Category: Uncategorized

Amatike ari rubuga rwa www.ticqet.rw, agaragaza ko kwinjira muri iki gitaramo bizasaba kwishyura ibihumbi 30 Frw mu myanya ya ‘GA Lowerbowl’, mu myanya ya ‘Silver’ ni ukwishyura ibihumbi 70, mu myanya ya ‘Platinum’ ni ugutanga ibihumbi 135 Frw [Ni nayo tike ya menshi irimo]; harimo kandi itike yo mu myanya ya ‘Gold’ aho wishyura ibihumbi 100 Frw. 

Izina rye nyakuri, yitwa John Roger Stephens, ariko akoresha izina rya “John Legend” nk’izina ry’ubuhanzi. Yabonye izuba ku wa 28 Ukuboza 1978, i Springfield mu Mujyi wa Ohio ho muri Leta Zunze Ubumwe za Amerika.

Ni umuririmbyi, umwanditsi w'indirimbo, umucuranzi wa piano, n'umukinnyi wa filime. Azwi cyane mu njyana ya R&B, soul, na pop.

Indirimbo yamenyekaniyeho yitwa “All of Me” yasohotse mu 2013. Ni imwe mu ndirimbo ze zakunzwe cyane ku isi yose, igakundwa mu bukwe no mu rukundo.

Mu rugendo rwe rw'umuziki yatsindiye kandi yegukanye ibihembo bikomeye bya muzika birimo Grammy Awards 12, Oscar Award, Golden Globe, na Tony Award.

Yabaye umwe mu bantu bake begukanye ibihembo byose byizwi nka EGOT (Emmy Awards, Grammy Awards, Oscar Awards, na Tony Awards).

Ni umuhanzi wageze ku ntebe y'ishuri, kuko yize muri Kaminuza ya Pennsylvania, aho yakuye Impamyabumenyi mu mategeko ya Gisivili (English & African-American Literature).

John Legend yashakanye na Chrissy Teigen, icyamamare mu mideli n’itangazamakuru, barushinze muri 2013. Bafitanye abana batatu.

Album ye ya mbere ye ya mbere yitwa Get Lifted, yasohotse mu 2004. Yamugejeje ku rwego mpuzamahanga, ndetse inamuhesha igihembo cya Grammy Award.

Uretse kuririmba, ni umucuranzi w'umuhanga cyane ku piano, kandi akenshi yicurangira mu bihangano bye. Ndetse, yitabajwe na benshi mu bahanzi bakomeye ku Isi, mu ndirimbo zaciye ibintu hirya no hino ku Isi.

John Legend ni umufatanyabikorwa w'ibikorwa byinshi by'ubugiraneza, cyane cyane bijyanye no guteza imbere uburezi, kurwanya ubukene, no gushyigikira uburenganzira bwa muntu.

Ndetse mu butumwa bwe, yemeza gutaramira i Kigali, yavuze ko igitaramo cye kirenze gutanga ibyishimo, ahubwo harimo no gufasha urubyiruko kubona amahirwe y'akazi no guhanga udushya.

Arenzaho ko Afurika kuva na cyera irajwe ishinga no guteza imbere umuco, ndetse yishimira kugira uruhare mu guha icyerekezo umuziki wa Afurika n'inganda ndangamuco muri rusange. Afite ku isoko ibihangano biryoshye birimo nka “Ordinary People,” “Green Light,” na “Love Me Now.”

John Legend yagiye aririmba mu bitaramo bikomeye ku rwego mpuzamahanga.

1. Live Earth (2007)

John Legend yaririmbye muri iki gitaramo cyabereye i New Jersey, cyateguwe hagamijwe gukangurira abantu kubungabunga ibidukikije. Yari kimwe mu bitaramo bikomeye byahuje abahanzi b'icyubahiro.

2. Super Bowl XLIX Halftime Show (2015)

Nubwo atari umuhanzi nyamukuru w'iki gitaramo, John Legend yaririmbye mu birori byo gufungura umukino, aririmba indirimbo yubahiriza igihugu cya Amerika (National Anthem).

3. Global Citizen Festival (2016 & 2021)

John Legend yitabiriye iki gitaramo kigamije gushyigikira iterambere rirambye, gihuza abahanzi batandukanye. Mu 2021, yaririmbye i New York, ashyigikira ubufatanye mu guhangana n’ingaruka za Covid-19 no kurwanya ubukene.

4. Obama Inaugural Celebration (2009)

Yaririmbye mu birori byo kwizihiza itorwa rya Perezida Barack Obama. Iki gitaramo cyari gikomeye kuko cyahuje abaririmbyi n’abandi bahanzi bakomeye bashyigikiye impinduka muri Amerika.

5. Tribute to Aretha Franklin (2019)

Mu gitaramo cyo guha icyubahiro Aretha Franklin, umwamikazi wa Soul, John Legend yatanze umusanzu ukomeye mu ndirimbo no gucuranga piano, ashimangira umuco n'umurage w'uyu muhanzikazi.

6. BBC Proms in the Park (2018)

Yitabiriye iki gitaramo cyo muri London. Ni kimwe mu bikorwa bikomeye by'umuziki muri Leta Zunze Ubumwe z'u Bwongereza, aho yerekanye impano ye ku rwego rw'abakunzi b'umuziki wa 'Classic' n'uw’imbonekarimwe.

7. Essence Festival (2015)

Essence Festival ni kimwe mu bitaramo bikomeye mu njyana ya R&B na Soul. John Legend yaharirimbiye afasha guhimbaza umuziki w'abirabura no gushyigikira uburenganzira bwabo.

8. Nobel Peace Prize Concert (2006)

Yaririmbye mu birori byo guha icyubahiro abahawe igihembo cy'amahoro cyitiriwe Nobel. John Legend yagaragaje indirimbo zifite ubutumwa bw'amahoro n'ubumwe.

9. Coachella Valley Music and Arts Festival (2017)

Coachella ni kimwe mu bitaramo bikomeye by'umuco n'umuziki muri Amerika. Aha, John Legend yagaragaje umwihariko we mu ndirimbo ziri mu njyana ya Soul na Pop.

10. Verveine Festival – Paris (2014)

Iki gitaramo cyabereye mu Bufaransa cyibanze ku kuzamura urukundo rw'umuziki wa Soul na R&B ku rwego mpuzamahanga, aho Legend yaririmbye indirimbo nka 'All of Me' na 'Ordinary People.'

Uyu muhanzi akunze kugaragara no mu bitaramo bifasha abantu mu bikorwa by'ubugiraneza. Ubwitabire bwe mu bitaramo bikomeye bushimangira ubuhanga n'icyubahiro afite mu ruganda rwa muzika.

Indirimbo 10 za John Legend zakunzwe cyane ku rwego rw'isi:

1. All of Me (2013)

Iyi ni imwe mu ndirimbo zikunzwe cyane z'ibihe byose. Yegukanye ibihembo byinshi kandi yakunzwe mu bukwe n'ahandi hantu hahuza abakundana. Yahariwe umugore we Chrissy Teigen.

2. Ordinary People (2004)

Iyi ndirimbo iri kuri album ye ya mbere Get Lifted yamuzamuriye izina. Iravuga ku mibanire y'abantu n'urukundo rutari rwuzuye ubushobozi bwo kuba ruzira amakemwa.

3. Green Light (2008)

Ni indirimbo ifite umudiho yafatanyije n'umuhanzi Andre 3000. Yagaragaje John Legend mu buryo budasanzwe bw'imyidagaduro.

4. Love Me Now (2016)

Iyi ndirimbo ivuga ku gukunda umuntu nta buryarya kandi nta gutegereza. Yakunzwe cyane mu rukundo ahantu hatandukanye ku isi.

5. You & I (Nobody in the World) (2014)

Ni indirimbo ifite ubutumwa bwimbitse bwo gukunda umuntu uko ari, by’umwihariko mu bijyanye no kongera icyizere ku mubiri no mu mutima.

6. Used to Love U (2004) 

Iri mu bihangano bye bya mbere byagaragaje impano ye ku rwego mpuzamahanga. Ni indirimbo irimo amagambo ashingiye ku rukundo rwashize.

7. Tonight (Best You Ever Had) (2012)

Iyi ndirimbo yahuriyemo na Ludacris, ikaba yarakoreshejwe muri filime 'Think Like a Man'. Yakunzwe cyane mu bitaramo no mu rubyiruko.

8. Save Room (2006)

Ni indirimbo ifite umudiho wa Soul ishimishije kandi ivuga ku rukundo. Yakunzwe cyane ku maradiyo ndetse igaragaza ubuhanga bwe mu gutunganya injyana za Soul na R&B. 

9. Preach (2019)

Iyi ndirimbo ifite ubutumwa bwimbitse bwo guharanira impinduka nziza mu muryango, cyane cyane mu rwego rw'ubutabera n'uburenganzira bwa muntu.

10. So High (2004) 

Ni indirimbo ifite amagambo yoroshye kandi yuje urukundo, ikaba yarakunzwe cyane mu bukwe no mu bihe by'umunezero. 

Izi ndirimbo zigaragaza umwihariko wa John Legend mu njyana za R&B, Soul, n'izo gukundwa cyane zishingiye ku rukundo.

Kanda hano ubashe kugura itike yo kwinjira mu gitaramo cya John Legend i Kigali

Amafoto ya John Legend mu bihe bitandukanye by’ubuzima bwe

KANDA HANO UBASHE KUREBA BIMWE MU BIHANGANO BYA JOHN LEGEND

“>

Ni igikorwa cyabaye ku wa 17 Ukoboza 2024, ku cyicaro gikuru cya RIB, Kimihurura.

Mu gikorwa cyo gushakisha izi telefoni z'amoko atandukanye, RIB yafashe abantu bane bakekwaho kugira uruhare mu iyibwa ryazo harimo n'umugabo w'imyaka 70 y'amavuko wari ufite itsinda bakoranaga aho yajyaga mu maduka akajijisha abacuruzi, bagenzi be bakaza kwiba telefoni zabo. Ni mu gihe abandi bagishakishwa.

Aba bose bakurikiranweho icyaha cy'ubujura.

Umuvugizi wa RIB, Dr. Murangira B. Thierry, yavuze ko abantu bakwiye gushishoza, cyane cyane abagura telephone zakoze kuko hari igihe ziba zibwe.

Yagize ati 'Ubu twafashe telefoni 280, ubushize zari 190 na mbere yaho zari nk'izo, abantu bari bakwiye kugira amacyenga bakabika telefoni zabo neza tugahugira mu kurwanya ibindi byaha.'

Yagarutse kandi ku mayeri akoreshwa n'aba bajura biba amatelefoni, ashimangira ko buri wese akwiye kugira amakenga mu buryo bwose kuko umujura atagira uko asa kandi ashobora kuba uwo ari we wese.

Zimwe muri izi telefoni zagiye zibwa mu bukwe n'abajura bambaye neza, izindi zibirwa mu nsengero aho abenshi baba batekereza ko uhinjiye aba atunganye n'ahantu habera inama n'ibindi.

Dr. Murangira B. Thierry yasoje aburira abantu, abasaba gushishoza no kugira amakenga cyane cyane mu bihe by'iminsi mikuru, bakanezerwa ariko bakumira kandi birinda ibyaha.

Mu gikorwa cyo gushakisha izi telefoni z'amoko atandukanye, RIB, yataye muri yombi bane bakekwaho ubujura

Urwego rw'Igihugu rw'Ubugenzacyaha (RIB), rwakoze igikorwa cyo gusubiza telefoni zari zibwe

RIB yasubije n’amafaranga yari yibwe

Umuvugizi wa RIB, Dr. Murangira B. Thierry, yavuze ko abantu bakwiye kuba maso

Aba ni bamwe mu baturage bari bahamagajwe ngo basubizwe telefoni zabo zari zaribwe

Amafoto: Nzayisingiza Fidel

U Rwanda ruri mu bihugu bike bifite ubukungu butera imbere ku muvuduko wo hejuru, hakiyongeraho iterambere ry'inganda zirimo n'izikomeye zamaze gushinga imizi mu rw'imisozi igihumbi.

Ibi bituma hakenerwa amashanyarazi afite ingufu ku buryo inganda zibasha gutunganya imirimo yazo n'ibindi bikorwa bigakomeza ku muvuduko wifuzwa.

Umuyobozi w'Inama y'Ubutegetsi y'Ikigo Gishinzwe Ingufu za Atomike mu Rwanda (RAEB), akaba Umujyanama mu by'ingufu ndetse n'umunyamuryango w'akanama gashinzwe ingamba na gahunda muri Perezidansi ya Repubulika, Dr. Lassina Zerbo yagaragaje ko u Rwanda na Afurika bikeneye ingufu zihutisha iterambere ry'ubukungu n'imibereho myiza.

Ati 'Tuvuga amashanyarazi ariko hano icyo dukeneye cyane ni ingufu zihutisha iterambere ry'ubukungu n'imibereho myiza muri iki gihugu kandi ni byo Perezida Kagame yifuriza u Rwanda n'umugabane ku buryo u Rwanda rwaba icyitegererezo kuri iyi ngingo ku Mugabane wa Afurika.'

Dr. Zerbo yahamije ko igihugu kidafite amashanyarazi bisobanuye ko nta nganda zahaboneka, n'iterambere rikarushaho kudindira.

Ati 'Urebye ibigo by'ubucuruzi biri kuza gushora imari mu Rwanda uyu munsi bikenera ingufu z'amashanyarazi. Nta mashanyarazi nta nganda. Mu gihe ingufu zose mukoresha mu Rwanda ari iz'amashanyarazi, ntabwo haboneka ubushobozi bwo guha ingufu inganda. Tuzi ko mu myaka myinshi yashize hari sosiyete yashatse gushinga uruganda rw'ibirahuri kuko hano mufite ibikoresho by'ibanze ariko ntihari hari ingufu zo kuruhaza.'

Yongeyeho ati 'Icyo mukeneye ubu ni ukugira ikoranabuhanga rizana ikoreshwa ry'ingufu za nucléaire mu buryo butekanye ku bihugu byacu ku buryo byakorwa neza mu bihugu byacu.'

Minisitiri w'Ibikorwa remezo, Dr. Gasore Jimmy, yagaragaje ko mu biganiro by'iminsi ibiri barimo baganiriye ku hashobora kuva ishoramari ryatuma ingufu za nucléaire zibyazwa umusaruro mu bihugu bya Afurika.

Ati 'Twaganiriye ku mbogamizi zituma ibigo by'imari bititabira gutera inkunga imishinga y'ingufu za nucléaire, ese nk'Abanyafurika twakora iki ngo izo mbogamizi ziveho, cyane cyane ko ingufu za nucléaire ari ingufu zisukuye zidahumanya ikirere?”

Yongeyeho ati “Muri iki gihe rero turi kureba n'ihindagurika ry'ibihe, [izi ngunfu za nucléaire] zizadufasha cyane kubera ko mu myaka 25 iri imbere tuzaba dukeneye umuriro urenze inshuro 10 uwo dufite uyu munsi kandi tuzi imigezi dufite, tuzi ahandi twavana umuriro ko hadahagije ngo tubone uwo muriro, tukabona ko rero ingufu za nucléaire ari zimwe mu zizadufasha kwihaza mu ngufu mu myaka iri imbere.'

Yashimangiye ko igihugu cyifuza kuzaba gifite amashanyarazi akomoka ku ngufu za nucléaire mu myaka 10 iri imbere ariko byose bikajyana n'iterambere ry'ikoranabuhanga.

Ati 'Twifuza ko twaba tuzifite no mu myaka itarenze 10 iri imbere, ni yo ntego ariko harimo ibindi abantu bareba, ikoranabuhanga rigeze he? Kuko nk'inganda za nucléaire tubona zikwiriye igihugu ni inganda ntoya (small and medium reactor) hari izamaze kugera ku isoko mu rwego rw'ubucuruzi hari n'izikiri mu bushakashatsi ku buryo utakwizera ngo zizaba zabonetse ariko intego ni iy'uko mu myaka 10 iri imbere twaba tuzifite.'

Inganda zitunganya amashanyarazi akomoka ku ngufu za nucléaire zikora mu bihugu 32, zigatanga amashanyarazi arenga 10% by'amashanyarazi yose atunganywa mu Isi.

Nka Afurika y'Epfo itunganya amashanyarazi akomoka ku ngufu za nucléaire angana na gigawatt 8.154 mu isaha (GWh), Koreya y'Epfo itunganya 171.640 GWh, na ho Amerika itunganya 779.186 GWh kandi izi ngufu ziri mu byabafashije kwihuta mu iterambere.

Bamugaragarije ibiri gukorwa ngo Afurika ibashe kwihaza mu ngufu zizafasha mu iterambere ryihuse

Minisitiri w’Intebe Dr Ngirente yagaragarije abahanga mu by’ingufu za nucléaire ibyo Rwanda ruzikeneyeho

Dr Lassina Zerbo yagaragaje ko u Rwanda rukeneye ingufu zikomeye zituma inganda zikora ku bwinshi

Minisitiri Dr Jimmy Gasore yavuze ko ingufu za nucléaire zizafasha u Rwanda kubona amashanyarazi ruzakenera mu myaka 25 iri imbere

Minisitiri w’Intebe Dr Ngirente aganira na Dr. Lassina Zerbo

Amafoto: Kwizera Herve

RURA yatangaje ko guhera ku wa 23-24 Ukuboza 2024 no kuva ku wa 30-31 Ukuboza 2024, abagenzi bazajya bategera imodoka mu bice bitandukanye byateganyijwe byiyongera kuri gare ya Nyabugogo.

Nk'abakoresha umuhora w'Amajyepfo mu turere twa Kamonyi, Muhanga, Ruhango, Nyanza, Huye, Nyamasheke, Karongi, Ngororero, Gisagara, Rusizi, Rutsiro na Nyaruguru, bazategera imodoka i Nyamirambo kuri Pele Stadium.

Abakoresha umuhora w'Iburasirazuba bajya i Rwamagana, Kayonza, Gatsibo, Nyagatare, Ngoma na Kirehe bazategera imodoka muri Gare ya Kabuga.

Ni mu gihe abakoresha umuhora w'Amajyaruguru, mu turere twa Gicumbi, abajya i Nyagatare banyuze Gicumbi, Rulindo, Musanze, Rubavu, Burera, Gakenke na Nyabihu bazategera imodoka muri Gare ya Nyabugogo.

Mu itangazo RURA yashyize hanze yakomeje igira iti 'Abagenzi bajya i Bugesera, bazategera muri Gare ya Nyanza ya Kicukiro. Abateganya gukora ingendo baragirwa inama yo gutegura ingendo zabo bagura amatike hakiri kare, mu rwego rwo kwirinda umuvundo.'

Uru rwego rwakomeje ruvuga ko abakozi barwo ab'Umujyi wa Kigali, n'izindi nzego bireba bazaba bahari mu rwego rwo gufasha abagenzi gukora ingendo zabo.

Rusaba abakora ingendo muri ibi bihe by'iminsi mikuru kwihanganira imbogamizi bashobora guhura nazo.

RURA yashyizeho uburyo bushya buzafasha abagenzi kugabanya umuvundo mu minsi isoza umwaka

Nyuma, uru rwego rwakomeje gukora iperereza, ruza kumenya ko hari abandi bantu babiri bari gushaka gukora ihererekanya ry'ubutaka ariko mu by'ukuri butari ubwabo, bahita bafatirwa mu cyuho.

Kuri uyu wa Kabiri tariki ya 17 Ukuboza 2024, RIB, yerekanye abo babiri bafashwe, inerekana n'abandi babiri barimo umwe wibye amafaranga umukoresha we n'umufatanyacyaha we ndetse n'abandi bane bakekwaho ubujura bwa telefoni.

Muri aba bakekwaho gushaka kugurisha ubutaka butari ubwabo, harimo umugabo w'imyaka 54 y'amavuko n'undi mugore wavugaga ko ari umugore we.

Ubutaka bwari bugiye kugurishwa ni ubw'uwo mugabo afatanyije n'umugore we w'isezerano uba hanze y'u Rwanda.

Nyuma yo kubona ko atari kubasha kugurisha umutungo asangiye n'umugore we, yahise azana undi mugore bafata indangamuntu y'umugore we w'isezerano bahindura ifoto, hanyuma bashyiraho iy'uyu wamwiyitiriye kugira ngo babashe kugurisha ubutaka.

RIB yamenye iby'aya makuru nyuma y'aho uwari ugiye kugura ubu butaka yagize amakenya akayiyambaza, ariko abikora hari amafaranga yamaze gutanga.

Yari yaciwe miliyoni 24 Frw, hakaba haragarujwe miliyoni 9,8 Frw.

Bombi bakurikiranyweho ibyaha bitatu birimo gukoresha inyandiko mpimbano, gukoresha umutungo w'urugo mu buryo bw'uburiganya no kwihesha ikintu cy'undi hakoreshejwe uburiganya.

Umuvugizi w'Urwego rw'Igihugu rw'Ubugenzacyaha (RIB), Dr. Murangira B. Thierry, yavuze ko ba noteri bakwiye kujya bagira amakenga mu gihe cyose bagiye gukora akazi bashinzwe kuko akenshi usanga harimo uburiganya bukabije.

Ati 'Harimo amanyanga menshi aho nk'aha Kayirebwa yiyise umugore wa Kayiranga kandi ari ibinyoma, ahubwo baciye inyuma umugore w'isezerano kugira ngo bagurishe ubutaka. Ni ukwitonda aho bagize ikibazo bagasubira inyuma bakabanza bakagenzura ibyangombwa cyane iby'abagurisha,”

'Abagura nabo turabasaba kujya babanza gushishoza mbere yo kugura. Amafaranga aravuna ntabwo yari akwiriye kujya agenda gutyo. Uba ugomba kuyatanga ku kintu nawe ubwawe ubona ko kizakugirira akamaro.'

Mu bakekwaho gukora ibyaha bitandukanye bamurikiwe itangazamakuru, harimo n'undi mugore wari ufite umukoresha w'umunyamahanga, akaza kumwiba ibihumbi bine by'amadorali ya Amerika [5,572,440 Frw] n'Ama-Rupee y'u Buhinde ibihumbi 3,3, amwe muri yo ajya kuyahisha ku mugabo babana ariko batasezeranye.

Nyuma yo kuyiba, yahise ashyira uyu mugabo ibihumbi 2,9$ andi arayagumana, yose agaruzwa na RIB.

Nyiri mafaranga yavuze ko ngo yari ayafite mu ikofi yibagirwa gusiga afunze icyumba umukozi we aba ari ho ayakura.

Akimara kuyiba, uyu mugabo yahaye make muri yo yamugiriye inama yo guhunga akajya iwabo muri Ngoma aba ari naho aza gufatirwa.

Umuvugizi wa RIB, Dr. Murangira B. Thierry, yavuze ko kubika amafaranga menshi mu rugo bidakwiye kuko ari byo bikurura ibibazo byinshi, agira inama abantu yo kwiyambaza amabanki cyangwa ubundi buryo butari ukuyagumana mu rugo.

Ati 'Tugira za banki, ni byiza ko amafaranga yacu aba ari ho tuyabika kugira ngo twirinde ibyago byinshi byo kuyiba. Kuyabika ahantu agaragarira buri wese ni no gushyira ibishuko ku muntu runaka n'ubwo kugushyira amafaranga imbere bitavuze kuyiba.'

Aba bombi nabo bakurikiranyweho icyaha cyo kwiba ndetse n'icyo guhisha ibintu bikomoka ku cyaha.

Hanagaragajwe bane bakekwaho ubujura bwa telefoni bakoresha amayeri atandukanye. RIB kandi yasubije telefoni 280 zibwe n'abantu batandukanye barimo n'abagishakishwa. Izi zasubijwe ba nyirazo zifite agaciro ka miliyoni 62.5 Frw.

Uyu mugabo w'imyaka 54 y'amavuko [iburyo] n’uyu mugore wari wigize umugore we [ibumoso] batawe muri yombi na RIB

Uyu mugore [ibumoso] wari ufite umukoresha w'umunyamahanga, yamwibye ibihumbi bine by'amadorali ya Amerika [5,572,440 Frw], amwe muri yo ayabitsa umugabo babanaga

Muri aba bakekwaho ubujura bwa telefoni, harimo umugabo w’imyaka 70 wajyaga ajijisha abacuruzi mu maduka bagenzi be bakiba telefoni zabo

Umuvugizi w'Urwego rw'Igihugu rw'Ubugenzacyaha (RIB), Dr. Murangira B. Thierry, yavuze ko ba noteri bakwiye kujya bagira amakenga mu gihe cyose bagiye gukora akazi bashinzwe

Umuvugizi w'Urwego rw'Igihugu rw'Ubugenzacyaha (RIB), Dr. Murangira B. Thierry, yavuze ko kubika amafaranga menshi mu rugo bidakwiye kuko ari byo bikurura ibibazo byinshi

Amwe mu mafaranga yari yibwe yasubijwe ba nyirayo

RIB yasubije telefoni 280 zibwe n'abantu batandukanye zifite agaciro ka miliyoni 62.5 Frw

Ubwo RIB yamurikiraga itangazamakuru abakekwaho ibyaha bitandukanye, yari yahamagaje ba nyiri telefoni zibwe ngo bazisubizwe

Amafoto: Nzayisingiza Fidel

Iyo uganiriye na Musenyeri Laurent Mbanda usanzwe ari Arikiyepisikopi w'Itorero Angilikani ry'u Rwanda akumvisha neza iyi ngingo yifashishije ubuzima butoroshye yanyuzemo mu bwana bwe, ariko ubu akaba umwe mu bantu bavuga rikumvikana mu Rwanda no mu Isi muri rusange.

Ku myaka itanu yari impunzi mu Burundi ku bw'amateka mabi yaranze u Rwanda aho Abatutsi bameneshwaga bagatwikirwa ndetse bakanicwa mu 1959.

Musenyeri Mbanda wavutse mu 1954 yari muto cyane, ariko akarangwa n'umurava, imirimo ye yose akayiragiza Imana na yo iramwiyereka mu nzira zigoye yanyuzemo.

Yigeza kuva i Burundi ajya muri Kenya gushaka amaramuko, urugendo rwamutwaye amezi atandatu ariko ku bwo gusenga ntiyacika intege, biramuhira akura mu myaka no mu iterambere, ku buryo mu 1994 ubwo Jenoside yakorewe Abatutsi yari irimbanyije yari ayoboye Umuryango wa Compassion Internationale, yifashishije mu gutabara Abanyarwanda.

Mu 1969 nibwo yafashe umwanzuro wo kwakira Yesu nk'Umukiza. Nubwo yamaze imyaka itari mike mu guteza imbere imiryango itari iya leta, nk'imyaka 19 yamaze muri Compassion Internationale, yari yaragiye mu byo kwiha Imana kare.

Mu kiganiro The Long Form, Musenyeri Mbanda yavuze ko yahawe ubupasiteri mu Itorero Angilikani mu 1988, mu 1989 agirwa umudiyakoni, nyuma bijyanye n'imirimo iteza imbere itorero yakoze mu Burundi, byatumye agirwa umwe mu bahagarariye Itorero Angilikani muri Amerika y'Amajyaruguru.

Ati 'Nubwo nakoze muri iyo miryango nari nsanzwe ndi pasiteri nkora imirimo itandukanye yo guteza imbere umurimo w'Imana.'

Bijyanye n'uko babaga mu mahanga kubera imirimo yari afite, mu 2003 Musenyeri Mbanda n'umuryango we baje mu Rwanda gutembera barahakunda, bituma afata icyemezo cyo gusezera muri Compassion Internationale yarimo nk'umuyobozi, akaza kuba mu Rwanda.

Ku bwo kwanga kumurekura burundu bongeye kumuha akazi muri Kenya hafi y'u Rwanda agira uruhare mu mavugurura y'uwo muryango ku Isi yose.

Musenyeri Laurent Mbanda ni umwe mu bakoze uko bashoboye ngo Itorero Angilikani ry’u Rwanda rishinge imizi

Mu gukomeza guharanira iterambere ry'u Rwanda, Musenyeri Mbanda yagize uruhare mu bushakashatsi bwarebaga ahashyirwa icyicaro cya Compassion Internationale muri Afurika, Mbanda aharanira ko babona u Rwanda nk'ahantu ha mbere.

Ati 'Byarakunze gishyirwa mu Rwanda, duhita dutura mu nzu ya Tele10 ahari inyubako igezweho. Nakoze imyaka itanu nk'Umuyobozi wa Compassion Internationale muri Afurika mfite inshingano zo kuyizamura kuri uyu Mugabane.'

Byarakunze, uwo muryango arawagura koko, ari bwo yafunguye amashami muri Ghana, Togo, Burkina Faso n'ahandi henshi.

Byageze mu 2010 umwe mu bantu aza kumusaba ko yava mu byo yarimo, akemera gukora umurimo w'Imana nk'akazi ke ka buri munsi nta kindi abibangikanya.

Wari umwanzuro ukomeye kwakira bijyanye n'uko kazi yarimo ari ko kari kamutungiye umuryango, bivuze ko kugasiga agakora umurimo w'Imana nta kindi kimwinjiriza akibangikanya na wo byari ibintu bikomeye.

Ati 'Byari ibihe bigoye kuko nari mfite abana babiri bigaga muri Amerika. Nawe uzi uburyo bihenda kwigisha umwana muri kaminuza yo muri Amerika, mfite undi mu Budage ngomba kubishyurira bose.'

Icyo gihe byabatwaraga byibuze ibihumbi 100$ ku mwaka, kugira ngo abana babone ibyangombwa nkenerwa by'ibanze nk'amafaranga y'ishuri.

Musenyeri Mbanda yibutse ubuzima yakuriyemo yibutsa umugore we uko kera Imana yigaragaje mu bihe bikomeye barimo ndetse amwizera ko izanigaragaza mu gihe yaretse akazi.

Ntibyatinze akazi yarakaretse yemera umuhamagaro, atorerwa kuyobora Diyoseze ya Shyira mu Itorero Angilikani.

Ati 'Ntangira gutekereza abana n'ibindi ariko hari ikintu kimwe cyanyeretse ko wari umugambi w'Imana. Icyo gihe nari mfite inzu i Nyarutarama mu Mujyi wa Kigali […] tubona Ambasade y'u Buyapani mu Rwanda ije kuyikodesha. Bayikodesheje imyaka 15. Iyo yari impano y'Imana ku muryango.'

Ubwo umuryango we wahise ujya kuri Shyira aho yari yatorewe kuyobora, akagaragaza ko ari na bwo yabonye amahirwe yo kwitekerezaho bikomeye, akava mu myanya yari ikomeye agacishwa bugufi kugira ngo agire icyo akora ku murimo w'Imana.

East African Christian College yashinzwe n’Itorero Angilikani ry’u Rwanda ikomeje gufasha u Rwanda mu kwimakaza ireme ry’uburezi

Yahakoze umurimo ukomeye, atangiza gahunda yo gufasha abana bakiri bato, hashyirwaho ibigo bibitaho bigera kuri 200, hubakwa ishuri rikuru ry'imyuga rya Hanika Anglican Integrated Polytechnic, imwe mu zikomeye mu Rwanda, hubakwa inzu yakira abacumbika, inzu y'ubucuruzi n'ibindi.

Ati 'Imana yaradufashije gutera imbere cyane turakura ku buryo numvise ko cyari igihe aho nagombaga kujya mu za bukuru mbere y'umwaka n'amezi ane kuko twari tumaze kubona uzansimbura kuri Shyira.'

Icyo gihe Musenyeri Mbanda yari n'Umuyobozi Mukuru Wungirije w'Inama y'Ubutegetsi ya Compassion Internationale, bongera kumuha akazi, biba ngombwa ko na none yagombaga gusubira muri Amerika.

Kuko yari yaramaze kubona uzamusimbura i Shyira yiteguye gusubira muri Amerika, yagurishije ibye byose yiteguye kugenda, ariko yongera kwitaba telefone imuha akazi.

Abamuhamagaye bamubwiye ko Itorero Angilikani mu Rwanda rigiye gukenera Arikiyepisikopi, ariko yakwibuka ko yari yamaze kugurisha ibye byose bikamushobera.

Icyo gihe hari mu 2017. Ku bw'umutima wo gukorera Imana no kutikomeza mu biganiro, mu 2018 yatorewe kuba Arikiyepisikopi w'Itorero Angilikani ry'u Rwanda, imirimo yagombaga gukora umwaka n'igice, ariko nyuma Inama y'abasenyeri imwongerera imyaka itanu, bongera kuyongeza aho agomba gusoza mu 2026.

Ati 'Ni ibintu ntigeze mparanira byumvikane neza ndetse sinanabisabye. Nshimira Imana uburyo yaciye inzira, ikamfasha gukora, mbese mu kazi nabonye Imana.'

Mu byo bakoze kandi harimo no gutangiza East African Christian College mu 2021 nyuma yo kwemezwa n'Inama y'Abaminisitiri yateranye mu 2020, ifite icyicaro i Masaka mu Karere ka Kicukiro.

Uyu munsi ifite abanyeshuri 1700, biga mu mashami ane arimo, Uburezi, Iyobokamana, Ubuvuzi n'Ubucuruzi.

Musenyeri Mbanda agaragaza ko hanubatswe ibikorwaremezo bitandukanye bifasha Itorero Angilikani ry'u Rwanda gukora umurimo w'Imana.

Bateje imbere gahunda y'ingo mbobezamikurire aho mu gihugu hose, bafite izirenga 600 buri rumwe rurererwamo abari hagati ya 70 na 100.

Ati 'Ibintu nasabye Imana ibyo nagizemo uruhare ruto nkabikorera mu gihugu, nkabibona nkabikoraho aho kuba raporo nagombaga guhabwa ndi mu bushorishori bwa ya miryango itari iya leta, narabibonye biba kandi mbishimira Imana kuba yarabinyemereye.'

Anagaragaza ko uyu munsi urubyiruko rw'u Rwanda ruri guhura n'imbogamizi zitandukanye zituma rutagera ku ntego rwihaye.

Zirimo iz'ubuzima bwo mu mutwe butameze neza, kwigana imico y'abanyamahanga, ikoranabuhanga, kutubaka umubano uhamye n'ibindi, ariko akavuga ko Ijambo ry'Imana ari cyo gisubizo cy'izo mbogamizi zose, bikajyana n'indangagaciro za Kinyarwanda.

Kaminuza y'Itorero Angilikani ry'u Rwanda ya Hanika Anglican Integrated Polytechnic, iherereye i Hanika mu Karere ka Nyanza ni imwe mu zikomeje guteza imbere ubumenyingiro mu Rwanda

Musenyeri Laurent Mbanda ayoboye Itorero Angilikani ry’u Rwanda kugeza mu 2026

U Rwanda ni kimwe mu bihugu bihanze amaso ikoreshwa ry'ingufu za nucléaire mu nzira zigamije amahoro, ndetse kuva mu 2019 rwasinye amasezerano n'u Burusiya yo kubaka mu Rwanda Ikigo cy'Ubushakashatsi ku ikoreshwa ry'ingufu za nucléaire.

Inganda zitunganya amashanyarazi akomoka ku ngufu za nucléaire zikora mu bihugu 32, zigatanga amashanyarazi arenga 10% cy'amashanyarazi yose atunganywa mu Isi.

Nka Afurika y'Epfo itunganya amashanyarazi akomoka ku ngufu za nucléaire angana na gigawatt 8.154 mu isaha (GWh), Koreya y'Epfo itunganya 171.640 GWh, na ho Amerika itunganya 779.186 GWh.

Kuri uyu wa 16 Ukuboza 2024 ubwo u Rwanda rwaganiraga n'inzobere mu byo kubyaza amashanyarazi ingufu za nucléaire, Minisitiri Dr. Jimmy Gasore yagaragaje ko ibihugu byateye imbere byinshi byanyuze inzira yo gukoresha izi ngufu.

Yashimangiye ko ibiganiro hagati y'u Rwanda n'u Burusiya bigikomeje ariko ibyo gutunganya ingufu za nucléaire bisaba kubyitondera.

Ati 'Umushinga warakomeje turaganira ariko ingufu za nucléaire bisaba ko igihugu kibigendamo cyitonze, cyane ko biba ari ubwa mbere tubigiyemo nk'igihugu. Imishinga irakomeje, tukizera ko igihe nikigera tuzafata icyemezo tukaba twatangira gushyira mu bikorwa iyo mishinga.'

Yagaragaje ko mbere y'uko u Rwanda rugera ku ntambwe yo kubaka uruganda rw'amashanyarazi ya nucléaire, ari ngombwa kubanza kuganira n'abandi bafite izo nganda tukamenya ubunararibonye bwabyo, ibyo bize, 'amasomo bavanyemo n'uburyo twakwitwararika.'

Dr. Gasore yasobanuye ko imishinga y'ingufu za nucléaire ari iy'igihe kirekire.

Ati 'Ntabwo ari mu gihe cya vuba ni mu gihe kiringaniye kenshi kiba kirenze imyaka itanu] Iyo wubatse uruganda ruba ruzamara nk'imyaka 60. Iyo urebye rero kurushyira mu bikorwa bifata hagati y'imyaka itanu na 10. Ni ibintu abantu bagendamo bitonze kubera ko murabizi ko iyo habaye impanuka ziza ziremereye ariko bifite n'amategeko n'amabwiriza mpuzamahanga akaze bigomba gukurikiza ku buryo kubyihutisha cyane bisa nk'aho bidakunda.'

Ambasaderi w'u Burusiya mu Rwanda, Alexander Polyakov, muri Kanama yatangaje ko inzobere zo mu Kigo cy'u Burusiya gishinzwe Ingufu, Rosatom, zizagera mu Rwanda zigaragaze mu buryo burambuye uko imishinga ikubiye mu masezerano yashyirwa mu bikorwa.

Ingufu za Nucléaire zishobora kwifashishwa mu bintu byinshi nko mu gutanga amashanyarazi, mu buvuzi cyane ubw'indwara zikomeye nka kanseri kuko imirasire yazo ari yo yifashishwa mu kuyishiririza, mu bijyanye n'umutekano kuko nko mu byuma bisaka ari zo zikoreshwa cyangwa se mu gukora intwaro.

Kugira ngo ingufu za nucléaire zitange amashanyarazi, hakoreshwa ubutare bwa Uranium. Ni ubutare ubusanzwe bunakoreshwa mu ikorwa ry'intwaro za kirimbuzi ari na yo mpamvu ahanini iyo umuntu yumvise ingufu za nucléaire abanza gutekereza ko zaba zigamije gukora intwaro.

Minisitiri Dr Jimmy Gasore yagaragaje ko kubaka uruganda rw’amashanyarazi akomoka ku ngufu za nucléaire bisaba kwitonda

Byatangajwe kuri uyu wa Kabiri tariki 16 Ukuboza 2024 n'umuryango Global Citizen usanzwe utegura ibi bitaramo hirya no hino ku Isi.

Ni ku nshuro ya Kabiri ibi bitaramo bigiye kubera mu Rwanda. Byaherukaga kubera i Kigali mu 2023, nyuma y'aho byakomereje mu gihugu cya Ghana.

Ibi bitaramo bitumira cyane abahanzi bamamaye mu bihangano binyuranye, kandi basanzwe banakora ibikorwa by'urukundo 

Global Citizen yatangaje ko mu 2025, ibi bitaramo bizagera cyane mu bihugu byo mu Burasirazuba bw'Afurika ndetse no mu Burengerazuba, aho bizabera mu Rwanda nyuma bikomereze muri Nigeria.

Bagaragaza ko John Legend azataramira i Kigali muri BK Arena, ku wa 21 Gashyantare 2025, akomereze mu Mujyi wa Lagos, ku wa 25 Gashyantare 2025.

Uyu mugabo yamamaye cyane binyuze mu ndirimbo ze ziri kuri Album nka: Get Lifted (2004), Once Again (2006), Evolver (2008), Wake Up! (with the Roots) (2010), Love in the Future (2013), Darkness and Light (2016), A Legendary Christmas (2018), Bigger Love (2020) Legend (2022) ndetse na My Favorite Dream (2024). 

Mu butumwa bwe, John Legend yagaragaje ko yishimiye kuba agie gutaramira i Kigali mu Rwanda, ndetse na Lagos muri Nigeria. Yavuze ko iki gitaramo kirenze gutaramira abantu, ahubwo “Ni urubuga rwo guhanga imirimo, amahirwe y’akazi, no gushyigikira urubyiruko, binyuze mu guteza imbere Inganda Ndangamuco.” 

Yavuze ko Afurika ari umugabane ukomeye ku muco kandi “Nishimye kuba umwe mu bagira uruhare mu kugena ahazaza h’umuziki wa Afurika.”

Mu 2023, ibi bitaramo byaririmbyemo umuraperi w'umunyamerika Kendrick Lamar. Icyo gihe mu ijambo rye, Perezida Kagame yavuze ko ibitaramo bya Move Afrika mu Kuboza 2023 byasize urwibutso rudasaza, bishimangirwa n'igitaramo umuraperi ukomeye ku Isi, Kendrick Lamar yakoreye i Kigali mu Rwanda ku bufatanye na Global Citizen.

Umukuru w'Igihugu, yavuze ko Kendrick Lamar yisunze ubuhanga bwe n'umuziki yasigiye abanya-Kigali n'abandi ibyishimo by'urwibutso.

Yanashimye Kendrick Lamar ku bwo kwifatanya n'abahanzi barimo Zuchu, Bruce Melodie, DJ TOXXYK, Sherrie Silver, Ariel Wayz, Kivumbi King ndetse na Bruce The 1st

Akomeza ati 'Twishimiye ko yafashe umwanya wo kwifatanya n'abahanzi baho. Afurika ifite impano. Kenshi na kenshi, icyo babuze ni inama hamwe n’inkunga.' 

Move Afrika ni umushinga ugizwe n'ubukangurambaga buyobowe n’abaturage bugamije gukangurira abayobozi gufata ingamba ku bibazo bikomeye bikigaragara ku Mugabane wa Afurika. Bimwe mu bibazo by’ingenzi birimo:

Kongera inkunga mu kigega cyita ku buzima, hibandwa cyane cyane ku bagore n'abakobwa, gukemura ikibazo cyo kwangiza ibidukikije n’ingaruka zabyo ku kwihaza mu biribwa, gukemura ikibazo cyo kutabona amahirwe y’ubukungu ku bisekuruza bizaza no gushishikariza abaturage kugira uruhare mu bibakorerwa.

Move Africa yubakiye ku bukangurambaga n'ibikorwa bya Global Citizen byayibanjirije ku Mugabane wa Afurika birimo: Global Citizen: Mandela 100, yazanye Beyoncé, Jay-Z, Ed Sheeran, Usher, Eddie Vedder na Chris Martin wo muri Coldplay i Johannesburg, South Africa mu 2018; Global Citizen Live: Lagos yagaragayemo Davido, Femi Kuti, na Tiwa Savage muri Fela Kuti's New Africa Shrine mu 2021 n’Iserukiramuco Global Citizen Festival: Accra, ryazanye Usher, SZA, Stormzy, na TEMS muri Black Star Square mu 2022.

Buri mwaka, ibindi bihugu bizajya byiyongera ku ngengabihe y'aho Move Afrika izajya ibera, hagamijwe kwagura ibikorwa bikagera mu bihugu bitanu bitarenze umwaka wa 2025. 

Mu kugeza ubunararibonye budasanzwe ku bafana n'abahanzi, Move Afrika izashyiraho ibikorwa bishya by'imyidagaduro bigera ahantu hatandukanye, yongere abahanzi mpuzamahanga n'abo mu karere bashaka kuzenguruka mu bihugu bitandukanye byo mu karere, kandi hubakwe ubushobozi mu mijyi itandukanye yo ku Mugabane wa Afurika aho ibi bitaramo bizajya bibera. 

John Legend wamamaye mu ndirimbo nka ‘All of Me’ agiye gutaramira i Kigali ku nshuro ye ya mbere 

John Legend yataramanye igihe kinini n’abarimo Jay-Z, Alicia Keys n’abandi 

Legend ni umucuranzi wa Piano, umuhanga mu myandikire y’indirimbo n’ibindi, kandi yegukanye ibihembo bikomeye mu muziki

John Legend yatwaye ibihembo bikomeye ku Isi, ndetse yanyuze imitima y’ibihumbi by’abantu yagiye ataramira mu bihe bitandukanye

John Legend azataramira i Kigali ku wa 21 Gashyantare 2025, muri BK Arena, akomereze mu Mujyi wa Lagos muri Nigeria, ku wa 25 Gashyantare 2025 

KANDA HANO UREBE AMASHUSHO Y’INDIRIMBO ‘YOU DESERVE IT ALL’ YA JOHN LEGEND

“>

KANDA HANO UREBE AMASHUSHO Y’INDIRIMBO ‘ALL OF ME’ YA JOHN LEGEND

“>

Ubu bushakashatsi bwakozwe hifashishijwe ikoranabuhanga ripima ikirere n'ubutaka bwakorewe mu Karere ka Musanze mu mirima y'abaturage bibumbiye muri koperative Twizamure Cyuve, butanga umusaruro ku kigero kirenga 75% kandi Kaminuza iteganya gukomeza gufasha abahinzi kongera umusaruro ku buryo ibi bipimo buzagera kuri 90%.

Umwarimu akaba n'umushakashatsi wo muri Kaminuza y'u Rwanda, Dr. Martin Kuradusenge wari ukuriye itsinda ryakoze ubu bushakashatsi, yavuze ko ubu bushakashatsi buzafasha abahinzi kumenya amakuru nyayo ku bihingwa byabo, bityo bijye bibafasha kumenya n'ingano y'umusaruro uzaboneka.

Yagize ati “Twaje kugaragaza ibyavuye mu bushakashatsi tumaze imyaku itatu dukora ku bijyanye n'iteganyamusaruro dukoresheje ikoranabuhanga ripima uko ikirere giteye, ni ukuvuga ubushyuhe cyangwa ubukonje bwo mu kirere no mu butaka ku buryo umuhinzi ashobora kumenya uko umusaruro uzaba ungana mu gihembwe cy'ihinga, akaba yafata ingamba hakiri kare n'inzego z'ibanze zikabafasha kuko iyo umusaruro wagenze nabi niho haba hari ikibazo cyo kwitabwaho.”

Yakomeje avuga ko ubu bushakashatsi buzakomeza gukorwa kugira ngo amakuru butanga azabe yizewe ku gipimo kisumbuyeho.

Ati “Ntabwo byahura 100% kuko ni iteganyamusaruro ariko iyo ubushakashatsi butanze amakuru ari hejuru ya 70% buba bwaragenze neza, rero ibyo ikoranabuhanga ryatweretse na wa musaruro nyakuri watangaga amakuru ari hejuru ya 75% n'ubwo imibare ya buri gihembwe itanganaga, uko imyaka igenda ishira niko tugenda tuvugurura bitewe n'amakuru twabonye bikazagera hejuru ya 90% kuko ariyo ntego yacu.”

Umuyobozi wa Koperative Twizamure Cyuve, Uwamahoro Therese, we avuga ko ubu bushakashatsi buzababera igisubizo kuko bigiye kujya bahinga neza bashingiye ku makuru imirima yabo iri gutanga bikazabafasha kutongera kugwa mu bihombo.

Ati “Dufite amahirwe kuba dukorana n'abashakashatsi bo muri Kaminuza y'u Rwanda, bizadufasha kumenya amakuru y'ibihembwe by'izuba cyangwa imvura tumenye igihingwa tuzahinga kugira ngo umusaruro wacu wiyongere tugabanye ibihombo. Ubuhinzi ni umwuga kuko nabwo burimo ubucuruzi butanga inyungu tugatera imbere n'Igihugu kigatera imbere.”

Umunyeshuri muri Kaminuza y'u Rwanda, Umuhoza Charlene, yemeza ko muri ubu bushakashatsi yahungukiye ubumenyi buzatuma mu bushakashatsi nabo bazajya bakora bazaharanira gusubiza bimwe mu bibazo bikibangamiye abahinzi.

Ati “Hano mpungukiye byinshi kuko ikoranabuhanga mu buhinzi rizadufasha kumenya gukemura ibibazo abaturage bahuraga nabyo mu buhinzi, turebe ibyo tugomba kongeramo twifashishije ikoranabuhanga noneho umusaruro wiyongere bahaze amasoko.”

Iri koranabuhanga ryakoreshejwe muri ubu bushakashatsi bwamaze imyaka itatu, ryifashisha agasanduko kaba kubakiyemo ikoranabuhanga gashyirwa mu mirima kakabasha gutanga amakuru yose agendanye n'ikirere, ubuhehere bwo mu butaka, bigatuma abahinzi bamenya uko bakora ubuhinzi bunoze bitewe n'igikenewe.

Kaminuza y'u Rwanda yamuritse ibyavuye mu bushakashatsi bw'iteganyamusaruro imaze imyaka itatu ikora

Ubushakashatsi bwatanze umusaruro hejuru ya 75%

Iri koranabuhanga ryifashisha imirasire y’izuba

Agasanduku kabikwamo amakuru y’imiterere y’ikirere, ubukonje, ubuhehere bw’ubutaka