Category: Uncategorized

Ibijyanye n'icyo kiganiro byatangajwe na Perezida Kagame abinyujije kuri X.

Perezida Kagame ati 'Nagiranye ikiganiro cyiza na Perezida w'Inama y'Umuryango w'Ubumwe bw'u Burayi, EU, António Costa. Twaganiriye ku biri kubera muri RDC ndetse twemeranya ko hakenewe uburyo bwiza bwo gukemura ikibazo ndetse n'ibisubizo bishingiye ku biganiro bya politiki kugira ngo himakazwe amahoro arambye.'

Umukuru w'Igihugu kandi yagaragaje ko mu biganiro bye na Costa hibanzwe no ku kijyanye n'uko impande zose bireba, zigomba kugira uruhare mu gushaka igisubizo ku bibazo biri mu Burasirazuba bwa RDC.

Arakomeza ati 'Twaganiriye kandi ku mubano ukomeye usanzweho hagati ya EU n'u Rwanda, binyuze mu nzego zitandukanye z'ingenzi.'

Perezida Kagame amaze iminsi agirana ibiganiro n'abandi bayobozi, nk'aho ku wa 29 Mutarama 2025, yaganiriye n'Umunyamabanga wa Leta Zunze Ubumwe za Amerika ushinzwe Ububanyi n'Amahanga, Marco Rubio, ku ngingo zirimo n'ikibazo cy'umutekano muke mu Burasirazuba bwa Repubulika Iharanira Demokarasi ya Congo.

Mu mpera za Mutarama 2025 kandi Perezida Paul Kagame yakiriye Minisitiri w'Ububanyi n'Amahanga w'u Bufaransa, Jean-Noël Barrot wari mu ruzinduko mu Rwanda, baganira ku mibanire y'ibihugu byombi ndetse n'uburyo bwo gushaka amahoro arambye mu Karere u Rwanda ruherereyemo.

Perezida Kagame aherutse kuganira na mugenzi we wa Afurika y'Epfo, Cyril Ramaphosa n'abandi.

Mu Ukwakira 2024 na bwo Intumwa Yihariye y'umuryango w'Ubumwe bw'u Burayi (EU) mu Karere k'Ibiyaga Bigari, Ambasaderi Johan Borgstam, yaganiriye na Minisitiri w'Ingabo w'u Rwanda, Juvenal Marizamunda, ku bijyanye n' umutekano.

Mbere yo kugera i Kigali, Ambasaderi Borgstam yari yabanje muri Angola, akomereza muri Repubulika Iharanira Demokarasi ya Congo mu ruzinduko rwamaze iminsi itatu.

Icyo gihe Ambasade ya EU muri RDC yasobanuye ko Borgstam yagiye i Kinshasa kuganira n'abayobozi bo muri iki gihugu ku ngingo zirimo ibiganiro bya Nairobi bihuza Abanye-Congo n'ibiganiro bya Luanda.

Had a fruitful conversation with President of the EU Council António Costa @eucopresident, where we discussed the situation in DRC and agreed on the need for effective de-escalation and a resolution to the conflict that prioritizes political dialogue and ensures lasting peace.…

— Paul Kagame (@PaulKagame) February 5, 2025

Perezida Kagame yaganiriye na António Costa wa EU

Bikubiye mu itangazo Umuvugizi w'umutwe wa AFC/M23 mu bya politiki, Laurence Kanyuka yashyize kuri X kuri uyu wa 05 Gashyantare 2024.

Itangazo rigaragaza ko Bahati Musanga Joseph yagizwe Guverineri wa Kivu y'Amajyaruguru.

Bahati azungirizwa na Manzi Ngarambe Willy wagizwe Visi-Guverineri wa Kivu y'Amajyaruguru ushinzwe ibijyanye na politiki, ubuyobozi, n'amategeko.

Ni mu gihe Amani Bahati Shaddrak we yagizwe Visi Guverineri wa Kivu y'Amajyaruguru ushinzwe ubukungu, imari n'iterambere.

Mu rukerera rwo kuri uyu wa 27 Mutarama 2025 ni bwo M23 yemeje ifatwa ry'Umujyi wa Goma ufatwa nk'Umurwa Mukuru wa Kivu y'Amajyaruguru.

Ibyo byajyanye no gufata ibice by'ingenzi bigize uyu mujyi, nk'Ishami rya Radio na Televiziyo ya Repubulika Iharanira Demokarasi ya Congo (RTNC), Ikibuga cy'Indege cya Goma n'ibindi bice by'ingenzi.

M23 yari yamaze gufata indi mijyi nka santere ya Minova yo muri teritwari ya Kalehe muri Repubulika Iharanira Demokarasi ya Congo, Umujyi wa Sake n'ibindi bice byo muri iyi ntara.

Bahati agizwe Guverineri wa Kivu y'Amajyaruguru nyuma y'urupfu rwa Gen Maj Peter Cirimwami wayoboraga iyo ntara.

Gen Maj yishwe arasiwe na M23 mu gace ka Kasengezi, aho uyu mugabo wamenyekanye mu guhuza imitwe ya Wazalendo na FDLR n'igisirkare cya RDC, yari yaje ku rugamba kureba uko ingabo ze ziri kwitwara mu guhangana na M23.

Nyuma y'urupfu rwa Gen Maj Cirimwami, Perezida wa RDC, Félix Tshisekedi, yamusimbuje Maj. Gen. Evariste Somo Kakule.

Ishyirwaho rya Maj. Gen. Kakule ryabanjirijwe n'iteka rya Perezida wa RDC rimuzamura mu ntera, ava ku ipeti rya Brigadier General agirwa Major General, ryatangajwe ku mugoroba w'itariki 28 Mutarama 2025.

Uretse abayobozi b'Intara ya Kivu y'Amajyaruguru, M23 yashyize mu myanya n'abandi bayobozi barimo Meya w'Umujyi wa Goma, ndetse n'abayobozi ba za teritwari zitandukanye z'iyi ntara.

Abasirikare ba M23 ni bo bari kugenzura umupaka wa Goma

Nyuma y’uko M23 yigaruriye Goma ibikorwa byarasubukuwe

Mu itangazo Umuvugizi mu bya Politiki wa M23/AFC yashyize ahagaragara, yatangaje ko ubuyobozi bwa M23/AFC bwashyizeho Monsieur Bahati Musanga Joseph nka Guverineri w’Intare ya Kivu y’Amajyaruguru akaba agomba gusimbura Maj. Gen. Somo Kakule Evariste wari umaze iminsi 7 ashyizweho na Perezida Tshisekedi.

Mu zindi ngingo ziri muri iri tangazo, ni uko Bwana Manzi Ngarambe Willy yagizwe Visi-Guverineri ushinzwe ibibazo bya politiki, ubuyobozi n'amategeko naho Bwana Amani Bahati Shaddrak agirwa Visi-Guverineri ushinzwe ibibazo by’ubukungu, imari n’iterambere.

Iri tangazo rivuga ko izindi ngingo zose zabanje mbere y’iri tangazo zitagikurikizwa kandi ko abanyamabanga ba M23/AFC bafite inshingano zo gutangira gushyira mu bikorwa iyi myanzuro kuva isaha isinyiweho.

M23/AFC iherutse gutangaza ko ifashe igihe cy’agahenge mu gihe bari kwita ku baturage by’umwiharuko abatuye mu mujyi wa Goma.

Maj. Gen. Somo Kakule Evariste waherukaga kugirwa Guverineri w’Intara ya Kivu y’Amajyaruguru, yari atarayigeramo kubera ko iyo ntara yose yari yarabohojwe na M23.

Itangazo rya M23/AFC rishyira mu myanya abayobozi ba Kivu y’amajyaruguru 

Ubu imideli ni uruganda rutunze benshi mu birabura, binyuze mu kuba hagenda havuka inganda nto zikora imyenda ibera bose, kugeza kuri ba bakobwa beza n'abasore b'intarumikwa batuma dukunda iyo myenda nyuma yo kuyerekana.

Kuva muri New York Fashion Week, Paris Fashion Week, Milan Fashion Week, London Fashion Week n'ibindi birori bikomeye mpuzamahanga by'imideli, uretse abirabura, n’Abanyarwanda by’umwihariko bakomeje kuhacana umucyo.

Abanyarwanda batanze isomo mu kwerekana imyambaro y'ibigo bikomeye mu mideli, barimo nka Christine Munezero ukomeje guca ibintu ku byapa i New York, witabiriye ibi birori byose agaragaza imyambaro irimo Balmain, David Koma, Ulla Johnson n'indi.

Mu bandi bahesheje u Rwanda ishema barimo Umufite Anipha, Mushikiwabo Denyse, Umuhoza Linda, Umutoni Ornella, Gisa Sonia, Isheja Morella n'abandi.

Nubwo Abanyarwanda hari intambwe ishimishije bamaze gutera mu bijyanye n’imideli, hari abandi birabura b’ibyamamare bazwi cyane ku guhembwa amafaranga menshi. Mu mwaka wa 2025 nabwo, uruganda rw'imideli rukomeje kwaguka cyane, aho abanyamideli b'abirabura bari ku isonga mu bahembwa agatubutse.

Uyu munsi, InyaRwanda yaguteguriye urutonde rw'abanyamideli 10 b'Abirabura bahembwa amafaranga menshi. Benshi muri bo bakijijwe no gukorana n’ibigo bikomeye bikora ibijyanye n’imideli, ku buryo kugeza ubu bahindutse icyitegererezo kuri barumuna babo barota kwinjira muri uyu mwuga.

1. Naomi Campbell (Ubwongereza/Sierra Leone)

Naomi Campbell ni umwe mu banyamideli b'icyitegererezo mu mateka y'imideli, akaba amaze imyaka irenga 30 muri uru ruganda. Yagize uruhare rukomeye mu mpinduka zikomeye zagiye ziteza imbere imideli ku Isi, ndetse kugeza ubu akomeje kwigarurira imitima ya benshi no kwinjiza amafaranga menshi mu bikorwa bitandukanye akora ariko bishingiye ku mideli.

2. Alek Wek (Sudani y'Epfo)

Alek Wek, umunyamideli w'imyaka 45 ukomoka muri Sudani y'Epfo ariko ufite ubwenegihugu bw'u Bwongereza, ni we munyamideli wa kabiri w'umwirabura uhembwa menshi. Bivugwa ko yinjiza byibura miliyoni $20 buri mwaka. Yahunze intambara yo muri Sudani mu 1991, ajya gutura mu Bwongereza hamwe n'umuryango we.

3. Tyra Banks (Amerika)

Tyra Banks afatwa nk'umwe mu banyamideli b'abirabura b'abagore bahembwa amafaranga menshi. Uretse imideli, abarizwa mu muziki n'itangazamakuru, ibikomeje kongera umusaruro we.

4. Adut Akech (Sudani y'Epfo/Australia)

Adut Akech ni umwe mu banyamideli bakomeye muri iki gihe, azwi cyane ku mikoranire ye n'inzu z'imideli zikomeye. Ubwamamare bwe bwatumye abona amasezerano akomeye, bituma amafaranga yinjiza yiyongera cyane.

5. Maria Borges (Angola)

Maria Borges yagize uruhare rukomeye mu iterambere ry'imideli, akorana n'abahanga mu mideli n'amasosiyete akomeye. Uko agenda arushaho kumenyekana, ni ko amafaranga yinjiza agenda yiyongera.

6. Liya Kebede (Ethiopia)

Liya Kebede amaze igihe kinini ari umwe mu banyamideli bakomeye ku rwego mpuzamahanga, agaragara mu bitaramo bikomeye ndetse akorana n'ibigo bikomeye nka Louis Vuitton, bigatuma amafaranga yinjiza arushaho kwiyongera.

7. Candice Swanepoel (Afurika y'Epfo)

Candice Swanepoel ni umwe mu banyamideli b'Abanyafurika bakomeye, cyane cyane kubera imikoranire ye n'amasosiyete y'imideli akomeye. Amafaranga yinjiza ashimangira ubwamamare bwe n'icyubahiro afite muri uru ruganda.

8. Anok Yai (Misiri/Sudani)

Anok Yai yazamutse vuba mu ruganda rw'imideli, asinya amasezerano akomeye kandi yamamariza ibigo bikomeye. Amafaranga yinjiza yagiye yiyongera cyane mu myaka myinshi amaze muri uyu mwuga.

9. Duckie Thot (Sudani y'Epfo/Australiya)

Duckie Thot yubatse izina rikomeye mu ruganda rw'imideli, akorana n'inzu z'imideli zikomeye. Uko amazina ye amenyekana ku rwego mpuzamahanga, ni ko amafaranga yinjiza akomeza kwiyongera.

10. Mayowa Nicholas (Nijeriya)

Mayowa Nicholas ni umwe mu banyamideli b'Abirabura bakomeye, akaba azwi mu bitaramo by'imideli bikomeye ku isi. Ubu bwamamare bwe bwatumye yinjiza amafaranga menshi, bimushyira mu banyamideli bahembwa neza muri Afurika.

Aba banyamideli ntibinjiza amafaranga menshi gusa, ahubwo bagize uruhare rukomeye mu guteza imbere uruganda rw’imideli ku Isi. Inkuru zabo ziza mu z’imbere zitera urubyiruko rw'Abirabura ndetse zikomeza gutanga icyizere ku bafite inzozi zo kuzaba abanyamideli bakomeye mu bihe biri imbere.

Nyuma yo kohereza ingabo muri DRC ndetse akavuga ko nubwo ziri kuhagwa adateze kuzihakura, abagize Inteko Ishinga Amategeko barashinja Perezida Cyril Ramaphosa gushyira mu kaga ubuzima bw'abasirikare ku bw’inyungu ze bwite n'umuryango we.

Ibi byagarutsweho mu nama y'umutekano yahuje abagize Inteko Ishinga Amatgeko ndetse n'abayobozi bakuru mu by'umutekano muri Afurika y'Epfo barimo na Minisitiri w'umutekano, Umugaba mukuru w'ingabo, abakuriye abahoze ari abasirikare ndetse n'abandi batandukanye.

Mu byo benshi bahuriyeho muri iyi nama, ni uko ngo Perezida Cyril Ramaphosa ari kugira ikiguzi ubuzima bw'abasirikare ba Afurika y'Epfo ku mabuye ari kwiba muri Repuburika Iharanira Demokarasi ya Congo kandi nabo ubwabo ayo mabuye bayafite aho gupfira ku mabuye y'abandi.

Ibi Abadepite bavuze ko bihuye neza n'ibyo umuvugizi wa Guverinoma y'u Rwanda, Yolande Makolo aherutse gutangaza ku rubuga rwa X avuga ko abaturage ba Afurika y'Epfo bakwiye kumenya ukuri ku biri kubera muri DRC ndetse n'impamvu abasirikare babo bari kuhapfira aho gutamika u Rwanda amahanga yose kandi barubeshyera ahubwo bayobya uburari bw’ibyo bari gukora.

Ibi Cyril Ramaphosa ashinjwa ntibyavuye ku banyamahanga ahubwo yatangiye no gushinjwa na bamwe mu bayobozi bafatanyije kuyobora ku buryo bigaragara ko byaba ari ukuri kuzuye dore ko abadepite muri Afurika y'Epfo bifuza ko abashinzwe umutekano bose bahita begura kubwo gufata icyemezo cyo kohereza ingabo muri DRC.

Nyamara nubwo bimeze bityo, hari icyo amategeko mpuzamahanga avuga ku muntu uteza intambara cyangwa se umuntu utiza umurindi intambara nubwo hashobora kubaho intege nke ku bashyira mu bikorwa ayo mategeko bityo ntashyirwe mu bikorwa.

Urukiko Mpuzamahanga Mpanabyaha (ICC) ruhana umuntu ku giti cye ku byaha bitandukanye nk'ibyaha by'intambara, ibyaha byibasira inyoko muntu n'ibyaha bya Jenoside. Niba umukuru w'igihugu yatanze itegeko cyangwa ashyigikiye ibikorwa by'intambara byangiza abasivili, ashobora gukurikiranwa mu mategeko.

Urugero rwa hafi, Uwahoze ari Perezida wa Sudani, Omar al-Bashir, yashinjwe ibyaha by'intambara na ICC kubera ibyo yakoze muri Darfur nubwo kuva mu mwaka wa 2009, ICC itari yamufata ahubwo we yafunzwe n’abamukuye ku butegetsi.

Akanama k'Umuryango w'Abibumbye gashinzwe umutekano (UN Security Council) gashobora gushyiraho ibihano (nko kubuzwa kwinjira mu bindi bihugu, gufatirwa imitungo, no gukumirwa mu bucuruzi) ku bayobozi bateza amakimbirane n'intambara mu bihugu bitandukanye.

Bamwe mu bagize uruhare mu ntambara ya Siriya na Libiya barimo Muammar Gaddafi, Hannibal Muammar Gaddafi, Atef Najib, Khalid Qaddour, Maher al-Assad, Bashar al-Assad n'abandi batandukanye bafatiwe ibihano kubwo kugira uruhare mu ntambara n'amakimbirane hagati y'ibi bihugu.

Urukiko Mpuzamahanga rw’Ubutabera (ICJ) rukemura amakimbirane hagati y'ibihugu, rushobora kwemeza ko igihugu runaka cyarenze ku mategeko mpuzamahanga. Nubwo rutakurikirana abantu ku giti cyabo, rushobora gufata icyemezo gishyira igihugu mu majwi no kugitegeka gutanga indishyi cyangwa se rugashyikiriza ibimenyetso ICC hanyuma igakurikirana abantu ku giti cyabo.

Niba ibyo bikorwa bya SANDF bifitanye isano n'ibikorwa by'ubugizi bwa nabi bishobora kugira ingaruka ku baturage ba Congo, bishobora gufatwa nk'ibyaha by'intambara cyangwa ibyaha byibasira inyokomuntu nk'uko biteganywa n'amategeko mpuzamahanga.

Mu gihe Urukiko mpuzamahanga rwa ICC rubonye ibimenyetso bikomeye, rufite ubushobozi bwo gukurikirana abakekwaho ibyaha by'intambara, ibyaha byibasira inyokomuntu, cyangwa Jenoside. Habonetse ibimenyetso bikomeye, Perezida ashobora gutangirwa impapuro zimuta muri yombi.

Nyamara nubwo bimeze bityo, nta bimenyetso bihamye biratangazwa byemeza ko Perezida Cyril Ramaphosa afite uruhare mu bikorwa by'ubugizi bwa nabi cyangwa ubusahuzi muri RDC ku buryo byahita bishingirwaho akaburanishwa cyangwa agatabwa muri yombi.

Mu gihe ibimenyetso bifatika bibonetse, amategeko mpuzamahanga afite uburyo bwo gukurikirana no guhana abashinjwa ibyaha nk'ibi.

 
Cyril Ramaphosa yatangiye gushinjwa n’abayobozi bo muri Afurika y’Epfo gutiza umurindi umutekano mucye muri DRC we yishakira amabuye y’agaciro

Kugeza aka kanya, nta bimenyetso bikomeye bihari ku buryo Cyril Ramaphosa yakurikiranwa

Abadepite muri Afurika y’Epfo barashinja Cyril Ramaphosa kujya gufatanya na DRC mu kurwanya abanturage bayo aho kubungabunga amahoro nk’uko we abyita

Byari byitezweko ko abakinnye igikombe cy'Isi cy'abatarengeje imyaka 17 bazaba amakiriro y'u Rwanda muri ruhago. Icyizere cyari uko bamwe muri bo bashobora kujya i Burayi n'ahandi ariko ubu benshi muri bo bicaye ku ntebe z'abasimbura mu byiciro byo hasi mu Rwanda ndetse abandi ntawe uzi irengero ryabo.

Uwahoze ari Kapiteni w'abo bakinnyi bakinnye igikombe cy'Isi cya 2011 cy'abatarengeje imyaka 17 cyakiniwe muri Mexique, Emery Bayisenge, mu kiganiro yagiranye na Youtube Channel ya Aime Niyibizi Empire, yashimangiye ko bagiye babona amahirwe menshi ariko bikarangira gutyo gusa ntibamenye icyayazitiye.

Emery Bayisenge yahishuye ko ubwo biteguraga kujya mu gikombe cy'Isi, ikipe ya Chelsea FC ikina mu cyiciro cya mbere mu Bwongereza yifuje Charles Tibingana ariko bikarangira batamenye impamvu yatumye uyu mukinnyi atajya kuyikinira.

Emery Bayuisenge yagize ati ' Buriya hari n'ikintu mutazi kuko Charles Tibingana ikipe ya Chelsea FC yaramushakaga.

Mbere yo kujya mu gikombe cy'Isi turi mu myiteguro, Chelsea yaramushatse kandi byo ndabizi neza. Nawe ubwe yarabyivugiye ariko sinzi ukuntu byagenze kuko sinagumye gukurikirana neza ngo menye ngo byarangiriye hehe, ariko twakinnye igikombe cy'Isi afite isezerano ko nikirangira azajya muri Chelsea.

Charles Tibingana ni umwe mu bakinnyi bakiniye u Rwanda mu gikombe cy'Isi cy'Abatarengeje imyaka 17 cyabereye muri Mexico mu 2011, ariko kubera uko impano zabo zitakomeje kwitabwaho nyuma yo kuvayo  kugeza ubu abo bakinnyi bakaba batacyibukwa.

Emery Bayisenge yenasobanuye ko hari n'abandi bakinnyi b'abanyarwanda bifujwe n'amakipe akomeye hanze y'u Rwanda ku mugabane w'u Burayi ariko ibyabo ntibaze kumenya aho byarangiriye. 

Abo bakinnyi barimo na Nsabimana Eric Zidane Kapiteni wa Police FC kugeza ubu, Ndatimana Albert, Nzarora Marcel ndetse n'abandi.

Tibingana Charles wabuze amahirwe yo gukinira Chelsea, yanyuze mu makipe atandukanye nka Proline na Victoria University zo muri Uganda, yakiniye APR FC, Bullets, AS Kigali, Yala United, Uttradit na Bugezera FC yo mu Rwanda ikaba ari nayo aheruka kugaragaramo.

Charles Tibingana yifujwe na Chelsea ariko birangira atagiye kuyikinira mu 2011

Intambara yo mu Burasirazuba bwa Repubulika Iharanira Demokarasi ya Congo imaze iminsi ivugwaho cyane ku Isi, ibihugu bimwe bigahitamo kwirengagiza umuzi w'ikibazo gituma M23 yarongeye kwegura intwaro mu 2021.

Muri Mutarama 2025, intambara yahinduye isura umutwe wa M23 wigarurira Umujyi wa Goma ndetse utangaza ko mu gihe Leta ya RDC yaba itemeye ibiganiro intambara izagera n'i Kinshasa.

Kuri uyu wa 5 Gashyantare 2025, Minisitiri w'Ububanyi n'Amahanga n'Ubutwererane, Olivier Nduhungirehe, yagiranye ikiganiro kuri telefone na Minisitiri Wungirije w'u Burusiya ushinzwe u Burasirazuba bwo Hagati na Afurika, Bogdanov Mikhail Leonidovich.

Amakuru yashyizwe ku mbuga nkoranyambaga za Minisiteri agaragaza ko abayobozi bombi 'bunguranye ibitekerezo ku kibazo cy'umutekano muke mu Burasirazuba bwa RDC, banaganira ku kongerera imbaraga ubufatanye bw'ibihugu byombi.'

Minister @onduhungirehe held a productive phone conversation with Hon. Bogdanov Mikhail Leonidovich, Deputy Minister of Foreign Affairs of the Russian Federation, responsible for relations with the Middle East and Africa.

Their discussion focused on strengthening Rwanda -… pic.twitter.com/HzlmxaTnB9

— Ministry of Foreign Affairs & Int’l Cooperation (@RwandaMFA) February 5, 2025

Ubwo Akanama ka Loni kateranaga inshuro ebyiri nyuma y'ifatwa rya Goma, ku wa 28 Mutarama, Ambasaderi w'u Burusiya muri Loni, Vasily Alekseyevich Nebenzya, yagaragaje ko ibibazo by'intambara bihora mu Burasirazuba bwa RDC bifite umuzi mu bihe by'ubukoloni, asaba ko ibiganiro bya Nairobi bisubukurwa n'ibya Luanda bikongera gukorwa kugira ngo hagerwe ku mahoro arambye.

Ikibazo cy'Abatutsi bo muri RDC n'abavuga Ikinyarwanda cyagiye cyirengagizwa kuva kera n'ubutegetsi bwa RDC, gusa cyongerewe umurego n'umutwe w'iterabwoba wa FDLR wahungiyeyo umaze gukora Jenoside mu Rwanda, ugakomeza gukwirakwizayo ingengabitekerezo ya Jenoside, kwica no gusahura.

U Rwanda rugaragaza ko akarere kagira amahoro ari uko uyu mutwe uhora ushaka gutera igihugu no guhirika ubutegetsi uranduwe burundu mu Burasirazuba bwa RDC, kuko ari na wo ugenda ucengeza ingengabitekerezo ya Jenoside mu bato no mu buyobozi bwawuhaye intebe.

Kuri ubu FDLR ifatanya mu ntambara n'ingabo za FARDC, iz'u Burundi, abacanshuro na Wazalendo barwanya M23, ariko umugambi bahuriyeho na Perezida wa RDC, Tshisekedi ni uwo guhirika ubutegetsi mu Rwanda.

Minisitiri Nduhungirehe yaganiriye na Bogdanov Mikhail Leonidovich w’u Burusiya ku mutekano wo muri RDC

Kubaka Gymnase n'ikigo cy'urubyiruko ni umushinga mugari watangiye gukorwa mu Karere ka Kirehe, ibi bikorwa remezo bizuzura bitwaye miliyari 2.7 Frw yatanzwe n'umushinga NELSAP wari ugamije gukora urugomero rwa Rusumo ruhuriweho n'u Rwanda, u Burundi na Tanzania.

Iyi nzu iri kubakwa ahahoze ikibuga cya Kirehe mu isantire ya Nyakarambi ikaba ari inzu izakinirwamo imikino ya Volleyball, Basketball ndetse na Tennis yo mu nzu. Izaba ifite ubushobozi bwo kwakira abantu 1200 bicaye neza, ibe inatwikiriye ahantu hose.

Umuyobozi w'Akarere ka Kirehe, Rangira Bruno, yavuze ko imirimo yo kubaka ibi bikorwa remezo igeze kuri 80%. Yavuze ko uyu mushinga wo kuvugurura no kwagura ikigo cy'urubyiruko urimo ibice bibiri harimo kubaka inzu nini izajya ikoreshwa mu kwakira imikino, hakaba n'ikindi gice cyo gusana no kuvugurura Ikigo cy'urubyiruko.

Ati 'Umushinga ugeze kuri 80% kandi muri gahunda biteganyijwe ko inyubako zizasozwa mu mpera z'ukwa Gatatu, turi gukurikirana bageze mu mirimo ya nyuma yo gusakara kandi imirimo iri kwihuta inagenda neza.''

Yakomeje agira ati 'Ni umushinga uzatwara miliyari 2.7 Frw azaba ari umushinga uzafasha mu kuzamura siporo n'imyidagaduro mu Karere kacu, azaba ari icyanya cyiza cy'aho urubyiruko ruzajya ruhasanga ibikorwa by'imikino itandukanye n'amatorero, hazaba hari amasomero n'izindi serivisi nziza kandi nyinshi.''

Bamwe mu baturage bo mu Karere ka Kirehe bavuga ko bategerezanyije amatsiko iyi nzu, kugira ngo ibafashe kuva mu bwigunge ari na ko bahakorera siporo.

Rukundo Theoneste yagize ati 'Iyi nzu niyuzura izatuma twongera kureba amakipe akomeye inaha, ubundi bajyaga bakinira ahantu hasi ukabona ntabwo bishimishije. Ubu rero twizeye kuryoherwa n'imikino myiza kandi muri sale nziza.''

Mukamwezi Devotha we yavuze ko yishimiye ko inzu bari barasezeranyijwe igeze ahashimishije. Ati ' Twari tumaze imyaka nk'itatu batubwira ko iyi nyubako nziza izubakwa, ubu rero birashimishije ko turi kubona ko noneho imirimo iri gukorwa. Niyuzura izatuma Kirehe yacu yongera gushyuha, ducuruze, twidagadure, turebe n'abakinnyi beza ba Volleyball.''

Imirimo yo kubaka gymnase ya Kirehe igeze kuri 80%

kibuga cyahoze ari icy'umupira w'amaguru bivugwa ko kuzavugururwa kigashyirwamo tapi