Category: Uncategorized

Iri shami riherereye mu Karere ka Kicukiro, Umurenge wa Gatenga, Akagali ka Kinunga, Umudugudu Kinunga, ku muhanda KK698st.

Umuyobozi Ushinzwe Iyamamazabikorwa muri Techno Market, Rubangisa Adolphe, yatangaje ko bafunguye iri shami mu rwego rwo kongera serivisi batanga ndetse no gutanga akazi.

Ati 'Gufungura iri shami bivuze kongera ubwinshi bwa serivisi dutanga, kugabanya ibiciro by'ibitumizwa mu mahanga ndetse no kurushaho kwegera abakiriya bacu.'

Rubangisa yakomeje avuga ko gufungura iri shami bivuze kwaguka kwa Techno Market ndetse no gushimangira icyizere imaze kugirirwa mu myaka 14 imaze.

Ati 'Twifuje kwagurira uruganda rwacu aho abatugana babasha kwizera ko ingano y'ibyo baduha byose bijyanye n'icapiro twabikora kuko ubu dufite ikoranabuhanga rigezweho ridufasha kwihutisha akazi.'

Iri shami riherereye ahantu hagutse hafasha abakiliya guparika ibinyabiziga byabo nk'imwe mu mbogamizi yari ku ishami risanzwe riherereye mu nyubako ya T2000 ahateganye no kwa Ndamage.

Kugeza ubu, iri capiro ryagabanyije 5% ku biciro ku bazajya bagana iri shami rishya ry'i Gikondo.

Techno Market ni icapiro rigufasha kubona Business Card ikoresha ikoranabuhanga, aho ushobora gutanga amakuru binyuze mu kuyikoza kuri telefoni igezweho (Smartphone) bitabaye ngombwa ko utanga iri ku rupapuro nk'uko bisanzwe.

Izindi serivisi itanga zirimo gusohora inyandiko z'ibitabo, ibinyamakuru, udutabo duto (printing).

Yandika kandi ikanashushanya ku myenda, ingofero, impuzankano n'ibikoresho byifashishwa mu nama nk'ibikapu (conference bag), ibyo batwaramo impapuro (conference folders), amabendera, amakaramu ariho ibirangantego, udukaye two kwandikamo (notebooks) n'ibindi.

Mu gihe udashoboye kugana kuri aya mashami yombi, wabona serivisi zayo binyuze no mu ikoranabuhanga kuri www.technomarketrwanda.com.

Ishami rishya riherereye i Gikondo ku muhanda ujya ku rusengero rwa Methodiste Libre

Ishami rishya rya Gikondo rifite parikingi ihagije

Kuri ubu abari kugana ishami ry’i Gikondo bari kugabanyirizwa 5%

Imashini yifashishwa mu kwandika ku bikombe bitandukanye

Imashini yifashishwa mu gukora ‘banners’ na ‘Pull ups’

Techno Market ifite imashini zitandukanye

Techno Market isanzwe ikorera mu nyubako ya T2000

Ishami ryo mu mujyi mu nyubako ya T2000 rizakomeza gukora nk’ibisanzwe

Amafoto: Umwari Sandrine

Ni ikibazo aba baturage bavuga ko cyongeye kugaruka nyuma y'aho inzego z'umutekano n'iz'ibanze zari zimaze igihe zaragihagurukiye kigacogora.

Niyonsenga Desire wo mu Mudugudu wa Rwega, Akagari ka Rwega Umurenge wa Giheke yabwiye IGIHE ko aya mabandi aherutse kumutega ashaka kumwambura telefone, yirutse amukurikiza imbwa.

Ati “Ikibazo kiduhangayikishije nk'abaturage b'Umurenge wa Giheke dukoresha iriya nzira tujya mu kazi, mu isoko rya Gatsiro no mu Mujyi wa Rusizi”.

Mukashyerezo Daphrose, yavuze ko basigaye barema isoko rya Gatsiro bafite ubwoba kubera ayo mabandi abategera mu nzira, akabambura amafaranga na telefone.

Harorimana Emelien we yavuze ko ayo mabandi ari abasore b'abasigajwe inyuma n'amateka batujwe mu kagari ka Gatsiro, ashimangira ko uretse gutegera abantu mu nzira baniba imyaka iri mu mirima n'amatungo y'abaturage.

Ati 'Hari umukecuru w'iwacu ku Rwega baherutse kumutemera ibitoki bitandatu, hari undi baherutse gutemera inyamunyo baza no mu mirima bakibamo ibigori. Hari umusaza bateze avuye mu gasoko bamunyaga telefone'.

Umuyobozi w'agateganyo w'Akarere ka Rusizi, Habimana Alfred, yabwiye IGIHE ko batari bazi ko iki kibazo cyagarutse.

Ati 'Iyo baduhaye amakuru dukorana n'inzego z'umutekano na polisi abo bantu bagafatwa. Icyo tugiye gukora ni uko ayo makuru tubonye tugiye kuyakoresha tukayabyaza umusaruro ku buryo utwo duce batubwiye tugenda tukatwegera tukaburizamo iyo migambi mibi'.

Gahunda y'Itorero ifasha mu kwimakaza ubumwe, gukunda igihugu no kwigisha abantu b'ingeri zose inshingano bahuriyeho nk'abenegihugu.

Minisitiri Dr. Jean Damascène Bizimana, yabwiye The New Times ko abarenga ibihumbi 60 bari bafungiwe ibyaha bya Jenoside yakorewe Abatutsi mu 1994 ari bo bamaze gufungurwa bagasubira mu muryango nyarwanda.

Yavuze ko hakoreshejwe inzira zitandukanye hagamijwe kubinjiza neza mu bandi no gufasha abo basanze kudahungabana.

Ati 'Izo gahunda ni ingenzi mu komora ibikomere, guharanira ubwiyunge n'ubumwe mu gihugu kigihanganye no gukira ibikomere bya Jenoside yakorewe Abatutsi igahitana abarenga miliyoni.'

Imibare igaragaza ko abarenga ibihumbi 20 bahamwe n'ibyaha bya Jenoside ari bo bakiri muri gereza zitandukanye. Barimo abakatiwe igifungo cy'imyaka 30 cyangwa munsi yacyo n'abakatiwe kuzamarayo ubuzima bwabo bwose.

Dr Bizimana yavuze ko iyi gahunda y'Itorero izajya ikorwa buri mezi atatu, ariko bikajyana n'umubare w'abafungiye ibyaha bya Jenoside bitegura gufungurwa muri iyo minsi.

Ati 'Iyi gahunda igamije gufasha abagiye kuva muri gereza kuba bumva neza amahame y'ubumwe bw'Abanyarwanda, bityo bakagira uruhare mu kongera kubaka igihugu. Abenshi bamaze imyaka myinshi bafunzwe, ntibazi gahunda zigezweho n'iterambere ryagezweho.'

Nyuma yo kujya mu itorero hazakomeza gahunda z'ibiganiro aho abafunguwe bazajya bajya ku buryo bisanga mu bandi.

Biteganyijwe ko Leta izafatanya n'imiryango itari iya Leta, amadini n'amatorero, amakoperative, abarokotse Jenoside n'abo abafunguwe bahemukiye, mu guhugura abari bafungiwe ibyaha bya Jenoside kugira ngo bashobore gutanga umusanzu wubaka.

Dr Bizimana kandi yavuze ko muri za gereza hatangirwa inyigisho z'uburere mboneragihugu zifasha abahafungiye gusobanukirwa politike zitandukanye z'igihugu n'aho iterambere rigeze.

Ati 'Intego dufite ni uko bazajya bataha bafite amakuru ahagije kandi biteguye gutanga umusanzu mwiza mu iterambere.'

Iyi gahunda itangajwe mu gihe hirya no hino mu turere tw'u Rwanda hari abarangije ibihano bakatiwe kubera ibyaha bya Jenoside yakorewe Abatutsi bagiye bagera mu miryango yabo bagahita batangira gucura imigambi yo kwica abarokotse Jenoside, bamwe bakayishyira mu bikorwa abandi bakifashisha abandi bantu.

Perezida w'Ihuriro ry'Abagize Inteko Ishinga Amategeko Rikumira Jenoside, Ipfobya n'Ihakana rya Jenoside yakorewe Abatutsi (AGPF), Prof. Dusingizemungu Jean Pierre aherutse kubwira IGIHE ko amakuru bagenda babona agaragaza ko ibi bikorwa byo kwibasira abarokotse hari ibigirwamo uruhare n'abarangije ibihano batahindutse.

Ati 'Hari igikorwa cy'uko hari abari barahaniwe icyaha cya Jenoside yakorewe Abatutsi ariko barangije igihano cyabo barimo gusubira mu muryango nyarwanda, hari aho ugenda usanga na bo mu maperereza agenda akorwa cyangwa se mu bimenyetso bimwe na bimwe bigenda bigaragara ko n'abo bantu babifitemo uruhare bikaba bigaragara ko hari ingufu zikwiye kongera gushyirwa mu bikorwa byo gutegura bariya barangije igihano.'

U Rwanda ruteganya ko muri Gashyantare 2025 hazafungurwa ikigo kizajya kinyuzwamo abahaniwe ibyaha bya Jenoside benda kurangiza ibihano bakatiwe kugira ngo bazashobore kwisanga mu muryango nyarwanda.

Muri gereza haba gahunda zo kwigisha uburere mboneragihugu ifasha abahari gusobanukirwa gahunda za Leta no kumenya aho igihugu kigeze

Ni isoko rigezweho ndetse n'ivuriro biri ku mupaka w'u Rwanda n'u Burundi. Abaturage bishimiye ko bije kuzamura imibereho myiza n'iterambere byabo.

Nyirabega Francine wo mu Mudugudu wa Bukamba, Akagari ka Mukiza, mu Murenge wa Mukindo, yavuze ko iri soko rigiye kubafasha guha agaciro ibihingwa byabo, guhahira ahafite isuku ndetse bigakorerwa hafi yabo kuko bakoraga ingendo ndende.

Uwera Marie Grace yunze mu rya mugenzi we ati 'Iri soko rije kutwegereza ibicuruzwa hafi, ababishoboye na bo babonye amahirwe yo gucuruza. Ubundi twajyaga guhahira mu isoko ryo mu Kabuga, mu Murenge wa Mugombwa. Tuzajya duhahira hafi, tubashe kwiteza imbere.'

Ibi byishimo babisangiye n'abacuruzi bakoreraga muri iri soko ritarubakwa, aho nka Murangwa Joel yavuze ko baruhutse imvune zo guhora banika bananura ibicuruzwa kubera imvura cyangwa izuba ryinshi byabangirizaga ibyo bacuruza cyane ko isoko ryabo ritari risakaye.

Isoko rya kijyambere ab'i Gosagara bubakiwe rifite ibisima byo gucururizaho 280 n'ibindi byumba bizakoreshwa nk'amaduka.

Depite Uwingabe Solange wifatanyije n'abaturage bo mu Murenge wa Mukindo mu kwizihiza Umunsi w'Intwari yibukije abaturage ko ibikorwa by'iterambere bagenda begerezwa ari bo bagomba kubirinda bakabibyaza umusaruro, kugira ngo bizagirire akamaro n'abazabakomokaho.

Ati 'Ibi bikorwa ni irindi terambere babonye, bakwiye kubisigasira ubundi bikarushaho kubafasha mu iterambere ryabo.'

Iri vuriro ry'ibanze rya Gitega rifite ubushobozi bwo kwakira abarwayi 100 ku munsi. Rizajya ritangirwamo serivisi zisanzwe zitangwa n'amavuriro y'ibanze hakiyongeraho izo kuvura amenyo, amaso, kuboneza urubyaro no kubyaza.

Abaturage bo mu Murenge wa Mukindo mu Karere ka Gisagara begerejwe ivuriro ry’ibanze rigezweho

Isoko rya kijyambere rya Agatunda mu Murenge wa Mukindo ryuzuye ritwaye arenga miliyoni 300 Frw

Ivuriro rishya ryubakiwe abo mu Murenge wa Mukindo ryamaze kugezwamo n’ibikoresho

Ibi bikorwa byabaye ubwo hizihizwaga Umunsi w'Intwari z'Igihugu mu Karere ka Kayonza. Wari ufite insanganyamatsiko igira iti ''Ubutwari n'Ubumwe bw'Abanyarwanda, inkingi z'iterambere.''

Muri iki gikorwa imiryango ibiri yahawe inka ebyiri, indi irenga 10 ihabwa iby'ibanze birimo n'ibiribwa.

Intwari Assumpta wo mu Murenge wa Gahini, yavuze ko imihigo basinye ari umukoro bakomora ku Ntwari z'u Rwanda kuko abenshi batanze imbaraga zabo bakiri bato, ndetse na bo bifuza gutanga imbaraga mu bikorwa bihindura imibereho y'abaturage.

Ati ''Umukoro wa mbere dufite ni ugukoresha imbaraga zacu tukiri bato, tukagira ibikorwa bikomeye dukora nk'uko na bo bitanze bakiri bato. Turashaka gufasha abatishoboye mu mirimo inyuranye, gukangurira urubyiruko rugenzi rwacu kureka ibiyobyabwenge, kwirinda inda zitateguwe n'ibindi byinshi.''

Mwigeme Hyacinthe wari ufite umugabo wamugariye ku rugamba, uherutse no kwita Imana, yishimye inka yahawe, agaragaza ko izamufasha kondora abana be bato bagiye kujya babona amata uko bikwiriye.

Yashimiye ubuyobozi bwongeye kwibuka ibikorwa byiza umugabo we yakoreye igihugu bukamufasha.

Umuyobozi w'Akarere ka Kayonza, Nyemazi John Bosco, yavuze ko kwigisha urubyiruko indangagaciro z'ubutwari cyane cyane iy'ubwitange no gukunda igihugu ari ingenzi.

Ati ''Twayise imihigo y'ubutwari kuko yibanda ku bwitange, gukorana no gufatanya. Ubu hari n'abandi bari ku rugerero bari mu bikorwa biteza imbere igihugu. Bazita ku bikorwa by'isuku, kwita ku bibazo bibangamiye imibereho myiza y'abaturage, gutunganya imihanda, kujya mu bukangurambaga muri gahunda za Leta zinyuranye n'ibindi. Dufite urubyiruko rwinshi twifuza ko rubigiramo uruhare.''

Meya yasabye urubyiruko kwigira ku butwari bwaranze Intwari z'u Rwanda zitanze zitizigama, arusaba gukomeza gushyira hamwe no gusigasira ibyagezweho mu iterambere.

Umunsi w'Intwari z'u Rwanda mu Karere ka Kayonza waranzwe n'ibikorwa bitandukanye aho uretse gusinya imihigo, abaturage bamwe bahawe inka, abandi bahabwa ubufasha bunyuranye burimo n'ibiribwa.

Urubyiruko rwo mu Karere Kayonza rwasinye imihigo y'ubutwari

Bamwe mu bamugariye ku rugamba rwo kubohora u Rwanda borojwe

Umuyobozi w'Akarere ka Kayonza, Nyemazi John Bosco, yasabye urubyiruko kwigira ku butwari bw'ababohoye u Rwanda

Abatishoboye bo mu Karere ka Kayonza bahawe ibirimo n’ibiribwa

Umujyi wa Goma uri mu maboko y'Umutwe wa M23 kuva tariki 27 Mutarama 2025, kandi uyu mutwe ugaragaza ko uri mu nzira ugana mu Mujyi wa Kinshasa. 

Iyi ndirimbo yagiye hanze mu ijoro ryo kuri iki tariki 2 Gashyantare 2025, ni nyuma y'iminsi yari ishize agaragaza ko yiteguye gukora indirimbo itera imbaraga ingabo z'Igihugu cye ziri ku rugamba. Mu mashusho, yigaragaje mu myenda ya gisirikare.

Muri iyi ndirimbo, Koffi Olomide avuga ku rukumbuzi afitiye umujyi wa Goma, uri mu Burasirazuba bwa Repubulika Iharanira Demokarasi ya Kongo. Aririmbamo ibyiyumvo bye ku mujyi wa Goma, awushimagiza kandi agaragaza ko awukumbuye cyane. 

Nka benshi mu bahanzi b'Abakongomani, yakunze gukoresha umuziki we mu gutanga ubutumwa bw'urukundo, urukumbuzi, ndetse n'ishimwe ku hantu h'ingenzi mu buzima bwe cyangwa mu mateka y'igihugu cye.

Mu mashusho y'iyi ndirimbo 'Chante Goma' Koffi Olomide anagaragazamo amwe mu mashusho y'ingabo za FARDC ziri ku rugamba, akabasaba kwisubiza uyu Mujyi.

Hari abandi bahanzi b'Abakongomani baririmbye ku mujyi wa Goma cyangwa bagaragaje ibyiyumvo byabo kuri uwo mujyi mu ndirimbo zabo.

Werrason yakoze indirimbo yise “Goma”. Irimo amagambo agaragaza urukundo afitiye uwo mujyi ndetse n'uruhare rwawo mu mateka ya Kongo.

Fally Ipupa uri mu bakomeye muri Afurika nawe yigeze gukora indirimbo yise “Goma Na Yo”, aho agaragazamo urukumbuzi afitiye uwo mujyi.

Uwitwa Lexxus Legal nawe yakoze indirimbo yise “Goma État de Guerre”. Uyu muraperi wakoze injyana ya hip-hop mu buryo bufite ubutumwa, yigeze gukora indirimbo ivuga ku bibazo bya Goma, by'umwihariko ibibazo by'umutekano n'intambara zagize ingaruka kuri uwo mujyi.

Nubwo umuhanzi Madilu System atigeze aririmba indirimbo yitwa Goma, mu ndirimbo ze nyinshi harimo amagambo ayivugaho, agaragaza ko ari umwe mu mijyi ikomeye mu buzima bw'Abakongomani.

Koff Olomide yari amaze igihe yijunditswe n'ubutegetsi bwa DRC, nyuma y'uko yari yavugiye kuri Televiziyo y'Igihugu ko ingabo zabo (FARDC) zidashoboye. Abaseseguzi bagaragaza ko gukora iyi ndirimbo ari ‘ugucinya inkoro’ dore ko amaze iminsi atemera imikorere ya Leta ya DRC.

Koffi Olomide yakoze indirimbo ihamagararira ingabo za FARC kwisubiza umujyi wa Goma 

Koffi Olomide yumvikanishije urukumbuzi afitiye Umujyi wa Goma uri mu maboko ya M23 

Koffi Olomide yaririmbye asaba gusengera ko amahoro yakongera kugaruka mu Mujyi wa Goma 

KANDA HANO UBASHE KUREBA AMASHUSHO Y'INDIRIMBO 'CHANTE 

“>

Mu ijoro ryakeye, umuhanzikazi  Temilade Openiyi wamamaye ku mazina ya Tems yegukanye Grammy Award mu cyiciro cya Best African Music Performance abicyesha indirimbo ye 'Love Me Jeje'.

Ni icyiciro yahigitsemo abahanzi nka Burna Boy, Davido, Lojay, Asake, Wizkid na Yemi Alade.

Akimara guhabwa iki gihembo, Tems yashimiye Imana ndetse n'umuryango we by’umwihariko Mama we wari ufite isabukuru ku munsi ukurikiye uwo Tems yatsindiyeho Grammy ye ya kabiri.

Tems yegukanye iki gihembo akuriye mu ngata Tyla ukomoka muri Afurika y'Epfo akaba ari bo bahanzi bafite iki gihembo kuva icyiciro cya Best African Music Performance cyakongerwa mu bitangwa.

Kuva iki cyiciro cyajyaho cy'umuhanzi mwiza muri Afurika, ntabwo kiratsindirwa n'umugabo dore ko izo nshuro zombi cyatwawe n’abakobwa gusa (Tyla na tems) ariko abantu benshi bemeza ko Davido akorwa mu mufuka.

Nyamara n’ubwo abafana be bavuga ko akunze gukorwa mu mufuka, Davido yaje mu ba mbere bahise bashimira Tems ku bwo gutsindira iki gihembo nk’uko bikubiye mu butumwa yanyujije ku rubuga rwe rwa X.

Tems yashimiye Imana, Inshuti ze, Umuryango we nyuma yo kwegukana Grammy Award

Tems yegukanye igihembo cya Grammy ku nshuro ya kabiri

Iki gihembo Tems yegukanye cyaherukaga gutsindirwa na Tyla ukomoka muri Afurika y’Epfo

Dore Ibyishimo bya Tems nyuma yo kwegukana Grammy Award

“>