Category: Uncategorized

Ni ikibazo gifitwe n'abaturage bo mu Kagari ka Bwinsanga mu Murenge wa Gishari mu Karere ka Rwamagana, kimwe no mu yindi mirenge itandukanye.

Abaturage bavuga ko buri nimugoroba umuriro ukunze kugenda bagasigara mu kizima, ukongera kugaruka hagati ya Saa Tanu na Saa Sita z'ijoro, mu gihe ahandi uza ari muke ku buryo badashobora gucana amatara cyangwa ngo babe bacomeka n'ikindi kintu.

Uwera Chantal utuye mu Mudugudu wa Nyakabungo mu Kagari ka Bwinsanga, yavuze ko ikibazo bafite ari uko 'cash power' zabo zizimya bakabura umuriro nyamara hari abo begeranye baba bacanye.

Ati 'Guhera Saa 18:00 nibwo umuriro uba wagiye ariko twe dufite n'umwihariko niba dutandukanye n'abandi ntabwo tubizi, hari n'igihe cash power hashira iminsi ibiri nta mibare irimo yaragiye tukibaza uko byagenze bikaducanga. Mu minsi ishize nagiye no kuri REG bambwira ko ikibazo cyacu bakizi ngo bateganyije kugikemura muri Mutarama none irarangiye.''

Uwizeye we yavuze ko iyo amashanyarazi abuze abana babo batabona uko basubiramo amasomo, avuga ko batazi ikibazo gituma babura umuriro kandi. abaturanyi babo bawufite.

Ati 'Ntabwo tubizi niba ari ikibazo cya cash power, abayobozi ba REG nibo bakwiriye kumenya ikibazo gihari bakakidukemurira. Niba ari ikibazo cy'umuriro muke nibo bakwiriye kukimenya twe ntabwo twabimenya ariko biratubangamiye kuko iyo twabuze umuriro hari abaturanyi baba bacanye neza, turasaba ko REG idukemurira ikibazo kuko irakizi.''

Mukandayambaje Angelique, yavuze ko iki kibazo bakigejeje kuri REG ishami rya Rwamagana. Ubuyobozi ngo bwababwiye ko bukizi ariko ngo Mutarama bari barabemereye ko izarangira bagikemuye, none yarangiye kidakemutse.

Umuyobozi wa REG ishami rya Rwamagana, Maniraguha Jean Pierre, yavuze ko iki kibazo bakizi ndetse ngo kigaragara mu mirenge icumi.

Ati ''Ni ikibazo cy'ahantu hari umuriro muke, mu byukuri atari muke nk'uko bikwiye ahubwo ni umuyoboro baba baragiye bakurura ukaba muremure hanyuma bikagera aho umuyoboro ucika intege. Ubwo rero ntabwo ariho honyine kiriya kibazo kiri gusa. Muri aka karere tugifite hafi mu mirenge icumi hari ubwo buryo bw'amashanyarazi yagiye akwirakwizwa bikaza guteza iki kibazo.''

Maniraguha yavuze ko bagiye gutanga isoko ryo kuvugurura iyo miyoboro bitume abaturage babona umuriro mwinshi kandi ubahagije.

Yijeje abaturage bose bafite iki kibazo ko REG iticaye, ko mu minsi mike bazabona abakozi bazaza kugikemura.

Ikibazo cy'umuriro muke gifitwe n'abaturage bo mu mirenge icumi

Ushobora kubona ijambo 'Guca agasuzuguro' ukavuga uti wa munyamakuru we urakabya. Sinkabya.

Mu ntangiriro za Mutarama, nibwo Tems yemeje ko agiye gutaramira muri BK Arena mu ruhererekane rw'ibitaramo ari gukora bigamije kumenyekanisha album ye aheruka gushyira hanze yise 'Born in the wild'.

Nyuma y'uko benshi mu bantu babonye ubwo butumwa, batangiye kwitegura kuzajya gutaramana na Tems ariko buri wese atangira kwegeranya udufaranga no gupfundapfunda imitwe y'aho ay'itike azava dore ko hari n’abari bamaze kuyagura.

Bitunguranye, Tems yongeye gutangaza ko iki gitaramo agihagaritse kubera ko mu Burasirazuba bwa DRC hari umutekano muke n'intambara bityo bidakunze ko icyo gitaramo cyabera mu Rwanda.

Nyamara nubwo hari abemeza ko atari iyo mpamvu y'umutekano ahubwo byaba biri mu buryo bw'ubucuruzi yari yiteze mu gitaramo byumwihariko amatike ariko akabona atava aho ari, hari abandi babibonamo agasuzuguro nka Tom Close.

Nyuma y'uko Tems yari amaze guhagarika iki gitaramo, Tom Close yifashishije imbuga nkoranyambaga ze, avuga ko yifuza ko abahanzi b'abanyarwanda bashyira hamwe hanyuma itariki Tems yari kuzataramiraho mu Rwanda bagakora igitaramo.

Ni ubutumwa bwakiriwe neza n'abantu bose ariko bigeze kuri Yampano bwo biba akarusho yifashisha imbuga nkoranyambaga ze avuga ko BK Arena idahagije ahubwo bakwishyira hamwe bagataramira mu Amahoro Stadium.

Mu butumwa yanyujije ku rubuga rwe rwa X, Yampano yagize ati 'Nunze mu rya Tom Close. Kuki abanyamahanga bagera aho kwibeshya bakadufata nkaho turi mu ntambara kandi turi amahoro? Ni igisobanuro cy’uko batazi ubudasa bwacu. Ndasaba nifuza ko igitaramo mushiki wacu w'umu-Nigeria yarigukorera muri BK Arena muze tujye mu Amahoro ku budasa bwacu.'

Nyamara nubwo nta muntu wari wiyemeza gushora imari muri iki gitaramo ngo agitegure, ni igitekerezo cyaba ari cyiza ku muntu waba wifuza gukora igitaramo cyiza mu ntangiriro z'uyu mwaka kuko benshi bagaragaza ko bibaye ari ibishoboka, cyategurwa kandi biteguye kwitabira ku bwinshi.

Tems yijunditswe n’abanyarwanda benshi bamushinja gusubika igitaramo mu buryo butumvikana

Yampano winjiye bwa mbere muri BK Arena agiye mu gitaramo cya The Ben, asanga BK Arena idahagije ngo bace agasuzuguro ka Tems

Tom Close niwe muhanzi wa mbere wazanye igitekerezo cyo guca agasuzuguro ka Tems

U Rwanda ruhagarariwe n'amakipe abiri muri iri rushanwa rihuza abapolisi bo hirya no hino hagamijwe kwerekana ubuhanga bwabo mu birebana no guhashya ibikorwa by'iterabwoba.

Ni amarushanwa ari kubera ku kibuga cy'imyitozo cya Al Ruwayyah Training City giherereye mu Mujyi wa Dubai.

Abitabiriye barushanwa mu byiciro bitanu bitandukanye birimo icyo kunyura mu nzira igoye, aho hasuzumwa imbaraga z'umubiri w'abapolisi, gukorera hamwe , kurira ibikuta, n'ibindi.

Si ubwa mbere u Rwanda rwitabiriye ayo marushanwa kuko mu 2024 rwarayitabiriye ndetse runitwara neza aho amakipe yari aruhagarariye, nko mu cyiciro kirebana no kunyura mu nzira z'inzitane Obstacle Course' yaje imbere.

Icyo gihe ikipe ya mbere yabaye 'RNP SWAT Team 1' yakoresheje iminota itatu n'amasegonda 54 igira amanota 52, ikurikirwa na Kyrgyzstan yagize 51 ndetse na Uzbekistan yagize 50.

Ikipe ya kabiri y'u Rwanda 'RNP SWAT Team 2' yagize amanota 47 isoreza ku mwanya wa gatandatu ikoresheje iminota ine n'amasegonda 19.

Ku rutonde rusange rw'amakipe yari yitabiriye iryo rushanwa rya UAE SWAT Challenge 2024, RNP SWAT Team 1 yabaye iya 12 mu gihe RNP SWAT Team 2 yasoreje ku mwanya 19.

U Rwanda rumaze kwitabira aya marushanwa ya UAE SWAT Challenge inshuro enye muri esheshatu amaze gukinwa.

Mu byiciro byose byari bigize iri rushanwa, Ikipe ya Polisi ya Dubai yakiniraga imbere y'abafana bayo yegukanye iri rushanwa iryambura u Burusiya bwaryegukanye mu mwaka ushize.

Nyuma yo kubona ko ayo marushanwa afasha mu gutegura abapolisi kunguka ubumenyi bujyanye no guhashya iterabwoba, muri uyu mwaka u Rwanda rwarayatangije ku rwego rwa EAPCCO.

Kuri iyi nshuro ya mbere ayo marushanwa yari abaye muri ako Karere ntabwo yakozwe hagamijwe gutsindana, ahubwo byari bigamije kungurana ubumenyi ndetse no kugaragaza ibyo ibihugu bishobora kwigiranaho.

Ayo marushanwa yabereye mu Karere ka Bugesera mu mu Kigo cya Polisi gitangirwamo amahugurwa yo kurwanya iterabwoba (CTTC) i Mayange.

Ibihugu byitabiriye Inteko Rusange ya EAPCCO byasabye ko ayo marushanwa yakomeza kujya ategurwa, kugira ngo abapolisi bo muri ibyo bihugu bakomeze gutyaza ubumenyi.

Day 2 of #UAESWATChallenge: The Rwanda National Police teams compete in the Tactical Event today. Let's rally behind them as they showcase their skills and determination!
📍 Location: Al Ruwayyah Training City, Dubai
📺 Watch Live: https://t.co/4ojemrbIt2#workingtogether pic.twitter.com/Z9XGakPlZi

— Rwanda Mission in UAE (@RwandaInUAE) February 2, 2025

Muri ayo marushanwa harimo kugaragaza ubumenyi butandukanye

Ibyo bagaragaza harimo no kumenya kumasha

Abapolisi baba bakorera ku gihe gito gishoboka

Umupolisi w’u Rwanda yerekana ubuhanga bwe mu kurasa

Abinyujije ku rubuga rwa X, Perezida Kagame yavuze ko yagize umwanya wo kuganira na mugenzi we wa Sénégal.

Ati “Nagize ikiganiro cyiza na Perezida Bassirou Diomaye Faye tugaruka ku kamaro k'ubufatanye bw'Umugabane wa Afurika mu gushaka ibisubizo birambye ku bibazo by'umutekano mu Karere no hirya yako.”

Umukuru w'Igihugu yavuze ko “U Rwanda rwiteguye gukomeza ubufatanye na Sénégal mu iterambere ry'abaturage b'ibihugu byombi.”

U Rwanda na Sénégal ni ibihugu bifitanye umubano mwiza, ushimangirwa n'ingendo zagiye zikorwa hagati y'abakuru b'ibihugu ndetse n'abandi bayobozi muri Guverinoma.

Muri Gicurasi, 2024, Perezida Kagame yasuye Sénégal ndetse agirana ibiganiro na Perezida Faye. Muri Kamena uwo mwaka, abakuru b'ibihugu bongeye guhurira mu Bufaransa, nabwo bagirana ibiganiro.

Ku wa 2 Mata 2024, ubwo Perezida Faye yarahiriraga kuyobora Sénégal, ni umuhango wari witabiriwe na Minisitiri w'Intebe w'u Rwanda, Dr. Ngirente Edouard wahagarariye Perezida Kagame, baboneraho no kuganira ku ngingo zitandukanye.

Ubwo yatsindaga aya matora, Perezida Kagame ari mu bamwifurije kuzagira imirimo myiza.

Ambasade y'u Rwanda muri icyo gihugu yafunguwe mu 2011. Mu 2021, iyi Ambasade yizihije isabukuru y'imyaka 10 imaze itangiye ibikorwa byayo.

Ibi bihugu byombi kandi bifitanye amasezerano arimo ay'ubufatanye mu by'umuco yasinywe mu 1975, ay'ubutwererane rusange yasinywe mu 2004, ay'ishyirwaho rya komisiyo ihoraho ishinzwe kugenzura umubano w'ibihugu byombi yasinywe mu 2016 ndetse n'amasezerano y'ubufatanye ari hagati y'Urwego rw'Igihugu rw'Itangazamakuru, RBA na Radio Television Sénégalaise.

Muri iki gihugu cyo mu Burengerazuba bwa Afurika hariyo Abanyarwanda benshi batuyeyo, yaba abajyanywe n'amasomo n'abandi barimo abagezeyo mu myaka 40 ishize.

Perezida Kagame yaganiriye na Perezida Faye wa Sénégal

Ni umuhango wabaye kuri uyu wa Gatandatu, tariki ya 1 Gashyantare 2025, i Remera ku Gicumbi cy'Intwari.

Witabiriwe n'abayobozi bakuru mu nzego z'igihugu barimo Minisitiri w'Intebe, Dr. Edouard Ngirente, Perezida w'Umutwe w'Abadepite mu Nteko Ishinga Amategeko, Kazarwa Gerturde, Perezida wa Sena, François-Xavier Kalinda, Perezida w'Urukiko rw'Ikirenga, Domitilla Mukantaganzwa n'abandi.

Perezida Kagame na Madamu Jeannette Kagame ni bo bashyize indabo ku Kimenyetso cy'Ubutwari, bakurikirwa n'uhagarariye abahagarariye ibihugu byabo mu Rwanda.

Intwari u Rwanda rwizihiza kandi rukazirikana ziri mu byiciro bitatu, birimo Imanzi, Imena n'Ingenzi.

Icyiciro cy'Imanzi kirimo intwari zitakiriho zirimo umusikare utazwi izina, uhagarariye abasirikare bose baguye ku rugamba barwanira ineza y'u Rwanda.

Iki cyiciro kandi kirimo Maj. Gen. Fred Gisa Rwigema, wayoboye urugamba rwo kubohora igihugu rwatangiye ku wa 1 Ukwakira mu 1990.

Icyiciro cy'Imena kirimo Umwami Mutara wa III Rudahigwa Charles Léon Pierre, Intwari Michel Rwagasana, Uwilingiyimana Agatha, Intwari Félicité Niyitegeka n'Abanyeshuri b'i Nyange.

Icyiciro cy'Ingenzi nta ntwari yari yagishyirwamo, gusa haracyakorwa ubushakashatsi bwo kugira ngo bemezwe.

Umunsi w'Intwari wizihizwa buri mwaka tariki ya 1 Gashyantare.

Imva n’Ibimenyetso by’Intwari z’Igihugu byaravuguruwe

Perezida wa Sena, François-Xavier Kalinda na Perezida w’Umutwe w’Abadepite, Kazarwa Gerturde

Minisitiri w’Ubumwe bw’Abanyarwanda n’Inshingano Mboneragihugu, Dr. Bizimana Jean Damascène (ibumoso) ari kumwe n’Umuyobozi w’Urwego rushinzwe Intwari z’Igihugu, Imidari n’Impeta by’Ishimwe, CHENO, François Ngarambe (iburyo)

Perezida w’Urukiko rw’Ikirenga, Domitilla Mukantaganzwa, na we yari muri uyu muhango

Meya w’Umujyi wa Kigali, Samuel Dusengiyumva, yari ahari

Minisitiri w’Intebe, Dr. Ngirente Edouard na Minisitiri w’Ingabo, Juvenal Marizamunda ubwo bari bageze ku Gicumbi cy’Intwari

Perezida Kagame na Madamu Jeannette Kagame bashyize indabo ku kimenyetso cy’ubutwari

Uyu muhango witabiriwe n’abayobozi batandukanye mu nzego z’igihugu

Imiryango y’Intwari z’Igihugu na yo yunamiye intwari zayikomotsemo

Ingabo yatoranyijwe yashyize amazina ku rwibutso rw’intwari y’umusirikare utazwi izina

Umuryango wa Maj. Gen Fred Gisa Rwigema wamwunamiye

Intwari n’imiryango y’intwari zatabarutse bafashe ifoto y’urwibutso

Amafoto: Kwizera Herve

Depite Uwumuremyi aherutse gusura iyi koperative muri gahunda yo kureba imikorere y'amakoperative n'aho abaturage bageze bitabira gukorana n'ibigo by'imari.

Mu ijambo rye, umwanditsi w'iyi koperative, Twagiramungu Désire, yagaragaje ko ubwo baheruka kugabana amafaranga menshi, buri munyamuryango yatwaye ibihumbi 10 Frw.

Yagize ati 'Muri Werurwe buri mwaka nibwo tugabana inyungu. Umunsi twagabanye menshi umunyamuryango yatahanye ibihumbi 10Frw”.
Yagaragaje ko iyi koperative ifite umutungo wa miliyoni 40 Frw, ikagira n'ibihumbi 600Frw kuri konti. Yakomeje avuga ko yatangiye umugabane shingiro ari 4.500Frw ariko ubu uwashaka kuyinjiramo yakwishyura ibihumbi 109 Frw.

Depite Uwumuremyi yatunguwe n'ubuke bw'amafaranga umunyamuryango agabana ku mwaka, asaba ko hanozwa imikoranire n'ikigo gishinzwe imicungire no kubungabunga Pariki (NMC).

Yagaragaje ko iyi koperative ikwiye kujya ihabwa ku mafaranga iki kigo cyinjije kuko muri serivisi ba mukerarugendo basura ishyamba rya Cyamundongo bahabwa harimo n'izitangwa nayo.

Iyi koperative yashinzwe mu 2004, ifite abanyamuryango 50 barimo abagore 33 n'abagabo 17.

Muri serivisi itanga harimo kurwanya ba rushimusi na ba rutwitsi muri Pariki ya Nyungwe. Ifite kandi itorero risusurutsa ba mukerarugendo, ikagira n'inzu icuruza ibiribwa n'ikawa (Coffee shop).

Ba mukerarugendo basura ishyamba rya Cyamudongo ahanini baba bagiye kureba ibyondi n'inkoto (amoko y'inguge). Bisaba kuhagera mu gitondo, abashinzwe kubatembereza bakabayobora aho izi nyamaswa zaraye.

Mbere yo kwinjira mu ishyamba basusurutswa n'itorero ry'iyi koperative ku buntu, babishaka bakabasigira amafaranga.

Imibare igaragaza ko ishyamba rya Cyamudongo risurwa n'abagera kuri 240 buri kwezi.

Depite Uwumuremyi yasabye koperative CCTPC kunoza imikoranire n’ubuyobozi bwa Pariki ya Nyungwe kugira ngo inyungu yayo yiyongere

Twagiramungu Désire yavuze ko umunyamuryango wa koperative abereye umwanditsi iyo byagenze neza agabana ibihumbi 10 Frw ku mwaka

Ubwo Umutwe wa M23 warwanaga n'ingabo za Leta ya RDC, FARDC n'imitwe bafatanya ya Wazalendo, FDLR, Ingabo z'u Burundi, iza SADC, n'abacanshuro b'Abanyaburayi ugamije gufata Umujyi wa Goma, ni bwo ayo masasu yaguye mu Rwanda.

Mu gihe urugamba rwari ruhinanye, Ingabo za Leta ya RDC n'iyo mitwe bafatanyije byahisemo kurasa mu Rwanda, amasasu amwe yica abaturage andi yangiza ibikorwaremezo bitandukanye birimo inyubako z'abaturage, amashuri n'ibindi binyuranye.

Alain Mukuralinda yabwiye The Newtimes ko u Rwanda ruri gukora isesengura ngo hamenyekane ibyangijwe n'ayo masasu, hagamijwe kumenya uko ba nyiri iyo mitungo bafashwa.

Ati 'Isesengura riri gukorwa n'ibigo bya Leta. Abayobozi baragenda babishyira mu byiciro kugira ngo Guverinoma imenye inkunga igomba guha abagizweho ingaruka nabyo.'

Yavuze ko n'amashuri ari gushyirwa mu byiciro, harebwa ibyangiritse kugira ngo hamenyekane ahakenewe ubufasha bwihutirwa.

Uretse ubufasha buzatangwa ku bangirijwe ibyabo, Guverinoma y'u Rwanda yatanze n'ubufasha bwo guherekeza ababuze ubuzima kubera ayo masasu yaturutse muri RDC.

Ku rundi ruhande kandi abakomeretse nubwo bamwe bari gusezererwa mu bitaro, bazakomeza kubona ubufasha kugeza igihe bakize neza.

Abahitanywe n'ayo masasu ni 13, mu gihe abakomeretse ari 35 barimo abakomeretse byoroheje.

Nyuma y'uko Umutwe wa M23 wigaruriye Umujyi wa Goma, ibintu byongeye gusubira mu buryo haba muri uwo mujyi ndetse no mu wa Rubavu, kuko abaturage batakiri kumva urusaku rw'amasasu nk'uko byari bimeze mbere.

Umuhuzabikorwa w'Ihuriro rya AFC/M23, Corneille Nangaa, aherutse gutangariza abanyamakuru ko kuri ubu Umujyi wa Goma utekanya kandi ko n'abaturanyi bakwiye gutekana kuko ababarasagaho uwo mutwe wabatsinze.

Uretse kuba Umujyi wa Goma ugenzurwa n'Ingabo z'Umutwe wa M23, n'umupaka uhuza u Rwanda na RDC nizo ziwugenzura.

Hari gukorwa isuzuma rigamije kumenya ingano y’ibyanginjwe ngo abagizweho ingaruka bahabwe ubufasha

Amasasu yaturutse muri RDC yangije byinshi

Iyi niyo mpamvu Guverinoma y'u Rwanda yiyemeje kuvugurura uyu muhanda mu buryo bugezweho, ndetse hakubakwa n'imihanda yo mu kirere itari isanzwe kugira ngo ingendo muri uwo muhanda zoroshywe.

Gahunda yo kuvugurura uyu muhanda imaze igihe kinini kuko muri Kamena 2019, Guverinoma y'u Rwanda yagiranye n'iy'u Bushinwa amasezerano y'impano ya miliyoni 42,8$ yo kwifashisha mu kuyishyira mu bikorwa.

Kugeza ubu mu inyingo y'uko umuhanda uzaba uteye yararangiye.

Ubwo yari ari kuri RBA, Umuyobozi w'Agateganyo ushinzwe ishyirwa mu bikorwa ry'imishinga muri RTDA, François Gihoza Mivugo, yavuze ko mu mpera za Gashyantare cyangwa mu ntangiriro za Werurwe 2025, rwiyemezamirimo uzawukora azaba yamaze kuboneka.

RTDA igaragaza ko uyu muhanda ureshya n'ibilometero 10,3 uzahabwa ibice bine. Ubusanzwe wari ufite ibice bibiri binyuramo ibinyabiziga bijya mu byerekezo binyuranye.

Uzashyirwaho igice cyo hejuru mu rwego rwo kugabanya umuvundo uwugaragaramo. Ni igice kizaba kireshya na kilometero 1,3.

Kizava ahazwi nko kuri Prince House i Remera ku gahanda kava kuri Stade Amahoro kinjira mu muhanda mugari, ugere ahazwi nko ku Cyamitsingi mu Karere ka Gasabo, ku masangano y'umihanda irimo ujya ku Kibuga Mpuzamahanga cy'Indege cya Kigali n'undi ujya i Masaka.

Icyo gice kizaba kigizwe n'imihanda ine (ibiri yo hasi n'indi nk'iyo yo hejuru) buri umwe ufite ibisate bibiri.

Hari ikindi gice kigizwe n'ibilometero icyenda, kigizwe n'umuhanda uzaba ufite ibice bine buri cyerekezo gifite bibiri. Uzahera ku Cyamitsingi ugere ku Bitaro bya Masaka.

Mivugo ati 'Ibyo birumvikana ko bizagabanya umuvundo w'imodoka ukunda kugaragara muri ibyo bice mu buryo bugaragara.'

Yavuze ko kugira ngo hagerwe ku rugero rwo kubaka imihanda yo mu kirere biba byatewe n'imodoka nyinshi, ariko ko bikorwa mu byiciro byagenwe bijyanye n'uko imodoka ziyongera.

Yatangaje ko bitangirira ku masangano y'umuhanda asanzwe arangwa n'ibyapa hamwe imodoka zimwe zihagarara izindi zigakomeza.

Iyo ibyapa bitagifasha hashyirwaho amatara y'umuhanda afasha mu kugabanya umuvundo (feu rouge) kuko ibyapa biba bidahagije, byagera n'aho ayo matara atagifasha hagashyirwaho 'rond point'.

Ati 'Bitewe n'ingano y'imodoka zigenda ziyongera, na 'rond point' ntifashe mu gukemura umuvundo w'imodoka bisaba ko hakorwa imihanda inyura hejuru y'indi. Ubu ni cyo kigero tugezeho.'

Kugira ngo iyubakwa ry'umuhanda ritazabangamira ibikorwa bisanzwe, Mivugo yavuze ko hazarebwa uburyo buzafasha kugira ngo imirimo yo kubaka ikomeze ariko n'ibikorwa bisanzwe bikomeze.

Ati 'Urumva ko tugiye kuwukuba kabiri. Muri gahunda ikunze gukoreshwa utangirira ku gice kimwe ikindi kikaba gikoreshwa, cyarangira ukajya ku kindi, cyangwa ugahera ku mihanda yo hejuru kugira ngo wirinde kubikorera rimwe bikaba byateza ibibazo.'

Ku bijyanye n'igice cy'umuhanda cyegereye kuri Pariki ya Nyandungu, gihora cyangizwa n'amazi y'igishanga, hakagenda hazamo ibinogo buri gihe hagasanwa ariko ntihaboneke igisubizo kirambye, Mivugo yavuze ko nubwo inyingo itaremezwa hari uburyo bubiri bwateganyijwe.

Ati 'Umuhanda uhari wari usanzwe ari muto noneho tugiye kuwagura. Hari ukuwagura tujya haruguru […], hari no kubaka mu gishanga kuko na byo birashoboka, bibaho, birakorwa ariko hari igiciro bisaba. Ni ibyo bibiri tuba tugereranya harebwa icyafasha kurusha ahandi.'

Uyu muhanda uri kujyana n'indi mishinga yo kuvugurura amasangano y'imihanda, arimo irya ahazwi nka Chez Lando, iriri ku Gishushu mu Karere ka Gasabo ndetse n'irindi riri Sonatubes mu Karere ka Kicukiro. Azatwara arenga miliyoni 100$ zatanzwe na Banki y'Amajyambere ya Afurika, bigateganywa ko mu myaka itatu iri imbere iyo mishinga izaba igeze ku musozo.

Kuva kuri Prince House i Remera ku gahanda kava kuri Stade Amahoro kinjira mu muhanda mugari ukagera ahazwi nko ku Cyamitsingi, hazashyirwa umuhanda ugendera hejuru mu rwego rwo kugabanya umuvundo uwugaragaramo. Ni igice kizaba kireshya na kilometero 1,3

Aha niho zingiro rya byose kuko umushinga wo kuvugurura umuhanda Giporoso – Masaka ari ho uzatangirira

Iki gice cy’umuhanda gituruka mu Giporoso cyereza ku Cyamitsingi kiri mu hazavugururwa

Uyu muhanda ukomeza ku Kibuga Mpuzamahanga cy'Indege cya Kigali, wo nturi mu hazavugururwa

Uyu ni umuhanda w’ahazwi nko ku Cyamitsingi

Aha ni ku masangano y'umihanda irimo ujya ku Kibuga Mpuzamahanga cy'Indege cya Kigali n'undi ugera i Masaka ari nawo uzavugururwa

Aha ni muri metero nke, uvuye aho umuhanda uzatangira kuvugururirwa

Aha ni hepfo gato y’ahazwi nko ku Cyamitsingi ahazahera amavugurura y’uyu muhanda

Iyo uhagaze kuri iki gice cy’umuhanda uba witegeye mu Cyanya cyahariwe Inganda i Masoro. Naho hazatunganywa

Muri uyu mushinga, biteganyijwe ko uyu muhanda utazahangarwa n’amazi ukundi ubwo uzaba umaze gusanwa

Umushinga wa mbere wo gutangira kuvugurura uyu muhanda watangajwe mu 2019

Nubwo uyu muhanda usanwa inshuro nyinshi, ariko amazi y’igishanga akomeza kuwangiza

Kubera amazi y’igishanga, ibice bimwe na bimwe by’uyu muhanda byarangiritse

Uyu muhanda wo ku Ruganda rwa Inyange ruherereye ahazwi nka 19 nawo uzitabwaho muri uyu mushinga

Aha uba umaze kurenga kuri 15 werekeza kuri 19. Naho hazavugururwa

Mu masaha yo kujya no kuva ku kazi, uyu muhanda urangwa n’umuvundo ukabije w’imodoka

Uyu muhanda ushobora kwagurirwa ku gice cyawo cya ruguru cyangwa cyo hepfo ahasanzwe igishanga

Aha uba uturuka kuri 15 ugana i Remera

Iyo bigeze mu masaha y’igitondo cyangwa ay’umugoroba, nibwo bigaragarira buri wese ko uyu muhanda ari muto

Aha naho hari mu gice kizavugururwa. Ni umuhanda uva kuri 12 ugana kuri 15

Amafoto: Kwizera Herve

Mu 2023 muri Legacy Clinics & Diagnostics, hatangirwaga serivisi z'ubuvuzi 18 zitandukanye zirimo, izo kwita ku ndwara z'abagore, ubuvuzi bw'imbere mu mubiri, gufata amafoto y'ibice by'umubiri birwaye, ubugororangingo, ubuvuzi bw'indwara zo mu mutwe, ubw'amagufa, ubw'amenyo, laboratwari n'izindi.

Muri serivisi nshya zatangijwe muri ibi bitaro umwaka ushize harimo n'iya 'Plastic surgery', ubuvuzi bwo kubaga hagamijwe gusana no gukosora ibice by'umubiri bitandukanye.

Iyi mibare yagarutsweho ku mugoroba wo ku wa Gatanu ku ya 31 Mutarama 2025, ubwo abakozi b'iri vuriro bahuriraga mu busabane bwo kwishimira ibyagezweho mu mwaka ushize, no guhigira ibizagerwaho mu 2025.

Ubu busabane bwari bwitabiriwe n'abakozi bose b'iri vuriro, abafatanyabikorwa baryo, ndetse n'incuti za hafi za Legacy Clinics & Diagnostics.

Bwabimburiwe n'igikorwa cyo gufata umunota wo kwibuka uwahoze ari umukozi w'iri vuriro, Ingabire Julie, wakoraga muri laboratwari, wapfuye umwaka ushize.

Nyuma hagaragajwe ko iri vuriro rimaze gutera intambwe mu kugeza serivisi z'ubuvuzi kure mu gihugu kuko nko mu 2016 ryaganwe n'abarwayi 3.290, bagera kuri 117.964 mu 2024. Abakozi baryo bavuye kuri 75 bagera kuri 208 barimo abaganga b'inzobere 50.

Umuyobozi ushinzwe ubuvuzi muri Legacy Clinics, Dr. Yves Laurent, yavuze ko imitangire ya serivisi yagize ishusho yihariye mu mwaka washize, bitewe n'ibyorezo bya Marburg na MonkeyPox byateye mu Rwanda ariko ntibimare kabiri.

Ati 'Uyu munsi ni ukwizihiza ibyiza byagezweho ariko nanone tuniyibutsa ko gukomeza gukorera hamwe nk'itsinda ari byo bizatuma dukomeza gutanga serivisi nziza,'

'Ibyo twahuye nabyo uyu mwaka byatwigishije kurushaho gukomeza no kugira icyizere cy'ibyo dushobora kugeraho kandi bizatuma turushaho gutanga ubuvuzi bw'indashyikirwa no gufasha Abanyarwanda n'abandi.'

Muri ibi birori, hahembwe ishami ry'abakora muri laboratwari nk'abaranzwe no kwitanga cyane mu 2024, abaforomo n'ababyaza bashimirwa k'ubwo kwitwara neza mu bihe bya Marubug na Monkey Pox mu gihe ishami rishinzwe kwita ku bakiliya 'customer care' naryo ryashimiwe.

Abimana Oscar yahembwe nk'umukozi mwiza wishimirwa n'abo bakorana, mu gihe umuforomo Nahoza Nakiza Esther, ari we wahembwe nk'umukozi witwaye neza mu 2024.

Umuyobozi Mukuru wa Legacy Clinics & Diagnostics, Kalima Jean Malic, yashimiye umuryango we n'abakozi b'iri vuriro bose, aho yavuze ko bamubaye hafi, bikaba biri mu byamuteye imbaraga.

Ati 'Mureke dushimire Imana ko mu 2024 ibintu byagenze neza, ibitaragenze neza turayisaba izaduhe umwaka mwiza uzira ibibi n'ibyago.'

Kalima yashimiye ubuyobozi bw'u Rwanda kubwo gushyira umutekano w'umuturage imbere, kuko ari byo by'ibanze bituma ibintu byose bikorwa mu mutuzo.

Umuyobozi Mukuru wa Legacy Clinics & Diagnostics, Kalima Jean Malic, yagaragaje ko abakozi b’iri vuriro bakoranye umurava mu 2024

Ibi birori byabimburiwe n'igikorwa cyo gufata umunota wo kwibuka uwahoze ari umukozi w'iri vuriro, Ingabire Julie

Umuyobozi ushinzwe ubuvuzi muri Legacy Clinics, Dr. Yves Laurent, yavuze ko imitangire ya serivisi yagize ishusho yihariye mu mwaka washize

Ubu busabane bwari bwitabiriwe n'abakozi bose b'iri vuriro, abafatanyabikorwa baryo, ndetse n'incuti za hafi za Legacy Clinics & Diagnostics

Itsinda ry’abakora muri laboratwari ryahawe igihembo

Abaforomo n’ababyaza bahawe ishimwe ryo kwitwara neza mu bihe by’ibyorezo byibasiye u Rwanda mu 2024

Ishami ry’abashinzwe guha serivisi nziza abakiliya, ryashimiwe kwitwara neza mu 2024

Abimana Oscar yahembwe nk'umukozi mwiza wishimirwa n'abo bakorana

Nahoza Nakiza Esther ni we wahize abandi mu mwaka ushize

Nahoza Nakiza Esther, yashimiye Imana ko yabaye umukozi witwaye neza mu 2024

Abakozi bose bakorera Legacy Clinics & Diagnostics, bageneye Kalima Jean Malic n’umuryango we impano

Umuyobozi Mukuru wa Legacy Clinics & Diagnostics, Kalima Jean Malic, yashimiye umuryango we n'abakozi b'iri vuriro bose, aho yavuze ko bamubaye hafi, bikaba biri mu byamuteye imbaraga

Ibi birori byari bitabiriwe n’abakozi bose b’ivuriro Legacy Clinics

Umuyobozi Mukuru wa Legacy Clinics & Diagnostics, Kalima Jean Malic, yashimiye abaganga b’inzobere bakoresha imbaraga mu kugeza serivisi niza ku barwayi ]

Umuyobozi Mukuru wa Legacy Clinics & Diagnostics, Kalima Jean Malic, yavuze ko umuryango we umufasha cyane

Ambasaderi wihariye ushinzwe Akarere k’Ibiyaga Bigari, Amb Vincent Karega, yari yitabiriye ibi birori

Hafashwe amafoto y’urwibutso