Ikoranabuhanga ni imwe mu ntwaro zoroheje akazi mu nzego zitandukanye z'igihugu ndetse no mu burezi, kuva mu mashuri abanza kugeza muri kaminuza bakoresha uburyo bwo gutegura amasomo yakwigishwa hifashishijwe ikoranabuhanga harimo n'ibitabo biri mu buryo bw'amashusho.
Gusa abayobozi b'ibigo by'amashuri bidafite amashanyarazi na internet mu bihe bitandukanye bagiye bagaragaza imbogamizi haba mu kwigisha no kuzuza raporo bisaba ko zoherezwa hakoreshejwe ikoranabuhanga.
Umwaka w'amashuri wa 2022/2023 warangiye mu Rwanda habarurwa ibigo by'amashuri 4,923, birimo ibya Leta 1,568, ibifashwa na Leta ku bw'amasezerano 2,065 n'ibyigenga 1,290. Hejuru ya 80% byari bifite amashanyarazi.
Minisitiri w'Uburezi, Joseph Nsengimana mu mpera z'icyumweru gishize yatangaje ko hari amashuri arenga 500 mu gihugu hose adafite amashanyarazi ariko hari kurebwa uburyo na yo yazagezwayo bidatinze.
Ati 'Amenshi usanga ari kure y'umuyoboro w'amashanyarazi ugasanga turimo kureba ubundi buryo byakorwa kugira ngo agerweho.'
Yashimangiye ko internet mu mashuri ikiri kuri 62% ariko hari gukorwa ibishoboka kugira ngo mu mwaka w'amashuri utaha ibigo bigerwaho na internet biziyongere.
Ati 'Urebye amashuri menshi amaze kubona amashanyarazi ndetse 62% afite internet ayandi 21% azongerwa internet mu gihembwe cya mbere cy'umwaka utaha [2025/2026] ubwo rero urumva ko bigikomeje.'
Minisitiri w'Intebe, Dr Edouard Ngirente ubwo yari mu munsi mpuzamahanga wa mwarimu yagaragaje ko kuba hari amashuri ataragerwaho n'amashanyarazi na internet ari ikibazo kigomba kwitabwaho n'inzego zitandukanye.
Ati 'Twese duhuriza hamwe kugira ngo turebe ko amashuri yose yazagira internet n'amashanyarazi ndetse hari ikindi mwibagiwe n'amazi. Ubu hari gahunda y'uko nta shuri rikwiye kubaho ridafite amazi.'
Imibare igaragaza ko mu mashuri ya TVET ahari internet ari 83,1%, mu mashuri yisumbuye y'uburezi rusange na mbonezamwuga internet iri ku kigero cya 75,3% na ho mu mashuri abanza biri ku kigero cya 56,5%.
Bavuze ko ku Cyumweru tariki ya 08 Ukuboza 2024, ari bwo ngo Apôtre Dr. Gitwaza yavuze ko 'Rastafari ni idini rya Satani, Rastafari ni Satanism'.
Icyo gihe yatangaga icyigisho ari muri Queensland muri Australia, mu biterane by'ivugabutumwa yise 'Divine Provision'.
Aba ba-rasta bagaragaje ko aya magambo ari no mu mashusho agaragara ku muyoboro wa Youtube wa Imbabazi Tv3 n'uwa Voice of God D.S.
Bavuze ko bahisemo gukora urugendo rwamagana aya magambo kuko basanze ari inshingano zabo, dore ko uwayavuze akorera ndetse akaba mu gihugu cy'u Rwanda nabo babarizwamo.
Ibaruwa bandikiye ubuyobozi bw'Akarere ka Rubavu iragira iti 'Twebwe aba-rasta b'i Rubavu twifuza gukora urugendo rw'amahoro tugaragaza akababaro katurutse ku magambo adusebya, tugaragaza abo turi bo nk'aba-rasta bitandukanye n'ibi byatuvuzweho, tukanashaka ko asaba imbabazi aba-rasta bose muri rusange.'
Iyi baruwa yashyizweho umukono n'Umuyobozi w'Aba-rasta mu Karere ka Rubavu, Gakiga Steven, ikomeza igira iti 'Amagambo Gitwaza yavuze ni ingengabitekerezo yo kwangisha abantu aba-rasta, bikagaragara ko byatugiraho ingaruka z'uko abantu muri rusange badutinya ntibongere kutwisanzuraho nk'uko bisanzwe. Niyo mpamvu dushaka ko abantu bamenya ukuri kwacu, ko turi abakozi b'Imana tutari abakozi ba Satani binyuze muri uru rugendo.'
Aba ba-rasta bavuze ko bifuza gukora uru rugendo ku wa Gatanu tariki ya 20 Ukuboza 2024 bazenguruka Umujyi wa Gisenyi, guhera saa yine z'igitondo.
Mu minsi ishize, André Onana, umunyezamu wa Manchester United, yagarutsweho cyane kubera imikinire ye.
Mu mukino wa Europa League wabaye ku wa Kane ushize, Manchester United yatsinze Viktoria Plzeň, ariko Onana yakoze ikosa ryatumye iyi kipe itsindwa igitego cya mbere.
Nyuma y'uwo mukino, umutoza Ruben Amorim yagaragaje ko akizera ubushobozi bwa Onana, nubwo hari amakosa amugaragaraho.
Mu mukino wa vuba aha wahuje Manchester United na Manchester City, Onana yitwaye neza, afasha ikipe ye gutsinda nyuma yo gutsindwa igitego cya mbere. Nyuma y'umukino, yifatanyije n'abandi bakinnyi mu byishimo byo mu rwambariro, aho banabyinanye n'umutoza wabo.
Â
Nubwo hari ibihe by'ibibazo, Onana akomeje kugaragaza ko ari umunyezamu ufite ubushobozi, kandi abafana ba Manchester United bafite icyizere ko azakomeza kwitwara neza mu mikino iri imbere.
Ranga Chivaviro, umukinnyi w'ikipe ya Kaizer Chiefs, yagaragaje ubuhanga mu mukino wabaye ejo, aho yatsinze igitego cy'ingenzi mu minota ya nyuma. Iki gitego cyatumye ikipe ye inganya na TS Galaxy, bigatuma umukino urangira ari 1-1.
Chivaviro, wavutse ku wa 21 Ugushyingo 1992 muri Limpopo, Afurika y'Epfo, yagiye akina mu makipe atandukanye mbere yo kwinjira muri Kaizer Chiefs mu mwaka wa 2023.
Uyu mukino w'ejo waranzwe n'ubushake bwa Chivaviro bwo gufasha ikipe ye, ndetse n'ubushobozi bwo gutsinda igitego mu gihe cy'inyongera, bigaragaza umuhate n'ubushobozi bwe mu kibuga.
Ku bijyanye n'ubuzima bwe bwite, Chivaviro akunze gusangiza abakunzi be amafoto n'amakuru ku mbuga nkoranyambaga, aho afite konti ya Instagram yitwa @chivaviro_ranga_10.
Mu gihe ikipe ya Kaizer Chiefs ikomeje urugendo rwayo mu marushanwa, abakunzi b'umupira w'amaguru bakomeje gukurikirana imikinire ya Chivaviro, biteze ko azakomeza kugaragaza ubuhanga bwe mu mikino iri imbere.
Aba Bofisiye bagomba kujya ku cyicaro cy'uru rwego giherereye mu mujyi wa Goma.
Abofisiye b'u Rwanda bagombaga kujya i Goma muri RDC mu gitondo cyo ku wa 9 Ukuboza 2024 kugira ngo batangire imirimo yabo, ariko umuyobozi w'uru rwego abasaba kuba baretse.
Amakuru yizewe IGIHE ifite ashimangira ko aba basirikare b'u Rwanda basabwe kuba baretse kujya muri RDC kubera impungenge ku mutekano wabo, bigendanye n'umwuka mubi uri hagati y'iki gihugu n'u Rwanda.
Kugeza ubu, amakuru ahari ni uko u Rwanda rwamaze kwandikirwa rwizezwa umutekano w'aba basirikare ku buryo mu minsi ya vuba bazoherezwa i Goma.
Uru rwego ruvuguruye rwatangijwe ku mugaragaro n'abaminisitiri b'ububanyi n'amahanga ba Angola, u Rwanda na RDC tariki ya 5 Ugushyingo 2024. Rugizwe n'abofisiye 18 bo muri Angola, batatu b'Abanyarwanda na batatu b'Abanye-Congo.
Uru rwego rwatangijwe ku mugaragaro n'abaminisitiri b'ububanyi n'amahanga ba Angola, u Rwanda na RDC
Mu bihugu bimwe na bimwe byateye imbere, ingufu z'amashanyarazi zingana na 20% ni izikomoka ku nganda za nucléaire, mu gihe izisigaye zikomoka ku ngomero zifatiye ku mazi n'ubundi buryo bubyara amashanyarazi.
Kuri uyu wa 16 Ukuboza 2024 abaminisitiri b'ibihugu bitandukanye bashinzwe ingufu bateraniye mu Rwanda, bigira hamwe icyo ibihugu bya Afurika bisabwa ngo byihaze ku mashanyarazi akomoka ku ngufu za nucléaire.
Minisitiri w'Ibikorwa remezo, Dr. Jimmy Gasore yatangaje ko Afurika ifite intego yo kwihuta mu iterambere hifashishijwe amashanyarazi akomoka ku ngufu za nucléaire, bigasaba ishoramari riturutse mu bafatanyabikorwa n'amabanki.
Ati 'Ibihugu byinshi kugira ngo bitere imbere byakoresheje ingufu za nucléaire, natwe rero turi kuganira nk'Abanyafurika, tukaganira n'inzobere za Afurika y'Epfo zisanzwe zikoresha izo ngufu tuvuga ngo bisaba iki? Ese ingaruka ni izihe? Twazirinda gute? Ariko by'umwihariko tukanareba cyane ubushobozi bwo gukoresha izo mbaraga za nucléaire bwo buzaboneka gute?'
Minisitiri Dr. Gasore yahamije ko hari kwigwa uburyo mu myaka 30 iri imbere Afurika yazaba ifite amashanyarazi ahagije yafasha mu iterambere.
Kubyaza amashanyarazi ingufu za nucléaire kandi bisaba ishoramari rifatika.
Ati 'Turi kwibaza ngo ese iyi miryango dufatanya mu iterambere, amabanki n'abandi bashobora gufasha muri urwo rugendo rwo guteza imbere Afurika dukoresheje ingufu za nucléaire?'
Mu bindi bisabwa harimo ubumenyi bwisumbuye ku baturage ba Afurika n'Abanyarwanda ariko bwo ahamya ko bushobora kuboneka kuko hari n'ibindi bihugu bya Afurika bisanzwe bikoresha ingufu z'amashanyarazi nk'izi birimo Misiri na Afurika y'Epfo.
Mu myaka yashize u Rwanda rwasinye amasezerano n'u Burusiya ajyanye no gutunganya amashanyarazi akomoka ku ngufu za nucléaire.
Minisitiri Dr. Gasore yasobanuye ko ibiganiro bigikomeje, kuko uyu ari umushinga w'igihe kirekire.
Kugeza ubu u Rwanda ruvuga ko rwihagije ku mashanyarazi akoreshwa mu gihugu ariko hahora hakenewe gukorwa andi kuko ubukungu bwiyongera umunsi ku wundi ari na ko ibiyakenera byiyongera.
Minisitiri w’Imari n’Igenamigambi Yusuf Murangwa ari mu batanze ibiganiro
Minisitiri w’Ikoranabuhanga na Inovasiyo, Ingabire Paula na we ari mu batanze ibiganiro
Ibihugu biri kwigira kuri Afurika y’Epfo yatangiye gukoresha amashanyarazi akomoka ku ngufu za nucléaire
Amb. Gatete Claver uyobora UNECA yatanze ibiganiro ku ngingo zitandukanye
Itegeko rya Perezida rishyiraho amabwiriza rusange agenga imihanda n'uburyo bwo kuyigendamo mu ngingo ya 48, rivuga ko Uretse iyo hari amategeko yihariye yerekanwa n'ibimenyetso, utuyira turi ku mpande z'umuhanda n'inkengero zigiye hejuru bihariwe abanyamaguru.
Umuvugizi w'Ishami rya Polisi rishinzwe umutekano wo mu muhanda, SP Emmanuel Kayigi, yavuze ko iyi ari gahunda y'ibikorwa bigamije kubungabunga umutekano wo mu muhanda no guca akajagari.
Ati 'Tumaze igihe kirekire muri gahunda ya Gerayo Amahoro, dukangurira abatwara ibinyabiziga cyane cyane amapikipiki, kwirinda imyitwarire yose ishobora kuba intandaro y'impanuka no guteza akajagari mu muhanda.'
'Usanga kenshi hari imyitwarire ibujijwe bamwe mu batwara moto bafata nk'aho ibyo bakora byemewe nko kunyura mu nzira z'abanyamaguru, mu nkengero z'umuhanda, kunyuraniraho iburyo, gusesera mu binyabiziga n'ibindi. Turabibutsa ko ibyo byose bitemewe kandi biri mu biteza impanuka.'
SP Kayigi yihanangirije abakomeje gukoresha nabi umuhanda nkana ko batazihanganirwa, bityo ko ibi ari ibikorwa bizakomeza hirya no hino abazabifatirwamo bakabihanirwa.
Eugene Sindikubwabo, uri mu bafatiwe moto, bamusanze agendera ku nkengero z'umuhanda, yavuze ko n'ubwo yabikoraga atari umuco mwiza asaba bagenzi be kwigenzura no kwisubiraho bagakosora amakosa abagaragaraho.
Ati 'Kugendera mu nkengero z'umuhanda ni ibintu mbere nanjye numvaga atari ikosa rikomeye, twabikoraga kenshi dushaka kwihuta ariko bakimara kumfata byatumye ntekereza. Mu by'ukuri uretse no kuba bikurura akajagari mu muhanda kunyura mu nkengero zawo biteza n'impanuka ugasanga iyo utagonganye na mugenzi wawe utwaye moto, ugonga umunyamaguru.'
Sindikubwabo yavuze ko nasubira mu muhanda azihatira kubahiriza amategeko y'umuhanda yirinda icyateza impanuka cyose, agira inama bagenzi be batarafatirwa muri iri kosa, kuricikaho kuko kwihutira kugera aho bajya byatuma batagerayo ntacyo bimaze.
Kuri uyu wa mbere tariki ya 16 Ukuboza nibwo hasozwaga umunsi wa 13 wa shampiyona y'u Rwanda, ni umunsi wasize Rayon Sports iyoboye ku mwanya wa mbere.
Umukino wasoje uyu munsi wahuje ikipe ya Vision FC yakinaga na Kiyovu Sports, ni umukino wabereye kuri Kigali Pele Stadium usiga amakipe yombi anganyije igitego kimwe kuri kimwe.
Ku ruhande rwa Vision FC yari yakiriye uyu mukino yatsindiwe igitego cyayo na Iyamuremye Christian ubwo hari ku munota wa mbere, kiza kwishyurwa na Ismaila Molo ku munota wa 72.
Gusoza uyu mukino kw'aya makipe banganya byatumye n'ubundi ku rutonde rwa shampiyona ntaguhindutse kuko aya ari nayo akomeje kuza mu myanya ya nyuma.
Vision irimo gukina ikiciro cya mbere uyu mwaka iri ku mwanya wa 15 n'amanota icyenda igakurikirwa na Kiyovu SC ifite amanota umunani.
Uko indi mikino y'umunsi wa 13 yagenze:
Police FC 2-2 Bugesera FC
APR FC 4-2 Mukura VS
AS Kigali 1-3 Rayon Sports
Amagaju FC 2-1 Marines FC
Rutsiro FC 0-0 Musanze FC
Muhazi FC 0-0 Gasogi United
Gorilla FC 1-1 Kiyovu SC
Uyu munsi urangiye ikipe ya Rayon Sports iyoboye urutonde rwa shampiyona rw'agateganyo aho ifite amanora 33, irakurikirwa na APR FC yo ifite amanota 25.
Imikino y'umunsi wa 14 wa shampiyona y'u Rwanda urakomeza kuri uyu wa Gatanu no ku wa Gatandatu ku makipe adafite abakinnyi batarenze 2 mu ikipe y'igihugu, Amavubi yitegura guhura na Sudani y'Epfo.
Kuri uyu wa 16 Ukuboza 2024, ahagana ku i saa munani n'igice(14h30), Ubushinjacyaha ku rwego rwisumbuye rwa Muhanga, mu rubanza buregamo umugabo witwa Nshimiyimana Damiyani uzwi ku izina rya Danyeri w'imyaka 26 y'amavuko, ushinjwa kwica umugore we babanaga muri 2023 akoresheje isuka, yasabiwe igihano cy'igifungo cya burundu. Guhuzagurika kwe mu kwisobanura asobanya imvugo byateje urujijo, Ubushinjacyaha busaba ko kwemera icyaha kwe bitaba impamvu nyoroshya cyaha.
Avuga impamvu urukiko rwisumbuye rwa Muhanga rwaje kuburanishiriza uru rubanza ahabereye icyaha, Umucamanza yavuze ko ari mu rwego rwo gutanga amasomo no kumenyekanisha ko hari inzego z'Ubutabera, ko kandi igihe ukoze icyaha ugomba kugikurikiranwaho mu rwego rw'Amategeko ndetse bikaba impamvu yo kugira ngo n'abandi bashobora kwishora mu byaha bamenya ko icyaha kidakinishwa.
Imbaga y'abaturage yari yaje kumva iby'uru rubanza rw'uwo basanzwe bazi. Bishimiye ko urukiko rwabegereye.
Yagize ati' Leta y'u Rwanda ifite urwego rw'Ubutabera rukora kandi rurenganura abarengana, kandi uko kurenganura harimo no guhana abakoze ibyaha'. Yakomeje asaba abaje kumva uru rubanza kugira ituze kuko ari urubanza rushobora kuzanamo amarangamutima, bityo ko nta wemerewe kugira icyo avuga urukiko rutamuhaye ijambo.
Perezida(Perezidante) w'Iburanisha, yabwiye abari aho ko nubwo urukiko rwaje kuburanishiriza aho icyaha cyakorewe, bidakuraho ko aho bari habaye mu rukiko nubwo ari ku karubanda, ku musozi aho abaturage batuye, ahakorewe icyaha.
Yababwiye ko aho urukiko ruri gukorera imirimo hose haba habaye mu rukiko bityo ko uwanyuranya n'amahame n'amabwiriza bigenga abari mu rukiko, Urukiko rutazuyaza mu kumufatira ibihano, kumucira urubanza rw'ibyo yaba akoze binyuranye n'ibiteganywa n'amategeko. Ati' Aha hafatwa nk'icyumba cy'iburanisha igihe duhari, turi kuhaburanishiriza cyangwa turi kuhakorera imirimo irebana n'urukiko'. Ubushinjacyaha bwahawe ijambo kugira ngo busobanure ikirego burega Nshimiyimana Damiyani bakunda kwita Danyeri, buvuga ko bumurega icyaha cy'Ubwicanyi, giteganywa n'ingingo y'i 107 yo mu itegeko riteganya ibyaha n'ibihano muri rusange.
Iyo ngingo ivuga ko; Umuntu wese wishe undi abishaka aba akoze icyaha. Ubushinjacyaha, bukomeza buvuga ko uwo burega, ku itariki ya 18 Nzeri 2023 ubwo yari mu Mudugudu wa Nyakabande, Akagari ka Buguri, Umurenge wa Rukoma ho mu Karere ka Kamonyi, abishaka kandi yabanje kubitegura yishe umugore babanaga witwaga Jacqueline Uwimanifashije wari mu kigero cy'imyaka 19 y'amavuko kuko yavutse muri 2004, babanaga nk'umugabo n'Umugore mu buryo butemewe n'amategeko, bamaranye igihe kitarenze umwaka.
Bwakomeje buvuga ko kujya kumwica byari byahereye mu gitondo baserera, nyuma uyu Nshimiyimana akaza gufata isuka ayikubita umugore we mu mugongo ubwo yari yunamye yoga yitura hasi, arongera ubwa kabiri ayimukubita mu mutwe( Muri nyiramivumbi), ahita ashiramo umwuka(arapfa).
Umushinjacyaha, yakomeje abwira urukiko ko ari uko Nshimiyimana Damiyani uzwi ku izina rya Danyeri yishe urupfu rubabaje umugore babanaga bamaranye igihe gito nk'umugabo n'umugore. Ahawe ijambo ngo agire icyo avuga ku byo Ubushinjacyaha bwari bumaze kumushinja, Nshimiyimana wiburaniraga, yatangiye avuga ko asaba imbabazi z'ibyo yakoze, avuga ko atashakaga kwica umugore we, ko kandi isuka yamukubise atamuhengereye yunamye akaraba, ko ahubwo barebanaga bombi bahagaze bacyocyorana, ndetse ko intandaro yari uko yari afite amakuru ko umugore we amuca inyuma( asambana).
Mukwiregura kwe, yagiye abusanya imvugo ku byo yagiye avuga haba mu ibazwa rye rya mbere agifatwa ubwo yari mu bugenzacyaha ndetse no mu gushinjacyaha. Nyuma yo kugaragaza ihuzagurika imbere y'imbaga y'abaturage bacishagamo bakagaragaza ukutanyurwa n'ibyo avuga, yaje kwerura yemera icyaha, asaba imbabazi.
Nyuma yo guhatwa ibibazo n'umucamanza, yageze aho arerura avuga ko ibyavuzwe n'ubushinjacyaha ndetse n'abatangabuhamya urukiko rwavuze babonye ibyabaye ubwo yicaga umugore we, yemeye ko byose ari ukuri, asaba urukiko guca inkoni izamba bukamuhana ariko kandi bukanagerageza kumugabanyiriza igihano ndetse bukaba bwanamuha igisubitse. Ubushinjacyaha, bwasabye ijambo buvuga ko kwiregura kwe ari ukwa nyirarureshwa, ko kabone nubwo umugore we yari kuba amuca inyuma cyangwa se asambana, nta mpamvu nimwe yari ikwiye yo kumubuza kubaho, kumwica kuko itegeko Nshinga rya Repubulika y'u Rwanda ryo muri 2003 mu ngingo ya 11 rivuga ko umuntu wese afite uburenganzira bwo kubaho, ndetse iya 13 ikavuga ko umuntu ari umunyagitinyiro kandi ari indahungabanywa, ko bityo habaye hari n'ibyo yamukekagaho yagombaga kubishyikiriza inzego zibishinzwe, akabibwira n'Ubuyobozi bukamufasha.
Ubushinjacyaha, bwasoje busaba urukiko kwakira ikirego rukemeza ko gifite ishingiro, rukemeza kandi ko ushinjwa yakoze icyaha cyo kwica umugore babanaga kandi akabikorana ubugome bukabije. Bwasabye ko abihanirwa kuko yaciye inyuma y'ibyo amategeko ateganya ko umuntu afite uburenganzira bwo kubaho, ntawe ufite uburenganzira bwo kuvutsa undi ubuzima. Ubushinjacyaha, bwavuze ko imyiregurire ya Nshimiyimana Damiyani uzwi ku izina rya Danyeri nubwo avuga ko yemera icyaha, butemeranywa nawe kuko busanga ukwemera icyaha kwe gushidikanywa ho, ari ibya nyirarureshwa, ko ndetse nta kwicuza icyaha bumubonamo, ko ndetse atanagaragaza uko yagikoze haba mu mvugo ze mu bugenzacyaha no mu bushinjacyaha ndetse n'imbere y'urukiko.
Aha, niho Ubushinjacyaha bwashingiye, busaba urukiko ko ukwemera icyaha kwa Nshimiyimana Damiyani uzwi ku izina rya Danyeri bimubera ikimenyetso kimushinja, kimuhamya icyaha ariko bitamubera impamvu nyoroshyacyaha, ndetse ko bityo busaba ko Urukiko rumuhamya icyaha ndetse rukamuhanisha Igihano cy'Igifungo cya Burundu hagamijwe ko we ubwe yumva kandi akamenya ububi bw'icyaha yakoze ariko kandi bikanabera abandi isomo rikumira icyaha.
Nyuma yo kumva impande zombi, haba uregwa ndetse n'uhande rw'Ubushinjacyaha, urukiko rwavuze ko tariki ya 10 Mutarama 2025 ku i saa cyenda aribwo ruzaza aho urubanza rwabereye gutangaza imyanzuro y'urukiko.
Umuyobozi w'Akarere ka Kamonyi, Dr Nahayo Sylvere nyuma y'urubanza yaganirije abaturage abasaba kuva mu byaha n'ibisa nabyo, abasaba kwirinda icyatuma hari uvutsa undi ubuzima.DPC Furaha, yashimiye ubutabera, asaba abaturage kuba umwe no kwirinda akarengane, bagaharanira ko buri wese abaho mu burenganzira bwe busesuye, bakamenya gutanga amakuru neza kandi ku gihe baharanira gukumira icyaha kitaraba.Umushinjacyaha nyuma yo kwiyambura imyenda y'akazi urubanza rusojwe, yaganirije abaturage abasaba kwirinda ibyaha.
Mu mugoroba wo kuri uyu wa Mbere taliki 16 Ukuboza 2024 mu gihugu cya Morocco, mu nyubako ya Palais des Congrès iherereye mu gace ka Marrakech, hatangiwe ibihembo by’abakinnyi b’Abanyafurika, abatoza n’amakipe bitwaye neza mu mwaka wa 2024.
Mu bakinnyi bakiri bato, Lamine Camara ukinira AS Monaco n’ikipe y’igihugu ya Senegal ni we wegukanye igihembo, ikipe y’igihugu nziza mu bagabo iba Cote d’Ivoire naho mu bagore iba Nigeria.
Ikipe nziza mu bagabo yabaye Al Ahly FC, mu bagore iba TP Mazembe, Ronwen Williams ukinira ikipe y’igihugu ya Afurika y’Epfo na Mamelodi Sundowns aba umunyezamu mwiza ndetse anaba umukinnyi mwiza ukina ku mugabane w’Afurika.
Umutoza mwiza kurusha abandi yagizwe Emerse Faé wafashije ikipe y’igihugu ya Cote d’Ivoire gutwara igikombe cy’Afurika ahigitse Hugo Broos utoza ikipe y’igihugu ya Afurika y’Epfo na Sébastien Desabre utoza DR Congo.
Uwegukanye igihembo cy’umukinnyi mwiza mu bagore ni Barbra Banda ukinira ikipe y’igihugu ya Zambia na Orlando Pride ahigitse Sanaâ Mssoudy ukinita ikipe y’igihugu na AS Far Rabat ndetse na Chiamaka Nnadozie ukinira ikipe y’igihugu ya Nigeria.
Mu bagabo uwegukanye igihembo cy’umukinnyi mwiza ni Ademola Lookman ukinira ikipe y’igihugu ya Nigeria na Atlanta yo mu Butaliyani yakoreyemo amateka yo gutsinda ibitego 3 ku mukino wa nyuma wa Europa League ahigitse Simon Adingra ukinira ikipe y’igihugu ya Cote D’Ivoire na Brighton,
Serhou Guirassy ukinira Guinea na Borussia Dortmund, Achraf Hakimi ukinira ikipe y’igihugu ya Morocco na Paris Saint-Germain na Ronwen Williams ukinira ikipe y’igihugu ya Afurika y’Epfo na Mamelodi Sundowns.
Samuel Eto'o na Yaya Touré ni bo bafite agahigo ko gutwara ibikombe byinshi by’umukinnyi mwiza w’Umunyafurika mu bagabo aho buri umwe yagitwaye inshuro enye mu gihe mu bagore ho gifitwe na Asisat Oshoala wagitwaye inshuro 6.
Ibirori byo gutanga ibihembo ku bakinnyi b’Abanyafurika, abatoza n’amakipe yitwaye neza byitibariwe n’abantu batandakanye barimo Perezida wa FIFA, Gianni Infantino, abakinnyi b’Abanyafurika bakanyujijeho barimo Victor Wanyama (Kenya), Mohamed Zidan (Egypt), Portia Modise (South Africa), Seydou Keita (Mali) na Obafemi Martins (Nigeria).
Ademola Lookman ni we wegukanye igihembo cy’umukinnyi mwiza muri AfurikaÂ
Umukino wasoje uyu munsi wahuje ikipe ya Vision FC yakinaga na Kiyovu Sports, ni umukino wabereye kuri Kigali Pele Stadium usiga amakipe yombi anganyije igitego kimwe kuri kimwe.
Ku ruhande rwa Vision FC yari yakiriye uyu mukino yatsindiwe igitego cyayo na Iyamuremye Christian ubwo hari ku munota wa mbere, kiza kwishyurwa na Ismaila Molo ku munota wa 72.
Gusoza uyu mukino kw'aya makipe banganya byatumye n'ubundi ku rutonde rwa shampiyona ntaguhindutse kuko aya ari nayo akomeje kuza mu myanya ya nyuma.
Vision irimo gukina ikiciro cya mbere uyu mwaka iri ku mwanya wa 15 n'amanota icyenda igakurikirwa na Kiyovu SC ifite amanota umunani. 
Imikino y'umunsi wa 14 wa shampiyona y'u Rwanda urakomeza kuri uyu wa Gatanu no ku wa Gatandatu ku makipe adafite abakinnyi batarenze 2 mu ikipe y'igihugu, Amavubi yitegura guhura na Sudani y'Epfo. 
Munyaneza Théogène
