Category: Uncategorized

Uyu muhanzi yabigarutseho mu kiganiro cyihariye yagiranye na InyaRwanda, aho yavuze birambuye ibyagejeje ku ndirimbo esheshatu ziri kuri EP ye. Iriho abahanzi bashya yifashishije mu rwego rwo kubereka sosiyete kugirango ibashyigikire, no kubacira inzira. 

Hariho indirimbo 'Amadosiye' yakoranye na Bugingo Ndanga Pastor P. Uyu mugabo bakoranye ku mushinga myinshi ikomeye mu rugendo rw'umuziki we, ndetse niwe yahaye icyubahiro gishingiye mu kuba ariwe wamukoreye indirimbo yitiriye Album. 

Dany Nanone yavuze ko indirimbo 'Iminsi myinshi' yakorewe na Pastor P yamuciriye inzira mu rugendo rwe rw'umuziki, ni nyuma y'uko yari amaze imyaka itatu abarizwa ku ishuri rya muzika rya Nyundo, bityo kugaruka mu muziki byasabaga kwitonda neza.

Yavuze ko ikorwa ry'iyi ndirimbo no gusohoka kwayo, byatumye abona ko Pastor P ari umuntu wo kwiyegereza, kuko yongeye kumvikana mu matwi y'Abanyarwanda abifashijwemo nawe.

Ati 'Pastor ni Producer w'umuhanga. Ni umuntu uguha ibintu by'umwimerere, nta n'ubwo akoresha 'sample' zakoreshejwe n'abandi. Pastor P we umwihariko we ni uko akora ibintu byose n'amaboko, kandi ikintu cyose umubwiye aracyumva, mugahana ibitekerezo, rimwe na rimwe bigahinduka, hari umwihariko rero afite. Nk'indirimbo zanjye nyinshi za Hip Ho niwe wazikoze, niwe wankoreye 'iminsi myinshi', niwe wankoreye 'Ndarapa', niwe wankoreye 'Soja' zose ni indirimbo za Hip Hop ikomeye, abantu benshi bagiye bakunda. Rero nagombaga gusubirayo kugirango nongere nkore izindi ndirimbo.'

Dany yavuze ko ashingiye ku musaruro watanzwe n'iyi ndirimbo, byanatumye atekereza kwifashisha Pastor P mu ikorwa rya EP ye, ari nayo mpamvu bahuje imbaraga.

Avuga ati 'Ariko akaba afite n'umwihariko w'ukuntu akora ibintu byubakiye kuri gakondo. Rero nashakaga ibyo bintu kuri EP yanjye, niyo mpamvu namwegereye tugakorana indirimbo yitwa 'Amadosiye'.

Uyu muhanzi atangaje isohoka ry'iyi Ep, mu gihe yari aherutse gutangaza ko buri mwaka azajya akora igitaramo cyihariye mu rwego rwo gutaramira abafana be.

Yasobanuye ko muri uyu mwaka afite gahunda yo gukora igitaramo cye bwite nk'uko byagenze mu 2023, ubwo yakoraga igitaramo cyo kwizihiza imyaka 10 yari ishize ari mu muziki.

Ni igitaramo cyabereye muri Camp Kigali. Bwari bwo bwa mbere akoze igitaramo cye nk'umuhanzi, kuko mbere hose yari yaragaragaye mu bitaramo by'abandi.

Asobanura ko Album ye 'Iminsi myinshi' itigeze ijya ku isohoka kubera ko yayigurishije n'abafatanyabikorwa, kandi n'abo ntibarafata umwanzuro wo kuba yajya hanze.

Dany Nanone yatangaje ko yubaha Pastor P kubera ko yamukoreye indirimbo zatumye yongera kumvikana mu muziki 

Dany Nanone yavuze ko EP y'indirimbo ze esheshatu yumvikanisha neza aho ashaka kuganisha umuziki we

KANDA HANO UREBE IKIGANIRO CYIHARIYE TWAGIRANYE NA DANY NANONE

 “>

KANDA HANO UBASHE KUREBA AMASHUSHO Y'INDIRIMBO 'SO FAR' YADANY NANONE NA ELLA RINGS

 “>

Bahagurutse ku kibuga cy'indege Mpuzamahanga cya Kigali mu gitondo cyo kuri uyu wa Gatatu tariki 19 Werurwe 2025, bari kumwe n'umutoza wabo Massamba Intore. 

Bagiye ari 12 barimo abakobwa, abakaraza n'intore, kandi bitwaje ibikoresho binyuranye birimo nk'ingoma, amacumu, ingabo n'ibindi nkenerwa bizabafasha kugaragaza umuco w'u Rwanda muri rusange. 

Iri serukiramuco rizaba umwanya mwiza wo kwerekana ubuhanzi n’umuco w’ibihugu cyane cyane byo mu karere k’Afurika y’Iburasirazuba.

 

Rinagamije guteza imbere ubufatanye n’ubusabane hagati y’abaturage b’akarere. Minisitiri w’Umuco na Siporo wa Ethiopia, Shewit Shanka, yagaragaje ko iri serukiramuco rizafasha mu gusangira umuco no guteza imbere isura y’igihugu. 

Iri serukiramuco rizaba riganjemo ibikorwa bitandukanye birimo imurikabikorwa by’ubuhanzi, imbyino gakondo, imurika ry’ibitabo, ndetse n’ibitaramo bya muzika.

Mu iserukiramuco ryabaye muri 2022, ryitabiriwe n’ibihugu nka Uganda, u Burundi, Sudani y’Epfo na Somalia, ndetse n’intara zitandukanye za Ethiopia.

Mu kiganiro na InyaRwanda, Massamba Intore yavuze ko gutumirwa muri iri serukiramuco bisobanuye ikintu kinini ku gihugu, kandi bahawe umwihariko kuko bazataramira abantu mu gihe cy'iminsi itatu, kuva ku gutangira kugeza basoje.

Ati 'Ni iserukiramuco rikomeye kuri twe kandi ryihariye, kuko ritegurwa n'Umuryango w'Afurika yunze ubumwe, niyo mpamvu ribera muri Ethiopia. Iba iri ku rwego rikomeye, mbese iri mu maserukiramuco akomeye ku Isi.'

'Harimo n'ibihugu byinshi biba bivuye i Burayi, muri Amerika baje kureba ibyo twerekana, abo bakunze, abo babonye babishoboye bagahita babatumira muri ibyo bihugu byabo, yaba muri Amerika, Canada n'ahandi hose. U Rwanda rero nta gihe tudatumirwa, kandi ni icyubahiro tugomba kugumana.'

Massamba Intore yavuze ko muri iri serukiramuco bazagaragaza umuco w'u Rwanda, kandi banerekane ubuhanga bw'intore, nk'abantu banditse mu murage w'Isi.

Avuga ati 'Cyane cyane tuzerekana intore, kuko ubu zagiye no mu murage w'Isi, hanyuma noneho n'imbyino zacu z'abakobwa, imbyino zijyanye n'umushagiriro, imbyino zijyanye n'imidiho imwe n'imwe, tuze noneho no kwerekana n'ingoma zacu, ingoma zacu z'u Rwanda. Ibyo ni ibintu byangombwa u Rwanda rudashobora kwirengagiza.'

Uyu mutoza w'Itorero ry'Igihugu Urukerereza, anavuga ko bazataramira kuri Ambasade y'u Rwanda muri Ethiopia mu birori byo gusabana, ndetse bazataramira Abanyarwanda, inshuti z'u Rwanda n'abandi bazaba batumirwa muri ibyo birori.

Ati 'Ni umunsi usa nk'aho ari ubusabane, no kutwakira, kutwishimira kuko urumva iyo aria bantu bavuye mu Rwanda nk'iyi yoherejwe n'u Rwanda, uko byagenda kose Ambasade igomba kugira icyo mu buryo bwo kugirango duhure n'abandi tuganire, tubereke umuco wacu, tukakumbuze u Rwanda, tunabahe amakuru amwe namwe, kuko twe tuba tuvuye mu gihugu, ariko cyane cyane tubakumbuze u Rwanda binyuze mu muco wacu.'

Iri serukiramuco rizaba guhera kuri uyu wa Kane tariki 19 Werurwe 2025, aho rizasozwa tariki 24 Werurwe 2025.

Mu kiganiro n'itangazamakuru cyabaye kuri uyu wa Kabiri tariki 18 Werurwe 2025, Umunyamabanga wa Leta muri Minisiteri y'Umuco n’Imikino, Nafisa Al-Mahdi, yavuze ko iri serukiramuco ari urubuga rwo gusangiza ibihangano n'umuco wa buri gihugu, gutera imbere mu mubano mpuzamahanga no kongera ubumwe mu karere.

Yavuze ati: 'Ni amahirwe yo kwizihiza umurage dusangiye no gushimangira umubano hagati y'abaturage bacu.'

Ibihugu byitezwe muri iri serukiramuco birimo: U Burundi, Uganda, u Rwanda, Djibouti, Sudani y'Epfo, Somalia, Repubulika Iharanira Demokarasi ya Congo, Tanzania na Kenya.

Minisitiri yavuze ko 'iri serukiramuco rizaba ikiraro cy'ubufatanye mu bya dipolomasi y'umuco no mu gutera imbere k'akarere. Rizatanga urubuga rwiza ku bahanzi, abatunganya umuco n'abatanga serivisi zo mu rwego rw'ubuhanzi n'umuco, bakazaba bafite amahirwe yo kwerekana no kugurisha ibikorwa byabo, bityo bikagira uruhare mu bukungu no mu gusangira umuco.'

Ethiopia nk'igihugu cyakiriye iri serukiramuco izifashisha aya mahirwe yerekane amateka yayo, umuco n'ubuhanzi bwacyo ku rwego mpuzamahanga.

Nafisa yagize ati 'Uburyo Ethiopia ifite imico myinshi itandukanye, ubuhanzi bugenda butera imbere ndetse n'amateka yihariye, bizashyirwa ahagaragara muri iri serukiramuco.'

Iri serukiramuco rifite insanganyamatsiko igira iti 'Ubuhanzi n'Umuco mu Kwihuza k'Akarere', rikazahuza abahagarariye inzego za leta, ibigo by'umuco n'abafatanyabikorwa baturutse mu karere kose ka Afurika y'Iburasirazuba.

Nk'uko byatangajwe na minisitiri, iri serukiramuco rizafasha mu gushimangira ubumwe hagati y'ibihugu, gutanga urubuga rwo gusangira ubumenyi no guteza imbere dipolomasi y'umuco.

Imyiteguro y'iyi minsi ine y'iserukiramuco yararangiye, kandi abategura iki gikorwa batangaje ko bazakora ibishoboka byose kugira ngo abakitabiriye bagire ubunararibonye bwiza.

Minisitiri Nafisa yavuze ko iri serukiramuco atari urubuga rwo kwizihiza ubuhanzi n'umuco gusa, ahubwo ari n'amahirwe yo gukangurira amahanga ubukungu bw'umuco wa Afurika y'Iburasirazuba no gushimangira ubufatanye hagati y'ibihugu byayo.    

Massamba Intore ari kumwe n'Itorero Urukerereza berekeje mu Mujyi wa Addis Ababa muri Ethiopia mu iserukiramuco 'East Africa Art and Culture Festival'

Massamba yavuze ko bazataramira abantu mu gihe cy'iminsi itatu, ndetse bazataramira kuri Ambasade y'u Rwanda muri Ethiopia  

  

Itorero Urukerereza rivuga ko ryiteguye kugaragaza umuco w'u Rwanda mu mahanga, no gukumbuza Abanyarwanda u Rwanda

Iri serukiramuco rizafasha mu gushimangira ubumwe hagati y'ibihugu, gutanga urubuga rwo gusangira ubumenyi no guteza imbere dipolomasi y'umuco

KANDA HANO UBASHE KUREBA IKIGANIRO CYIHARIYE TWAGIRANYE N’ITORERO URUKEREREZA MBERE Y’UKO BEREKEZA MURI ETHIOPIA
“>

VIDEO: Melvin Prio- InyaRwanda.com

Ni umwana w'umukobwa nk'uko The Ben yari aherutse kubitangariza mu gitaramo cyo kumurika album ya Bwiza yitwa '25 Shades' giherutse kubera mu Bubiligi, aho yari kumwe n'umugore we Uwicyeza Pamela ku rubyiniro.

Amakuru avuga ko uyu mwana yavutse mu ijoro ryakeye tariki 18 Werurwe 2025, avukira mu mujyi wa Bruxelles mu Bubiligi, akaba yiswe Mugisha Paris.

The Ben na Pamella bibarutse nyuma y'umwaka hafi n'igice, kuko bakoze ubukwe bw'igitangaza mu Kuboza 2023.

Ni kenshi hagiye havugwa ibihugu bitandukanye The Ben na Pamella bashaka kubyariramo, aho habanje kuvugwa Canada nyuma hakaza u Bufaransa, ariko birangiye iyi mfura yabo ivukiye mu Bubiligi.

The Ben na Pamella bibarukiye mu Bubiligi aho bamaze iminsi

Byabereye mu Mudugudu wa Uwiraro, Akagari ka Murengezi, Umurenge wa Mutuntu ku wa 17 Werurwe 2025.

Saa Tatu z'ijoro ni bwo nyakwigendera yatahanye icupa ry'urwagwa ageze mu rugo ahamagara umugore we babanaga mu rugo ariko batabana mu nzu kuko umugore yabaga mu gikoni.

Umugore yahise abadukana umuhini yirukankana umugabo ategwa n'ubwatsi bw'inka yitura hasi umugore amuhondagura umuhini mu mutwe.

Uyu mugore akimara kwica umugabo we Bivugwa ko yabujije umukobwa we guhuruza abaturanyi, avuga ko na we abaturanyi bahita bamwica.

Bigeze Saa Cyenda n'Igice z'ijoro, uyu mugore yahamagaye umuyobozi w'umudugudu amwiregaho avuga ngo 'wa mugabo ndamurangije'.

Umunyabanga Nshingwabikorwa w'Umurenge wa Mutuntu, Ntaganda Wilson yabwiye IGIHE ko amakuru bayamenye bayahawe n'ubuyobozi bw'Akagari, bagezeyo basanga umurambo ukiri mu mbuga.

Ati 'Twasanze umutwe wajanjaguritse, yakubiswe imihini itandatu mu mutwe. Bari bamaranye igihe amakimbirane ashingiye ku masambu. Umurambo wajyanywe ku bitaro bya Kilinda umugore n'umukobwa we bafungiye kuri RIB Sitasiyo ya Bwishyura'.

Gitifu Ntaganda yakoranye inteko rusange n'abaturage abasaba kwirinda amakimbirane, kuko ateza urupfu, abibutsa ko iyo umuntu apfuye igihugu kiba gihombye, kandi ko n'uwamwishe afungwa n'iyo mitungo yarwaniraga ntayirye.

Bralirwa yagaragaje ko abagore bakora muri uru ruganda barugejeje kuri byinshi ariko na bo batera imbere bitewe n'imbaraga zishyirwa mu guha umwanya abagore n'abagabo mu rwego rw'inganda.

Uruganda rwa Bralirwa ni rwo rwa mbere rwinjiye ku isoko ry'u Rwanda mu 1957, mu gihe imirimo y'inganda yakorwaga cyane n'abagabo, ariko mu myaka ya vuba hatewe intambwe zikomeye kuko ubu urwego rw'ubuyobozi by'ikigo bukuru, abagore bagizi 50%, kandi umubare w'abagore bakora mu ruganda ukaba warazamutse cyane.

Umuyobozi Mukuru ushinzwe abakozi muri Bralirwa, Laetitia Uwera yavuze ko bashyize imbere gahunda ziteza imbere ubufatanye bw'abagabo n'abagore.

Ati 'Mu myaka yashize, twakubye kabiri umubare w'abakozi b'abagore harimo benshi bari mu myanya ikomeye. Twashakaga gushyira mu bikorwa gahunda z'iterambere kuko twizera ko abakozi bacu n'ikigo cyacu kizatera imbere nidushyira hamwe umusaruro, nta wuhejwe.'

Bralirwa Plc itanga amahirwe ku bagore bayikorera bakinjira muri gahunda ziteza imbere imiyoborere mpuzamahanga. Abagore bafite impano bahabwa amahirwe yo kujya muri gahunda ya 'Lift Her Up' abayitabira bagahabwa amahugurwa y'amezi icyenda agenewe kubongerera ubushobozi mu by'imiyoborere n'iterambere mu byo bakora ndetse n'ihuriro Women Interactive Network (WIN), n'izindi.

Umuyobozi Mukuru wa Bralirwa, Ethel Emma-Uche, yatangaje ko insanganyamatsiko y'umwaka wa 2025 isaba ko hongerwa imbaraga mu kuzamura urugero rw'uburinganire aho bakorera kandi ntihagire n'umwe uhezwa.

Ati 'Nka sosiyete ishingiye ku baguzi, tuzirikana ko gukoresha ibitsina byombi ari ingenzi mu kugera ku ntego. Ibicuruzwa byacu bijyanisha n'icyo abakiliya bifuza kandi kugira abakozi barimo ingeri zinyuranye bifasha kumva neza icyo abakiliya bakeneye. Uburinganire bw'ibitsina byombi ni ngombwa kandi twiyemeje kwagura amahirwe ahabwa abagore mu nzego zose.'

Uru ruganda rwashyizeho gahunda yo guha abagore babyaye ikiruhuko cy'ibyumweru 18 mu gihe abagabo bahabwa iminsi 14 hagamijwe gufasha abakozi kurushaho kunoza imibereho.

Magingo aya Bralirwa iri ku isonga mu kwimakaza gahunda ziha bose amahirwe, ubuyobozi bwayo bukizeza ko buri wese azakomeza guhabwa amahirwe hagamijwe umusaruro mwiza w'ikigo.

Emma-Uche ati 'Tugomba kurenga igitsina, tukimakaza kutagira n'umwe uhezwa turebye mu buryo butandukanye kuko iyo dutanze amahirwe angana kuri bose, tuba tubonye urufunguzo rwo kugera ku musaruro mwiza n'ahazaza heza kuri buri wese.'

Umubare w’abagore bakora muri Bralirwa ugenda urushaho kwiyongera

Abagore bo muri Bralirwa bazobereye mu mirimo yo mu nganda, mbere yafatwaga nk’iy’abagabo

Umuyobozi Mukuru ushinzwe abakozi muri Bralirwa, Laetitia Uwera yavuze ko bashyize imbere gahunda ziteza imbere ubufatanye bw'abagabo n'abagore

Umuyobozi Mukuru wa Bralirwa, Ethel Emma-Uche, yatangaje ko insanganyamatsiko y'umwaka wa 2025 isaba ko hongerwa imbaraga mu kuzamura urugero rw'uburinganire aho bakorera kandi ntihagire n'umwe uhezwa

Mu mikino mike ikipe y’igihugu y’u Rwanda, Amavubi, imaze gukinamo n’ikipe y’igihugu ya Nigeria, imibare yerekana ko bakunze kunganya ariko na buri kipe ikaba yarabashije kubona intsinzi cyane ko umukino uheruka  rwatsinze Nigeria 2-1.

Kuri uyu wa Gatanu itariki 21 Werurwe 2025 kuri Stade Amahoro, Rwanda ruzakira Nigeria mu mikino yo gushaka itike y'igikombe cy'Isi cya 2026 kizakinirwa muri Leta zunze Ubumwe za Amerika, Canada na Mexico.

Uyu mukino ni uwa Munani mu mateka ugiye guhuza aya makipe yombi mu marushanwa yose. Mu mikino irindwi iheruka guhuza ibi bihugu u Rwanda rwatsinzemo umukino umwe, Nigeria itsinda imikino ibiri maze amakipe yombi anganya imikino ine.Muri iyi mikino u Rwanda rwinjije ibitego bitatu, rwinjizwa ibitego bitandatu.

Umukino wa Mbere wahuje ibi bihugu byombi wakinwe ku itariki 5 Kamena 2004. Ni umukino wari uwo gushaka itike y'igikombe cy'Isi ariko warangiye Nigeria itsinze u Rwanda rwari rufite abakinnyi bakomeye nka Gatete Jimmmy ibitego 2-0

Umukino wa Kabiri wahuje u Rwanda na Nigeria wakinwe tariki ya 6 z’ukwezi kwa Gatanu mu 2005, ukaba wari uwo gushaka itike y’igikombe cy’Isi, wasoje amakipe yombi aguye miswi 0-0.

Umukino wa gatatu wahuje aya makipe y’ibihugu byombi wakinwe tariki ya 29 z’ukwezi kwa 2 mu 2012 mu gushaka itike y’igikombe cy’Afurika, ukaba wararangiye amakipe yombi anganya 0-0.

Umukino wa Kane wakinwe tariki ya 6 z’ukwezi kwa 6 mu 2012, ukaba wari uwo kwishyura mu gushaka itike y’igikombe cy’Afurika. Warangiye Nigeria itsinze u Rwanda ibitego 2-1.

Umukino wa Gatanu aya makipe yombi wakinwe tariki ya 15 z’ukwezi kwa Mbere muri 2018 muri CHAN, ukaba wararangiye amakipe yombi anganya 0-0.

Umukino wa 6 wakinwe ku itariki 10 Nzeri 2024 nawo warangiye amakipe yombi anganya 0-0 mu marushanwa yo gushaka itike y'igikombe cya Africa AFCON kizabera mu gihugu cya Morocco.

Umukino wa karindwi wahuije u Rwanda na Nigeria wabaye ku itariki 18 Ugushyingo 2024,ukaba wararangiye u Rwanda rutsinze Nigeria imbere y'abafana babo ibitego 2-1. Ibitego byarwo byatsinzwe na Nshuti Innocent na Mutsinzi Ange mu gihe Nigeria yatsindiwe na Samuel Chukwueze.

U Rwanda ruzakina umukino wa Munani rukina na Nigeria rushaka kuguma kwandika amateka meza kuri Nigeria no kuguma kuyobora itsinda C mu gushaka itike yo gukina igikombe cy'isi cya 2026 kizabera Usa, Cnada na Mexico.

Mu itsinda C u  Rwanda ni urwa mbere n'amanota arindwi aho ruyanganya na Afurika y'Epfo na Benin, naho Lesotho ikagira amanota atanu, Nigeria ikagira amanota atatu naho Zimbabwe yo ikagira inota rimwe.

Mu mikino 4 u Rwanda rumaze gukina mu itsinda C Rwatsinze imikino ibiri, runganya umwe, ndetse rutsindwa umwe.

Imikino u Rwanda rwatsinze harimo uwa Afurika y'Epfo na Lesotho, Rwanganije na Zimbabwe ndetse rutsindwa na Benin.

Umukino uheruka guhuza u Rwanda na Nigeria u Rwanda nirwo rwawutsinze ibitego 2-1

Kuri uyu wa Gatanu u Rwanda rurakina na Nigeria mu mukino wa Gatanu mu itsinda C ryo gushaka itike y’igikombe cy’Isi cya 2026

Mu itsinda C u Rwanda ni urwa mbere mu gushaka itike yo gukina igikombe cy’isi cya 2026

Amavubi niyo aheruka kwitwara neza mu mukino wa Nigeria

Imibare igaragaza umusaruro wavuye mu mikino y’u Rwanda na Nigeria

Amavubi akomeje imyitozo yitegura imikino ibiri afitanye na Nigeria tariki ya 21 Werurwe ndetse na Lesotho tariki ya 25 Werurwe muri Stade Amahoro mu gushaka itike y’igikombe cy’Isi cya 2026.

Ubwo iyi kipe y’igihugu yahamagarwaga hari abakinnyi bongeye guhamagarwa nyuma y’igihe kinini batabiherukaga.

Manishimwe Djabel uri muri abo yavuze ko ari ibintu bishimishije ndetse anavuga ako aho akina muri Iraq ibintu bimeze neza.

Ati: “Muri rusange ni ibintu byanshimishije kuko umukinnyi uwo ariwe wese aba yifuza kuba yahagararira igihugu cye mu marushanwa mpuzamuhanga rero kugaruka ni ibintu nakiroye neza. Muri Iraq ubuzima bumeze neza shampiyona irakomeye ubuzima ni bwiza”. 

Yavuze nta bintu byinshi byahindutse mu ikipe y’Igihugu ugereranyije n’igihe yayiherukagamo gusa ko isigaye iri umuryango ugereranyije na mbere.

Ati: “Muri rusange nta bintu byinshi byahindutse ariko urabona ko abakinnyi bahari ubungubu hari abashya bagiye biyongeramo ariko ari ikintu cyiza baremye urabona basigaye baba ari umuryango nicyo kintyu mbona cyahindutse. 

Ku bijyanye no kunyakira banyakiriye neza kuko ni abantu dusanzwe tumenyeranye, abakinnyi benshi twagiye dukinana mu makipe atandukanye ndetse no mu ikipe y'igihugu”.

Djabel yavuze ko ikipe y’igihugu yamuhamagaye kugira ngo afatanye na bagenzi be batange umusaruro ndetse anashishikariza abafana kuzajya kubaba inyuma.

Ati: “Niyo mpamvu umutoza yampamagaye kugira ngo mfatanye na bagenzi banjye dutange umusaruro. Urabona ikipe y'igihugu imaze kuba umuryango n'abafana nibadushyigikira bakabasha kubana natwe nkeka ko ikipe yose twakina kandi tukayitsinda yaba Nigeria yaba na Lesotho”. 

Umunyezamu wa APR FC, Ishimwe Pierre nawe utaherukaga mu ikipe y’Igihugu yavuze ko ari ibyishimo, avuga ko hari ibyo yasanze byarahindutse ndetse anashishikariza abafana kuzajya kubashyigikira.

Yagize ati: “Ni ibyishimo narinkumbuye Amavubi, narinkumbuye ikipe y'igihugu ndashima Imana rero ko nongeye kuyigarukamo. 

Turi kubaho neza muri rusange haba mu myitozo urabonako umutoza uhari atanga imyitozo myiza umutoza nyine mpuzamahanga. Ubwo ni muri rusange hanze y'ikibuga ibintu bimeze neza nta kibazo gihari. 

Ibintu byinshi byarahindutse haba mu buryo twari tubayeho. Icyo nasaba Abanyarwanda ni ukuza gukurikira umukino iyo ikipe y'igihugu iri gukina ni nk’aho aribo baba bari gukina, iyo dusatiriye ni u Rwanda ruba rusatiriye, ndabasaba rero bakadufasha muri rusange ndizera ko tuzabaha ibyishimo”.

Myugariro wa Mukura VS, Uwumukiza Obed wagiye mu ikipe y’Igihugu gusimbura Byiringiro Gilbert wa APR FC wasanganwe ikibazo cy’imvune nawe yavuze ko ari ibyishimo kuba yarahamagawe bwa mbere.

Ati: “Ni iby'agaciro guhamagarwa n'ikipe y'igihugu byaranshimishije cyane ni ibintu umukinnyi wese akora aharanira. Abandi bakinnyi nasanze bameze neza banyakiriye neza ni bakuru banjye benshi usanga n'ubundi basanzwe bagukurikirana”. 

Yavuze ko hari itandukaniro riba riri hagati y’ikipe y’igihugu na club ndetse nawe ashishikariza Abanyarwanda kuzajya kubashyigikira ari benshi.

Manishimwe Djabel yagarutse mu ikipe y’Igihugu nyuma y’igihe kinini adahamagarwa 

Ishimwe Pierre avuga ko ari ibyishimo nyuma yo gusubira mu ikipe y’Igihugu