Category: Uncategorized

Guhera tariki 7 Ukuboza 2024 kugeza tariki 4 Mutarama 2025, umuntu uzajya ugura telefone yo mu bwoko ubwo ari bwo bwose bwa Tecno agashyiramo simcard ya MTN ya 4G, azajya ahita ahabwa impano ya 15GB za internet n'iminota 300 yo guhamagara bizamara amezi atatu.

Ni mu gihe ku bazajya bagura telefone za Spark na Camon, bazajya bongezwa 'ecouteurs', abaguze POP bahabwe impano ya Noheli irimo ibintu bitandukanye, naho abazajya bagura Phantom bo bahabwe impano zishimishije zateganijwe.

Si izi mpano zoroheje zonyine ziteganijwe kuko hari n'izindi zihambaye zizajya zitangwa muri izi mpera z’umwaka nk'uko Umukozi ushinzwe Iyamamazabikorwa muri Tecno Mobile Rwanda, Mucyo Eddie, abisobanura.

Ati: 'Hari izindi mpano nini zirimo firigo, moto, itike iriho 200,000 Frw yo guhahiraho mu maguriro agezweho (Supermarkets) dukorana ndetse na telefone. Kugira ngo izi mpano na zo zitangwe hazabaho tombola ku bantu bose baguze telefone, abazagira amahirwe bazatsindira bimwe muri ibi bihembo.'

Ku banyamahirwe bazongera bagatomborwa, bazabona 30GB za internet ziyongera kuri 15GB babona bakigura telefone.

Umuyobozi ushinzwe ibikoresho by'ikoranabuhanga na serivisi z'ikoranabuhanga muri MTN Rwanda, Nzabakira René, yavuze ko umwaka wa 2024 wababereye umwaka mwiza kuko babonye abakiliya benshi babagana muri serivise zitandukanye.

Yakomeje agira ati: 'Iminsi mikuru ni iminsi twese dusubira inyuma tukitekerezaho, tugatekereza ku miryango yacu ndetse n'intumbero dufite mu myaka iri imbere. Mbere y'uko twinjira muri 2025 twifuje guha abakiliya bacu impano.'

Kugeza ubu, telefone za Tecno ziraboneka ku maduka yose ya Tecno hirya no hino mu gihugu, kuri MTN Service Center no kuri Connect Shop. Abazatsindira ibihembo, bazajya babisanga aho baguriye telefone 

Ntabwo ari mu minsi mikuru, kuko n’ubusanzwe MTN Rwanda na Tecno Mobile Rwanda, ni ibigo bisanzwe bifite imikoranire myiza, aho bitanga poromosiyo zinyuranye iyo Tecno yasohoye telefone nshya uyiguze akoresha MTN agahabwa internet y'ubuntu.

MTN na Tecno batangije poromosiyo mu rwego rwo gufasha abakiliya babo kuryoherwa n’iminsi mikuru

Ni igikorwa kizifashishwamo abahanzi barimo Bwiza na Juno Kizigenza nka ‘Brand Ambassadors’ b’ibi bigo

Mu mpano zizatangwa harimo frigo, moto, telefone n’ibindi

Mitsindo yabaye Umudepite kuva mu 2006, ndetse ni umwe mu banyamuryango ba FPR Inkotanyi bamenyekanye cyane. Yapfiriye mu Bitaro bya Gisirikare i Kanombe ku wa 6 Ukuboza 2024.

Mbere yo kwinjira mu Nteko Ishinga Amategeko y'u Rwanda, yabaye Burugumesitiri wa Komine Giciye (ubu ni mu Karere ka Nyabihu) aba na Perefe wa Perefegitura ya Gisenyi nyuma ya Jenoside yakorewe Abatutsi mu 1994.

Amakuru ava mu muryango we yemeza ko azashyingurwa tariki 9 Ukuboza 2024.

Mitsindo wabaye Umudepite, akaba na Perefe wa Gisenyi yitabye Imana

Aya mahugurwa y'iminsi itanu yatangiye kuri uyu 5 Ukuboza 2024, yibanda ku bumenyi bujyanye n'imibanire isanzwe, bigamije guteza imbere akazi kabo no kubafasha kuzamuka mu mwuga.

Umunyamabanga Nshingwabikorwa w'uru rugaga mu Rwanda, Steven Sabiti, yagize ati 'Aya mahugurwa agamije kuzamura ubumenyi bwabo mu mibanire isanzwe (soft skills), kuzamura ubushobozi mu bijyane n'itumanaho mu gukorana n'abandi, kuyobora amatsinda no kumenya neza gutanga raporo y'ibyo bakora.'

Yakomeje avuga ko muri uyu mwuga haba hakubiyemo abantu bize imibare akenshi ari nabyo bahugiyemo gusa ariko ugasanga ibijyane n'itumanaho mu mivugire bibagora, avuga ko baba bagikeneye kwihugura kugira ngo uyu mwuga ukorwe neza kurushaho.

Yavuze kandi ko aya mahugurwa yibanze ku byanyamwuga bakiri bato ndetse n'abagore hakaba harahuguwe umubare muke kugira ngo byorohe kwigishwa neza ariko bazakomeza no ku bandi basigaye.

Umunyamuryango w'uru rugaga akaba n'inzobere mu bwubatsi bw'inzu, Cecile Uwimana , yavuze ko iyi gahunda yaje gufasha abahanga mu bwubatsi cyane cyane abakiri bato kubafasha gutanga umusaruro wisumbuye ku byo bize mu ishuri.

Ati 'Nkatwe tubimazemo igihe hari ubumenyi tuba dufite kandi bwafasha abakiri bato kongera ubumenyi, rero aya mahugurwa adufasha kububasangiza mu buryo bworoshye. Akenshi tuba dufite ubumenyi buri tekiniki ariko mu bundi bumenyi busanzwe hari ubwo rero tuba dukeneye kongeraho bwo mu mibarire isanzwe no kumenya gusobanura ibyo bize.'

Yakomeje agira ati 'Kwiga ntibirangira nubwo nanjye maze imyaka myinshi muri uyu mwuga ariko mba nkikeneye kwiga kandi ntitugatekereze ko imibare twize ariyo twakoresha mu kazi kacu gusa, ntaho turagera dukomeze twige ahantu hose tubonye ayo mahirwe twiyitesha.'

Umwe mu bagize amahirwe yo kwitabira aya mahugurwa, Albert Byiringiro yavuze ko bazayungukiramo byinshi.

Ati 'Ubu twiteze ko tuzungukira byinshi muri aya mahugurwa birimo itumanaho, guhura n'abandi bagenzi banjye, gukorera hamwe ndetse no kuyobora neza abo nkoresha. Nkatwe twibanda cyane ku bintu biri tekiniki ariko dukeneye kumenya n'ubundi bumenyi rusange.'

Manishimwe Mervelle na we uri baje guhugurwa, yavuze aya mahugurwa azamufasha guhura n'abafite uburambe bityo bigatuma abungukiraho byinshi.

Ati 'Nizeye ko nzakura ubumenyi ku bandusha uburambere mu kazi dukora, ibyo rero bikazantera kongera imbaraga mu byo nkora mu buryo butandukanye.'

Yasabye abakiri bato muri uyu mwuga cyane cyane abakobwa kwitabira aya mahugurwa kuko azabafasha kwiyongerera icyizere mu kazi kabo kandi bigateza imbere ibyo bakora.

Umunyamabanga Nshingwabikorwa w'urugaga rw’Abenjeniyeri mu Rwanda, Steven Sabiti, yavuze ko aya mahugurwa agamije kongera ubumenyi mu bakiri bato

IER yateguye amahugurwa agamije kongerera ubumenyi abenjeniyeri bakiri bato

Umunyamuryango w'uru rugaga akaba n'inzobere mu bwubatsi bw'inzu, Cecile Uwimana ni umwe mu bitabiriye

Hatanzwe amahugurwa ku bintu bitandukanye bifasha abenjeniyeri gukora akazi kabo neza

Ibi babibwiwe ku wa 06 Ukuboza 2024, mu biganiro bagejejweho n'Ikigo cyita ku Burenganzira bwa Muntu n'Iterambere mu Biyaga Bigari (GLIHD), muri gahunda y'ubukangurambaga bwo kurwanya impuha zica cyane cyane ku mbuga nkoranyambaga,.

Ubukangurambaga bwabereye mu Murenge wa Ndora, mu Karere ka Gisagara.

Bigirimana Jean Pierre, yavuze ko yagiye ahura n'ibihuha byo ku mbuga nkoranyambaga, akabisimbuka.

Ati 'Umuntu arakwandikira utamuzi akakubwira ko akurangira akazi, ariko agahita akwaka n'amafaranga yo kwiyandikisha kugira ngo ukabone. Hari abayatanga bakabiba, igihe cyose ni ukwigengesera.”

Nuwayo Vestine uri mu kigero cy'imyaka 50 wo mu Murenge wa Musha, muri Gisagara, na we yabwiye IGIHE ko hari abantu bamuhamagara kuri telefone bamubeshya ko yatsindiye ibihembo, bagamije kumwiba.

Ati'Jye bamaze kumpamagara inshuro zirenze eshatu bambwira ko hari amafaranga yayobeye kuri telefone yanjye natsindiye. Bambwira imibare nkanda, ntasobanukiwe, hari n'igihe bamfungiye simukadi.''

Nuwayo akomeza avuga ko nk'umuntu umaze gukura udasobanukiwe n'ikoranabuhanga cyane, ababazwa nabyo bikaba byatuma umuntu azinukwaho itumaho rigezweho.

Mulisa Vestine, Umukozi w'Ikigo cyita ku Burenganzira bwa Muntu n'Iterambere mu Biyaga Bigari(GLIHD), yavuze ko buri wese yaba umuto n'umukuru, aba asabwa kwigengesera no gushungura ibinyura ku mbuga nkoranyambaga kuko harimo n'ibiba ari ibihuha bigamije inyungu ku wabimbye, ariko byanahemukira ubyakiriye ahubutse.

Ati 'Twasanze mu by'ukuri hari abasigaye bakoresha imbuga nkoranyambaga nabi batanga amakuru y'ibihuha, kandi akenshi bikarangira umuturage ari we ubihombeyemo.”

“Twaje hano kumenyesha abantu ko amakuru yose acaracara ataba ari ukuri, kandi ko kuyakwirakwiza nabyo bifite izindi ngaruka mbi, ndetse hari n'ibihano bibiherekeza.”

Meya w'Akarere ka Gisagara, Rutaburingoga Jerome, we yasabye abaturage kudahururira ibije byose bibizeza ibitangaza n'inyungu nyinshi kandi batakoreye, kuko inyungu yose iva mu gukora.

Ati” Ntabwo bakwiye kubona 'isha itamba ngo bate urwo bari bambaye'. Isi ya none yaragutse iba nk'umudugudu, ariko abayirimo bose ntibasobanutse. Nujya gufata ibyo ubonye byose bihise, uzata n'ibyo wari ufite, utakare burundu, kugutora bigorane.”

“Birasaba ko buri mu muntu yimenya, ntashake kugendera mu byo abonye ku mbuga nkoranyambaga kuko n'amateka abata ari amwe, ahuhwo dukomeze intambwe zacu dutere imbere bivuye mu cyuya cyacu nk'abanyarwanda, nk'abanyagisagara.”

Meya Rutaburingoga, yakomeje asaba urubyiruko kutayora ibyo babonye byose, ahubwo bagahitamo ibikwiye, bifite akamaro kandi binakorera mu gice barimo, ndetse byemewe n'umuco nyarwanda.

Mu gihe tugezemo, usanga benshi bakoresha telefone zigezweho zirimo n’imbuga nkoranyambaga, ariko bagahuriraho na byinshi birimo n’ibihuha.

Meya Rutaburingoga yasabye abaturage kumenya neza uburyo bwiza bwo gukoresha ikoranabuhanga

Mulisa Vestine ukora muri GLIHD, yavuze ko hariho n’ibihano ku bakwiza ibihuha, abasaba kubivaho

Uyu muhanzi yavuze ibi ubwo yaririmbaga mu mukino wahuje Rayon Sports na APR FC, wabaye ku mugoroba wo kuri uyu wa Gatandatu tariki 7 Ukuboza 2024 muri Stade Amahoro.

Muri uyu mukino, Senderi Hit yazanye ikivugo gishya aho agira ati “Oyee oyee, Oyee”, maze abafana nabo bagasubiza bati “Oyee oye, oye.”

Muri iyu mukino, Senderi Hit yaririmbye indirimbo nka “Ibidakwiriye nzabivuga”, maze agira ati “Iryavuzwe riratashye.”

Yakomereje ku ndirimbo, yahimbiye aya makipe zirimo “Aba-Rayon”, akomereza ku ndirimbo “APR FC” yahimbiye APR FC.

Senderi aririmbye muri iyi Sitade, nyuma y’uko yanaririmbiye bwa mbere ubwo yasusurutsaga abari bitabiriye umuhango w’irahira rya Perezida Kagame, witabiriwe n’aba Perezida 22.

Uyu mukino warangiye Rayon Sports inganyije na APR FC mu mukino w’ikirarane cyo ku munsi wa Gatatu wa shampiyona y’icyiciro cya mbere mu Rwanda wakiniwe hanze y’ikibuga kurusha mu kibuga.

Abakinnyi 11 ba Rayon Sports babanje mu kibuga; Khadime Ndiaye, Bugingo Hakim, Youssou Diagne, Nsabimana Aimable, Bugingo Hakim, Niyonzima Olivier “Sefu”, Ndayishimiye Richard, Muhire Kevin, Aziz Bassane, Fall Ngagne na Iraguha Hadji .

Abakinnyi 11 ba APR FC bashobora kubanza mu kibuga; Pavelh Ndzila ,Byiringiro Gilbert,Niyigena Clement, Alioum Souane, Niyomugabo Claude (c), Taddeo Lwanga, Mugiraneza Frodouard Ruboneka Jean Bosco, Lamine Bah, Mugisha Gilbert na Mamadou Sy.

Senderi Hit ubwo yari muri Sitade Amahoro aririmba indirimbo yahimbiye Rayon Sports na APR FC

Senderi yashimye Perezida Kagame ku bwo kubakira Abanyarwanda Sitade Amahoro

Senderi yatangaje ko yashimishijwe no gutaramira Abafana barenga ibihumbi 45

Senderi yaherukaga muri Sitade Amahoro ubwo yaririmbaga mu irahira rya Perezida Kagame

AMAFOTO: Ngabo Serge 

Ku wa 3 Gashyantare 2022, nabwo yari yatangaje igitaramo nk’iki. Ariko icyo gihe ntiyari yavuze aho kizabera.

Kuri iyi nshuro yagaragaje ko kizabera muri Kigali Universe, ku wa 3 Mutarama 2024.

Kandi azaba ari wenyine ushingiye ku makuru atangwa nawe. Kuva muri Gashyantare 2022, yatangaza ko azataramira i Kigali, abantu barategereje amaso ahera mu kirere.

Umwe mu bamaze igihe mu muziki w'u Rwanda, yabwiye InyaRwanda ko bijya bibaho umuhanzi agatangaza igitaramo 'kidahari' ashaka ko abaterankunga n'abashoramari bamugana bakamufasha gutegura icyo gitaramo kugeza kirangiye.

Uyu muririmbyi aheruka gutaramira mu Rwanda mu mwaka wa 2018, mu gitaramo cya Dj Pius cyo kumurika Album ye yise 'Iwacu' cyabereye muri Camp Kigali.

Muri iki gihe ari kugarukwaho cyane mu itangazamakuru ryo muri Uganda, nyuma y'uko hasohotse amashusho akubita inkoni umumotari.

Mu itangazo yasohoye ku wa 17 Mutarama 2023, Chameleone yavuze ko yahuye na Motari ubwo yari mu modoka yo mu bwoko bwa Range Rover yerekeza mu gace ka Seguku muri Uganda aho asanzwe atuye.

Yavuze ko yamukubise yitabara nyuma y'amagambo atari meza yabwiye na motari, kandi motari yari mu mukono we w'ibumoso wo kongeramo.

Joseph Mayanja uzwi nka Chameloene ni umuhanzi w'umunya-Uganda ukora umuziki wubakiye ku njyana ya AfroBeat.

Aririmba cyane mu rurimi rw'Icyongereza, Igiswahili na Luganda. Ni umunyamuziki watangiye urugendo mu mwaka wa 1990 ubwo yari mu gihugu cya Kenya, atangiriye mu itsinda rya Ogopa Deejays.

Yavutse ku wa 30 Mata 1979, muri Mata 2023 azuzuza imyaka 44. Afite abana barimo Abba Marcus Mayanja, Amma Christian Mayanja, Alba Shyne Mayanja n'abandi.

Afite abavandimwe barimo Pallaso na Weasel bakora umuziki, ndetse na AK 47 witabye Imana. Kuva mu mwaka wa 2008, arwubakanye na Daniella Mayanja.

Uyu mugabo yamamaye cyane mu ndirimbo zirimo Badilisha yo mu 2012, Shida Za dunia yo mu 2005, Kuma Obwedisgwa, Tubonge n’izindi.

Jose Chameleone yatangaje ko azataramira muri Kigali Universe, Ku wa 3 Mutarama 2025

Chameleone agaragaza ko iki gitaramo kiri mu murongo wo gufasha Abanyarwanda kwinjira neza mu 2025

Chameleone yaherukaga gutangaza igitaramo nk’iki mu 2022, ariko ntiyigeze agera i Kigali

Ibi Perezida Kagame yabigarutseho ubwo yari mu nama ya 22 ya Doha Forum iri kubera i Doha muri Qatar, aho yagarutse ku myitwarire y'ibihugu biteye imbere, byiganjemo ibiri mu bice by'amajyaruguru y'Isi (global north), ku bihugu bikiri mu nzira y'amajyambere byiganjemo ibiri mu bice by'amajyepfo y'Isi (global south).

Perezida Kagame yavuze ko iterambere ry'u Bushinwa ari ikintu cyiza, cyane ko buterana imbere n'ibindi bihugu.

Yagize ati “Iterambere ry'u Bushinwa ni ikintu cyiza kuko butera imbere buri kumwe n'ibindi bihugu [bikorana]. Uburyo u Bushinwa bukorana ubucuruzi ni ingenzi cyane, uburyo bukorana n'ibindi bihugu, cyane cyane ibihugu byo muri Afurika, ni ikintu cyiza.”

Umukuru w'Igihugu yatanze urugero ku bucuruzi bw'u Rwanda n'u Bushinwa, avuga ko agaciro kabwo kazamutse cyane.

Ati “Ku Rwanda, agaciro k'ubucuruzi twari dufite n'u Bushinwa karazamutse kava kuri miliyoni 35$, kagera kuri miliyoni 150$. Ibyo ubwabyo bisobanura umusaruro w'ingamba zashyizweho. Ntekereza ko ari nako byagenze ku bindi bihugu bya Afurika bifite ubukungu bunini kurusha u Rwanda, byungutse kurushaho. Icyo ni ikintu cyiza.”

Perezida Kagame yasobanuye ko umubano w'u Bushinwa utaba ufite ibindi biwukurikira nk'uko bikorwa n'ibindi bihugu, ati “Tubona amasomo menshi, ariko ntitubone byinshi mu gaciro k'ibikorwa, nk'uko nabigaragaje ku Bushinwa.”

Yavuze ko u Bushinwa bufatanya n'u Rwanda mu kubaka ibikorwaremezo bitandukanye birimo ingomero z'amashanyarazi, ibitaro n'indi mishinga.

Perezida yavuze ko ibihugu bikiri mu nzira y'iterambere, byiganjemo ibiri mu gice cy'amajyepfo y'Isi, bifite uruhare runini mu rugendo rwo kwiteza imbere.

Ati “Dukeneye kumenya ko hari byinshi twakora bitugirira umumaro nk'abo mu bihugu biri mu nzira y'amajyambere, ariko dukeneye gukorera hamwe, dukeneye gukorana, nyuma nibwo dushobora kuzunguka binyuze mu kugira ubufatanye hagati y'ibihugu biri mu nzira y'amajyambere n'ibihugu biteye imbere. Gusa ibihugu biteye imbere ntabwo bishyigikira ubufatanye butuma buri wese yumva ari kubwungukiramo.”

Kenshi hakunze kumvikana imvugo zishinja u Bushinwa gukoresha imbaraga bufite mu gushyira mu bibazo inyungu z'ibindi bihugu biri mu nzira y'amajyambere, bugashinjwa kubiha inguzanyo bitazashobora kwishyura, bityo bukazatwara umutungo wabyo.

U Bushinwa kandi bwakunze kuvugwaho gukora ubucuruzi butanyuze mu mucyo, icyakora kenshi ugasanga izi mvugo ziraturuka mu bayobozi cyangwa abandi basesenguzi bo mu bihugu biri mu gice cy'amajyaruguru y'Isi, byiganjemo ibyateye imbere.

Icyakora Perezida Kagame yavuze ko hashingiwe ku mateka, bigoye kwemeza ko imikoranire y'u Bushinwa n'ibindi bihugu itabigirira inyungu, nk'uko benshi bo mu bihugu biteye imbere bakunze kubivuga.

Ati “Nta kintu tubona mu mateka kitwereka ko u Bushinwa bukoresha nabi imbaraga zabwo. Ahubwo twungukira mu bufatanye n'ubushake bwo kuzana buri wese ku meza y'ibiganiro, aho buri wese yumva ari kungukira muri ibyo biganiro.”

Muri iyi minsi, hari ihangana ku rwego mpuzamahanga, cyane cyane hagati ya Leta Zunze Ubumwe za Amerika n'u Bushinwa, aho usanga ibi bihugu bihangana mu nzego zitandukanye. Kenshi usanga ibihugu biri mu nzira y'amajyambere bisabwa gufata uruhande, rushobora kuba urwa Amerika cyangwa urw'u Bushinwa, ibigira ingaruka ku bukungu bwabyo.

Umukuru w'Igihugu yavuze ko ihangana hagati y'ibihugu bikomeye rizakomeza kubaho, icyakora ashimangira ko uburyo u Bushinwa bukoresha muri iri hangana ari bwo bukwiriye.

Ati “Ntabwo twakwirengagiza ihangana ririho, kandi kuba u Bushinwa buririmo, ntekereza ko bugaragaza uburyo bukwiriye bwo guhangana. Igabanywa ry'ikoreshwa nabi ry'imbaraga z'ibihugu biteye imbere ni ingenzi cyane, kandi u Bushinwa bubigiramo uruhare mu buryo butandukanye.”

Inama y'uyu mwaka yitabiriwe n'abandi bayobozi ba Guverinoma ku rwego rw'Isi, abayobozi b'imiryango mpuzamahanga, abayobozi b'ibigo byigenga, imiryango itari iya leta n'abandi bafata ingamba ku rwego mpuzamahanga.

Insanganyamatsiko y'uyu mwaka ishingira ku buryo bwo guhanga ibisubizo bishya mu guhangana n'ibibazo byugarije Isi, birimo ibijyanye n'umutekano, uburinganire ndetse n'iterambere rirambye.

Perezida Kagame yagize uruhare mu kiganiro kigaruka ku ruhare rw'u Bushinwa mu iterambere ry'ibihugu biri mu nzira y'amajyambere, cyiswe 'China's Role in a Rising Global South: Redefining the Future World Order.' Ni ikiganiro cyateguwe na 'Doha Forum' na 'Center for China and Globalization.'

Mu bandi bakigizemo uruhare harimo Perezida mushya wa Namibia, Nangolo Mbumba, Minisitiri w'Intebe w'Ikirwa cya Barbados, Mia Amor Mottley, Minisitiri w'Ububanyi n'Amahanga n'Ubutwererane wa Honduras, Dr. Eduardo Enrique Garcia na Perezida wa Center for China and Globalization, Dr. Henry Wang.

Inama ya Doha igamije guteza imbere ibiganiro bijyanye n'uburyo bwo gushyiraho ingamba z'iterambere mu bihugu bitandukanye hirya no hino ku Isi, byose bigamije iterambere ry'abayituye.

Inama ya Doha Forum igamije gushyiraho umwanya w’ibiganiro bifasha mu iterambere ry’abatuye Isi

Perezida Kagame yitabiriye inama ya 22 ya Doha Forum

Inama ya Doha Forum yitabiriwe n’abayobozi bakuru b’ibihugu, abayobora ibigo by’abikorera n’abandi bafata ibyemezo

Perezida Kagame yavuze ko u Bushinwa bufite amateka meza yo guteza imbere ubufatanye n’ibindi bihugu bukorana nabyo

Perezida Kagame yagize uruhare mu kiganiro China's Role in a Rising Global South: Redefining the Future World Order. Ni ikiganiro cyateguwe na Doha Forum ku bufatanye na Center for China and Globalization

Ikiganiro Perezida Kagame yatanze cyagizwemo uruhare n’abandi bayobozi barimo Perezida mushya wa Namibia, Nangolo Mbumba, Minisitiri w'Intebe w'Ikirwa cya Barbados, Mia Amor Mottley, Minisitiri w'Ububanyi n'Amahanga n'Ubutwererane wa Honduras, Dr. Eduardo Enrique Garcia na Perezida wa Center for China and Globalization, Dr. Henry Wang

Bwasabye abafatanyabikorwa batandukanye gufasha mu kwishyurira aba baturage no kubaha akazi katuma hari icyo binjiza ku buryo uyu mwaka urangira abaturage bose bishyuye Mituweli.

Byatangajwe kuri uyu wa 06 Ukuboza 2024 mu nama yahuje ubuyobozi bw'Akarere n'abari mu ihuriro ry'abafatanyabikorwa 91 bakorera mu Karere ka Kirehe.

Akarere ka Kirehe gatuwe n'abaturage ibihumbi 416. Abamaze kwishyura Mituweli ni ibihumbi 388 bangana na 92%.

Umuyobozi w'Akarere ka Kirehe wungirije ushinzwe Iterambere ry'Ubukungu, Nzirabatinya Modeste, yavuze ko bagiye gufatanyanya n'abafatanyabikorwa mu kwishyurira abo ibihumbi 28 basigaye, igikorwa kizajyana no kubafasha kubona akazi.

Ati 'Muri abo baturage haba barimo ibyiciro bitandukanye. Hari abantu badafite ubushobozi bwo kwiyishyurira Mituweli, aho abenshi usanga ari abari mu cyiciro cy'abaturage bakennye. Hari n'abandi usanga ku bagize umuryango harimo umuntu umwe bakabanza gushidikanya ku kumwishyurira kuko adahari. Icyakora turi mu bukangurambaga.'

Visi Meya Nzirabatinya yatanze ingero za bamwe mu bafatanyabikorwa batangiye kwishyurira abaturage barimo Alright igiye kwishyurira abaturage 500, Save the Children n'abandi ku buryo mu Ukuboza 2024 hazarangira abaturage bose barabonye mituweli.

Umuyobozi w'abafatanyabikorwa bakorera mu Karere ka Kirehe, Sebikwekwe Cyprien, yavuze ko hari bamwe mu bafatanyabikorwa biyemeje kugira igikorwa ku buryo uyu mwaka uzarangira hari ubushobozi bufatika bwabonetse bwakunganira abaturage batishoboye.

Ngirinshuti Jean Bosco ukora muri Partners in Health we yavuze ko muri uyu mwaka bishyuriye Mituweli abaturage 6000 ariko bakazanakomeza gufatanya n'Akarere mu gufasha n'abandi baturage mu kubona imirimo yabafasha mu kwiteza imbere.

Umuyobozi w'Akarere ka Kirehe wungirije ushinzwe Iterambere ry'Ubukungu, Nzirabatinya Modeste, yavuze ko uyu mwaka uzarangira abaturage bose bishyuye Mituweli

Abafatanyabikorwa b’Akarere ka Kirehe baganiriye ku cyakorwa ngo abaturage b’ako karere ibihumbi 28 batarishyura Mituweli bishyurirwe

Sebikwekwe Cyprien uyobora abafatanyabikorwa bakorera mu Karere ka Kirehe yavuze ko buri wese yiyemeje kugira icyo akora kugira ngo abaturage ibihumbi 28 babashe kwishyurirwa Mituweli

Ni icyemezo cyafashwe hagendewe ku bibazo bya tekiniki byagiye bigaragara muri icyo gikorwa, icyakora Nelson akavuga ko bari gukora buri kimwe cyose kugira ngo gahunda izagende neza.

Ati 'Turi gukora buri kimwe cyose gishoboka kugira ngo iki gikorwa kizakunde.'

Ubu buryo bwo gusubiza umuntu ku kwezi ni icyiciro cya gatatu cya gahunda ya Artemis yo kubyaza umusaruro isanzure, bigizwemo uruhare n'ibihugu bitandukanye biyobowe na Leta Zunze Ubumwe za Amerika.

Mu 2022 ni bwo hoherejwe icyogajuru kitarimo umuntu mu buryo bw'igerageza ndetse kigaruka mu Isi ariko cyangiritse.

Kuri iyi nshuro Nelson yavuze ko bamaze gutahura aho ikibazo byose byaturutse ndetse bari gushaka uburyo babikemura burundu.

Icyogajuru kizoherezwa mu 2026 kizagendamo abantu bane, ariko bikavugwa ko batazagwa ku Kwezi.

Artemis II izaba ari nk'integuza ya Artemis III. Abazaba bari muri ubwo butumwa bwa gatatu bo biteganyijwe ko bazagwa ku Kwezi, bikazaba ku nshuro ya mbere umuntu akandagiye ku Kwezi nyuma y'imyaka 52 ishize, ubwo Amerika yaherukagayo muri gahunda yise 'Apollo 17'.

Mu 2022 u Rwanda na rwo rwashyize umukono ku masezerano agamije ubufatanye muri gahunda yo gusubiza umuntu ku kwezi yiswe 'Artemis Accords'.

U Rwanda n'ibindi bihugu byashyize umukono kuri aya masezerano, byemeje ubufatanye mu bushakashatsi bikora mu bijyanye n'isanzure hagamijwe kugera kuri gahunda ya Amerika yo gusubiza abantu ku Kwezi.

Bitandukanye no mu 1972, abazajya ku Kwezi bazakora ubushakashatsi butomoye bushobora gutuma no kuri Mars hoherezwa umuntu wa mbere.

Gahunda yo gusubiza umuntu ku Kwezi yimuriwe mu 2026