoro

Minisitiri w'Ububanyi n'Amahanga, Olivier Nduhungirehe yakira abakuru b’Ibihugu na za Guverinoma bitabiriye Umuhango w’Irahira rya Perezida Kagame

Umwami Mswati wa Eswatini ari kumwe na Madamu we

Perezida wa Sudani y’Epfo, Salva Kiir Mayardit asuhuza abari muri Stade Amahoro

Abagize umuryango wa Perezida Kagame mbere yuko basezera Abanyacyubahiro bitabiriye uyu muhango

Umuryango wa Perezida Kagame usezerera kuri Perezida wa Ethiopia

Perezida Kagame asezera Perezida wa Kenya, William Ruto

Indege za Gisirikare zakoze akarasisi hejuru ya Stade Amahoro

Ubwo imodoka yari itwaye Perezida Kagame yari igeze muri Stade Amahoro

Umuhanzikazi uri mu bagezweho mu Rwanda, Bwiza yeretswe urukundo rwinshi n’abari muri Stade Amahoro

King James nawe yasusurukije abari muri Stade Amahoro mu irahira rya Perezida Kagame

Itorero ry’Igihugu Urukerereza ryasusuritsa abari muri Stade Amahoro

Abapolisi mu karasisi karyoheye benshi mu Irahira rya Perezida Kagame

Irahira rya Perezida Kagame ryitabiriwe n’Abanyarwanda mu ngeri zitandukanye

Stade Amahoro niyo yakiriye umuhango wo kurahira kwa Perezida Kagame

AMAFOTO: Village Urugwiro

Perezida Kagame yarahiriye kuyobora u Rwanda muri manda y'imyaka itanu iri imbere mu birori bidasanzwe. Yarahiriye imbere y’Abanyarwanda ibihumbi 45 bari bateraniye muri Stade Amahoro mu muhango witabiriwe n'abakuru b'ibihugu 22, ba Visi Perezida bane, ba Minisitiri w'Intebe babiri, abayobozi b'Inteko zishinga Amategeko babiri, batanu bayobora imiryango mpuzamahanga, batatu bahoze ari abakuru b'ibihugu n'abandi banyacyubahiro.

Perezida Kagame yarahijwe na Perezida w'Urukiko rw'Ikirenga, Dr Ntezilyayo Faustin. Umukuru w'Igihugu yari agaragiwe na Madamu Jeannette Kagame. Amaze kurahira yahawe ibirango by'igihugu birimo Itegeko Nshinga, Ibendera ry'Igihugu, Ikirangantego cy'Igihugu n'Inkota n'Ingabo.

Mu ijambo rye, yijeje Abanyarwanda ko iterambere rizakomeza kandi ko bizagerwaho abaturage n'abayobozi bafatanyije. Ati 'Iyi manda nshya ni intangiriro yo gukora ibirenze ibyo twifuza, tubigereho. Kuki se tutarenza ku byo twakoze? Kubitekereza ntabwo ari ukurota, birashoboka, bizashoboka. Twabikora kandi tuzabikora.'

Nyuma yaho, Perezida Paul Kagame na Madamu Jeannette Kagame bakiriye ku meza abakuru b'ibihugu n'abandi banyacyubahiro bitabiriye ibirori byo kurahira mu gikorwa cyabereye muri Kigali Convention Centre, ku mugoroba wo ku Cyumweru tariki 11 Kanama 2024.

Perezida Kagame yashimiye abakuru b'Ibihugu n'aba za Guverinoma bifatanyije n'Abanyarwanda ku munsi w'ingenzi mu buzima na politiki by'Igihugu, avuga ko u Rwanda ruzakomeza gukorana na bo mu guharanira ahazaza heza ha Afurika.

Umukuru w'Igihugu yavuze ko Umugabane wa Afurika wageze kuri byinshi ariko ushobora no kugera ku birenze ibyo abawutuye bakomeje gukorera hamwe no kwishakamo ibisubizo by’imbogamizi uyu mugabane ugihura nabyo.

Perezida Kagame akomeje kugirana ibiganiro n'abakuru b'ibihugu bitabiriye umuhango w'irahira rye barimo William Ruto wa Kenya, Brice Oligui Nguema wa Gabon na Minisitiri w'Intebe wa Sénégal, aho baganiriye ku ngingo zirimo kongera ingufu mu bufatanye bw'ibihugu byombi.

Perezida Kagame yakiriye ku meza abakuru b’ibihugu n’abandi banyacyubahiro bitabiriye umuhango w’irahira rye
Muri uyu musangiro, abayobozi bagize umwanya uhagije wo kuganira

Perezida Kagame hamwe na Madamu Jeannette Kagame

Umunyarwenya akaba n’umunyamakuru Rusine Patrick yambitse impeta y’urukundo umukunzi we Iryn Uwase Nizra amusaba ko yazamubera umugore undi arabyemera.

Muri Gashyantare uyu mwaka ni bwo bwa mbere Rusine yerekanye umukunzi we bamaze igihe bakundana.

Kuri ubu Rusine akaba yamaze gushyira ivi asaba Iryn ko yazamubera umugore iminsi basigaje ku Isi bakayimarana undi aremera maze amuha ikiganza cy’ibumoso amwambika impeta ya fiançailles.

Bivugwa ko kandi mu minsi ya vuba, Rusine Patrick umwe mu banyarwenya bagezweho na Iryn Uwase Nizra bazakora ubukwe.

Amakuru ISIMBI yamenye ni uko aba bombi bamaze igihe mu munyenga w’urukundo, gusa bakaba baririnze kubishyira ku karubanda kuko batifuzaga ko byajya mu itangazamakuru cyane.

Andi makuru avuga ko uyu munyamakuru wa Kiss FM na Nizra mu minsi ishize baba baraguye umuryango aho bakiriye imfura ya bo.

Rusine Patrick yambitse impeta ya fiançailles umukunzi we

Undi yamuhaye ikiganza amwambika impeta ya fiançailles

Uwineza Iman Josiane wamamaye mu muziki nka Miss Jojo, yatangaje ko yinjiye mu muziki atagamije kwamamara ahubwo ko yashakaga gutanga ubutumwa anakomoza n’icyatumye areka umuziki.

Ibi yabigarutseho mu kiganiro ‘Versus’ cyo kuri Televiziyo Rwanda, cyagarutse ku rugendo rwe rwa muzika n’imishinga afite imbere by’umwihariko ijyanye no kwita ku burenganzira bw’umukobwa.

Miss Jojo yamamaye mu ndirimbo zabiciye mu myaka yashize, zifatwa nk’izaranze impinduka z’umuziki Nyarwanda nka ‘Mbwira Yego’, ‘Beretirida’, ‘Tukabyine’ yakoranye na Rafiki, ‘Siwezi’ yakoranye na DNG wo muri Kenya n’izindi.

Imyaka ibaye icumi uyu muhanzikazi ahagaritse umuziki ndetse ahamya ko yishimira ahahise he nk’umuhanzi. Miss Jojo kandi avuga ko atangira umuziki atari agamije kwamama ahubwo ari ubutumwa yashakaga gutanga.

Ati 'Ahahise hanjye ndahishimira. Numva narakoze icyo nashakaga, njye ntangira kuririmba sinari umuntu ukunda kwamamara. Nashakaga gutanga ubutumwa.”

Miss Jojo avuga ku cyatumye ahagariga umuziki yatangaje ko igihe cyageze akumva ubutumwa yagombaga gutanga yarabutanze agahitamo gukora ibindi.

Ati “Igihe cyarageze numva ubutumwa nagombaga gutanga narabutanze, numva hari urundi rwego rwisumbuye nshaka kubaho. Narakuze, ndi umubyeyi, mfite akandi kazi nkora.”

Ubu Miss Jojo yerekeje amaso ku gufasha abangavu binyuze mu muryango utari uwa Leta yatangije yise 'Igikari’.

Ati 'Umwana w’umukobwa akeneye umuntu umuganiriza mu rurimi yumva. Abato bafite amakuru y’ubwoko bwose. Akazi kacu ni ukubafasha gutoranya ameza mu yo bafite.”

Miss Jojo yavuze ko yatangiye umuziki yikinira atagamije kwamamara

RUKUNDO Sulaiman / ISIMBI.RW

Byabereye mu Mudugudu wa Rubumba, Akagari ka Nyange, Umurenge wa Bugarama ku wa 12 Kanama 2024.

Mu masaha ya mu gitondo ni bwo umuyobozi w'umudugudu yahamagawe n'umuturage avuga ko abonye umurambo ku muhanda wa kaburimbo Bugarama-Cimerwa, na we ahita abimenyesha ubuyobozi bumukuriye.

Umunyabanga Nshingwabikorwa w'Umurenge wa Bugarama, Nsengiyumva Vincent de Paul, yabwiye IGIHE ko bakimenya aya makuru bajyanyeyo na RIB na Polisi basanga ari umusore witwa Hakizimana wakubiswe ikintu mu mutwe.

Ati 'Umurambo uracyari aho byabereye urwego rubishinzwe ruracyari gukusanya ibimenyetso byazifashishwa mu bushinjacyaha. Nibarangiza baratubwira niba ari ngombwa ko umurambo woherezwa ku bitaro gukorerwa isuzuma mbere y'uko ushyingurwa'.

Nyakwigendera Hakizimana ni umusore usanzwe uzwiho imyitwarire itari myiza kuko mu myaka itatu ishize yari amaze kujyanwa mu kigo cy'inzererezi inshuro enye kubera gukoresha ibiyobyabwenge, ubujura n'urugomo.

Uyu musore yigeze no gukatirwa n'inkiko nyuma y'uko yari yafatanywe ibiyobyabwenge.

Gitifu Nsengiyumva yahumurije abaturage ababwira ko badakwiye gukuka umutima kuko nubwo iki kibazo cyabaye muri rusange umutekano mu Bugarama wifashe neza.

Ati 'Ikindi dusaba abaturage ni ugutangira amakuru ku gihe no kurangwa n'imyitwarire myiza kuko iyo umuntu ari umujura nka kuriya aba afite irindi tsinda bafatanya kwiba, bashobora no gushwana bapfuye ibyo bibye bakaba bamuvutsa ubuzima'.

Nyakwigendera Hakizimana avuka mu mudugudu wa Muramba, Akagari ka Ryankana, ariko yabaga kwa nyirakuru mu Mudugudu wa Isangano, Akagari ka Pera mu Murenge wa Bugarama.

Jennifer Stockill yatangiye izo nshingano ku wa 1 Nyakanga 2024.

Mu butumwa bwatangajwe ku mbugankoranyambaga za Ambasade y'u Bwongereza mu Rwanda, Jennifer Stockill yashimangiye ko arajwe inshinga no guteza imbere umubano w'ibihugu byombi.

Yagize ati 'Muraho, nitwa Jennifer Stockill, ni njyewe Ambasaderi wungirije w'u Bwongereza mu Rwanda mushya. Ndajwe inshinga no guteza imbere umubano hagati y'u Rwanda n'u Bwongerezi.'

Uretse ibirebana n'inshingano ashyize imbere yagaragaje na bimwe mu byo akunda mu buzima bwe bwa buri munsi, yemeza ko ari umuntu ukunda kunywa ikawa, agakunda kurya urusenda no gutemberera ku biyaga.

Ati 'Ndizera ko nzakunda u Rwanda.'

Mu 2012 nibwo Jennifer Stockill yatangiye inshingano ze mu biro bishinzwe ububanyi n'amahanga, Commonwealth n'iterambere aho mu nshingano ze yakunze kwibanda ku Burasirazuba bwo hagati ndetse n'Akarere ka Afurika y'Iburasirazuba.

Yabaye umuyobozi w'itsinda rishinzwe ibikorwa by'ubutabazi muri Ethiopia kuva mu 2021 kugeza u 2024. Yabaye kandi Umujyanama w'Umuyobozi Mukuru wa Banki y'Isi na IMF kuva mu 2017 kugera mu 2020 ndetse aba n'umuhuzabikorwa by'u Bwongereza mu Burundi mu 2016-2017.

Afite impamyabumenyi zitandukanye yakuye muri Kaminuza zinyuranye zo mu Bwongereza zirimo iya Oxford, iya Cambridge ndetse na College of Europe.

Mu nshingano ze mu Rwanda, azakorana na Ambasaderi mushya w'iki gihugu Alison Heather Thorpe wasimbuye Omar Daair.

Thorpe na we yakoze imirimo itandukanye muri Guverinoma y'u Bwongereza kuva muri Kanama 1998, ubwo yarangizaga amasomo ya dipolomasi muri Kaminuza ya Westminster.

U Rwanda n'u Bwongereza bisanganywe umubano mwiza mu nzego zitandukanye nk'uburezi, ubuhinzi n'ubworozi, iterambere n'ibindi binyuranye.

Please welcome Jennifer Stockill who is the new British Deputy High Commissioner to Rwanda since 1st July 2024.

She brings her vast experience as a senior diplomat and looks forward to strengthened relations between the #UK and #Rwanda. #GoFarGoTogether pic.twitter.com/rDbc7lBpbE

— UK in Rwanda 🇬🇧🇷🇼🇧🇮 (@UKinRwanda) August 12, 2024

Perezida Sassou N'Guesso yageze mu Rwanda kuri uyu wa 11 Kanama 2024, yitabiriye umuhango w'irahira rya Perezida Kagame. Uretse N'Guesso, ibi birori byarimo b'abandi bakuru b'ibihugu 21.

Ibiro by'Umukuru w'Igihugu, Village Urugwiro, byatangaje ko abakuru b'ibihugu byombi baganiriye ku bufatanye busanzwe hagati y'impande zombi.

Biti 'Barebeye hamwe uko umubano usanzwe ari mwiza cyane hagati y'u Rwanda na Repubulika ya Congo uhagaze.'

U Rwanda na Repubulika ya Congo ni ibihugu bisanzwe bifitanye umubano mwiza waranzwe no kugenderana kw'abakuru b'ibihugu byombi.

Muri Nyakanga mu 2023 nibwo Denis Sassou N'Guesso yagiriye mu Rwanda uruzinduko rw'iminsi itatu, rugamije gushimangira umubano usanzwe hagati y'impande zombie. Rwaje rukurikira urwo mugenzi we w'u Rwanda yagiriye i Brazzaville muri Mata 2022.

Mu gushimangira umubano hagati y'ibihugu byombi, Congo-Brazzaville n'u Rwanda byasinyanye amasezerano menshi y'ubufatanye mu nzego zinyuranye zirimo umuco, uburezi, ibidukikije, ishoramari, imyuga n'ubukungu.

Kuri ayo masezerano kandi haje kwiyongeraho ayerekeye ubuhinzi, ubucukuzi bw'amabuye y'agaciro, ubucuruzi, inganda n'ibindi.

Yanaganiriye na Minisitiri w'Intebe wa Mali

Mu mugoroba wo kuri uyu wa 11 Kanama 2024 kandi Perezida Kagame yaganiriye na Minisitiri w'Ububanyi n'Amahanga wa Mali, Abdoulaye Diop witabiriye ibirori by'Irahira rye ahagarariye Perezida wa Mali Col. Assimi Goïta.

Ku wa 27 Gicurasi 2024 ibihugu byombi byasinye amasezerano 19 ari mu ngeri zirimo ubuzima, umutekano, ubuhinzi, ikoranabuhanga, umuco no guteza imbere ishoramari, ubutabera, ubucukuzi bw'amabuye y'agaciro, peteroli na gaz, uburobyi, ibidukikije, guhangana n'imihindagurikire y'ibihe, guteza imbere ubukerarugendo, uburezi mu mashuri makuru, ubwikorezi, urujya n'uruza rw'abantu n'ibintu n'ibindi.

U Rwanda na Mali bisanganywe indi mikoranire mu ngeri zitandukanye aho hari amasezerano byasinyanye ajyanye n'ubwikorezi bukorerwa mu kirere yemerera indege zo muri ibi bihugu byombi gukoresha ibibuga mpuzamahanga byabyo.

Mu 2022 kandi Abayobozi b'ingabo za Mali bageze mu Rwanda bagamije kwigira ku bunararibonye bw'Ingabo z'u Rwanda ndetse bemeranya ko mu gihe gito ubufatanye bushyirwa mu masezerano.

Perezida Kagame yakiriye Sassou N’Guesso baganira ku mubano mwiza usanzwe hagati y’impande zombi

Perezida Kagame yanakiriye Minisitiri w’Ububanyi n’Amahanga wa Mali Abdoulaye Diop wari intumwa ya Perezida wa Mali Col. Assimi Goïta

Uyu muhanzi wamenyekanye cyane binyuze mu ndirimbo zirimo nka 'Migabo', 'Marebe' n'izindi yabwiye InyaRwanda ko yatumiwe muri iki gitaramo cyiswe 'Mpororo Culture Connect' bigizwemo uruhare n'abanyarwanda n'abandi batuye mu Mujyi wa Kampala.

Ati 'Ni igitaramo cy'abantu bo muri Kampala baturutse 'Mpororo' n'abanyarwanda batuye Kampala bishyize hamwe. Bantumiye muri ubwo buryo rero ku Cyumweru tariki 18 Kanama 2024 nibwo nzakora icyo gitaramo.'

Iki gitaramo kandi kizarangwa n’ibirori byo kumurika imyambaro inyuranye yahanzwe. Kwinjira ni Miliyoni 1 y’amashilingi [357,136.51Frw] mu myanya yiswe iya ‘Gold’, ibihumbi 500 y’amashilingi [178,568.25 Frw] mu myanya yiswe iya ‘Silver’ n’ibihumbi 30 y’amashilingi [10,714.10 Frw] mu myanya yiswe iya ‘Bronze’.

Yavuze ko iki gitaramo kizarangwa n'imico inyuranye y'abatuye Kampala, abo muri Mpororo bavugira inka n'abandi banyuranye. Avuga ko gutumirwa kuririmbira muri Uganda, byamushimishije kandi biri mu murongo wo kwagura urugendo rwe rw'umuziki nk'umuhanzi wigenga ataramira mu bihugu byo mu mahanga.

Ati 'Navuga ko ari urugendo rukomeje rwo gutaramira abakunzi banjye aho bari mu bihugu bitandukanye byo ku Isi, nkoresheje inganzo yanjye. Rero niteguye kuzatanga ibyishimo muri Uganda, kandi ni ku nshuro yanjye ya mbere nzaba mpageze.'

Cyusa Ibrahim amaze iminsi mu bitaramo byo kwizihiza intsinzi ya Perezida Paul Kagame byabereye mu bice bitandukanye by'u Rwanda.

Ariko kandi ku wa 26 Gashyantare 2024 yataramiye Abanyarwanda mu gitaramo cy'Umuco 'Rwanda Cultural Day in UK” cyabereye mu gihugu cy'u Bwongereza mu Mujyi wa New Castle.

Ni igitaramo cyaranzwe no gutarama, ndetse hanatanzwe inyigisho zibereye urubyiruko, zijyanye no kubakundisha umuco Nyarwanda.

Ambasade y'u Rwanda mu Bwongereza ivuga ko 'byari ibyishimo ubwo twafunguraga ku mugaragaro umunsi w'umuco w'u Rwanda i Newcastle'. Muri iki gitaramo kandi, bamwe mu banyarwanda bagaragaje bimwe mu bikorwa bishamikiye ku muco bakora. Ni ubwa mbere Cyusa Ibrahim ataramiye mu Bwongereza.

Cyusa ni umutaramyi wa cyane wisanzuye mu Kinyarwanda, akaba umuhanzi watwawe n'injyana Gakondo. Yabonye izuba ku wa 13 Nyakanga 1989.

Ni mwene Rutare Pierre, se w'umuhanzi w'umubiligi 'Stromae' usigaye ubifatanya no kumurika imideli. Stromae avuka kuri nyina w'Umubiligikazi Miranda Marie Van Haver mu gihe Cyusa avuka kuri nyina w'umunyarwandakazi.

Cyusa yavuze ko mu gitaramo cye azita ku ndirimbo nshya abantu batarumva, ndetse azaririmba nyinshi mu ndirimbo ziri kuri album ze zabanje.

Uyu munyamuziki wamamaye mu ndirimbo zirimo 'Marebe' yinjiye mu muziki mu mwaka wa 2015, ariko yamenyekanye cyane muri 2019, mu bitaramo yagiye akora byateguwe n'abandi, kuririmba mu bukwe ari kumwe n'itorero rye 'Cyusa n'Inkera' n'ibindi.

Cyusa Ibrahim ariko agaragaza ko gukurira mu itorero afite imyaka 5 y'amavuko, ndetse no kumva ibiganiro byibanda ku muco byatambukaga kuri Radio Rwanda, byabaye imvano yo gukora umuziki wubakiye kuri gakondo y'Abanyarwanda kugeza n'uyu munsi.

Cyusa Ibrahim yatangaje ko agiye gutaramira ku nshuro ya mbere mu gihugu cya Uganda

Cyusa yavuze ko yiteguye guserukira neza u Rwanda muri iki gitaramo kizahuza Abanyarwanda n'abandi batuye mu Mujyi wa Kampala

Cyusa yavuze ko iki gitaramo kizarangwa n'imico inyuranye y'abatuye Mpororo na Uganda

Iki gitaramo kizaba ku wa 18 Kanama 2024 aho kwinjira mu myanya ya 'Gold' ari ukwishyura arenga ibihumbi 357 Frw 

KANDA HANO UREBE AMASHUSHO Y'INDIRIMBO 'TWATSINZE' YA CYUSA IBRAHIM

“>