Category: Uncategorized

Amahugurwa yari ajyanye n'uburyo batyaza impano zabo bakazibyaza umusaruro. Abasoje amasomo bashimiwe na Minisitiri w'Urubyiruko n'Iterambere ry'Ubuhanzi, Dr. Utumatwishima Jean Nepo Abdallah.

Ni igikorwa cyabaye ku wa 06 Ukuboza 2024 kibera muri Kigali Convention Centre. Abanyempano 60 basoje amahugurwa bakuwe mu bandi 1700 bari bahatanye mu gihugu hose.

ArtRwanda-Ubuhanzi yakozwe ku bufatanye na Imbuto Foundation, Minisiteri y'Urubyiruko n'Iterambere ry'Ubuhanzi , Ishami rya Loni rishinzwe Iterambere (UNDP) n'Umuryango w'Ubumwe bw'u Burayi(EU).

Umuyobozi Mukuru wa Imbuto Foundation, Elodie Shami, yavuze ko mu ntego bashyize imbere ari uguteza imbere inganda ndangamuco, cyane ko uyu mushinga watangiye hagamijwe gushyigikira urubyiruko rufite impano.

Yavuze ko uretse impano gusa ahubwo dushaka ko ba nyirazo bazivanamo umurimo.
Avuga ibi ashingiye ku bahanzi basoje mu cyiciro cya mbere cya ArtRwanda-Ubuhanzi, bamaze gushinga ibigo by'ubucuruzi 39 bakanahanga imirimo irenga 700.

Yagarutse ku bijyanye n'uko mu ntangiriro za ArtRwanda-Ubuhanzi, bahuye n'imbogamizi zirimo imyumvire, aho abantu batumvaga neza ubuhanzi, icyakora agaragaza ko byatangiye kugenda bigabanyuka.

Ati 'Ababyeyi batangiye kwizera abahanzi no gushyigikira abana babo. Mboneyeho gusaba abahanzi turi kumwe hano ko batera intambwe mu gusukura uyu mwuga.'

Umuyobozi w'ishami ry'imiyoborere muri UNDP mu Rwanda, Aimée Muziranenge, yashimye abafatanyabikorwa bose bagira uruhare mu gutuma ArtRwanda-Ubuhanzi ikomeza gutera imbere.

Yagaragaje ko bazakomeza gushyigikira ibikorwa bya Guverinoma y'u Rwanda. Ati 'Nka UNDP dutewe ishema n'ubwo bufutanye. Iyo tuje aha turi kumwe n'urubyiruko rungana gutya rwabonye imbere heza, natwe bidutera ishema nka Loni.''

Minisitiri w'Urubyiruko n'Iterambere ry'Ubuhanzi, Dr. Utumatwishima Jean Nepo Abdallah, yashimiye abasoje amahugurwa ati 'Reka dushimire aba basore n'inkumi bagerageje kwiga bagafata, bakamara umwaka, uyu munsi bakaba bahawe impamyabumenyi zerekana ko babikoze neza.'

Yavuze ko mu mwaka bagiye kumarana igice cy'ubuhanzi muri minisiteri ayoboye, babonye ko ari igice kigoye cyane gukurikirana.

Ikintu gikomeye ashimira Imbuto Foundation yagize uruhare mu ishyirwa mu bikorwa ry'uyu mushinga, ari uko muri ArtRwanda-Ubuhanzi badaheza uwo ari we wese yaba uwize cyangwa utarize, umukene n'umukire bose baba bemerewe kugaragaza ubuhanga bwabo.

Ati 'Imbuto Foundation irema umunyarwanda mu buryo bwuzuye.'

Abasoje amasomo yabo bari mu byiciro birimo Kwandika no gutunganya filime, gufotora, ubugeni bwifashishije ikoranabuhanga, imbyino, imideli, umuziki n'ubusizi n'ubuvanganzo.

Wari umugoroba w’ibyishimo ku basoje amahugurwa muri ArtRwanda – Ubuhanzi

Umuyobozi Mukuru wa Imbuto Foundation, Elodie Shami yagaragaje ko ArtRwanda – Ubuhanzi imaze gufasha benshi

Umuyobozi muri UNDP Rwanda, Aimée Muziranenge, yashimye abafatanyabikorwa bose bagira uruhare mu gutuma ArtRwanda-Ubuhanzi ikomeza gutera imbere

Umuyobozi Mukuru wa Imbuto Foundation, Elodie Shami, yashimye ubuhanga bw’abo muri ArtRwanda-Ubuhanzi

Tanga Designs na Kabano Franco bazwi mu ruganda rw’imideli ni bamwe mu bari bitabiriye

Umuhanzi Bushayija Pascal ni umwe mu bari bitabiriye iki gikorwa

Riderman akurikiye abagaragazaga impano muri ArtRwanda-Ubuhanzi

Ross Kana yari ari muri iki gikorwa

Nelly na Lucky ni bo bayoboye iki gikorwa

Musafiri James watunganyije filime yerekanwe muri uyu muhango, yavuze uburyo yasoje amasomo ya Kaminuza mu ibaruramari agatangira gushaka uko yinjira mu buhanzi n’ubwo bitamworoheye

Niyitegeka Gratien (ubanza iburyo) uzwi nka Seburikoko ni umwe mu bari bitabiriye

Minisitiri w'Urubyiruko n'Iterambere ry'Ubuhanzi, Dr. Utumatwishima Jean Nepo Abdallah yashimiye abasoje amasomo yabo ku muhate bagize

Imyambaro yahanzwe na bamwe mu banyuze muri Art Rwanda-Ubuhanzi yari ihari ku buryo abagiraga iyo bashima bari bemerewe kwihahira

Mazimpaka Jones Kennedy uzwi mu bikorwa bitandukanye byerekeye ubuhanzi yari yitabiriye iki gikorwa

Junior Giti ni umwe mu bari bitabiriye. Yari kumwe na Serge Muhizi usanzwe ufasha Kevin Kade mu bikorwa bye bya muzika

Hope Azeda watangije umushinga wa Mashirika ni umwe mu bari bitabiriye

Director Gad na Ross Kana ni bamwe mu bari bitabiriye iki gikorwa

Diana Mpyisi ni umwe mu bari bagiye kwihera ijisho aba banyempano

Bushayija Pascal na Riderman ni bamwe mu bari bitabiriye iki gikorwa. Hano berekwaga bimwe mu byakozwe n’uru rubyiruko

Aimable Twahirwa usanzwe ari Umuyobozi Mukuru ushinzwe Iterambere ry'Umuco muri Minisiteri y’Urubyiruko yari ari mu bitabiriye

Abasoje amasomo yabo bahawe umwanya bagaragaza ibyo bungutse

Abanyempano bagaragaje impano zitandukanye bafite

Abanyuze muri ArtRwanda mu myaka yashize bari bitabiriye

Abanyempano 60 basoje amahugurwa muri ArtRwanda-Ubuhanzi bashimiwe ubwitange bagaragaje

Abakobwa bahawe izina ry'Ibyanzu (babiri bari ibumoso), binyuze mu mushinga wa Rumaga yise Siga Rwanda wa Rumaga, bari mu bitabiriye iki gikorwa cyane ko na bo batsinze umwaka ushize muri ArtRwanda-Ubuhanzi

Ababyeyi bari baherekeje abana babo

Aba basore n’inkumi bari bamaze umwaka biga ku guteza imbere impano zabo

Amafoto: Nezerwa Salomon & Shumbusho Djasiri

Uretse gutarama mu njyana n’indimi z’amahanga zitandukanye, intego nyamukuru y’iki gitaramo ni uko inkunga izakivamo izakoreshwa mu gushyigikira ikigo cy'Ababikira cya Notre Dame de la Compassion cyita ku banyantege nke gikorera I Nyamata.

Nkuko tubikesha ubuyobozi bw’iyi Korali, icyo gitaramo kizaba kuri iki cyumweru tariki ya 08 Ukuboza 2024 kuva saa kumi z'umugoroba muri salle nziza ya Sunrise Guest House i Nyamata mu karere ka Bugesera.

Tuganira n’umuyobozi wa Chorale Hervé Isingizwe yadutangarije ko ari igitaramo ngaruka-mwaka kizajya kiba mu gihe abakristu gatolika bizihiza umunsi mukuru  w’ubutasamanywe icyaha bwa Bikiramariya. 

Bwana Hervé yakomeje agira ati : “ni Umwanya mwiza w'iyi Korali kugira ngo ibashe gutaramira abakunzi bayo mu njyana zirata umubyeyi Bikiramariya ariko tunitegura amaza y’umucunguzi wacu Yezu Kristu niyo mpamvu haba harimo n’injyana za Noheli izo bakunda kwita Christmas carols.

Abakunzi ba RUHAGO n’umuco nyarwanda mushonje muhishiwe

Nk’uko Bwana Hervé Isingizwe yabidusobanuriye, abakunzi ba Ruhago ndetse n’abakunzi b’injyana zibanda ku muco nyarwanda bahishiwe byinshi byiza muri icyo gitaramo kuko hazaba harimo injyana zerekeye ibyo byiciro.

Ni ugutarama bifite intego

Uretse kuramya umukiza, iki gitaramo kizakusanyirizwamo inkunga izashyikirizwa ikigo cy'Ababikira cya Notre Damme de la Compassion cyita ku banyantege nke giherereye mu Karere ka Bugesera kugira ngo gifashwe mu gukomeza kwigomwa no kwitanga ku bw’uyu murimo utoroshye.

Amaticket aboneka ate?

Ku bantu bifuza kugura itike yo kwinjira muri iki gitaramo cy'amateka, ubu biroroshye cyane. Wabona itike kuri Paruwasi ya Nyamata kandi mu gihe utahageze, wakoresha ikoranabuhanga unyuze kuri www.ibitaramo.com

Ibiciro by'amatike ni ukuva ku mwafaranga 2,000Rwf, 5,0000Rwf ndetse n'amafaranga 15,000Rwf.

Mu gihe kandi haba hari andi makuru wifuza kumenya kuri iki gitaramo cyangwa indi nyunganizi iyo ariyo yose igendanye n'iki gitaramo, wahamagara 0788396524.

Chorale Friends of Mary igiye gutaramira abakunzi bayo mu gitaramo Immaculate Mary 2nd Edition

Iki gitaramo kizajya kiba ngarukamwaka ariko bitabujije ko nta bindi bitaramo bakora

Imyiteguro ya Chorale yo yararangiye hasigaye umunsi nyamukuru w’ibirori

Dorcy Rugamba ni umwanditsi, umubyinnyi n'umukinnyi wa filime wamenyekanye mu bihangano binyuranye. Muri Nyakanga 2024, yamuritse, yamurikiye i Kigali igitabo yise 'Hewa Rwanda: Lettre aux absents' gishingiye ku nkuru y'umuryango we. 

Uyu mugabo ari mu batanze ikiganiro cyagarutse ku rugendo rwo kwiyubaka rw'ubuhanzi, yahuriyemo na Kwizera, washinze ikigo cya Kigali Photography gitanga serivisi zitandukanye zijyanye no gutunganya amashusho n'itumanaho, ndetse na Samuel Sangwa Muteba, uri mu bayobozi ba CISAC. 

Ni ikiganiro batanze mu muhango wo gusoza amasomo y'Icyiciro cya Kabiri cya ArtRwanda-Ubuhanzi, mu muhango wabereye muri Kigali Convention Center, ku mugoroba wo kuri uyu wa Gatanu tariki 6 Ukuboza 2024.

Ubwo yari muri iki kiganiro, Dorcy Rugamba yumvikanishije ko umuhanzi ari nk'undi wese ugendwa n'indangagaciro zireba abantu bose. Ati 'Umuhanzi agirwa n'indangagaciro zireba n'abandi bantu bose, ariko kubera ibihangano bye, ashobora kuba icyitegerereze cyane ku bakiri bato, ni nayo mpamvu agomba kwitwara neza.”

Yavuze ko ku buzima bw'umuhanzi byihariye, kuko imyitwarire ye ituma hari abantu bamufatiraho urugero, bityo akwiye gukora ibikorwa bye atekereza ko hari ibihumbi by'abantu bamuhanze ijisho, bashobora kwigana ibyo akora, yaba ibyiza cyangwa se ibibi.

Dorcy Rugamba yavuze ko kuva na cyera abahanzi babayeho, aho usanga umuntu yarafataga inzira akiyemeza kubukora nk'ibintu bizamutunga, kandi bigatunga n'abe bose.

Uyu mugabo yashimangiye ko 'umuhanzi niwe muntu wa mbere ugomba kwigirira icyizere'. Ati 'Hari ubwo njya mpura n'abahanzi bakiri bato ugasanga baracyafite gushidikanya kwinshi, aracyafite ibibazo, ukabona y'uko akeneye icyizere muri we. Icyo kintu rero atagifite muri we, ubona ko ariwe mbogamizi ya mbere, ikubuza gutera imbere.'

Yavuze ko ushimwa n'abandi kubera ko 'wowe wabanje gushima ibyo ukora'. Rugamba yasobanuye ko kuba umuhanzi rimwe na rimwe, bisaba kubanza gutunganya impano, ariko kandi kuba yahita itakirwa neza muri sosiyete ntibikwiye kuguca intege.

Rugamba yavuze ko umuhanzi akwiye gushyiraho uburyo no kwiyumvamo ko uko byagenda ko niyo ibintu byatinda, ariko igihe kizagera bigakunda.

Yasobanuye ko hari abahanzi bavukana impano, ariko ko n'iyo byagenda uko akwiye kuyagura. Ariko kandi umuhanzi akwiye gukorana n'abandi, kuko 'atazakora byose azakenera kugirango agere imbere'.

Rugamba yavuze ko isoko ry'ubuhanzi ni rinini cyane kandi 'kugirango urigereho ni uko aba afite abo bantu bazamugezayo'.

Yanavuze ko kimwe mu bintu bisubiza inyuma abahanzi, harimo n'ishyari/amahari, usanga arangwa hagati ya bamwe na bamwe, n'ubwo avuga ko atari ibintu biri mu bahanzi gusa, kuko usanga biri no mu bandi bantu.

Rugamba yasobanuye ko bitumvikana ukuntu umuhanzi atera intambwe ugasanga 'abandi baramwikanze, bikamera nk'aho abatwaye abantu'. Ati 'Ni ukwibeshya mu by'ukuri..'

Yavuze ko iyo igihugu kigize umuhanzi ukora igikorwa kikamenyekana hirya no hino ku Isi, bifasha na bagenzi be kumenyekana mu buryo bworoshye.

Atanga urugero akavuga ko, benshi mu bakora filime muri Senegal, muri iki gihe, bagendera cyane ku izina ryubatswe na mugenzi wabo wababanjirije mu kibuga.

Ati 'N'aha ngaha rero ntabwo ari ngombwa y'uko abahanzi batekereza uyu nguyu duhanganye, ni ukwibeshya, hari igihe bibaca intege, bikabasubiza inyuma, ahubwo aho kugirango mukorane mugapfa ubusa.”

Dorcy ni umwe mu banyarwanda bake bagize ibikorwa by'umuco nk'umwuga. Impano yo kubikunda akaba yarabikuye kuri se wari umusizi n'umushakashatsi w'intyoza, Rugamba Cyprien.

Muri 1976, yinjiye mu itorero Amasimbi n'Amakombe, afite imyaka 7 gusa. Hagati aho yize amashuri abanza muri Ecole Belge de Butare, akomereza muri Seminari nto ya Karubanda (PS Virgo Fidelis); ngo icyo yakundaga cyane mu Masimbi n'Amakombe ni ukwiyereka kw'intore.

Umwanditsi, umubyinnyi n'umukinnyi, Dorcy Rugamba yabwiye abahanzi kwigirira icyizere no kwirinda kugira ishyari mu byo bakora

Yabigarutseho ku mugoroba wo kuri uyu wa Gatanu tariki 6 Ukuboza 2024, ubwo yasozaga icyiciro cya Kabiri cya ArtRwanda-Ubuhanzi, cy'abahanzi 60 basoje amasomo yabo, bagahabwa n'impamyabumenyi. 

Ni mu muhango wabereye muri Kigali Convention Center witabiriwe n'abayobozi mu nzego zinyuranye barimo: Umuyobozi w’ishami ry’imiyoborere muri UNDP mu Rwanda, Aimee Muziranenge, Umuyobozi Mukuru wa Imbuto Foundation, Shami Elodie, Umunyamabanga wa Leta muri Minisiteri y'Urubyiruko n'ubuhanzi, Sandrine Umutoni n'abandi.

 

Asoza icyiciro cya Kabiri cya ArtRwanda-Ubuhanzi, Minisitiri Utumatwishima yavuze ko abahanzi bakwiriye gufashwa kuko banyura muri byinshi.

'Abahanzi banyura mu nzira zikomeye, ari nayo mpamvu nsaba abantu bose, ko uwo umuhanzi atumiye cyangwa asabye ubufasha twese tuzajya tubafasha.'

Akomeza avuga ko hakwiye gukomeza gushyirwamo imbaraga mu bijyanye n'itegeko ryo kurengera umutungo mu by'ubwenge. Ati 'Twasanze hari ibintu byinshi tutakoraga neza. Icya mbere, ni ku burenganzira bw'umutungo mu by'ubwenge. Itegeko rihari ni ryiza, ariko ikintu gikomeye twakora neza kurushaho ni ukurishyira mu bikorwa.”

Utumatwishima yavuze ko n'ubwo bimeze gutya ariko, hacyumvikana abahanzi bagambirira gusubiza hasi bagenzi babo; bakabikora bisunze gushaka abantu bo kuri Radio, kuri Youtube n'ahandi, ubundi bakanjama wa muhanzi adashaka ko atera imbere.

Yavuze ko 'Nta na rimwe iyo itara ryawe ryaka, ushobora kwatsa itara ry'undi nawe rigakomeza rikaka. Kuzimya mugenzi wawe, kujya kuri Radio ngo bamuvuge nabi, ugashaka aba-Youtuber's bakamutaranga, bakamurenga bakajya mu muryango we, bakavuga ibintu biri ukuri n'ibitari ukuri, ntabwo ibyo ng'ibyo ari ubunyarwanda, si ubusirimu, ubundi ku ruhande byaba ari ubutindi.'

Utumatwishima yavuze ko umuhanzi yakabaye umuntu ukora ibihangano bye, kandi yashaka no guhangana na mugenzi we akabikora binyuze mu bihangano, buri wese afite ibyo akora, ahozaho agamije kugaragaza uruhare rwe mu muziki.

Yavuze ko ibikorwa n'abo bahanzi atigeze avuga mu mazina ni 'Umwanda, ni ubutindi, ndetse biri kugenda bivamo n'ibyaha.' Utumatwishima yabwiye urubyiruko ko ibintu birimo gutukana, kubwiranabi 'tuzabireka, ahubwo dutezanye imbere'. Ati 'Ntakizatuma twese tutungukira muri uru ruganda.'

Utumatwishima avuze ibi mu gihe umuhanzi Mugisha Benjamin [The Ben], aherutse gutangaza ko hari umunyamakuru wamukangishije inkuru ziharabika umuryango we, ndetse ko yabigezeho agasohora amashusho y'abo mu muryango we.

Avuze ibi kandi mu gihe mu bihe bitandukanye, humvikanye inkuru z'abahanzi banyuranye, batanga amafaranga menshi kugirango bagenzi babo ntibavugwe mu itangazamakuru, n'abandi bishyura abakoresha Youtube bakirirwa bavuga nabi abo bahanganye mu muziki.

Minisitiri Utumatwishima yagaye abahanzi bagambirira gusubiza hasi bagenzi babo, avuga ko ari ubutindi 

Utumatwishima yabwiye urubyiruko kwirinda imico mibi, ahubwo bagahanira gusenyera umugozi umwe

 

KANDA HANO UREBE IJAMBO RYA MINISITIRI UTUMATWISHIMA

“>

Kuva i Rubavu na Musanze umanuka i Kigali na Muhazi, Ambasaderi Khan ntacyo wamubeshya kuko hejuru y'inshingano afite zo gukomeza gushimangira umubano mwiza uri hagati y'ibihugu byombi, anagira umwanya akiga igihugu akoreramo, agakoresha ibitabo asoma amateka ariko nyuma akava mu biro, agatembera yihera ijisho ibikurura abandi basura u Rwanda.

Mu kiganiro na IGIHE, Ambasaderi Khan yasobanuye indyo akunda mu Rwanda, ibice by'igihugu amaze gusura, amakipe afana n'ibindi by'umwihariko ku buzima bwe.

Watembereye ibice bitandukanye by'u Rwanda, ni he wakunze kurusha ahandi?

Aha mbere ni Karongi, nakunze ko ari umujyi muto kandi uri hafi y'Ikiyaga cya Kivu, nahamaze igihe hariya, ni ahantu heza cyane. Ikiyaga cyiza, umutuzo, ubwisanzure, amahumbezi, ni heza cyane. Hari ibintu byinshi bikurura ba mukerarugendo, ushobora kugenda mu bwato, hari ibiti byiza, ni ho hantu ha mbere nakunze.

Aha kabiri nkunda ni Musanze. Nahagiye inshuro nyinshi, nagiye mu bice hafi ya byose bya Musanze, harankuruye cyane. Ikindi nateranya Musanze na Gisenyi, naho njyayo kureba Ikiyaga cya Kivu. Gisenyi igira restaurant nziza n'ibindi byinshi byo kwakira ba mukerarugendo.

Ahandi nakunze ni mu Ntara y'Iburasirazuba, nagiye ku Kiyaga cya Muhazi, uturutse mu mpande zayo zose. Abantu batekereza ko Ikiyaga cya Muhazi ari ahantu hamwe, nyamara gifite ahantu henshi [ho kwakirira abantu]. Hari restaurant nyinshi n'ahantu henshi hakurura ba mukerarugendo.

Nagiye i Huye, njya mu Ishyamba rya Nyungwe, hari ahantu heza. Nagiye i Nyanza gusura ahantu hagaragaza amateka ya kera. Kuva i Gatuna kugera i Nyagatare, i Gisenyi, i Musanze, i Huye, i Cyangugu, hose narahageze kandi narahakunze.

U Rwanda ni igihugu cy'imisozi 1000, ahantu hose ni heza, iyo urebye imirima y'icyayi n'ikawa, ibiti byiza hose ni heza.

Ahandi nagiye ni muri Pariki y'Akagera, nahamaze umunsi wose mbona inyamaswa nkuru zose (inkura, ingwe, intare, inzovu, imbogo).

Wagize amahirwe yo guhura n'abahinzi b'icyayi cyoherezwa muri Pakistan?

Duherutse kugirana inama n'abahinzi b'icyayi, yarimo n'abaturuka muri Pakistan barenga 30. Rimwe nigeze kuva i Gisenyi ngana i Cyangugu, mbona imirima myinshi y'icyayi. Twagendaga duhagarara, tugasura inganda zitunganya umusaruro w'icyayi n'ikawa, tukaganira n'abahinzi.

Ku bijyanye n'indyo, ni iyihe yakunyuze cyane?

Njya ngorwa no kumenya amazina neza, hari [iyitwa] ubugari ngira ngo, nkunda dodo cyane, ziri kumwe n'umuceri ndetse n'inyama y'inkoko.

Imvange y'ibishyimbo n'umuceri na yo ndayikunda cyane. Indyo y'umuceri urimo inyama ndetse n'ibirungo nabyo ndabikunda.

Ku giti cyanjye, n'iyo ndi mu rugo cyangwa ndi kuganira n'abandi, mbabwira ko ibiryo byo mu Rwanda ari byiza ku buzima kuko bitanyuzwa mu nganda. Ibiryo byinshi hano bifite intungamubiri nyinshi kandi ntabwo binyura mu nganda.

Uburyohe bw'ibiryo byo mu Rwanda nabwo ni bwiza, abantu bari mu cyiciro cy'imyaka yanjye, [bageze muri] 40 na 50 [nabagira inama yo kubirya] kuko bifite intungamubiri nyinshi, aho kuba birimo ibirungo byinshi ndetse n'amavuta.

Muri restaurant na hoteli z'Abanya-Pakistan bari mu Rwanda, ni izihe ukunda?

Dufite imwe muri restaurant nziza y'Abanya-Pakistan iri mu Mujyi, izwi nka Lahori. [Lahori Taste iherereye muri Car Free Zone mu Mujyi wa Kigali, ikagira umwihariko wo gutegura amafunguro yo muri Pakistan, avanze n'andi aboneka mu bindi bihugu].

Lahori ni umwe mu mijyi ikomeye muri Pakistan, ni wo mujyi wa kabiri muri Pakistan [inyuma y'Umurwa Mukuru, Islamabad].

Lahori Taste ni imwe muri restaurant zitegura amafunguro yo muri Pakistan, ikaba iherereye muri Car Free Zone mu Mujyi wa Kigali

Indi ni Mandy [The House of Mandy iherereye mu nyubako ya Kigali City Tower mu Mujyi wa Kigali]. Dufite hoteli iri Nyarutarama.

Ikindi ni uko ibiryo byo muri Pakistan no mu Buhinde bijya gusa, gusa Pakistan ikagira umwihariko wo gutegura inyama z'inka, ihene n'izindi. Wenda ibyo ntabwo wabibona mu Buhinde cyane kubera umuco wabo.

Pakistan igira umwihariko wo gutegura amafunguro arimo inyama.

Restaurant ya The House of Mandy iherereye kuri Kigali City Tower, ikagira umwihariko wo gutegura amafunguro yiganjemo inyama ndetse ikagira n’umwanya munini uri hanze

Tubwire incamake y'ubuzima bwawe

Nyuma yo kwiga kaminuza, natangiye ishuri ryigenga. Ushobora kuba warumvise Malala Yousafzai wanaje i Kigali, yatsindiye igihembo cy'Amahoro cya Nobel [mu 2014 ubwo yari afite imyaka 17 gusa. Ni impirimbanyi y'uburenganzira bwa muntu, wita cyane ku buvugizi bushyigikira uburezi bw'abakobwa].

Se umubyara yari umufatanyabikorwa wanjye [kuri iryo shuri ryigenga]. Najyaga njya mu ishuri rye, naramubonye ari umunyeshuri ndetse naramwigishije.

Nyuma y'aho nagiye gukora mu rwego rw'imari muri Pakistan ndetse nanakoze mu bijyanye no guhugura abandi mu gutegura imishinga y'iterambere.

Nyuma nakoze nk'uwunganira abacamanza, mba umucamanza ndetse n'umuyobozi mu nzego z'ibanze nka komiseri wungirije.

Nyuma naje kujya gukora muri Minisiteri y'Ububanyi n'Amahanga, nkorera mu bihugu birimo Espagne, Argentine, Cuba, Canada, Afghanistan, u Rwanda n'ibindi bihugu bitandukanye.

Ikindi nabaye umuyobozi wungirije, umuyobozi n'Umuyobozi Mukuru ushinzwe Afurika muri Minisiteri y'Ububanyi n'Amahanga. Natembereye Isi ndetse nshobora no kuvuga indimi icyenda. Ikinyarwanda kiri kungora, ariko intego ni ukumenya Ikinyarwanda n'Igiswahili.

Ikindi nkora nk'umwarimu, twahuguye abanyeshuri barenga 100 hano kuri Ambasade yacu. Tubaha amahugurwa y'igihe kirekire ndetse tukabaha n'icyemezo cy'uko bafite uburambe kuko iyo umuntu ugiye ku isoko ry'umurimo, asabwa kugaragaza uburambe. Ni yo mpamvu tubaha ibyo byemezo.

Ni ibyishimo kuko Abanyarwanda babiri bahawe buruse yo kujya kwiga muri Pakistan mu bijyanye na 'Telecommunication Engineering.' Ibyo ni ibindi bikorwa dukorera hano.

Iyo utari mu kazi, ni iki ukora kugira ngo uruhuke?

Nkunda gusoma, nsoma ibitabo byinshi, cyane cyane ibijyanye n'imibanire mpuzamahanga, ibya diplomasi, ibya filozofi, iby'imitekerereze y'abantu, imibanire y'abantu ndetse n'ibindi. [Ibindi bitabo nsoma] harimo iby'amateka y'u Rwanda n'amateka ya Afurika.

Nawe ukunda Cricket?

Cricket ndayikunda, Abanya-Pakistan babiri bari mu Ikipe y'Igihugu y'u Rwanda kandi bari kwitwara neza cyane. Gusa ku giti cyanjye nkunda umupira w'amaguru.

Ibihugu nka Argentine na Espagne [byankundishije] umupira w'amaguru, ndetse no muri Pakistan uyu mukino uri kwaguka cyane. [Ikindi nkundira umupira w'amaguru] ni uko iminota 90 biba birangiye, ariko Cricket itwara umwanya munini cyane.

Gukina umupira w'amaguru ni byiza ku buzima kandi ni umukino ushimishije.

Ugira ikipe ufana?

Ni byo ngira ikipe mfana, muri Argentine nkunda Boca Juniors, mu Rwanda naho ndi gukurikirana nshaka ikipe mfana. Mperutse guhura na Perezida wa FERWAFA, Munyantwari Alphonse, tuganira ku buryo bwo guteza imikino imbere hagati y'ibihugu byombi.

Ujya ureba amakipe akomeye y'i Burayi nka Liverpool?

Ni byo njya nyareba, iyo mfite umwanya ndayareba. Nk'umukino wa Real Madrid na FC Barcelona cyangwa uwa Boca Juniors na Club Atlético River Plate, iyo zakinnye ngerageza kuzireba.

Ambasaderi Khan ntajya acikwa n’umukino uhuza Boca Juniors na Club Atlético River Plate muri Argentine, ufatwa nk’umwe mu mikino iba ikomeye cyane ku Isi

Kurikira ikiganiro IGIHE yagiranye na Ambasaderi Khan

Amafoto y'ubwiza bwa Karongi bwatangaje Ambasaderi Khan

Agace kifashishwa n’Abanye-Congo bapakira matungo baba baguze mu isoko ndengamipaka

Bethany Hotel ni umwe mu mahoteli abakiliya bicaramo bumva amahumbezi y’Ikiyaga cya Kivu

Bethany Hotel imwe mu mahoteli afite umwihariko mu karere ka Karongi

Cleo Lake Kivu Hotel, imwe mu mahoteli agezweho yo mu Karere ka Karongi

Château Le Marara, ni hoteli nziza yuzuye i Karongi

Amahoteli menshi yo muri Karongi yubatse ku nkengero z’ikiyaga cya Kivu

Ba mukerarugendo bakunda amahoteli y’i Karongi kubera uburyo yegereye cyane ikiyaga cya Kivu

Ukigera mu marembo ya Karongi, hari ibyapa bitanga ikaze

Kugera i Karongi ugataha udatembereye mu kiyaga cya Kivu, ni ukunyagwa zigahera

Muri iri shyamba huzuye hoteli y’akataraboneka, ni hejuru y’Ikiyaga cya Kivu

Ubwato bufasha abagenda mu Kivu

Umuhanda wa Kivu Belt woroheje ubuhahirane mu Burengerazuba by’umwihariko mu Karere ka Karongi

Ukeneye kwica icyaka i Karongi utubari tugezweho turahari, nta kibazo uzagira

Aba bana bafotorewe i Karongi bagiye ku ishuri guhaha ubwenge

Abaza gusura Karongi akenshi bakururwa n’Ikiyaga cya Kivu

Agakiriro ka Karongi karimo abanyabukorikori b’ingeri zose

Imihanda y’i Karongi ikikijwe n’ibiti bituma abahagenda babona akayaga

Château Le Marara iteretse ku nkengero z’Ikiyaga cya Kivu

Château Le Marara yitezweho guhindura isura ya Karongi

Delta Hotel iri ku nkengero z’Ikiyaga cya Kivu

Delta Hotel irimo kwagurwa

Gare ya Karongi ifasha abatuye muri aka karere kugenderanira n’ibindi bice by’igihugu

Gare ya Karongi ifasha abatuye muri aka karere kugenderanira n’ibindi bice by’igihugu

Hotel Cleo Kivu Late , ni imwe mu zifasha abakerarugendo bagana aka Karere

Icyayi ni kimwe mu bihingwa ngengabukungu by’imena bitunze abanya-Karongi

Ikiyaga cya Kivu, niyo soko y’ubukungu bwa Karongi

Imiturire iri gutezwa imbere. Hejuru ya Gare ya Karongi harimo kuzamurwa imiturirwa

Imiturire mu mujyi wa Karongi iri kuvugururwa mu buryo bujyanye n’icyerecyezo

IPRC Karongi iri ku isonga mu gusohora intiti zifasha igihugu mu guhanga imirimo no gukora byinshi mu bijyanye na tekiniki n’ubumenyingiro

Ingoro y’Umurage w’Ibidukikije nayo iri i Karongi

Isoko rya Kijyambere rya Karongi rifasha mu buhahirane

Karongi hari uduce ifite turimo imihanda itanyuramo ibinyabiziga byinshi

Karongi ifite imiterere ibereye ubukerarugendo kubera ikiyaga cya Kivu gituma hagaragara ubwiza budasanzwe

Ikigamijwe ni ugutanga umusanzu mu iterambere ry'umuziki no gufasha abadukurikira kuruhuka no kunogerwa n'impera z'icyumweru. Kuri iyi nshuro abahanzi batandukanye bakoze mu nganzo batanga ibihangano bishya.

Kuri ubu, abahanzi nyarwanda baba abakora umuziki usanzwe ndetse n'abakora uwo kuramya no guhimbaza Imana bose bakoze mu nganzo.

Mu ndirimbo nshya, harimo iyahuje Umuririmbyi itahiwacu Bruce wamamaye nka Bruce Melodie na Blq Diamond yasohoye kuri uyu wa Gatanu tariki 6 Ukuboza 2024. ‘Niki Minaji’ iri mu ndirimbo zigize Album nshya ya Bruce Melodie yise ‘Colourful Generation’, ndetse iri ku mwanya wa Kane kuri iyi Album igiye kumara umwaka umwe itegerejwe. Izaba iriho indirimbo 16 zirimo izo yakoranye n’abahanzi banyuranye, ahanini biturutse ku mubano basanzwe bafitanye. 

Bruce Melodie yari aherutse gutangaza ko indirimbo ye yayitiriye izina ry’umuhanzikazi ukomeye ku Isi. Yayise ‘Niki Minaji’, kandi yitsa cyane ku kugaragaza ko umukobwa aba aririmba, yaba imiterere ye, uburanga bwe n’ibindi abihuje n’uyu muhanzikazi wo muri Leta Zunze Ubumwe za Amerika wamamaye ku Isi.

Iyo unyujije amaso mu bantu bakoze iyi ndirimbo, ubona ko yakozwe mu buryo bw’amajwi na Producer Element, ni mu gihe mu buryo bw’amashusho (Video) yakozwe na J’Chrétien Munezero usanzwe ari Murumuna wa Christopher.

Ni mu gihe Bahali Ruth witabiriye irushanwa rya Miss Rwanda 2022, akabasha no kwegukana ikamba ry’umukobwa wahize abandi mu kugira ubumenyi ku buzima bw’imyororokere, yabaye umwungiriza wa J’Chrétien Munezero mu ikorwa ry’amashusho y’iyi ndirimbo.

Mu bandi bahanzi bakoze mu nganzo, Zizou Al Pacino wahurije abarimo Bulldogg, Calvin Mbanda , P Fla, Fireman na Jay C mu ndirimbo yise 'Kuba umugabo,' Nel Ngabo, Element Eleéeh na Kenny Sol biyambajwe na Marioo, abaramyi bakunzwe cyane Vestine & Dorcas n'abandi benshi.

1.     Niki Minaj — Bruce Melodie ft Blaq Diamond

“>

2.     Kuba umugabo – Zizou Al Pacino ft Bulldogg, Calvin Mbanda , P Fla, Fireman, Jay C 

“>

3.     1,2,3 — Nel Ngabo

“>

4.     Njozi – Marioo feat Element Eleéeh

“>

5.     Happiness – Marioo feat Kenny Sol 

“>

6.     Ihema — Vestine & Dorcas

“>

7.     Basi – Là Reïna

“>

8.     Impamba — David Kega

“>

9.     Amen — Eddy Muramyi ft Bidandi

“>

10. Irebe – Khire

“>
 

Kuri uyu wa Gatandatu itariki 7 Ukuboza 2024, kuri Stade Amahoro harakinirwa umukino uruta indi yose ikinirwa mu Rwanda, umukino urahuza APR FC na Rayon Sports, amakipe yahanganye kuva kera, ndetse akaba ari nayo yihariye ibikombe hafi ya byose bikinirwa mu Rwanda.

Umukino uza guhuza APR FC na Rayon Sports kuri uyu wa Gatandatu, ni umukino wari umaze igihe kinini cyane utegerejwe kuko amatariki wari warapanzwe ko uzakinirwa, yimuwe inshuro ebyiri kubera impamvu zigiye zitandukanye, ariko kuri uyu wa Gatandatu bidasubirwaho, Rayon sports irakira APR FC mu mukino wakabaye warakinwe ku munsi wa gatatu wa shampiyona ya Rwanda Premier League 2024-25.

Uyu mukino wari upanzwe ko wari gukinwa ku itariki 14 Nzeri 2024, ariko ntiwaza gukinwa, kubera ko APR FC yari gukina na Pylamif yo mu misiri mu mukino ubanza mu ijonjora rya kabiri mu mikino ya CAF Champions League, ibyo byatumye uyu mukino udakinwa kuri iyo tariki.

Numa y'uko umukino wa APR FC na Rayon Sports udakinwe ku itariki 14 Nzeri wimuriwe ku itariki 19 Ukwakira, ariko nawo ntiwakinwa kubera ko ikipe y'igihugu yari mu myiteguro yo gukina na Djibouti mu majonjora yo gushaka itike y'igikombe cya Africa cy'abakinnyi bakina mu bihugu bavukamo CHAN.

N'ubwo iturufu yo kudakina umukino ku itariki 19 Ukwakira yabaye imyiteguro y'ikipe y'igihugu, APR FC yari yamaze gutanga ubusabe muri Rwanda Premier League isaba ko yazakina na Gasogi United kuri iyi taliki, mu mwanya wo gukina na Rayon Sports.

Kera kabaye kuri uyu wa Gatandatu itariki 7 Ukboza 2024 umukino karundura wa APR FC na Rayon Sports urakinwa, ariko mbere y'uko ukinwa, amakipe yagaragaje imbaraga zitandukanye ukurikije uko buri kipe yatangiye imikino ya shampiyona.

Ikipe ya Rayon Sports inayoboye shampiyona y'u Rwanda, nubwo yatangiye inganya imikino ibiri ya shampiyona, nyuma yaho yagaragaje imbaraga zidasanzwe kuko yahise itsinda imikino ikenda yikurikiranya. Rayon Sports kandi ni iya mbere n'amanota 29, ikaba irusha ikipe ya kabiri ariyo AS Kigali Amanota icyenda.

APR FC yo yagize intangiriro mbi za shampiyona, kuko imaze gutakaza imikino ine yose muri iyo ine ikaba yaranahuye n'igisebo cyo guterwa mpaga kubera yakinishije abakinnyi barindwi b'abanyamahanga icyarimwe mu kibuga, kandi amategeko ategeka kutarenza abakinnyi batandatu.

Ni umukino APR FC iramanuka mu kibuga irushwa amanota 11 na Rayon Sports baba bahanganiye igikombe, kuko Rayon Sports ni iya mbere ifite amanota 29, APR FC yo ni iya Gatandatu ifite amanota 18.

Ni ikipe ya Rayon Sports iramanuka mu kibuga ishimwa mu myanya yose, kuko mu mikino icyenda imaze yikurikiranya itsinda yo yatsinzwemo igitego kimwe gusa, bisobanuye ko ari ikipe ikomeye mu bwugarizi, izamu, hagati no mu busatirizi.

APR FC yo ntabwo biramera neza, kuko umukino iheruka gukina yanganyije na Police FC, kandi usanga nta myanya irashimwa neza, kuko ikinjizwa ibitego, kandi n'ubusatirizi bwayo bukaba nta bitego byinshi buratsinda.

Abakinnyi bo kwitega ku ruhande rwa Rayon Sports ni Fall Ngagne, Aziz Bassane Koulagna, Iraguha Hadji na Adama Bagayogo. Klu ruhande rwa APR FC abakinnyi bo kwitega ni Niyigena Clement, Mahmadou Lamine Bah, Mamadou SY, Aluou Souane, Mugiraneza Frodouard n'abandi.

 

Kuri uyu wa Gatandatu APR FC iracakirana na Rayon sports mu mukino w’amateka

Ni nde wigiza nkana ?

Joyous Celebration itegerejwe mu Rwanda mu gitaramo cyiswe “Joyous Celebration Live in Kigali”. Iki gitaramo cyateguwe na Sion Communication na Zaburi Nshya Events, kizaba tariki 29 Ukuboza 2024, muri BK Arena.

Ku bijyanye n’amatike yo kwinjira muri iki gitaramo, ahasanzwe ntabwo hahenze kuko hazishyirwa 7,000 Frw, mu gihe ahahawe izina rya Bronze hazishyurwa 15,000 Frw, muri Gold hishyurwe 25,000 Frw, Silver bishyure 30,000 Frw, Platinum hishyurwe 40,000 Frw, naho muri VVIP hishyurwe 50,000 Frw. Ubu wagura itike yawe unyuze kuri www.ticqet.rw.

Mu bazataramana na Joyous Celebration mu gitaramo cyabo giherekeza umwaka bamaze kumenyekana, harimo itsinda rya Alarm Ministries ndetse na Gentil Misigaro utuye muri Canada. Ni mu gihe umuvugabutumwa wemejwe ari Apostle Yoshua Masasu.

Mu gihe rero imyiteguro y’iki gitaramo irimbanije, bamwe mu bayobozi b'iri tsinda baje mbere mu Rwanda kureba aho kizabera, mu rwego rwo kumenya neza niba koko igitaramo ‘Joyous Celebration Live in Kigali Concert’ kizagenda neza. 

Abo bayobozi basuye u Rwanda, ni Umuyobozi wa Joyous Celebration, Boniswa Mbambo n’Umuyobozi ushinzwe Tekinike, KGABO Thabo Petros. Aba bayobozi bahawe ikaze mu Rwanda n’itsinda ririmo Peace Nicodem wa Sion Communicatons ndetse na Ntaganzwa Plaisir wa Zaburi Nshya Events bafatanyije gutegura iki gitaramo cy’amateka.

Joyous Celebration itegerejwe mu Rwanda mu gitaramo cy’imbaturamugabo ni itsinda rikunzwe bikomeye mu muziki wa Gospel muri Afrika, ikaba imaze gukorera muri studio album umunani zisanga izindi icyenda bakoze mu buryo bwa Live, ndetse uyu munsi igizwe n'abaririmbyi barenga 45.

Mu ndirimbo zabo zikunzwe cyane, harimo iyitwa ‘Bekani Ithemba,’ ‘Alikho Lelifana,’ ‘Awesome is your name,’ ”I Am the winner,’ ‘Who Am I,’ ‘Wenzile,’ ‘Wakhazimula,’ ‘Tambira Jehova,’ ‘Iyo Calvari’ n’izindi nyinshi zagiye zirebwa na za miliyoni kuri YouTube.

Igitaramo Joyous Celebration bazakorera mu Rwanda kiri mu bitaramo bikomeye 6 bagiye gukora mu mpera za 2024. Ni ibitaramo bise “Joyous Celebration 28 Summer Tour” bizaherekeza umwaka uyu mwaka.

Tariki 07 Ukuboza aba baririmbyi bo muri Afrika y’Epfo bazataramira muri Kimberly; tariki 15 Ukuboza bataramire muri Johanesburg muri Rhema Bible Church; tariki 16 Ukuboza bataramire muri Mafikeng muri Mbatho Convention Center;

Tariki 20 Ukuboza aba baririmbyi bazataramira muri Malawi mu Mujyi wa Lilongwe muri Bingu International Conventional Centre; tariki 29 Ukuboza bataramire mu Rwanda mu Mujyi wa Kigali muri BK Arena, naho tariki 31 Ukuboza bataramire muri Mayine (Durban) muri ICC.

Amatike yo kwinjira mu gitaramo ‘Joyous Live in Kigali’ yageze hanze

Gentil Misigaro ni umwe mu bazifatanya na Joyous Celebration mu gitaramo cyabo

Itsinda rya Alarm Ministries naryo rizatarama 

Apotre Masasu ni we uzabwiriza Ijambo ry’Imana

Mbere y’uko igitaramo nyirizina kiba, abayobozi babiri ba Joyous Celebration babanje kuza mu Rwanda kwihera ijisho uko umwuka w’aho bazakorera igitaramo wifashe

Abayobozi ba Joyous Celebration [abafite indabo] ubwo bazaga mu Rwanda gusura aho bagiye gukorera igitaramo

Uyu muhango wo kubashyikiriza impamyabumenyi wabereye kuri Kigali Convention Center, kuri uyu wa Gatanu tariki 6 Ukuboza 2014. Aba bahanzi bavuye mu barenga 1000 bari bahatanye ku rwego rw’Igihugu. 

Akanama Nkemurampaka kemeje ko abanyempano 60 ari bo bajya mu mwiherero bari bamazemo umwaka umwe bahabwa amasomo ajyanye no kubategura kujya ku isoko ry’umurimo.

Irushanwa rya ArtRwanda-Ubuhanzi, ryatangiye ridafite ibyiciro by’aho abahanzi bahatanaga, ariko kuri iyi nshuro harimo ibyiciro icyenda (9).

Mu gushaka impano, irushanwa ryageze mu bice bitandukanye by’Igihugu, ndetse hatoranyijwemo 60 bahize abandi.

Mbere y’uko batangazwa, aba bahanzi bakoze imyitozo inyuranye ndetse n’amahugurwa azabafasha kwitwara neza ku isoko ry’umurimo. Binashimangirwa na filime ngufi yagaragajwe, yerekana ubumenyi aba bahanzi bavomye.

James wakoze iyi filime yavuze ko ‘Twayikoze mu rwego rwo kuzirikana no kubahisha ubuhanzi, no guhuza abantu muri rusange’.

Uyu musore yavuze ko ubwo yasoga amasomo ye ya Kaminuza, yumvaga azajya gushaka akazi ko kuba umubaruramari, ariko ko akazi kose yakoraga ‘numvaga ndi aho ntagomba kuba ndi’.

Avuga ko ibi ari byo byatumye ahitamo gushaka gukurikira inzozi ze z’ubuhanzi.

ArtRwanda-Ubuhanzi, ni irushanwa riri mu maboko y’Umuryango Imbuto Foundation, ndetse ritegwa inkunga na Minisiteri y’Urubyiruko n’iterambere ry’ubuhanzi (Moya), Ishami ry'Umuryango w'Abibumbye rishinzwe Iterambere (UNDP) hamwe n'Umuryango w'Ubumwe bw'u Burayi(EU) n’abandi.

Omer uri mu basoje amasomo yavuze ko bishimishije kuba barahawe umwanya wo guhatana muri ArtRwanda-Ubuhanzi kuko ‘rwabaye urubuga rwo kugaragaza impano zacu’.

Muhorereta we yavuze ko yashimishijwe no muri ArtRwanda-Ubuhanzi ‘baradukoreye ibihangano’ kandi ‘bazakomereze aho’.

Yunganirwa na Sam Skay usobanura ko kuba yarafashijwe gusohora ibihangano bye ari ‘umugisha nagize’. 

Munyana Slyvie we avuga ko ibihangano bigishijwe gukora ‘bizatuma bagaragaza abo bari bo mu ruhandi rw’umuziki rwa buri munsi’.

Umuhango wo gushyira ku isoko aba abahanzi 60 witabiriwe n’abayobozi banyuranye barimo Minisitiri w’urubyiruko n’iterambere ry’ubuhanzi, Dr Utumatwishima, Umuyobozi w’ishami ry’imiyoborere muri UNDP mu Rwanda, Aimee Muziranenge, Umuyobozi wa Imbuto Foundation, Elodie Shami n’abandi.

Bahawe impanuro bazubakiraho mu rugendo rw'abo rw'ubuhanzi

Minisitiri w’Urubyiruko n’Iterambere ry’Ubuhanzi, Dr. Utumatwishima Jean Nepo Abdallah, wari umushyitsi Mukuru muri uyu muhango yashimye byimazeyo Imbuto Foundation yabaye nyambere mu gutangiza urugamba rwo gushyigikira abahanzi, kandi n'ubu bakaba bagikomeje.

Yavuze ko muri iyi minsi nka Minisiteri, batangije gahunda yo gusura ibikorwa by'abahanzi, kandi twabonye ko 'abahanzi banyura mu bintu bikomeye, ari na yo mpamvu nsaba buri wese, uzajya ukenerwa n'umuhanzi kujya amwakirana yombi'.

Utumatwishima yashimye kandi Madamu Jeannette Kagame ku bwo gushyigikira abahanzi, kuko byafashije abo mu bice bitandukanye by'Igihugu kugaragaza impano zabo, abatsinze bakagera ku rwego rw'Igihugu. 

Ati 'Nyakubahwa Madamu Jeannette Kagame na Imbuto Foundation batubereye ku ruhembe rw'imbere mu guteza imbere urubyiruko. Tumushimire rero!

Utumatwishima yavuze ko mu rugendo rwo guteza imbere urubyiruko, hagiye kubakwa ibigo bitanu bizafasha urubyiruko mu turere dutandukanye. Yanavuze ko muri iki gihe batangira urugendo rwo gushyira mu bikorwa itegeko rirengera umutungo mu by'ubwenge, kugirango abahanzi bungukirwe n'ibyo bakora.

Ati 'Nta muntu uzongera gukoresha igihangano cy'umuhanzi nyarwanda ntacyo yishuye.' Yanavuze ko bari kubaka 'Porogoramu' ijyanye n'uburyo uruganda rw'ubuhanzi rukwiye kuba rwubatse.   

Umuyobozi Mukuru wa Imbuto Foundation, Elodie Shami, we yavuze ko abashoje amasomo yabo, bateye intambwe nziza, kandi ‘turizera ko bazakomereza aha’.

Elodie Shami yanabagejejeho intashyo za Madamu Jeannette Kagame. Kandi avuga ko Guverinoma irajwe ishinga no guteza imbere inganda Ndangamuco, kandi ni urugendo ruzakomeza gushyigikirwa.

Elodie Shami yavuze ko mu ntangiriro z’uyu mushinga wa ArtRwanda-Ubuhanzi, bahuye n’imbogamizi zirimo ‘imyumvire’ aho abantu batumvaga neza ubuhanzi. 

Ariko kandi avuga ko ari urugamba rugikomeje, asaba abahanzi ‘kubuhesha agaciro’ no kubaka ‘ubuhanzi bushingiye ku muco n’indangagaciro’ by’Igihugu.

Elodie Shami yagaragaje ko ubuhanzi buri no muri gahunda ya Guverinoma izwi nka NST2. Ati “Dushimiye Leta yacu ku bwo gushyigikira abahanzi”.

Imibare ya hafi igaragaza ko bamwe mu basoje amasomo muri ArtRwanda-Ubuhanzi, bashinze ibigo 39, ndetse banashyizeho ibigo byatanze akazi kuri benshi.

Umuyobozi w’ishami ry’imiyoborere muri UNDP mu Rwanda, Aimee Muziranenge, yashimye abafatanyabikorwa bose bagira uruhare mu gutuma ArtRwanda-Ubuhanzi, itera imbere.

Yavuze ko “nka UNDP dutewe ishema n’ubwo bufutanye. Twavuga ko turi kumwe namwe muri uru rugendo, kuva uyu munsi n’ikindi gihe. Kandi tuzakomeza gushyigikira Guverinoma y’u Rwanda, na Imbuto Foundation”.

ArtRwanda – Ubuhanzi ni umushinga ugizwe n'irushanwa rizashakisha, rikanashyigikira impano zo mu byiciro birimo Ubugeni, Indirimbo n'Imbyino, Imideli, Ikinamico n'Urwenya, Filimi no Gufata Amafoto, Ubusizi n'Ubuvanganzo.

Mu ijambo rye, Umuyobozi Mukuru wa Imbuto Foundation, Shami Elodie, yagarutse ku byafasha ubuhanzi gutera imbere. Hari aho yagize ati 'Kuba umuhanzi uboneye u Rwanda, bidusaba kujya kure y'impano twifitemo, ahubwo tugatekereza ku bindi byose byatuma iyo mpano itubeshaho, kandi igatanga umusanzu ku bukungu bw'igihugu, no kwimakaza umuco wacu.”

Musafiri James watunganyije filime yerekanwe muri uyu muhango, yavuze uburyo yasoje amasomo ya Kaminuza atangira gushaka uko yinjira mu buhanzi. Hari aho yagize ati “Nahuye n'abatoza bo ku ruhande rw'ubuhanzi no ku ruhande rw'ubucuruzi. Byangiriye akamaro kuko bwa mbere nkora filime, nta kintu nari nitayeho uretse inkuru gusa.”

Umuyobozi w’ishami ry’imiyoborere muri UNDP mu Rwanda, Aimee Muziranenge yashimye abahanzi basoje amasomo yabo mu cyiciro cya Kabiri cya ArtRwanda-Ubuhanzi, hari aho yagize ati: 'Iyo tuje aha turi kumwe n'urubyiruko rungana gutya, rwabonye imbere heza, natwe bidutera ishema nk'Umuryango w'Abibumbye.'

Ibirori byo gusoza Icyiciro cya Kabiri cya ArtRwanda_Ubuhanzi byabereye kuri Kigali Convention Center, kuri uyu wa Gatanu tariki 6 Ukuboza 2024

Abasoje amasomo bakinnye umukino bise 'Intambwe y'Inganzo' ugaragaza uburyo buri wese akwiriye kuvomerera inganzo imurimo

Kwizera washinze ikigo ‘Kigali Photography’, yagarutse ku rugendo rwe ubwo yitabiraga ArtRwanda-Ubuhanzi mu 2018

Umusizi Carine Maniraguha yagarutse ku kuntu ArtRwanda-Ubuhanzi, yatumye inganzo yaguka

Abasoje amasomo bagaragaje ibihangano bahanze mu bihe binyuranye

AMAFOTO: ArtRwanda-Ubuhanzi