Nk'uko byatangajwe n'ikinyamakuru The Times, Giuffre yavuze ko yagize ikibazo gikomeye cy'impyiko cyatewe n'iyo mpanuka, akaba amaze iminsi ari mu bitaro aho abaganga bakomeje kumwitaho. Yashyize hanze ifoto ye ari mu bitaro, agaragaza ko ashaka kumarana iminsi ye ya nyuma n'umuryango we.
Sky Roberts, se wa Virginia, yatangaje ko nubwo umukobwa we ari mu bihe bikomeye, bagize icyizere ko ashobora gukira. Yongeyeho ko barimo kumuba hafi no kumusengera muri ibi bihe bitoroshye.
Virginia Giuffre yamenyekanye cyane mu itangazamakuru kubera ibirego bye kuri Jeffrey Epstein, umuherwe waje kwiyahura muri gereza nyuma yo gukurikiranwaho ibyaha byo gucuruza abakobwa bato mu buraya.Â
Mu birego bye, yagaragaje ko na Prince Andrew yari umwe mu bamufashe ku ngufu, ibyo uyu mugabo yahakanye ariko bikaza kurangira muri 2022 habaye ubwumvikane bwatumye Giuffre ahabwa indishyi y'akababaro.
Nubwo ibi birego byateje impaka ndende mu Bwami bw'u Bwongereza, byagize ingaruka zikomeye kuri Prince Andrew, aho byatumye atakaza inshingano nyinshi nk'umwe mu bagize umuryango w'ibwami.
Nubwo Giuffre yavuze ko abaganga bamubwiye ko asigaje iminsi ine yo kubaho, hari icyizere ko ashobora gukira. Abantu benshi bakomeje kumwoherereza ubutumwa bumwifuriza gukira vuba, mu gihe hakomeje gukurikiranwa uko ubuzima bwe buhagaze.
Â
Jeffrey Epstein nawe yashinjwe na Virginia Giuffre kumufata ku ngufuÂ
 Prince Andrew nawe yashyinjwe mu nkiko na Virginia Giuffre avuga ko yamufashe ku ngufuÂ
Umuhanzi w'icyamamare Sean Kingston hamwe na nyina Janice Turner bahamwe n'ibyaha byo kwiba binyuze mu ikoranabuhanga (wire fraud) aho ubushinjacyaha bwabashinjaga kwambura kompanyi zitandukanye ibintu by'agaciro karenze miliyoni imwe y'amadolari. Urubanza rwabo rwabaye ku itariki ya 28 Werurwe muri Florida, aho urukiko rwabahamije icyaha nyuma yo kumva ibimenyetso mu masaha ane gusa.
Urubanza rwa Sean Kingston n'nyina
Nk'uko byatangajwe na NBC News, Sean Kingston n'umubyeyi we Janice Turner bashinjwe ibyaha bitanu, birimo icyaha kimwe cyo gucura umugambi wo kwiba binyuze mu ikoranabuhanga n'ibyaha bine byo kwiba binyuze mu ikoreshwa ry'imiyoboro y'itumanaho. Aba bombi bababaye cyane ubwo urubanza rwasomwaga, bakarira imbere y'urukiko.
Kingston yasabiwe igifungo cyo kuba mu rugo (house arrest) mu gihe ategereje igihano cye. Nyina, ufite imyaka 61, we yashyizwe mu buroko bwa leta kugeza igihe azamenyerwa igihano cye ku itariki ya 11 Nyakanga.
Sean Kingston na Janice Turner batawe muri yombi nyuma y'uko abashinzwe umutekano b'Amerika binjiye mu rugo rw'icyamamare muri Florida, rwari rwatijwe. Ubushinjacyaha bwavuze ko aba bombi bariganyije kompanyi zitandukanye, harimo Ver Ver Ent., aho babasabaga ibicuruzwa bihenze ntibishyure.
Ver Ver Ent. ivuga ko Sean Kingston yabambuye ibicuruzwa bifite agaciro ka magana n'amagana by'ibihumbi by'amadolari, harimo na televiziyo ya inch 232. Umunyamategeko w'iyo kompanyi, Dennis Card, yavuze ko Kingston ari umuntu ukunda kwerekana ubukire, akaba yarabaye umutekamutwe kabuhariwe.
Ibimenyetso by'ibyaha bya Sean Kingston na nyine
Ibimenyetso byatanzwe mu rukiko byagaragaje ko Sean Kingston n'umubyeyi we bakoze ibicuruzwa by'agaciro kanini batishyuye. Dore bimwe mu byo bashinjwaga kwambura:
Ubushinjacyaha bwashimangiye ko Sean Kingston n'umubyeyi we bakoze uburiganya bwagutse, aho bitwazaga izina rye nk'icyamamare kugira ngo bagire ibyo bakira batishyuye. Mu iburanisha, ubushinjacyaha bwatanze inyandiko n'amagambo y'amajwi n'amashusho agaragaza uburyo aba bombi bagiye babeshya kompanyi zitandukanye kugira ngo babone ibintu bihenze.
Sean Kingston na Janice Turner bashinjwaga ibyaha byo kwiba binyuze mu ikoranabuhanga, icyaha gishobora gutuma bahanishwa igifungo kigera ku myaka 20 buri umwe. Bwari ubwa mbere aba bombi baje imbere y'ubutabera ku byaha by'uburiganya nk'ibi, ariko ubushinjacyaha bwagaragaje ko hari n'ibindi bikorwa by'ubwambuzi bashobora kuba barakoze mu myaka yashize.
Nyuma yo kumva ibimenyetso byose, urukiko rwafashe umwanzuro wa nyuma. Sean Kingston yashyiriweho igifungo cyo kuba mu rugo (house arrest) mu gihe ategereje ibihano, mu gihe nyina yahise afatwa agafungwa kugeza igihe azacirwa urubanza rwa nyuma ku itariki ya 11 Nyakanga. Iki cyemezo cyafashwe hashingiwe ku buremere bw'ibyaha byabo ndetse n'uburyo batanze ibimenyetso byerekana uburyo bwose bari barateguye ubwo buriganya.
Ubusirimu ntibugaragarira mu mafaranga ari kuri konti cyangwa kwambara neza gusa, ahubwo ibyo uhaha n'ibyo utunze ni byo bigaragaza urwego rw'ubusirimu bwawe.
Nihe Mart ni urubuga rucuruza ibicuruzwa bitandukanye kandi bigezweho aho umwihariko wabo ari ukugeza ku baturarwanda ibicuruzwa bitari byamamara hirya no hino mu gihugu kandi by'ingirakamaro ku giciro gito.
Aha byumvikane ko ugurira kuri nihemart.rw aba atandukanye n'uhaha ibicuruzwa ahandi hose kuko umwimerere n'imikoreshereze y'ibyo bikoresho itandukanye.
Mu bicuruzwa utasanga ahandi bafite, harimo amatara y'utunyugunyugu twaka dufata ku rukuta, Amatara wacana areba hejuru kuri parafo inzu igatanga uruvange rw'urumuri mu mabara atandukanye, Indorerwamo zifite n'amatara yazo afashe uwireba kwibona neza;
Hari kandi Aga-fan ko kuri computer, mu modoka n'ahandi hajya USB, Agakoresho gatubura amashusho yo muri telephone ukayabona nk'ureba televiziyo, Mini Table Soccer Game mwakiniraho muri babiri, laundry bag ushobora gushyira mu cyumba, muri saloon n'ahandi.
Nihe-mart ifite intego yo kuba igisubizo cy’abibaza ngo NIHE nakura igikoresho runaka. Bateganya kandi ko mu minsi ya vuba, baba bafite ibikoresho bigera kuri 70% y'ibiba ku Isi, bityo ntihagire umunyarwanda uzongera kwifuza ikintu ngo agitumize hanze cyagwa ngo akibure.
Ikiza cyo guhahira kandi kuri Nihe-mart ni uko uguze ibicuruzwa bitatu agezwaho ibyo bicuruzwa ku buntu, mu gihe uguze ibiri munsi ya bitatu ari muri Kigali yishyura 1,000Rwf naho mu nkengero za Kigali akishyura 1,500Rwf kugera kuri 2000Rwf mu ntara we akishyura 2,000Rwf.
Indorerwamo inkunjwa ndetse ikagira n’itara ku mpande rifasha uri kwireba, kwibona nezaÂ
Aha ikoreshwa iyo ushaka ko mu nzu yawe hazamo urumuri rw’amabara atandukanye, ukagatereka ahantu kakabonesha hejuru urumuri rukagaruka hasi
Yabitangaje mu butumwa yanyujije ku rubuga rwe rwa X kuri uyu wa Mbere tariki 31 Werurwe 2025.
Minisitiri Nduhungirehe yavuze ko kuri Album y'uyu mukobwa, yakunzeho cyane indirimbo eshatu zirimo Made For You, Dee ndetse na Ariel&Wayz.
Yavuze ko ashingiye ku mpano ya Ariel Wayz 'Iyo azaba kuba ari umunyamerika ntiyajya abura ku rutonde rwa US Billborard Hot 100'.
Nduhungirehe yahamije ko Ariel Wayz ari umwe mu bahanzikazi bafite ijwi ryiza mu Rwanda.
Iyi album igizwe n'indirimbo 12, yagiye hanze ku mugaragaro ku wa 8 Werurwe 2025, ku munsi Mpuzamahanga wahariwe Abagore.Â
'Hear to stay'' ni album ikubiyemo urugendo rw'imyaka ine Ariel Wayz amaze mu muziki, ibihe byiza yawugiriyemo ndetse n'ingorane yahuriyemo na zo.
Mu butumwa bwe, Ariel Wayz yatangaje ko 'Hear to stay irenze kuba album y'indirimbo, ni ubuzima bwanjye mu muziki.''
Indirimbo ziri kuri album ya Ariel Wayz zikubiyemo ubutumwa bw'urukundo, ubudaheranwa n'ingorane abari n'abategarugori banyuramo mu muziki.Â
Izi ndirimbo zumvikanaho umwimerere wa Ariel Wayz binyuze mu myandikire ye inoze irimo ibarankuru, iherekejwe n'ijwi rinyura amatwi y'uryumva, rigakurura amarangamutima ye.
Yakomeje ati 'Iyi album ivuga ku rugendo rwanjye, gukura kwanjye, intambara nahuye na zo n'uko nihebeye umuziki. Nifuza ko abakunzi banjye bazatega amatwi indirimbo ziyiriho kuko bizatuma bumva neza impamvu ndi mu muziki by'iteka.''
Ariel Wayz yavuze ko yahisemo 'Hear to Stay' nk'izina rya album kuko yashakaga guha agaciro urukundo abahanzi berekwa n'abakunzi babo.
Ati 'Nashakaga gutera ibuye rimwe nkica inyoni ebyiri. Izina uryumvise wariha ibisobanuro bibiri birimo icya mbere cy'uko abakunzi b'umuziki bakwiye kuwumva ukabagumamo. Icya kabiri ni uko urwo rukundo rutuma tuguma mu muziki.''
Ibyo wamenya kuri Ariel Wayz
Uwayezu Ariel, ukoresha amazina ya Ariel Wayz mu muziki, afite imyaka 22. Yatangiye kwiyumvamo impano yo kuririmba afite imyaka ine.
Mu kwagura impano ye, mu 2016 Ariel Wayz yagiye kwiga umuziki mu Ishuri ry'u Rwanda ry'Umuziki ryahoze ku Nyundo.
Agisoza amasomo ya muzika, yaririmbye mu Itsinda Symphony Band mbere y'uko atangira urugendo nk'umuhanzi wigenga mu ntangiriro za 2019.
Ariel Wayz yamenyekanye mu ndirimbo zitandukanye zirimo 'Away' yakoranye na Juno Kizigenza, 'You Should Know', 'Wowe Gusa', 'Good Luck', 'Katira' yakoranye na Butera Knowless. Indirimbo aheruka gusohora yayise 'Made for you' yayikoze nk'impano yageneye abakundana.Â
Kuva atangiye umuziki, Ariel Wayz amaze gushyira hanze EP ebyiri zirimo Love & Lust yasohotse ku wa 10 Ukuboza 2021 ndetse na TTS (Touch The Sky) yo muri Nzeri 2022.
Minisitiri Nduhungirehe yatangaje ko yanyuzwe na Album ya Ariel Wayz, yumvikanisha ko uyu mukobwa afite impano ikomeyeÂ
Ariel Wayz yashimye Nduhungirehe ku bwo kumushyigikira akumva Album yeÂ
Ku wa 8 Werurwe 2025, nibwo Ariel Wayz yamuritse ku mugaragaro iyi Album ye
Uko kugihagarika byabasigiye icyizere ku bijyanye n'uko u Bufaransa busigaye bufata umunsi wahariwe kwibuka Jenoside yakorewe Abatutsi mu 1994, n'uburyo bwubaha amateka y'u Rwanda.
Ibi byavuzwe n'umwe mu Banyarwanda baba mu Bufaransa akaba n'Umunyamategeko ukorera muri icyo gihugu, Gisagara Richard, ubwo yaganiraga na RBA.
Ku wa 27 Werurwe 2025 ni bwo abashinzwe gutegura icyo gitaramo cy'umuhanzi Maître Gims, ukomoka muri Repubulika Iharanira Demokarasi ya Congo bari bateguye ku wa 07 Mata, batangaje ko gisubitswe.
Ni igitaramo cyari cyahujwe n'umunsi wo gutangira icyunamo cyo kwibuka ku nshuro ya 31 Jenoside yakorewe Abatutsi, ibyafashwe nk'uburyo bwo guhakana no gupfobya Jenoside yakorewe Abatutsi abantu bitwaje gukusanya inkunga.
Me Gisagara yavuze ko nubwo byabasabye ingufu kugira ngo iki gitaramo gihagarare, kuba byaremewe ubwabyo byerekana agaciro itariki ya 7 Mata imaze kugira mu Bufaransa.
Yagize ati 'Kuba baremeye guhagarika igitaramo cya Maître Gims, ni ibintu biduha icyizere cy'uko u Bufaransa muri iyi minsi bwatangiye guha amateka y'u Rwanda agaciro.'
Yakomeje avuga ko abo mu Bufaransa batangiye kumva ko Jenoside yakorewe Abatutsi ari ikintu kitagomba gukinishwa, 'itariki ya 07 Mata bumva ko igenewe kwibuka kandi igomba guhabwa agaciro nk'andi matariki akomeye hano mu Bufaransa.'
Akomeza avuga kuba iki igitaramo nk'iki cy'umuhanzi ukomeye nka Maître Gims, uturuka mu gihugu gikomeye kinafite amafaranga nka Congo, cyarahagaritswe, ukongeraho ko umubare w'Abanyarwanda ari muke mu Bufaransa ugereranyije n'uwa Abanye-Congo bahari, bigarura imbaraga mu Banyarwanda bari mu Bufaransa.
Itangazo ryo guhagarika igitaramo cya Maître Gims ryasohotse nyuma y'aho ku wa ya 25 Werurwe 2025, Meya wa Paris, Anne Hidalgo, yasabye Umuyobozi wa Polisi y'i Paris kugihagarika.
Yari ashingiye ku busabe bw'Abanyarwanda barimo Ambasaderi w'u Rwanda mu Bufaransa, François Nkulikiyimfura, bagaragaje ko gishobora kwifashishwa nk'urubuga rwo guhakaniramo Jenoside yakorewe Abatutsi.
Me Richard Gisagara yavuze ko ihagarikwa ry’igitaramo cya Maître Gims ryasigiye icyizere Abanyarwanda baba mu Bufaransa ku gaciro gahabwa umunsi wo Kwibuka
Nk'uko bisanzwe bigenda buri gihe ku mpera z'ukwezi, InyaRwanda ibagezaho indirimbo zakanyujijeho zigasusurutsa abanyarwanda muri rusange ndetse n'abakunzi b'umuziki wo mu Rwanda byumwihariko.
Ikigamijwe ni ugutanga umusanzu mu iterambere ry'umuziki no gufasha abadukurikira kuruhuka no kunogerwa n'impera z'ukwezi. Kuri iyi nshuro abahanzi batandukanye bakoze mu nganzo batanga ibihangano bishya.
Kuri ubu, abahanzi nyarwanda baba abakora umuziki usanzwe barimo n'abakizamuka ndetse n'abakora uwo kuramya no guhimbaza Imana bose bakoze mu nganzo.
Mu bahanzi bakoze mu nganzo indirimbo zabo zigakundwa cyane muri uku kwezi harimo itsinda ry'abaramyi Vestine & Dorcas, Element Eleéeh, Danny Nanone, Chryso Ndasingwa witeguye igitaramo cya Pasika kizaba kuwa 20 Mata 2025, Nel Ngabo, Diez Dola uri mu bari kuzamuka neza n'abandi.
Umuraperi Ish Kevin yashyize hanze indirimbo yise 'Rwanda' yahurijemo Abaraperi batandukanye barimo Bulldogg, Kivumbi King, B-Threy na Kid from Kigali, irimo ubutumwa bugenewe abanyamahanga bakomeje gufatira ibihano u Rwanda.
Uyu muraperi yatekereje gukora iyi ndirimbo nyuma yo kumva iyahuriwemo n'Abaraperi bo muri RDC batukaga u Rwanda n'abayobozi barwo.
Ish Kevin yavuze ko nta kindi yagendeyeho mu guhitamo abo bakorana iyi ndirimbo uretse kuba ari bo baganiriye bakumva neza igitekerezo cye. Iyi ndirimbo mu buryo bw'amajwi yakozwe na Ehlers afatanyije na Pro Zed mu gihe inonosorwa na Kush Beats.
Hari kandi iyitwa 'Gatatu,' indirimbo nshya y'abavandimwe Pamaa na Li John. Baba baririmba ukuntu abakobwa bamwe babeshya abasore ko babihebeye, bashaka kubakuramo amafaranga, mu gihe abadafite ifaranga baba babona barashobewe.
Iyi EP Dany Nanone yayise '112'. Danny Nanone yatangaje ko yakozweho n'abatunganya indirimbo barimo Pastor P, NizBeats na Loader.
Iyi EP iriho indirimbo zitandukanye zirimo iyo yise 'Amadosiye' yahuriyemo na Monk E., Kagurano Rwimo na Indatwa n'Abarerwa, ''So Far' yakoranye na Ella Rings, 'Ihame', 'Mosondyo, 'Nanone' n'iyo yise 'Ahazaza' yahuriyemo na Magna Romeo uri mu basore bagezweho.
Danny Nanone afatanyije na Ella Rings bafitanye n'amateka y'uko bose banyuranye mu ishuri ry'u Rwanda ry'umuziki, bakoze mu nganzo basohora indirimbo bise 'So far'. Iyi ndirimbo yasohokanye n'amashusho yayo mu buryo bw'amajwi yakozwe na Niz Beatz mu gihe amashusho yayo yo yafashwe anatunganywa na Fayzo.
Muri uku kwezi dusoje kandi, Nyuma y'imyaka irenga ine amaze atangiye umuziki nk'umwuga we, Ariel Wayz yasohoye album ya mbere yise 'Hear to stay' yagiye hanze ku wa 10 Werurwe 2025 nubwo yari amaze iminsi ayumvisha abakunzi be.
Ni album igizwe n'indirimbo 12 zirimo '3 in the morning' yakoranye n'uwitwa Kent Larkin, 'Urihe' yakoranye na Kivumbi King na 'Feel it' yakoranye na Angell Mutoni. Hariho kandi indirimbo yise 'Ariel & Wayz' aho avuga ko muri iyi ndirimbo Ariel aba kuganira na Wayz.
Usibye abashyize hanze Album, dore indirimbo 15 InyaRwanda yaguhitiyemo zafashije Abanyarwanda kuryoherwa n’ukwezi kwa Werurwe 2025:
Umuganda rusange usoza ukwezi kwa Werurwe 2025, Ubuyobozi bw'Akarere ka Kamonyi n'Abaturage bawukoreye ku Rwibutso rwa Jenoside yakorewe Abatutsi rw'Akarere ahazwi nko mu Kibuza. Witabiriwe kandi n'Abanyarwanda bize muri Korea y'Epfo ku nkunga ya KOICA. Abitabiriye umuganda bapimwe ku bushake indwara zitandukanye zitandura nka; Diabeti, Umuvuduko w'amaraso n'izindi.
Francine Andrew Saro, Umuyobozi wungirije w'Umuryango w'Abanyarwanda bize muri Korea ku nkunga ya KOICA, avuga ko kuza kwifatanya n'Abanyakamonyi mu gikorwa cy'Umuganda ndetse bakanapima indwara zitandura biri muri gahunda ngari uyu muryango ufite, aho Abanyarwanda bize hanze babitewe mo inkunga n'imiryango itandukanye ndetse n'Igihugu kibigizemo uruhare bafata umwanya wo kugaruka mu muryango bakabaha ku byiza bahawe, bijyanye n'ubumenyi barahuye.
Umuganda wakorewe ku rwibutso rwa Jenoside yakorewe Abatutsi rw'Akarere ka Kamonyi ahazwi nko Mukibuza.
Akomeza avuga ko muri aba bize muri Korea harimo n'abize Ubuganga ariyo mpamvu mu gikorwa cy'umuganda, babifashijwemo n'Ibitaro bya Remera Rukoma bapimye ku bushake kandi ku buntu indwara zitandura.
Francine Andrew Saro/KORAA( Koica Rwanda Alumni Association).
Saro, ahamya ko ari ngombwa cyane ko abo bose bafite ibyo bakesha Igihugu ndetse n'imiryango irimo nk'uyu w'Abanyakoreya(KOICA), badakwiye gusoza amasomo ngo bajye mu mirimo gusa, bibere iyo, ko ahubwo ari byiza kugaruka mu miryango bakabona ko abana babo, abavandimwe n'inshuti bahashye ubwenge n'Ubumenyi bifitiye umumaro Abanyarwanda bose.
Senateri mu nteko ishinga Amategeko y'u Rwanda, Mugisha Alexis witabiriye uyu muganda akaba ari nawe wari umushyitsi mukuru, yatanze urugero mu kujya kwipimisha ku bushake izi ndwara zitandura ahari hateguwe. Ahamya ko kumenya uko umuntu ahagaze kuri izi ndwara zitandura ari byiza cyane mu kwibungabungira ubuzima.
Akomeza agira ati' Amagara araseseka ntayorwa kandi kwirinda biruta kwivuza. Umuntu wese ushaka kubaho neza akwiriye kuba azi uko ubuzima bwe buhagaze, akamenya niba ari muzima cyangwa arwaye bityo agafata ingamba hakiri kare kuko iyo ukerewe Ubuzima bwo ntabwo bukererwa. Buragutungura bukaza bufite ibibazo byinshi kugira ngo uzabikemure bikagusaba byinshi cyangwa rimwe na rimwe bikaba byanakwanga ukabura ubuzima'.
Kwipimisha indwara zitandura byari ubushake kandi ari ubuntu.
Dr Jaribu Théogène, muganga akaba n'umuyobozi w'ibitaro bya Remera Rukoma wari mu muganda avuga ko indwara zitandura ari mbi cyane kuko benshi zibahitana ku bwo kuzikerensa, kutajya kwa muganga kuzipimisha. Ahamya ko abantu benshi bibwira ko umuntu ajya kwa muganga kuko yumva hari aho aribwa cyangwa se atiyumva neza mu mibiri.
Avuga kandi ko nyinshi muri izi ndwara zitinda kugaragaza ibimenyetso, ahubwo bikajya kugaragara umuntu zimugeze kure ku buryo hari n'abo zihitana bapimwa kwa muganga bagasanga nizo zibahitanye.
Dr Jaribu Théogène/Remera Rukoma.
Agira inama abantu bose mu byiciro byose babarizwamo, yaba abato ndetse n'abakuru guha agaciro Ubuzima bwabo, kujya kwa muganga kabone nubwo baba ntaho bumva bababara kugira ngo babapime. Ahamya ko iyo umenye uko uhagaze bigufasha kwimenya ukanamenya uko wirinda haba mu byo urya, unywa n'ibindi ukora mu buzima bwa buri munsi.
Dr Jaribu, asaba buri wese kutumva ko azajya kwa muganga kuko yumva umuriro cyangwa aribwa. Ati ' Abanyarwanda tumenyereye ko tujya kwivuza ari uko wagize umuriro, wababaye umutwe, ubabara mu nda, wananiwe kubyuka,â¦ariko akenshi izi ndwara zitangira buhoro buhoro zitakubabaza zikakwangiza umubiri, iyo utayivuje hakiri kare utarabona ibimenyetso bikomeye cyane, tujya kubibona kwa muganga umuntu zaramaze kwangiza umubiri we'. Akomeza asaba ko bidakwiye gutegereza kujya kwa muganga kubera utiyumva neza, ko ahubwo Kwirinda biruta kwivuza.
Dr Nahayo Sylvere/Meya Kamonyi.
Dr Nahayo Sylvere, Umuyobozi w'Akarere ka Kamonyi mu ijambo rye yashimiye KOICA ariko kandi by'umwihariko aba bize muri Korea bafashijwe nayo kuba baje kwifatanya n'Abanyakamonyi mu gikorwa cy'Umuganda usoza ukwezi kwa Werurwe bakanapima ku bushake indwara zitandura.
Mega Global Market yahembwe mu bihembo bitegurwa na Karisimbi Events bizwi nka 'Consumers Choice Awards'.
Umuyobozi Mukuru wa Mega Global Market, Dr. Francis Habumugisha, yishimiye iki gihembo ikigo abereye umuyobozi cyatwaye.
Yagize ati 'Ni umunezero mwinshi uyu munsi kuba ikigo cyacu cyatwaye igihembo gikomeye nk'iki. Gutanga serivisi nziza, ibicuruzwa byiza bikaba bituruka ku bunararibonye bw'imyaka 20 maze muri aka kazi ko gukwirakwiza inyunganiramirire.'
Dr. Francis Habumugisha yagaragaje ko mu byatumye iki kigo gihabwa iki gihembo harimo kuba giha serivisi nziza abakiliya. Ati 'Abakiliya ni abami, twabashyize imbere tubaha ibicuruzwa byiza kandi bikora neza nk'uko baba babishaka'.
Yakomeje avuga ko iyo wubashye umukiliya, ukora ibicuruzwa byiza ku buryo ibyo asoma byanditse inyuma ari byo azasanga imbere, icyo ashaka kuvura kigakira, niba ari vitamin ashaka akazibona neza.
Uyu muyobozi kandi yagaragaje ko bimwe mu bicuruzwa byabo byatumye iki kigo gishimwa n'abakiliya ndetse kigahabwa iki gihembo harimo nka 'Best Man Prime' ifasha abagabo kutarwara kanseri y'udusabo tw'intanga.
Harimo kandi 'Best Lady Care' ifasha abagore kuringaniza imisemburo, ikarinda nyababyeyi n'ubushake bwo gutera akabariro bukiyongera ku batabugira.
Izindi nyunganiramirire zafashije iki kigo kuganwa na benshi harimo 'Best Fish Oil, Best Fit & Detox Tea, Best X Power Coffee na Best Brain Booster' zikora ku mubiri wose.
Dr. Francis Habumugisha yakomeje avuga ko iki kigo kizakomeza guha abakiliya ibicuruzwa byiza kandi byizewe, ndetse anashimangira ko mu minsi iri mbere bazatangiza uruganda rukorera ibi bicuruzwa mu Rwanda.
Yasabye kandi ko abacuruzi bashaka gukorana na Mega Globla Market bakayihagararira hirya no hino mu gihugu, ko bayigana bagakorana mu buryo bworoshye, ndetse ashimangira ko iki kigo kirajwe inshinga no gukomeza guha abakigana ibicuruzwa byiza ku giciro cyiza.
Umuyobozi Mukuru wa Mega Global Market, Dr. Francis Habumugisha, yavuze ko impamvu bahize abandi ari uko baha agaciro umukiliya akwiye
Abakozi ba Mega Global Market baserutse mu myenda yera
Umuyobozi Mukuru wa Mega Global Market, Dr. Francis Habumugisha (wa gatatu) ari kumwe n’abandi batsinze mu bihembo bya 'Consumers Choice Awards' bitegurwa na Kalisimbi Events
Umuyobozi Mukuru wa Mega Global Market, Dr. Francis Habumugisha, mu bitabiriye ibihembo bya 'Consumers Choice Awards' bitegurwa na Kalisimbi Events
Dr. Francis Habumugisha yakira igihembo Mega Global Market yatsindiye
Mega Global Market ifasha n’abashaka gukorera mu Burayi
Abo bamotari bavuga ko kuba izindi sosiyete z'ubwishingizi zitemera kububaha basanga nta yandi mahitamo aba ahari uretse gukorana na sosiyete ya Radiant yonyine ibutanga ariko ko ibiciro bikomeza kuzamuka ugeranyije n'ibindi binyabiziga bagakekeka ko ibizamura uko ibyumva.
Umwe yagize ati 'Twibaza impamvu ari ikigo kimwe cyemerewe gutanga ubwishingizi kandi kikabuzamura uko cyishakiye bukaba buhenze kuko ari ikigo kimwe.'
Undi yagize ati 'Twifuza ko habamo n'izindi sosiyete z'ubwishingizi zikatwakira zakanatugabanyiriza ibiciro.'
Umukozi muri Radiant ushinzwe gukumira ibyateza ingorane, Abizeye Jean Damascène, yahakanye ibyavuzwe na bamwe ko hari amabwiriza agena ko iyo sosiyete ari yo yemerewe gutanga ubwishingizi yonyine kuko ibikora ku bushake bwayo kandi zindi zikuyemo ku bushake.
Gusa kuba abamotari bavuga ko buhenze cyane agaragaza ko biterwa no kuba moto ziri mu binyabiziga bikora impanuka cyane kandi nka sosiyete y'ubucuruzi iba igomba gukora idahomba.
Yagize ati 'Harimo ibibazo by'uko impanuka za moto ziba ari nyinshi kandi ikiguzi amasosoiyete y'ubwishingizi yishyura kuri zo ari amafaraga menshi cyane.'
Impuguke mu bukungu Straton Habyarimana yabwiye RBA ko mu gihe nta gikozwe mu kugabanya impanuka zikorwa na moto ubwishingizi bwazo buzakomeza kuzamuka ku buryo bamwe bashobora no kwikura muri ako kazi.
Yagize ati 'Uko abamotari bagenda badakurikiza amategeko y'umuhanda batigengesera bagakora impanuka mu buryo burimo akajagari ni byo bituma ibiciro by'ubwishingizi bizamuka.'
'Bitwaye neza mu muhanda ibyo byago n'impanuka bakora bikagabanuka ibiciro bishobora no kumanuka ariko mu gihe zikomeza kwiyongera ibiciro bizakomeza kuzamuka. Uzasanga kubera guhenda k'ubwishingizi bamwe mu bamotari bashobora kunanirwa bakikuramo.'
Banki Nkuru y'u Rwanda (BNR) iherutse kugaragaza ko ikiguzi cy'ubwshingizi bwa moto kiyongera bitewe n'uko buri mwaka impanuka ziyongera n'amafaranga ubwishingizi buzishyura akaba menshi. Gusa BNR ntigaragaza uko byagenda mu gihe na Radiant yahagarika guha abamotari ubwishingizi.
Imibare ya Radiant igaragaza ko moto 78.798 ari zo zifatamo ubwishingizi. Mu 2020 iyo sosiyete ivuga ko yishyuye miliyari 4.3 Frw ku mpanuka 3.890 za moto zari zabaye gusa mu mwaka ushize wa 2024 izo mpanuka zari zimaze kwikuba kabiri ziba 6.265 zishyurwa amafaranga asaga miliyari 14 Frw.
Ikiguzi cy'ubwishingizi bwa moto itarengeje imyaka itanu ikora kigeze ku bihumbi 182 Frw ku mwaka mu mu gihe mu myaka irindwi ishize cyari ku 45.000 Frw.
Polisi y'Igihugu igaragaza ko nibura buri munsi haba impanuka za moto zishobora kugera kuri 15 mu Gihugu hose, ndetse muri rusange moto n'amagare byihariye hejuru ya 50 by'impanuka zose ziba buri mwaka.
Abamotari barinubira ko mu Rwanda hari sosiyete imwe yonyine itanga ubwishingizi bwa moto
Ni amasezerano Seychelles igaragaza ko izungukiramo cyane mu kuzamura urwego rwayo rw'amagereza, bijyanye n'uko RCS imaze gutera imbere.
Ayo masezerano y'imikoranire yashyiriweho umukono i Kigali ku wa 31 Werurwe 2025, nka kimwe mu bigize uruzinduko itsinda ry'abayobozi ryaturutse muri Seychelles ryakoreye mu Rwanda.
Amasezerano yasinywe hagati y'Urwego rushinzwe Amagereza muri Seychelles rwari ruharagarariwe na Komiseri warwo, Janet Georges ndetse na RCS yari ihagarariwe na Komiseri Mukuru wayo, CG Murenzi Evariste.
RCS igaragaza ko ayo masezerano yasinywe akurikira guhura kw'abakuru b'ibihugu byombi kwabaye mu 2023 bagasinya amasezerano y'ubufatanye mu nzego zitandukanye.
Umuvugizi wa RCS, CSP Kubwimana Thérèse, yavuze ko SPS yakoreye urugendoshuri muri RCS muri Nzeri 2024 inyurwa cyane n'aho u Rwanda rugeze mu micungire y'amagororero bituma yiyemeza gufatanya na rwo kugira ngo irwigireho.
Yagize ati 'Muri Nzeri 2024 Komiseri yari yadusuye asura amagororero yacu areba aho tugeze mu buryo bwo kuyacunga, ubuzima bw'abantu bayarimo n'umutekano. Yifuje ko twabafasha kuko we yabonaga aho bageze ari inyuma yacu mu buryo bugaragara.'
CSP Kubwimana kandi yavuze ko muri Seychelles ubu bagikoresha uburyo bw'amagereza aho kuba amagororero ndetse ibyo bikaba ari kimwe mu byo RCS izabafasha bakareba uburyo na bo bakwimukira mu buryo bw'igorora.
Ayo masezerano yasinywe akubiyemo ingingo zinyuranye nko gufatanya mu gusangira ubumenyi mu bya tekiniki bujyanye n'igorora, kongerera ubushobozi abakozi no gukora imishinga ihuriweho.
Komiseri wa SPS, Janet Georges, yavuze ko hari byinshi Seychelles yakwigira ku Rwanda ariko by'umwihariko ku micungire y'amagororero kuko urwego ayoboye rurimo abakozi badahagije na bo bakeneye kongererwa ubushobozi, agaragaza ko ikibazo cy'abakozi bake iwabo kiri mu gihugu hose.
Ati 'Muri Seychelles dufite ibibazo byinshi byo kubura abakozi bitewe n'ikoreshwa ry'ibiyobyabwenge riri hejuru. Hano mu Rwanda gukoresha ibiyobyabwenge ntibiri ku kigero gikabije […], ariko muri Seychelles ho ibiyobyabwenge birakoreshwa ku kigero kiri hejuru, kandi byangiza umuryango mugari. Nibura 10% by'abaturage muri Seychelles baba bahanganye n'ingaruka z'ibiyobyabwenge.'
Mu Rwanda kugeza ubu hari amagororero 13 harimo rimwe rigenewe abana abari munsi y'imyaka 18.
Amasezerano yashyizweho umukono na Komiseri wa SPS, Janet Georges (ibumoso) ndetse na CG Murenzi Evaritse w'Urwego rw'u Rwanda rushizwe Igorora (RCS)
Komiseri wa SPS, Janet Georges, yavuze ko hari byinshi Seychelles yakwigira ku Rwanda by'umwihariko ku micungire y'amagororero
Ubwo Komiseri wa SPS, Janet Georges yari ageze ku Cyicaro Gikuru cya RCS ahasinyiwe amasezerano
 
 Prince Andrew nawe yashyinjwe mu nkiko na Virginia Giuffre avuga ko yamufashe ku ngufu 
Munyaneza Théogène
