Category: Uncategorized

Yabanje gushyira hanze agace gato k'iyi ndirimbo mu mezi abiri ashize! Abakoresha urubuga rwa Tik Tok barayumvise igihe kinini. Iri ku rutonde rw'indirimbo 20 zigize Album ye nshya yise 'Colorful Generation'. 

Ndetse ari kwitegura kuzakora ibirori bizwi nka 'Listening Party' bizabera muri Kigali Universe, ku wa 21 Ukuboza 2024, mu rwego rwo kuyumvisha abantu 500 bazaba baguze amatike mbere y'abandi. 

N'ubwo bimeze gutya ariko aranategura igitaramo cyo kuzayimurika ku mugaragaro. Ni Album idasanzwe mu rugendo rw'uyu mugabo, kuko bimufashe imyaka ibiri kugirango izajye ku isoko tariki 10 Mutarama 2025.

1.Yunamiye umubyeyi we kuri Album

Iriho indirimbo yakoranye n'abahanzi bakomeye Mpuzamahanga. Ubwo yari mu kiganiro n'itangazamakuru kuri uyu wa Gatanu tariki 13 Ukuboza 2024, Bruce Melodie yumvikanishije ko indirimbo 'Nari nziko uzagaruka' yahimbiye umubyeyi we, ariyo ndirimbo yamuvunye kuri Album. 

Uburyo abisobanura, no gusubiza inyuma intekerezo ze, bitanga ishusho y'uko iyi Album yayituye umugore waruse abandi bose mu buzima bwe.

Yavuze ati 'Indirimbo 'Nari nziko uzagaruka' nasohoye agace kayo nkashyira kuri Tik Tok kubera ko ari indirimbo ivuga njyewe w'imbere ntajya mbabwira, buriya mbahisha byinshi, imyenda ikamfasha ntimumbone ubwa mbere. Ubwo rero, iyi ndirimbo iri mu ndirimbo nafatiye umwanya munini.'

Producer yavuze ko ikorwa ry'iyi ndirimbo, ryamusabye kujya ku ishuri rya muzika rya Nyundo, aho yakoranye n'abanyeshuri baho, bamuririmbira muri iyi ndirimbo mu buryo bumeze nka korali. Yanakoranye n'abacuranzi b'aho, ndetse 'studio' yahoo niyo yifashishije.

2.Album yakozweho na ba Producer batatu:

Producer Prince Kiiiz niwe ufiteho indirimbo nyinshi kuri iyi Album; kuko yakozeho indirimbo zirindwi (7) zirimo na 'Colorful Generation' yitiriye Album, hamwe na 'Nari nziko uzaza' yahimbiye umubyeyi we.

Producer Element ndetse na Made Beats bafiteho indirimbo eshanu. Ariko kandi Bruce Melodie, avuga ko hari n'abandi ba 'Producer' yifashishije mu gukora iyi ndirimbo, ndetse hari na kompanyi bari gukorana yo muri Amerika iri kumufasha mu kuyimenyekanisha.

Album ye iriho indirimbo ‘Wallet’, ‘Oya’, ‘Narinziko uzagaruka’, ‘Maruana’, ‘Ulo’, ‘Colorful Generation’, ‘Beauty on Fire’ yakoranye na Joeboy, ‘Iyo Foto’ yakoranye na Bien, ‘Diva’, ‘Niki Minaji’ yakoranye na Blaq Diamond, ‘Energy’, ‘Maya’, ‘Ndi umusinzi’ yakoranye na Bull Dogg, ‘Juu’ na Bensoul na Bien-Aime, ‘Sowe’, ‘Kuki’, ‘Nzaguha umugisha’, ‘Sinya’, ndetse na  ‘When she’s around’ yakoranye na Shaggy.

3.Hariho indirimbo ya Gospel

Bruce Melodie yakunze kumvikanisha ko amasaziro ye azashingira cyane ku ndirimbo zo kuramya no guhimbaza Imana. Biri no mu mpamvu zatumye mu ikorwa rya Album ye nshya, yaributse gushyiraho indirimbo yo guhimbaza Imana yise 'Nzaguha umugisha'.

Bruce Melodie yasobanuye ko yakoze iyi ndirimbo mu rwego rwo kumvikanisha ko akunda Imana. Ni indirimbo avuga ko yikoreye mu buryo bw'amajwi (Audio) ariko 'yanononsowe na Producer Kiiiz'.

Uyu muhanzi yagiye yikorera indirimbo ze bwite ubwo yatangiraga umuziki. Ariko akimara kubona abamufasha mu muziki, yagiye akorerwa indirimbo na ba Producer, kuko uko we yikoreraga indirimbo.

4.Indirimbo na Sean Paul, Meddy ndetse na 'Sinya'

Bruce Melodie yavuze ko hari abahanzi benshi bakomeye bagiye bakorana nawe indirimbo barimo na Sean Paul mu bihe bitandukanye, ariko ntibyakunze ko 'izo ndirimbo zose zijya kuri Album' gusa 'n'iyi Album ntabwo ishyize iherezo ku rugendo rwanjye rw'umuziki'.

Yabajijwe niba yarakoranye indirimbo na Meddy, avuga ko byabayeho, ariko ko itazajya kuri iyi Album bitewe n'uko 'twayikoze umushinga wa Album waratangiye'.

Ati 'Indirimbo yanjye na Meddy, umushinga twarawutangiye ariko ni umuhanzi Mukuru, uhuze ufite ibindi arimo, uwo mushinga rero twawugezeho Album igeze kure. Uwo mushinga ntaho uhuriye na Album yanjye, ariko uwo mushinga urahari. Tubonye umwanya, hamwe n’umwanya wanjye, tuzawugeraho.”

Uyu muhanzi yanavuze ko indirimbo ye 'Sinya' yasohotse mu buryo atari yateguye, ari nayo mpamvu yahisemo kuyisubiramo ikazasohoka kuri iyi Album mu buryo bwiza.

Ati 'Imishinga nagaragaje ko nakoze mukaba mutarayibonye kuri iyi Album si uko itari ikwiye kuba iriho, kuko iki ni igice kimwe, nyuma ya Album tuzakomeza dusohore n'izindi dufite.'

5.Hariho umuraperi umwe

Album ye iriho indirimbo 'Ndi Umusinzi' yakoranye n'umuraperi Bull Doggg. Ikorwa ry'iyi ndirimbo ryatangiye Bruce Melodie ari kumwe muri studio na Prince Kiiiz, ariko bagezemo hagati bumvise ko hari umuntu uri kuburamo.

Bruce Melodie yahamagaye kuri telefoni abwira Bull Dogg ko afite indirimbo ashaka ko bakorana, ndetse ko iri gukorerwa kwa Kiiiz.

Icyo gihe, Bruce Melodie yiteguraga kujya muri Leta Zunze Ubumwe za Amerika, yafashe urugendo aragenda, hanyuma Bull Dogg ajya muri studio aririmba muri iyi ndirimbo.

Bruce yagarutse mu Rwanda asanga Bull Dogg yaramaze kuririmba mu ndirimbo, bahura banzura ko igomba kujya kuri Album ye.

Bruce Melodie yavuze Album ye iriho indirimbo 20 'kubera ko nshaka guhaza amasoko yose, kandi nyine nkabikora umutima ukunze.'

Yavuze ko mu rugendo rwo kugeza umuziki w'u Rwanda, akeneye ko itangazamakuru rimushyigikira ndetse n'abafana.

Uyu muhanzi hari aho yavuze ati 'Iyi Album yarangoye. Kubera ko natekereje mu rugo mu Rwanda, aho mbarizwa, ntekereza mu karere k'Afurika y'Iburasirazuba, ariko nanatekereza ko umuziki wanjye ushobora kuba mpuzamahanga […] rero guhitamo indirimbo byabaye imyanzuro igoranye.'

Bruce yavuze ko bafashe igihe kini cyo guhitamo indirimbo zagiye kuri Album ye. Kandi avuga ko kuyita 'Colorful Generation' agendeye ku kuba abantu batandukanye, kandi buri wese afite igisekuru cy'ubuzima ari kubaho.

Ati 'Rero nkora kuri iyi Album, nagerageje kwisanisha na buriya giserukura, ndetse n'ibyiyumviro buri muntu ashobora kugira, ushaka indirimbo y'Imana yayihabona, ushaka indirimbo yo kurya ubuzima yayihabona, umuntu ushaka indirimbo yayihabona, n'uwashaka iyo mu buzima yayihabona, rero n'ikintu kinini kibumbatiye ibintu byinshi.'

Bruce Melodie yatangaje ko yagowe bikomeye no gutunganya indirimbo yahimbiye umubyeyi we

Bruce Melodie yavuze ko guhitamo indirimbo 20 kuri Album kuri we, kari akazi gakomeye

Bruce Melodie yavuze ko yakoranye na Bull Dogg nk'umuraperi rukumbi kuri Album ye kubera ko 'ndi umufana we'

RUGAJU YABAJIJE BRUCE MELODIE UMUZI W’IKIBAZO KIVUGWA KO AFITANYE NA THE BEN

“>

BRUCE MELODIE YONGEYE GUKOMOZA KURI YAGO BAGIYE BAKOZANYAGAHO

“>

VIDEO: Marvin Pro- InyaRwanda

Ni igikorwa cyabaye kuri uyu wa Gatanu tariki 13 Ukuboza 2024.

Umuyobozi Mukuru wa COPEDU PLC, Muyango Raissa yasabye abagore bitabiriye iyi gahunda gutinyuka kwihangira imirimo bakabagana, bikaborohera kubona inguzanyo zizamura ibikorwa byabo.

Ati 'Mwihangire imirimo, hanyuma mutugane tubahe inguzanyo zishyigira ibitekerezo byanyu mu kwikorera, mugere ku nzozi zanyu'.

Umuyobozi muri Banki Nkuru y'u Rwanda mu ishami rishinzwe guteza imbere serivisi z'imari zidaheza, Ndayisenga Simon, yagarutse ku mpamvu ishoramari ryahagurukiwe, hagatekerezwa no ku bagore nka ba mutima w'urugo.

Yasobanuye cyane agaciro k'umugore n'uruhare rwe mu kubaka umuryango nyarwanda. Bimwe mu byashingiweho bahugurwa harimo uburinganire mu by'imari, guteza imbere imibereho myiza no kugabanya ubukene.

Ati 'Iyo wigishije umugore uba wigishije igihugu. Hakenewe uburinganire mu buryo bw'imari. Ya mategeko yabahezaga akazamura abagabo gusa, yibagirane'.

Ndayisaba yabibukije ko igihe basabye inguzanyo, bakwiriye kuyikoresha icyo bayisabiye, bakirengagiza ibindi bibazo bibugarije bikeneye amafaranga.

Umuyobozi Ushinzwe Ubucuruzi muri COPEDU PLC Uwingabire Solange, yagaragaje ko iki kigo kimaze imyaka irenga 27 gitanga servise z'imari zirimo kubitsa, kubikuza ndetse no gutanga inguzanyo, asaba abagore kurushaho kukiyoboka.

Ubuyobozi bwa COPEDU n'abakozi b'amashami atandukanye bigishije aba bagore uburyo bwo guhitamo umushinga mwiza, kumenya kuwukora mu buryo bukurikije amategeko ndetse n'igihe bahawe inguzanyo kuyikoresha ibyo bayisabiye bibarinda kujya mu gihombo.

COPEDU PLC yahuguye ba rwiyemezamirimo b'abagore ku kwigira

Umuyobozi Mukuru wa COPEDU PLC, Muyango Raissa yasabye abagore gutinyuka guhanga imirimo

Umuyobozi Ushinzwe Ubucuruzi muri COPEDU PLC, Uwingabire Solange yasabye abandi bagore kugana iki kigo bagahabwa inguzanyo zibazamura

Brian Kagame ni umwe mu basirikare basoje amasomo muri iri shuri, mu muhango wabaye kuri uyu wa Gatanu, nk'uko byatangajwe na Ambasaderi w'u Rwanda mu Bwongereza, Busingye Johnston.

Ni umuhango witabiriwe na Madamu Jeannette Kagame, n'abavandimwe ba Brian Kagame: Ivan Cyomoro Kagame na Ian Kagame.

Brian Kagame yinjiye mu gisirikare asangamo mukuru we, Ian Kagame kuri ubu ubarizwa no mu Ngabo z'u Rwanda, mu mutwe urinda abayobozi bakuru b'igihugu.

Ni umuhango witabiriwe na Madamu Jeannette Kagame, n'abavandimwe ba Brian Kagame: Ivan Cyomoro Kagame na Ian Kagame

Brian Kagame n'umubyeyi we, Madamu Jeannette Kagame

Brian Kagame yashyigikiwe n’abavandimwe n’inshuti

Brian Kagame ni umwe mu basirikare basoje amasomo muri Sandhurst Military Academy mu Bwongereza

Ni amasezerano yasinywe kuri uyu wa 12 ukuboza 2024. Intego za Unicef Rwanda harimo kurengera uburenganzi bw'abana, ndetse ubu iri gukora ubushakashatsi ku buryo abana bakoresha internet ngo imenye ibyo bayikoreraho, ihohoterwa bakorerwa n'uburyo bwo kuribarinda.

Mu gushyigikira iki gikorwa, MTN Rwanda yatanze miliyoni 34.6 Frw mu masezerano y'ubufanye na UNICEF, aho izanafasha abo bana gukoresha urubuga rwigirwaho rw'Urwego rw'Igihugu rushinzwe Uburezi bw'Ibanze, REB, ruzwi nka E—Learning n'iza UNICEF, Itetero n'Ingazi gukoreshwa ku buntu.

MTN izafatanya na UNICEF muri gahunda yo kurwanya imirire mibi binyuze mu gikorwa cyo gutanga igi ku mwana buri munsi mu karere ka Gicumbi. Iyi gahunda izafasha kuzamura imirire y'abana barenga 1000 ndetse binagabanye imibare y'abana bagwingira muri ako karere.

Umuyobozi Uhagarariye UNICEF mu Rwanda, Julianna Lindsey yavuze ko ubufatanye na MTN mu kumenyekanisha gahunda yo gutanga igi rimwe kuri buri mwana buri munsi izatanga umusaruro mu kugabanya igwingira ry'abana mu Rwanda kandi bizagera ku babyeyi benshi.

Yagize ati 'twagiye tubona impinduka muri iki gikorwa cyo gutanga igi ku mwana ariko ntituragera aho dushaka kugera, twizera ko ubu bufatanye na MTN Rwanda n'uburyo izwi mu gihugu bzautuma buri muryango uha abana amagi inshuro nyinshi mu cyumweru kandi ibyo bizagira akamaro cyane mu kugabanya igwingira ry'abana mu Rwanda'

Muri ubu bufatanye, MTN izajya yamamaza ibikorwa bya UNICEF ku mbuga nkoranyambaga zayo no mu bikorwa byayo by'ubukangurambaga kugira ngo bongerere abantu ubumenyi ku bijyanye n'uburenganzira bw'abana no kurwanya imirire mibi.

Umuyobozi mukuru wa MTN, Mapula Bodibe, yavuze ko ubu bufatanye bujyana n'ikindi gikorwa bari bafite cyatangiye mu 2022 cyo gufasha abana kuba abana (help children be children campain), ahamya ko abana bashobora guhurira n'ihohoterwa kuri internet ari yo mpamvu bari bakeneye gukorana n'ikigo gifite ubumenyi buhagije ku bibazo abana bahura na byo n'uburyo babirwanya.

Yagize ati 'tunejejwe cyane n'ubu bufatanye kuko tuzi ko duteye intambwe mu kubaka u Rwanda, aho umwana ashobora kwiga, kugira inzozi, no kugera kure hashoboka'

Ubu bufatanye ni intambwe mu kuzamura imibereho y'abana, binyuze mu gukemura ibibazo by'imirire mibi, ihohoterwa rikorerwa abana kuri internet, no kubaha uburezi binyuze mu ikoranabuhanga mu buryo bworoshye.

Abayobozi ba MTN Rwanda na Unicef Rwanda basinya amasezerano

Amasezerano yashyizweho umukono azatuma impande zombi zifatanya mu guteza imbere uburenganzira bw’umwana

Yabitangaje mu kiganiro n’itangazamakuru kuri uyu wa Gatanu tariki 14 Ukuboza 2024, cyabereye muri Kigali Universe. 

Asubiza Umunyamakuru wa InyaRwanda, Bruce Melodie yavuze ko indirimbo ye na Meddy yakozwe, ariko ko itagaragara kuri Album ye kubera ko habayeho kudahuza umwanya na Meddy.

Ati “Indirimbo yanjye na Meddy, umushinga twarawutangiye ariko ni umuhanzi Mukuru, uhuze ufite ibindi arimo, uwo mushinga rero twawugezeho Album igeze kure. Uwo mushinga ntaho uhuriye na Album yanjye, ariko uwo mushinga urahari. Tubonye umwanya, hamwe n’umwanya wanjye, tuzawugeraho.”

Bruce Melodie yavuze ko hari indirimbo yakoranye n’abahanzi banyuranye, zitari kuri iyi Album ‘ariko ntibivuze ko zitazasohoka.” 

Yumvikanishije ko iyi Album ayikozeho igihe kinini, byatumye yitabaza abantu benshi mu guhitamo indirimbo zagombaga kujya kuri iyi Element.

Ni Album avuga ko yakozweho na ba Producer barimo Prince Kiiiz, Element ndetse na Made Beats. Ni Album azamurikira abakunzi be b’intoranywa tariki 21 Ukuboza 2024, ni mu gihe Album izajya ku isoko tariki 1 Mutarama 2025.      

   

Bruce Melodie yavuze ko yakoranye indirimbo na Meddy ariko itabashije kujya kuri Album ye kubera umwanya yakozwemo  

Bruce Melodie yavuze ko hari indirimbo nyinshi, yakoranye n’abahanzi zitarasohoka ziza mu gihe kiri imbere 

Ku wa 3 Ukuboza 2023, nibwo Bruce Melodie yahuye na Meddy bahuriye muri Leta Zunze Ubumwe za Amerika- Aha bari kumwe na Coach Gael

Nk’uko byatangajwe na Ambasaderi w'u Rwanda mu Bwongereza, Busingye Johnston , uyu muhungu wa Perezida Kagame yasoje aya masomo mu muhango wabaye kuri uyu Wa Gatanu tariki ya 13 Ukuboza 2024.

Ni umuhango witabiriwe na Madamu Jeannette Kagame n'abavandimwe ba Brian Kagame: Ivan Cyomoro Kagame na Ian Kagame.

Brian Kagame yinjiye mu gisirikare asangamo mukuru we, Ian Kagame kuri ubu ubarizwa mu Ngabo z'u Rwanda, mu mutwe urinda abayobozi bakuru b'igihugu.

Ishuri rya Sandhurst Military Academy riherereye mu gihugu cy’u Bwongereza ni naryo Ian Kagame yasorejemo amasomo ya Gisirakare mu 2022.

Iri shuri ryashinzwe mu 1947, rifite ibigwi bikomeye mu gutoza abasirikare bakuru bo mu gihugu cy'u Bwongereza, by'umwihariko ingabo z'i Bwami, aho bongererwa ubumenyi mu kuyobora ingabo.

Brian Kagame wasoje amasomo ya Gisirakare 

Madamu Jeannette Kagame, n'abavandimwe ba Brian Kagame: Ivan Cyomoro Kagame na Ian Kagame bitabiriye uyu muhango 

Ibi byabigarutseho mu nama y'umuryango nyarwanda uharanira iterambere ry'umwana, urubyiruko n'umugore, Save Generations Organization ku bufatanye na Plan International Rwanda, akarere ka Bugesera n'abandi bafatanyabikorwa.

Ni inama yari igamije kongerera abangavu n'ingimbi ubumenyi n'ubushobozi bibafasha kwifatira ibyemezo ku mibiri yabo no gukumira icyakwangiza ubuzima bwabo kubera kutagira amakuru y'ukuri kandi ahagije ku buzima bw'imyororokere.

Umuyobozi w'Akarere ka Bugesera, Richard Mutabazi, yasabye abitabiriye iyi nama, gufata iya mbere mu kugeza ubumenyi bungutse ku bandi.

Ati 'Ndasaba mwe mwese mwitabiriye kurushaho kugira uruhare mu kwigisha urubyiruko ibijyanye n'ubuzima bw'imyororokere. Tugomba guharanira ko urubyiruko rugira ubuzima bwiza tubarinda ibyatuma bacikiriza amashuri cyangwa bagatwara inda bakiri bato, ndetse n'ibindi byose byatuma ubuzima bwabo buzamo igitotsi.'

Umwe mu bitabiriye iyi nama aturutse mu Murenge wa Kamabuye ugize ako karere, yavuze ko hakwiye kongerwa imbaraga mu bigo by'urubyiruko kuko ubwitabire bw'ababigana usanga ari bwinshi kuruta ubushobozi bifite, kandi bikaba bigira uruhare mu kwigisha urubyiruko ibirimo ubuzima bw'imyororokere.

Ati “Usanga ubwitabire buba bwinshi ku bigo by'urubyiruko, kuko ari ho urubyiruko rubasha kwisanzura. Hari n'abaza bashaka kumenya ibijyanye n'ubuzima bw'imyororokere, abandi bakaza bifuza kubona udukingirizo n'ibindi byabarinda mu gihe cy'imibonano mpuzabitsina, kenshi bakishimira kubona izo serivisi ku bigo by'urubyiruko ari kujya kwa muganga. Niyo mpamvu bakwiriye kongera imbaraga ku bumenyi bw'imyororokere butangirwa mu bigo by'urubyiruko.”

Mu bindi bibazo byagaragajwe bigomba gushakirwa umuti harimo ikijyanye n'ababyeyi batekereza ko kuganiriza abana babo ku bijyanye n'ubuzima bw'imyororokere ari uguta umuco, bityo abana bagakura nta bumenyi bafite.

Hari kandi urubyiruko rukura amakuru muri bagenzi babo, kenshi ugasanga ayo makuru arimo ibihuha, nyamara rukayamira bunguri rimwe na rimwe rukanayagenderaho, bikazarangira rugize ibyago birimo gutwara inda zitateguwe cyangwa kuzitera, n'ibindi byago byinshi.

Shilla Ndegeya wari uhagarariye 'Save Generations Organization' yavuze ko hari intambwe imaze guterwa mu gufasha umwana w'umukobwa, icyakora hari byinshi bikwiriye gukomeza gushyirwamo imbaraga.

Ati “Hari byinshi byo kwishimira tumaze kugeraho, ariko ntabwo bihagije. Ubuzima bw'abana bacu, urubyiruko rwacu twese buratureba, kandi bwangizwa no kutagira amakuru ahagije ku buzima bw'imyororokere. Niyo mpamvu twahisemo kwibanda ku gushaka ibisubizo bifasha urubyiruko rwacu, kugira ngo tubahe ubumenyi buzatuma bagira ejo heza kandi bafite ubuzima bwiza.”

Uyu muryango umaze kugera ku banyeshuri 400 bafite imyaka iri hagati ya 10 na 18 ndetse n'urubyiruko 250 rw'abari hanze y'ishuri, bari hagati y'imyaka 19 na 24. Ababyeyi 80, abafashamyumvire 40, abajyanama b'ubuzima 308 n'abarimu 48 nabo barahuguwe.

Ku nsanganyamatsiko igira iti 'Umwarimu uhawe agaciro bimwongerera imbaraga ashyira mu burezi', kuri  uyu wa Gatanu tariki 13 Ukuboza 2024, hizihijwe umunsi mpuzamahanga wahariwe umwarimu aho wabaye ku rwego rw'Akarere by’umwihariko ku rwego rw'Igihugu ubera ku Intare Arena i Rusororo.

Abarimu barenga 2200 baturutse hirya no hino, bahuriye ku Intare Arena bahujwe no kwishimira ibyo bagezeho ndetse no kuganira bungurana ibitekerezo ku byakorwa kugira ngo bakomeze batange umusaruro mwiza mu ireme ry'uburezi.

Abarimu bagaragaje ko kuba bari gutanga umusaruro, bifite imvano kuko Guverinoma yumva ibyifuzo byabo kandi bakagerageza kubishyira mu bikorwa. Aha harimo kubongerera umushahara, kubegereza no koroshya gahunda ya Umwalimu SACCO dore ko abayikoresheje neza uyu mwaka bashimiwe.

Tuyishime Valens w'i Nyamasheke, Dusengimana Honorine uturuka i Burera, Ntegekurora Leonidas w'i Nyagatare na Mukangenera Berthilide wo muri Gasabo nibo bashimiwe ko bakoresheje neza Umwalimu SACCO muri uyu mwaka.

Uwambaje Veronique wigisha mu rwunge rw'amashuri rwa Kimironko ya kabiri TSS, yavuze ko kuri uyu munsi banezerewe ndetse ko bashima agaciro Leta y'u Rwanda yahaye abarezi, gahunda nziza yashyizwe mu burezi harimo gushyiraho amashuri y'incuke, kongera ibyumba by'amashuri.

Minisitiri w'Uburezi, Hon. Joseph Nsengimana yibukije abarimu bose ko aribo musingi wo kugira ngo Igihugu kigere ku ntego cyiyemeje kandi ko mu gihe bakomeza kwesa imihigo no gukorana umurava, nta kabuza u Rwanda rwahora ku isonga.

Yagize ati 'Muri inkingi za mwamba, Igihugu cyacu cyubakiyeho kandi mufite uruhare runini mu gutuma Igihugu kigera ku ntego cyihaye yo kugira ubukungu bushingiye ku bumenyi. By’umwihariko kugera ku cyerekezo 2050, bisaba kongera umuhate n'umurava kugira ngo koko abanyeshuri bahabwe ubumenyi bukwiye kandi bukenewe ku isoko ry'umurimo. Ibi nimubikorana umurava nk'uko tubizeye, u Rwanda ruzagera ku byo rwiyemeje.'

Ministiri w'Uburezi kandi yavuze ko Leta igiye kongera abayobozi mu bigo by'amashuri kugira ngo bakomeze guteza imbere ireme ry'uburezi. Bamwe mu bayobozi bazongerwa mu bigo by'amashuri, harimo umuforomo, uwungirije umuyobozi w'ikigo, umucunga mutungo, umujyanama mu myigire no mu mitekerereze.

Minisitiri w'Intebe, Dr.Eduard Ngirente wahagarariye Perezida Kagame muri ibi birori byo kwizihiza umunsi wahariwe umwarimu, yabwiye abarimu ko Perezida Kagame yamutumye ngo ashimire abarimu bose ku bw’uruhare rwabo mu iterambere ry'Igihugu.

Minisitiri w'Intebe yasabye abarezi bose kuba intangarugero mu baturage ku buryo ahatuye umwarimu hose hagomba kuba hatandukanye n'ahatari umwarimu.

Ati 'Turashima uruhare mukomeza kugira mu majyambere y'Igihugu yandi atari ukwigisha gusa, ayo mugirira mu miryango. Akagari gatuyemo mwarimu cyangwa se umudugudu urimo mwarimu, ukwiye kudasa n'umudugudu utarimo mwarimu.

Mwarimu yatanze amasomo ku ishuri, yareze abana b'Igihugu ariko n’aho atuye yakomeje kugenda atubera urugero kuko ubumenyi mufite mutabukoresha ku ishuri gusa ahubwo mubukoresha no hanze. Turagira ngo ubwo budashyikirwa bwa mwarimu bukomeze bwirange, aho umwarimu atuye abe ari ahantu h'intangarugero.

Muri ibi birori byo kwishimira umunsi mpuzamahanga w'umwarimu, hashimiwe ibigo 21 mu gihugu hose byahize ibindi mu gutsindisha uyu mwaka w'amashuri wa 2023-2024.

Minisitiri w’Intebe yashimiye abarimu ubwitange n’ishyaka ribaranga, abizeza ko Guverinoma izakomeza kubateza imbere, ku bw’uruhare rwabo mu iterambere ry’uburezi n’aho batuye

Abarimu barenga 2,200 bavuye hirya no hino bahuriye mu Intare Arena kwishimira umunsi wabahariwe

Ibigo 21 byahize ibindi mu gihugu byahembwe naho ibindi bitahana umukoro wo kuba aba mbere

Kuri uyu munsi wo kwishimira umunsi mukuru w’umwarimu, abarimu bari bafite akanyamuneza batewe no kuba Leta ibitayeho

Nk'uko bisanzwe bigenda mu mpera za buri Cyumweru, InyaRwanda ibagezaho urutonde rw'indirimbo nshya z'abahanzi barimo abamaze kugera ku rwego rukomeye n'abakizamuka.

Ikigamijwe ni ugutanga umusanzu mu iterambere ry'umuziki no gufasha abadukurikira kuruhuka no kunogerwa n'impera z'icyumweru. Kuri iyi nshuro abahanzi batandukanye bakoze mu nganzo batanga ibihangano bishya.

Kuri ubu, abahanzi nyarwanda bakora umuziki w'ingeri zose bakoze mu nganzo, harimo n'abatari baherutse kumvikana.

Mu bahanzi bakoze mu nganzo harimo Diplomat wahuje imbaraga na Ariel Wayz, Mico The Best wahurije abahanzi batandukanye mu ndirimbo yise 'Twivuyange,' Okkama wifashishije umwana we mu ndirimbbo nshya, Shaffy, Shemi, QD wiyambaje Zeo Trap, Da Rest n'abandi.

Imwe mu ndirimbo zasohotse muri iki Cyumweru zari zitegerejwe na benshi, harimo iyitwa 'Sapiokseksho' y'umuhanzi Diplomat yakoranye na Ariel Wayz.

Kuva mu mezi atanu ashize, uyu muraperi yari yavuze ko ari mu myiteguro yo gusohora iyi ndirimbo yise 'Sapioseksho', ariko yagiye akomwa mu nkokora n'uko aba Producer bagiye bayitinza, kugeza ubwo yanifashishijwe muri filime 'Dayana' ya Bad Rama mu buryo atigeze amenya.

Yakozwe mu buryo bw'amajwi na Producer Element, ni mu gihe amashusho yakozwe na 1Shot yunganiwe na Tego, K Bro n'abandi.

Diplomate yamamaye cyane mu myaka 10 ishize; ndetse yagiye akorana n'abahanzi banyuranye indirimbo zakomeje izina rye. Mu kiganiro na InyaRwanda, yavuze ko kwifashisha Ariel Wayz, biri mu murongo w'uburyo yagiye akorana n'abahanzi.

Yavuze ati 'Gukorana na Ariel Wazy ni nk'uko nsanzwe nkorana n'abandi bahanzi bagiye batandukanye. Ni nk'uko nshobora kwicara nkavuga nti mfite indirimbo, kandi ndumva nayikorana na ntuza bikavamo neza, nicyo ngicyo navuga. 

Kandi mpamya y'uko ni umuhanzikazi mwiza, ufite impano, nabonye ko byaba ari byiza dukoranye. Nta kindi kinini cyashingiweho ahanini, nicyo ngicyo.'

Dore indirimbo 10 zagufasha kuryoherwa n'impera z'icyumweru:

1.     Sapiokseksho — Diplomat ft Ariel Wayz

“>

2.     Twivuyange — Mico The Best ft Uncle Austin, Afrique, Marina & Bushali

“>

3.     Ehe! Mbembe — Okkama ft Cute

“>

4.     Jumbe – Shaffy

“>

5.     Apana — QD ft Zeo Trap

“>

6.     Ngo — Yampano ft Papa Cyangwe

“>

7.     Mamacita — Dice The Prince ft Kivumbi King, Nillan & Ella Rings

“>

8.     Uzambwire — Shemi

“>

9.     Ndambiwe — Lion B ft Bulldogg

“>

10.  Location — Da Rest

“>
 

Kuri uyu wa Gatanu tariki 13 Ukuboza 2024, ni bwo Kaminuza ya ULK yakoze umuhango wo gushyikiriza impamyabumenyi abanyeshuri basoje amasomo yabo mu byiciro bitandukanye. 

Ni ku nshuro ya 21 iyi Kaminuza ishyize ku isoko ry'umurimo abanyeshuri. Abahawe impamyabumenyi barimo abanyenshuri 707 basoje amasomo y’Icyiciro cya Kabiri cya Kaminuza na 248 basoje amasomo y’Icyiciro cya Gatatu cya Kaminuza.

Umunyarwenya Mazimpaka Japhet usanzwe ari n'umunyamakuru wa Magic FM y’Urwego rw’Igihugu rw’Itangazamakuru (RBA), ari muri 248 basoje amasomo ya Master’s muri iyi Kaminuza.

Uyu musore yari asanzwe afite 'Master's of Development Studies (Ubushakashatsi n'Iterambere) yahawe mu Ukuboza 2023. Kuri iyi nshuro yahawe Master's mu miyoborere (Master's of Governance).

Mu kiganiro na InyaRwanda, yavuze ko ari intambwe nziza yateye mu buzima bwe, kandi ko azaharanira gukoresha ubumenyi yavanye muri iyi Kaminuza.

Ati 'Urumva ko ku bumenyi hiyongereyeho irindi tafari kandi ndajwe ishinga no kubukoresha mu kugira uruhare rugaragara mu iterambere ry'Igihugu cyanjye. '

'Nzi ko urugendo rukiri rurerure, ariko intego ni ugukomeza kongera ubumenyi no kubukoresha neza mu kubaka ejo hazaza heza kuri twese, kandi nizera cyane ko bishoboka.'

Japhet yamenyekanye cyane mu itsinda rya “Bigomba Guhinduka” no mu bindi bitaramo yagiye ategura byabereye hirya no hino mu gihugu.

Ibyishimo ni byose kuri Japhet nyuma y'uko asoje amasomo y'icyiciro cya Kabiri mu bijyanye na 'Governance'

Japhet Mazimpaka yavuze ko azahanira gukoresha neza ubumenyi yakuye muri ULK

Mu 2023, ni bwo Japhet Mazimpaka yahawe Master's ya mbere mu bijyanye na 'Development Studies'