Ibi ni ibyo yagarutseho ubwo yaganiraga na FINE FM mu kiganiro cy’imikino ‘Urukiko rw’Ubujurire’ kuri uyu wa Gatanu taliki ya 13 Ukuboza 2024.
Ndorimana Jean François Régis bakunze kwita General yavuze ko ibibazo kuri iy’Isi nta ho bitaba ndetse ko kunanirwa n’ibintu mu mupira w’amaguru ari ibisanzwe, ariko anavuga ko abayobozi ba Kiyovu Sports kuri ubu bashaka bakwegura mu kinyabupfura.
Ati: “Ibibazo bibaho nta nubwo byashira turi ku Isi. Kugira ngo Kiyovu Sports ive aho iri ubungubu tuvugana nonaha birakenewe ngo ukuri kujye ahagaragara.Â
Kunanirwa ni ibintu bisanzwe mu mupira w’amaguru bibaho ndetse ni n’ibintu bizakomeza kubaho, ariko ubu tuvugana nonaha abayobozi bayoboye Kiyovu Sports ubu nonaha bashaka bakwegura mu kinyabupfura”.
Yavuze ko abayoboye Kiyovu Sports bagomba kwegura ubundi iyi kipe igashaka ubundi buryo ikomeza kubaho dore ko ari ubwa mbere abonye igeze aho iri.
Yagize ati “Abantu bayoboye Kiyovu Sports nibegure bayirekere yo ishake ubundi buryo ikomeza kubaho kuko ni ubwa mbere mbonye Kiyovu Sports igeze aho iri ubungubu. Kandi noneho aho bigeze ubungubu ntabwo turi kwinginga nta nubwo tunasaba ntitunahendahenda noneho.Â
Ndorimana yahakanye ibyo kuba ari we weguje Mvukiyehe Juvenal avuga ko ahubwo yananiwe akagenda nk’uko byagenda ku wundi wese. Yavuze ko abayoboye Kiyovu Sports kuri ubu batagira isoni kubona ikipe iri ku mwanya wa nyuma none bakaba bagishaka kwitwa abayobozi bayo.
Ku wa kane wejo hashize, umunyarwenya Pilate yatangaje ko atazongera gutera urwenya ruvuga ku myemerere n'imigenzo ya Kiliziya Gatorika mu bitaramo bye by'urwenya, by'umwihariko muri Gen-Z Comedy Show. Icyemezo cye cyaje nyuma y'amagambo yatangajwe na Musenyeri Smaragde Mbonyintege, avuga ko ari ngombwa kubaha imigenzo n'ukwemera kwa Kiliziya, aho gukoresha ibintu bifitanye isano na byo mu buryo bubangamira abayoboke bayo.
Mu minsi yashize, bamwe mu bakurikirana ibitaramo bya Pilate bari bagaragaje ko hari urwenya rwe rushobora gufatwa nk'ubushotoranyi cyangwa gukoza isoni imyemerere ya Kiliziya.
Mu gusubiza, Musenyeri Mbonyintege yabwiye itangazamakuru ko 'iby'ukwemera bikwiriye kubahwa kuko ari ishingiro ry'ubuzima bwa benshi.
Gukoresha ibyo Kiliziya yemera cyangwa imigenzo yayo mu buryo bw'urwenya budashyira mu gaciro ni ukwibagirwa ko aba bakristu bacu bafite uburenganzira bwo kutabangamirwa mu kwemera kwabo.'
Aya magambo ya Musenyeri yakwirakwiye ku mbuga nkoranyambaga, aho benshi bagaragaje ko bumva impungenge zagaragajwe kandi bifuza ko urwenya rwazajya rwubahiriza imipaka igenga imyitwarire n'umuco.
Ku rundi ruhande, hari abagaragaje ko urwenya rudakwiriye gucibwa intege kuko rushobora gukoreshwa mu gusobanura no kuganira ku bibazo bifitanye isano n'ukwemera mu buryo bwo kuganira ku buzima busanzwe.
Nyuma yo kubona izi mpaka, Pilate yemeje ko afata icyemezo cyo kureka gukoresha imigenzo ya Kiliziya Gatorika mu buryo bushobora kubangamira abayoboke bayo. Yagize ati: 'Nka rwiyemezamirimo mu rwego rw'urwenya, intego yanjye ni ugushimisha abantu, ntabwo ari ukubabaza cyangwa kubangamira ukwemera kwabo.
Uyu mugabo yatawe muri yombi ku wa Kane tariki 12 Ukuboza 2024.
Umuvugizi wa RIB, Dr. Murangira B. Thierry yabwiye IGIHE ko 'Kamayirese yafashwe nyuma y'iperereza ryari rimaze iminsi rikorwa ku mitangire y'ibyangombwa byo gucukura umucanga n'amabuye mu Karere ka Rutsiro.'
Yakomeje avuga ko 'akurikiranyweho icyaha cyo gusaba no kwakira indonke ku bantu batandukanye kugira ngo abafashe kubona ibyangombwa byo gucukura amabuye n'umucanga muri ako Karere.'
Uwafashwe afungiye kuri RIB, Sitasiyo ya Gihango mu Karere ka Rutsiro mu gihe dosiye igitunganwa kugira ngo izohererezwe Ubushinjacyaha.
Dr Murangira yavuze ko mu gukora ibi byaha, uyu mugabo yifashishije amayeri atandukanye.
Ati 'Kamayirese Innocent, arakekwa kuba mu bihe bitandukanye no ku bantu batandukanye, yaragiye yifashisha umwanya arimo w'akazi w'ushinzwe kurengera ibidukikije ku rwego rw'Akarere, akaka abantu amafaranga kugira ngo akore raporo y'isuzuma bakorerwa mbere yo guhabwa ibyangombwa, ize igaragaza ko aho bashaka gucukura amabuye n'umucanga hubahirije amabwira agenga ibidukikije. Yafashwe amaze kwakira arenga 3,000,000 Frw.'
Yabigarutseho ku wa 10 Ukuboza 2024, mu kiganiro yagejeje ku banyeshuri n'abakozi ba ILPD, cyateguwe na Unity Club Intwararumuri.
Senateri Uwizeyimana yavuze ko nyuma y'imyaka irenga 60 u Rwanda rumaze rubonye ubwigenge, Abanyarwanda badakwiye kuba bagitwerera amacakubiri y'igihugu abakoloni bayateje, kuko ikibi cyavuyemo bakimenye.
Ati 'Ibi ntibyari bikiri ngombwa kuko ababidukongejemo barapfuye.''
Yakomeje agira ati “Nyuma y'imyaka 60, Jean Paul Harois, Colonel Rogiste na André Perraudin ntabahari barapfuye, ariko uyu munsi turacyareba amazuru, Abakiga, Abanyenduga, turacyareba Abasajya, kuko umuntu ushaka amacakubiri ntashobora kubibura, ushobora gukuraho Ubuhutu n'Ubututsi, we akareba ibindi''
Yasabye umuryango mugari wa ILPD by'umwihariko abanyeshuri, kugira umuco mwiza w'ubutwari no gukunda igihugu bafatiye urugero ku ngabo zari iza RPA Inkotanyi zarwanye urugamba ziganjemo urubyiruko.
Ati'' Aba bose barwanye urugamba bari bato batari gito, bangana na mwe no munsi yaho, kuko ubutwari budasaba kuba uri mukuru cyane w'imvi, kuko n'abadafite ubwenge barasaza.''
Senateri Uwizeyimana yabajije abitabiriye niba u Rwanda batuyemo rusa n'ururi ku mutima wabo.
Ati “Buri wese uri hano niyitekerezeho; u Rwanda ruri mu mutima wawe n'u Rwanda utuyemo ni bimwe? Impamvu mbibabwiye ni uko u Rwanda rwa mbere ya Jenoside, rw'amahiri n'imipanga, rw'Abakiga, rw'Abahutu, Abatutsi n'Abatwa, ntacyo bimaze.''
Yifurije aba banyeshuri n'abandi bitabiriye guharanira kugira u Rwanda rwiza rurimo amahoro, bibuka ko Ndi Umunyarwanda ari ubuzima bwa buri munsi.
Abanyeshuri n'abakozi ba ILPD bari bitabiriye iki kiganiro, bavuze ko banyuzwe nacyo ndetse ko cyababereye umuyoboro wo kurushaho kunga ubumwe birinda ibibatanya.
Munyabuhoro Olivier wiga muri ILPD, yavuze ko yungukiye byinshi muri iki kiganiro.
Ati “Twabwiwe ko igihe kigeze ngo tuve mu ndimi ebyiri, ibyo tuvuga mu ruhame bibe ari na byo dukora igihe cyose n'ahiherereye, u Rwanda tubamo ruzira ivangura rube ari na rwo ruba mu mitima yacu.''
Nguetna Christian ukomoka muri Cameroun, na we yabwiye IGIHE ko yumvise ubuhamya bw'uwarokotse Jenoside yakorewe Abatutsi n'akaga yahuye na ko ndetse n'uwarokoye abantu muri Jenoside bikamugira umurinzi w'igihango.
Yakomeje avuga ko izo nkuru zombi zamukoze ku mutima zikamwereka ububi bwa Jenoside ndetse bikanamwibutsa ko no mu makuba akomeye, hajya hagaragaramo intwari, ashingiye ku butwari bwa Dufitumukiza Anaclet wabaye umurinzi w'igihango.
Yakomeje avuga ko abantu b'izo nkuru ebyiri batabura muri sosiyete, ariko agahamya ko bizagenda bishira bishingiye kuri iyi gahunda nziza ya Ndi Umunyarwanda n'ubudaheranwa.
Ibiganiro nk'ibi biri gukorwa na Unity Club Intwararumuri ifatanyije n'abafatanyabikorwa, bikaba biri gutangwa muri kaminuza n'amashuri makuru 32.
Ubushakashatsi bwa Unity Club bwakozwe mu 2023 bwagaragaje ko ibiganiro bya Ndi Umunyarwanda bifasha mu komora ibikomere by'urubyiruko.
Umuyobozi Mukuru wa ILPD, Dr. Aime Muyoboke Karimunda yibukije ko nta cyiza nko kugira ubumwe
Abayobozi barimo n’Umuyobozi Mukuru wa ILPD, Dr. Aime Muyoboke Karimunda bari bitabiriye iki kiganiro
Senateri Evode Uwizeyimana yasabye abitabiriye iki kiganiro kurenga amacakubiri yose iyo ava akagera
Abitabiriye iki kiganiro bose bongeye kwibutswa ko Ndi Umunyarwanda ari wo murunga uhuje abatuye igihugu
Nyuma y’ikiganiro, umuryango mugari wa ILPD wafashe ifoto y’urwibutso uri kumwe n’abashyitsi
Polisi y'u Rwanda ikomeje gushimangira iterambere ry'imyigishirize n'imyitozo ihabwa abapolisi, aho kuri iyi nshuro abofisiye bato 635 bahawe ipeti rya Assistant Inspector of Police (AIP) nyuma yo gusoza amahugurwa i Gishari mu Karere ka Rwamagana.
Aya mahugurwa, yari agamije kongerera abapolisi ubushobozi bwo gukomeza kuzuza inshingano zabo neza, yagaragaje umuhate wa Polisi y'u Rwanda mu guteza imbere ubunyamwuga n'ubushobozi bw'abakozi bayo.
Uyu muhango war'umwanya wo gushimira aba polisi ku musanzu ukomeye bagiye gukomeza gutanga mu kurinda umutekano w'abaturage, kubahiriza amategeko, no gukomeza guteza imbere igihugu.
Mu ijambo rye, Umuyobozi Mukuru wa Polisi y'u Rwanda yashimye intambwe aba bofisiye bagezeho, abibutsa ko guhabwa ipeti biherekejwe no kugira inshingano zikomeye mu gukomeza gukorera igihugu kinyamwuga no kugikorera neza. Yagize ati, 'Iki ni ikimenyetso cy'uko mushoboye kandi ko mufite ubushobozi bwo kuzuza inshingano zanyu. Mukwiye gukomeza kwiyubaka mu buryo bw'umwuga kugira ngo mube icyitegererezo mu kubungabunga amahoro n'umutekano.'
Aba bofisiye bato bahawe ubumenyi bushingiye ku masomo atandukanye harimo ibijyanye no gucunga umutekano, ubugenzacyaha, kurwanya ibyaha bikoresha ikoranabuhanga, no kubungabunga umutekano w'abantu n'ibintu mu buryo bunoze.
Bamwe mu bahawe ipeti batangaje ko aya mahugurwa yabafashije mu buryo bw'imitekerereze, imyitwarire, n'ubumenyi bw'umwuga, kandi biyemeje gukoresha ubu bumenyi mu mirimo yabo ya buri munsi.
Umwe muri bo yagize ati, 'Twiteguye gushyira mu bikorwa ibyo twize, dukorera abaturage bacu neza, kandi tukabikora dushingiye ku ndangagaciro za Polisi y'u Rwanda.'
Iri shuri rya Polisi rya Gishari rifite amateka yo gutegura abapolisi babereye u Rwanda, rikabongerera ubushobozi kugira ngo bakomeze gutanga serivisi zinoze ku baturage.
Gusoza aya mahugurwa no guhabwa ipeti rya Assistant Inspector of Police ni icyerekana ko Polisi y'u Rwanda idahwema gushyira imbere iterambere ry'abakozi bayo no gukomeza gutanga umusaruro ku gihugu.
Uyu muhango wo guha ipeti abofisiye bato ni ikimenyetso cy'ubushake bwa Polisi y'u Rwanda bwo kubaka umutekano urambye no gutanga serivisi zinoze zishingiye ku bunyamwuga, indangagaciro, n'ubutwari. Ni urugendo rwerekeza ku Rwanda rufite umutekano usesuye, aho buri wese agira uruhare mu guteza imbere igihugu.
Abateguye uyu mugambi wa Jenoside bari barashoboye kumvisha abazawushyira mu bikorwa ko ntawe uzabahanira kwica Umututsi, kuko ari ugukiza igihugu 'umwanzi'. Ikindi bumvaga ntawahanisha 'rubanda nyamwinshi' urwo kwicwa, cyangwa ngo ubone gereza ubakwizamo. Aha rwose baratsinze kuko kubahana byabereye igihugu ihurizo, bisaba ubushishozi no kwihangana bidakunze kuboneka henshi muri iyi si.
Nyuma yo guhagarika iyo Jenoside yakorewe Abatutsi, ubuyobozi bushya bwanze ko habaho kwihorera. Bwahisemo 'ubutabera bwunga', bisobanuye guhana yego, ariko ukagira n'ibyo wirengagiza, ugamije gusubiranya umuryango nyarwanda. Nguko uko abicanyi bashishikarijwe kwemera ibyaha no kubisabira imbabazi, abacitse ku icumu nabo basabwa gushinyiriza no gutanga imbabazi.
Abarokotse Jenoside yakorewe Abatutsi bitabiriye kubabarira no kubana n'ababagize imfubyi, abapfakazi n'incike. Uretse ko nta n'andi mahitamo bari bafite, ariko bumvise bwangu inama z'ubuyobozi( bwabarokoye), mu yungu zo kubaka igihugu gishya cyiza. Icyo abarokotse basabaga gusa, n'ubu basaba, ni uko amategeko yabarinda, ubuzima bwabo nabwo bukagira igitinyiro.
Perezida Kagame ntahwema kuvuga ko abarokotse ari intwari, kuko basabwe kandi bemera gukora ibitashoborwa na benshi.
Bamwe mu bagize uruhare muri Jenoside yakorewe Abatutsi bo basabye imbabazi bya nyirarureshwa, bahabwa ibihano mu by'ukuri bitajyanye n'uburemere bw'ubunyamanswa bakoze. Imbabazi bahawe bazifashe nko kubatinya cyangwa kubingingira kubana n'Abatutsi. Abo bigumaniye ingengabitekerezo yo gutsemba icyitwa Umututsi. Nibo mwumva bica buri munsi abarokotse Jenoside yakorewe Abatutsi hirya no hino mu Rwanda, bakabatemera amatungo, bakabangiriza imyaka, n'ubundi bugome bwaranze kuva kera abajenosideri.
Â
Imibare itangwa n'Urwego rw'Igihugu rw'Ubugenzacyaha, RIB, yerekana ko magingo aya hejuru ya 70% by'ibyaha urwo rewego rukurikirana, bifitanye isano no guhohotera abacitse ku icumu ndetse n'ingengabitekerezo ya jenoside!
Â
Abanyamakuru bakurikiranira hafi ubu bugizi bwa nabi, bagaragaza ko ababukora n'ubundi ari ba bandi bagize uruhare muri Jenoside yakorewe Abatutsi ( cyangwa ababakomokaho) , bafunzwe igihe gito, bagasohoka muri gereza bumva no kuba barafunzwe ubwabyo hari abarokotse bagomba kubyishyura.
Â
Mu gihe kiri imbere hari abajenosideri bazafungurwa igihiriri, doreko n'abakatiwe imyaka 30 izaba irangiye. Hari impungenge rero ko ubwicanyi bwibasira abarokotse Jenoside yakorewe Abatutsi bwazarushaho kwiyongera, mu gihe hatafatwa izindi ngamba, zituma abo bajenosideri bahurwa burundu ingeso y'ubwicanyi.
Â
Icyakora, ijambo Perezida wa Repubulika Paul Kagame yavugiye mu muhango w'irahira rya Perezida na Visi-Perezida b'Urukiko rw'Ikirenga, bakaba n'abayobozi b'urwego rw'ubutabera bw'uRwanda muri rusange, ryagaruriye icyizere abarokotse Jenoside yakorewe Abatutsi. Perezida Kagame yagize ati: Ubutabera bugomba gufasha kurangiza ikibazo cy'ubugizi bwa nabi bukorerwa abarokotse, basangwa mu ngo zabo bakicwa. Ubutabera nibutabikora izindi nzego zizabikora. Mbabwije ukuri, ndabyatuye, mubyumve neza'.
Â
Abarokotse Jenoside yakorewe Abatutsi basanzwe bizera bikomeye ubuyobozi, kandi koko indashima niyo yakwirengagiza uburyo Leta ikora uko ishoboye ngo ubuzima bw'abarokotse bube bwiza. Haba mu kubavuza, kubafasha kwiga, kubabonera amacumbi n'ibindi byinshi kandi byiza.
Â
By'umwihariko kandi, abarokotse bafitanye igihango n'inzego z'umutekano. Aha rero ni naho bashingira bizera ko n'ubwo izindi nzego zabigiramo intege nkeya, ingabo zabarokoye, zo n'ubundi zizakomeza kubarindira umutekano, ku kiguzi byasaba cyose.
Â
Nk'iyo hari umugizi wa nabi urasiwe mu cyuho, usanga hari abavuza induru ngo uburenganzira bwa muntu ntibwubahirijwe. Iyo hari uwatawe muri yombi kubera guhakana no gupfobya Jenoside yakorewe Abatutsi, ibintu biradogera ku maradiyo mpuzamahanga. Ni byiza rwose ko habaho ubushishozi kugirango hatagira urenganywa.
Â
Ariko se, iyo hari uwacitse ku icumu rya Jenoside yakorewe Abatutsi wishwe, kuki tutajya twumva za Amnesty International, Human Rights Watch n'izindi 'mpirimbanyi' z'uburenganzira bwa muntu zitabaza? Ese hari amaraso arusha ayandi agaciro?
Ubundi byakabaye byiza cyane Abanyarwanda tubanye mu bumwe, mu rukundo rwa kivandimwe. Ariko niba hari abakibwira ko uru Rwanda barufiteho uburenganzira kurusha abandi, abo tugomba kurubanamo ku bwo kubaha itegeko.
Musenyeri Smaragde Mbonyintege yahoze ari Umwepisikopi wa Kabgayi. Muri iki gihe ari mu kiruhuko cy'izabukuru.Â
Mu kiganiro aherutse kugirana na IGIHE, Musenyeri Mbonyintege yamaganye akomeje abanyarwenya batera urwenya bigize abapadiri n'abasenyeri, asaba Leta kugira icyo ikora mu maguru mashya.
Yavuze ko ibyo bateraho urwenya usanga kenshi bikwirakwiza cyane ku mbuga nkoranyambaga, kandi bigaragara nk'ibisebya iri dini.
Ati 'Biriya bintu, tugomba kubivugana na Leta[…] rero niba dukorana, ikidusenya ni bo kizagiraho ingaruka bwa mbere. Mu myitwarire rusange y'ahazaza. Ibyo bintu rero bareka ngo bitambuke mu izina ryo kwishyira ukizana, ni byo ariko habaho no gukumira uburenganzira bw'abantu.”
Yavuze ko ingaruka z'ibikorwa na bariya banyarwenya bigera kuri Leta no ku idini, mu buryo bumwe cyangwa ubundi.Â
Ati 'Nibatabikora ntibizatubuza gukomeza gukora ibyo dukora, ariko iteka tuzi ko ingaruka zabyo abo zigwaho ni Leta, ntabwo ari twebwe. Natwe bitugiraho ingaruka iyo tubona abantu bitwaye gutyo, ariko rero ubona ari ububasha abantu biha budafite aho bugarukira ngo ni ho Isi igeze, noneho bikagira ikindi kintu kiri inyuma yabyo, ngo ni byo bizana amafaranga vuba. Ukabona rero urimo kugura igihugu amafaranga. Kutabyumva ngo ubitekereze, unatekereze aho bibera usanga ari uguta igihe.'
Musenyeri Smaragde Mbonyintege wahoze ari Umwepisikopi wa Diyosezi Gatolika ya Kabgayi, yavuze ibi mu gihe amashusho y'umunyarwenya Pilate yisanisha n'abapadiri yari amaze iminsi aca ibintu ku mbuga nkoranyambaga; aho agaragara abatiza umuraperi Ish Kevin ndetse n'umunyamakuru wa Isibo Tv, uzwi nka Babou.
Mu kiganiro yagiranye na InyaRwanda, Pilate yavuze ko mu busanzwe atakoraga urwenya ku migenzo ya Kiliziya Gatolika, ko amashusho ye yasakaye “mu gihe ari bwo bwa mbere nari nkoze urwenya ku ba Padiri”.
Yavuze ko ibyo yakoze yari yabikoze nk’ubuhanzi ashaka ko ibintu bye akora bimenyekana. Ati “Naravuze nti nk’uko nsanzwe mfite urwenya ruzwi nka ‘Pilate’ nti reka noneho uyu munsi nze nabaye Padiri, ndacyeka nta n’ubwo nari Padiri, nari nabaye Musenyeri kuko nari nambaye ingofero. Ndangije ndavuga nti reka nigire Padiri, noneho bibe Umuyoboro w’ibitekerezo byanjye kugira ngo nsetse abantu.”
TMZ yabonye kopi z'ibi birego bishya byose byashyikirijwe urukiko n'umwunganizi mu mategeko wo mu mujyi wa New York. Abarega bose bavuga ko Diddy yabahaye ibiyobyabwenge maze akabafata ku ngufu aho ikirego cya mbere kigaragaza ko ibyo byabaye kuva mu mwaka wa 2019.
Nubwo buri kirego gifite umwihariko wacyo, byose bifite ibintu bisanzwe bihuriyeho abashinja bavuga ko bagiye mu birori hamwe na Puffy (Diddy) n'itsinda rye, babiri muri bo bakavuga ko bajyanye na we muri hoteli, mu gihe undi avuga ko yafatiwe ku ngufu iwe mu rugo i Hamptons.
Bose uko ari batatu bavuga ko banyoye inzoga bahawe na Diddy, nyuma bagatangira kugira isereri bagahita batakaza ubwenge. Bivugwa ko bakangutse basanga Diddy ari kubafata ku ngufu. Umwe muri bo avuga ko icyo gikorwa cyafashwe amashusho n'inshuti za Diddy, maze ahabwa $2,500 nk'uko bivugwa muri dosiye. Abandi babiri ntibigeze bahabwa amafaranga.
Aya madosiye mashya yongera kuri byinshi Diddy asanzwe aregwa, nubwo bigaragara ko ibi byaha bishya bishinjwa byabaye mu myaka ya vuba mu gihe ibya mbere bivugwa byagiye bibaho guhera mu myaka ya za 1990.
Abanyamategeko ba P Diddy babwiye TMZ ati: 'Ibi birego byose ni ibinyoma Tuzerekana ko atari byo kandi dusabe ibihano bikomeye ku banyamategeko bose bashyikirije urukiko ibirego bihimbano'.
Kuri ubu, Diddy Combs afungiye muri gereza ya MDC Brooklyn, aho ashinjwa ibyaha birimo ubugambanyi, icuruzwa ry'abantu, no gutwara abandi kugira ngo bakore uburaya.
Abagabo batatu barashinja Diddy kubafata ku ngufu no kubasindisha
Jay-Z aherutse gushinjwa gufatanya na Diddy gufata ku ngufu umwana w’imyaka 13
Muhammed Ben Sulayem, Perezida w'Ishyirahamwe Mpuzamahanga ry'Umukino wo Gusiganwa mu Modoka ku Isi (FIA), yashimye ubuyobozi bwiza bwa Perezida w'u Rwanda, Paul Kagame, ndetse n'iterambere ry'indashyikirwa igihugu kimaze kugeraho mu rwego mpuzamahanga.
Mu ruzinduko rwa Perezida Ben Sulayem mu Rwanda, yagaragaje ko yanyuzwe n'icyerekezo cyiza cy'ubuyobozi bw'igihugu, cyane cyane mu guteza imbere ibikorwa by'umutekano wo mu muhanda n'iterambere ry'imikino y'imodoka.
Yavuze ko u Rwanda rwagize uruhare rukomeye mu guhanga udushya n'iterambere ry'ubukungu, bishingiye ku miyoborere irangwa no guhanga udushya no guteza imbere imiyoborere myiza.
Perezida Ben Sulayem yashimye uburyo u Rwanda rwitwaye mu gushyira mu bikorwa gahunda za FIA zigamije kurengera ubuzima bw'abakoresha umuhanda no guteza imbere siporo yo gusiganwa mu modoka.
Yagize ati: 'Ubuyobozi bw'u Rwanda buratanga icyitegererezo ku Isi yose. Ni ingenzi kubona igihugu cyashoboye guhindura amateka yacyo kikanagira uruhare mu guteza imbere umutekano n'iterambere muri rusange.'
Binyuze muri gahunda ya FIA, u Rwanda rwagiye rwihutisha ibikorwa byo kongera ubumenyi ku mutekano w'umuhanda, binyuze mu bukangurambaga bugera kuri bose. Ikindi kandi, igihugu cyagaragaje ubushake bwo kwakira amarushanwa mpuzamahanga y'imodoka, bigaragaza icyizere gishingiye ku mishinga y'iterambere rya siporo.
Mu rwego rwa siporo, u Rwanda rwahize ibindi bihugu byinshi ku mugabane wa Afurika, by'umwihariko mu gutegura no kwakira ibirori mpuzamahanga. Iki gihugu cyakiriye inama zitandukanye z'abayobozi bakuru b'imikino, bikarushaho guhesha ishema igihugu mu ruhando rw'amahanga.
Perezida Paul Kagame, ufite icyerekezo cyo guhindura u Rwanda mu gihugu kiza imbere mu bijyanye n'iterambere rirambye, yashimwe cyane ku buryo yitaye ku mutekano w'umuhanda no guteza imbere ibikorwa bifasha abaturage. Byongeye kandi, gahunda zirebana n'imitangire ya serivisi, iterambere ry'ikoranabuhanga, no guhanga udushya mu nzego zitandukanye, byakomeje gushimwa n'abafatanyabikorwa mpuzamahanga.
Iyi nama yagaragaje akamaro ko gukomeza ubufatanye hagati y'ibihugu byo ku mugabane wa Afurika n'imiryango mpuzamahanga mu guteza imbere urwego rw'imikino n'umutekano wo mu muhanda. Perezida Ben Sulayem yasoje ashimira abaturage b'u Rwanda, avuga ko bafite umuyobozi mwiza ubaha icyerekezo gituma bagera ku byiza byinshi.
Binyuze mu nkunga n'ubufatanye bwa FIA, u Rwanda rukomeje gushimangira icyizere rufitiwe ku rwego mpuzamahanga, haba mu birebana n'umutekano wo mu muhanda cyangwa mu iterambere rya siporo y'imodoka. Uru rwego rutuma igihugu kigaragara nk'icyitegererezo cya Afurika mu guteza imbere impano no guhanga udushya.
Igipande cy'ibuye cyanditsweho ya mabwirizwa icumi y'Imana, kimwe mu bimenyetso by'amateka akomeye y'iyobokamana, kiri kugurishwa mu cyamunara yihariye. Iki gikorwa cyazamuye amarangamutima menshi mu bantu b'ingeri zitandukanye, cyane cyane abahanga mu mateka, abayoboke b'amadini, n'abanyeshuri b'iyobokamana.
Iki gipande cy'amabuye gifite amateka ashimishije. Cyanditswe mu bihe bya kera, aho bibarwa ko cyaba gifite inkomoko mu gihe cyo kwandika Bibiliya ya kera.
Nubwo bitazwi neza niba ari kimwe mu by'ukuri byashyizweho na Mose ku musozi wa Sinayi, abahanga bavuga ko gifite agaciro gakomeye kubera ubuhamya bw'amateka y'iyobokamana yihariye.
Muri iyi cyamunara, igipande cy'ibuye kizagurishwa mu rwego rwo guha amahirwe umuntu wese cyangwa ikigo cyifuza kugifata nk'umutungo w'amateka.
Iyi cyamunara kandi igamije gukusanya amafaranga yo gushyigikira ibikorwa bifasha mu bushakashatsi bw'amateka y'ibikorwa byera.
Ariko nanone, iki gikorwa cyazamuye impaka zitandukanye. Bamwe bavuga ko kugurisha igipande nk'iki ari uguta agaciro k'umurage w'ukwemera, hifuza ko cyashyirwa mu nzu ndangamurage cyangwa ahantu hagerwaho na benshi kurusha kwegurirwa umuntu ku giti cye.
Ku rundi ruhande, hari ababona ko kugishyira mu biganza by'umuntu cyangwa ikigo gifite ubushobozi bwo kugicunga neza bishobora kugifasha kubungwabungwa kurushaho.
