Category: Uncategorized

Bamwe bamumenye kubera uburyo ahuza kumenyekanisha ahantu no gushyiramo umunyu, aho atangira amashusho akenshi agira ati 'uko nageze…'

Sol Solange ubusanzwe witwa Nishimwe Solange, yabwiye IGIHE ko yatangiye gukora amashusho nk'aya mu Ukuboza mu 2023.

Icyo gihe yari mu kumenyekanisha ubukerarugendo bw'ahantu hatandukanye mu gihugu ariko akabikora atazi ko bizagera aho byageze ubu cyane ko byatangiye no kumwambutsa imipaka akajya hanze y'u Rwanda.

Avuga ko mbere yo gutangira akazi kumenyekanisha ubukerarugendo yabanje kuba umusizi, akaba umukomisiyoneri, umwarimu, umufotozi ndetse n'umuforomo.

Avuga ko kwiyumvamo gukora amashusho avuga ahantu hatandukanye yasuye, byaje kuko ari umuntu mu busanzwe ukunda gufotora wanabyihuguyemo.

Ati 'Ndi umuntu wakuze akunda gufotora n'ibindi byerekeye gufata amashusho. Bimwe narabyiyigishije ibindi mfata amasomo y'igihe gito. Kubikora nkunda gufotora byose ni ibintu bimwe, nabanje guhura n'ibibazo byo kubura ibikoresho ndavuga nti reka njye nkora amashusho ndi mu muhanda.'

Agaragaza ko ikintu cyamuteye imbaraga ari ukuba ibintu akora yari asanzwe abyiyumvamo kandi abikunda mu buryo budasanzwe.

Ati 'Ndi mu bantu batekereza ikintu ariko iyo ntagikoze ngo kive mu nzira kiba gipfuye. Ubwo rero iyo ntifatiranye ngo mbikore biragenda. Mbikora kuko mbikunda kurusha uko navuga ngo nshaka ko kanaka abibona.'

Zimwe mu mbogamizi we na bagenzi be bakora 'Content Creation' mu Rwanda, avuga ko ari ukuba amashusho bakora ku mbuga nkoranyambaga batayishyurirwa ahubwo bagenda babona amafaranga kubera kwamamaza kandi mu bindi bihugu atari ko bimeze ho bahembwa n'izo mbuga bashyiraho ubwo butumwa.

Sol Solange akunzwe mu bakoresha imbuga nkoranyambaga

Sol Solange amaze umwaka umwe atangiye kumenyekana

Sol Solange avuga ko ibyo kumenyakanisha hantu mu mashusho yabitangiye atazi ko bizagera aho bimuhemba

Sol Solange ni umwe mu bakobwa bamaze kumenyekana kubera kumenyekanisha ahantu nyaburanga mu mashusho

Byabaye ku wa 19 Werurwe 2025 mu Mudugudu wa Kanyinya mu Kagari ka Mutsinda mu Murenge wa Gashanda mu Karere ka Ngoma.

Uyu mugabo yategewe kunywa amacupa arindwi y'izi nzoga kuko abo bari kumwe bemezaga ko atayamara, bamubwira ko nayamara bari buyishyure.

Yatangiye kuzinywa ageze ku gacupa ka gatanu aba ari bwo amererwa nabi bamujyana kwa muganga birangira yitabye Imana.

Umuyobozi w'Akarere ka Ngoma, Niyonagira Nathalie, yavuze ko iby'umuturage wategewe kunywa inzoga z'ibyuma babimenye, ashimangira ko unywa inzoga nyinshi kubera intego aba ari gushaka kwiyahura.

Yagize ati 'Iriya nzoga iremewe kandi iranacuruzwa ariko duhora dukangurira abantu ko banywa mu rugero. Ikintu cyose yewe n'umuti ukuvura iyo unyweye mwinshi waguhitana n'ibiryo iyo uriye byinshi ukarenza ni bibi. Turabasaba kwirinda intego nk'izi.''

Meya Niyonagira yashishikarije abaturage kwirinda kunywa inzoga z'inkorano no kunywa mu rugero, anabasaba kwirinda gutega kuko bishobora kubaviramo ibibazo yaba uwatanze intego n'uwategewe.

Umuvugizi wa Polisi y'u Rwanda mu Ntara y'Iburasirazuba, SP Twizeyimana Hamduni, yasabye abaturage kwirinda bene ibyo bikorwa kuko bishobora gushyira ubuzima bwabo mu kaga.

Ati 'Abantu banywa inzoga bakwiriye gushishoza bakareba ko inzoga banywa zujuje ubuziranenge, bakanywa mu rugero aho bishoboka bakazireka kuko inzoga iyo unyweye nyinshi zirakwica.'

Yasabye abaturage kureka imikino yo gutega kuko ishobora gushyira ubuzima bwabo mu kaga, ahubwo abasaba gufasha mu kwerekana abakora izo nzoga z'inkorano kugira ngo bakurikiranwe.

Umuturage wo mu Karere ka Ngoma yishwe n’inzoga

Iyi ndirimbo yagiye hanze mu ijoro ryo kuri uyu wa Gatatu tariki 19 Werurwe 2025, ni nyuma yari amaze iminsi ayiteguza abafana be n'abakunzi b'umuziki we. Yatanze integuza y'iyi ndirimbo nyuma y'uko hari hashize ibyumweru bibiri asohoye indirimbo 'Cinema' yakoranye n'umuraperi Bull Dogg. 

Mu kiganiro na InyaRwanda, Tom Close yasobanuye ko iyi ndirimbo 'Agaca' yari ayimaranye igihe kinini, kandi irimo ubutumwa butera abantu imbaraga. 

Ati 'Ni indirimbo maze iminsi ndimo gukoraho, igamije kurema umutima. Hari ukuntu umuntu acibwa intege n’ibyo abona cyangwa yumva akumva ko nta kerekezo. Iyi ndirimbo igamije kumusubizamo imbaraga.'

Yavuze ko kwifashisha Jay C na Khalfan muri iyi ndirimbo, yashingiye kuba ari abaraperi beza bakomeye muri iki gihe, kandi yumvaga bahuje neza n'imiririmbire ye.

Avuga ati 'Jay C na Khalfan ni abaraperi beza gusa ni ubwa mbere dukoranye. Numvaga aribo bayigira nziza nk’uko imeze nshingiye kuri 'style' n’ubundi basanzwe bakora mu ndirimbo zabo.'

Tom Close umaze imyaka 20 ari mu muziki, yavuze ko isohoka ry'iyi ndirimbo riteguza Album ye ya cyenda izasohoka muri Nzeri uyu mwaka. Akomeza ati 'Album yo iri mu nzira. Izasohoka muri uyu mwaka mu kwezi kwa cyenda (9).'

Dr. Muyombo Thomas wamamaye ku mazina ya Tom Close mu muziki, atangaje isohoka ry'iyi Album, mu gihe muri Gicurasi 2023, ari bwo yasohoye Album ya Munani yise 'Essence'.

Ni album iriho indirimbo 13 ziganjemo cyane abaraperi. Iriho indirimbo ‘A voice note’ yakoranye na Bull Dogg, ‘Finally’ yakoranye na Wezi wo muri Zambia, ‘Fly away’, ‘Inside’, ‘Kampala’ yakoranye na A Pass wo muri Uganda, ‘Superwoman’ yakoranye na Sat-B wo mu Burundi, ‘Be my teacher’, ‘The One’, ‘Party’, ‘Feelings’ yahuriyemo na B-Threy, ‘My Number One’ yakoranye an Nel Ngabo na Riderman, ‘Don’t worry’ ndetse na ‘Mariwe’.

Producer Knoxbeat niwe wakoze iyi album. Ariko muri rusange yagizweho uruhare n'abarimo Ishimwe Karake Clement wa Kina Music, Bob Pro, Zizou Al Pacino, Kenny Vibz ndetse na Dj Bisoso. 

Iyi album irihariye kuko indirimbo hafi ya zose ziriho zikoze mu rurimi rw'Icyongereza mu rwego rwo kwagura urugendo rw'umuziki rw'uyu muhanzi.

 Tom Close yatangaje ko yasohoye indirimbo 'Agaca' mu gihe ari kurangiza Album ye ya Cyenda
Umuraperi Jay C aririmba mu gitero cya nyuma cy'iyi ndirimbo 'Agaca' ifite iminota 3 n'amasegonda 2'
Umuraperi Khalfan yumvikana mu gitero ya mbere cy'indirimbo ya mbere yakoranye na Tom Close

KANDA HANO UBASHE KUMVA INDIRIMBO 'AGACA' YA TOM CLOSE, JAYC NA KHALFAN

“>

Fireman wamamaye mu ndirimbo zinyuranye kuva mu myaka 20 ishize, yari muri iki kigo cy'i Huye kuva mu mpera za Mutarama 2025, aho yari yijyanye nyuma yo gusanga akeneye umwanya wo kwiyitaho no kwitekerezaho mu bijyanye n'imitekerereze kugira ngo yongere ashyire imbaraga mu bikorwa bye by'umuziki, amere neza. 

Umuraperi Jay C wabanye mu rugo rumwe na Fireman kuva biga mu mashuri abanza, yabwiye InyaRwanda ko Fireman yageze mu rugo rwe kuri uyu wa Gatatu tariki 19 Werurwe 2025, ni nyuma y'igihe cyari gishize abarizwa muri kiriya kigo cy'i Huye. 

Fireman yafashe icyemezo cyo kujya i Huye nyuma y'uko asoje igitaramo 'Icyumba cya Rap' yahuriyemo n'abaraperi bagenzi be cyabereye muri Kigali Conference and Exhibition Village ahazwi nka Camp Kigali, ahari ibihumbi by'abafana b'iyi njyana.

Ni icyemezo yafashe, kuko yumvaga ashaka guhura n'umuganga we mu by'imitekerereze i Huye muri 'Isange Stop Center', ndetse yakoresheje uyu mwanya mu rwego rwo kuruhuka no kongera kwiyitaho kugirango azagarukane imbaraga mu muziki.

Ku wa 28 Gashyantare 2025, Fireman yatunguranye mu gitaramo cya 'Tour du Rwanda Festival' cyabereye mu Mujyi wa Huye ataramira abakunzi be. Yahuriye ku rubyiniro n'abandi bahanzi Bwiza, Bushali, Juno Kizigenza, Mico The Best na Senderi Hit.

Inyandiko zinyuranye zivuga kuri uyu muraperi, zigaragaza ko yatangiye umuziki aririmba inyana ya Rn'B aho yitwaga izina rya Gintwd.

Nyuma yaje guhindura ajya muri Hip Hop muri 2004 ari kumwe na Bull Dogg na Jay C bakora itsinda biyita Magic Boyz bakorera muri TFP indirimbo ya mbere.

Kubera ko nta mbaraga umuziki wo mu Rwanda wari ufite muri iyo myaka byarabagoye cyane. Muri 2005-2006 Fireman we na Bulldogg baje gukora irindi tsinda ryitwaga United Monsterz bari kumwe na Kaviki hamwe na Matt.

Iri tsinda naryo ntibaje kurambamo kubera ko bananiranye n'uko muri 2008 Fireman na Bull Dogg barakomeza bahura na Green P na Jay Polly bakora itsinda baryita Tuff gang.

Nyuma nibwo haje kuza undi muhanzi witwa P Fla abiyungaho baba batanu. Indirimbo ya mbere yaririmbyemo ni 'Ibyanjye ndabizi' aho yari kumwe na Diplomate, Masho Mampa, ndetse na P.fla yaje gukomeza akora indirimbo nyinshi zirakundwa cyane nka 'Nyita tuff', 'impande zanjye ni umwanda', 'Ndabura', 'Bana bato' n'izindi.

Fireman yakoranye n'abandi bahanzi indirimbo nyinshi. Kandi yumvikanye cyane mu ndirimbo nka 'Inkovu z'amateka' ari kumwe na Babbly, Green P., Jay Polly, Bulldogg n'abandi.

Ku wa 28 Gashyantare 2025, umuraperi Fireman yatunguye abari bitabiriye ibitaramo bya 'Tour du Rwanda Festival' i Huye arabataramira  

Fireman yabarizwaga mu kigo ngororomaco cy'i Huye kuva mu mpera za Mutarama 2025

KANDA HANO UBASHE KUREBA ZIMWE MU NDIRIMBO ZA FIREMAN

“>

Ubanza warabonye n'amashusho agaragaza ko Regis yasubiye mu rukundo na Micky, ngo yatandukanye na AG Promoter. Nyuma utangira kubona uruhererekane rwa filime bombi bahuriyemo, mu rwego rwo gutuma abantu babahanga amaso. 

Moustapha Kiddo usanzwe ari umushyushyarugamba mu birori n'ubukwe, we yanditse ku rubuga rwa X agaragaza ko atiyumvisha uburyo umukinnyi wa filime uzwi nka Killaman ataka ubukene, yarangiza akajya mu itangazamakuru asobanura uburyo ageze habi, agaragaza ko bifite ikindi kibyihishe inyuma. 

Ati 'Killaman ari gukora 'Media Tour' asobanura ngo uko yakennye. Ubukene se babukorera promotion. Ako basha.'

Uribuka igihe amafoto ya Rocky yacicikanaga mu itangazamakuru no ku mbuga nkoranyambaga bigaragara ko yakoze ubukwe n'umukobwa witwa Ishimwe Carmene.; nyuma bikamenyekana ko ari bimwe mu bice bigize amashusho y'indirimbo ‘Bambe’ ya Papa Cyangwe na Social Mula.

N'ubwo izi ngero zose zifatwa nk'izaremye ibihuha, ariko kandi ntawabura kuvuga ko abifashishije ibinyoma batumye sosiyete ibahanga amaso mu buryo bumwe cyangwa ubundi.

Mu ijoro ryo kuri uyu wa Kabiri tariki 19 Werurwe 2025, Nel Ngabo yasohoye amafoto amugaragaza ari kumwe n'umusizi Essy Williamz. Yatanzweho ibitekerezo na benshi bavuze ko bari mu rukundo, abandi bagaragaza ko gukina urukundo n'uyu mukobwa byatuma imiziki y'uyu musore yumvikana cyane.

Ariko kandi Nel Ngabo yabwiye InyaRwanda, ko ari inshuti n'uyu mukobwa ndetse ko badakunda. Ariel Wayz we aherutse kubwira Isibo Tv, ko urukundo rwe na Juno Kizigenza rwari urw'ukuri, n'ubwo abantu batekerezaga ko kwari ukubeshya.

Uyu mukobwa yumvikanishije ko atubakiye umuziki we ku kinyoma, ahubwo yari yatangiye paji nshya mu buzima bwe.

Mu myaka yashize, ubwamamare bwabaga ishingiro ku mpano, imbaraga, n’ubuhanga bw'umuhanzi.

Uburyo bwakoreshejwe bwari ubuhanzi bwimbitse, imirimo ikomeye n'ishyaka ryiyubashye. Uyu munsi, ariko, hari impungenge ku cyerekezo imyidagaduro irimo kuganamo—aho ibirangaza biruta ibihangano, n'icyitwa “Showbiz” gisigaye kirushije imbaraga “Talent.”

Ubwamamare bushingiye ku kinyoma

Hari abahanzi batakibona ko ubuhanga bwabo ari bwo buzabahesha igikundiro, ahubwo bagahitamo kwiyubakira izina binyuze mu gukoresha amahugu, ibikorwa by'amanyanga n'imyitwarire irangaza rubanda.

Bamwe bashyira hanze ibihuha by'uko bagiye gukora ibidasanzwe (nk'ibitaramo by'ibihumbi, gukorana n'ibihangange byo hanze), nyamara byose biba ari amayeri yo kwigarurira ibitekerezo by'abafana.

Bamwe bagura ibitekerezo, abakurikira (followers) cyangwa bakishyura ngo indirimbo zabo zifatwe nk'izamamaye, nyamara mu by'ukuri nta gaciro bifite.

Hari abahanzi bahisemo uburyo bwo gutukana, gukoresha imvugo mbi cyangwa gusebanya kugira ngo bavugwe. Byagiye bibaho mu myidagaduro aho bamwe batangira intambara zishingiye ku ntambara za baringa.

Uribuka urukundo rwa Shaddyboo na Producer Yeweeh? Byarangiye gute- Buri umwe yasubije mugenzi we yifashishije imbuga nkoranyambaga, ndetse agaragaza ko habayeho gutakaza igihe.

Hari aho Shaddyboo yagize ati 'Ati 'Ariko se iyo mushishoje mubona YewëeH yamarira iki mu buzima bwanjye? Rero akazi kararangiye! YewëeH gumana amafaranga yawe ntayo nkikeneye kandi azagufashe kuko ubu njye ntayo nkeneye.

'Ariko kandi n'ikindi gihe n'undi uwo ari we wese, ntazigere yongera kumenyera. Ndi umubyeyi w'abana babiri, rero ngomba kubarera. Gumana amafaranga yawe ntayo nkikeneye.'

Producer Yeweeh abwira InyaRwanda ati ''Reka ngerageze kubisobanuraho gato byumvikane. Ese wakwishyura umuntu ukanamwishyurira kujya abyuka, akanirirwa akwandikira 'message z'urukundo. Njye kuri njye sinakwishyura urukundo reka reka. Ndatekereza ibyo nanditse kuri konti ya Instagram yanjye narabikoze kugirango abantu babone ko ibyo babwirwa barimo kubeshywa.'

Uyu musore yavuze ko nta mafaranga afitiye Shaddyboo, kuko nawe mu byo yavuze ntiyigeze avuga ayo amufitiye. Ariko kandi ntiyumva ukuntu yari kwishyura Shaddyboo, kugeza ubwo amafoto n'amashusho byasohotse, byerekanaga neza ko baryohewe mu rukundo.

Yavuze ko nta mafaranga yagombaga kwishyura Shaddyboo, kuko ubwo bari kumwe yabonaga ko bari mu rukundo- Mbese nta kazi yahaye Shaddyboo ko kumukunda.

Avuga ati 'Ese namwambuye iki? Avuga ko namwambuye angahe? Ese reka tuvuge ko ahari yaba yari ibyo twapanze, none se koko wakoresha umuntu akajya muri 'Social Media' akuvuga neza kuriya yabikoze, agakora 'Posts', tukagaragara ahantu hatandukanye turi kumwe n'urukundo rwinshi, n'ibindi byinshi.'

'Niyo mwaba mwaravuganye amafaranga koko ubwo wakwanga kumwishyura. Oya mu magambo make ntacyo numvaga njye ngomba kwishyura kuko ntabwo kari akazi.'

Ahazaza h’imyidagaduro hatangiye kwitaza ubuhanga bufatiye ku mpano

Nubwo ibirangaza byafashe umwanya munini, impano z'ukuri ntizizimira burundu. Abahanzi bafite ubuhanga butavangiye n’ubwitange baracyahari, ariko ntibahabwa umwanya ungana n’uw’abakoresha uburyo bw'amanyanga.

Abafana batangiye guhinduka! Ubu abenshi barasaba umuziki ufite ireme, aho gukurikira abahanzi bazwi gusa kubera amahugu.

Imbuga nkoranyambaga na serivisi zo gusakaza umuziki zatangiye gukumira ibikorwa by'uburiganya, bigatuma impano y’ukuri yigaragaza. Ibi uzabibona umunsi uzatwara indirimo y'uyu muhanzi ukayiyitirira ukayishyira ku rubuga rwa Youtube cyangwa se ahandi.

Zimwe mu nyandiko ziri kuri Internet zigaragaza ko mu gihe isi y'imyidagaduro igenda ihinduka, abahanzi bafite amahitamo abiri:

–Kugendera ku buhanga n'umurava — Bahanga ibihangano bifite ireme, bagakora umurimo ukwiye mu buryo burambye.

–Gukomeza inzira y’uburyarya — Ariko bigira iherezo kuko abafana batinda bakamenya ukuri.

Ubwamamare butajyanye n'impano n'ubuhanga burangira bugusenyutse. Icyo abahanzi bagombye kwitaho si ugushaka amayeri yo kumenyekana by'ako kanya, ahubwo ni ugushyira imbere ubunyamwuga n'imbaraga mu mwuga wabo.

Mu gihe imyidagaduro irimo guhinduka, abantu batangiye kongera gusaba umuziki n'ubuhanzi bufite ireme, ibyo bikaba ari amahirwe ku bafite impano nyazo.

Umuraperi Dany Nanone aherutse kubwira InyaRwanda, ko ubwo Kendrick Lamar yahuraga n'abaraperi bo mu Rwanda mu 2023, yababwiye ko kubakira umuziki ku kinyoma no gushaka kubaho nk'abandi atari byo bituma umuhanzi akomera ku Isi.

Yabahaye ingero z'uburyo yatangiye umuziki ashaka kwigana Jay-Z na Nas, ariko umunsi yimye, nibwo yabaye igitangaza ku Isi.

Adele na John Legend ni bamwe mu bahanzi bavuze by’umwihariko ku ngaruka zo gukoresha ikinyoma mu muziki.

Adele yagaragaje akamaro ko kuba inyangamugayo no gukoresha impano ye mu buryo bw’umwimerere. Yigeze kuvuga ati: “Fame is not real, so how am I supposed to write a real record for anyone to enjoy if I'm living a very fake life?”

Ayo magambo ya Adele asobanuye ko ubwamamare (fame) atari ikintu cy’ukuri, kandi ntiyashobora gukora umuziki ufite agaciro ku bantu niba ubuzima bwe ari ubwo kubeshya cyangwa gukurikira ibintu bitari ukuri.

Mu yandi magambo, avuga ko kugira ubwamamare bwuzuye ibinyoma byagira ingaruka ku buryo abasha gukora ibihangano by’ukuri kandi byumvikana ku bantu. 

Ibi byerekana ko Adele ashyira imbere ukuri n’ubunyangamugayo mu muziki we, kandi ko atemera gukoresha amayeri cyangwa ikinyoma kugira ngo agere ku bwamamare.   

Mu Ukwakira 2024, nibwo Regis yatangaje ko yatandukanye na Micky nyuma y’igihe bari mu rukundo

Micky amaze iminsi agaragaza ko yasubiye mu rukundo na Regis, kandi byubakiye ku mushinga wa filime bahuriyeho

Aisha Inkindi yari yagaragaje ko yishimiye kwambikwa impeta na Mucoma

Amafoto ya Inkindi Aisha na Mucoma yaciye ibintu, bimenyekana ko uyu muhanzi ari guteguza indirimbo nshya

Killaman amaze iminsi mu biganiro byubakiye ku kumvikanisha yakennye- Ku rubuga rwa X hari abavuga ko iki ari ikinyoma, kuko adakwiriye kujya mu itangazamakuru avuga uburyo ageze habi

Nel Ngabo yasohoye amafoto yatumye bamwe batekereza ko ari mu rukundo n’iyi nkumi- Yavuze ko ari inshuti bisanzwe, kandi bamaranye imyaka itanu

Shaddyboo yumvikanye mu majwi avuga ko Producer Yeweeh yamwambuye amafaranga bari bumvikanye kugirango bakine ko bakundana- Ibi byatumye Yeweeh avugwa cyane mu itangazamakuru, cyo kimwe na Shaddyboo kandi atari ukuri

Ariel Wayz aherutse gutangaza ko yakundaga bya nyabyo Juno Kizigenza n’ubwo baje gushwana

BYAGENZE GUTE NGO KILLAMAN ATAKE UBUKENE? KANDA HANO UBASHE KUMVA UBUSESENGUZI

“>

KILLAMAN AHERUTSE GUTANGAZA KO YAHUYE N’IGIHOMBO MURI FILIME NYUMA Y’UKO ASIGIYE UBUYOBOZI BAMWE MU BO BAKORANA

“>

PRODUCER YEWEEH YINJIYE MU MUZIKI KU MUGARAGARO NYUMA YO KUVUGWA MU RUKUNDO NA SHADDYBOO

“>

NEL NGABO YASOHOYE INDIRIMBO ‘BEST FRIEND’ AYIHEREKERESHA AMAFOTO ARI KUMWE N’INKUMI

“>
UBWAMAMARE BWUBAKIYE KU KINYOMA BWIGARAGAJE CYANE MU NDIRIMBO ‘BAMBE’

“>

MICKY YONGEYE GUHURIRA MURI FILIME NA REGIS NYUMA Y’AMEZI ARENGA 5 BADACANA UWAKA

“>

Imibare igaragaza ko hagati ya Nyakanga 2021 na Nyakanga 2024, imodoka zinjiye mu Rwanda zingana na 45% zikoresha amashanyarazi na lisansi (Hybrid) zari zifite imyaka iri hagati ya 10 na 14.

Ubwo hemezwaga ishingiro ry'umushinga w'itegeko rivugurura irigena umusoro ku nyongeragaciro ku wa 19 Werurwe 2025, Umunyamabanga wa Leta muri Minisiteri y'Imari n'Igenamigambi, Kabera Godfrey, yatangaje ko hari ibintu byinshi byari byarasonewe umusoro ku nyongeragaciro ariko ubona bitakijyanye n'igihe.

Yavuze ko ibicuruzwa byasubijwe ku rutonde rw'ibisoreshwa umusoro ku nyongeragaciro harimo ibikoresho na serivisi by'ikoranabuhanga mu itangazabumenyi n'itumanaho bigaragara ku rutonde rushyirwaho na Minisitiri, ubwikorezi bw'ibicuruzwa hakoreshejwe inzira y'ubutaka, telefone zigendanwa zikoresha sim card, ibinyabiziga bya Hybrid na batiri zabyo.

Ibindi bicuruzwa byagenewe igihe ubusonerwe buzarangirira harimo ibikoresho bimwe bitanga ingufu bizasonerwa kugera kuri 30 Kamena 2028, imashini n'umutungo shingiro w'inganda, n'ibikoresho fatizo bikoreshwa mu nganda bizasonerwa kugeza kuri 30 Kamena 2026, ibinyabiziga bitumizwa hanze bikoresha moteri z'amashanyarazi n'ibikoresho bya sitasiyo bibyongerera umuriro bizasonerwa kugeza ku wa 30 Kamena 2028.

Minisitiri Kabera yagaragaje ko izi modoka iyo nzinjiye mu gihugu zishaje zihita ziteza ibibazo kuko ziba zikoresha igice cya lisansi na mazutu gusa.

Ati 'Iyo zishaje cyane zisigara gusa zikoresha cya gice gikoresha mazutu cyangwa lisansi noneho tugasanga n'ubundi ya ntego [yo kurengera ibidukikije] ntabwo turi kuyigeraho. Ubwo icyo twifuzaga ni ukugira ngo ubwo bamaze kuzimenyera noneho dushishikarize zazindi nshya ari ho twashyizeho uburyo zizajya zisora butandukanye bijyanye n'imyaka.'

Minisitiri Kabera yavuze ko mu cyerekezo u Rwanda rurimo rwifuzaga ko imodoka zinjira ziba ari inshya cyangwa iz'amashanyarazi gusa kuko ari zo zafasha gukomeza gahunda yo kurinda ibidukikije.

Ati 'Ariko kuri TVA ho twabonaga byari bimaze kugera igihe ko bamaze kubyumva tukumva ko nta kibazo […] ariko noneho za zindi zikoresha amashanyarazi turacyazisoneye. Noneho turashaka ko mu buryo bwo kubungabunga ibidukikije no kurinda ikirere cyacu, turashaka ko izikoresha amashanyarazi byuzuye zaba ari zo z'ibanze.'

Umusoro ku byaguzwe na wo uri mu nzira zo kwemezwa ku modoka za 'hybrid' zizasora hashingiwe ku myaka yazo, kuko ikinyabiziga kitarengeje imyaka itatu kivuye mu ruganda kizajya gitanga umusoro wa 5%, ku kinyabiziga kirengeje imyaka itatu ariko kitarengeje imyaka umunani kizajya gicibwa 10%, ariko ibinyabiziga birengeje imyaka umunani bivuye mu ruganda byo bizajya byishyuzwa 15%.

Abatunze telefone babaye benshi

Kabera yavuze ko mu myaka ishize ibikoresho by'ikoranabuhanga byasonewe umusoro ku nyongeragaciro, gusa kuko ingo zitunze telefone zarenze 80% basanga bikwiye ko imisoro ishyirwaho.

Yavuze ko ahakiri ikibazo cyane ari abatunze smartphone na bwo bidatewe n'uko zihenze ahubwo abantu benshi badafite ubumenyi buhagije bwo kuzikoresha.

Ati 'Umusoro ntabwo uzongera cyane igiciro cy'izi telefone ku buryo byatuma abantu bareka kuzikoresha.'

Depite Ntezimana Jean Claude yatangaje ko mu bihe byashize hari hariho gahunda ya Leta yo gushishikariza abantu gutunga ibikoresho by'ikoranabuhanga kugira ngo byihutishe iterambere ku buryo ingo zirenga 80% babitunga.

Ati 'Nsanga ntacyo byari bitwaye tugeze ku 100% nkaba ngize impungenge ko mu gihe umusoro waba ushyizweho cyangwa uzamuwe byagira ingaruka muri iyo gahunda y'itumanaho ryihuse, kandi nkaba nibwira ko ari ibintu twari dukwiye kurenza 100% kugira ngo bidufashe mu iterambere.'

Kabera yahamije ko hari gahunda iriho yo gufasha Abanyarwanda benshi kugira ubumenyi mu byerekeye ikoranabuhanga ku buryo bashobora gukoresha smartphone n'ibindi bikoresho by'ikoranabuhanga.

Kabera Godfrey yatangaje ko hari ibyo basanze bitagikeneye gusonerwa umusoro

Abadepite bemeje ishingiro ry’umushinga w’itegeko bakazakomeza kuwusuzuma

Ryubatswe mu Murenge wa Gahini munsi ya Kaminuza y'u Rwanda, Ishami rya Rukara. Ryuzuye ritwaye arenga miliyari 1,9 Frw.

Rifite ibyumba 11 by'amashuri abanza, icyenda by'amashuri yisumbuye na bitatu by'amashuri y'incuke.

Muri iri shuri kandi hubatswemo inzu abana bariramo, iy'abafite ubumuga, ibiro, icyumba cy'umukobwa, isomero na laboratwari. Byose biri ku buso bwa hegitari ebyiri.

Umuyobozi w'Akarere ka Kayonza, Nyemazi John Bosco, yavuze ko iri shuri ryashyizwemo ibintu byose by'ingenzi kugira ngo ribere ayandi icyitegererezo mu myigishirize.

Ati 'Abanyeshuri na bo bishimiye iki kigo kubera ko harimo iby'ingenzi bakeneye byose na gahunda yo kugaburira abana ku ishuri irahari kandi barya indyo yuzuye bakanahaga. Umwana wariye neza ku ishuri, akiga neza, akabona abarimu beza nta kintu na kimwe cyamubuza gutsinda, turashaka ko riba icyitegererezo mu bintu byose.''

Tuyizere Marie Chantal urerera abana babiri muri iri shuri, yavuze ko mbere abana babo bigaga ahantu hari ubucucike, ariko ubu bishimira ko basigaye biga ari bake mu ishuri kandi bakanakurikiranwa neza.

Iteto Lea wiga mu mwaka wa kane mu bijyanye n'Imibare, Ubukungu n'Ubumenyi bw'Isi, yavuze ko amezi make amaze muri iryo shuri yasanze hari itandukaniro n'ahandi yize kuko rifite ibikoresho byose bifasha umunyeshuri gukora ubushakashatsi akabona byinshi mu byerekeye ibyo yiga.

Umuyobozi Mukuru w'Urwego rw'Igihugu rushinzwe Uburezi bw'Ibanze, Dr. Nelson Mbarushimana, yavuze ko Leta y'u Rwanda ifite gahunda yo kugira ibigo nk'ibi by'icyitegererezo mu kurushaho gutanga uburezi bufite ireme.

Ati 'Iyo mwarimu yigishiriza mu nyubako nziza, afite ibikoresho byose bituma kwigisha bigenda neza n'ireme ry'uburezi rikazamuka. Ikindi iri shuri rifite umwihariko kuko riri hafi ya Kaminuza y'u Rwanda, bizafasha abiga uburezi kubona aho bimenyereza umwuga hafi.''

Dr Mbarushimana yavuze ko kandi inzobere zo muri Kaminuza y'u Rwanda zizajya zisura iri shuri zihe abarimu bahigisha ubumenyi ku buryo bizongera imitsindire y'abana.

Kuri ubu iri shuri ryatangiranye abanyeshuri 832 barimo 166 biga mu mashuri y'inshuke, 414 biga mu mashuri abanza na 252 biga mu mashuri yisumbuye kuva mu mwaka wa mbere kugeza mu mwaka wa gatanu.

Umuyobozi Mukuru wa REB, Dr. Mbarushimana Nelson ni we wafunguye iri shuri ku mugaragaro

Ni ishuri rifite inyubako zigezweho

Iki kigo kizajya gifasha abiga uburezi muri kaminuza kubona aho bimenyerereza umwuga

Aho abanyeshuri baryama ni uku hameze

Ishuri ry’icyitegererezo ryuzuye i Kayonza ryigigirwamo n’abanyeshuri 832

Dr Neson Mbarushimana ubwo yafashaga abana bo kuri iki kigo kubona amafunguro ya Saa Sita

Iri shuri ryuzuye ritwaye akabakaba miliyari 2 Frw

Perezida Kagame na Tshisekedi bahuriye mu biganiro bahujwe na Emir wa Qatar, Sheikh Tamim bin Hamad bin Khalifa Al Thani ku wa kabiri tariki 18 Werurwe. Ni ubuhuza butari bwitezwe cyane ko muri Gashyantare ubwo Qatar yageragezaga guhuza ibihugu byombi, Tshisekedi yakwepye akitwaza ko afite indi nama i New York.

Icyo gihe yavugaga ko Qatar ari inshuti y'u Rwanda, ko by'umwihariko Emir wa Qatar afitanye umubano wa hafi na Perezida Kagame ku buryo hari amahirwe menshi yo kubogama.

Byageze aho avuga ko azahurira na Perezida Kagame mu ijuru imbere y'Imana, ko ariho bazaganirira.

Mu kiganiro yagiranye n'Ikinyamakuru cyo mu Bufaransa, Le Figaro, Tshisekedi yagarutse ku biganiro byabereye i Doha, avuga ko byabaye mu mwuka mwiza, kandi ko bizakomeza kugeza igihe habonekeye umuti urambye.

Tshisekedi yavuze ko ibijyanye n'iyi nama yamuhuje na Perezida Kagame hamwe na Emir wa Qatar, byatangiye kugirwamo uruhare n'Intumwa za Qatar mu kwezi kwa Kabiri hagati.

Ati 'Inama yabaye mu mwuka mwiza. Intambwe y'ibanze yaratewe dufashijwe n'Intumwa za Qatar. Nahuye n'umwe [mu ntumwa za Qatar] muri Gashyantare hagati mu nama yiga ku mutekano ya Munich. Intambwe ikurikiraho izatangazwa, kuko icy'ingenzi cyari uguhagarika imirwano ako kanya nta yandi mananiza. Ibiganiro bigomba gukomeza kugira ngo haboneke umuti urambye.'

Qatar isobanura ko ubuhuza bwayo budakuraho izindi nzira zemejwe zo gushakira umuti ikibazo, ni ukuvuga ibiganiro bya Luanda na Nairobi, ahubwo ko bugamije kugarura icyizere hagati y'impande zombi.

Ni inama yabaye mu gihe muri Angola hari hari kwitegurwa indi yagombaga guhuza umutwe wa M23 na Leta ya Kinshasa. Iyo nama y'ubuhuza, ntiyabaye kuko umutwe wa M23 wanze kwitabira nyuma y'uko bamwe mu bayobozi bawo bashyiriweho ibihano n'Umuryango w'Ubumwe bw'Ibihugu by'i Burayi.

Tshisekedi ntabibona mu buryo bumwe na M23. Mu gihe yo ivuga ko ibihano by'u Burayi, bitsikamira inzira y'amahoro n'ibiganiro kandi bikaba biri mu gushaka kwa Tshisekedi, we yavuze ko ikibazo ari M23 idashaka amahoro.

Abajijwe icyo atekereza ku bivugwa na M23 ko umuryango mpuzamahanga ukomeje kubangamira inzira z'amahoro ahubwo ugashyira imbere gushyigikira ibyifuzo bye by'intambara, yageretse ibibazo byose ku Rwanda, avuga ko rwitwaza guhiga Abajenosideri rukagerekaho kwiba amabuye y'agaciro ya RDC.

Yakomeje ati 'Mu myaka 50, Akarere k'Ibiyaga Bigari kazaba gatuwe na miliyari imwe y'abaturage. Niba tutabanye mu mahoro, ndavuga amahoro arambye, wakwibaza akaga kazabaho. Mfite ubwoba bw'ubundi bwicanyi niba nta gikozwe.'

Ingingo ya mbere ikomeye ibangamiye u Rwanda mu kibazo cya Congo, ni umutekano warwo umaze imyaka igera kuri 30 ugeramiwe kubera umutwe wa FDLR. Ni umutwe wivanze mu gisirikare cya leta, wahawe intwaro n'ibindi.

Wagiye ugaba ibitero bya hato na hato ku butaka bw'u Rwanda, bigatwara ubuzima bw'abaturage bikanangiza ibikorwaremezo.

Tshisekedi yabajijwe niba yiteguye kwamabura intwaro FDLR, nka kimwe mu bibangamiye u Rwanda, asubiza ko nta shiti azabikora, gusa yongera gukerensa ubushobozi bwawo, ibintu atabona kimwe n'u Rwanda.

Ati 'Yego, kubambura intwaro no kubasubiza mu buzima busanzwe. Ibi ni byo gahunda ya Nairobi iteganya, mu kurwanya imitwe yose yitwaje inwaro yaba iy'imbere mu gihugu n'iyo mu karere, ikorera mu Burasirazuba bwa Congo. FDLR ni umutwe udafite ingufu, ugizwe n'abantu b'impirimbanyi batageze kuri 750, kandi bake nibo bakoze Jenoside. FDLR ntacyo iricyo ugereranyije na M23.'

Tshisekedi yavuze no ku gisirikare cye, yemera ko hari ibibazo gifite, ndetse ngo mu kubishakira umuti, yavuguruye amasezerano amwe n'amwe igihugu gifitanye n'u Bushinwa mu bijyanye n'amabuye y'agaciro mu gushaka ubushobozi.

Ati 'Igisirikare cyacu kigizwe n'abasirikare bagera ku bihumbi 100. Umushahara w'umwe ugera ku madolari 100$, ubu yarongerewe. Umusirikare uri ku rugamba ashobora guhembwa 500$ ku kwezi.'

Ibisubizo byose Tshisekedi yatanze mu kiganiro yatanze kuri Le Figaro, bigaragaza ko hakiri intambwe ndende ngo amahoro agerweho mu Burasirazuba bwa Congo, mu gihe ibibazo byose akikitsindagira ku Rwanda.

Joseph Kabila yamusimbuye, aherutse kuvuga ko ibibazo RDC ifite byose bishingiye ahantu hamwe, ati 'ikibazo ni Tshisekedi, n'igisubizo ni Tshisekedi', mu kumvikanisha ko imiyoborere y'igihugu cye ifite ikibazo gikomeye.

Emir wa Qatar yahuye Perezida Kagame na Tshisekedi mu biganiro byigaga ku bibazo by’umwuka mubi hagati y’ibihugu byombi n’intambara mu Burasirazuba bwa Congo