Category: Uncategorized

Hari mu birori ngarukamwaka aho abanyamuryango ba Unity Club bahura n'ababyeyi bagizwe incike na Jenoside yakorewe Abatutsi mu 1994 batujwe mu ngo z'Impinganzima, bagasangira iminsi mikuru isoza umwaka.

Mu rugo rw'Impinganzima rwo mu Karere ka Rusizi, ibi birori byabaye ku wa 11 Ukuboza 2024.

Mudarana Mukashema wo Murenge wa Giheke mu Karere ka Rusizi, umaze imyaka itanu muri uru rugo rw'Impinganzima yagaragaje ibyinshimo yatewe no gusurwa kw'abo muri Unity Club Intwararumuri.

Ati “Twese turanezerewe, duhora twishimana na bo mu mpera z'umwaka, ariko noheho ibirori byabaye agahebuzo. Turashimira ubuyobozi bukuru bw'igihugu cyacu, by'umwihariko Perezida Kagame, asa n'uwavuye ku Mana aje kuhagira u Rwanda kandi yararwuhagiye koko”.

Kubwimana François w'imyaka 82 umaze imyaka itanu mu rugo rw'Impinganzima rwo mu Karere ka Rusizi yakomeje ati “Bituma tutigunga. Kwigunga burya ni bibi bituma umuntu asaza vuba, ariko iyo baje tukishimana bitwongerera iminsi yo kubaho kuko tuba tutigunze”.

Uwari uhagarariye Unity Club Intwararumuri muri ibyo birori, Francine Tumusime yashimye ubutwari bw'Intwaza, avuga ko ubuzima bw'abo ari igitabo abakuru n'abato bigiraho kandi bazahora bigiraho.

Ati 'Twaje kwizihiza iminsi mikuru turi kumwe. Ni inshingano za Unity Club Intwararumuri ariko ntabwo tubifata nk'aho tubikora tubihaswe, ahubwo ni umutima mwiza w'ubumuntu, ukwiye Abanyarwanda. Twarabitojwe biturimo kandi turabizeza ko tuzahora tubikora'.

Unity Club Intwararumuri ni umuryango washinzwe muri Gashyantare 1996, wiha intego yo kwimakaza Ubumwe n'Amahoro, byo nkingi y'iterambere rirambye.

Kugeza ubu mu gihugu hose hari ingo z'Impinganzima enye zirimo urwa Rusizi, Huye, Nyanza na Bugesera.

Tumusime Francine wari uhagarariye Unity Club Intwararumuri, aganiriza Intwaza zo mu Rugo rw’Impinganzima rwa Rusizi

Impano zagenewe Intwaza zo mu Rugo rw’Impinganzima rwa Rusizi

Visi Meya w’Agateganyo w’Akarere ka Rusizi ushinzwe imibereho myiza y’abaturage, Monique Uwimana yijeje abo mu Rugo rw’Impinganzima ko akarere kazakomeza kubitaho

Abanyamuryango ba Unity Club Intwararumuri bishimanye n’Intwaza zo mu Rugo rw’Impinganzima rwo mu Karere ka Rusizi

Uyu muvugabutumwa wagize izina rikomeye kuva mu myaka 30 ishize, yabigarutseho mu buryo burambuye mu cyigisho yatanze ari mu mujyi wa Queensland mu gihugu cya Australia, ku wa Gatandatu tariki 7 Ukuboza 2024. 

Ni mu ruhererekane rw'ivugabutumwa yise 'Divine Provision'. Ni ibiterane byitabiriwe n'umubare munini w'urubyiruko, abayobozi b'amatorero anyuranye, abapasiteri, ba Bishop n'abandi bari banyotewe no kumva inyigisho z'Intumwa y'Imana. 

Mu gihe cy’amasaha abiri n’iminota 50′, Gitwaza yibanze cyane ku kubwira abashumba b’amatorero imyitwarire ikwiriye kubaranga; ndetse n’uburyo bakwiye gufasha Abakristu gusabana n’Imana binyuze mu bikorwa bitandukanye.

Ku munota wa 30′, atangira yumvikanisha ko bidakwiriye ko umukobwa wambaye ipantalo ahagaragara ku rubyiniro abwiriza cyangwa se aririmba; ni mu gihe ku munota wa 32′ ho yitsa cyane ku kuvuga ko nta mwana w’umuhungu wemerewe kujya ku ruhimbi afite amaherena, ndetse n’imisatsi y’amarasita ku mutwe.

Arakomeza ati “Nta mwana w’umuhungu wemerewe kuza aririmba aha afite amarasita, ya misatsi y’amarasita, Oya!”

Yavuze ko “Ariya marasita ni idini ryitwa Rasitafari. Rasitafari ni idini rya Sitani. Rero abana barabyambara batazi ibyo ari byo. Genda wiyogosheshe ugire umusatsi mwiza.”

Apotre Gitwaza yabwiye urubyiruko n’abandi bari mu materaniro ye bafite imisatsi y’amarasita kuyihindura hakiri kare ‘kuko ni ko umuco wanyu umeze’. Ati “Ni na ko Bibiliya idusaba.”

Akomeza agira ati “Ibi mbabwira mbivuga hose, kuko njye nzi ukuri kwabyo, nzi n’ibibyihishemo. Umwuka w’urumogi n’ubutinganyi bihera mu musatsi. N’iyo Imana igiye ku gukoresha ihera mu musatsi.”

Rasitafari yavuzweho na Apôtre Gitwaza ni bantu iki?

Rasitafari ni umuryango ariko ku rundi ruhande ugafatwa nk'idini. Imico y'aba-Rasta ahanini ifitanye isano n’ikolonizwa rya Africa.

Ni ukuvuga aba Rasta bagereranyaga Ethiopia nk'Igihugu cy'isezerano, naho ibihugu by'i Burayi bari barajyanywemo nk'abacakara bakabifata nka 'Bablyon'.

Ni nayo mpamvu 'Rastafarian' yiganjemwo imico ya Ethiopia kuko Ethiopia niyo bizeraga nk'aho ariyo Africa. Ariko aba- Rasta ntabwo bavuye Ethiopia.

Uyu muryango ubu watangiriye muri Jamaica mu 1930 nyuma y'ubuhanuzi bwa Marcus Gavin wari umunyapolitike w'umwirabura wayoboraga umuryango wa Universal Negro, wafatwaga nk'umuvugabutumwa.

Uyu mugabo ni nawe wavuze ijambo ryanavuyeho gushinga 'Rastafarian'. Hari aho yagize ati 'Reba muri Africa aho umwami w'umwirabura azambikwa ikamba uwo niwe uzakubera umucunguzi”- Aya niyo magambo yabaye ishingiro ry'uyu muryango.

Marcus Gavin yari umunya-Jamaica uharanira kuzana impinduka muri Politiki yapfyiriye mu Mujyi wa Londre mu Bwongereza tariki ya 2 Ugushyingo 1930.

Ubwo Ayela Siras wa mbere yimikwaga nk'umwami wa mbere muri Ethiopia ni na bwo aba-Rasta bahise babona ko ari isohora ry'ubuhanuzi bwa Gavin ari na ho aba Rasta bakuye izina kuri uyu mwami.

Aba-Rasta bizera ko Ayela Siras akomoka kuri Salomon ndetse n'umwamikazi wa Shebab.

Ni ukuvuga ahantu bihuriye ni uko aba Rasta bizera ko umunsi Sheba yasuraga Salomon baryamanye bakabyarana umwana bise Menelike wabaye umwami wa mbere wa Ethiopia maze Ayela Sirasi akaba afite inkomoko kuri uyu mwami Menelike.

Ibi bituma Abarasita bizera ko 'ubwo umwami Serasi afitanye isano na Dawidi ndetse na Yesu binyuze muri Salomon'.

Ras King uri mu barasita babigaragaza mu bihe bitandukanye, ndetse wizerera cyane muri Rasitafari, yabwiye InyaRwanda ko we na bagenzi be bizera neza ko Ayela Serasi yatoranyijwe, akaba n'uwanesheje byose, kandi ko no muri Bibiliya bivugwamo.

Yavuze ati 'Ayela Serasi rero niwe twizera ko yatoranijwe akaba uwanesheje. Bitari ibyo guhimba ahubwo bivuye muri Bibiliya, nk'urugero mu Intangiriro 49:10 hagira hati 'Inkoni y'ubutware ntizava kuri Yuda.'

'Ni mu gihe mu Ibyahishuwe 5:5 'Aba Rasta bizera ko Serasi ari umwami (ndetse) wavugwamo kuva icyo gihe nibwo idini rya 'Rastafarianism' ryatangiye kumenyekana rinimikwa mu birabura bari barajyanywe muri Jamaica.'

Yakomeje agira ati 'Izina 'Rastafari' rero ryavuye ku mazina nyayo yitwaga mbere y'uko yimikwa kuko yitwaga 'Rastafari makoneni' ubwo nyine abayoboke ba 'Rastafari' batangiye kujya bagira aho bahurira, Howen nawe niwe wamenyekanishije cyane 'Rastafarian' ubwo yagendaga abwira amahanga ko 'Rastafarian' izamenyekana cyane kurusha 'Babylon'.'

Imyemerere yabo iratangaje!

Haile Serrassie niwe ufatwa nk'Imana kubera bwa buhanuzi bwa Gavin aho bamufataga nk'aho ariwe uzabacungura akabavana mu bukoroni.

Kandi Haile Sirassie ntiyegeze agendera ku mahame ya 'Rastafarianism'. Ushingiye ku byanditswe muri Bibiliya muri Yeremiah 8:21, aba Rasta bizeraga ko Imana ari umwirabura.

Hari n'ikindi gitekerezo cy'aba-Rasta bumvaga ko Jamaica ari ikuzimu maze Ethiopia bakahabona nko mu Ijuru.

Mu gushimangira iki gitekerezo bagenderaga ku murongo wo muri Zaburi 137:1, kuko Ethiopia bayitaga isiyoni cyangwa Igihugu cy'isezerano.

Aba Rasta bizera Imana y’aba Kristu ari naho bita 'Jah'. Aba Rasta bizera Bibiliya nk'igitabo cyavugaga inkuru ifatika y'Abirabura cyangwa nk'igitabo kigaragaza ko Imana yakundaga Abanyafurika.        

Bafata igitabo cya nyuma cy'Ibyahishuwe nk'igitabo cy'ingenzi cyane kuko babona ko ibikirimo bifite akamaro kenshi.

Aba Rasta bavuga ko amategeko icumi yahawe Moses yari yanditse mu rurimi rwo muri Ethiopia ahubwo bagiye baruhindura.

Kuri iyi ngingo, Ras King yavuze ati 'Twemera ko Imana ari umumtu n'umuntu akaba Imana. Yesu tumwemera nk'umunyafurika apana umuzungu. Twizera ko Serrassie ari Yesu wagarutse bwa kabiri.' 

Gitwaza yakumiriye ku ruhimbi, inkumi zambara amapantalo, ndetse n’abasore bafite ‘Dreadlocks’ ku mutwe

Bafata 'urumogi' nk'amasakaramentu

Rass King Loyalty yasobanuye ko gukoresha ganja cyangwa se urumogi bivugwaho abarasita mu bihe bitandukanye, ahanini barukoresha cyangwa se 'Turufata nk'amasakaramentu nkamwe yo muri Kiliziya.'

Ati 'Ibyo binaboneka mu Itangiriro 1: 39 hagira hati 'Dore mbahaye ibimera byose…'

Hejuru y'ibyo 'Abarasita bizera ko nta murasita upfa (Rasta Never Die). Twizera ko ibiryo biribwa ari ibiribwa karemano, inyama, ingurube n'ibindi ntabwo babirya.'

Ni ibihe bimenyetso biranga abarista?

Ibimeyetso biranga abarasita harimo 'Dreadlocks'. Aba-Rasta ntabwo bajya biyogoshesha n’iri na rimwe. Bagendera ku itegeko bavana mu Abarewi 20: 5 (Ntibakogoshwe imisatsi…)

Ndetse n'inkuru ya Samson wakuraga imbaraga mu musatsi bigatuma basa n'intare yo mu muryango wa Yuda.

Ariko abafite 'Dreadlocks' bose si abarasita. Ikindi kibaranga ni amabara atatu. Ibara ry'umutuku (Amaraso y'abahowe Imana mu rugamba rwo kwibohora);

Hari ibara ry'umuhondo (Zahabu cyangwa ubutunzi bwa Afrika), ibara ry'icyatsi (Ubwiza bwa Ethiopia n'ibimera), ndetse n'ikimenyetso cy'Intare ya Yuda Igereranya umwami Haile Serrassie).

Ikindi kibaranga ni injyana ya Reggae. Byatewe n'uko yavuye mu myizerere ya Rastafari bitewe n'ukuntu baririmbaga muri iyo njyana. 

Umunyamuziki Bob Marley ni umwe mu bamenyekanishije iri dini binyuze mu njyana ya Reggae.

Ras King ati 'Ubwo rero ndumva muri ubu busobanuro bwa 'Rastafarianism' nkuhaye ndumva nta 'Satanic' irimo n'imyizerere ifite aho ihuriye na Bible. Ubwo rero ibyo Apotre Gitwaza yavuze ni uko adasobanukiwe neza idini rya 'Rastafarianism' wenda ahari umuntu yamufasha kubisobanukirwa.'

Akomeza agira ati 'Ahubwo imyizerere ye wagirango ni yo ifite aho ihuriye na 'Satanic', amafaranga, imyenda migufi, n'ibindi ni byo bo baba bashyigikiye kandi ikindi iriya myizerere yabo ni imyizerere bahawe n'abazungu.'

'Ibyo kunywa urumogi ku murasita no kugira ama 'Dreadlocks' byose nakubwiye ikibitera, ntaho bihuriye na 'Satanic', ntaho bihuriye n'imico mibi, byose ni imyizerere ikomoka muri Bibiliya.'

Ni ibyiyumviro bye!

Rass Kayaga wamenyekanye cyane mu ndirimbo 'Maguru', yabwiye InyaRwanda ko 'Rastafarian si idini'. Asubiza Apotre Gitwaza agira ati 'Biriya yatangaje ni ibyiyumviro bye buriya ni ko abizi, sinamurenganya.'

Yavuze ariko ko kubera gukunda 'Rastafarian' hari 'ababigize idini bakoresha Bibiliya ya Ethiopia, imwe yaciwe. Iryo dini ryavutse nk'ayandi yose nk'uko irya Gitwaza ryavutse, byose ni amadini y'inzaduka. Rero, mbifata nk’Ihangana ry'amadini y'inzaduka.'

Akomeza agira ati 'Gusa ibyo yatangaje yabibwiye abakristu bo mu idini rye, ubwo iyo Satani ni naho iri. Twebwe, ntibitureba cyeretse iyo aza kubibwira Abanyarwanda bose.'

'Ikindi ntekereza ko abantu bakwiye gutangira kwibaza ku misengere yabo, kuko gusenga mbifata nko kubaha Imana, rero kubaha Imana ni ukwiyubaha, kwiyubaha ni uguha agaciro abandi bantu.'

Rass Kayaga yatangaje ko ibyo Apôtre Gitwaza yavuze ari ibyiyumviro bye; kandi ahamya n'umutima we ko Rastafarian atari idini rya Satani

 

Ras King yavuze ko ibyo Apôtre Gitwaza yavuze ko ntaho bihuriye n'imyemere y'aba-Rasta, kuko bafite inkomoko ndetse n'icyerekezo cyabo    

Apôtre Gitwaza yatangaje ko Rasitafari ari idini rya Satani, bityo nta mwana w'umuhungu ufite imisatsi ikaraze ukwiye gukandagira ku ruhimbi 

KANDA HANO UREBE KU MUNOTA WA 30' GITWAZA  AVUGA KURI RASITAFARI

Kuri uyu wa Kane tariki 12 Ukuboza 2024, Domitilla Mukantaganzwa yarahiriye kuba Perezida w'Urukiko rw’Ikirenga, naho Hitiyaremye Alphonse arahirira kuba Visi Perezida w'Urukiko rw'Ikirenga. Ni umuhango wabereye mu Ngoro y'Inteko Ishinga Amategeko, uyoborwa na Perezida Kagame.

Ubwo yarahiriraga inshingano nshya, Mukantaganzwa Domitilla yagize ati: 'Ndahiriye u Rwanda ku mugaragaro ko ntazahemukira Repubulika y'u Rwanda, ko nzubahiriza Itegeko Nshinga n'andi mategeko, ko nzaharanira uburenganzira bwa muntu n'ibyagirira Abanyarwanda bose akamaro, ko nzaharanira ubumwe bw'Abanyarwanda, ko nzakorana umurava imirimo nshinzwe, ko ntazakoresha ububasha mpawe mu nyungu zanjye bwite, nintatira iyi ndahiro nzabihanirwe n'amategeko. Imana ibimfashemo.'  

Perezida Kagame yashimiye Perezida w'Urukiko rw'Ikirenga ucyuye igihe, Dr. Faustin Ntezilyayo. Ati: ” Mbere yo gukomeza ariko reka mbanze nshimire cyane abo basimbuye ariko cyane cyane mpereye kuri Perezida w'Urukiko rw'Ikirenga ucyuye igihe, Ntezilyayo. Ndabashimiye cyane, mwakoze akazi keza.”

Perezida w'Urukiko rw'Ikirenga mushya, Domitilla Mukantaganzwa, afite imyaka 60, mbere y'izi nshingano yari Umuyobozi wa Komisiyo y'Igihugu ishinzwe Ivugurwa ry’Amategeko, kuva mu Kuboza 2019.

Amaze imyaka igera kuri 30 akora mu bijyanye n'amategeko mu nzego zitandukanye, aho yabaye Umunyamabanga Nshingwabikorwa w’Inkiko Gacaca akaba yaranabaye Komiseri muri Komisiyo ishinzwe kwandika Itegeko Nshinga n'andi mategeko.

Visi Perezida w’Urukiko rw’Ikirenga mushya, Alphonse Hitiyaremye, afite imyaka 57, akaba yari Umucamanza mu Rukiko rw'Ikirenga kuva mu 2013.

Mu zindi nshingano yakoze harimo kuba yarayoboraga Komite ishinzwe kurwanya ruswa mu rwego rw'ubutabera, Umushinjacyaha Mukuru wungirije, yanabaye Umugenzuzi Mukuru w'Ubushinjacyaha n'izindi nshingano zitandukanye.

Ku wa 3 Ukuboza 2024, nibwo Perezida Kagame yagize Mukantaganzwa Domitilla Perezida w'Urukiko rw'Ikirenga, asimbuye Dr. Faustin Ntezilyayo, mu gihe Hitiyaremye Alphonse yagizwe Visi Perezida w'urwo rukiko.

Itegeko Nshinga rya Repubulika y'u Rwanda, mu ngingo yaryo ya 154, iteganya ko Perezida na Visi Perezida b'Urukiko rw'Ikirenga bashyirwaho n'Iteka rya Perezida bamaze kwemezwa na Sena. Perezida wa Repubulika abanza kugisha inama Inama y'Abaminisitiri n'Inama Nkuru y'Ubucamanza.

Perezida Kagame yakiriye indahiro za Perezida na Visi Perezida b’Urukiko rw’Ikirenga 

Yabigarutseho ubwo yakiraga indahiro ya Perezida w'Urukiko rw'Ikirenga, Mukantaganzwa Domitilla n'iya Visi Perezida w'Urukiko rw'Ikirenga, Hitiyaremye Alphonse.

Umukuru w'Igihugu yavuze ko u Rwanda rwanyuze mu bihe bibi kubera kubura ubutabera bishingiye kuri politiki mbi yari mu gihugu, bituma Abanyarwanda babana mu mwuka mubi, bigera n'aho bicana.

Ati ' Ubutabera mu gihugu cyacu, bwagenze nabi cyane mu myaka myinshi ariko cyane cyane bishingira kuri politiki ndetse bivamo Abanyarwanda kutabana, kutumvikana no kwicana. Ibyo byarabaye, aho niho tuva. Ariko aho tujya nabyo bimaze kumvikana igihe kirekire, ni ahandi kandi ni ngombwa.'

Perezida Kagame yavuze ubu Abanyarwanda basabwa kubana neza, bakubahiriza ubutabera n'amategeko igihugu kigenderaho. Yavuze ko abantu bose bareshya imbere y'amategeko, bafite uburenganzira bungana, kandi ubutabera bugomba kubibafashamo.

Ati ' Sinifuza ko ubutabera bwananirwa kuduha ibyo, hakagomba gukoreshwa ubundi buryo. Nta bundi buryo bukwiriye gusimbura ubutabera, ariko aho budakoze, ibindi birakora.'

Umukuru w'Igihugu yasobanuye ko muri rusange, abantu bose batabonye ubutabera bifuza, ariko ko hari ababubuze kurusha abandi, ari nabyo byagejeje ku mateka mabi igihugu cyanyuzemo.

Yavuze ko kuba uyu munsi hari ibikorwa bikigaragara bishobora gusubiza Abanyarwanda mu mateka mabi, ari ibintu bidakwiriye na mba.

Ati 'Kuba rero n'uyu munsi hagishobora kuboneka abantu bafite ibitekerezo byo kudusubiza aho ngaho, icyo gihe amategeko, ubutabera, bugomba gukoreshwa. Nibudakoreshwa n'ibindi bizakoreshwa. Ibyo bigomba guhagarara.'

Yakomeje agira ati 'Kwica abantu babuze amateka n'ubundi igihe cyose, banabuze n'ubuzima, hakaba hariho na politiki yaganisha aho, ishaka kugirira abantu, abarokotse, kubagirira nabi bakabasanga mu ngo zabo bakabica, amategeko agomba gukora nadakora hazakora ibindi. Ibyo ndabyatuye, ndabibabwiye, buri wese anyumve. Bigomba guhagarara.

Perezida Kagame yavuze ko hari n'abandi bakinisha politiki y'u Rwanda bakavuga amagambo atari ukuri, n'amahanga akabashyigikira bashaka kugaragaza u Rwanda, ubutabera bwarwo n'amategeko yarwo ko ari ubusa.

Ati 'Ntabwo turi ubusa, ntabwo amategeko yacu [ari ubusa], ntabwo ubutabera mvuga bukwiriye kuba buriho, bwahinduka ubusa. Nta politiki yahindura ubutabera ubusa. Ntibishoboka.'

Mu mezi atatu ashize, mu turere dutandukanye tw'igihugu, hagiye hagaragara ubwicanyi bukorewe abarokotse Jenoside. Ubuheruka burimo ubwakorewe Karekezi Vincent wishwe ku itariki ya 18 Kanama 2024 mu Karere ka Nyaruguru, Ntashamaje Enatha wishwe ku itariki ya 19 Kanama 2024 muKarere ka Ruhango, Uwimana Martha wishwe ku itariki ya 14 Kanama 2024 mu Karere ka Nyaruguru na Mukakanyamibwa Béatrice wishwe ku itariki ya 4 Kanama 2024 mu Karere ka Karongi.

Umuyobozi Mukuru wa Rwanda Cooperation Initiative (RCI), Uwase Patricie, yitabiriye irahira ry’abayobozi b’Urukiko rw’Ikirenga

Senateri Mukabalisa Donathille na Dr. Usta Kaitesi ubwo bageraga ku Ngoro y’Inteko Ishinga Amategeko.

Senateri Ndangiza na Depite Rubagumya ubwo bageraga mu Ngoro y’inteko Ishinga Amategeko.

Perezida w’Urukiko rw’Ikirenga Mukantaganzwa Domitilla ubwo yari ageze aho umhango wo kurahira wabereye

Minisitiri w’Uburezi, Joseph Nsengimana, na we ari mu bagize Guverinoma bitabiriye uyu muhango.

Minisitiri w’Ibikorwa Remezo, Dr Jimmy Gasore, ubwo yinjiraga ahabereye umuhango w’irahira

Umugaba Mukuru w’Ingabo z’u Rwanda, Gen Mubarakh Muganga na Minisitiri Ushinzwe Ibikowa by’Ubutabazi, Maj Gen (Rtd) Albert Murasira baganira mbere y’uko umuhango w’irahira utangira

Perezezida w’Urukiko rw’Ikirenga, Mukantaganzwa Dimitilla, yarahiriye inshingano nshya

Visi Perezida w'Urukiko rw'Ikirenga, Hitiyaremye Alphonse, na ubwo yari ategereje kurahirira inshingano nshya

Umuyobozi Mukuru wa RDB, Francis Gatare, aganira na Minisitiri w’Urubyiruko, Dr. Jean Nepo Abdallah Utumatwishima

Minisitiri Bizimana Jean Damascene na Senateri Mukabalisa Donathille bungurana ibitekerezo

Minisitiri w’Ubuzima, Dr. Sabin Nsanzimana, aganira na Minisitiri Consolée Uwimana

Perezida Kagame wakiriye indahiro z’abayobozi b’Urukiko rw’Ikirenga yasabye ko ubutabera bukora mu gukemura ibibazo byugarije Abanyarwanda

Perezida w’Urukiko rw’Ikirenga Mukantaganzwa Domitilla yarahiriye inshingano ze imbere ya Perezida Kagame

Visi Perezida w’Urukiko rw’Ikirenga, Hitiyaremye Alphonse, ubwo yagezaga indahiro ye ku Mukuru w’Igihugu

Perezida Kagame yavuze ko ubutabera nibudakora mu guhagarika ibikorwa by’ubugizi bwa nabi ku barokotse Jenoside, hazakoreshwa ubundi buryo.

Senateri Evode Uwizeyimana hamwe n’abandi bayobozi bari muri uyu muhango

Amafoto: Kwizera Heve

Ni imurikabikorwa rizahuriza hamwe abahanga mu by'ubwubatsi, abubaka inyubako nini, n'amabanki nka I&M Bank (Rwanda) Plc, bakazatanga ubufasha mu buryo bunyuranye. Riteganyijwe kuri uyu wa 12-13 Ukuboza 2024.

Mu bizasuzumwa harimo uburyo bwo kubona ibikoresho byujuje ubuziranenge kandi biramba, abakozi bafite ubumenyi n'ibindi bikenewe mu bwubatsi.

Umuyobozi Mukuru wa Mr Roof Ltd, Fatima Solemanm], yavuze ko iki gikorwa kigamije gutanga amakuru n'ibindi bikenewe mu kunoza ubwubatsi.

Ati 'Waba uri umwubatsi ubizobereye cyangwa ari umushinga wa mbere ukoze, imurikabikorwa rya Under One Roof Expo igamije kubafasha gusobanukirwa no kubona ubumenyi n'ibisabwa ngo ukore ubwubatsi wemye.'

Usibye kumurika ibikorwa, ku wa 12 Ukuboza 2024 hateganyijwe ibiganiro bigaruka ku gukoresha ibikoresho byiza mu mirimo isoza inyubako, ibyiza n'imbogamizi ziri mu gukoresha ibikorerwa mu gihugu, n'uburyo buboneye bwo gushora imari mu bwubatsi.

Nyuma abitabiriye bazasangizwa ubumenyi, biga uburyo bugezweho bwo gukora imbata z'inyubako no kugena imari izakoreshwa ku buryo umushinga ushyirwa mu bikorwa nta gushidikanya.

Ikigo cy'Igihugu gishinzwe guteza imbere imiturire, RHA, kizanasobanura mu buryo burambuye gahunda y'iterambere ry'imijyi n'uburyo hagomba kubahirizwa igishushanyo mbonera.

I&M Bank (Rwanda) Plc yo izafasha abitabiriye iyi gahunda gusobanukirwa uburyo bugezweho bw'ishoramari mu bwubatsi ku bagiye kubaka inzu za bo bwite n'abubaka muri rusange.

I&M Bank (Rwanda) Plc yo izafasha abitabiriye iyi gahunda gusobanukirwa uburyo bugezweho bw'ishoramari mu bwubatsi

Ni mu buryo bwo guteza imbere uru rwego rukoramo n'Abanyarwanda barenga ibihumbi 400 ndetse 69% by'ingo zo mu Rwanda bakaba babeshejweho n'ubuhinzi.

Mu byo u Rwanda rwagaragaje harimo uburyo bwo kongera no gutunganya umusaruro w'icyayi, imboga n'imbuto cyane cyane avoka n'urusenda, kongera no gutunganya ibirayi, kongera umusaruro w'inkoko n'ingurube no kongera inyama z'inka.

Abashoramari bamurikiwe ayo mahirwe mu buryo bwo kwimakaza gahunda y'impinduramatwara mu buhinzi, hongerwa umusaruro, hahangwa imirimo haba ku bagore n'urubyiruko, kongera ubutaka bwuhirwa, no kubaka uburyo bwo bugezweho ubuhinzi bukorwamo.

Ni gahunda ishamikiye ku yindi y'imyaka itanu yo kwihutisha iterambere ry'ubuhinzi (PSTA 5), izatwara miliyari 7,063 Frw.

Nko mu kongera no gutunganya umusaruro w'icyayi MINAGRI yatangaje ko hakenewe ishoramari rya miliyoni 289$ (arenga miliyari 402 Frw) azafasha mu gutunganya no guteza imbere ahakorerwa ubwo buhinzi.

Hakenewe byibuze ingemwe z'icyayi miliyoni 300, ubuhinzi bw'icyayi bukagurirwa kuri hegitari ibihumbi 17, bikajyana no kubaka uruganda rutunganya icyo gihingwa mu Karere ka Nyamagabe nka hamwe mu hakunze kwera icyo cyayi.

Iyo mishinga yo guteza imbere ubuhinzi bw'icyayi igomba kujyana n'undi wo kubaka imihanda y'imigenderano izifashishwa muri ubwo buhinzi.

Biteganyijwe ko uzungukirwamo n'abarenga ibihumbi 85, umusaruro ukazamuka uvuye ku bilo 39.008.978 u Rwanda rwasaruye mu 2022/2023 rugakuramo miliyari 107$.

Ni mu gihe mu bijyanye n'ubworozi MINAGRI igaragaza ko u Rwanda rubumbatiye amahirwe y'ishoramari rya miliyoni 169.8$, cyane cyane mu kongera umusaruro ukomoka ku nkoko n'ingurube, hagamijwe kongera umusaruro w'inyama n'amagi.

Mu biteganyijwe gukorwa muri iryo shoramari guteza imbere uburyo bw'amaturagiro agezweho afasha mu korora inkoko zitera amagi, uruganda rukora ibiryo by'amatungo, urwuri rugezweho, n'ibigega bibika ibikorwamo ibiryo by'amatungo, umushinga ukazafasha abarenga ibihumbi 123 n'aborozi b'inkoko n'ingurube 69,953.

Mu bijyanye no kongera no gutunganya umusaruro w'ubuhinzi bw'ibirayi, u Rwanda rugaragaza ko rukeneye miliyoni 63,8$ azafasha mu kwagura ahakorerwa ubwo buhinzi ariko hanongerwa aho bitunganyirizwa kugira ngo ruhaze isoko ryo mu Rwanda n'iryo mu mahanga.

Mu biteganyijwe gukorwa harimo kwimakaza imbuto z'ibirayi zakurikiraniwe muri laboratwari zigatunganywa ku buryo bwo buzira indwara, gushyiraho ububiko bwujuje ubuziranenge, n'uruganda rugezweho rutunganya icyo gihingwa.

Ni gahunda iteganyijwe kuzungukirwamo n'abarenga ibihumbi 41 by'abahinzi n'abatunganya ibirayi n'abandi barenga ibihumbi 245 bazungukira muri uwo mushinga mu buryo buziguye.

Ni mu buryo bwo kuziba ibyuho biri mu buhinzi bw'ibirayi, aho u Rwanda rukeneye toni miliyoni 1,5 buri mwaka cyane ko rusarura toni 865 ku mwaka.

Mu bijyanye n'imboga n'imbuto cyane cyane ku guteza imbere avoka n'urusenda, mu Rwanda hakenewe ishoramari rya miliyoni 222,3$, arimo miliyoni 40,5$ azifashishwa guteza imbere ubuhinzi bwa avoka n'izindi miliyoni 181,8$ azifashishwa mu buhinzi bw'urusenda.

Nubwo ibyo kohereza urusenda na avoka mu mahanga bikozwe n'u Rwanda bitari ibya kera, mu myaka nk'icumi ishize byateye imbere aho nko mu 2022/2023 rwohereje toni 3200 za avoka rukuramo miliyoni 6,5$, avuye ku bihumbi 440$ rwari rwohereje mu myaka 10 yari ishize. Intego ni uko mu myaka itanu iri imbere ruzaba rwohereza toni zirenga ibihumbi 14 bya avoka.

Urusenda na rwo rufite uruhare runini rw'ibyo u Rwanda rwohereza cyane cyane ku masoko rufite muri Aziya no mu Burayi, aho nko mu 2022/2023 igihugu cyohereje toni 2000 z'urusenda rwinjiza miliyoni 6$, imibare u Rwanda rushaka kuzamura aho nko mu 2029 binyuze muri PISTA 5 ruzaba rubona miliyoni 48$.

U Rwanda kandi rukeneye miliyoni 40,2$ zo guteza imbere ubworozi bw'inka zitanga inyama.

Rwamaze no gutoranya ibice bya Gako na Gabiro nk'ahantu babereye iryo shoramari cyane cyane mu korora izo nka, hakazazashyirwa ibagiro rigezweho, uburyo bwo gutunganya impu, ibiryo bihabwa izo nka n'ibindi.

Hakenewe ishoramari rya miliyoni 289$ ryo guteza imbere ubuhinzi bw’icyayi mu Rwanda

U Rwanda rufite isoko ryagutse ry’urusenda muri Aziya cyane cyane mu Bushinwa no mu bihugu byomu Burayi

U Rwanda rukeneye miliyoni 63,8$ yo gushora mu buhinzi bw’ibirayi

U Rwanda rugaragaza ko rukeneye ishoramari rya miliyoni 222,3$, ryo guteza imbere ubuhinzi bw’imboga n’imbuto cyane cyane avoka n’urusenda

Ni icyemezo kireba abashya bashaka kwinjira mu kimotari, bivuze ko umuntu mushya uje gukora ikimotari najya kuri RURA gushaka ibyangombwa, azasabwa ko moto akoresha iba iy'amashanyarazi.

Ni urugendo rukomeza, ariko ntawe uhungabanyijwe ku buryo ibikorwa remezo nibimara gukwirakwira mu gihugu hose, ibyo byemezo bizafatwa no mu yindi mijyi, bikava no kuri za moto bikagera ku modoka zitwara abantu mu buryo rusange.

Ni mu buryo bwo kurengera ibidukikije no kugabanya umwuka uhumanye usigaye wiyongera umunsi ku wundi, ibinakomeje gushyira mu kaga ubuzima bw'abaturage, cyane cyane ubwiyongere bw'ababa bafite indwara z'ubuhumekero.

Imibare y'inzego z'ubuzima mu Rwanda igaragaza ko mu 2018 abantu bagannye amavuriro bagiye kwivuza indwara zo mu myanya y'ubuhumekero zirimo inkorora, ibicurane n'izindi bari 2.766.476, mu 2019 baragabanyuka bagera kuri 2.311.800 mu 2020 bagera kuri 2.817.172 mu 2021, na ho mu 2022 baba 1.867.025.

Imibare igaragaza kandi ko abicwa n'indwara z'ubuhumekero bigizwemo uruhare n'iyangirika ry'umwuka abantu bahumeka, bagiye biyongera, aho nko mu 2012 bari 2227 mu 2019 bagera ku 9290.

Uko bigaragara ntabwo ari moto zibigiramo uruhare gusa, ari na yo mpamvu benshi bibajije impamvu ari zo zibanzweho.

Icyakora impamvu irumvikana. Mu isuzuma ryakozwe hagaragaye ko mu binyabiziga by'ubwikorezi byohereza imyuka yangiza ikirere moto zihariye 57,10% bigizwemo uruhare n'ubwinshi bwazo kuko zirenga ibihumbi 25 mu Mujyi wa Kigali gusa.

Bijyana kandi n'uko kuzisimbuza iz'amashanyarazi biri gufata umurongo aho nk'ibikorwa remezo byazo nka za 'chargeurs' biri gukwirakwira henshi, uretse mu bice by'Umujyi wa Kigali, zamaze no kugezwa mu nkengero zawo nko ku Ruyenzi, Muhanga n'ahandi. Ubu mu Rwanda habarurwa moto z'amashanyarazi zirenga 6.000.

Indi mpamvu itera impungenge kuri moto ni uko mu bihugu byo mu Burayi n'ahandi ku Isi, moto zifatwa nk'iza siporo, Afurika ikaba umugabane rukumbi moto zifatwa nk'uburyo bw'ubwikorezi, aho nko mu Rwanda abagenzi 38% bakoresha moto.

Nta mpushya zizongera guhabwa ugiye kugora ikimotari bushya yifashishije moto ya lisansi

Ibyo bituma inganda zizikora uko ziboneye nta mategeko zikurikije, zigakorwa ku bwinshi mu kwangiriza ikirere zigashya zitanzitse.

Moto zitazongera guhabwa impushya ni moto nshya zigamije gukoreshwa mu kimotari, bivuze ko izisanzwe zikoresha lisansi zamaze guhabwa impushya zizakomeza kuzikoresha ndetse bagakomeza guhabwa impushya nshya uko umwaka utashye.

Moto za lisansi zizakomeza kwinjira mu gihugu ni iz'abazikoresha ku giti cyabo nk'uyikoresha akora ingendo zitandukanye agiye mu kazi, kuko hari aho ibikorwa by'amashanyarazi bitaragera.

Minisitiri w'Ibikorwaremezo, Dr. Jimmy Gasore, aherutse kuvuga ko 'Ibinyabiziga bikorera ahantu hamwe ni byo bizaherwaho. Moto icuruza ikorera i Kigali gusa iba ifite aho yiyandikishije mu mashyirahamwe aho igomba gukorera, iyo urebye na bisi na zo ziguma zizenguruka mu mujyi ni zo turi kureba ngo turebe koko ko ibihari bihagije ariko mu gihe cya vuba na zo zirafatwaho icyemezo.'

U Rwanda ruri kureba uko rwakwinjira no mu guteza imbere ibikorwa remezo bifasha na bisi z'amashanyarazi no kunganira abatwara abagenzi mu buryo bwa rusange kubona bisi bidahenze, nyuma nizimara gukwirakwira izikoresha bisi za lisansi na zo zihagarikwe mu Mujyi wa Kigali.

Kugeza muri Kanama 2024, mu Rwanda habarurwaga sitasiyo 24 z'amashanyarazi, enye zongera amashanyarazi muri moto n'ahantu 49 bongerera amashanyarazi muri batiri za moto bakanasimburiza abamotari, hatabariwemo izo mu ngo.

Isesengura ry'ibanze ryagaragaje ko mu gihugu hose hakenewe nibura sitasiyo 226 zifasha kongera amashanyarazi mu modoka.

Inyigo y'ahazashyirwa ibikorwa remezo by'amashanyarazi yamaze gukorwa n'aho bizashyirwa hamaze gutegurwa.

Ubundi buryo buri kwifashishwa, ni uguhindura moto za lisansi ahari moteri hagashyirwa batiri, icyakora umushoramari wari wabitangiye amikoro yamubanye make amaze guhindura moto 80, ubu akaba ari gufashwa ngo iyo gahunda yagurwe.

Uretse kurengera umwuka abantu bahumeka no kubungabunga ibidukikije, moto z'amashanyarazi zitanga umusaruro kurusha iza lisansi.

Iyo uganiriye n'abamotari bakoresheje zose bakubwira ko lisansi ya 1700 Frw ishobora kukwinjiriza atarenze 5000 Frw mu gihe umuriro nk'uwo ushobora kwinjiriza utwara moto y'amashanyarazi 8000 Frw.

Gukoresha moto y’amashanyarazi byungura uyikoresha kurusha iya lisansi

Ibyo kumenya ku myuka iri mbere mu guhumanya uwo Abanyarwanda bahumeka

Bimwe mu byangiriza umwuka abantu bahumeka harimo uzwi nka 'Nitrogen Oxide' uva ku bikorwa bya muntu nk'ubwikorezi bw'ibinyabiziga nka moto, imodoka, imyuka iva mu nganda cyane izitunganya ibinyabutabire n'ibindi byuma, izitunganya ingufu n'izindi.

Igira uruhare mu kwangiriza ubuzima bwa muntu n'ibidukikije, kubangamira imyanya y'ubuhumekero, indwara nka asthma, iz'umutima n'izindi.

Hari kandi umwuka wa 'sulfur dioxide' ukomoka ku gutwika ibikomoka kuri peteroli, nko mu nganda zikora ingufu, izishongesha ibyuma n'ibindi, n'indi myuka imeze nk'imikungugu ariko utabasha kubonesha amaso, ikangiza abantu mu buryo buri hejuru. Iva mu binyabiziga bitandukanye.

Ibindi bishobora kwangiza umwuka ni imyuka izwi nka Ozone. Iyi myuka yikora bigizwemo uruhare n'uruvangitirane rw'indi itandukanye igafasha mu kugabanya ubukana bw'imirasire y'Izuba igana ku Isi ishobora kwangiza ibinyabuzima. Iyo myuka iyo irengeje urugero na yo yangiriza umwuka.

Iyo myuka yangiza uwo abantu bahumeka kandi irimo n'uzwi nka 'carbon monoxide' ukomoka ku gutwika amashyamba nk'amakara n'ibindi.

Ubushakashatsi bwakozwe n'Ikigo gishinzwe kurengera ibidukikije mu Rwanda, REMA bwagaragaje ko ibikorwa byangiriza umwuka abantu bahumeka, biyobowe n'ibwikorezi bw'ibinyabiziga nka moto, imodoka n'ibindi bikoresha moteri.

Bikurikirwa n'ingufu zo guteka, zituruka ku gutwika ibikomoka ku bimera, na cyane ko Abanyarwanda barenga 75% bifashisha inkwi.

Ikindi ni ikoreshwa rya za 'generateurs' hakorwa ingufu, uburyo bwa kane bukaba inganda zitandukanye nk'izikora ibyuma, izitunganya sima, hagaheruka ibiza karemano nk'iruka ry'ibirunga.

U Rwanda rurakataje mu gupima umwuka wanduye hifashishijwe ikoranabuhanga

Ikigo cy'Igihugu gishinzwe Ubuziranenge (RSB), cyashyizeho ibipimo bigenderwaho kugira ngo harebwe uko umwuka abari mu Rwanda bahumeka wanduye n'uburyo ushobora kwangiza umubiri w'umuntu.

Mu 2015 Minisiteri y'Ibidukikije yahise ishyiraho uburyo bwo gupima uwo mwuka ishyiraho sitasiyo 21 mu bice bitandukanye by'igihugu, zifasha gupima uwo mwuka, iyi minisiteri ikagira n'indi sitasiyo isumba izo sisanzwe ifasha kugenzura niba 21 zashyizwe ahantu zikora neza.

Icyakora ntabwo zihagije kuko nk'ubu mu turere 13 nta bene nk'izo sitasiyo zirimo zafasha gupima urugero umwuka abadutuye n'atugenderera bahumeka wanduyeho.

Mu Rwanda habarurwa sitasiyo zipima iyangirika ry’umwuka abantu bahumeka 21

Ni ikibazo Minisiteri y'Ibidukikije iri guhangana na cyo kuko mu ntangiro za 2025 igiye gutangiza umushinga wo gushyira mu bice bitandukanye by'igihugu sitasiyo 26 n'izindi ebyiri zigenzura uko izo zisanzwe zikora (reference stations).

Izo sitasiyo zitanga amakuru nyuma ya buri masegonda atanu, agahurizwa hamwe ndetse hashyizweho porogaramu ya telefone umuntu ashobora kwifashisha akareba uburyo ya myuka yiyongera mu bice birandukanye.

Bigaragazwa mu mabara, aho umutuku ugaragaza ko byacitse, umuhondo ukagaragaza ko biri kujya habi mu gihe icyatsi kigaragaza ko nta kibazo.

Minisiteri y'Ibidukikije igaragaza ko nubwo u Rwanda rwashoye mu bijyanye no kugenzura umwuka Abanyarwanda n'abagenderera u Rwanda bahumeka, ariko rukiri mu mishinga yo kwimakaza ikoranabuhanga ryisumbuye.

Igihugu kiri gushaka uburyo cyazakora iteganyagihe ry'uko umwuka uzaba umeze mu bihe biri imbere, nk'uko bimeze kuri Meteo Rwanda aho ishobora gukora iteganyagihe ku bijyanye n'uko ikirere kizaba cyifashe mu mezi runaka ari imbere,

Ni umushinga u Rwanda ruri gufatanyamo na Finlande, bikagaragazwa ko muri Werurwe 2025 ibikoresho byose bikenewe bizaba byarabonetse, ubundi u Rwanda rutangire gutanga amakuru y'uko ibihe biri imbere bizajya biba bimeze.

Uretse inzira ikomeza yo kugabanya ibinyabiziga bikoresha ibikomoka kuri peteroli u Rwanda rwagize uruhare no mu mishinga yindi itandukanye yo kurengera umwuka abantu bahumeka.

Nko 2018 gaz yifashishwa mu guteka (Liquefied Petroleum Gas) yakuriweho imisoro ndetse umushinga wa ''Tekera Aheza' ugamije kugabanya imyuka ihumanya ikirere bigizwemo n'ingufu zo guteka urarimbanyije.

Abaturage bahabwa gaz n'imbabura zibungabunga ibidukikije, kuri nkunganire ya leta, ku buryo nka gaz isanzwe igura ibihumbi 78Frw barimo kuyihabwa ku mafaranga ibihumbi 42Frw.

Igihugu cyihaye intego yo guha Abanyarwanda imbabura za rondereza, amashyiga ya gaz, amashyiga ya palete n'amakara ku ngo ibihumbi 500.

Byajyanye no kwimakaza ubwikorezi butangiza aho nko mu 2021 u Rwanda rwatangiye gahunda yo gukuriraho imisoro ibinyabiziga by'amashanyarazi, aho imodoka zikoresha amashanyarazi z'iziyakomatanya na lisansi zimaze kurenga 7000.

Ntitwakwibagirwa gahunda yo gutunganya ibishanga nk'icya Nyandungu cyahindutse pariki, ndetse ubu u Rwanda rugeze kure gahunda yo gutunganya ibindi bitanu byo mu Mujyi wa Kigali na byo bizasiga bigizwe pariki n'ibindi.

Imodoka zikoresha amashanyarazi n’iziwufatanya na lisansi zimaze kurenga 7000

U Rwanda rukomeje gukwirakiza ikoreshwa rya gaz mu gihugu cyose yifashishije nkunganire

Isesengura ry'ibanze ryagaragaje ko mu gihugu hose hakenewe nibura sitasiyo 226 zifasha kongera amashanyarazi mu modoka

Mu bice bitandukanye by’Umujyi wa Kigali hashyizwemo sitasiyo zitandukanye zihindurirwamo batiri z’amashanyarazi hifashishijwe ikoranabuhanga

Moto z’amashyanyarazi zabaye imari ishyushye kuko zinjiza menshi kurusha iza lisansi

Mu Rwanda hamaze kugezwa moto z’amashyanyarazi zirenga 6000

Ibi bibazo birimo imikorere itaranozwa mu bijyanye no kwegereza ubuyobozi abaturage, kudahuza ibikorwa hagati y'inzego zitandukanye, ibura ry'amikoro, kutagira amakuru ahagije kandi yizewe, ndetse n'ubushobozi buke mu nzego z'ibanze.

Yabigarutseho ku wa 11 Ukuboza 2024, mu mahugurwa agamije gufasha inzego z'ibanze gusobanukirwa intego z'iterambere rirambye [SDGs], no kumva uruhare rwabo mu kuzishyira mu bikorwa.

Azamara iminsi itatu, aho biteganyijwe ko azitabirwa n'abagize ihuriro RALGA bari hagati ya 40-50 biganjemo abashinzwe igenamigambi ry'uturere.

Imibare y'Umuryango w'Abibumbye igaragaza ko hari icyuho gikomeye mu kugera ku ntego z'iterambere rirambye [SDGs], aho gusa 17% byazo arizo ziri mu nzira yo kugerwaho neza.

Nyuma ya Covid-19, ubukene n'inzara byariyongereye cyane ku Isi, bihungabanya intambwe yari imaze guterwa mu kurandura ubukene no kuzamura imibereho myiza y'abaturage. Uko ibintu bihagaze ubu, hakenewe ingamba zihutirwa kandi zifatika kugira ngo izi ntego zigerweho mu gihe cyagenwe.

Habimana Dominique yavuze ko uretse ibibazo bikigaragara bizitira uruhare rw'inzego z'ibanze mu Rwanda, hari ibindi birimo izamuka ry'ibiciro, intambara, indwara n'ibyorezo n'ibindi.

Ati 'Turi mu murongo mwiza, ariko haracyakenewe gushyiramo imbaraga. Aya mahugurwa aziye igihe kubera ko turi kwinjira muri NST2, uturere dutangiye gutegura ingamba zo gushyira mu bikorwa. Ni igihe cyiza cyo guhuza igenamigambi n'intego z'iterambere rirambye.'

Habimana yavuze ko n'uruhare rw'umuturage mu bijyanye no gusobanukirwa iby'izi ntego rukwiye kugira ngo zizagerweho byoroshye.

Itegurwa ry'Icyerekezo 2050 ryashingiye kuri gahunda z'ibikorwa by'iterambere biteganyijwe ku rwego rw'Isi n'urw'Akarere u Rwanda ruherereyemo hagamijwe guhuza intego n'ibipimo bikubiye muri izo gahunda.

Muri izo gahunda harimo n'Intego z'Iterambere Rirambye [SDGs]. Urugero ni nko mu rwego rw'ubuzima aho u Rwanda rwiyemeje kugabanya umubare w'ababyeyi bapfa babyara, uw'abana bapfa bavuka, uw'abana bari munsi y'umwaka umwe n'abana bari munsi y'imyaka itanu bapfa ukagera ku bipimo biboneka mu bihugu byateye imbere, ukagabanyukaho hagati ya 70% na 90%.

Umuyobozi w'Ishami ry'Igenamigambi mu Karere ka Ngororero, Birorimana Jean Paul, akanaba Umuyobozi w'Ihuriro ry'Abashinzwe Igenamigambi mu turere, yakomoje ku bibazo bituma aka karere kadashyira mu bikorwa intego zako.

Ati 'Cyane cyane bishingiye ku biza kuko muri iyi myaka ishize twahuye n'ibiza bikomeye ku buryo byasubije inyuma imbaraga nyinshi twakoresheje nko mu bikorwaremezo bigasaba ko Akarere gashaka ingengo y'imari yihariye bikabangamira yayindi iba yateganyijwe mu kuzamura imibereho myiza y'abaturage, gukemura ubukene no kurwanya inzara n'ibindi bibazo,'

'Icyangombwa ni uguhuza ibikorwa, kugira igenamugambi rinoze kandi rishingiye ku baturage kandi rihuza abafatanyabikorwa bose, ubushobozi buhari bugakoreshwa neza hakazamurwa imibereho myiza y'abaturage.'

Intego z'iterambere rirambye zivuga ko mu 2030 hazaba haranduwe ubukene, inzara, abaturage bafite ubuzima bwiza n'imibereho myiza, uburezi bufite ireme, uburinganire n'ubwuzuzanye byaragezweho.

Zivuga ko abaturage bose bazaba bafite amazi meza n'isukura, bagerwaho n'amashanyarazi, iterambere ry'ubukungu, inganda, guhanga udushya n'ibikorwaremezo, ubusumbane bwagabanyijwe, imijyi imeze neza, umusaruro wiyongereye n'ibindi.

Umunyamabanga Mukuru wa RALGA, Habimana Dominique, yavuze ko inzego z'ibanze hari ibibazo bituma zidatanga umusanzu wazo mu kugera ku ntego za SDGs

Angela Zeleza ukora mu biro by’Umuhuzabikorwa w’amashami ya Loni mu Rwanda, yavuze ko hakwiye ubufatanye bw’inzego zinyuranye kugira ngo izi ntego zigerweho

Aya mahugurwa azamara iminsi itatu

Aya mahugurwa yitabiriwe n'abagize ihuriro RALGA bari hagati ya 40-50 biganjemo abashinzwe igenamigambi ry'uturere

Hagaragajwe ko icyangombwa ari uguhuza ibikorwa, kugira igenamugambi rinoze rishingiye ku baturage kandi rihuza abafatanyabikorwa bose

Amafoto: Munyemana Isaac