Ni igikorwa giteganyijwe gutangira muri Werurwe uyu mwaka kikazamara amezi 18, aho nibura abazahabwa aya mashanyarazi ari abatuye mu bice bitandukanye byose bitari byagezwamo amashanyarazi.

Ubuyobozi bw'Akarere ka Rwamagana buvuga ko mu igenzura buheruka gukora basanze ingo zirenga ibihumbi 24, ari zo zitari zabona umuriro w'amashanyarazi, muri zo hakaba haranabariwemo abafite umuriro udahagije.

Umuyobozi wa REG ishami rya Rwamagana, Maniraguha Jean Pierre, yavuze ko abantu bose batuye mu bice bitari byagezwamo amashanyarazi bagiye kuyahageza, abaturage bahabwe na cashpower ku buryo mu mezi 18 bizaba birangiye.

Yagize ati ''Abantu bose badafite amashanyarazi ndabamara impungenge ko ubu ngubu dufite rwiyemezamirimo ugiye gukwirakwiza amashanyarazi guhera muri Werurwe. Azageza amashanyarazi ahantu hose atari yagera, azabikora mu mezi 18 kandi azayaha buri gace kose ku buryo nyuma y'iki gikorwa tuzasigara tuvuga ko amashanyarazi ageze ahashimishije muri Rwamagana.''

Umuyobozi w'Akarere ka Rwamagana wungirije ushinzwe Iterambere ry'Ubukungu, Kagabo Richards, we yabwiye IGIHE ko izi ngo nizimara guhabwa amashanyarazi bazaba bageze nibura kuri 95% by'ingo zifite amashanyarazi, yijeje abaturage ko hari n'undi mushinga uzatangira muri Gicurasi wo ukazasiga abaturage bose babonye amashanyarazi 100%.

Ati ''Guhera muri Werurwe turahera mu mirenge ya Rubona na Munyaga ahari imidugudu myinshi idafite amashanyarazi, tuzanakorera mu Mujyi ahari kongeramo 'transformation' 94 nshya zizafasha abaturage babonaga umuriro muke. Turimo kugerageza ibishoboka byose kugira ngo ikibazo cy'umuriro muke gikemurwe burundu kandi tunegereza abaturage bose amashanyarazi nk'uko Perezida wa Repubulika yabibemereye.''

Visi Meya Kagabo yasabye abaturage kwitegura kubyaza umusaruro uyu muriro w'amashanyarazi, bakongera umusaruro bakore ubucuruzi bwunguka, Yabasabye kandi kurinda ibikorwaremezo kugira ngo izo nsinga n'amapoto bitangirika.

Ingo ibihumbi 16 zigiye guhabwa amashanyarazi i Rwamagana

Ni nyuma y'aho buri muntu wese ugiye gufunguza konti mu murenge SACCO asabwa kwishyura amafaranga angana n'umugabane shingiro iyo SACCO igezeho, ariko ibi bigo by'imari bikaba bitajya bigabanya abanyamuryango babyo inyungu byabonye mu mwaka.

Mu ngendo abadepite bamazemo iminsi bakorera hirya no hino mu gihugu, bareba uko abaturage bakorana n'ibigo by'imari, abaturage bo mu karere ka Rusizi bafite konti mu mirenge SACCO basabye abadepite kubakorera ubuvugizi hakwigwa uko SACCO zajya zibaha inyungu.

Mwitende Jean, ufite konti muri SACCO y'umurenge wa Giheke mu karere ka Rusizi yavuze ko bitumvikana ukuntu umunyamuryango wa SACCO amara imyaka 10 cyangwa 20 atarabona n'inyungu ya 1000Frw.

Ati 'Ba Nyakubahwa badepite twagira ngo wenda ntibibe nonaha, ariko mutuvuganire SACCO zige ziduha inyungu nk'abanyamigabane bazo. Bitabaye ibyo zaba zirutwa n'ibimina. Mu kimina wizigamamo amafaranga ku mwaka bakazaguha ku nyungu ayo mafaranga yungutse'.

Uyu muturage yakomeje agira ati 'Aho kuduha inyungu buri mwaka badukata 3000 Frw yitwa ayo gucunga konti'.

Depite Mukamana Alphonsine, yavuze ko bitewe n'uko SACCO zirimo kwiyubaka, inyungu ibonetse itahita ihabwa abanyamuryango kuko hari ibindi bintu byinshi bigikenewe.

Ati 'Nk'ubwo mwuvise ko imirenge SACCO irimo gushyirwa ku ikoranabuhanga kugira ngo mu gihugu hose aho uri ube wabikuza. Ntabwo rero bahita babagabanya iyo nyungu kandi ibyo bigikenewe. Hari n'ibindi bigikenewe kugira ngo SACCO yiyubake. Hari igihe SACCO izabona iyo nyungu igabanye abanyamuryango n'ubundi nk'uko aya makoperative akora'.

Igitekerezo cyo gushyiraho imirenge SACCO cyakomotse mu nama y'umushyikirano yabaye mu 2008, yatangarijwemo ubushakashatsi bwavugaga ko 48% by'Abanyarwanda bari bafite imyaka y'ubukure icyo gihe batari batagerwagaho na serivisi z'ibigo by'imari.

Mu mwaka wakurikiyeho, imirenge yose yo mu Rwanda yahise ishyirwamo koperative zo kubitsa no kugurizanya zitwa 'Imirenge SACCO'.

Ibi bigo by'imari byatangiye bikorera mu Biro by'Imirenge ibindi bitangira bikodesha, ibyinshi byamaze kwiyubakira inzu zo gukoreramo ndetse byamaze guhuzwa mu buryo bw'ikoranabuhanga, mu rwego rwo korohereza abaturage kubona serivisi z'imari bitabagoye.

Abafite konti mu Mirenge SACCO barasaba kujya bahabwa inyungu

Ni nyuma y'icyumweru kimwe gusa umutwe wa M23 wigaruriye Umujyi wa Goma.

Mbere y'uko M23 ifata uwo mujyi, Ubuyobozi bwa RDC bwari bwafunze umupaka muto uhuza u Rwanda n'icyo gihugu uzwi nka Petite Barrière.

Ibyo byari byakozwe hagamijwe gukumira abaturage bo muri RDC bari bakomeje guhungira mu Rwanda kubera imirwano yari hagati y'ingabo za FARDC n'imitwe bafatanyije ndetse n'ingabo za SADC, iz'u Burundi, FDLR, Wazalendo n'Abacanshuro b'Abanyaburayi.

Nyuma y'urugamba rukomeye rwasize Umutwe wa M23 wigaruriye Umujyi wa Goma ndetse abarwanyi b'uwo mutwe bahita batangira gucunga umutekano ku mupaka w'u Rwanda na RDC.

Umutekano watangiye kugaruka mu buryo busesuye mu Mujyi wa Goma nyuma y'aho abarwanyi ba M23 bahanganye bagatsinda abasirikare ba FARDC hamwe n'indi mitwe bafatanyije, bari banze kuva ku izima.

Amakuru agaragaza ko umupaka wa Petite Barrière wongeye gufungurwa ndetse n'urujya n'uruza rw'abaturage berekeza mu Mujyi wa Goma cyangwa abavayo rwongera kugaragara.

Biteganyijwe ko abaturage bazajya bawukoresha ariko ufungwe saa cyenda z'umugoroba.

Mu mpera z'icyumweru gishize IGIHE yatembereye Umujyi wa Goma mu bice bitandukanye. Kuva ku mupaka w'u Rwanda na RDC wa La Corniche, kugera mu Bilele, Gouvernorat, Quartiers les volcans n'ahandi, hari umwuka udasanzwe.

Abaturage basubukuye ibikorwa byabo nk'ibisanzwe nubwo ibisigisigi by'intambara bikihagaragara. Hamwe mu hantu habereye urugamba rukomeye, ni ku musozi wa Goma, uzwi nka Mont Goma.

Abaturiye muri ako gace bavuze ko ku wa Kabiri ariho abasirikare bari banze kuva ku izima bari bari, mu kigo cya gisirikare cya Katindo kiri mu Mujyi wa Goma rwagati. Muri Camp Katindo, ni ho ku munsi wa kabiri w'imirwano i Goma hari nk'ibirindiro bikuru by'abarwanyi ba Wazalendo n'Ingabo za FARDC.

Abayobozi b'Umutwe wa M23 baherutse gutangaza ko nyuma yo kwigarurira Umujyi wa Goma, urugamba rukomereje mu bindi bice kugeza i Kinshasa kugira ngo bakureho ubuyobozi bwa Tshisekedi bukomeje gutsikamira abaturage.

Umupaka w’u Rwanda wa La Petite Barriere wongeye gufungurwa

RDC n’u Rwanda bikunze guhahirana cyane

Ubucuruzi bwongeye gusubukurwa

Urujya n’uruza ku mupaka rwongeye kugaragara

Amafoto: The New Times

Dukunze kubona abakinnyi bakiri bato bandikisha ibihe byabo mu makipe y'igihugu byabo ndetse bamwe ugasanga igihe kinini bamaze bakina umupira w'amaguru banakiniraga ikipe z'igihugu bavukamo.

Niyo mpamvu mu nkuru yacu tugiye kugaruka ku bakinnyi nibura 15 bakiniye ikipe y'igihugu “Amavubi” bakiri bato. Ni inkuru yanditswe na Ishimwe Olivier Ba afatanyije na Ntwari Gad umunyeshuri muri INES Ruhengeri.

15. Hakim Sahabo 17 years 278

Uyu musore w'imyaka 19, yakiniye Amavubi bwa mbere tariki 17 Ugushyingo 2022 ubwo yari afite imyaka 17 n'iminsi 278. Uyu musore kandi ukinira ikipe ya Beerschot yo mu Bubiligi, amaze gukinira Amavubi imikino 6 akaba yari amaze iminsi adahamagarwa.

14: Alfred Mugabo 17 years 251 days

Uyu musore w'imyaka 29 y'amavuko, yakiniye Amavubi bwa mbere mu 2013 ubwo yari afite imyaka 17 n'iminsi 251. Yamenyekanye mu Rwanda ubwo yakinaga mu ikipe ya Arsenal y'abakiri bato ndetse u Rwanda rukaba rwari rumwitezemo kuzaba itoroshi y'igihugu ariko byaje kurangira ahagaritse umupira w'amaguru imburagihe ndetse ibyo u Rwanda rwamushakagaho akaba atarabigezeho.

13. Butera Andrew: 17 years 214 Days

Uyu musore w’imyaka 30 wakuze agaragaza urwego ruhambaye rw'umupira w'amaguru mu Rwanda yakiniye Amavubi bwa mbere mu 2011 ubwo yari afite imyaka 17 n'iminsi 214. Yanyuze mu makipe atandukanye arimo Poroline, APR FC ndetse na As Kigali, kuri ubu akaba yarahagaritse umupira w'amaguru.

13. Iranzi Jean Claude: 17 years, 200 days

Uyu musore yabaye umukinnyi w'ikirangirire hano mu Rwanda ndetse no hanze y'igihugu. Iranzi, yakiniye Amavubi bwa mbere mu 2008 ubwo yari afite imyaka 17 n'iminsi 200. Yasezeye mu Amavubi mu 2019 nyuma yo kuyakinira imikino 64.

12. Haruna Niyonzima: 17 years 120 days

Uyu musore iyo umuvuze mu mupira w'amaguru mu Rwanda, abenshi bibuka umusore w'amacenga, wihuta kandi ushimisha abafana. Haruna ni umwe mu bakinnyi bamaze igihe kinini ari Kapiteni w'ikipe y'igihugu “Amavubi” aho ndetse ari we mukinnyi umaze kuyikinira igihe kinini.

Haruna yakiniye u Rwanda umukino we wa mbere tariki 27 Ugushyingo 2006 akaba amaze gukinira Amavubi imikino isaga 105 ndetse akaba atarasezera mu ikipe y'igihugu “Amavubi”. 

Kuri ubu Haruna Niyonzima wakiniye amakipe arimo APR FC, Rayon Sports, Etincelles, Yang African na Simba SC, ubu ari mu ikipe ya As Kigali aherutse gusinyira ku nshuro ya 3.

11. Muhire Kevin 17 years 81 days

Kapiteni w'ikipe ya Rayon Sports, ni umwe mu bakinnyi bakandagije akaguru kabo mu ikipe y'igihu “Amavubi” bakiri bato. Yakiniye Amavubi bwa mbere tariki ya 6 Mutarama 2016 ubwo yari afite imyaka 17 n'iminsi 81. Ndetse kuri ubu akaba akiri umukinnyi ngenderwaho mu Amavubi ndetse no muri Rayon Sports.

10. Eric Ndayishimiye: 17 yrs 67 days

Uyu musore w'imyaka 34 wahoze ari umunyezamu ukomeye mu Amavubi ndetse n'amakipe nka Rayon Sports na APR FC, yakiniye Amavubi bwa mbere ubwo yari afite imyaka 17 n'iminsi 67.

9. Jean Marie Murekezi 17 years 64 days

Jean Marie Murekezi yabaye umukinnyi udasanzwe mu Rwanda aho yavukiye i Nyarugenge tariki ya 2 Kamenya 1983 ndetse akaba yarakinaga mu kibuha hagati. Uyu mugabo yakiniye amakipe arimo; Mukura, Rayon Sports, APR FC, Les Citadins ndetse na Kiyovu Sports, akaba yarakiniye Amavubi bwa mbere tariki ya 03 Kanama 1999 afite imyaka 17 n'iminsi 64.

8. Charles Tibingana: 17 years 6 Days

Uyu musore ni umwe mu bakuriye mu irerero ry'umupira w'amaguru rya FERWAFA ndetse akaba umwe mu bakinnye igikombe cy'Isi cy'abatarengeje imyaka 17 cyabereye muri Mexco. Tibingana w'imyaka 30 wavukiye muri Uganda, yakiniye u Rwanda bwa mbere tariki ya 3 Nzeri 2011 ubwo yari afite imyaka 17 n'iminsi 6. 

Tibingana wakiniye Amavubi imikino 8 gusa, yaciye mu makipe arimo APR FC, As Kigali, Bugesera FC ndetse n'izindi zitandukanye zo muri Uganda, kuri ubu akaba nta kipe afite.

7. Olivier Karekezi: 16 years 320 days

Afatwa nk'umukinnyi mwiza u Rwanda rwagize ndetse akaba umwe mu bakinnyi beza babayeho hano mu Rwanda. Karekezi, umwe mu bafite ibitego byinshi mu Amavubi, yatangiye kuyakinira afite imyaka 16 n'iminsi 320.

Yakiniye Amavubi imikino isaga 64 atsindamo ibitego 21. Karekezi yakiniye amakipe arimo; APR FC, Helsingborgs If ndetse n'andi atandukanye yo hanze y'u Rwanda.

6. Emery Bayisenge 16 years 306 days

Myugariro wa Gasogi United, Emery Bayisenge ni umwe mu bakiniye Amavubi bakiri bato dore ko tariki ya 3 Nzeri 2011 ari bwo yakinnye umukino we wa mbere afite imyaka 16 n'iminsi 306. Uyu musore uzwiho imipira y'imiterekano, ubu ni umukinnyi w'ikipe y'igihugu Amavubi ariko udaheruka guhamagarwa.

5. Olivier Kwizera 16 years 302 days

Umwe mu banyezamu beza u Rwanda rufite ni Olivier Kwizera. Uyu musore yagaragaje impano ye akiri muto kuko yakiniye Amavubi bwa mbere afite imyaka 16 n'iminsi 302 kuri ubu akaba ari umukinnyi wa Al Kawkab yo muri Saudi Arabia.

4. Patrick Sibomana: 16 years 239 Days

Uyu rutahizamu uca mu mpande ni umwe mu bakinnyi bakandagije ikirenge mu ikipe y'igihugu “Amavubi” bakiri bato.  Uyu musore w'imyaka 28 y'amavuko yatangiye gukinira Amavubi afite imyaka 16 y'Amavuko n'iminsi 239. 

Uyu mukinnyi waciye mu makipe arimo APR FC, Yang African, Mukura Victory Sport na Police FC, kuri ubu ni umukinnyi El Ettihad yo muri Libya.

3. Mike Yosam: 16 years 198 days

Ni umukinnyi utaragize ibihe bihambaye mu ikipe y'igihugu Amavubi ndetse akaba yarakiniye u Rwanda igihe kitari kinini ariko akaba yaragize amateka yo gukinira u Rwanda afite imyaka 16 n'iminsi 198, akaba yarakinaga nka myugariro.

2. Sosthene Habimana: 16 years 104 days

Ubu ni umutoza Mukuru wa Musanze FC aho aheruka no kuyihesha umwanya wa 3 muri shampiyona ishize. Sosthene wakiniye Amavubi ari nka rutahizamu, yambaye imyenda y'ikipe y'igihugu “Amavubi” afite imyaka 16 n'iminsi 104.

1. Ngomirakiza Hegman 15 years 265 days

Ni umukinnyi wakinaga mu kibuga hagati asatira izamu, kuri ubu afite imyaka 32 y'amavuko.  Uyu mugabo wahagaritse ibyo gukina umupira w'Amaguru, ni we mukinnyi wakiniye Amavubi akiri muto cyane ndetse aracyabitse aka gahigo, aho yakandagiye mu kibuga bwa mbere afite imyaka 15 n'iminsi 265. Yakiniye u Rwanda bwa mbere muri 2007 u Rwanda rutsinda Djibouti ibitego 9-0 mu mukino wa gicuti.

Ni abaturage bamaze igihe kinini basaba kwimurwa iruhande rwa CIMERWA kuko intambi ituritsa zibateza ibibazo byinshi birimo kubasenyera inzu, kuramburura kw'amatungo yabo no gukuramo inda kw'abagore batwite.

Bavuga ko hari amakuru bamenye ko inzego z'ibanze zahisemo ko abantu batuye muri metero 800 uvuye aho uruganda ruri bazimurwa bagatuzwa mu Mudugudu wa Kibangira.

Bamwe mu baganiriye na RBA bavuze ko bagenzi babo bimuwe mbere bakajya gutuzwa muri uwo mudugudu batorohewe n'imibereho, kuko nta mirima yo guhinga bahawe kandi bari basanzwe batunzwe n'ubuhinzi ndetse ikaba ari na site bavuga ko itabereye imiturire kuko hahanamye cyane.

Umwe yagize ati 'Njye icyo nifuza ni uko batubarira amafaranga buri wese akajya kwishakira aho yubaka. Kuvuga ngo baratwimura ntitubishaka kuko inzu zacu ziri kwangirika ni twe twaziyubakiye ntabwo tuzananirwa kwiyubakira izindi.'

Umuyobozi w'Agateganyo w'Akarere ka Rusizi, Habimana Alfred, yabwiye IGIHE ko ibyo abaturage bavuga na byo bizitabwaho kuko Akarere katarafata umwanzuro w'uko bagomba kwimurwa.

Yagize ati 'Hari abaturage bari mu ntera yegereye uruganda bamaze kugaragazwa ko bagomba kwimurwa n'imiryango igomba kwimurwa irazwi, ariko uburyo bwo kubimura ni bwo buri kurebwaho umwanzuro nturafatwa. Ibyo abaturage bifuza bizasuzumwa harebwe igifite inyungu ku bantu bose.'

Ikibazo cyo kwimurwa kw'abo baturage bavuga ko nta rwego batakigejejeho ndetse no mu mpera z'icyumweru gishize bakigejeje ku bagize Inteko Ishinga Amategeko mu ruzinduko bahagiriye.

Depite Uwumuremyi Marie Claire uri mu bari basuye aka karere yavuze ko n'Inteko igiye gushyiraho akayo kugira ngo abo baturage bimurwe vuba.

Yagize ati 'Ni ikibazo kizwi inzego zatangiye gukurikirana ariko uburemere bw'ibigomba kwishyurwa, inzira binyuramo n'ayo mafaranga atari make ni yo mpamvu bitararangira. Na twe tuzongera tubaze [abayobozi] aho babigejeje.'

Abaturiye uruganda rwa CIMERWA i Rusizi bavuga ko badashaka gutuzwa mu mudugudu ahubwo bashaka ingurane

Mu nama y'umutekano yabaye kuri uyu wa 04 Gashyantare 2025, Inteko Ishinga Amategeko yahase ibibazo Minisitiri w'Ingabo muri Afurika y'Epfo ndetse n'umukuru w'ingabo za Afurika y'Epfo (SANDF).

Ni inama yibanze cyane ku mutekano mucye uri mu Burasirazuba bwa DRC aho ingabo za Afurika y'Epfo ziri gutikirira mu ntambara ibahuje na M23 ndetse Perezida Cyril Ramaphosa akaba yarirenze akarahira ko batazakurayo ingabo ahubwo bazazongerera imbaraga n'ibikoresho.

Muri iyi nama yahuje abayobozi bakuru bashinzwe umutekano muri Afurika y'Epfo ndetse n'abagize Inteko Ishinga Amategeko, yaranzwe n'akavuyo kenshi no kuvugana uburakari kwa bamwe mu badepite barakajwe cyane n'ibintu bidakwiye ubuyobozi bwabo buri gukora.

Umwe mu badepite batanze igitekerezo, yemeje ko Afurika y'Epfo itari muri DRC ku bwo kubungabunga no kugarura umutekano ahubwo yagiyeyo ku bwo gushaka amabuye y'agaciro ari mu nyungu za Perezida Cyril Ramaphosa utitaye ku buzima bw'urubyiruko rwo muri Afurika y'Epfo ruri kuhaburira ubuzima.

'Kubera iki wowe Minisitiri na Perezida muri kutubeshya ku miterere y'iyi operasiyo mufite muri DRC? Ntabwo ari ukugarura amahoro ahubwo mufite inyungu muri SADC. Mwari mubizi ko abasirikare bacu bagiye kurasirwa muri DRC kandi mukoherezayo abasore bacu bato.

Ntabwo mwaboherereje amafaranga aho bari muri Congo ahubwo bagiye gupfira amabuye y'agaciro ya Cyril Ramaphosa n'umuryango we ndetse n'inshuti ze kandi dufite amabuye y'agaciro kurusha ayo abana bacu bari gupfiraho muri DRC.

Ikibazo cya kabiri uyu mudepite yabajije, yasabye Minisitiri w'Umutekano kumusubiza igihe n'uburyo abasirikare ba SANDF bagomba kuvira muri DRC mu buryo bwa vuba aha.

Uyu mudepite wavuganaga agahinda n'igitsure cyinshi, yabajije ikibazo cya gatatu ariko mu buryo bwahise buteza impaka mu Nteko Ishinga Amategeko dore ko yavugaga atunga urutoki Minisitiri w'umutekano amushinja gusuzugura Afurika y'Epfo ndetse n'abaturage ba Afurika y'Epfo ahita aboneraho kumusaba kwegura n'abandi bakuriye igisirikare muri Afurika y'Epfo.

Mu gusubiza, Minisitiri w'Umutekano, Angie Motshekga yavuze ko ibyo birego bidafite ishingiro ahubwo bo nka Afurika y'Epfo bari muri DRC mu rwego rwo kuzana amahoro nk'uko nabo ari Igihugu gifite amahoro kandi cyifuza ko Afurika yose yagira amahoro.

Yavuze kandi ku kibazo cy'ubushobozi bucye abasirikare ba SANDF bafite muri DRC yemeza ko amafaranga abatunga ava mu bihugu bigera kuri 15 bya SADC bityo ko nta kibazo gikomeye bafite.

Iyi nama y'umutekano ibaye nyuma y'umunsi umwe Perezida Cyril Ramaphosa ashyize hanze urwandiko rusaba DRC kugana inzira y'ibiganiro ku mpande zombi.

Kuri uyu wa Gatandatu, Abakuru b'Ibihugu barimo Felix Tshiekedi, Cyril Ramaphosa, Paul Kagame, William Ruto, Samia Suluhu Hassan barahurira mu nama izabera muri Tanzania igamije kwiga ku bibazo bya DRC.

Perezida Ramaphosa yakijweho umuriro n’Inteko Ishinga Amategeko muri Afrika y’Epfo