Category: Uncategorized

Iki kirunga kibarizwa mu bilometero birenga 20 uvuye i Goma, icyakora nubwo kiruka inshuro nyinshi, kenshi usanga iri ruka ritagira ingaruka mbi, nk'uko bikunze kugenda iyo Ikirunga cya Nyiragongo cyarutse.

Nyamulagira yaherukaga kuruka mu Ukwakira umwaka ushize, icyo gihe ntabwo nta ngaruka mbi byagize. Kuri iyi nshuro, abahanga bagenzura iby'iruka ry'ikirunga bavuga ko ibikoma byacyo biri kwerekeza muri Pariki ya Virunga, aho amafoto ya 'satellite' yerekana ko bimaze kugenda ibilometero birindwi byerekeza muri icyo gice.

Ikigo gishinzwe gukurikirana iby'iruka ry'ibirunga cya Goma Volcanological Observatory (OVG) cyemeje iby'iruka ry'iki kirunga, gishimangira ko iki kirunga cyari kimaze iminsi cyerekana ibimenyetso byo kuruka kuko nubwo bitagaragaraga inyuma, ariko imbere mu nda y'Isi, cyari kimaze igihe kiruka.

Abaturage basabwe gutuza kuko ibikoma by'iki kirunga bitari kugana ahantu hatuye abantu, ahubwo biri kugana muri pariki, nk'uko byatangajwe n'ikinyamakuru Actualite.

Mu 2021, Ikirunga cya Nyiragongo cyararutse, gihitana ubuzima bw'abaturage abandi benshi barahunga, barimo n'abahungiye mu Rwanda.

Ibi yabigarutseho kuri uyu wa Gatatu tariki ya 19 Werurwe 2025, ubwo yasuraga abanyeshuri biga ku Rwunge rw'Amashuri rwa Kibondo.

Ni ikigo giherereye mu Kagari ka Simbwa mu Murenge wa Kabarore mu Karere ka Gatsibo.

Yabasuye mu gikorwa cyiswe ' Nawe wagera kure' cyateguwe na Minisiteri y'Uburezi kigamije kuganiriza abakiri bato kugira ngo bamenye akamaro k'ishuri.

Tom Close wize amashuri abanza kuri G.S Kibondo, yabwiye abana bahiga ubu ko ari mu bahize akanahakorera ikizamini cya Leta bwa mbere, aba ari we wenyine ugitsinda mu bana 90 bigaga mu mwaka wa gatandatu w'amashuri abanza.

Uyu muhanzi yavuze ko kimwe mu byamufashije gutsinda ari uko yatekereje icyo azaba akiri muto cyane akagihagararaho ku buryo aho yajyaga kwiga hose yaharaniraga kuba uwa mbere kugira ngo akomeze intego ze zo guharanira kuzaba umuganga.

Ati 'Tujya guhitamo icyo twifuza kwiga njye aha mbere nanditseho umuganga, aha Kabiri nandikaho umuganga, aha gatatu nandikaho umuganga. Nta yandi mahitamo nafashe, nahisemo ko nzaba umuganga nkiri umwana muto cyane. Namwe icyo kintu mwifuza gukora ugomba kuba ubifite ku mutima, uzabiharanira muri mwe niwe wenyine uzabigeraho.''

Yavuze ko impamvu yagize inzozi zo kuzaba muganga, yashakaga kuzakora akavura umubyeyi wanjye wajyaga arwara igifu, akamukizwa ubwo bubabare.

Yeretse abanyeshuri ko kugira ngo umuntu abe umuganga bisaba kutarangara mu ishuri, kudasiba, kudakererwa, kwiga cyane ukaba umuhanga kandi ugaharanira ko amahirwe azaboneka niyo yaba amwe azaba ayawe.

Dr. Muyombo yasabye aba banyeshuri gukora cyane kandi bagaharanira ko amahirwe bazabona atazabacika kuko muri iki gihe bari mu gihugu cyiza gifite amahirwe menshi ahabwa bantu bose.

Ati 'Impano ntoya ufite, yaba ari ukuririmba, gushushanya, iy'ubwenge mu ishuri, iyo uyishyizeho kugira gahunda nubwo iwanyu mwaba muri abakene, ushobora kuvamo ugatera imbere ukazakiza iwanyu. Hari abana benshi twiganye bafite ingo i Kigali bafite amafaranga kuko amahirwe babonye batayapfushije ubusa.''

Umuyobozi w'Urwunge rw'Amashuri rwa Kibondo, Ruhara Charles, yavuze ko ubutumwa Tom Close yatanze babwishimiye kandi ngo bizeye ko buzafasha abanyeshuri benshi barimo n'abana bajyaga basiba ishuri nta mpamvu.

Umuhuzabikorwa w'Uburezi mu Ntara y'Iburasirazuba, Butera Emmanuel, yavuze ko muri iyi ntara harimo abana benshi bakundaga guta amashuri, ku buryo bizeye ko ubutumwa bw'abantu bakomeye bagiye biga aho abo bana biga buzabafasha kumva akamaro k'ishuri.

Urwunge rw'Amashuri rwa Kibondo rwigamo abanyeshuri 1335 barimo 815 biga mu mashuri abanza na 520 biga mu mashuri yisumbuye.

Urwunge rw’Amashuri rwa Kibondo rwigaho abanyeshuri barenga 1300

Umwe mu bana bahawe umwanya abaza Tom Close uko yagera ku ntego ze

Tom Close yeretse abakiri bato uko yanganaga ubwo yahitagamo ko azaba umuganga

Umwana wavuze umuvugo yashimiwe na Tom Close amusaba kuzakomeza iyo mpano

Umuyobozi wa GS Kibondo, Ruhara Charles yavuze ko bishimiye gusurwa na Tom Close wahanuye abakiri bato

Tom Close yasabye abakiri bato guhitamo icyo bifuza kuzaba hakiri kare bagaharanira kukigeraho

Tom Close yavuze ko yahisemo kwiga ubuganga kugira ngo azavure umubyeyi we warwaraga igifu

Tom Close yagiye abaza abana icyo bifuza kuzaba akabasaba kugiharanira

Bikubiye mu mushinga w'itegeko Minecofin yagejeje ku Nteko Ishinga Amategeko umutwe w'Abadepite ku wa 19 Werurwe 2025.

Umunyamabanga wa Leta muri Minisiteri y'Imari n'Igenamigambi, ushinzwe Imari ya Leta, Kabera Godfrey, yatangaje ko biri mu murongo wo gufasha igihugu kugera ku ntego yo kwinjiza miliyari 1,1$ avuye mu bukerarugendo bitarenze 2029.

Ati 'Uyu musoro urareba ahantu hose hari igitanda, ni igiciro cy'inyuma. Waba wagiye muri lodge, muri motel, hotel, byose bifite ahantu hari serivisi y'icyumba cyo kuraramo.'

Yavuze ko abatanga izi serivisi bari basanzwe batanga indi misoro, bityo baziyandikisha kugira ngo bajye bakusanya iyo misoro bayishyure buri kwezi.

Bamwe mu badepite bagaragaje ko bizatuma ibiciro by'amacumbi byiyongera ku buryo hari na bamwe byabera imbogamizi.

Kabera yavuze ko ibiciro bizazamukaho gato ariko bitazatuma abantu bareka kurara muri hoteli.

Ati 'Bizazamukaho kuko n'ubundi ibiteganyijwe ni uko iyi 3% n'ubundi ufite icumbi azayicuza wa muntu warayemo. Azajya ku muguzi wa nyuma kandi ntabwo ari amafaranga yakabaye atuma umuntu atajya muri hoteli ngo araremo.'

Yahamije ko amafaranga azaturuka muri uyu musoro azafasha mu kubaka ibikorwaremezo bijyanye n'ubukerarugendo.

Mu 2024, Urwego rw'Abikorera rwatangaje ko mu Rwanda habarurwa ibyumba birenga ibihumbi 25, mu gihe bateganya ko mu myaka itanu iri imbere bizaba bimaze kugera ku bihumbi 35.

Kugeza ubu Ishami ry'Ubukerarugendo ribarizwamo ibigo 1,360 n'amahuriro arindwi y'ubukerarugendo butandukanye.

Imibare igaragaza ko abantu barenga miliyoni 1,4 basuye u Rwanda mu 2023, bikaba biteganyijwe ko bazikuba kabiri mu 2029, bikanajyanishwa no kongera ibyerekezo sosiyete itwara abantu n'ibintu mu kirere ya RwandAir igeramo.

Ibigo bicumbikira abantu bigiye kujya bisora 3% y’igiciro cy’icumbi

Kuri uyu wa Gatanu Saa kumi n’ebyiri ni bwo Amavubi arakira Nigeria kuri Stade Amahoro mu mukino wo ku munsi wa 5 w’itsinda C mu gushaka itike y’igikombe cy’Isi cya 2026 kizabera muri Mexico, Canada na Leta Zunze Ubumwe z’Amerika.

Hashize icyumweru kirenga ishyirahamwe ry’umupira w’amaguru mu Rwanda, FERWAFA, rishyize hanze amatike y’uyu mukino kugira ngo Abanyarwanda babe bayagura hakiri kare ubundi bazajye kwihera ijisho uyu mukino.

Ibiciro by’Amatike yo kuri uyu mukino ahasanzwe hejuru ari 1000 Frw, ahasanzwe hasi hakaba ari 2000 Frw, VIP ikaba ari 20,000 Frw, Business swite ikaba 30,000 Frw,VVIP ikaba ari 50,000 Frw,Executive Seats ikaba ari 100,000 Frw naho Sky Box akaba ari 1,000,000 Frw

Ikirenzeho abayobozi batandukanye bafite aho bahuriye n’umupira w’amaguru barimo Minisitiri wa Siporo, Nelly Mukazayire, na Perezida wa FERWAFA, Munyantwari Alphonse nabo bakomeje gushishikariza Abanyarwanda kuzajya gushyigikira abasore babo.

Nyuma y’ibi InyaRwanda yaguteguriye izindi mpamvu 5 udakwiye kubura muri Stade Amahoro;

1. Amavubi ayoboye itsinda 

Nyuma yuko hamaze gukinwa imikino ine mu matsinda yo gushaka itike y’igikombe cy’Isi cya 2026,kugeza ubu Amavubi niyo ayaboye itsinda C n’amanota 7 inganya na Afurika y’Epfo ya kabiri na Benin iri ku mwanya wa gatatu.

Lesotho iri ku mwanya wa kane n'amanota atanu, Nigeria atatu na Zimbabwe ya nyuma ifite abiri.Amavubi amaze amezi 15 ari kuri uyu mwanya wa mbere dore ko yawufashe tariki ya 21 z’ukwezi kwa 11 muri 2023 nyuma yo gutsinda Afurika y’Epfo ibitego 2-0.

Muri rusange imikino 4 ikipe y’igihugu y’u Rwanda, Amavubi, imaze gukina mu gushaka itike y’igikombe cy’Isi cya 2025 yatsinzemo ibiri, inganya umwe, itsindwa umwe.

Kuba Amavubi ayoboye itsinda ni inkuru ikomeye kuko ku munsi wejo impuzamashyirahamwe y’umupira w’amaguru ku Isi, FIFA ibinyujije ku mbugankoranyambaga zayo yabigarutseho ko Amavubi ayoboye itsinda ndetse ivuga ko biramutse ariko birangiye mu mikino 6 isigaye yahita ikora amateka yo kubona itike y’igikombe cy’Isi bwa mbere.

Amavubi ayoboye itsinda C mu gushaka itike y’igikombe cy’Isi cya 2026

2.Amavubi ntabwo afite imibare mibi imbere ya Nigeria 

Uyu mukino ni uwa Munani mu mateka ugiye guhuza aya makipe yombi mu marushanwa yose. Mu mikino irindwi iheruka guhuza ibi bihugu u Rwanda rwatsinzemo umukino umwe, Nigeria itsinda imikino ibiri maze amakipe yombi anganya imikino ine. Muri iyi mikino u Rwanda rwinjije ibitego bitatu, rwinjizwa ibitego bitandatu.

Umukino wa Mbere wahuje ibi bihugu byombi wakinwe ku itariki 5 Kamena 2004. Ni umukino wari uwo gushaka itike y'igikombe cy'Isi ariko warangiye Nigeria itsinze u Rwanda rwari rufite abakinnyi bakomeye nka Gatete Jimmmy ibitego 2-0

Umukino wa Kabiri wahuje u Rwanda na Nigeria wakinwe tariki ya 6 z’ukwezi kwa Gatanu mu 2005, ukaba wari uwo gushaka itike y’igikombe cy’Isi, wasoje amakipe yombi aguye miswi 0-0.

Umukino wa gatatu wahuje aya makipe y’ibihugu byombi wakinwe tariki ya 29 z’ukwezi kwa 2 mu 2012 mu gushaka itike y’igikombe cy’Afurika, ukaba wararangiye amakipe yombi anganya 0-0.

Umukino wa Kane wakinwe tariki ya 6 z’ukwezi kwa 6 mu 2012, ukaba wari uwo kwishyura mu gushaka itike y’igikombe cy’Afurika. Warangiye Nigeria itsinze u Rwanda ibitego 2-1.

Umukino wa Gatanu aya makipe yombi wakinwe tariki ya 15 z’ukwezi kwa Mbere muri 2018 muri CHAN, ukaba wararangiye amakipe yombi anganya 0-0.

Umukino wa 6 wakinwe ku itariki 10 Nzeri 2024 nawo warangiye amakipe yombi anganya 0-0 mu marushanwa yo gushaka itike y'igikombe cya Africa AFCON kizabera mu gihugu cya Morocco.

Umukino wa karindwi wahuje u Rwanda na Nigeria wabaye ku itariki 18 Ugushyingo 2024, ukaba wararangiye u Rwanda rutsinze Nigeria imbere y'abafana babo ibitego 2-1. Ibitego byarwo byatsinzwe na Nshuti Innocent na Mutsinzi Ange mu gihe Nigeria yatsindiwe na Samuel Chukwueze.

Amavubi ntabwo afite imibare mibi imbere ya Nigeria 

3. Umukino wa mbere wa Adel Amrouche 

Ku wa Gatanu ubwo Amavubi azaba yakiriye Nigeria, uzaba ari umukino wa mbere k’Umunya-Algeria Adel Amrouche uheruka guhabwa inshingano zo gutoza ikipe y’igihugu asimbuye Torsten Frank Spittler.

Mu bakinnyi uyu mutoza yahamagaye ntabwo yakozemo impinduka cyane ariko hari abo yongeye kugarura bari bamaze igihe badahamagarwa barimo Hakim Sahabo, Manishimwe Djabel, Rafael York na Ishimwe Pierre.

Adel Amrouche watoje ibindi bihugu birimo Yemen, Kenya, Equatorial Guinea, Botswana, Libya na Tanzania afite akazi ko gukomereza aho Torsten Frank Spittler yari agejeje aha ibyishimo Abanyarwanda.

4. Nigeria mu mibare ikomeye

Ikipe y’igihugu ya Nigeria iri mu mibare ikomeye mbere yo gukina n’Amavubi aho itagomba gukora ikosa na rimwe kuri uyu mukino. Kugeza ubu iyi kipe iri ku mwanya wa 5 n’amanota 3 mu gihe habura imikino 6 kandi kugira ngo izabone itike y’igikombe cy’Isi cya 2026 isabwa gusoza iyoboye itsinda.

Bivuze ko isabwa gutsinda uyu mukino kugira ngo igire icyizere cyo kuzabona itike y’igikombe cy’Isi. Ikipe y’igihugu ya Nigeria iramutse itsinze Amavubi yagira amanota 7 ikaba yakwegera imyanya ya mbere mu gihe Afurika y’Epfo na Benin zaba zatakaje imikino yazo.

5. Nigeria ifite amazina akomeye 

Ikipe y’igihugu ya Nigeria ifite abakinnyi benshi bakomeye bakina ku mugabane w’Iburayi mu makipe akomeye yakururira abantu kujya muri Stade Amahoro.

Abo barimo Victor Osimhen ukinira Galatasaray yo muri Turukiya,Samuel Chukwueze ukinira AC Milan na Ademola Lookman ukinira Atalanta FC zo mu Butaliyani na Victor Boniface ukinira Bayer Leverkusen yo mu Budage.

Hari kandi Alex Iwobi na Calvin Bassey bakinira Fulham, Ola Aina ukinira Nottingham Forest Wilfred Ndidi ukinira Leicester City zo mu Bwongereza.

Victor Osimhen ari kumwe n’ikipe ye y’igihugu ya Nigeria 

Hari impamvu nyinshi Abanyarwanda bakwiye kujya muri Stade Amahoro gushyigikira Amavubi imbere ya Nigeria 

Kimwe mu byagezweho gikomeye ni uko filime nyafurika zitangiye kubona umwanya mu maserukiramuco akomeye ku isi, nk'irya Cannes Film Festival na Toronto International Film Festival. Urugero ni filime Tsotsi yo muri Afurika y'Epfo, yegukanye igihembo cya Academy Award mu 2006, ndetse na Nairobi Half Life yo muri Kenya yamamaye cyane ku rwego mpuzamahanga mu 2012.

Ikoranabuhanga n'imbuga zicururizwaho filime byasakaye hirya no hino ku isi nabyo byagize uruhare rukomeye mu iterambere rya sinema nyafurika. Urugero ni nka serivisi za Netflix zatangiye gutambutsa uruhererekane rwa filime nyafurika, nka Queen Sono yasohotse muri 2020 ikaba ari yo filime ya mbere Nyafurika yatambutse kuri Netflix. Imbuga nkoranyambaga nka YouTube na TikTok nazo zafashije abatunganya filime kwamamaza no kugera ku bafana benshi.

Mu bihe byashize, hagiye hagaragara iterambere ry'abagore mu ruganda rwa sinema, barushaho kugira uruhare rufatika mu kuyobora no gutunganya filime. Urugero ni nka Wanuri Kahiu wo muri Kenya, wakoze filime ‘Rafiki’ yamamaye ku rwego mpuzamahanga mu 2018. Ibi byafunguye amarembo ku nkuru zinyuranye zirimo ubuzima bw'abagore n'ibibazo bahura na byo, bikomeza gutuma sinema nyafurika igira umwihariko.

Ku ruhande rw'u Rwanda, abakinnyi ba filime bagaragaza ko iterambere rya sinema ryihuta kubera ikoranabuhanga. Usanase Bahavu Jeannette ni umwe mu babikomojeho, aho yagize ati: 'Sinema Nyafurika iratera imbere byihuse kubera ikoranabuhanga. Ubu internet n'ubumenyi bwisumbuye kuri sinema bituma filime zisakara henshi ku isi, bigafasha abakinnyi, abayikora ndetse n'abatunganya amashusho. 

Nubwo bimeze bitya ariko, Bahavu agaragaza ko harikiri imbogamizi mu birebana n’imikoranire mpuzamahanga hagati y'abakora filime mu bihugu binyuranye bya Afurika.

Isimbi Alliance (Alliah Cool) uri mu bafite izina riremereye muri Sinema, avuga ko uru ruganda rugeze ku rwego rwiza, bijyanye n’uko kuri ubu Abanyafurika basigaye bakora filime zibasha guhatana z’iz’abandi banyamahanga.

Ati: “Ndahamya neza ntashidikanya ko bizakomeza kugenda bikagera no mu bindi bihugu byose bya Afurika, na hano mu Rwanda iwacu, ku buryo Afurika muri rusange izagera kure aho n’ibindi bihugu nka Nigeria, South Africa, na Kenya bimaze kugera. Ndabona mu myaka ibiri iri imbere, ibihugu byinshi bizaba bimaze kugera ku rwego rumwe n’ibindi byateye imbere.”

Alliah Cool yakomeje agaragaza ko mu nzitizi zugarije uru ruganda harimo ubumenyi bucye n’ubushobozi budahagije bw’amafaranga yo kwifashisha mu gutunganya neza amashusho meza ari ku rwego mpuzamahanga. 

Cobby, umwe mu bakinnyi ba filime bamaze kubaka izina rikomeye mu Rwanda, na we yagarutse ku iterambere ry'isoko rya sinema kubera imbuga nka YouTube.

Ati: 'Ubu isoko ryaragutse kubera YouTube. Abayikoze neza bigatanga umusaruro, abakinnyi nabo bakabona amafaranga menshi kuko abakora filime biyongereye.' 

Ku rundi ruhande ariko, yavuze ko ubu buryo bushya bwo gutunganya filime hari aho bwishe ireme ryazo, ati: 'Kuba filime ziboneka byoroshye kuri YouTube, byatumye hari abazitunganya nabi batitaye ku gihe n'ubuziranenge.'

Mu mboni ze, abona mu myaka nk’itanu iri imbere, abona Sinema Nyarwanda izaba igeze kure kuko Abanyarwanda basigaye bakunda filime z’iwabo, mu gihe ku rwego rwa Afurika abona uruganda rwa Sinema ruzaba rumaze gutera imbere cyane bijyanye na filime zikomeye Abanyafurika basigaye bakora zitambuka kuri Netflix.

Nubwo hari intambwe yatewe, sinema nyafurika iracyahura n'imbogamizi zitandukanye. Iya mbere ni iy'amikoro make, aho abatunganya filime bagorwa no kubona ingengo y'imari ihagije. Ibi bituma benshi bakora filime bakoresha ubushobozi buke, bikagabanya ubuziranenge bwazo. 

Ikindi kibazo kikigaragara ni uburyo filime zikwirakwizwa. Nubwo hari ibyo kwishimira byagezweho, uburyo bwo kugeza filime ku banyafurika ubwabo buracyari imbogamizi. Nka serivisi za Netflix n'izindi zifasha kugera ku isoko mpuzamahanga, ariko ku mugabane wa Afurika haracyari ikibazo cy'imiyoboro mito y'ubucuruzi bwa filime, ibyo usanga bigabanya inyungu ku bayitunganyije. Kuri ibi hiyongeraho ikibazo cy'ubujura bw'ibihangano, aho filime nyinshi zibwa mu buryo budasobanutse zikaboneka ku isoko ritemewe, ibituma abatunganya filime batabona inyungu ihagije ihwanye n’imbaraga baba babishyizemo. 

Ababa muri sinema umunsi ku wundi bavuga ko ubufatanye no gushyiraho amategeko agenga uru ruganda ari ingenzi mu gukemura izi mbogamizi. Mu 2023, mu iserukiramuco rya filime ryabereye i Kigali, umunyakenyakazi Ama K. Abebrese yavuze ko “Gukorana nk'Abanyafurika ni ingenzi mu guhangana n'imbogamizi duhura na zo no guteza imbere sinema yacu.” 

Yagaragaje ko ubufatanye buramutse bwiyongereye, hakabaho politiki nziza n'ishoramari rihagije, sinema nyafurika ishobora kuba igihangange ku rwego rw'isi. 

Mu gihe iterambere ririmo kwihuta, haracyari urugendo rurerure kugira ngo sinema nyafurika irusheho kumenyekana no kugira agaciro ku rwego rw'isi. Gushyira imbere ubufatanye, kongera ishoramari no gukemura ibibazo by'ubucuruzi bwa filime ni bimwe mu bisubizo byafasha sinema nyafurika kwigaragaza nk'uruganda rukomeye kandi rwihagazeho nk’uko bigaragazwa n’abarubarizwamo.

Bahavu yagaragaje ko iterambere rya Sinema Nyafurika ryagizwemo uruhare cyane n’ikwirakwira ryihuse ry’ikoranabuhanga

Alliah Cool agaragaza ko ubumenyi bucye n’ubushobozi budahagije ari zimwe mu nzitizi zikigaragara muri Sinema NyafurikaCobby avuga ko mu myaka itanu iri imbere uruganda rwa Sinema muri Afurika ruzaba rumaze kugera kure hashoboka 

Yabigarutseho mu kiganiro cyihariye yagiranye na InyaRwanda, aho yitaye cyane ku kumvikanisha ibyiza n'ibibi byaranze urugendo rwe rw'umuziki yatangiriye mu gihugu cya Uganda, kugeza ubwo yimukiye mu Rwanda kubera ko yashakaga kugaragaza uruhare rwe mu rugendo rwe rw'umuziki yubakiye kuri gakondo. 

Uyu mugabo avuga ko yashyize ku isoko ibihangano byakunzwe mu buryo bukomeye, kandi yakoranye na ba Producer benshi batumye abasha kubigeraho. Agasobanura ko na n'uyu munsi akizirikana uruhare rwa Producer Lick Lick kuko yamubereye inyangamugayo kurusha abandi bose bigeze bakorana. 

Mako Nikoshwa yavuze ko yahuye na Lick Lick bataziranye amaso ku maso bahuriye mu kabyiniro. Ati 'Duhura bwa mbere yarandamukije arambwira ati 'musaza' (Iyo mvugo yari igezweho icyo gihe) ndashaka igihe kimwe uzaze muri studio tugirane ikintu twakora. We yari anzi, njye ntamuzi.'

Yavuze ko atongeye kuvugana na Lick Lick kuri gahunda bari bahanye, yongera kubyibuka ubwo Senderi Hit yamusabaga kumuherekeza bakajyana kwa Lick Lick kuko hari indirimbo yari agiye gukorerayo.

Ati 'Tugezeyo nasanze Lick Lick afite 'studio' yakoreragamo i Nyamirambo yitwaga Unlimited Records, ubwo mu gihe Senderi yarimo afata amajwi y'indirimbo ye, Lick Lick arambwira ati noneho turabonanye, hari icyo twakora?'

'Dukora indirimbo yitwaga 'Kunda ugukunda'. Ubwo Senderi yari asoje nararirimbye ndataha, hashize iminsi arambaza ati ese urayumva ute? Ndamubwira nti ni nziza ariko 'Sound' ntabwo ari nziza, ndetse n'uburyo yumvikanamo ntabwo ari indirimbo yakinwa mu buryo bwa Live irimo ubuntu bwinshi budasobanutse. Ni nziza uyishyize mu rubyiruko, ariko ntabwo ari indirimbo ifte ahazaza.'

Mako Nikoshwa yavuze ko abwira ariya magambo Lick Lick yumvaga adahita yumva ibitekerezo bye, ariko yishimira ko yamwumvise kugeza ubwo banafashe indi gahunda yo gukora indi ndirimbo muri 'studio' yari ku Kicukiro ahakorera Bralirwa muri iki gihe.

Uyu muhanzi yavuze ko hashize igihe yavuganye na Lick Lick bahana undi munsi, icyo gihe yahasanze abarimo Kitoko, King James, Riderman n'abandi.

Avuga ko batangiye guhitamo ibicurangisho by'umuziki bakoresha birimo gitari ndetse n'ibindi yifuzaga. Ashimangira ko gukundwa kw'indirimbo ye 'Nkutekerezaho' kwavuye mu kuba Lick Lick yarubahirije ibyifuzo bye.

Ati 'Icyo kintu ndakimushimira. Yubahirije uko nabishakaga n'imvune namushyizeho […] Niwumva indirimbo zose za Lick Lick uzumva ko uburyo indirimbo 'Nkutekerezaho' ivugamo, itandukanye n'izindi ndirimbo zose yakoze. Kuko yabihaye umwanya. Turayikora, arabyishimira, umunsi wakurikiyeho yarishimye, ndetse twanasangiye ibyo kurya.'

Mako Nikoshwa yavuze ko yakoranye na Lick Lick hashize igihe agerageza gukorana na ba Producer banyuranye ariko bakamugora.

Ati 'Nje mu Rwanda aba Producer benshi barakoraga, ariko bakagiramo akantu ko gushaka kwihindura nk'Imana, ugasanga umuntu murakoranye, agahuye umwanya uri bugaruke, waza agacurangaho akantu gato, akagusiga muri studio'.

Ariko kandi ashima Lick Lick ndetse na Pastor P kuko bamubereye aba Producer beza bamuherekeje mu rugendo rwe rw'umuziki, mu gihe abandi bamwimaga umwanya.

Uyu mugabo atangaje ibi mu gihe ari kwitegura kujya akora ibitaramo ngaruka kwezi bizajya bibera kuri Wakanda, ndetse agiye no gushyira hanze Album nshya.

Mako Nikoshwa yatangaje ko ikorwa ry'indirimbo 'Nkutekerezaho' ryabanjirijwe n'indirimbo 'Kunda ugukunda' itarigeze isohoka

Mako Nikoshwa yavuze ko Lick Lick yumvise ibitekerezo bye, byatumye indirimbo bakoranye yarasohotse igaca ibintu
Mako Nikoshwa yavuze uburyo yatunguwe n'indirimbo ye 'Nkutekerezaho' ubwo yari mu gitaramo i Musanze yahuriyemo na Rafiki na Washigton wo muri Uganda 

KANDA HANO UREBE IKIGANIRO CYIHARIYE TWAGIRANYE NA MAKO NIKOSHWA

“>