Category: Uncategorized

Mu ijoro ryakeye muri Crypto.com Arena hatangiwe ibihembo bya Grammy Awards akaba ari na byo bihembo bifatwa nk'ibya mbere ku Isi dore ko umuntu wese ubihawe aba ari umwe mu bayoboye umuziki w'Isi.

Nyuma y'imyaka 10 adakandagira muri ibi birori, Kanye West yatunguranye anyura ku itapi itukura ari kumwe n'umugore we Bianca Censori wari wambaye ubusa buri buri.

Bianca Censori yaje yambaye ikote rirerire ry'umukara ariko ageze ku itapi itukura arikuramo asigara yambaye akenda kerekana ibice bye byose by'umubiri  haba ibyo hejuru cyangwa se hasi.

Nyuma yo kunyura ku itapi itukura, amakuru yatangiye gucicikana ko bagiye kwinjira ariko bagasubizwa inyuma kubera ko bari bitumiye kandi ibyo birori bikaba byitabirwa n'abahanzi batumiwe gusa.

Ikinyamakuru Variety cyo gitangaza ko kuba Kanye West na Bianca Censori bahise bafata inzira bakongera bagataha atari uko bangiwe kwinjira ahubwo Kanye West yavuye kwifotoza ku itapi itukura hanyuma ahita akomereza mu modoka arongera aragenda.

Mu mwaka wa 2015, Kanye West ni bwo yitabiriye ibi birori bya Grammy hanyuma anaririmba indirimbo 'FourFiveSeconds” yafatanyije n'umuhanzikazi Rihanna. Mu myaka itandatu ishize ubwo yaherukaga, yaririmbye indirimbo 'Only One,' yahimbiye umukobwa we North West na mama we Donda.

Kanye West na Bianca Censori banyuranye ku itapi itukura

Bianca Censori yari yambaye akenda kagaragaza ubusa bwe kuruta uko atari kukambara

Bianca Censori yari yambaye ikote rirerire ageze ku itapi itukura arikuramo asigara ahagarariye aho

Umuhanzi Kendrick Lamar yaciye uduhigo twinshi kubera indirimbo ye Not Like Us naho Beyonce we aba umuhanzikazi w'umwirabura wa mbere wegukanye igihembo cya album nziza iri mu njyana ya Country.

Benshi mu begukanye ibihembo, babituye inshuti zabo, ababyeyi babo, abari mu kaga ndetse n'abaryamana bahuje ibitsina nkuko Lady Gaga yabigenje.

Dore urutonde rw'abegukanye ibihembo muri Grammy Awards 2025 

·Â Â Â Â Â Â  Album of the Year: Cowboy Carter” — Beyoncé

·Â Â Â Â Â Â   Record of the Year: Not Like Us” — Kendrick Lamar

·Â Â Â Â Â Â  Song of the Year: Not Like Us” — Kendrick Lamar

·Â Â Â Â Â Â  Best New Artist: Happell Roan

·Â Â Â Â Â Â  Best Pop Vocal Album: Short n’ Sweet” — Sabrina Carpenter

·Â Â Â Â Â Â  Best Pop Solo Performance: Espresso” — Sabrina Carpenter

·Â Â Â Â Â Â  Best Pop Duo/Group Performance: Shallow Waters” — Lady Gaga & Bruno Mars

·Â Â Â Â Â Â  Best Dance/Electronic Album: Brat” — Charli XCX

·Â Â Â Â Â Â  Best Rock Song: Echoes of Silence” — Foo Fighters

·Â Â Â Â Â Â  Best Alternative Music Album: All Born Screaming” — St. Vincent

·Â Â Â Â Â Â  Best R&B Album: Velvet Rope” — H.E.R.

·Â Â Â Â Â Â  Best Rap Album: Alligator Bites Never Heal” — Doechii

·Â Â Â Â Â Â  Best Country Album: Cowboy Carter” — Beyoncé

·Â Â Â Â Â Â  Best Country Solo Performance: 16 Carriages” — Beyoncé

·Â Â Â Â Â Â  Best Latin Pop Album: Las Mujeres Ya No Lloran” — Shakira

·Â Â Â Â Â Â  Best Música Urbana Album: LAS LETRAS YA NO IMPORTAN” — Residente

·Â Â Â Â Â Â  Best Latin Rock or Alternative Album: ¿Quién trae las cornetas?” — Rawayana

·Â Â Â Â Â Â  Best Regional Mexican Music Album: Boca Chueca, Vol. 1″ — Carin León

·Â Â Â Â Â Â  Best Music Video: Midnight Dreams” — Taylor Swift

·Â Â Â Â Â Â  Best Audiobook: Behind the Seams: My Life in Rhinestones” — Dolly Parton

·Â Â Â Â Â Â  Best Traditional Pop Vocal Album: “Standards” — Tony Bennett

·Â Â Â Â Â Â  Best Pop Instrumental Album: “Strings Attached” — Lindsey Stirling

·Â Â Â Â Â Â  Best Dance Recording: “Euphoria” — Justice & Tame Impala

·Â Â Â Â Â Â  Best Rock Performance: “Now and Then” — The Beatles

·Â Â Â Â Â Â  Best Metal Performance: “Dark Matter” — Pearl Jam

·Â Â Â Â Â Â  Best Rock Album: “Gift Horse” — Idles

·Â Â Â Â Â Â  Best R&B Performance: “Velvet Rope” — H.E.R.

·Â Â Â Â Â Â  Best Traditional R&B Performance: “Soul Serenade” — Leon Bridges

·Â Â Â Â Â Â  Best R&B Song: “Velvet Rope” — H.E.R.

·Â Â Â Â Â Â  Best Rap Performance: “Alligator Bites Never Heal” — Doechii

·Â Â Â Â Â Â  Best Melodic Rap Performance: “Sunset Boulevard” — Post Malone

·Â Â Â Â Â Â  Best Rap Song: “Not Like Us” — Kendrick Lamar

·Â Â Â Â Â Â  Best Country Duo/Group Performance: “Backroad Anthem” — Little Big Town

·Â Â Â Â Â Â  Best Country Song: “16 Carriages” — Beyoncé

·Â Â Â Â Â Â  Best Latin Jazz Album: “Havana Nights” — Arturo Sandoval

·Â Â Â Â Â Â  Best Gospel Album: “Believe For It” — CeCe Winans

·Â Â Â Â Â Â  Best Contemporary Christian Music Album: “Milk & Honey” — Crowder

·Â Â Â Â Â Â  Best Americana Album: “Raise the Roof” — Robert Plant & Alison Krauss

·Â Â Â Â Â Â  Best Bluegrass Album: “Renewal” — Billy Strings

·Â Â Â Â Â Â  Best Traditional Blues Album: “100 Years of Blues” — Elvin Bishop & Charlie Musselwhite

·Â Â Â Â Â Â  Best Contemporary Blues Album: “Fire It Up” — Joe Bonamassa

·Â Â Â Â Â Â  Best Reggae Album: “Beauty in the Silence” — SOJA

·Â Â Â Â Â Â  Best Global Music Album: “Mother Nature” — Angélique Kidjo

·Â Â Â Â Â Â  Best Children’s Music Album: “A Colorful World” — Falu

·Â Â Â Â Â Â  Best Spoken Word Album: “Carry On: Reflections for a New Generation” — John Lewis

·Â Â Â Â Â Â  Best Comedy Album: “Sincerely Louis CK” — Louis C.K.

·Â Â Â Â Â Â  Best Musical Theater Album: “Merrily We Roll Along” — Cast Recording

·Â Â Â Â Â Â  Best Compilation Soundtrack for Visual Media: “The United States vs. Billie Holiday” — Various Artists

·Â Â Â Â Â Â  Best Score Soundtrack for Visual Media: “Soul” — Jon Batiste, Trent Reznor & Atticus Ross

·Â Â Â Â Â Â  Best Instrumental Composition: “Eberhard” — Lyle Mays

·Â Â Â Â Â Â  Best Arrangement, Instrumental or A Cappella: “For the Love of a Princess” — Robin Smith

·Â Â Â Â Â Â  Best Arrangement, Instruments and Vocals: “The Christmas Song (Chestnuts Roasting on an Open Fire)” — Jacob Collier

·Â Â Â Â Â Â  Best Recording Package: “Pakelang” — Li Jheng Han & Yu Wei

·Â Â Â Â Â Â  Best Boxed or Special Limited Edition Package: “All Things Must Pass: 50th Anniversary Edition” — George Harrison

·Â Â Â Â Â Â  Best Album Notes: “The Complete Louis Armstrong Columbia and RCA Victor Studio Sessions 1946-1966″ — Louis Armstrong

·Â Â Â Â Â Â  Best Historical Album: “Excavated Shellac: An Alternate History of the World’s Music” — Various Artists

Ibi Minisitiri Nduhungirehe yabigarutseho mu kiganiro yagiranye na IGIHE, aho yagarutse ku byatangajwe na SADC mu nama idasanzwe iherutse guhuza abakuru b'ibihugu biyigize.

Umwanzuro wa kane w'iyo nama yateranye ku wa 31 Mutarama 2025, uragira uti “Inama yakiriye raporo y'ibibazo by'umutekano muke byubuye mu Burasirazuba bwa RDC, yanamenyeshejwe n'amakuru ateye impungenge y'ibitero by'umutwe wa M23 n'Igisirikare cy'u Rwanda (RDF) byagabwe ku ngabo za Leta ya RDC, iza SADC ziri mu butumwa muri RDC (SAMIDRC), ndetse n'abaturage mu bice bitandukanye bya Kivu y'Amajyaruguru.”

Minisitiri Nduhungirehe yavuze ko ibyo SADC yashinje Ingabo z'u Rwanda, ari ibintu bidashobora kwihanganirwa, na cyane ko bije bikurikira ibimaze iminsi bitangazwa na Leta ya Afurika y'Epfo, na yo ishinja u Rwanda ibinyoma.

Yagize ati “Uretse ko muri iriya nama ya SADC, hari ibintu bavuze bidashobora kwihanganirwa, by'ibinyoma byambaye ubusa, byo kuvuga ko ngo RDF iri muri Congo, ngo ikaba ari yo yishe abaturage b'abasivile.”

Minisitiri Nduhungirehe yavuze ko ibyo binyoma bitakwihanganirwa, bikaba bije byiyongera ku bibazo byari bimaze iminsi hagati ya Afurika y'Epfo n'u Rwanda, avuga ko byatewe na bamwe mu bayobozi bo muri icyo gihugu.

Ati “Mbere na mbere nyirabayazana w'iki kibazo, ni bariya bayobozi ba Afurika y'Epfo cyane cyane Minisitiri w'Ingabo. Perezida Ramaphosa na Perezida Kagame bagiranye ibiganiro bibiri mu cyumweru gishize, ku wa Mbere no ku wa Gatatu, ibyo biganiro byagenze neza, mu kiganiro cya mbere banaganiriye ku kuntu iyi ntambara yarangira, nta gushinjanya kurimo, baganiriye neza mu mwuka mwiza, bumvikana ko hariya hakeneye agahenge, icyo ni cyo cya mbere bemeranyije,”

Yongeyeho ko “Icya kabiri bemeranya ko hakenewe ibiganiro hagati ya Guverinoma ya Congo na M23, kandi ko na Perezida Ramaphosa agiye gukora ibishoboka akabwira Tshisekedi ko agomba kuganira na M23, icyo ni ikiganiro cya mbere.”

Minisitiri w'Ububanyi n'Amahanga yavuze ko ikiganiro cya kabiri abo Bakuru b'Ibihugu bagiranye ku wa Gatatu, baganiriye ku mirwano yari iherutse kuba, aho Perezida Ramaphosa yanabwiye Perezida Kagame ko abasirikare ba Afurika y'Epfo baherutse gupfa bishwe n'abasirikare ba FARDC, ati “Ni Perezida Ramaphosa ubwe wabimubwiye.”

Yongeyeho ati “Icya kabiri bavuganye ni uko Perezida Ramaphosa, yasabye Perezida Kagame ko yamusabira M23 ko ingabo ze, ingabo ziri hariya muri SAMIDRC, zabona amazi, amashanyarazi n'ibyo kurya, ibyo bintu biraba. Ibyo rero ni ibiganiro by'abakuru b'ibihugu, bitagomba kujya hanze.”

Minisitiri Nduhungirehe yavuze ko bukeye, nyuma y'ibyo biganiro babonye ikiganiro Minisitiri w'Ingabo wa Afurika y'Epfo, ari kumwe na Minisitiri w'Ububanyi n'Amahanga, bagiranye n'abanyamakuru, “aho Minisitiri w'Ingabo yavuze ko Perezida Ramaphosa yahaye gasopo Perezida Kagame, kandi batigeze babiganiraho.”

Yavuze ko ibyo byanakurikiwe n'ubutumwa bwanyujijwe ku rubuga rwa X rwa Perezida Ramaphosa, aho yise RDF inyeshyamba, avuga ko irwanya abashinzwe kugarura amahoro ba SAMIDRC, ngo ni byo byatumye Minisitiri Nduhungirehe ahita asubiza ku nkuru yavugaga ibyo abo baminisitiri bavuze by'ibinyoma, nyuma na Perezida Kagame yasubije ku byanditswe na Perezida Ramaphosa, wise RDF inyeshyamba.

Icyo gihe Perezida Kagame yaragize ati 'RDF ni igisirikare ntabwo ari inyeshyamba. SAMIDRC ntabwo ari ingabo ziri mu butumwa bw'amahoro ndetse nta mwanya zifite muri ibi bintu.'

Minisitiri Nduhungirehe yavuze ko ibinyoma batangaje birimo kuba bavuga ko ingabo zabo zajyanywe no kugarura amahoro, kandi mu by'ukuri atari ko bimeze ahubwo zaragiye kurwana.

Ati “Nanjye narasubije ku rubuga rwa X, mvuga ko biriya bintu [Minisitiri w'Ingabo wa Afurika y'Epfo] yavuze atari byo, ko nta gasopo yabaye, ko abasirikare ba SAMIDRC atari abashinzwe kugarura amahoro, ahubwo ko ari abasirikare baje kurwanira Tshisekedi n'ingabo ze z'abajenosideri ba FDLR, z'abacanshuro na Wazalendo n'abandi.”

Minisitiri Nduhungirehe agaruka ku buryo umwuka umeze ubu hagati y'u Rwanda na Afurika y'Epfo, aho yavuze ko nyuma y'ikiganiro yagiranye n'umunyamakuru wa SABC News, ikiganiro cyanagiyemo Minisitiri w'Ububanyi n'Amahanga wa Afurika y'Epfo, Ronald Lamola, uwo muyobozi yahise amuhamagara, amusaba ko bakomeza inzira y'ibiganiro bya dipolomasi mu kureba uko bakemura ikibazo bitagombye kujya hanze nk'uko byagenze.

Ati “Nanjye naramwemereye rwose nti 'nta kibazo tugomba gukomeza iby'iyo nzira', rero n'inzego zitandukanye ubu ziravugana, ubu ngubu tuzareba. Mwabonye iriya nama y'Abakuru b'Ibihugu bya EAC yabaye ku wa Gatatu, yavuze ko hagomba kubaho inama ihuriweho hagati ya EAC na SADC kugira ngo ducoce icyo kibazo turebe ukuntu twagikemura, kandi nabonye na SADC na yo yaremeye iyo nama ihuriweho.”

Hagati aho, Guverinoma y'u Rwanda, iherutse gutangaza ko Ihuriro ry'Ingabo za Repubulika Iharanira Demokarasi ya Congo n'imitwe irimo FDLR, Wazalendo, Ingabo z'u Burundi, Iza SADC n'Abacanshuro b'Abanyaburayi ryari rifite gahunda yo kurutera.

U Rwanda rwagaragaje ko kuba Ingabo z'Umuryango w'Ubukungu n'Iterambere ry'Ibihugu bya Afurika y'Amajyepfo (SADC) ziri muri RDC zivuga ko zatumiwe na Guverinoma ya RDC, nta shingiro bifite kuko ziri kurwanya abaturage b'icyo gihugu ndetse no gushoza intambara ku Rwanda.

Rivuga ko 'Amakuru aheruka yavuye i Goma yamaze gutahurwa n'ibimenyetso bifatika byerekena imyiteguro yo kugaba ibitero yateguriwe hamwe n'ingabo z'amahanga ziri kurwanira mu Burasirazuba bwa RDC, zirimo FDLR, bigaragaza ko intego y'imirwano atari ugutsinda gusa M23 ahubwo yari ugutera u Rwanda.'

U Rwanda rwagaragaje ko RDF irinda ubusugire bw'Igihugu n'imipaka y'u Rwanda ibitero bishobora kurugabwaho hagamijwe kurinda abasivili, bityo ko zidashobora kugaba ibitero ku basivili b'ikindi gihugu.

Minisitiri Nduhungirehe yavuze ko u Rwanda rudashobora kwihanganira ibinyoma bya SADC yashinje ingabo zarwo kwica abasivile muri RDC

Ni inzu yubatse mu Mudugudu wa Ruhuha mu Kagari ka Simbwa ikaba yahawe Gashumba irimo n'ibikoresho by'ibanze ku itariki 1 Gashyantare 2025, ubwo hizihizwaga Umunsi w'Intwari z'Igihugu muri Gatsibo.

Nyuma yo kuyihabwa Gashumba yavuze ko yishimiye kuba ubuyobozi bwamuzirikanye ndetse ashimira Perezida Paul Kagame wayoboye urugamba rwo kubohora Igihugu.

Urubyiruko rwari rwitabiriye umuhango wo kwizihiza Umunsi w'Intwari z'Igihugu i Gatsibo, rwabwiye RBA ko rwshimira iterambere igihugu cyigezeho kirikesha ibikorwa by'ubutwari byaranze abakurambere ku buryo na rwo biruha isomo ryo kucyitangira batizigama mu nzira y'iterambere.

Umuyobozi w'Akarere ka Gatsibo wungirije ushinzwe Iterambere ry'Ubukungu, Sekanyange Jean Leonard, yavuze ko ako karere gakomeje gahunda yo kubakira abamugariye ku rugamba batishoboye no kubaha inka kugira ngo badasigara inyuma kandi baritangiye Igihugu.

Yagize ati 'Nk'abasirikare barwanye urugamba rwo kubohora igihugu cyacu uyu munsi dushima ubutwari bwabo kuko ni bo baharaniye iterambere dufite uyu munsi. Ntabwo bagomba gusigara inyuma mu iterambere ni yo mpamvu muri gahunda yacu na bo turi kubafasha kugira ngo umusaruro mwiza w'ibikorwa bakoze na bo ubagereho.'

Visi Perezida wa Komisiyo y'Ububanyi n'Amahanga n'Ubutwererane mu Nteko Ishinga Amategeko Umutwe w'Abadepite, Bizimana Jean Claude, yibukije abaturage b'i Gatsibo ko kwitangira Igihugu uyu munsi ari inshingano ya buri wese binyuze mu bikorwa by'iterambere.

Gashumba John wahawe inzu yavuze ko yishimiye kuba ubuyobozi bwamuzirikanye ndetse ashimira Perezida Paul Kagame wayoboye urugamba rwo kubohora Igihugu

Inzu yatanzwe n’ibirimo bifite agaciro ka miliyoni 11 Frw

U Rwanda ruhagarariwe n'amakipe abiri muri iri rushanwa rihuza abapolisi bo hirya no hino hagamijwe kwerekana ubuhanga bwabo mu birebana no guhashya ibikorwa by'iterabwoba ryitabiriwe n'amakipe arenga 100.

Abitabiriye barushanwa mu byiciro bitanu bitandukanye birimo icyo kunyura mu nzira igoye, aho hasuzumwa imbaraga z'umubiri w'abapolisi, gukorera hamwe, kurira ibikuta, kunyura mu nzira z'inzitane n'ibindi.

Kugeza ku munsi wa Kabiri u Rwanda ruri mu bihugu bikomeje kwitwara neza aho RNP SWAT Team 1' iri ku mwanya wa Munani ku rutonde rusange n'amanota 184.

Uru rutonde kugeza ubu ruyobowe n'Ikipe y'Abapolisi yo mu Bushinwa ya China Police Team B ifite amanota 200 mu gihe indi kipe ya kabiri y'u Rwanda RNP SWAT Team 2 iri ku mwanya wa 11 n'amanota 170.

Biteganyijwe ko iri rushanwa rizakirwa iminsi itanu aho hamaze gukinwa iminsi ibiri gusa.
Uko ikipe zigenda zitwara mu byiciro bitandukanye ni byo bigenda bizamura amanota ya zo ku rutonde rusange.

Nko kuri uyu munsi RNP SWAT Team 1' yasoreje ku mwanya wa 12 n'amanota 91 naho RNP Swat Team 2 isoreza ku mwanya wa 21 n'amanota 82 byatumye zikomeza guhagarara neza ku rutonde rusange.

Ibyo bishingiye ku kuba ku munsi wa mbere w'irushanwa amakipe ahagarariye Polisi y'u Rwanda yari yitwaye neza aho RNP SWAT Team 1 yabaye iya 11 n'amanota 93 mu gihe RNP SWAT Team 2 yabaye iya 16 n'amanota 88.

Si ubwa mbere u Rwanda rwitabiriye ayo marushanwa kuko mu 2024 rwarayitabiriye ndetse runitwara neza aho amakipe yari aruhagarariye, nko mu cyiciro kirebana no kunyura mu nzira z'inzitane Obstacle Course' yaje imbere.

Icyo gihe ikipe ya mbere yabaye 'RNP SWAT Team 1' yakoresheje iminota itatu n'amasegonda 54 igira amanota 52, ikurikirwa na Kyrgyzstan yagize 51 ndetse na Uzbekistan yagize 50.

Ikipe ya kabiri y'u Rwanda 'RNP SWAT Team 2' yagize amanota 47 isoreza ku mwanya wa gatandatu ikoresheje iminota ine n'amasegonda 19.

Ku rutonde rusange rw'amakipe yari yitabiriye iryo rushanwa rya UAE SWAT Challenge 2024, RNP SWAT Team 1 yabaye iya 12 mu gihe RNP SWAT Team 2 yasoreje ku mwanya 19.

U Rwanda rumaze kwitabira aya marushanwa ya UAE SWAT Challenge inshuro enye muri esheshatu amaze gukinwa.

Day 2 of #UAESWATChallenge: The Rwanda National Police teams compete in the Tactical Event today. Let's rally behind them as they showcase their skills and determination!
📍 Location: Al Ruwayyah Training City, Dubai
📺 Watch Live: https://t.co/4ojemrbIt2#workingtogether pic.twitter.com/Z9XGakPlZi

— Rwanda Mission in UAE (@RwandaInUAE) February 2, 2025

Umupolisi w’u Rwanda agaragaza ubuhanga mu kumasha uri kure

Hamwe mu hifashishijwe mu marushanwa uyu munsi

Bimwe mu byo abapolisi bari muri aya marushanwa bakora harimo no kurasa begereye bakoresheje imbunda nto ‘pistolet’

Ikipe ya RNP SWAT Team 1 ikomeje kwitwara neza aho kuri ubu iri ku mwanya wa munani

Umupolisi w’u Rwanda asigana n’ibihe

U Rwanda rukunze kwitwara neza muri aya marushanwa

David Bayingana umwe mu bayobora Radio B&B FM Umwezi, abinyujije kuri Instagram, yateye imitoma uyu mukobwa amwifuriza isabukuru nziza y’Amavuko.

Yanditse ati”Isabukuru nziza Mwamikazi wanjye, twishimiye umwaka wuzuye urukundo, ibitwenge nibyo umutima wawe wifuza”.

Amakura ava mu nshuti za Nadia Umutesi, avuga ko ari mu rukundo na David Bayingana ndetse ko atari  ubwa mbere uyu munyamakuru amuteye imitoma, ku isabukuru ye y’amavuko dore ko ari nako byagenze mu mwaka ushize wa 2024.

Uyu mukobwa ari mu bahataniye ikamba rya Nyampinga w'u Rwanda 2017 ndetse ni nawe wabaye Nyampinga uberwa n’amafoto.

David Bayingana yatangiriye itangazamakuru kuri Radio Salus, yayivuyeho ajya kuri Voice of Africa, ayivaho ajya kuri Radio10, ubu akaba ari kuri B&B FM ahoabereye.

Miss Nadia Umutoni uvugwa mu rukundo na David Bayingana

David Bayingana aravugwa mu munyenga w’urukundo na Miss Nadia Umutoni 

Nadia Umutesi yabaye Nyampinga uberwa n’amafoto mu 2017

 

Kuri iki Cyumweru tariki ya 2 Gashyantare 2025, nibwo ikipe ya Arsenal yari yakiriye Manchester City kuri Emirates Stadium mu mukino wo ku munsi wa 24 wa shampiyona y’u Bwongereza.

Uyu mukino warangiye iyi kipe y’abarashi inyagiye Manchester City ibitego 5-1. 

Ni ibitego byatsinzwe na Martin Odegaard ku munota wa kabiri ahawe umupira na Kai Havertz,Thomas Partey ku munota wa 56,Myles Lewis-Skelly ku munota wa 56 ahawe umupira na Declan Rice,Kai Havertz ku munota wa 76 ahawe umupira na Gabriel Martinelli ndetse na Ethan Nwaneri ku munota wa 90+3 ahawe umupira na Declan Rice.

Ni mu gihe igitego cya Manchester City cyo cyatsinzwe na Erling Haaland ku munota wa 55 ahawe umupira na Savinho.

Nyuma y’uyu mukino, Perezida Kagame usanzwe afana Arsenal abinyujije kuri X ye yagaragaje amarangamutima ye aho yanditse ati” Arsenal/Abarashi-Murakoze. Reka tugende”.

Ikipe ya Arsenal yakomeje kuba kumwanya wa Kabiri ku rutonde rwa shampiyona aho irushwa amanota 6 na Liverpool ya mbere. 

Perezida Kagame ni umufana wa Arsenal kuva mu 1996, aho avuga ko ayikundira umukino mwiza ikina yatsinda cyangwa igatsindwa.

Mu 2007 ubwo Perezida Kagame yizihizaga isabukuru y'imyaka 50 y'amavuko, umutoza Arsene Wenger [watozaga Arsenal] yamuhaye impano y'idarapo ry'iyi kipe ririho imikono y'abakinnyi bose mu kumushimira.

Ntabwo ari ibi gusa kuko n’ikipe ya Arsenal muri 2014 yamugeneye impano azishyikirizwa na Tony Adams wahoze ari kapiteni wayo.

Tony Adams yatangaje ko iyi kipe yamugeneye umupira wo gukina wa Arsenal, imuha imipira itatu yo kwambara ya Arsenal hariho umwe uriho amazina ye na numero imwe.

Arsenal ifitanye umubano n'u Rwanda kuko kuva muri Gicurasi 2018 Ikigo cy'Igihugu cy'Iterambere (RDB) cyinjiye mu bufatanye bw'imyaka itatu n'iyi kipe ya Arsenal FC yo muri Premier League, u Rwanda ruyibera umuterankunga wa mbere ku maboko y'imipira, aho yambara 'Visit Rwanda' ku kuboko kw'ibumoso ku ikipe nkuru, iy'abatarengeje imyaka 23 no mu ikipe y'abagore.

Perezida Kagame yashimiye Arsenal yanyagiye Manchester City 

Abakinnyi ba Arsenal bishimira igitego cya Lewis- Skelly 

Arsenal yanyagiye Manchester City 

Yabigarutseho ku wa Gatandatu, tariki ya 01 Gashyantare 2025, ubwo Abanyarwanda baba muri Nigeria n'inshuti zabo bizihizaga umunsi w'Intwari z'Igihugu ku nshuro ya 31 mu ndangagaciro z'umuco w'u Rwanda.

Ibirori byo kwizihiza uyu munsi byabereye mu Murwa Mukuru, Abuja, ku nsanganyamatsiko y'uyu mwaka 'Ubutwari n'Ubumwe bw'Abanyarwanda, inkingi z'iterambere'.

Ambasaderi Bazivamo Christophe yavuze ko tariki ya 1 Gashyantare ari umunsi wihariye mu mateka y'u Rwanda.

Yagize ati 'Uyu munsi ufite igisobanuro cyihariye ku Banyarwanda twese ndetse n'inshuti zacu. Ni umunsi wo kuzirikana ubutwari, kwitanga no kwiyemeza kw'abahanze u Rwanda, bakarwagura, n'abarubohoye bakaruhesha agaciro rukaba rumaze kuba ubukombe.

Yakomeje ati 'Izi ntwari tuzi n'izo tutazi, abenshi batanze ubuzima bwabo, abandi barangwa n'ubushishozi, kutikunda, ubunyangamugayo…kugira ngo hubakwe u Rwanda rukomeye, rushyize hamwe kandi ruteye imbere.''

Yagaragaje ko ibikorwa by'ubutwari ari ubushake bw'Abanyarwanda biyemeje kubaka igihugu, abasaba gushyira imbere ubumwe n'ubudaheranwa mu rugamba rw'iterambere.

Ati 'Ibikorwa by'ubutwari si iby'abantu ku giti cyabo gusa, ahubwo ni n'ubushake bw'Abanyarwanda twiyemeje kubaka igihugu cyacu dushingiye ku bumwe, ubudaheranwa n'iterambere. Ndasaba abari hano twese, Abanyarwanda n'inshuti zacu, kwigira ku murage w'intwari zatubanjirije maze tukubaka ejo heza kandi hatubereye.''

Umuyobozi uhagarariye Abanyarwanda baba muri Nigeria, Dr. Otto Vianney Muhinda, yibukije ko indangagaciro z'ubutwari mu Rwanda n'Abanyarwanda atari ibya none.

Yavuze ko mu bihe binyuranye kandi bikomeye u Rwanda rwanyuzemo, haba mbere y'ubukoroni, mu gihe cyabwo ndetse na nyuma yabwo, u Rwanda rwagiye rugobokwa n'abana barwo b'intwari.

Ati 'Ndavuga abagore n'abagabo baranzwe no gukunda igihugu, kukitangira, gushyira hamwe, gukunda ukuri no kwanga umugayo'

Dr. Otto Muhinda yibukije Abanyarwanda n'inshuti zabo, inzego z'Intwari z'Igihugu zirimo Imanzi, Imena n'Ingenzi hamwe n'Ibiranga Intwari z'Igihugu.

Yavuze ko intwari zirangwa no kugira umutima ukomeye kandi ukeye, gukunda igihugu, kwitanga, kugira ubushishozi, kugira ubwamamare mu butwari, kuba intangarugero, kuba umunyakuri, kugira ubupfura, kugira ubumuntu ndetse asaba urubyiruko kuzigiraho.

Abitabiriye uwo munsi kandi basusurukijwe mu mbyino n'indirimbo zishimagiza Intwari z'u Rwanda hamwe n'umuhamirizo w'intore z'Abanyarwanda baba Abuja.

Ambasaderi w'u Rwanda muri Nigeria, Bazivamo Christophe, yasabye Abanyarwanda kwigira ku murage w'ubutwari

Abanyarwanda baba muri Nigeria bagararijwe indangagaciro zarangaga intwari z’igihugu

Ambasaderi w'u Rwanda muri Nigeria, Bazivamo Christophe, yishimanye n’Abanyarwanda baba muri Nigeria ku munsi w’Intwari

Abato nabo bitabiriye ibyo birori

Imbyino nyarwanda zafashije abitabiriye ibi birori

Ibi birori byitabiriwe n’abantu batandukanye barimo n’inshuti z’u Rwanda

Abanyarwanda baba muri Nigeria basabwe gukomeza kuzirikana umurage w’ubutwari

Intore z’Abanyarwanda baba muri Nigeria basusurukije abitabiriye ibi birori

Ibi Mukuralinda yabitagarije mu kiganiro Urubuga rw'Itangazamakuru gitambuka ku bitangazamakuru byo mu Rwanda bitandukanye.

Yavuze ko kurasa mu Rwanda kwa RDC kwabaye cyane cyane ku itariki ya 26 na 27 Mutarama 2025 bitabaye ku bw'impanuka, kuko igisirikare cy'icyo gihugu bigaragara ko cyari cyagambiriye kurasa ku basivile.

Ati 'Ntabwo amasasu n'amabombe yarashwe gutyo wavuga ngo ni ukubera ko imipaka ifatanye baribeshye'.

Gusa yavuze ko nubwo RDC yarashe ku basivile i Rubavu yabigambiriye nta musirikare wayo n'umwe wigeze ahirahira kwinjira mu Rwanda arwana.

Ati 'Nubwo hari abarashe mu Rwanda amasasu mato n'amanini nta musirikare [wa FARDC] wigeze ahirahira avuga ko agiye kwinjira mu Rwanda ahateye.Nta n'uwabigerageje ngo wenda bamusubize inyuma.'

Yavuze ko kugeza ubu abamaze kumenyekana bahitanywe n'ayo masusu ari abantu 15, mu gihe abandi 162 bakomeretse muri bo 117 bakaba baravuwe basezererwa mu mavuriro mu gihe 45 bakivurwa barimo batandatu barembye.

Mu bindi bimaze kumenyekana byangijwe n'ayo masasu ni inzu zirenga 200 zangiritse harimo izigera ku 151 zifite agaciro k'arenga miliyoni 130 Frw. Muri izo nzu zimaze kubarurwa izigera kuri 10 zarangiritse cyane, mu gihe izindi zigera ku 183 zangiritse ibisenge naho 38 zo zangirika amadirishya n'inzugi.

Hari kandi mashuri ya Leta atanu n'andi abiri yigenga yangiritse yose abarirwa mu gaciro ka miliyoni zirenga 27 Frw. Ibyo kandi byiyongeraho amatungo atandukanye yagiye ahitanwa n'ayo masasu.

Mukuralinda yavuze ko byumvikana impamvu abaturage i Rubavu bagize ubwoba bagahunga nk'uko n'Abanye-Congo bavaga i Goma bari bari guhunga bagana mu Rwanda.

Yongeyeho ko abo banye-Congo bari bahungiye mu Rwanda ubu basubiye iwabo kuko hari umutekano usesuye nyuma yo gufatwa n'umutwe wa M23 ku buryo hasigaye ababarirwa hagati ya 20% na 30% by'abari bahahungiye bose.

Ni mu gihe kandi abakoreraga imiryango mpuzamahanga bari bahungiye mu Rwanda na bo batangiye kugenda hakaba hasigaye ababarirwa muri 40%.

Mukuralinda yavuze ko ibyo bishimangira ko umutekano w'u Rwanda ari wose kuko n'abacanshuro b'Abanyaburayi bahanyuze babashije gutaha iwabo nta kibazo cy'umutekano mucye kibaye bityo asaba Abanyarwanda kuryama bagasinzira.

Ati 'Umutekano w'u Rwanda urahari kandi urarinzwe baryame basinzire ariko nta kwirara.Abantu ntibagomba kwirara kuko intwaro zafatiwe i Goma hamaze gufatwa zigaragaza ko zitari izo kurwanya gusa M23. N'amakuru ahari agaragaza ko hari harimo n'umugambi wo gutera u Rwanda'.

Umuvugizi wungirije wa Guverinoma yongeyeho ko n'Igihugu na cyo cyiticaye ubusa kuko RDC itahwemye gusubiramo ko ishaka gutera u Rwanda no guhirika ubutegetsi bwarwo kandi ko itigeze itangaza ko uwo mugambi yawuretse.

Ubwo yari mu nama y'Abakuru b'Ibihugu b'Umuryango wa Afurika y'Ibirasirazuba (EAC) ku itariki 29 Mutarama 2025 yigiraga hamwe icyakorwa ku ntambara ikomeje kuyogoza Uburasirazuba bwa RDC, Perezida Paul Kagame, yasezeranyije ko u Rwanda hari icyo ruzakora ku masasu RDC yarurasheho.

Yagize ati 'Mu minsi ibiri cyangwa itatu ishize twapfushije abantu, habayeho kurasa cyane guturutse mu Burasirazuba bwa Congo, i Goma.Hapfuye abantu babarirwa mu binyacumi, hakomereka abarirwa mu magana, ibyo mu buryo budashidikanywaho tuzabyitaho.Nta kubishidikanyaho.'

Ni inama yateranye ku wa 31 Mutarama 2025, yareberaga hamwe uko raporo y'umwaka yagenze, hanatorwa komite nyobozi nshya igizwe na Perezida Jean Paul Ndayisabye, Visi Perezida aba Camille Nyamihana, Umunyamabanga agirwa Emelyne Kayitaramirwa n'abajyanama babiri.

Jean Paul Ndayisabye wari usanzwe ari Visi Perezida wa RAPEP muri komite icyuye igihe, yagaragaje ko yishimiye kuba abanyamuryango bamubonyemo ubushobozi, abizeza kwitangira urugaga kugira ngo rukomeze rutere mbere.

Ati 'Ubu mfite inshingano zo gushaka ubushobozi bwigiye hejuru atari ukubukura mu banyamuryango kugira ngo umuryango waguke, mbijeje kandi ubufatanye, kubitangira, gukora cyane no kugaragaza isura y'umuryango guhera ku rwego rw'igihugu kugeza ku rwego mpuzamahanga.'

Umunyamuryango wa RAPEP, Karekezi Wede Emmanuel, yavuze ko afitiye icyizere abayobozi bitoreye, kandi ko bazakomeza gufasha ubuyobozi kwesa imihigo bwihaye.

Ati 'Abatowe turabasaba kwigomwa kuko ni akazi gasaba umwanya uhagije, turabasaba kandi kugisha inama bakumva ibyo abanyamuryango dukeneye, tugakomeza gutera imbere mu buryo butunogeye twese.'

Emerance Nyirangoga yavuze ko yizeye ko abatowe bazajya babatekerereza ibyiza ariko batabafatiye imyanzuro kuko iba ukwiye kuganirwaho.

Ati 'Twabatoye tubabonamo ubushobozi, ndabasaba gukomeza kudushakira amahugurwa menshi, urugaga rwacu tukarumenyekanisha, abantu benshi hano hanze bakarumenya, n'abana batazi ko ruhari bakaza bakabimeya, tugahuriza hamwe ibiterekerezo kugira ngo dukomeze tubungabunge ibidukikije.'

Uwari Perezida wa RAPEP, Ngendahayo Richard yasezeranyije uwaje kumokorera mu ngata gukomeza kumuba hafi, kandi ko azakora uko ashoboye kugira ngo umuryango ukomeze gutera imbere.

Kugeza uyu munsi, RAPEP imaze imyaka umunani ikora, aho ifite abanyamuryango barenga 300 bari mu byiciro bitatu birimo abahanga kurusha abandi n'abakizamuka.

RAPEP kandi igizwe na kompanyi zigera kuri 86, ari na zo zikora akazi kenshi ko gutunganya inyigo nsuzumangaruka ku bidukikije n'ubuzima bw'abantu ku mishinga itandukanye y'iterambere ry'igihugu.

RAEP igizwe n’abanyamuryango barenga 300

Amatora yabaye mu mucyo no mu bwisanzure

Visi Perezida Camille Nyamihana, yishimiye abanyamuryango bamutoye

Emelyne Kayitaramirwa watorewe kuba umunyamabanga yasezeranyije abanyamuryango ubwitange mu kazi kabo

Uwatorewe kuba Perezida wa RAPEP, Jean Paul Ndayisabye, yabwiye abanyamuryango ko bazakomeza gufatanya kugira ngo bateze imbere urugaga

Uwari Perezida wa RAPEP, Ngendahayo Richard yasezeranyije uwaje kumokorera mu ngata gukomeza kumuba hafi

Komite nyobozi nshya yatowe yiyemeje guharanira iterambere ry’urugaga

Amafoto: Shumbusho Djasiri