Category: Uncategorized

Yabivuze mu gihe u Rwanda rwizihiza ku nshuro ya 20 umunsi mpuzamahanga wahariwe abageze mu za bukuru, wizihizwa ku itariki ya 07 Ukwakira buri mwaka.

Uwo munsi ubusanzwe wizihizwa tariki ya 1 Ukwakira buri mwaka ku Isi yose, ariko mu Rwanda uyu munsi ukaba wizihijwe kuri iyi tariki ya 7 Ukwakira 2020.

Mu butumwa yatanze, Madame Jeannette Kagame yagize ati: “Babyeyi, muri isoko y’indangagaciro z’Abanyarwanda, abato bazigiraho maze bakumva ukuntu kugira igihugu bihenda, bityo bakarushaho kubumbatira u Rwanda no kuruhesha ishema.”

Yakomeje agira ati: “Babyeyi….Muri igicaniro cy’ibyishimo by’u Rwanda kuko mwahetse abato mu 'ngobyi yo kwishakamo ibisubizo’. Muri ibi bihe bikomeye bya Covid-19, ndasaba buri wese kubabera ijisho, urumuri n’akabando kabasindagiza….”

Insanganyamatsiko yatanzwe n’Umuryango w’Abibumbye igira iti: “Guhangana n’ibyorezo, tubungabunga abageze mu zabukuru.” Naho iy’u Rwanda rwashyizeho igira iti: “Uruhare rw’umuryango mu guhangana n’ibyorezo, habungwabungwa abageze mu zabukuru.”

Kwizihiza uyu munsi byabanjirijwe n’icyumweru cyahariwe abageze mu zabukuru kirangwa n’ibikorwa bitandukanye. Icyo cyumweru cyatangiye kuwa 29 Nzeri, kikaza gusozwa n’umunsi nyir’izina wizihirizwa mu miryango kuri iyi tariki ya 7 Ukwakira 2020.

Binyuze mu itangazamakuru, muri icyo cyumweru Abanyarwanda bibukijwe ibijyanye n’umunsi mpuzamahanga wahariwe abageze mu zabukuru n’uruhare rwabo mu gukumira ikwirakwira rya Coronavirus. Basobanuriwe kandi insanganyamatsiko y’uyu mwaka n’uruhare rwa buri Munyarwanda mu kwizihiza uyu munsi.

Umuryango AVEGA Agahozo nk’umwe mu bafatanyibikorwa bateguye uwo munsi, wateguye ibikorwa by’ubukangurambaga binyuzwa ku mbuga nkoranyambaga (Twitter, Facebook, …), guhera ku wa 02-06 Ukwakira 2020, hagamijwe gukangurira Abanyarwanda kwita ku bageze mu zabukuru by’umwihariko abari muri icyo cyiciro batishoboye.

Ku ruhande rw’Umuryango AVEGA Agahozo, ufite abanyamuryango benshi bageze mu zabukuru, uvuga ko uyu ari umwanya mwiza wo gushimira Leta y’u Rwanda, Unity Club Intwararumuri irangajwe imbere na Nyakubahwa Madame Jeannette Kagame, Ikigega Gitera inkunga abarokotse Jenoside yakorewe Abatutsi Batishoboye (FARG) n’abandi bafatanyabikorwa bafite uruhare mu mibereho y’abanyamuryango.

AVEGA ivuga ko abanyamuryango bayo aho bari hose kimwe n’abandi Banyarwanda bageze mu zabukuru bitaweho, naho ababyeyi b’intwaza 237 (ababyeyi b’incike za Jenoside yakorewe Abatutsi) batujwe mu nzu z’amasaziro bubakiwe na Unity Club Intwararumuri, na FARG.

Umuyobozi wa AVEGA Agahozo, Mkabayire Valerie, avuga ko iyo abageze mu za bukuru bitaweho bituma bumva batigunze kandi banezerewe, akavuga ko ubu ababyeyi b’Intwaza bemerewe neza mu nzu z’amasaziro batujwemo zizwi nk’Impinganzima, kandi ko n’abandi bageze mu zabukuru bari mu miryango bitaweho.

Yagize ati: “Iyo umuntu ageze mu zabukuru akabona ari mu buzima bubi yumva yihebye akigunga, ariko iyo agize abamuba hafi ubuzima burahinduka. Twe rero mu gihe nk’iki dushimira igihugu cyacu cyita ku Banyarwanda bageze mu zabukuru barimo n’abanyamuryango bacu aho bari hatandukanye, ariko noneho by’umwihariko n’abafatanyabikorwa batuba hafi mu mibereho y’ababyeyi b’Intwaza aho batuye mu Mpinganzima.”

Ku bijyanye n’imibereho y’ibihe by’icyorezo cya coronavirus cyavuzweho kwibasira no kuzahaza abageze mu zabukuru, Mkabayire avuga ko nubwo cyatumye abakuze batabasha kwisanzura nk’uko byari bisanzwe mu buryo bumwe cyangwa ubundi bigatuma bigunga, bakomeje kwirinda icyo cyorezo.

Yagize ati: “Muri iki gihe cy’icyorezo cya Coronavirus isi yahuye na cyo, abanyamuryango aho bari bakangurirwa kubahiriza ingamba zo kwirinda kimwe n’abandi banyamuryango. Mu Mpinganzima na ho bakomeza kwirinda nubwo mu bihe bya mbere wabonaga iki cyorezo k’ibateye kwigunga kubera kumva ko cyibasira abageze mu zabukuru, ariko bamaze kumenya kubana na cyo nk’uko natwe twese tubayeho.”

Umuryango AVEGA Aagahozo ufite abanyamuryango 19,000 abarengaho gato kimwe cya kabiri bari hejuru y’imyaka 65 y’amavuko ariyo yitwa iy’abageze mu zabukuru.

Umunsi mpuzamahanga wahariwe abageze mu zabukuru washyizweho n’Inteko Rusange y’Umuryango w’Abibumbye ku wa 14 Ukuboza 1990, wizihizwa ku italiki ya 1 Ukwakira buri mwaka ku isi yose. Watangiye kwizihizwa ku rwego mpuzamahanga ku ya 1 Ukwakira 1991 ubu wizihijwe ku nshuro ya 29 mu gihe mu Rwanda ari ku nshuro ya 20.

Hagendewe ku bikubiye mu cyegeranyo cy’imibereho y’abatuye Isi (world population prospects, 2019 revision), imibare igaragaza ko umwe mu bantu 11 ni ukuvuga 9% by’abatuye isi babarirwa hejuru y’imyaka 65.

Iyi mibare ikomeza igaragaza ko mu 2050, umuntu umwe muri batandatu ni ukuvuga 16% by’abazaba batuye isi bazaba bari hejuru y’iyo myaka. Ni mu gihe abagejeje mu myaka 80 bazikuba inshuro eshatu, bave kuri miliyoni 143 babarurwaga mu 2019, bagera kuri miliyoni 426 mu 2050.

Kwita ku bageze mu zabukuru ni inshingano za buri wese kuko iterambere rirambye rishoboka ari uko nta cyiciro na kimwe gihejwe.

Uwitwa DUSABE John mwene Butera John na Uwera Rose, utuye mu Mudugudu wa Rubare, Akagari ka Nyarutunga, Umurenge wa Nyarubuye, Akarere ka Kirehe, mu Ntara y’Iburasirazuba wanditse asaba uburenganzira bwo guhinduza amazina asanganywe ariyo DUSABE John, akitwa Butera Dusabe Jenipha mu gitabo cy’irangamimerere. Impamvu atanga yo guhinduza izina ni izina ritera ipfunwe.

Iyi mikino yombi yagombaga guhuza u Rwanda na Cap-Vert mu mpera za Werurwe, ariko isubikwa kubera icyorezo cya Coronavirus.

Amavubi yakabaye yatangiye umwiherero kuri uyu wa Gatatu, ariko uzatangira ku wa Gatanu tariki ya 9 Ukwakira nyuma yo gupimwa.

Umukino ubanza uzabera i Praia muri Cap-Vert ku wa 13 Ugushyingo mu gihe uwo kwishyura uzabera i Kigali ku wa 17 Ugushyingo 2020.

U Rwanda ni urwa nyuma mu itsinda F n’amanota 0, ni nyuma y’uko rutsinzwe na Mozambique ibitego 2-0 ndetse na Cameroun igitego 1-0 mu mikino ibiri imaze gukinwa, yombi yabaye mu Ugushyingo 2019.

Abasore batanu beretswe itangazamakuru bakurikiranyweho ubwicanyi bakoreye umugabo w’imyaka irenga 50 wo mu murenge wa Masaka witwaga Anicet Nsengayire.

Uwari shebuja( yari asanzwe amubereye shoferi) witwa Anicet Habarurema avuga ko abajura bishe uwo mukozi we bamukereye bakoresheje urukero.

Uru rukero ngo nirwo bari bakakoresheje bakata grillage kugira ngo babone uko batuga izindi bityo binjire.

Uyu mugabo ukuze avuga ko abajura bamwibye televiziyo nini barayijyana bageze hanze uwo mukozi we aje kureba ibyabaye bahise bamufata baramuzirika bamukata ijosi bakoresheje urukero.

Ubwo bwicanyi bwabaye mu ijoro ryo ku italiki 30 rishyira 31, Kanama, 2020.

Avuga ko yari abanye neza na nyakwigendera.

Yagize ati: “Twari tubanye neza cyane kuko twari tibanye imyaka 20 kandi yari n’uwo mu muryango wacu. Niyo mpamvu namuzanye ngo abe iwanjye. Yari umuntu mwiza.”

Nyakwigendera yari afite urugo i Nyange mu Karere ka Ngororero.

Uriya mugabo avuga ko mu bantu beretswe itangazamakuru nta n’umwe abona yari asanzwe azi.

Ashima Polisi n’izindi nzego z’umutekano, akavuga ko ubwo bariya bantu bafashwe bazashyikirizwa ubugenzacyaha bugakora akazi kabwo.

Gusa umwe muri bariya basore batanu bakurikiranyweho kwica uriya mugabo witwa Eric Ndayishimiye, ukomoka mu kagari ka Mbandazi mu murenge wa Rusororo muri Gasabo, yavuze ko yameye ko yabikoze kubera inkoni.

Yemera ko yahoze ari umu marine, aza kujyanwa i Wawa kuko yari inzererezi ariko aza kuva i Wawa arataha acya kwa Mama Sharani kubasura aza kuharwarira impyiko, bakajya bamuha imiti.

Nyuma ngo yaje kubona baje kumufata bavuga ko ari mu bacukuye inzu bakiba umuturage flat screen bakanica umuntu.

Avuga ko yaje kubyemera kubera inkoni yakubiswe.

Yagize ati: “Mu kumfata bitewe n’inkoni badukubise njye nemera ko twagiye kwiba ahantu tukica n’umuntu, Navuze ko twari turi kumwe n’uwitwa Viye na Nyinya na Rukundo na Anselme, ndabatanga, ni uko batuzana kuri brigade. Ariko kwemera icyaha nakemejwe n’inkoni.”

Ahakana ko batigeze biba kwa Habarurema Anicet ariko akemera ko mbere y’uko ibyo kwa Habarurema biba, bigeze kwiba frigo ku Muyumbu ikaza gufatwa.

Ku rundi ruhande ariko Umuvugizi wa Polisi y’u Rwanda Commissioner of Police( CP) John Bosco Kabera avuga ko ibyo bariya bakekwaho ubwicanyi bavuga by’uko bemeye icyaha kubera inkoni ari amatakirangoyi.

Kuba bitana ba mwana kandi nabyo ngo ni ukwijijisha kuko bamwe muri bo bivugiye ko bagiye kwiba bakica umuntu.

Yagize ati: “Kwitana ba mwana ni amatakirangoyi. Aba bantu tumaze ukwezi tubashaka. Bamwe muribo biyemereye ko bagiye kwiba bakica umuntu. Amatakirangoyi mvuga ni uko iyo ugikora icyaha uba wumva byoroshye ariko iyo wafashwe bikajya mu itangazamakuru no mu bugenzacyaha n’ubushinjacyaha nibwo utangira kubona ko bikomeye. Niyo mpamvu rero bari kuvuga kuriya.”

CP Kabera avuga ko ikindi gituma abantu bitana ba mwana cyangwa bagahakana ibyaha bakoze ari uko ibihano biba bibategereje nabyo biba biremereye.

Avuga ko ku cyaha bakurikiranyweho iyo kubahamye bahanishwa igifungo cya burundu nk’uko biteganywa n’ingingo ya 170 mu gitabo kigena ibyaha n’amategeko yo kubihana.

Yemeza ko niba hari uwakubiswe kugira ngo yemere icyaha azabisobanurira urukiko igihe cy’urubanza nikigera.

Umuvugizi wa Polisi y’u Rwanda, CP John Bosco Kabera

RWANGABO Vincent, atuye mu Mujyi wa Kigali ari naho akorera ibijyanye n’umuziki we wa gakondo. Uyu muhanzi w’ubuhanga buhanitse mu gucuranga inanga ndetse no kuririmba afite urwibutso rudasibangana rw’umuhanzi Daniel Ngarukiye wamusigiye inanga mbere yo kujya kwibera mu mahanga.

Rwangabo Vincent, ibi yabisobanuye mu kiganiro yagiranye na Umwimerere Live Music, umuyoboro wo ku rubuga rwa Youtube (Channel) ucishwaho ibikorwa by’umuziki w’umwimerere mu rwego rwo guteza imbere no kumurikira abanyarwanda impano zitandukanye, aho yavuze ko yakuriye mu buhanzi cyane ko yakoze amarushanwa agatsinda akagera mu itorero Urukerereza ariryo ubu ryabaye Itorero ry’igihugu.

Gusa yaje kumenya ko afite impano yo gucuranga inanga vuba. Rwangabo ati :“Ngarukiye Daniel twarabanaga agakunda gucuranga inanga ye ariko njye icyo gihe sinacurangaga. Ajya kujya mu mahanga rero, yansigiye inanga, ntangira kujya nyicuranga ubwo, kuko nabonaga kenshi acuranga natangiye gukora ku mirya bikizana, ni uko namenye gucuranga inanga”.

REBA IKIGANIRO TWAGIRANYE UREBE N’UBUHANGA BWE HANO :