Category: Uncategorized

Ibyoherejwe ku isoko mpuzamahanga ni toni 10.166, zirimo iz’ikawa 365 zinjirije u Rwanda miliyari 2,8 Frw, toni 1011 z’icyayi zinjije miliyari 4,1 Frw n’imboga zipima toni 349 zinjije miliyoni 622 Frw.

Imbuto zacurujwe ku isoko mpuzamahanga ni toni 337 zinjirije u Rwanda miliyoni 503 Frw, mu gihe indabo zoherejwe ku isoko mpuzamahanga ari toni 16 zinjirije igihugu miliyoni 131 Frw.

Ibihingwa birimo ibinyabijumba, ibinyamisogwe, ibinyampeke n’ibindi byoherejwe ku mu bihugu bitandukanye bipima toni 7738, byinjije arenga miliyari 6,1 Frw mu gihe ibikomoka ku matungo byari toni 351 zinjije miliyoni 779 Frw.

Umuyobozi w’Ishami rishinzwe kwagura amasoko mpuzamahanga y’ibyoherezwa mu mahanga ndetse no guhanga ibishya, Janet Basiima, aherutse gutangaza ko intambara ya Amerika na Iran yeretse u Rwanda ko ari ngombwa gushaka andi masoko.

Ati ‘Iriya ntambara yo mu Burasirazuba bwo Hagati, iratwereka ko tugomba kubyihutisha, kandi koko twari mu murongo mwiza wo kugira ngo dushake amasoko atari ukugira ngo tube dufite isoko rimwe rya avoka, ariko nanone mu Rwanda twishatsemo ibisubizo, ni ukuvuga ngo nubwo twohereza avoka nyinshi hanze, ariko hariho no gushishikariza abantu kuzongerera agaciro, aho kugira ngo tuzohereze ari mbisi dukuremo amavuta ya avoka abe ari yo yoherezwa hanze.’

Ibikomoka ku buhinzi bikomeje kugira uruhare runini mu iterambere ry’u Rwanda, MINAGRI mu Ukuboza 2025 yatangaje ko ibikomoka ku buhinzi n’ubworozi byoherejwe mu mahanga mu 2025 byari bimaze kwinjiriza u Rwanda arenga miliyoni 893,1$.

Muri gahunda ya kabiri y’igihugu yo kwihutisha ubukungu (NST2), u Rwanda rufite intego ko amadovize yinjinzwa n’ibikomoka ku buhinzi n’ubworozi byoherezwa mu mahanga azagera kuri miliyari 1,5$ ku mwaka bitarenze mu 2029.

Mu byo u Rwanda rwohereza hanze habamo n’imboga n’imbuto

Impaka zasembuwe n’ikiganiro Umuvugizi wa RIB, Dr Murangira Thiery aherutse gutanga mu biganiro byateguwe na Minisiteri y’Uburinganire n’Iterambere ry’Umuryango (MIGEPROF) ku bufatanye na RIB.

Dr Murangira yavugiyemo ati ‘Kirazira gutanga ikiguzi ku mibonano mpuzabitsina. Ni ukuvuga ngo wowe ujya kugura ni wowe itegeko rireba.’

Kuva ku wa 27 Gicurasi 2026, iyi ngingo iri mu itegeko ryo ku wa 13 Kanama 2018 ryerekeye gukumira, kurwanya no guhana icuruzwa ry’abantu no gushakira inyungu mu bandi, iri mu zaganiriweho n’abantu benshi bamwe bayirwanya abandi basa nk’abayininura.

Uwiyita Mpitabazenga ati ‘Murahana umuguzi umucuruzi yigaramiye? Nyamara ubanza abagabo…’

Uwiyise Socrates we ati ‘Hanyuma se ni nde uzakurikiranwa, uwagurishije imibonano mpuzabitsina cyangwa uwayiguze? Dukeneye ubusobanuro burambuye.’

Uwiyise Heritage Rwanda we asanga hakwiye guhanwa ucuruza aho guhana umuguzi.

Ati ‘Ndumva barenga ikibazo aho kiri, abagurisha tubanyuraho twese ku muhanda na bo bashyizeho ayo mategeko barababona kenshi ndumva mwajya mubafata mukabahana nk’uko abazunguzayi babafata ibindi ni ugushakira aho ikibazo kitari.’

Barigira Gabriel we asanga bakwiye kubyita ishimwe.

Ati “Ariko amategeko afite ikibazo pe! Habanza iki? Gutanga amafaranga cyangwa kuyasaba? Gahunda ni imwe kurangira umugabo ari we uri mu bibazo. None se ubundi abumvikanye kugura kuki batabyita ishimwe cyangwa impano.”

Hari n’uwavuze ko abakobwa bicuruza batabayeho bishobora gusenya ingo z’abashatse.

Ati ‘Erega na RIB/THIERRY na we ni ukwigiza nkana aravuga ibidashoboka none se igitsina cy’ubuntu kibaho? Maze n’umugore wawe iyo utahashye ntaguha…Si nko kukigura se…? Ikindi indangamirwa zifite akamaro kuko zitabayeho, abagore n’abakobwa bafatwa ku ngufu baba benshi n’ingo zasenyuka zagwira cyane muri iki gihe indaya zubakiye abantu benshi cyane….’

Uwiyita Cobra we ati ‘RRA nibahe EBM muve muri ayo, wabonye he itegeko ribuza ugura rikemerera ugurisha? Injustice!’

Abishimiye iyi ngingo bose bahuriza ku kuba bagiye kujya baryamana n’abakobwa ku buntu.

Mahoro ati “Nibatangire rero bajye baduhera ubuntu dore aho bahereye baducucura ,abo bakobwa ba Yezebeli”

Mu bihugu bimwe ibyo kwicuruza si imirimo izwi ariko usanga bigira uruhare rukomeye mu bukungu bw’igihugu.

Nko muri Thailand ibikorwa by’ubucuruzi bifitanye isano no kwicuruza byinjiza akayabo nubwo uburaya atari umurimo wanditse.

Raporo yo mu 2026 ivuga ko ibikorwa by’ubucuruzi cyangwa iby’ubukerarugendo bishobora kuvuka bishingiye ku mibonano mpuzabitsina byinjirije iki gihugu miliyari 32$ mu mwaka wa 2022, bingana na 3,2 % by’umusaruro mbumbe wa Thailand.

Ibi bikorwa byatanze akazi ku bantu ibihumbi 450 mu buryo butaziguye cyane cyane muri za hoteli n’ibindi bikorwa ahakorewe imibonano mpuzabitsina. Leta yakusanyije hafi miliyoni 230$ mu misoro yavuye mu bikorwa bifitanye isano n’ibi bikorwa.

Muri Ethiopia na ho ugeze muri hoteli aba afite amahitamo y’uko muri serivisi bamuha harimo n’umukobwa umumara irungu mu gitanda, akishyura amafaranga ya serivisi yabyo.

Mu Rwanda bihanwa n’amategeko…

Mpinga Collette abinyujije ku mbuga nkoranyambaga yagaragaje ko ibi bikorwa bisanzwe bikorerwa ku karubanda ku buryo iri tegeko ryaba ari irya vuba.

Ati ‘Ariko aya mategeko ni mashya aje vuba? Kuko ibi bintu bisanzwe bikorwa kdi sindabona uwabiryojwe.’

Itegeko nimero 51/2018 ryo ku wa 13 Kanama 2018 ryerekeye gukumira, kurwanya no guhana icuruzwa ry’abantu no gushakira inyungu mu bandi mu rivuga ibikorwa bibujijwe birimo no kwishyura umuntu hagamijwe gukora imibonano mpuzabitsina.

Ingingo ya 24 ivuga ko umuntu agamije inyungu, ushishikariza, woshya, uyobya, ureshya, uhatira undi gukora imibonano mpuzabitsina cyangwa gukoresha ubundi buryo hagamijwe kuyimushoramo; gutanga ikiguzi agamije ubwe gukora imibonano mpuzabitsina cyangwa kugitangira undi muntu ngo ayikore; gucumbikira umuntu abizi neza ko aje gushakira inyungu mu mibonano mpuzabitsina; gutangaza, ku buryo ubwo ari bwo bwose, ko afasha ushaka gukora imibonano mpuzabitsina; gufasha, guhagarikira cyangwa kurengera abizi ushakira inyungu mu mibonano mpuzabitsina; kuyobora amazu akorerwamo ibikorwa byo gushakira inyungu mu mibonano mpuzabitsina y’undi, gushora imari muri bene ayo mazu cyangwa gucunga umutungo azi neza ko ukomoka kuri ayo mazu; gutanga abizi ahantu ngo hakodeshwe kugira ngo hakorerwe ibikorwa byo gushakira inyungu mu mibonano mpuzabitsina y’undi aba akoze icyaha.

Umuntu uhamijwe n’urukiko kimwe muri ibi bikorwa ahanishwa igifungo kitari munsi y’imyaka itatu ariko kitarenze imyaka itanu n’ihazabu y’amafaranga y’u Rwanda atari munsi ya miliyoni 3 Frw ariko atarenze miliyoni 5 Frw.

Abantu ntibumva uburyo umuntu wicuruza azajya yishyurwa hagakurikiranwa uwamwishyuye

Ibi byagarutsweho ku wa 25 Gicurasi 2026, mu kiganiro cyateguwe na Minisiteri y’Uburinganire n’Iterambere ry’Umuryango (MIGEPROF) ku bufatanye na RIB.

Ati ‘Kirazira gutanga ikiguzi ku mibonano mpuzabitsina. Ni ukuvuga ngo wowe ujya kugura ni wowe itegeko rireba.’

Itegeko nimero 51/2018 ryo ku wa 13 Kanama 2018 ryerekeye gukumira, kurwanya no guhana icuruzwa ry’abantu no gushakira inyungu mu bandi mu rivuga ibikorwa bibujijwe birimo no kwishyura umuntu hagamijwe gukora imibonano mpuzabitsina.

Ingingo ya 24 ivuga ko umuntu agamije inyungu, ushishikariza, woshya, uyobya, ureshya, uhatira undi gukora imibonano mpuzabitsina cyangwa gukoresha ubundi buryo hagamijwe kuyimushoramo; gutanga ikiguzi agamije ubwe gukora imibonano mpuzabitsina cyangwa kugitangira undi muntu ngo ayikore; gucumbikira umuntu abizi neza ko aje gushakira inyungu mu mibonano mpuzabitsina; gutangaza, ku buryo ubwo ari bwo bwose, ko afasha ushaka gukora imibonano mpuzabitsina; gufasha, guhagarikira cyangwa kurengera abizi ushakira inyungu mu mibonano mpuzabitsina; kuyobora amazu akorerwamo ibikorwa byo gushakira inyungu mu mibonano mpuzabitsina y’undi, gushora imari muri bene ayo mazu cyangwa gucunga umutungo azi neza ko ukomoka kuri ayo mazu; gutanga abizi ahantu ngo hakodeshwe kugira ngo hakorerwe ibikorwa byo gushakira inyungu mu mibonano mpuzabitsina y’undi aba akoze icyaha.

Umuntu uhamijwe n’urukiko kimwe muri ibi bikorwa ahanishwa igifungo kitari munsi y’imyaka itatu ariko kitarenze imyaka itanu n’ihazabu y’amafaranga y’u Rwanda atari munsi ya miliyoni 3 Frw ariko atarenze miliyoni 5 Frw.

Kwishyura umuntu ngo mukore imibonano mpuzabitsina bihanwa n’amategeko

Gahunda y’ubwishingizi bw’ibihingwa n’amatungo Leta yayitangije mu 2019, nyuma yo kubona ko abahinzi n’aborozi bahura n’ibihombo bituruka ku biza.

Ntirenganya Jean Baptiste wo mu Karere ka Rusizi wafashe ubwishingizi bw’inka enye muri 17 afite, avuga ko aherutse kugira ibyago inka imwe mu zo yafatiye ubwishingizi irarwara irapfa.

Ati ‘Iyo nka yari ifite agaciro ka miliyoni 1 Frw, bitarenze amezi abiri ikigo cya Sonarwa nafashemo ubwishingizi cyahise kinshumusha miliyoni 1 Frw bimpa isomo bituma mfata ubwishingi bw’inka 10’.

Umuhinzi cyangwa umworozi ukeneye gushinganisha ibihingwa cyangwa amatungo ye yiyishyura 60%, Leta ikamwishyurira 40%.

Museruka Joseph, ushinzwe gahunda y’ubwishingizi bw’ibihingwa n’amatungo muri RAB yavuze ko kuva mu 2019, ubwitabire mu gufata ubwishingizi bugenda bwiyongera kuko kuri ubu hishingiwe inka zirenga ibihumbi 50, ingurube zirenga ibihumbi 15, inkoko zisaga ibihumbi 400 na hegitari zirenga ibihumbi 32 z’ibihingwa bifatirwa ubwishingizi ku mwaka.

Nubwo bimeze gutyo, haracyari urugendo kuko ugereranyije umubare wa hegitari z’ibihingwa zakabaye zifatirwa ubwishingizi, ukareba n’umubare w’amatungo yakabaye afatirwa ubwishingizi usanga ibifatirwa ubwishingizi bikiri bike.

Urugero nko mu Karere ka Rusizi hegitari z’igihingwa cy’ibigori zakabaye zifatirwa ubwishingizi ni hegitari 1037 ariko izafatiwe ubwishingizi ni 49, umuceri izigomba gufatirwa ubwishingizi ni hegitari 2.909, izafatiwe ubwishingizi ni 2.787, soya izikwiye gufatirwa ubwishingizi ni 1.299, izabufatiwe ni O, ibishyimbo izikwiye kubufatirwa ni hegitari 21.319 ariko izibufite ni 0.

Muri ako karere inka zikwiye gufatirwa ubwishingizi ni 26.959, izabufatiwe ni 1.032, inkoko zakabaye ni 103.505, izabufatiwe ni 5.141, ingurube zikwiye gufatirwa ubwishingizi ni 50.458 izabufatiwe ni 450, amafi yo mu Karere ka Rusizi yakabaye afatirwa ubwishingizi ni 100.000 ayabufatiwe ni 10.000.

Ni mu gihe u Rwanda rufite ntego ko mu mwaka wa 2030 amatungo ajya mu bwishingizi agomba kuzagera kuri 30% na 30% by’ubuso buri mu byanya byatoranyijwe n’ubuso buhujwe nabwo buzaba buri mu bwishingizi.

Museruka yavuze ko ku rwego rw’igihugu abahinzi barenga ibihumbi 200 bitabiriye gahunda ya ‘Tekana urishingiwe muhinzi mworozi’, aho miliyari zisaga 17 Frw ari zo zimaze gukusanwa n’abahinzi bishyura ubwishingizi.

Ati “Kugeza ubu miliyari zisaga 9,5Frw zimaze gushumbushwa abahinzi bahuye n’ibiza, aho mu minsi 30 baba bamaze kwishyurwa n’ibigo by’ubwishingizi”

Umuyobozi w’Akarere ka Rusizi, Sindayiheba Phanuel yashyimye gahunda ya Leta y’u Rwanda yashyizeho gahunda ya ‘Tekana urishingiwe muhinzi mworozi’, asaba abahinzi n’aborozi kuyitabira mu kwirinda ibihombo bituruka ku biza.

Ntirenganya Jean Baptiste nyuma yo gushumbushwa inka ye yapfuye iri mu bwishingizi, yahise ashyiramo izindi esheshatu

Mu matungo yishingirwa harimo inkoko, ingurube, inka n’amafi

RAB iri mu bukangurambaga bwo gushishikariza abahinzi n’aborozi gufata ubwishingizi bw’ibihingwa n’amatungo

Ibi biganiro byabaye ku wa 26 Gicurasi 2026, ubwo Umuyobozi Mukuru w’Urwego rw’Igihugu rw’Iterambere, Jean Guy Afrika yakiraga itsinda riyobowe na Amine Benkirane, Umuyobozi muri Boeing ushinzwe ubucuruzi n’iyamamazibikorwa ku ndege z’ubucuruzi muri Afurika no mu Burasirazuba bwo Hagati.

Ibiganiro by’aba bayobozi byagarutse ku rwego rw’iby’indege muri rusange, ibikoresho n’ibindi bijyana narwo ndetse n’amahirwe ahari yo gufasha u Rwanda muri gahunda y’iterambere rufite no kuba igicumbi mu bijyanye n’ingendo z’indege mu karere ruherereyemo.

Byibanze kandi ku buryo u Rwanda rwajya rugura indege muri uru ruganda mu buryo bworoshye cyangwa ku nguzanyo hatabayeho kwishyura ikiguzi cyose.

Uretse ibi, baganiriye no ku guteza imbere ubwikorezi bw’imizigo, uburyo bwo kujyana ibicuruzwa mu mahanga ndetse no kugira u Rwanda igicumbi cy’ubukerarugendo.

Boeing iri mu nganda zikomeye zikora indege ku Isi haba mu bwinshi no mu gukomera. Mu 2025 yagurishije indege 600, zivuye kuri 348 yari yagurishije mu 2024, mu 2023 urwo ruganda rwari rwagurishije indege z’ubucuruzi 528.

Kuva Boeing yabona izuba imaze kugurisha indege zirenze ibihumbi 19. Urwo ruganda rwatangiye gukora mu 1916 rushinzwe na William E. Boeing.

Yesterday, RDB CEO @afrika_jean met with a delegation from @Boeing led by Amine Benkirane, Marketing Director for Commercial Airplanes in Africa and the Middle East, for discussions on aviation, logistics, and opportunities to support Rwanda’s regional connectivity and growth… pic.twitter.com/kuxlmkKuzn

— Rwanda Development Board (@RDBrwanda) May 27, 2026

Umuyobozi muri Boeing, Amine Benkirane, yagiranye ibiganiro n’Umuyobozi wa RDB, Jean Guy Afrika, bigamije guteza imbere ibijyanye na serivisi zo gutwara abantu n’ibintu mu kirere

Bamporiki Edouard yashimiye umuhanzi Bruce Melodie nyuma yo kugaragaza ko yongeye Kitoko mu bitaramo bye bizenguruka igihugu.

Bruce Melodie yateguye ibitaramo bizenguruka igihugu yise ‘2026 Summer Country Tour’ aho agomba gufatanya na The Ben.

Kuri ubu abinyujije ku mbuga nkoranyambaga ze, yavuze ko Kitoko Bibarwa ari umuhanzi wiyongereye mu bahanzi bazaririmba muri ibi bitaramo bigomba kuba muri iyi mpeshyi.

Bamporoki Edouard akaba yagaragaje ko yishimiye ko Kitoko azaririmba muri ibi bitaramo aho yagize ati “Ubumwe bw’Intore bunoza intambwe.”

Ibi bitaramo bizabera mu turere tune, tariki ya 13 Kamena 2026 bazahera Musanze, 20 Kamena 2026 bajye Nyagatare, 27 Kamena 2026 bajye Bugesera ni mu gihe bazasoreza Rubavu tariki ya 4 Nyakanga 2026.

Ubumwe bw’intore bunoza intambwe. https://t.co/4JcRfOnFx9

— Bamporiki Edouard (@Bamporikie) May 26, 2026

Kitoko yongewe mu bitaramo bya Bruce Melodie

Bruce Melodie yateguye ibitaramo bizenguruka igihugu

Bamporoki yishimiye ko Kitoko yongewe mu bitaramo bya Bruce Melodie

Gutumiza divayi zitandukanye ziva mu mahanga, byakozwe mu rwego rwo korohereza abakunzi b’ibi binyobwa kubona ibyujuje ubuziranenge kandi ku giciro cyoroheye buri wese.

Binyuze muri ‘restauran’t y’iki kigo yitwa Terrassa Village, Terrassa iherutse gusogongeza abakiliya kuri divayi ya Vallformosa iri mu bwoko bw’izizwi nka ‘Sparkling Wine’, ikaba iri mu zigezweho kandi zikunzwe cyane muri Espagne.

Vallformosa iri kuboneka mu maduka yose ya Terrassa Wines ari i Kigali, yashimwe n’abayisogongeyeho, bavuga ko iryoshye kandi iri ku rwego rwiza rw’iziboneka mu Rwanda, kandi zidahenze ugereranyije n’ubwiza bwazo.

Xinda, uzwi ku mbuga nkoranyambaga akaba n’umwe mu bayamamaza avuga ko ari imwe mu nziza amaze kubona ugereranyije n’izindi asanzwe abona.

Muri Terrassa Wines harimo ubundi bwoko bwa divayi nziza nka Frenschelo, Bericanto n’izindi nyinshi zitandukanye, zatoranyijwe hagamijwe guha abakiriya amahitamo ajyanye n’ibyifuzo byabo.

Terrassa Wines ifite amaduka ane i Kigali, arimo abiri aherereye Sonatubes ku muhanda ujya ku Gisimenti, i Gikondo, ku Gishushu no kuri Terrassa Village, aho abakiliya bashobora gusangirira no gusogongera divayi zitandukanye.

Terrassa ikomeje gahunda yo gukomeza kuzana vino nziza kandi zigezweho mu Rwanda, kugira ngo abakunzi bayo bakomeze kubona ibinyobwa byujuje ubuziranenge biboneka hafi yabo.

Terressa Wines yagejeje mu Rwanda divayi nshya zo muri Espagne n’u Butaliyani

Terressa Wines igira igihe isogongeza abakiliya bayo kuri divayi zigezweho

Terressa Wines icuruza divayi zigezweho kandi ku giciro gito

Divayi zicururizwa muri Terressa Wines zikundwa na benshi

Uyu musore wamenyekanye mu itangazamakuru ry’u Rwanda aho yiyitaga umunyamakuru w’inkuru zicukumbuye, hashize imyaka mike yimukiye i Burayi, aho yiyita impunzi ya politike.

Umwe mu bazi neza Byansi Samuel Baker ni Esther Mugabekazi kuko ari mushiki we kwa se no kwa nyina.

Ababyeyi babo ni Byansi Samuel Baker na Muteteri Eva. Mugabekazi ni we mukuru agakurikirwa na Byansi. Bavukana n’abandi bana barindwi kuri se na nyina, bose hamwe bakaba icyenda.

Nk’umuntu wakuranye na Byansi, Mugabekazi yavuze ko amafuti ya musaza we yahereye ku kwihinduza amazina, atangira gukoresha aya se kandi na we afite aye.

Ati ‘Byansi Samuel Baker ni izina rya papa, Sam (Byansi) yitwa Sam Kama, ni yo mazina ababyeyi be bamwise. Mu muryango wacu abahungu bitwa Kama, abakobwa bakitwa Kawama.’

Mu kiganiro uyu mugore yagiranye na Igicaniro TV, yavuze ko umuryango we watewe agahinda n’imigambi musaza wabo yinjiyemo yo guharabika igihugu.

Yavuze ko yafashe icyemezo cyo gutangaza byinshi kuri Byansi Baker nyuma yo kubona ko akomeje kurenga igaruriro.

Yafungiwe Uganda imyaka ine, agaruka abeshya ko yaminuje

Mugabekazi yavuze ko mu gukura barezwe neza, ndetse ababyeyi babo bagerageza kubajyana mu mashuri, cyane ko bombi bari abarimu.

Ati ‘Twagize amahirwe tugira ababyeyi b’abarimu, papa wacu yari umwarimu na mama yari umwarimu. Twagize amahirwe tumenya Icyongereza kuko iwacu mu rugo ni cyo twavugaga mu gukura kwacu, tugira amahirwe papa atwigisha mu mashuri meza.’

Amashuri abanza bayize mu Karere ka Nyagatare i Matimba, mu ishuri rizwi nka Hillside. Aha ni ho barangije imyaka itandatu y’amashuri abanza.

Bageze mu mashuri yisumbuye, Byansi Baker yagiye kwiga muri Kagarama Secondary School. Mushiki we yagiye kwiga i Rushaki.

Mugabekazi yavuze ko Byansi akigera mu mashuri yisumbuye bahise bamwirukana, birangira amusanze i Rushaki.

Ati ‘Yakoze amakosa baramwirukana avayo, araza twigana i Rushaki, ni ho twarangirije icyiciro rusange cy’amashuri yisumbuye. Ayo ni yo mashuri Sam yize yonyine.’

Bitandukanye n’uko yagiye abivuga cyangwa benshi bamuzi, Byansi ngo ntiyigeze arangiza amashuri yisumbuye cyangwa kaminuza, ahubwo nyuma yo kurangiza icyiciro rusange cy’amashuri yisumbuye, yahise ajya muri Uganda.

Akigera muri Uganda, Byansi yijanditse mu bujura ndetse bumuviramo gufungwa imyaka ine.

Mugabekazi ati ‘Arangije ajya muri Uganda arafungwa kwa mukuru wacu data yabyaye ahandi […] agiyeyo arahemuka birimo ubujura baramufata, baramufunga. Bamufunze imyaka ine. Ntabwo yongeye gusubira ku ishuri.’

Gufungurwa kwa Byansi byaturutse ku kuba ngo yarisiramuje (gukebwa) abikoreye muri gereza, ararwara, bisaba ko bahamagara se ngo ajye kumufata.

Mugabekazi yavuze ko nyuma yo gufungurwa, Byansi yatashye mu Rwanda, ariko ntiyakomeza ishuri. Amaze gukira ngo yigiriye inama yo gusubira muri Uganda gushaka impapuro mpimbano zigaragaza ko yarangije amasomo ya kaminuza.

Ati ‘Yarakomeje ashaka uburyo ahimbamo impapuro z’amashuri, ni bwo yahinduye n’izina rye, arangije ni bwo yaremaga ikarita, atangira kwiyita ko yakoze ikinyamakuru gikora inkuru zicukumbuye.’

‘Nabonye gusa umwana w’umuhungu ari mu makuru, ndamubaza nti ‘Ese ko nta mpamyabumenyi ufite wabigenje gute?’, ati ‘Njye hari ukuntu nabigenje’. Impapuro nza kuzibona ndamubwira nti ‘Wishe ahazaza hawe’. Njye ndangiza mu mwaka wa gatandatu w’amashuri yisumbuye Sam yari afite impapuro zemeza ko yarangije kaminuza.’

Nyuma yo kunyura mu bitangazamakuru bitandukanye mu Rwanda, mu 2019 Byansi Baker yashinze ikinyamakuru cye yise M28 Investigates.

Sam Kama wiyise Samuel Baker Byansi yatangiye kwibasira u Rwanda nyuma yo kugera i Burayi

Yabeshye ko agiye kwiga mu Buholandi, ubuzima buranga

Mu 2022 Byansi Baker yakoze ubukwe na Uwase Joselyne, ndetse nyuma y’igihe gito bibaruka umwana w’imfura.

Uyu mugabo yaje kubwira mushiki we ko afite gahunda yo kujya mu Buholandi kwiga, undi akubise agatima kuri za mpapuro mpimbano bimutera kwibaza byinshi.

Ati ‘Ndamubaza nti ‘Ese urashaka kujya kwiga iki?’ ati ‘Ndi kongera ubumenyi muri ibi nahisemo’, ndamubwira nti ‘Ese uratangirira aho wagarukirije amashuri, cyangwa urongera kuri za mpapuro z’impimbano?’, ambwira ko ibyo tutabiganiraho, adakeneye no kubyumva. Yambwiye ko azagaruka kuko yari yasize umugore n’umwana.’

Mugabekazi yavuze ko nyuma y’aho musaza we ageze mu Buholandi, yabuze ibyangombwa byo kwiga no guturayo, yigira inama yo kurongora umugore w’umuzunguka.

Ati ‘Nyuma amakuru namenye ni uko yagezeyo ibyangombwa byo gutura no kwiga biranga, numva ngo yabonye umugore w’umuzungu. Nigeze kumuhamagara kuri video aramunyereka.’

Umugore w’isezerano wa Byansi yaje kumusanga i Burayi, afata icyemezo cyo kwimukira mu Bubiligi, aba ari ho babana, wa mugore w’umuzungu aguma mu Buholandi.

Guharabika u Rwanda ntibyabatunguye

Nyuma yo kugera i Burayi, Byansi yatangiye kumvikana cyane mu mvugo zisebya u Rwanda n’abayobozi barwo, ndetse atangira gukorana bya hafi n’abari basanzwe mu migambi yo kururwanya.

Agaruka ku cyaba cyarateye musaza we iyi myitwarire, Mugabekazi yagize ati ‘Yabitewe no kudahaga n’inda nini no kutumva ko ibyo afite bimuhagije no kugira ngo abone ibyangombwa muri ibyo bihugu aho yahungiye.’

Yakomeje ati ‘Umuntu usebya igihugu cya nyina na se aba ari ikigwari.’

Mugabekazi yavuze ko iyi myitwarire ya Byansi n’ibyo atangaza ku Rwanda bitamutungura kuko kuva kera yari umubeshyi.

Yavuze ko mu bihe bitandukanye, Byansi yagiye abeshya ko nyina yapfuye akiri muzima, ubundi akavuga ko yishwe muri Jenoside yakorewe Abatutsi mu 1994.

Ati ‘Hari n’inkuru nigeze kumva ngo mama yaryaga inyama zo muri Supermarket, ni zo zamuteye kanseri, nza kumva inkuru ko mama yishwe muri Jenoside. Njye ibyo byose nari mbizi, nzi ko ari umubeshyi. Biriya yarabivugaga kubera ko njye muzi ngasigara mwita umubeshyi.’

Yakomeje avuga ko nk’umuryango ibitangazwa na Byansi bibababaza.

Ati ‘Njye byangizeho ingaruka nyinshi kuko nize ko gukunda igihugu ari cyo cya mbere, umuntu wabyize ntabwo nakwanga igihugu cyanjye ako kageni. Igihugu cyandeze, igihugu cyampaye ibyo kurya, igihugu cyampaye umusingi. Igihugu cyamugize kuriya kugira ngo amenyekane, nageze aho ndababara cyane ndavuga nti ‘Ubwo umuntu ugera aho ahemukira igihugu cyamukoreye ibyo byose, ubwo twe abavandimwe be byagenda gute’?’

Nyuma yo kubona ko yayobotse inzira yo kurwanya u Rwanda, Mugabekazi yaburiye musaza we, ariko undi amubwira ko niba ari ibyo atangiye atazongera kuba mushiki we.

Ati ‘Naramubwiye pe! namubwiye ko nadahinduka nzashaka uburyo mvuga ukuri, nkabwira Abanyarwanda ukuri. Yambwiye ko ntazongera mu mateka kuba mushiki we.’

‘Inama namugira yibuke inama mama yajyaga atugira, yibuke intego ababyeyi bacu bari bafite, ntabwo ari ugusenya igihugu, habe n’umunsi n’umwe.’

Sam Kama wiyise Samuel Baker Byansi yatangiye kwibasira u Rwanda nyuma yo kugera i Burayi

Iyi nama yatangiye ku wa 26 Gicurasi 2026, yitabiriwe n’abakuru b’ibihugu barimo Denis Sassou Ngueso wa Repubulika ya Congo, Brice Oligui Nguema wa Gabon na Faustin-Archange Touadéra wa Centrafrique, abakuru baza Guverinoma barimo na Minisitiri w’Intebe w’u Rwanda, abayobozi bakuru b’ibigo by’abikorera n’amabanki n’ibindi.

Ibiro bya Minisitiri w’Intebe byagize biti ‘Minisitiri w’Intebe Nsengiyumva yifatanyije n’Abakuru b’Ibihugu na za Guverinoma mu muhango wo gutangiza ku mugaragaro Inama Ngarukamwaka ya Banki Nyafurika Itsura Amajyambere ya 2026.’

Perezida wa AfDB, Dr Sidi Ould Tah yagaragaje ko hakenewe amavugurura mu mikorere, amategeko n’ibikorwaremezo bifasha kugera ku mari, bigamije iterambere rya Afurika.

Banki Nyafurika Itsura Amajyambere, AfDB yatangiye gukorera mu Rwanda mu 1974. Ni umufatanyabikorwa w’imena u Rwanda rufite aho igice kinini cy’amafaranga yayo gishorwa mu bikorwa remezo.

Iyi nama yitabiriwe n’abakuru b’ibihugu bitatu

Inama ngarukamwaka ya AfDB yabereye i Brazzaville kuva ku wa 25-29 Gicurasi