Category: Uncategorized

Polisi yatangaje ko umugabo witwa Nsengimana Jean w'imyaka 45 yakubiswe ahagana saa Yine n'Igice z'ijoro ryo ku wa 16 Werurwe 2025, mu Murenge wa Gacurabwenge, Akagari ka Gihinga, Umudugudu wa Ryabitana.

Umuvugizi wa Polisi y'u Rwanda mu Ntara y'Amajyepfo, SP Emmanuel Habiyaremye yabwiye IGIHE ko uyu muturage yakubitiwe nko muri metero 200 uvuye ku biro by'akarere bimuviramo urupfu ubwo yari agejejwe ku Kigo Nderabuzima cya Kamonyi.

Nyuma umurambo we wajyanywe ku bitaro bya Rukoma kugira ngo ukorerwe isuzuma.

Ati 'Hafashwe abakekwa batatu barimo abasore babiri n'umugore umwe, ubu bafungiye kuri Sitasiyo ya Polisi ya Gacurabwenge, iperereza rikaba rikomeje.'

SP Hitayezu yavuze ko abakekwaho ibyaha bahise bafatwa muri iryo joro, ibizava mu iperereza bikazagaragaza icyihishe inyuma y'ubwo bugizi bwa nabi.

Amakuru avuga abakoze ubu bugizi bwa nabi bakurikiranye Nsengimana kugeza, amaze kugura ibintu mu iduka akomeza inzira itaha, bamukubita fer à béton mu mutwe ubundi bamujugunya munsi y'umuganda, bamwambura ibyo yari afite.

Polisi y'u Rwanda yahamije ko nta muntu uzavutsa undi ubuzima ngo bimugwe amahoro kuko amategeko aba agomba gukurikizwa.

Umugabo w’imyaka 45 yiciwe hafi y’Akarere ka Kamonyi

Ukwezi kwa Werurwe buri mwaka Isi yose iba izirikana uruhare rw'abagore mu iterambere ry'Isi n'imibereho myiza ya muntu. Equity Banki Rwanda iri mu bafite abagore benshi bakorana mu rwego rw'imari ndetse bemeza ko byabahinduriye ubuzima.

Umwe mu ba-agents ba Equity Bank Bank, Mukaneza Françoise, yabwiye IGIHE ko yatangiye gukorana n'iyi banki mu 2016 atangiranye igishoro cy'ibihumbi 500 Frw, ariko binyuze mu nguzanyo iyi banki igenda igenera aba-agents bayo ndetse no gukorana na yo neza, bituma agera ku gishoro cya miliyoni 15 Frw.

Yakomeje avuga ko mbere yo gukorana n'iyi banki, ubuzima bwari bugoye ariko kuri ubu yiteje imbere kandi mu buryo bugaragara.

Ati 'Mbere ntarakorana na Equity Bank nakoreraga abandi, nyuma nza kubona amafaranga make nsaba kuba umu-agent wa Equity. Nyuma yaho naje kwiteza imbere nk'umuntu uba mu Mujyi wa Kigali nabaga mu nzu nkodesha, ariko ku bwo gukorana na Equity ndetse no kuba umu-agent wayo bagenda baduha amahirwe atandukanye, bakaduha inguzanyo kugira ngo twongere igishoro twari dufite, bityo naje kubona aho gutura.'

Mukaneza yahamije ko umwuga akora utareba ibyo umuntu yize ahubwo banki ishyira imbere gufasha buri wese kugira ngo yiteze imbere, birimo no gufasha abakorana nayo mu rwego rwo kubona amahugurwa ku bijyanye na serivisi z'imari.

Benemariya Ernestine na we yabwiye IGIHE ko yatangiye gukorera Equity mu 2016 afite igishoro cy'ibihumbi 700 Frw gusa.

Nyuma y'imyaka icyenda akorana n'iyi banki, amaze kugera ku gishoro cya miliyoni 20 Frw. Yabashije kwigurira ikibanza ndetse mu bihe biri imbere ateganya kubaka inzu.

Yagize ati 'Akazi cyangwa inzu ni icyo uyiririyemo, ushobora kureba akazi k'umuntu ukabona karasuzuguritse kandi ari ko kamutunze ari na ko kamugize uwo ari we, ndetse rimwe na rimwe kaninjiza menshi kurusha ako wowe ubona kadasuzuguritse.'

Mukaneza Françoise yavuze ko mu kazi bakora banki ibaba hafi

Benemariya ari gutanga serivisi ku bakiriya

Equity bank Rwanda yafashije Benemariya Ernestine kwiteza imbere ku buryo ageze ku gishoro cy’agera kuri miliyoni 20 Frw

Imwe mu mafoto akomeye umuntu abika kure, harimo iyo afotorwa atambuka ku itapi itukura (Red Carpet) ikunda gutambukwaho n'abakomeye mu myanya ya Politiki cyangwa se ibyamamare bitandukanye. Ariko ushobora kuba umaze igihe wibaza inkomoko yayon'impamvu iba ari umutuku aho kuba irindi bara.

Akenshi iyo hakirwa abakomeye mu gihugu runaka cyane cyane abakuru b'ibihugu, usanga hifashishwa tapi itukura (Tapis rouge/ red carped). Mu birori bikomeye cyane cyane itangwa ry'ibihembo mu muziki, sinema n'ahandi hahurira ibyamamare, babanza gutambuka kuri tapi itukura,… Kuba hakoreshwa iyi tapi itukura si ibintu byaje kubw'impanuka kuko bifite inkomoko mu myaka ibihumbi yashize.

Kuva mu birori by'imyidagaduro, amasabukuru, ndetse no ku marushanwa akomeye nka Cannes Film Festival, Oscars, na Met Gala, Red Carpet imaze kwiharira igice kiinini mu gisata cy’imideli, aho abakomeye bose bakora uko bashoboye bakahatambukana umucyo mu bijyanye n’imyambarire.

Red Carpet nk’urubuga rw'imideli

Mu bitaramo bikomeye byo ku rwego rw'isi, Red Carpet ni ikintu kirenze ibirori gusa; ni ahantu abahanzi, abakinnyi ba filime, ndetse n'abandi banyacyubahiro bagaragariza ibihangano by'imyambarire bigezweho. Ni ahantu basigaye berekanira imyenda mishya kandi yihariye, itandukanye n’iyo abantu basanzwe babamenyereyeho, kugira ngo bashimangire ubudahangarwa bwabo mu myambarire. Ibi bituma abitabira ibi bitaramo bahinduka “abanyamideli” mu buryo bumwe cyangwa ubundi bitewe n’agashya baserukanye.

Ibyamamare byifashisha itapi itukura nk’urubuga rwo kwamamarizaho

Benshi mu banyamideli, abahanzi ndetse n’abakinnyi ba filime, bakoresha Red Carpet nk'urubuga rwo kugaragaza ibikorwa byabo, ariko kandi n'urubuga rwo gukangurira abantu kugira umuco wo kwambara neza. Urugero ni nk’abitabira ibirori bya Met Gala cyangwa Oscar, aho uwahageze wese ahabwa umwanya wo kugaragaza imyambarire ye yaba igaragaza umuco, amateka, ndetse n’uburyo abantu bamenya kwambara neza. Aha, iyi tapi iba yateguwe ihinduka urubuga rwo guhanga udushya, aho abafite impano mu myambarire bayifashisha mu kumenyekanisha ibikorwa byabo.

Umwanya wo kwigaragaza ku bahanzi n’abakinnyi ba filime

Ku ruhande rw'abahanzi ndetse n'abakinnyi ba filime, gukandagira kuri ‘Red Carpet’ bisobanura ibirenze gusa kwerekana imyambaro yabo myiza. Ni umwanya wo kumenyekanisha izina ryabo mu buryo bw'umwihariko, no kugaragaza aho bageze mu mwuga wabo. Ni uburyo butaziguye bwo kubaka umwirondoro no kugaragaza ibyo buri wese ashoboye mu ruganda rw'imyidagaduro.

Abahanzi, abakinnyi ba filime, ndetse n’abandi bantu bazwi mu isi y’imyidagaduro, bakoresha Red Carpet nk'urubuga rwo gukusanya ibitekerezo no guhanga udushya mu myambarire. Binyuze mu gutegura imyambarire ikozwe mu buryo bugezweho, abatambuka kuri iyi tapi bagaragaza ko batari ku rwego ruciriritse bakambara imyenda ihenze cyane.

Ibi bitaramo bikomeye byaba ibyo ku rwego rw'igihugu cyangwa ku rwego mpuzamahanga byerekanye uburyo ‘Red Carpet’ yahindutse urubuga rwihariye rw'imideli, aho abantu barushaho kwerekana ubuhanga mu myambarire no gukoresha urwo rubuga mu kumenyekanisha ibikorwa byabo. Aha abantu ntibahamurikira imyambaro myiza kandi ihenze gusa, ahubwo banerekana ibyo bashoboye mu buryo bw'ubuhanzi, bakongera kubaka izina mu ruhando rw'imyidagaduro.

27 Club ni izina ryahawe urutonde rw'abahanzi, abakinnyi ba filime, n'abandi bafite impano bapfuye bari bafite imyaka 27. Ibi byatumye iyi myaka igira ubusobanuro budasanzwe mu ruganda rwa muzika no mu myidagaduro.

Ni ihuriro ry'abahanzi bakomeye bapfuye bafite imyaka 27, ahanini bapfuye bazize uburwayi busanzwe, ibibazo by'ubuzima bwo mu mutwe, ibiyobyabwenge, urumogi, inzoga nyinshi, cyangwa izindi mpamvu.

Nubwo ari ibintu bisa n'ibitangaje, nta gihamya cyemeza ko iyi myaka ari 'umuvumo' cyangwa se itegeko. Gusa, imibare igaragaza ko hari abahanzi benshi bapfuye muri iyi myaka, bigatuma abantu batekereza ko hari ikintu kidasanzwe kibaho muri iyo myaka.

Abahanzi bakomeye bapfuye bafite imyaka 27 (Ingero)

a)    Brian Jones (1942 – 1969)

Ni umwe mu bashinze itsinda The Rolling Stones akaba yarasanzwe muri swimming pool yitabye Imana aho bicyekwa ko yazize ingaruka z'ibiyobyabwenge.

b. Jimi Hendrix (1942 – 1970)

Ni umwe mu bacuranzi b'abahanga cyane ba gitari mu mateka ya Rock akaba yarishwe n'ibinini birimo ibiyobyabwenge yanyoye mu mwaka wa 1970 hanyuma uwo mwaka wa 27 uhita umuhitana.

c. Jim Morrison (1943 – 1971)

Umuyobozi w'itsinda rya The Doors, yabonetse yapfuye mu bwogero (bathtub) mu Bufaransa, bikekwa ko yazize ibiyobyabwenge n'inzoga nyinshi dore ko yari asanzwe anywa inzoga ikiremwamuntu kitatinyuka kwiyahuza.

d. Amy Winehouse (1983 – 2011)

Yigeze kuririmba ati “They tried to make me go to rehab, but I said no, no, no!” bisobanuye ko yanze kujyanwa mu kigo cyakira abarenzwe n'inzoga n'ibiyobyabwenge gusa nyuma gato yo kuririmba iyo ndirimbo, yahitanywe nabyo.

e. Yvan Buravan

Umuhanzi Burabyo Yvan wamamaye ku izina rya Yvan Buravan, byatangajwe ko yitabye Imana mu ijoro rishyira tariki 17 Kanama 2022 azize uburwayi bwa kanseri (Pancreatic cancer). Uyu nawe yitabye Imana afite imyaka 27.

f. Giselle Precious

muhanzikazi Gisèle Precious yitabye Imana ku mugoroba wo ku wa 15 Nzeri 2022. Yaguye mu rugo rwe mu Karere ka Rubavu. Uyu muhanzikazi yitabye Imana nta burwayi afite dore ko yari amaze ibyumweru bitatu yibarutse.

Imibare igaragaza ko abahanzi benshi bakunze guhura n'uruvagusenya ku myaka 27 bituma uyu mwaka ari uwo kwitondera ku bahanzi. Zimwe mu nama bagirwa, harimo;

a.     Kwita ku buzima bwo mu mutwe (Mental Health Issues)

Abahanzi benshi bageze kuri iyi myaka usanga bafite agahinda gakabije (depression) cyangwa ihungabana (trauma), bitewe n'umuvuduko w'ubwamamare no guhangana n'ibibazo by'ubuzima.

b.    Kwirinda Ibiyobyabwenge n'Inzoga (Drugs & Alcohol Addiction)

N'ubwo benshi bavuga ko ibiyobyabwenge bibafasha mu kunoza inshingano zabo byumwihariko mu muziki, ni byiza ko umuhanzi ugeze ku myaka 27 yirinda kunywa no gufata ibiyobyabwenge n'inzoga.

c.     Kwifata no kurangwa n'ubwitonzi

Iyi myaka byumwihariko umwaka wa 27, nibwo abahanzi benshi baba bamaze gufatisha inzira y'umuziki wabo, iyo rero ubwo bwamamare buba bukibotsa amano babukoresheje nabi, bubabyarira ibisusa muri uwo mwaka.

Nubwo bose muri iyo myaka ya 27 badahura n'ibibazo, ni byiza kugendera mu mujyo wa wa mugani w'ikinyarwanda 'Aho umugabo aguye urenzaho utwatsi' bakitwararika cyane.

Yvan Buravan yitabye Imana afite imyaka 27

Umuhanzikazi Giselle Precious yitabye Imana ku myaka 27
 

Reba indirimbo ‘Umusaraba’ ya Giselle Precious imwe mu ndirimbo ze zakunzwe

“>
Reba indirimbo ‘Gif time’ ya Yvan Buravan 

“>

Benshi mu batuye ku Isi, bazi kandi bumvishe amafaranga menshi akoreshwa kuri murandasi ndetse amaze igihe kirekire akoreshwa. 

Aya mafaranga azwi nka cryptocurrencies, akorerwa ku mbuga nkoranyambaga, agacururizwa ku mbuga nkoranyambaga.

N'ubwo hari amafaranga menshi arimo yaduka muri iki gihe nka Pi, hari andi mafaranga menshi yayabanjirije ndetse ubu akoreshwa nk'uko uramutse usuye urubuga rwa Binance wabona amoko y'ayo mafaranga yose.

Amwe mu mafaranga akoreshwa kuri murandasi amaze igihe kirekire ku isoko, arimo;

1.    Bitcoin (BTC) — 2009

Bitcoin yatangijwe mu 2008 na Satoshi Nakamoto gusa bikaba bitari byamenyekana niba ari umuntu umwe wayishinze cyangwa ari abantu benshi. Bitcoin ikora mu buryo bwa Blockchain, Mining na Decentralization.

2.    Litecoin (LTC) 2011

Litecoin (LTC) yatangijwe mu 2011 ishinzwe na Charlie Lee, wahoze akorera Google, agamije gutanga uburyo bwihuse, buhendutse, kandi bwizewe bwo guhererekanya amafaranga akoreshwa kuri murandasi.

Yashingiye kuri code ya Bitcoin, ariko ayihindura kugira ngo Litecoin ibe ifite transaction zihuta inshuro 4 kurusha Bitcoin kandi iboneke mu buryo bworoshye binyuze muri mining.

Litecoin yamenyekanye nk'ifaranga rya “silver” mu gihe Bitcoin ifatwa nka “gold” ikaba ikoreshwa cyane mu guhererekanya amafaranga n'ubucuruzi bwa buri munsi.

3.    Namecoin (NMC) — 2011

Namecoin (NMC) ni amwe mu mafaranga yo kuri murandasi ashingiye kuri Bitcoin, yatangijwe mu 2011. Yari agamije gukemura ikibazo cyo kwisanzura no kugenzura amazina ya domaine (domain names) kuri internet.

Namecoin yakozwe nk'uburyo bwo gukumira censorship (kubuza abantu gukoresha internet uko bashaka) no gutuma domaine names zishobora kwandikwa no gukomeza kubaho mu buryo butigengwa na Leta cyangwa ibigo bikomeye nka ICANN.

4.    Peercoin (PPC) — 2012

Peercoin (PPC) yatangijwe mu 2012 na Sunny King, ikaba izwiho kuba ari yo ya mbere yakoresheje uburyo bwa Proof of Stake (PoS) mu kwemeza transactions.

Iyi tekinoloji yashyizweho kugira ngo igabanye ingufu z'amashanyarazi zakenerwaga mu gucukura (ming) amafaranga ya crypto nka Bitcoin, ikanatanga umutekano urambye ku isoko rya crypto.

Peercoin kandi ifite uburyo bwa Proof of Work (PoW), bivuze ko ikoreshwa mu buryo bubiri butuma iba ifaranga rirambye kandi ritagendera ku gucukurwa gusa (ming).

5.    Ripple (XRP) — 2012

Ripple (XRP) ni ifaranga rya crypto ryatangijwe mu 2012 na Ripple Labs, rigamije koroshya no kwihutisha kohererezanya amafaranga ku isi. Ripple itandukanye na Bitcoin kuko idacukurwa (mining), ahubwo ifite umubare wa XRP ushobora gukoreshwa kuva yatangizwa.

Yakozwe kugira ngo amabanki n'ibigo by'imari bishobore kohereza amafaranga mu buryo bwihuse, buhendutse kandi bwizewe, bikoresheje urubuga rwa RippleNet. Ripple irihuta cyane kuko transaction imwe ifata amasegonda make, ugereranyije na Bitcoin na Ethereum.

Yabigarutseho ubwo yashyiraga akadomo ku gitaramo 'Inka' cy'Itorero Inyamibwa cyabereye muri Kigali Conference and Exhition Village ahazwi nka Camp Kigali, mu ijoro ryo ku wa Gatandatu tariki 15 Werurwe 2025, ahari hakoraniye ibihumbi by'abantu.

Massamba yahamagawe ku rubyiniro ari kumwe n'itsinda rya Ange na Pamella, Jules Sentore ndetse na Muyango Jean Marie bashimirwa uruhare bagize mu guteza imbere injyana gakondo.

Mbere y'uko aririmba zimwe mu ndirimbo ze zamamaye kuva mu myaka 40 ishize ari mu muziki, Massamba yabanje gukoresha uyu mwanya abwira, abitabiriye iki gitaramo ko ntawe ukwiye guterwa ubwoba n'ibihano amahanga yafatiye u Rwanda.

Yavuze ko Abanyarwanda banyuze mu bihe by'ubuhunzi, barasonza, ku buryo babonye ikibi kiruta kuba ubu amahanga yarafatiye ibihano u Rwanda. Ariko kandi yumvikanishije ko mu myaka 30 ishize, Umukuru w'Igihugu yafashije Abanyarwanda kunyura mu bihe bikomeye nk'ibi, bityo ni ahabo ho kumushyigikira.

Avuga ati 'Tumaze iminsi tubivuga, tubyongera, ndagira ngo mumpere amashyi menshi cyane Nyakubahwa Perezida wa Repubilika, Paul Kagame kandi tumwereke n'urukundo. Isi yose iri hano mu Rwanda, ibyo udushakaho murabizi, ariko yaba inzara, yaba kubabara, yaba gusonza, twarashonje bihagije, ntacyo bazadukanga, cyane cyane ko twizeye ko Umugoboka rugamba ari hano. Ntimugire ubwoba.”

Massamba uherutse gushyira ku isoko Album ya 12, yumvikanishije ko icyemezo cyafashwe na RPA-Inkotanyi cyo kubohora u Rwanda, ari nacyo cyafashwe n'abandi baharanira uburenganzira mu gihugu cyabo, bityo ni umurongo mwiza kuri bo.

Yagize ati 'Kuva mu buhunzi, tukajya gushaka igihugu, tukakibona cyiza cyane n'abandi babigenje nk'uko natwe twabigenje kandi ntacyo bitwaye na gato. N'icyo gituma abashaka kudukorera ibyo bishakiye, turi hafi kandi twizeye y'uko batazagira icyo badukora nta kimwe. Urinzwe n'intare ntacyo aba nta kimwe.'

Mu ijambo yavuze kuri iki Cyumweru tariki 16 Werurwe 2025 muri BK Arena, Perezida Kagame yagaye u Bubiligi bumaze iminsi mu icengezamatwara mu bihugu bitandukanye byo ku Isi, busaba gufata ibihano u Rwanda, avuga ko bitari bikwiye.

Ati 'Ariko se wowe, nta soni ugira? Guhamagarira Isi yose guteranira u Rwanda? Koko? U Rwanda uko rungana, twebwe twicaye hano tugateranirwaho n’Isi yose? Ibyo ntibikwiye kuba biteye isoni ku bantu nkamwe?”

Ku wa 4 Werurwe 2025, Leta ya Canada yatangaje ibyemezo byo mu rwego rw’ubukungu na politiki yafatiye u Rwanda ivuga ko ingabo zarwo zirimo gufasha umutwe wa M23 mu Burasirazuba bwa Congo, ko bigize “guhonyora ubusugire” bw’ikindi gihugu. Ibyo Guverinoma y'u Rwanda yahakanye mu bihe bitandukanye.

Canada yafashe ibyemezo byo: Kuba ihagaritse gutanga impushya zo kugurisha serivisi z’ikoranabuhanga mu Rwanda; Kuba ihagaritse ubufatanye n’u Rwanda bwa leta kuri leta mu bijyanye na business n’ibijyanye no gufasha urwego rw’abikorera, no gusubiramo kuba leta ya Canada yakwitabira ibikorwa mpuzamahanga byakiriwe n’u Rwanda n’ubusabe bwarwo bwo kwakira ibikorwa ahazaza.

U Rwanda rwasubije ko Canada nta buryo yavuga ko ishyigikiye umuhate w’akarere wo kugera ku mahoro “mu gihe ishyira ibirego by’ubwoko bwose ku Rwanda, ikananirwa kubaza leta ya DR Congo ibyo ikwiye kubazwa”

Itangazo ry’u Rwanda rigira riti: “Guceceka kwa Canada kuri ibi bikorwa bikabije bihonyora uburenganzira bwa muntu ntibikwiye kandi biteye isoni”, ryongeraho ko izo ngamba Canada yafatiye u Rwanda “ntizizakemura amakimbirane”.

Igihugu cya Canada yatangaje ibihano ku Rwanda nyuma y’u Bubiligi, U Bwongereza, na Leta Zunze Ubumwe z'Amerika yafatiye ibihano bwite, Umunyamabanga wa Leta muri Minisitiri y’Ububanyi n’Amahanga n’Ubutwererane, Gen (Rtd) James Kabarebe.

Ibihano u Bwongereza bwafatiye u Rwanda bikubiyemo: Kutitabira ibikorwa byo ku rwego rwo hejuru byateguwe na Leta y’u Rwanda, Kugabanya ibikorwa byo kwamamaza bakorana n’u Rwanda, Guhagarika inkunga y’imari ihabwa leta y’u Rwanda, uretse igenewe abakene cyane;

Gukorana n’abafatanyabikorwa ku bihano bishya bishobora kugenwa, Guhagarika inkunga y’ahazaza mu myitozo ya gisirikare ku Rwanda no Gusubiramo uburenganzira bwo kugura hanze ku gisirikare cy’u Rwanda. 

Mu itangazo, Guverinoma y'u Rwanda, yavuze ko ibihano byatangajwe n’u Bwongereza “nta kintu bifasha DR Congo, cyangwa ngo bifashe mu kugera ku gisubizo kirambye cya politike.' 

Massamba Intore wari witabiriye igitaramo ‘Inka’ cy’Itorero Inyamibwa, yavuze ko Abanyarwanda badakwiye gukangwa n’ibihano amahanga yafatiye u Rwanda 

Abasore n’inkumi b’Itorero Inyamibwa bakoze igitaramo gikomeye cyabereye muri Camp Kigali

 

MASSAMBA YASHIMYE PEREZIDA PAUL KAGAME MU GITARAMO CY’ITORERO INYAMIBWA

“>

Abantu benshi bagorwa no kwikuramo abo bahoze bakundana, hari abo bifata ibyumweru, amezi cyangwa imyaka bitewe n'impamvu zitandukanye. Mu gihe rero urukundo rwanyu rutagishoboye gukomeza, ugomba kumenya ko kubabara ni ibintu bisanzwe ariko nyuma y'agahinda ubuzima bukomeza umuntu akiyakira maze agatangira ubuzima bushya.

Abajyanama benshi mu by'urukundo batanga inama zitandukanye ku bintu byagufasha kwikuramo uwo mwahoze mukundana, dore uko ugomba kwitwara mu gihe kwikuramo uwo mwahoze mukundana bikugoye nk'uko tubikesha inyandiko yasohotse mu kinyamakuru Psychology Today:

Guhita wikuramo uwo mwahoze mukundana ntabwo ari ikintu kibaho mu ijoro rimwe gusa, ahubwo ni inzira ndende. Buri munsi ni intambwe igana imbere, kandi uko iminsi yicuma, bigenda byoroha.

Wikwihagararaho ngo wirengagize amarangamutima y'agahinda: Kubabara nyuma yo gutandukana n'umukunzi ni ibintu bisanzwe, ugomba kumenya ko uri umuntu kandi amarangamutima yose y'agahinda, umujinya, akababaro n'ibindi ukabyakira ukareka kwigira nk'aho nta kibazo gihari.Emera kubabara. Ntukihutire “gukomeza” ubuzima vuba nk'aho ntacyabaye.

Gerageza kudakomeza guhura nawe: Kimwe mu bintu bigoye gukomeza ni ugukomeza guhura n'uwahoze ari umukunzi wawe. Guhora uhura nawe bituma bikugora gukira no kumwikuramo vuba. Niba bishoboka, ni byiza kwiha umwanya ukareka gukomeza kuvugana nawe cyane, ibi bizaguha amahirwe yo kugenda wikuramo ibyahise vuba maze utangire ubuzima bushya.

Ibande ku kwiyitaho: Mu bihe bikomeye by'akababaro, ni ngombwa kwibanda ku kwiyitaho, ukanita ku marangamutima yawe. Koresha umwanya wewe mu bikorwa biguha amahoro y'umutima, ndetse bigushimisha bigatuma wumva umerewe neza, nko gukora siporo, kurya neza, kuruhuka bihagije n'ibindi. Kwita ku buzima bwawe bizagufasha cyane, aho kwirirwa ureba amafoto ye urira, witera agahinda.

Ikindi ni ugukunda kuba hamwe n'abantu ukunda:Wishingikirize ku ncuti cyangwa umuryango kugira ngo bagufashe kumva umerewe neza. Kuba hafi y'abantu bakuzamura bakagutera inkunga bishobora guhindura byinshi. Kuganira ku byiyumvo byawe n'abantu bakwitayeho bizakwibutsa ko ukunzwe kandi ufite agaciro, na nyuma yo gutandukana n'uwo mwakundanaga.

Tekereza ku mpamvu mwatandukanye:Gutandukana n'umukunzi wawe bishobora kukubabaza cyane, ariko na none gutekereza ku buryo mwari mubanye bishobora kugufasha gukira vuba. Gusobanukirwa n’impamvu umubano wanyu warangiye bishobora gutuma witekerezaho maze ukabona ku n'ubundi urukundo rwanyu rutari kuzaramba.Bikagufasha kumenya ko kuba mwatandukanye ari byiza kuri wowe maze wite ku biguha amahoro kandi ntibikubabarize amarangamutima.

Ikindi ni uko iyo bikabije cyane, bishobora no kukuviramo ibyago byo kurwara indwara z'agahinda gakabije. Niba urwana no kwikuramo uwahoze ari umukunzi wawe cyangwa bikagorana guhangana n’amarangamutima yawe, kujya kwa muganga cyangwa umujyanama bishobora kugufasha.

Ni byiza kumenya ko ubuzima bwawe bwo mu mutwe ari ingenzi, niba rero ubona bikabije, icyiza ni ukujya kwamuganga maze bakagufasha gukira vuba.

Gutandukana n'umukunzi wawe ntibyoroshye, ariko nukurikiza izi ntambwe zose kandi zoroshye bizagufasha gukira vuba no gukomeza ubuzima.Wibuke ko buri ntambwe igana imbere, niyo yaba ari nto ariko ifite icyo izagufasha. Nturi wenyine, kandi hamwe n'igihe, uzumva ufite imbaraga kandi witeguye kwakira ibyabaye maze ukomeze ubuzima.