Category: Uncategorized
-
Musanze: Nyuma y’urugomo ruri kuvugwa kuri ba Gitifu, Meya Nuwumuremyi araburira abayobozi #Rwanda #RwOT via @kigalitoday #rwanda #RwOT
-
- Nuwumuremyi Jeannine
Meya Nuwumuremyi Jeannine yabwiye abayobozi b’inzego z’ibanze bo muri ako Karere ko bakwiriye kwirinda kunyuranya n’amategeko abagenga ahubwo bakita ku muturage aho kumuhohotera. Yabasabye kwirinda kugwa mu mutego nk’uwo abaregwa guhohotera abaturage bagiye bagwamo.
Abo bayobozi bane bari mu nkiko, icyaha bose bashinjwa kijyanye no guhohotera abaturage, kubakubita no kubakomeretsa.
Sebashotsi Gasasira Jean Paul wayoboraga Umurenge wa Cyuve ubu akaba yarahagaritswe ku mirimo ye n’ubuyobozi bumukuriye bw’Akarere ka Musanze, ubu aritaba urukiko afunze, aho aregwa icyaha cyo gukubita no gukomeretsa ku bushake umukobwa na musaza we, abaturage yari abereye umuyobozi.
Icyo cyaha akurikiranyweho cyabaye tariki 13 Gicurasi 2020, afungwa bukeye bwaho aho ubu ari kuburanishwa n’urukiko rwisumbuye rwa Musanze akaba afunganye na Tuyisabimana Léonidas wari Gitifu w’Akagari ka Kabeza ndetse na ba Dasso babiri, ari bo Nsabimana Anaclet na Abiyingoma Sylvain bashinjwa ubufatanyacyaha.
Umunyamabanga Nshingwabikorwa w’Umurenge wa Gacaca mu Karere ka Musanze, Kanyarukato Augustin na we akurikiranyweho icyaha cyo guhohotera umuturage amufunga mu buryo bunyuranyije n’amategeko.
Uwo mugabo uburana ariko adafunze na we yabanje gufungwa ubwo yafatwaga n’Urwego rw’Ubugenzacyaha (RIB) ku mugoroba wo ku itariki 11 Mata 2020, afungirwa kuri RIB Sitasiyo ya Muhoza aho bivugwa ko ngo yasanze uwo muturage yubaka mu buryo bunyuranyije n’amategeko amufungira mu biro by’Umurenge mu gihe cy’icyumweru ngo amuca n’amafaranga ibihumbi 300.
Uwari Umunyamabanga Nshingwabikorwa w’Umurenge wa Kinigi Twagirimana Innocent na we akurikiranyweho icyaha cyo gukubita no gukomeretsa umwana uri mu kigero cy’ubugimbi.
Ku itariki 11 Mata 2020, nibwo uwo musore witwa Munyaziboneye Phocas yari aherekeje bamwe mu rubyiruko bagenzi be bari baje kumusura, bahura n’itsinda riyobowe na Gitifu Twagirimana Innocent riri mu gikorwa cyo kubahiriza amabwiriza ya gahunda ya Guma mu rugo.
Ngo ubwo bahagarikaga abo basore Munyaziboneye atangiye kwisobanura ngo nibwo bamukubise inkoni ku kibero igufa riravunika.
Uwo wari umuyobozi yamaze gukatirwa igifungo cy’imyaka itanu, aho urubanza rwe ubu rukiri mu bujurire.
Uwari Umunyamabanga Nshingwabikorwa w’Umurenge wa Busogo na we ari mu maboko ya RIB Sitasiyo ya Busogo nyuma yo gutwara umuturage mu modoka ye (muri Butu) nk’uko ababibonye babihamya.
Uwo mugabo w’imyaka 47 witwa Mbonyimana Fidele ngo yahanutse muri iyo modoka ya Gitifu yitura hasi arakomereka bikomeye aho yamaze iminsi ibiri mu bitaro bya Ruhengeri yataye ubwenge.
Ibyo byabaye ku itariki 18 Nzeri 2020, ku itariki ya 23 Nzeri 2020 ubuyobozi bw’Akarere ka Musanze bufata icyemezo cyo guhagarika uwo muyobozi mu nshingano ze, mu buryo bw’agateganyo mu gihe cy’amezi atandatu.
Meya Nuwumuremyi Jeannine aragira impanuro aha abayobozi
Nyuma y’ibyo bibazo bikomeje kugaragara mu buyobozi bw’inzego z’ibanze mu mirenge imwe n’imwe igize Akarere ka Musanze, Kigali Today yegereye Umuyobozi w’ako Karere Nuwumuremyi Jeannine agira icyo abivugaho.
Ati “Kuyobora ntabwo bijyanye no guhutaza, gukubita no gukomeretsa uwo ushinzwe kuyobora nk’uko n’umuturage afite inshingano n’uburenganzira bwe. Ni byo amenya uburenganzira bwe, akamenya n’inshingano zo kwemera kuyoborwa, akubahiriza amabwiriza n’amategeko cyane ko biba biganisha ku neza ye n’abe no kuneza y’igihugu muri rusange. Iyo umuturage abaye mwiza bigahurirana n’umuyobozi mwiza, nibwo habaho rya terambere, naho iyo hajemo kubusanya nta kigerwaho”.
Meya Nuwumuremyi yihanangirije abayobozi batubahiriza inshingano zabo, avuga ko batazihanganirwa aho yasabye abo bayobozi b’inzego z’ibanze kugira umutima n’umuco wo gukunda abaturage.
Ati “Inama nagira abayobozi, ni uko dukunda akazi dushinzwe ko kuyobora abaturage. Iyo hajemo kuba inyangamugayo ugakora akazi kawe uko bigomba ugakunda umuturage uharanira iterambere rye nk’uko ubisabwa, nta kibazo na kimwe cyavuka”.
Arongera ati “Dukore kinyamwuga, tuyobore abaturage nk’abayobozi beza twibutswa kurangwa n’imyitwarire myiza. Ni ngombwa ko abayobozi bakurikiza inama bagirwa umunsi ku munsi, kugira ngo bashobore kugera ku ntego biyemeje n’intego igihugu cyabasabye. Niba harabonetse umuntu runaka ukosa ni umuyobozi ariko ni umuntu, icyo gihe aba ari imyitwarire ye ku giti cye, ni na yo mpamvu akwiye kubibazwa ku giti cye ntabwo twabigira rusange”.
Uwo muyobozi arihanangiriza umuyobozi wese uzanyuranya n’inshingano ze agahohotera umuturage ashinzwe kuyobora, akaba ngo atazihanganirwa.
-
-
Amafoto y'umugore wubatse umubiri yavugishije benshi, bacika ururondogoro!!! #rwanda #RwOT
Umutegarugori kuri Facebook uzwi nka Sliee Beyonce Mbathah yateje impagarara nyuma y'amafoto ye yashyize ahagaragara yerekana uburyo yakoze siporo byatumye umubiri umera nkuw'abagabo ukazana udupaki 8 ibizwi nka (8packs).
Sliee Beyonce yateje benshi ururondogoro kubakoresha Facebook nyuma yo gushyira ahagaragara amafoto ye agaragaza imitsi kunda kugeza nanubu abantu bakaba batangajwe n'uburyo yaba yarakozemo siporo.
Source: www.ghgossip.com
Inkuru yanditswe na Venuste Habineza
Source : http://www.intyoza.com/amafoto-yumugore-wubatse-umubiri-yavugishije-benshi-bacika-ururondogoro/
-
Tchad: Ingabo zarokoye abari bafashwe bugwate n'abarwanyi ba Boko Haram #rwanda #RwOT
Ingabo za Sector ya 2 (chad), nizihuriweho n'ibihugu byinshi (MNJTF), zarokoye ingwate 12 zari zarafashwe n'umutwe witwa ko ari uw'iterabwoba wa Boko Haram, hafi ya Barkalam mu kiyaga cya Tchad.
Umuyobozi mukuru ushinzwe amakuru ya gisirikare, muri MNJTF, Col. Muhammad Dole, yabitangaje mu magambo ye kuri uyu wa gatandatu tariki 26 Nzeri 2020 i Ndjamena, muri Tchad mu kiganiro n'ikinyamakuru Daily Times Nigeria.
Dole, yavuze ko ingabo zagabye igitero ku mutwe wa Boko Haram kandi zikomeza kubarwanya ku nkombe z'ikibaya cy'ikiyaga cya Tchad kandi babigezeho.
Yavuze ko ubwato butatu bwafashwe mu gihe bagabaga ibitero, bituma bamwe mubagize Boko Haram bapfa kandi bata muri yombi bamwe, abandi bakomereka mu buryo butandukanye.
Yatangaje ko abantu 12 barokowe bagizwe n'umugabo umwe ukuze, abagore batatu n'abana umunani.Ati: 'Dukurikije politiki yayo yo gushaka umutekano w'abigometse ku butegetsi no gutabara ingwate, MNJTF yakoresheje Kajugujugu kugira ngo borohereze urugendo rwabo kuva Baga Sola berekeza N'Djamena, Tchad.
Yakomeje agira ati: 'Daoud yasabye ingabo gukomeza guhanga amaso hamwe no kwiyemeza gukuraho inyeshyamba, kugira ngo ibikorwa by'ubukungu bisanzwe mu karere bisubizwe.
Ati: 'Ingwate zarokowe zimuriwe mu kigo nderabuzima cya gisirikare kugira ngo zisuzumwe kandi zivurwe, nyuma zihuzwe n'imiryango yabo'.Mu gihe yakiraga abantu barokowe mu kigo cy'ingabo zirwanira mu kirere, Umuyobozi mukuru w'ingabo wa Tchad (CDS), Lt. Abakar Daoud, yongeye gushimangira ubwitange n'ubushake by'ingabo z'igihugu na MNJTF mu kurwanya iterabwoba mu kibaya cy'ikiyaga cya Tchad.
Source: Daily times NigeriaInkuru yanditswe na Venuste Habineza
Source : http://www.intyoza.com/tchad-ingabo-zarokoye-abari-bafashwe-bugwate-nabarwanyi-ba-boko-haram/
-
Abakora ubucuruzi bwo mu muhanda (Abazunguzayi) baragirwa inama yo guhindura imikorere #rwanda #RwOT
Abazunguzayi barakangurirwa gutinyuka bagakora ubucuruzi bwemewe mu rwego rwo kwirinda ibibazo bahuriramo nabyo munzira. Ni mu bushakashatsi bwakozwe ni ihuriro ryashinzwe n' abanyeshuri biga muri kaminuza y'u Rwanda muri 2017 ryitwa CDE (Center for Development and Enterprises Rwanda) rigamije ubukangurambaga mugukuraho imbogamizi abacuruzi bahura nazo.
Ubu bushakashatsi, bwagaragaje ko Umubare munini w'abakora ubucuruzi bwo mu muhanda ari abagore n'abakobwa kandi ko bahuriramo n'inzitizi nyinshi. Ni ubushakashatsi bwakozwe mu gihe cy'amezi umunani, bukorerwa mu mijyi itandukanye yo mu Rwanda, bukorewa ku bagore n'abakobwa bakora ubucuruzi bwo mu muhanda kuko imbogamizi bahura nazo ari nyinshi kuruta izo abagabo bahura nazo, cyane ko byagaragaye ko abagore aribo benshi bakora ubucuruzi bwo mu muhanda.
Iri huriro-CDE, mu ntego yaryo itegura ubu bushakashatsi, hari hagamijwe guca imbogamizi abakora ubucuruzi bwo mu muhanda bahura nazo no kurandura icyibatera guhitamo gukora ubucuruzi butemewe nko kutagira amakuru ahagije mubijyanye no kwandikisha ubucuruzi bwabo ngo bakorere ahemewe bareke kujya mu mihanda.
Umuyobozi wa CDE Rwanda, Bigirimana Rene mukiganiro n'itangazamakuru kuri uyu wa 25 Nzeri 2020, ubwo bamurikaga ku mugaragaro ubushakashatsi bakoze, yavuze ko iyo abantu bakora ubucuruzi butemewe bw'ubuzunguzayi abagore bahuriramo n'imbogamizi nyinshi ndetse na Leta igahomba imisoro.
Yagize ati' Iyo abantu bakora ubucuruzi butazwi, Leta ihomba imisoro kandi ariyo yakagiriye akamaro igihugu ndetse n'abakora ubucuruzi bwo mu muhanda aho baba bari ntamutekano baba bafite'.
Akomeza avuga ko nka CDE bakomeje ubukangurambaga bugamije kwigisha no guhugura abagore n'abakobwa bigamije kubereka ko icyibanze atari ukwishora mu muhanda, ko bashobora no gutangiza igishoro gito kandi bagakora ubucuruzi buzwi kandi bwemewe baramutse bamenye ibyiza byo gukorera ahazwi kandi hemewe.
N'ubwo bamwe mu bazunguzayi bavuga ko impamvu ibatera kujya mu bucuruzi butemewe buzwi nk'ubuzunguzayi ari ukubera baba bumva bafite igishoro kidahagije no gutinya gutanga imisoro, kuruhande rwa CDE bo babonye ko babiterwa no kutamenya amakuru ahagije ajyanye no kwandikisha ubucuruzi no kuba iyo watangiye ubucuruzi bashobora no kubona abaterankunga babafasha kuzamura ubucuruzi bwabo kandi bakorera ahemewe bakora ubucuruzi buzwi.
Bamwe mu bakora ubu bucuruzi bw'ahatazwi ndetse butanemewe, bahisemo kwihuriza hamwe n'abanyeshuri bari muri kaminuza bitegura kuzahangana n'ubuzima bwo hanze y'ishuri, bigiswa kuzigama bahereye kuri yayandi make babona, bahugurana ndetse bategura imishinga mito, aho hakazavamo n'iterwa inkunga mu y'izatoranwa birinda kuzakora ubucuruzi butemewe bw' ubuzunguzayi.
Ubu bushakashatsi CDE yabukoze ibifashijwemo n'impuguke mu bukungu, bukorerwa mu mijyi itandukanye yo mu Rwanda, bugaragaza ko abenshi bakora ubucuruzi bwo mu mihanda babiterwa no kwitinya kubera igishoro gike, gutinya gutanga imisoro ndetse no kutamenya amakuru kubijyanye no kwandikisha ubucuruzi bwabo. Bwanagaragaje kandi ko bafite imbogamizi y'ubumenyi buke mu ikoranabuhanga zituma batabasha kwiyandikisha ngo bakorere ahemewe, bityo bagahitamo kuba abazunguzayi.
Isabella Iradukunda Elisabeth
-
Kamonyi: Minisitiri Mimosa ati'Uruganda rw'umuceri rwa Mukunguri ni rumenyekanishe ibyo rukora' #rwanda #RwOT
Munyangaju Aurore Mimosa, Minisitiri wa Siporo akaba n'imboni y'Akarere ka kamonyi, kuri uyu wa 24 Nzeri 2020 yasuye uruganda rutunganya umuceri rwa Mukunguri, ashima ibyo rukora, ariko mu nama n'impanuro asaba ko rwagura amasoko ndetse rukamenyekanisha ibyo rukora.
Aganira na intyoza.com nyuma yo gusura uru ruganda, yagize ati' Aho bageze, bageze ahantu heza, barifuza gukura no kwaguka. Ni byiza, twagiye tubagira inama z'ukuntu bashobora kwaguka cyane, cyane cyane mu kumenyekanisha ibikorwa byabo, usibye muri Kamonyi, ariko bakabimenyekanisha n'ahandi ku buryo n'amasoko ashobora kwaguka'.
Niyongira Uzziel, umuyobozi w'uruganda asobanurira Minister Mimosa uko uruganda rutunganya umuceri. Minisitiri Munyangaju Aurore Mimosa, avuga ko aho uru ruganda rwavuye ari mu maboko y'abanyamuryango ba Koperative ihinga umuceri mu kibaya cya Mukunguri, aho ndetse ubu bafitemo imigabane myinshi ingana na 71%. Avuga ko aho bageze ari heza urebye aho bavuye, ko bakwiye gutekereza cyane ku kumenyekanisha ibikorwa, bakagura isoko.
Niyongira Uzziel, Umuyobozi w'uruganda avuga ko mu ntego bafite ari ugushyira imbere inyungu z'abanyamuryango ba Koperative, ari nabo bafatanyabikorwa ba mbere ndetse bakaba na ba nyiri uruganda.
Iburyo Min. Mimosa, hagati Niyongira, ibumoso Mayor Tuyizere. Ashimangira ko uruganda rw'umuceli rumaze kwiyubaka, ubu rukaba rwarabyaye urundi ruganda rukora ibicanwa (Briquette) mu bisigazwa by'umuceli. Aho ibi bicanwa cyangwa se amakara ngo yaje gufasha mu kubungabunga ibidukikije, guca umwanda ukururwa n'inkwi n'amakara asanzwe ariko kandi bikaba biramba ndetse bihendutse ugereranije n'ibicanwa bindi bisanzwe(inkwi n'amakara).
Niyongira, avuga ko batagarukiye aha kuko ubu bibarutse urundi ruganda mu minsi mike itageze ku kwezi ruraba rutangiye gukora cyangwa se gutunganya ibigori rubikuramo ifu izwi nka ' Kawunga'. Iyi Kawunga nayo ngo bizeye ko ije gutanga ikigwa ku isoko bitewe n'imashini ndetse n'ibindi bikoresho bigezweho bazanye ndetse n'ubwiza bw'umusaruro w'ibigori bazakoresha.
Tuyizere Thaddee, Umuyobozi w'Agateganyo w'Akarere ka kamonyi ahamya ko nk'akarere bashima iterambere ryazanwe n'uru ruganda ndetse n'uburyo rwafashije abahinzi b'umuceri hamwe n'abaturiye mu gace rukoreramo. Avuga ko ari uruganda rutanga icyizere cy'iterambere rizana impinduka nziza mu baturage ndetse n'Akarere.
Meya Tuyizere, asaba ko ubuyobozi bw'uruganda rwa Mukunguri bukwiye gukurikirikirana no guhoza ijisho kuri Bizinesi-Business zindi zigenda zibyarwa narwo ngo kuko uko ziyongera ari nako hasabwa imbaraga zisumbuye.
Ahakorerwa ibicanwa( Briquette). Umuyobozi w'uruganda asobanura inzira bicamo. Uruganda rwa Mukunguri, rwatangiye rutunganya umuceri, aho bafite amoko menshi yawo arimo n'uwitwa ' Buryohe' ukunzwe n'abatari bake. Kuri ubu rwibarutse urukora ibicawa( Briquette), rufite urugiye gutunganya Akawunga, aho uru ni rutangira bategaya kurukurikiza urukora ibiryo by'amatungo. Ni uruganda rwubatse mu Murenge wa Mugina.
Imashini zitunganya akawunga zamaze kugera mu ruganda. Ubuyobozi buvuga ko nta byumweru 2 birenga badatangiye. 
Umuceri wamaze kugera muri Stock( mu bubiko), aho ukurwa ujyanwa ku isoko. Munyaneza Theogene / intyoza.com
-
Hari abanyonzi bagaragaye bambaye ingofero z’abafundi, barasaba koroherezwa kubona izabugenewe #Rwanda #RwOT via @kigalitoday #rwanda #RwOT
-
- Hari abanyonzi batangiye kwifashisha ingofero z’abubatsi
Abakora akazi ko gutwara abagenzi ku magare bazwi nk’abanyonzi baravuga ko bishimira kuba bakomorewe akazi nyuma y’amezi atanu badakora kandi akazi kabo ari ko bakesha kubaho.
Abanyonzi bo mu mujyi wa Muhanga bavuga ko nyuma yo gukomorerwa biteguye kubahiriza amabwiriza yo kwirinda COVID-19, ariko basaba ko bafashwa kubona ingofero zabugenewe zijyanye n’ubushobozi bwabo n’imiterere y’akazi bakora.
Umwe muri bo uvuga ko umuryango we utunzwe n’igare avuga ko kunyonga igare bimeze nko gukora siporo ku buryo niba ingofero basabwa kwambara ziremereye batabasha kuzikorana ako kazi, kandi ko batwara abantu boroheje ku buryo kuzigura bishobora kubagora.
Agira ati “Ingofero badusabye uretse no kuba tutarabona aho zicururizwa, ntabwo dufite ubushobozi bwo kuzigura kuko twumvise ko zihenze ngo imwe ni ibihumbi 12frw, turifuza ko umushoramari uzazitugurisha adukorera izihwanye n’ubushobozi bwacu kuko twinjiza makeya ugereranyije n’abatwara moto”.
Abaturage bahahiraga i Kigali bava mu Karere ka Muhanga baravuga ko bishimiye kuba bongeye gusubukurirwa ingendo kuko ubuzima bwasaga nk’ubwahagaze kubera ko imodoka zitari zikirenga ku Kamonyi zijya i Kigali.
Ibyishimo kandi byasabye abashoferi b’ibigo bitwara abagenzi mu muhanda Muhanga-Kigali bari barahagaritse akazi kubera gahunda y’inzego z’ubuzima yo kwirinda ikwirakwira ry’icyorezo cya COVID-19.
Umuturage wo mu mujyi wa Kigali ukorera ubucuruzi mu mujyi wa Muhanga avuga ko ashimira Leta yongeye gusubukura ingendo zihuza Kigali n’Intara kuko akazi ke kari karahagaze.
Agira ati “Ubuzima bwasaga nk’ubwahagaze, ubu namenye ko twakomorewe ntangira akazi nsubiye i Kigali ejo nzagaruka kuko ubuzima bw’umuryango wanjye bushingiye ku gukora ubucuruzi buciriritse”.
Abashoferi ba kimwe mu bigo bitwara abagenzi mu muhanda Kigali-Muhanga bavuga ko nyuma yo guhagarika ingendo zijya mu Mujyi wa Kigali byabaye ngombwa ko bicara kuko ikigo cyabo cyakomezanyije n’izikorera gusa mu Ntara y’Amajyepfo.
Umwe muri bo yavuze ko kongera gusubukura ingendo n’Umujyi wa Kigali ari ukubagarurira ubuzima kandi ari isomo kuri buri we wese kongera kwibuka ko ari ngombwa gukaza ingamba zo kwirinda COVID-19 kugira ngo batazongera gufungirwa kubera uburangare bwa bake.
Agira ati “Turashimira Leta yakoze ibishoboka tukagaruka mu kazi turitwararika bihagije ku buryo dukora akazi tunirinda kuko tutabikoze twakongera guhura n’ibibazo. Abo dutwara na bo turabitaho dukomeze tubagire inama zo kubahiriza amabwiriza”.
Muri rusange abakomorewe bose bavuga ko biteguye gukora bitwararika kuko bamaze kubona ingaruka zo kujenjeka ku cyorezo cya COVID-19, mu mujyi wa Muhanga ingamba zo gukaraba neza amazi n’isabune zikaba zikomeje kandi buri wese uhahahira akaba asabwa kubyubahiriza.
-
-
Bite bya Jadon Sancho muri Manchester Unted? Ubuyobozi bwatanze amafaranga ya nyuma – Inyarwanda.com #rwanda #RwOT
Ikipe ya Manchester United ntirava ku izima mu gushaka kugura rutahizamu w'umwongereza ukina aca ku mpande, ukinira ikipe ya Borussia Dortmund yo mu Budage, dore ko kuri ubu atanze amafaranga ya nyuma ntarengwa, ngo iyi kipe yo mu Budage nitayemera Man.United iramureka burundu. -
Mbere y’amasaha make ngo habe amatora, bus ya Kiyovu Sports yasesekaye mu mujyi #rwanda #RwOT
Mbere y’amasaha make ngo habe amatora ya perezida wa Kiyovu Sports, imodoka y’iyi kipe yari imaze iminsi isigwa ibirango by’iyi kipe yagaragaye itembera mu mujyi wa Kigali.
Muri Nyakanga 2020 ni bwo Mvukiyehe Juvenal urimo uniyamamariza kuyobora ikipe ya Kiyovu Sports yaguze Bus izajya yifashishwa n’abakinnyi b’iyi kipe mu ngendo zitandukanye.
Iyi modoka ikaba yarahise ijyanwa gusigwa ibirango n’amabara y’iyi kipe kugira ngo hanandikweho izina rya Kiyovu Sports.
Muri Kanama 2020, hasohotse amafoto y’iyi modoka yamaze gusigwa amarangi y’ibara rya Kiyovu Sports.
Ubwo yari imaze gusigwa ibirango no kwandikwaho izinaUyu munsi iyi modoka ikaba yagaragaye itembera mu Mujyi wa Kigali aho yamaze gusigwaho ndetse inandikwaho n’izina rya Kiyovu Sports.
Iyi modoka ikaba yagaragaye mbere y’amasaha make ngo habe amatora y’umuyobozi w’ikipe ya Kiyovu Sports, aho na Mvukiyehe Juvenal wayiguze azaba ari mu biyamamariza kuyobora iyi kipe.
Amatora ya Kiyovu Sports akaba azaba ku munsi w’ejo ku Cyumweru tariki ya 27 Nzeri 2020, ku isaha ya saa 10h izabera muri Petit Stade.
Yagaragaye mu Mujyi wa Kigali, aha yari igeze Nyamirambo kuri 40 -
Kim Jong Un yasabye imbabazi nyuma yo kwica umuyobozi muri Koreya y’Amajyepfo #Rwanda #RwOT via @kigalitoday #rwanda #RwOT
-
- Perezida Kim Jong Un yavuze ko ibyabaye bitakagombye kubaho
Ibi ni ibyatangaje n’ubutegetsi bwa Koreya y’Epfo buvuga ko umuyobozi wa Koreya ya Ruguru Kim Jong-un yasabye imbabazi zidasanzwe ku iyicwa ry’umuyobozi wa Koreya y’Epfo.
Bivugwa ko Bwana Kim Jong Un yabwiye mugenzi we wo muri Koreya y’Epfo Moon Jae-in ko ibyabaye bitagombaga kubaho.
Koreya y’Epfo yavuze ko uyu mugabo w’imyaka 47 bivugwa ko yashakaga guhungira muri Koreya ya Ruguru ubwo yafatwaga n’ ingabo zicunga umutekano wo mu mazi y’Amajyaruguru ya Koreya ya ruguru.
Ngo baramurashe baramwica bahita banatwika umurambo we, nk’uko Koreya y’Epfo ibitangaza.
Umupaka uhuza Koreya zombi urinzwe ku buryo bukomeye n’abo mu nzego z’umutekano benshi, kandi bivugwa ko Koreya y’ Amajyaruguru yashyizeho amabwiriza na politiki yo ‘Kurasa no Kwica’ kugira ngo Coronavirus itinjira mu gihugu.
Gusaba imbabazi byaje mu ibaruwa yoherereje Perezida Moon Jae in wa Koreya y’Epfo kandi yemera ko ibyabaye bitagombaga kubaho nk’uko byatangajwe n’ibiro bya Perezida byitwa “Blue House”.
Bwana Kim yavuze ko yumva ababajwe cyane no “gutenguha” Bwana Moon ndetse n’abaturage ba Koreya y’Epfo, nk’uko Blue House yabitangaje.
Koreya y’Amajyaruguru kandi yahaye iy’Amajyepfo ibisubizo by’iperereza ryakozwe kuri iki kibazo. Umuyobozi ushinzwe umutekano w’igihugu cya Koreya y’Epfo, Suh Hoon, yatangaje ko amasasu arenga 10 yarashwe kuri uyu mugabo, nyuma y’uko yinjiye mu mazi ya Koreya ya Ruguru nyuma akananirwa kwerekana umwirondoro we, ahubwo akagerageza guhunga, bituma yicwa.
Koreya ya Ruguru yasobanuye ko itatwitse umubiri w’uyu mugabo w’umuyobozi muri Koreya y’Epfo ahubwo ko umurambo we wari ku bikoresho bireremba mu mazi ngo byari bimutwaye.
Bwana Suh yagize ati: “Nyuma yo kubaza Ingabo ntizashoboye kumenya uwakoze icyaha kitamenyekanye gishobora gusanishwa no kwambuka umupaka w’ikindi gihugu nta ruhushya, nibwo yarashwe umubiri we uratwikwa. Ibi ni itegeko ridasanzwe rya Leta ya Koreya ya Ruguru; mu rwego rwo gukumira icyorezo cya Coronavirus mu gihugu.”
-
